(၆)ဘီးကားပေါ်၌ နာနတ်သီးများဖြင့်အုပ်၍ သယ်ဆောင်လာသည့် ငွေကျပ် (၁)ဘီလျံကျော်တန်ဖိုးရှိ ဘိန်းဖြူများ ပြင်ဦးလွင်မြို့နယ်တွင်ဖမ်းမိ
662
ဟိန်း (NP News) - စက်တင်ဘာ ၂၄
မန္တလေးတိုင်းဒေသကြီး၊ ပြင်ဦးလွင်မြို့နယ်တွင် ၆ ဘီးကားပေါ်၌ နာနတ်သီးများဖြင့် အုပ်၍ သယ်ဆောင်လာသည့် ငွေကျပ် (၁) ဘီလျံကျော်တန်ဖိုးရှိ ဘိန်းဖြူများ ဖမ်းမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့၏ ထုတ်ပြန်ချက်အရ သိရသည်။
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် စက်တင်ဘာလ ၂၂ ရက်၊ မွန်းလွဲ ၁ နာရီခန့်အချိန်တွင် အဆိုပါ မော်တော်ယာဉ်အား ဖမ်းမိခဲ့ခြင်းဖြစ်သည်။
ဖြစ်စဉ်မှာ မန္တလေးတိုင်းဒေသကြီး၊ ပြင်ဦးလွင်မြို့နယ်၊ ပြင်ဦးလွင်- မန္တလေးသွားကားလမ်း၊ အောင်ချမ်းသာ ကျေးရွာအနီးတွင် မိုးကုတ်မှ ပြင်ဦးလွင်ဘက်သို့ ထွန်းနိုင်ဦး(ခ) ထွန်းနိုင်မောင်းနှင်ပြီး လှမြင့်လိုက်ပါလာသည့် Canter ၆ ဘီး မော်တော်ယာဉ်အား သတင်းအရရှာဖွေရာမှ ယာဉ်ပေါ်တွင် နာနတ်သီးများဖြင့် ဖုံးအုပ်သယ်ဆောင်လာသည့် ဒေသကာလတန်ဖိုးငွေကျပ် ၁ ဒသမ ၁ ဘီလျံတန်ဖိုးရှိ ဘိန်းဖြူ ၄၄ ကီလို သိမ်းဆည်းရမိခဲ့ကြောင်း ထုတ်ပြန်ချက်တွင် ဖော်ပြထားသည်။
ဆက်လက်၍ စစ်ဆေးချက်အရ မွန်းလွဲ ၂ နာရီခန့်အချိန်တွင် ပြင်ဦးလွင်မြို့နယ်၊ အောင်ချမ်းသာကျေးရွာ၌ ဘိန်းဖြူများ သယ်ဆောင်ရာ၌ ပူးပေါင်းပါဝင်သူ မခင်အေးဝိုင်း(ခ) ခင်ဝိုင်းအား ထပ်မံဖမ်းဆီးရမိခဲ့ကြောင်း၊ စစ်ဆေးဖော်ထုတ်ချက်အရ သိမ်းဆည်းရမိ ဘိန်းဖြူများအား ရှမ်းပြည်နယ်(မြောက်ပိုင်း)မှ မန္တလေးတိုင်း ဒေသကြီးသို့ သယ်ဆောင်ခြင်းဖြစ်ကြောင်း သိရသည်။
ပြီးခဲ့သည့် စက်တင်ဘာလ ၂ဝ ရက်တွင်လည်း မူဆယ်မြို့နယ်၊ မိုင်းယုကျေးရွာအနီး၊ လားရှိုး- မူဆယ်သွားကားလမ်းတွင် LANDCRUISER အမျိုးအစား မော်တော်ယာဉ်ပေါ်မှ သိုဝှက်သယ်ဆောင်လာသည့် ဘိန်းဖြူ အလေးချိန် ၂.၂ ကီလို(ဒေသကာလပေါက်ဈေးတန်ဖိုးငွေကျပ် သိန်း ၃၃ဝ) သိမ်းဆည်းရမိခဲ့သေးကြောင်း သိရသည်။
zawgyi version
