စစ်သားတိုင်း စစ်မတိုက်ရသော်လည်း လိုအပ်ပါက တိုက်ပွဲဝင်နိုင်စွမ်းရှိအောင် လေ့ကျင့် ဆောင်ရွက်ကြရမည်ဟု စစ်ကောင်စီဥက္ကဋ္ဌ က စစ်သည်၊ မိသားစုများနှင့် တွေ့ဆုံရာတွင်ပြောကြားခဲ့

 756

ဟိန်း (NPNews) - ဇွန် ၁

စစ်သားတိုင်း စစ်မတိုက်ရသော်လည်း လိုအပ်ပါက တိုက်ပွဲဝင်နိုင်စွမ်းရှိအောင် လေ့ကျင့်ဆောင်ရွက်ကြရမည် ဖြစ်ကြောင်း စစ်ကောင်စီဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က မေလ ၃၁ ရက် ဘားအံခရီးစဉ်တွေ့ဆုံပွဲတွင် စစ်တပ်အကြီးအကဲများနှင့် ဘားအံတပ်နယ်မှ စစ်သည်၊ မိသားစုများသို့ ပြောကြားခဲ့သည်။

မဲစာရင်းကွဲလွဲချက်များနှင့် ပတ်သက်၍ တာဝန်ရှိသူများထံ အဆင့်ဆင့် တင်ပြခြင်း၊ ညှိနှိုင်းခြင်းများကို ဆောင်ရွက်ခဲ့သော်လည်း ဖြေရှင်းဆောင်ရွက်ပေးခြင်းမရှိသည့်အပြင် နိုင်ငံတော်၏ အာဏာကို အတင်းအဓမ္မရယူရန်ကြိုးပမ်းလာမှုကြောင့် ယခုအခြေအနေအထိ ရောက်ရှိခဲ့ရ ခြင်းဖြစ်သည့်ကို အရာရှိ၊ စစ်သည်များအနေဖြင့် သိရှိရမည် ဖြစ်ကြောင်းကိုလည်း စစ်ကောင်စီဥက္ကဋ္ဌက ပြောခဲ့သေးသည်။

“ အရာရှိ၊ စစ်သည်များအနေဖြင့် မည်သူတစ်ဦးတစ်ယောက်၏ တိုက်တွန်းချက် မျှမပါဘဲ တပ်မတော်တွင်းသို့ ဝင်ရောက်တာဝန်ထမ်းဆောင်ခဲ့သူများဖြစ်သည်နှင့် အညီ မိမိကိုယ်ကို သစ္စာရှိရမည်၊ မိမိတာဝန်ထမ်းဆောင် နေသည့်တပ်ကို သစ္စာရှိရမည်၊ မိမိတိုင်းပြည်အပေါ် သစ္စာစောင့်သိရမည် ” ဟု စစ်ကောင်စီဥက္ကဋ္ဌက အသိပေး ပြောကြားခဲ့သည်။

သင်တန်းကျောင်းများတွင် စစ်စည်းကမ်းကောင်းမွန်ရန် သင်ကြားပေးလိုက်ပြီး တပ်မတော် သားများအနေဖြင့် အရပ်ဘက်စည်းကမ်း၊ တပ်မတော်စည်းကမ်း နှစ်မျိုးလုံးကို လိုက်နာရသူများ ဖြစ်သည့်အတွက် စည်းကမ်းတကျလိုက်နာဆောင်ရွက်တက်သည့် အလေ့အကျင့်ကောင်းများကို ဆက်လက်ထိန်းသိမ်းသွားကြရန်လိုကြောင်း ပြောသည်။

Related news

© 2021. All rights reserved.