ရုရှားတိုက်ခိုက်ရေးသမား ဘစ်ဒက်ချ်ကို ရှုံးနိမ့်သွားခဲ့တဲ့ အောင်လအန်ဆန်

 1506

ဂျန်ဇက် (NP News) - ဖေဖော်ဝါရီ ၂၅
ရုရှားတိုက်ခိုက်ရေးသမား ဗစ်တာလီဘစ်ဒက်ချ်ဟာ One Championship ချန်ပီယံဟောင်း အောင်လအန်ဆန်ကို အမှတ်နဲ့ အနိုင်ရသွားခဲ့ကြောင်းသိရပါတယ်။

ဘစ်ဒက်ချ်ဟာ အောင်လအန်ဆန်နဲ့ သုံးကြိမ်မြောက် ယှဉ်ပြိုင်ခဲ့ရာ နှစ်ကြိမ်မြောက်အနိုင်ရခဲ့တာဖြစ်ပါတယ်။ အသက် ၃၆ နှစ်အရွယ်ရှိ အောင်လအန်ဆန်နဲ့ အသက် ၃၇ နှစ်အရွယ်ရှိ ဘစ်ဒက်ချ်တို့ဟာ တတိယအကြိမ်မြောက် မကျေပွဲစဉ်မှာအကောင်းဆုံးပုံစံနဲ့ ယှဉ်ပြိုင်ဖို့ အပြင်းထန်ပြင်ဆင်လေ့ကျင့်ခဲ့ပြီး ယှဉ်ပြိုင်ခဲ့ခြင်းဖြစ်ပါတယ်။ ဘစ်ဒက်ချ်ဟာ အောင်လအန်ဆန်ရဲ့အားနည်းချက်ကို သိမြင်ထားတဲ့ဆိုတဲ့အတိုင်း
အောင်လအန်ဆန်ကို နပန်းတိုက်ခိုက်ရေး ချုပ်ကွက်နဲ့အနိုင်ယူဖို့ အဓိကထား ယှဉ်ပြိုင်အနိုင်ယူသွားခဲ့တာဖြစ်ပါတယ်။ ၅ မိနစ်သုံးချီ ထိုးသတ်ရတဲ့ပွဲစဉ်မှာ အောင်လအန်ဆန်ဟာ ပထမအချီစတင်ချိန်တည်းက လက်သီးထိုးချက်၊ခြေကန်ချက်တွေကိုအဓိကထား ယှဉ်ပြိုင်ခဲ့ပေမယ့် ဘစ်ဒက်ချ်ကတော့ အောင်လအန်ဆန်ရဲ့အားနည်းချက်ဖြစ်တဲ့ ချုပ်ကွက်နဲ့ အနိုင်ယူဖို့ အဓိကထား ကြိုးပမ်းသွားခဲ့ပါတယ်။ ဘစ်ဒက်ချ်ဟာပထမအချီ၊ ဒုတိယအချီနဲ့ တတိယအချီ သုံးချီစလုံးမှာ အောင်လအန်ဆန်ကို ချုပ်ကွက်နဲ့ အသာယူဖို့ ကြိုးပမ်းခဲ့ပြီး အောင်လအန်ဆန်ဟာ ဘစ်ဒက်ချ်ရဲ့ချုပ်ကွက်ကြောင့် မရှုံးနိမ့်အောင် ကြိုးပမ်းခဲ့ရပြီး ယှဉ်ထိုးသတ်ချိန်အနည်းငယ်သာ ရှိခဲ့ပါတယ်။အောင်လအန်ဆန်ဟာ ဘစ်ဒက်ချ်ကို ခွါထိုးသတ်ဖို့ ကြိုးပမ်းခဲ့ပေမယ့် ဘစ်ဒက်ချ်ကတော့ ခွာထိုးမခံဘဲ ချုပ်ကွက်နဲ့အသာယူဖို့ ကြိုးပမ်းခဲ့ပါတယ်။

သုံးချီ ပြီးဆုံးချိန်အထိ နှစ်ဦးစလုံးဟာ အလဲထိုးအနိုင်ယူနိုင်ခြင်းမရှိတဲ့အတွက် ဒိုင်အဆုံးဖြတ်ခံယူခဲ့ရာ ဘစ်ဒက်ချ်က အမှတ်နဲ့အနိုင်ရသွားခဲ့ပါတယ်။