(၆)ဘီးကားေပၚ၌ နာနတ္သီးမ်ားျဖင့္အုပ္၍ သယ္ေဆာင္လာသည့္ ေငြက်ပ္ (၁)ဘီလ်ံေက်ာ္တန္ဖိုးရွိ ဘိန္းျဖဴမ်ား ျပင္ဦးလြင္ၿမိဳ႕နယ္တြင္ဖမ္းမိ
ဟိန္း (NP News) - စက္တင္ဘာ ၂၄
မႏၲေလးတိုင္းေဒသႀကီး၊ ျပင္ဦးလြင္ၿမိဳ႕နယ္တြင္ ၆ ဘီးကားေပၚ၌ နာနတ္သီးမ်ားျဖင့္ အုပ္၍ သယ္ေဆာင္လာသည့္ ေငြက်ပ္ (၁) ဘီလ်ံေက်ာ္တန္ဖိုးရွိ ဘိန္းျဖဴမ်ား ဖမ္းမိခဲ့ေၾကာင္း မူးယစ္ေဆးဝါးတားဆီးႏွိမ္နင္းေရးရဲတပ္ဖြဲ႕၏ ထုတ္ျပန္ခ်က္အရ သိရသည္။
မူးယစ္ေဆးဝါးတားဆီးႏွိမ္နင္းေရးရဲတပ္ဖြဲ႕မွ တပ္ဖြဲ႕ဝင္မ်ားပါဝင္ေသာ ပူးေပါင္းအဖြဲ႕သည္ စက္တင္ဘာလ ၂၂ ရက္၊ မြန္းလြဲ ၁ နာရီခန႔္အခ်ိန္တြင္ အဆိုပါ ေမာ္ေတာ္ယာဥ္အား ဖမ္းမိခဲ့ျခင္းျဖစ္သည္။
ျဖစ္စဥ္မွာ မႏၲေလးတိုင္းေဒသႀကီး၊ ျပင္ဦးလြင္ၿမိဳ႕နယ္၊ ျပင္ဦးလြင္- မႏၲေလးသြားကားလမ္း၊ ေအာင္ခ်မ္းသာ ေက်း႐ြာအနီးတြင္ မိုးကုတ္မွ ျပင္ဦးလြင္ဘက္သို႔ ထြန္းႏိုင္ဦး(ခ) ထြန္းႏိုင္ေမာင္းႏွင္ၿပီး လွျမင့္လိုက္ပါလာသည့္ Canter ၆ ဘီး ေမာ္ေတာ္ယာဥ္အား သတင္းအရရွာေဖြရာမွ ယာဥ္ေပၚတြင္ နာနတ္သီးမ်ားျဖင့္ ဖုံးအုပ္သယ္ေဆာင္လာသည့္ ေဒသကာလတန္ဖိုးေငြက်ပ္ ၁ ဒသမ ၁ ဘီလ်ံတန္ဖိုးရွိ ဘိန္းျဖဴ ၄၄ ကီလို သိမ္းဆည္းရမိခဲ့ေၾကာင္း ထုတ္ျပန္ခ်က္တြင္ ေဖာ္ျပထားသည္။
ဆက္လက္၍ စစ္ေဆးခ်က္အရ မြန္းလြဲ ၂ နာရီခန႔္အခ်ိန္တြင္ ျပင္ဦးလြင္ၿမိဳ႕နယ္၊ ေအာင္ခ်မ္းသာေက်း႐ြာ၌ ဘိန္းျဖဴမ်ား သယ္ေဆာင္ရာ၌ ပူးေပါင္းပါဝင္သူ မခင္ေအးဝိုင္း(ခ) ခင္ဝိုင္းအား ထပ္မံဖမ္းဆီးရမိခဲ့ေၾကာင္း၊ စစ္ေဆးေဖာ္ထုတ္ခ်က္အရ သိမ္းဆည္းရမိ ဘိန္းျဖဴမ်ားအား ရွမ္းျပည္နယ္(ေျမာက္ပိုင္း)မွ မႏၲေလးတိုင္း ေဒသႀကီးသို႔ သယ္ေဆာင္ျခင္းျဖစ္ေၾကာင္း သိရသည္။
ၿပီးခဲ့သည့္ စက္တင္ဘာလ ၂ဝ ရက္တြင္လည္း မူဆယ္ၿမိဳ႕နယ္၊ မိုင္းယုေက်း႐ြာအနီး၊ လားရႈိး- မူဆယ္သြားကားလမ္းတြင္ LANDCRUISER အမ်ိဳးအစား ေမာ္ေတာ္ယာဥ္ေပၚမွ သိုဝွက္သယ္ေဆာင္လာသည့္ ဘိန္းျဖဴ အေလးခ်ိန္ ၂.၂ ကီလို(ေဒသကာလေပါက္ေဈးတန္ဖိုးေငြက်ပ္ သိန္း ၃၃ဝ) သိမ္းဆည္းရမိခဲ့ေသးေၾကာင္း သိရသည္။