လုံခြုံရေးတပ်ဖွဲ့ဝင် ၁၁ ဦးခန့်ကျဆုံးဟူသော နေပြည်တော်တိုက်ပွဲသတင်းသည် လုပ်စားသတင်းသာဖြစ် ကြောင်း စစ်ကောင်စီ တုန့်ပြန်
5197
NP News - စက်တင်ဘာ ၂
စစ်ကောင်စီလုံခြုံရေးတပ်ဖွဲ့ဝင် ၁၁ ဦးခန့် ကျဆုံးကြောင်း ထွက်ပေါ်လာသည့် နေပြည်တော်တိုက်ပွဲ သတင်း သည် လုပ်စားသတင်းသာဖြစ်သည်ဟု စစ်ကောင်စီသတင်းမှန်ပြန်ကြားရေးမှ ပြောရေးဆိုခွင့်ရှိသူတစ်ဦးက စက်တင်ဘာ ၂ ရက်နေ့တွင် ပြောသည်။
နေပြည်တော်၊ ပျဉ်းမနားမြို့နယ်၌ ဩဂုတ်လ ၃ဝ ရက်တွင် လုံခြုံရေးတပ်ဖွဲ့ဝင်များနှင့် နေပြည်တော် PDF များ ကြား တိုက်ပွဲဖြစ်ပွားခဲ့ကြောင်း လူမှုကွန်ယက်ပေါ်တွင် သတင်းများထွက်ပေါ်နေခြင်း ဖြစ်သည်။
အဆိုပါသတင်းနှင့်ပတ်သက်၍ စစ်ကောင်စီသို့ မေးမြန်းရာတွင် “နေပြည်တော်ဝန်းကျင်မှာ မည်သည့်ဖြစ်စဉ်မှ မရှိပါဘူး။ သတင်းလိမ်၊ သတင်းမှား၊ လုပ်စားသတင်းသာ ဖြစ်ပါတယ်။ နေပြည်တော်မှာ နေထိုင်တဲ့ ပြည်သူ လူထုကို စိုးရိမ်စိတ်ဖြစ်အောင်၊ နေပြည်တော်နယ်မြေတည်ငြိမ်အေးချမ်းနေတာကို ဖျက်ဆီးစေချင်တဲ့ မီဒီယာ အချို့ရဲ့လုပ်ဇာတ်ဖြစ်ပြီး မီဒီယာတွေကို သတင်းပေးတဲ့သူတွေကတော့ ဖြစ်စဉ်ဖြစ်ရပ်ပြပြီး ငွေလိမ်လည် တောင်းယူဖို့ပဲ ဖြစ်နိုင်ပါတယ် ” ဟု ပြန်ကြားရေးတာဝန်ရှိသူတစ်ဦးက ပြောသည်။
သို့သော် နေပြည်တော် PDF ၏ ထုတ်ပြန်ချက်တွင် ဩဂုတ်လ ၃ဝ ရက်၊ ညနေ ၄ နာရီနှင့် ၇ နာရီ အချိန်တို့တွင် စစ်ကောင်စီယာဉ်တန်းနှင့် ထိတွေ့မှုဖြစ်ပွားခဲ့ပြီး စစ်ကောင်စီဘက်မှ ၁၁ ဦးခန့်ကျဆုံးခဲ့သော်လည်း ယင်းတို့ဘက်မှ အကျအဆုံးမရှိဘဲ ဆုတ်ခွာနိုင်ခဲ့ကြောင်း၊ စစ်ကောင်စီအား ယခုကဲ့သို့ တိုက်ခိုက်မှုများ ဆက်လ က်ပြုလုပ်သွားမည်ဖြစ်ကြောင်းနှင့် ပြည်သူဘက်မှရပ်တည်လိုသည့် ပြည်သူ့စစ်သားများကိုလည်း ထိုက်သင့် သည့် ဆုကြေးငွေနှင့် လုံခြုံရေးဆိုင်ရာ အကူအညီများ ပေးသွားမည်ဖြစ်ကြောင်း ရေးသားဖော်ပြထားသည်။
#NPNews