Zawgyi Version
႐ုရွားတိုက္ခိုက္ေရးသမား ဘစ္ဒက္ခ်္ကို ရႈံးနိမ့္သြားခဲ့တဲ့ ေအာင္လအန္ဆန္
ဂ်န္ဇက္ (NP News) - ေဖေဖာ္၀ါရီ ၂၅
႐ုရွားတိုက္ခိုက္ေရးသမား ဗစ္တာလီဘစ္ဒက္ခ်္ဟာ One Championship ခ်န္ပီယံေဟာင္း ေအာင္လအန္ဆန္ကို အမွတ္နဲ႔ အႏိုင္ရသြားခဲ့ေၾကာင္းသိရပါတယ္။

ဘစ္ဒက္ခ်္ဟာ ေအာင္လအန္ဆန္နဲ႔ သုံးႀကိမ္ေျမာက္ ယွဥ္ၿပိဳင္ခဲ့ရာ ႏွစ္ႀကိမ္ေျမာက္အႏိုင္ရခဲ့တာျဖစ္ပါတယ္။ အသက္ ၃၆ ႏွစ္အ႐ြယ္ရွိ ေအာင္လအန္ဆန္နဲ႔ အသက္ ၃၇ ႏွစ္အ႐ြယ္ရွိ ဘစ္ဒက္ခ်္တို႔ဟာ တတိယအႀကိမ္ေျမာက္ မေက်ပြဲစဥ္မွာအေကာင္းဆုံးပုံစံနဲ႔ ယွဥ္ၿပိဳင္ဖို႔ အျပင္းထန္ျပင္ဆင္ေလ့က်င့္ခဲ့ၿပီး ယွဥ္ၿပိဳင္ခဲ့ျခင္းျဖစ္ပါတယ္။ ဘစ္ဒက္ခ်္ဟာ ေအာင္လအန္ဆန္ရဲ႕အားနည္းခ်က္ကို သိျမင္ထားတဲ့ဆိုတဲ့အတိုင္း
ေအာင္လအန္ဆန္ကို နပန္းတိုက္ခိုက္ေရး ခ်ဳပ္ကြက္နဲ႔အႏိုင္ယူဖို႔ အဓိကထား ယွဥ္ၿပိဳင္အႏိုင္ယူသြားခဲ့တာျဖစ္ပါတယ္။ ၅ မိနစ္သုံးခ်ီ ထိုးသတ္ရတဲ့ပြဲစဥ္မွာ ေအာင္လအန္ဆန္ဟာ ပထမအခ်ီစတင္ခ်ိန္တည္းက လက္သီးထိုးခ်က္၊ေျခကန္ခ်က္ေတြကိုအဓိကထား ယွဥ္ၿပိဳင္ခဲ့ေပမယ့္ ဘစ္ဒက္ခ်္ကေတာ့ ေအာင္လအန္ဆန္ရဲ႕အားနည္းခ်က္ျဖစ္တဲ့ ခ်ဳပ္ကြက္နဲ႔ အႏိုင္ယူဖို႔ အဓိကထား ႀကိဳးပမ္းသြားခဲ့ပါတယ္။ ဘစ္ဒက္ခ်္ဟာပထမအခ်ီ၊ ဒုတိယအခ်ီနဲ႔ တတိယအခ်ီ သုံးခ်ီစလုံးမွာ ေအာင္လအန္ဆန္ကို ခ်ဳပ္ကြက္နဲ႔ အသာယူဖို႔ ႀကိဳးပမ္းခဲ့ၿပီး ေအာင္လအန္ဆန္ဟာ ဘစ္ဒက္ခ်္ရဲ႕ခ်ဳပ္ကြက္ေၾကာင့္ မရွံုးနိမ့္ေအာင္ ႀကိဳးပမ္းခဲ့ရၿပီး ယွဥ္ထိုးသတ္ခ်ိန္အနည္းငယ္သာ ရွိခဲ့ပါတယ္။ေအာင္လအန္ဆန္ဟာ ဘစ္ဒက္ခ်္ကို ခြါထိုးသတ္ဖို႔ ႀကိဳးပမ္းခဲ့ေပမယ့္ ဘစ္ဒက္ခ်္ကေတာ့ ခြာထိုးမခံဘဲ ခ်ဳပ္ကြက္နဲ႔အသာယူဖို႔ ႀကိဳးပမ္းခဲ့ပါတယ္။

သုံးခ်ီ ၿပီးဆုံးခ်ိန္အထိ ႏွစ္ဦးစလုံးဟာ အလဲထိုးအႏိုင္ယူႏိုင္ျခင္းမရွိတဲ့အတြက္ ဒိုင္အဆုံးျဖတ္ခံယူခဲ့ရာ ဘစ္ဒက္ခ်္က အမွတ္နဲ႔အႏိုင္ရသြားခဲ့ပါတယ္။

Related news

© 2021. All rights reserved.