ရန်ကုန်တိုင်းမှ ကညနရုံးများ ပြန်လည်ပိတ်
1878
NP News - ဇူလိုင် ၁၄
ရန်ကုန်တိုင်းရှိ ကညနရုံးများကို ယနေ့ (ဇူလိုင်လ ၁၄ ရက်)မှစတင်ကာ ယာယီပိတ်လိုက်ပြီဖြစ်ကြောင်း ရန်ကုန်တိုင်း ကုန်းလမ်းပို့ဆောင်ရေးညွှန်ကြားမှုဦးစီးဌာနမှ သိရသည်။ COVID-19 ကပ်ရောဂါကြောင့် ရုံးလုပ်ငန်းဝန်ဆောင်မှုများ ခေတ္တရပ်ဆိုင်းလိုက်ခြင်းဖြစ်ပြီး ပြန်လည်ဖွင့်လှစ်မည့်ရက်ကို ထပ်မံကြေညာပေးသွားမည်ဖြစ်ကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာနမှ သိရသည်။
ထို့ပြင် ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုအဖွဲ့ (YRTC) ၏ Taxi မှတ်ပုံတင်နှင့် ကုန်စည်မှတ်ပုံတင်လုပ်ငန်းများကိုလည်း ဇူလိုင်လ ၁၅ ရက်မှစတင်ကာ ခေတ္တရပ် ဆိုင်မည်ဖြစ်ကြောင်း သိရသည်။
ကနဦးမော်တော်ယာဉ်မှတ်ပုံတင်ရုံးများဖြစ်သည့် ထောက်ကြန့်၊ ရွာသာကြီး၊ နေပြည်တော်၊ မန္တလေး ရုံးတို့ကို ၂ဝ၂ဝ ပြည့်နှစ် ဒီဇင်ဘာလ ၁ ရက်တွင် ပြန်လည်ဖွင့်လှစ်ခဲ့ပြီး မော်တော်ယာဉ်များ နှစ်လဲသက်တမ်းတိုးခြင်းလုပ်ငန်းအား ၂ဝ၂၁ ခုနှစ် မတ်လ ၂၂ ရက်မှစတင်ကာ ပြန်လည်လက်ခံဆောင်ရွက်ပေးခဲ့သည်။ သို့သော် ယာဉ် မောင်းလိုင်စင်ဖြေဆိုစစ်ဆေးခြင်းလုပ်ငန်း၊ ယာဉ်မောင်းလိုင်စင် မှတ်ပုံတင်ခြင်း ဆိုင်ရာလုပ်ငန်းတို့အား ဆက် လက်ဆိုင်းငံ့ထားကြောင်း သိရသည်။
#NPNews