ညောင်လေးပင်မြို့နယ်ရှိ ကျေးလက်ဒေသဖွံဖြိုးရေးတံတား မိုင်းခွဲဖျက်ဆီးခံရ
2288
Pearl (NP News) - ဇွန် ၁ဝ
ပဲခူးတိုင်း (အရှေ့ခြမ်း)၊ ညောင်လေးပင်မြို့နယ်ရှိ ကျေးလက်ဒေသဖွံဖြိုးရေးတံတား မိုင်းခွဲဖျက်ဆီးခံခဲ့ရကြောင်း ဒေသခံသတင်းအရင်းအမြစ်မှ NP News ကိုပြောသည်။
ဖြစ်စဉ်မှာ ယနေ့ (ဇွန်လ ၁ဝ ရက်) ၊ နံနက် (၆)နာရီခွဲအချိန်ခန့်တွင် ညောင်လေးပင်မြိုနယ်၊ ဂွေးကုန်းကျေးရွာအုပ်စု၊ ကောက်မယ်သူကျေးရွာအနီးရှိ ရေဖြူကန်-ချုံအင်း-ဒလဆိပ်လမ်းပေါ်တွင်ဖြစ်ပွားခဲ့ကြောင်း သိရသည်။
အဆိုပါလမ်းပေါ်ရှိ အရှည်(၁၁ဝ)ပေ၊ အကျယ်(၁၄)ရှိသော ကျေးလက်ဒေသဖွံဖြိုးရေးတံတားအား KNU/PDF အဖွဲ့များမှ မိုင်းခွဲဖျက်ဆီးခဲ့ကြောင်း သိရသည်။
"တံတားမိုင်းခွဲခံရတဲ့ဖြစ်စဉ်က ဟုတ်ပါတယ်။ အဲဒီတံတားက ဂွေးကုန်းကျေးရွာနဲ့ ကောက်မယ်သူကျေး ရွာကို ဆက်သွယ်ထားတဲ့ တံတားတစ်ခုလည်းဖြစ်တယ်။ မိုင်းခွဲဖျက်ဆီးခံရတာကြောင့် တံတားရဲ့ သုံးပုံတစ်ပုံလောက်က ပျက်စီးသွားခဲ့တယ်"ဟု အထက်ပါ သတင်းအရင်းအမြစ်မှ NP News ကိုပြောသည်။
မိုင်းခွဲဖျက်ဆီးခံရမှုကြောင့် တံတားပြိုကျပျက်စီးသွားခဲ့ပြီး လက်ရှိတွင် ဒေသခံပြည်သူများ ဖြတ်သန်းသွားလာ၍ မရတော့ကြောင်း သိရသည်။
အလားတူ ပြီးခဲ့သည့် ဇွန်လ (၆)ရက်ကလည်း PDF ပူးပေါင်းအဖွဲ့သည် နတ်သံကွင်း-စစ်တောင်းမြစ်ကူးတံတား၌ လုံခြုံရေးယူနေသည့်အဖွဲ့ကိုလာရောက်တိုက်ခိုက်ခဲ့ပြီးနောက် တံတားအားဖျက်ဆီးခဲ့မှုကြောင့် မြစ်ကူးတံတား (၆၅) ပေခန့် ပြိုကျပျက်စီးသွားခဲ့သည့် ဖြစ်စဉ်ဖြစ်ပွားခဲ့သည်။
လက်ရှိတွင် ပဲခူးတိုင်း(အရှေ့ခြမ်း)၌ တိုက်ပွဲများဖြစ်ပွားနေသည့်အပြင် တံတားများမိုင်းခွဲဖျက်ဆီးခံရမှုသည် ဆက်တိုက်ဖြစ်ပေါ်လာနေပြီး ညောင်လေးပင်မြို့နယ်၊ ကျောက်ကြီးမြို့နယ်နှင့် ထန်းတပင်မြို့ နယ်များတွင် ပြီးခဲ့သည့် မေလ(၁)ရက်မှစ၍ ယနေ့ (ဇွန်လ ၁ဝ ရက်)အထိ မိုင်းခွဲဖျက်ဆီးခံခဲ့ရသော တံတား (၈)စင်းထက် မနည်းရှိကြောင်း သိရသည်။
zawgyi version
ေညာင္ေလးပင္ၿမိဳ႕နယ္ရွိ ေက်းလက္ေဒသဖြံၿဖိဳးေရးတံတား မိုင္းခြဲဖ်က္ဆီးခံရ
Pearl (NP News) - ဇြန္ ၁ဝ
ပဲခူးတိုင္း (အေရွ႕ျခမ္း)၊ ေညာင္ေလးပင္ၿမိဳ႕နယ္ရွိ ေက်းလက္ေဒသဖြံၿဖိဳးေရးတံတား မိုင္းခြဲဖ်က္ဆီးခံခဲ့ရေၾကာင္း ေဒသခံသတင္းအရင္းအျမစ္မွ NP News ကိုေျပာသည္။
ျဖစ္စဥ္မွာ ယေန႔ (ဇြန္လ ၁ဝ ရက္) ၊ နံနက္ (၆)နာရီခြဲအခ်ိန္ခန႔္တြင္ ေညာင္ေလးပင္ၿမိဳနယ္၊ ေဂြးကုန္းေက်း႐ြာအုပ္စု၊ ေကာက္မယ္သူေက်း႐ြာအနီးရွိ ေရျဖဴကန္-ခ်ဳံအင္း-ဒလဆိပ္လမ္းေပၚတြင္ျဖစ္ပြားခဲ့ေၾကာင္း သိရသည္။
အဆိုပါလမ္းေပၚရွိ အရွည္(၁၁ဝ)ေပ၊ အက်ယ္(၁၄)ရွိေသာ ေက်းလက္ေဒသဖြံၿဖိဳးေရးတံတားအား KNU/PDF အဖြဲ႕မ်ားမွ မိုင္းခြဲဖ်က္ဆီးခဲ့ေၾကာင္း သိရသည္။
"တံတားမိုင္းခြဲခံရတဲ့ျဖစ္စဥ္က ဟုတ္ပါတယ္။ အဲဒီတံတားက ေဂြးကုန္းေက်း႐ြာနဲ႔ ေကာက္မယ္သူေက်း ႐ြာကို ဆက္သြယ္ထားတဲ့ တံတားတစ္ခုလည္းျဖစ္တယ္။ မိုင္းခြဲဖ်က္ဆီးခံရတာေၾကာင့္ တံတားရဲ႕ သုံးပုံတစ္ပုံေလာက္က ပ်က္စီးသြားခဲ့တယ္"ဟု အထက္ပါ သတင္းအရင္းအျမစ္မွ NP News ကိုေျပာသည္။
မိုင္းခြဲဖ်က္ဆီးခံရမႈေၾကာင့္ တံတားၿပိဳက်ပ်က္စီးသြားခဲ့ၿပီး လက္ရွိတြင္ ေဒသခံျပည္သူမ်ား ျဖတ္သန္းသြားလာ၍ မရေတာ့ေၾကာင္း သိရသည္။
အလားတူ ၿပီးခဲ့သည့္ ဇြန္လ (၆)ရက္ကလည္း PDF ပူးေပါင္းအဖြဲ႕သည္ နတ္သံကြင္း-စစ္ေတာင္းျမစ္ကူးတံတား၌ လုံၿခဳံေရးယူေနသည့္အဖြဲ႕ကိုလာေရာက္တိုက္ခိုက္ခဲ့ၿပီးေနာက္ တံတားအားဖ်က္ဆီးခဲ့မႈေၾကာင့္ ျမစ္ကူးတံတား (၆၅) ေပခန႔္ ၿပိဳက်ပ်က္စီးသြားခဲ့သည့္ ျဖစ္စဥ္ျဖစ္ပြားခဲ့သည္။
လက္ရွိတြင္ ပဲခူးတိုင္း(အေရွ႕ျခမ္း)၌ တိုက္ပြဲမ်ားျဖစ္ပြားေနသည့္အျပင္ တံတားမ်ားမိုင္းခြဲဖ်က္ဆီးခံရမႈသည္ ဆက္တိုက္ျဖစ္ေပၚလာေနၿပီး ေညာင္ေလးပင္ၿမိဳ႕နယ္၊ ေက်ာက္ႀကီးၿမိဳ႕နယ္ႏွင့္ ထန္းတပင္ၿမိဳ႕ နယ္မ်ားတြင္ ၿပီးခဲ့သည့္ ေမလ(၁)ရက္မွစ၍ ယေန႔ (ဇြန္လ ၁ဝ ရက္)အထိ မိုင္းခြဲဖ်က္ဆီးခံခဲ့ရေသာ တံတား (၈)စင္းထက္ မနည္းရွိေၾကာင္း သိရသည္။