ပြင်ဦးလွင်-မန္တလေးအဆင်းလမ်းတွင် ကား(၃)စီး လမ်းချော်တိမ်းမှောက်ခဲ့ရာ လူ(၁၈)ဦး ထိခိုက်ဒဏ်ရာရ
11021
သန့်ဇင် (NP News) - မေ ၁၉
မန္တလေးတိုင်းဒေသကြီး၊ ပြင်ဦးလွင်မြို့နယ်၊ ပြင်ဦးလွင်-မန္တလေးအဆင်းလမ်းတွင် ကား(၃)စီး စလစ်ဖြစ်ပြီး တိမ်းမှောက်ခဲ့ရာ လူ(၁၈)ဦး ထိခိုက်ဒဏ်ရာရရှိခဲ့ကြောင်း သန္တိသုခ လူမှုကူညီရေးအသင်းထံမှ သိရသည်။
ယာဉ်တိမ်းမှောက်မှုသည် ယမန်နေ့(မေ ၁၈ ရက်) ညနေ ၇ နာရီ ၅ဝ မိနစ်အချိန်တွင် ပြင်ဦးလွင်မြို့နယ်၊ နယ်မြေ(၃)၊ ပြင်စာ၊ ပြင်ဦးလွင်-မန္တလေး(အဆင်းလမ်း)၊ ပြင်စာဈေးတန်းအနီး၌ ဖြစ်ပွားခဲ့ခြင်းဖြစ်ကြောင်း သိရသည်။
“ကားက မိုးရွာလို့ စလစ်ဖြစ်ပြီး မှောက်သွားတာ။ ရှေ့ဆုံးကမှောက်တဲ့ကားက တွဲကားပေါ့။ အဲဒီနောက်မှာ ကား(၁)စီး ထပ်မှောက်တယ်။ အဲဒီကားက Canter (၁၀)ပေကားပါ။ Light Truck ကားကလည်း မှောက်နေတဲ့ တွဲကားကိုပဲ အရှိန်မထိန်းနိုင်ဖြစ်ပြီး ထပ်တိုက်ပြီး မှောက်တယ်။ ဒဏ်ရာရတဲ့လူတွေလည်း များတယ်” ဟု သန္တိသုခလူမှုကူညီရေးအသင်းမှ တာဝန်ရှိသူတစ်ဦးက NP News ကို ပြောသည်။
အဆိုပါယာဉ်တိမ်းမှောက်မှုဖြစ်စဉ်တွင် အမျိုးသား(၇)ဦးနှင့် အမျိုးသမီး(၁၁)ဦး စုစုပေါင်းလူ(၁၈)ဦး ထိခိုက်ဒဏ်ရာများရရှိခဲ့ကြောင်း သိရသည်။
“ဒီဖြစ်စဉ်မှာတော့ ကျွန်တော်တို့က လူနာ(၁၂)ဦးကို ခေါ်ပြီး ဆေးရုံပို့ပေးလိုက်တယ်။ အဲဒီနားလေးက မိုးရွာရင် လမ်းချောနေတော့ ကားတွေ သတိထားပြီးမောင်းရတယ်” ဟု ၎င်းက ဆက်ပြောသည်။
ထိခိုက်ဒဏ်ရာရရှိသူများကို သန္တိသုခလူမှူကူညီရေးအသင်းနှင့် ရွှေမြင်သာလူမှုကူညီရေးအသင်းတို့ ပြင်ဦးလွင် မြို့နယ်ပြည်သူ့ဆေးရုံသို့ ပို့ဆောင်ကူညီပေးခဲ့ကြောင်း သိရသည်။
ပြီးခဲ့သည့် မေလ ၇ ရက်တွင်လည်း ပြင်ဦးလွင်မြို့၊ မြို့ရှောင်လမ်း၊ ထင်းရှူးတောအနီး၌ HIJET ကားတစ်စီး တွဲကား နှင့် ချိတ်မိတိမ်းမှောက် ခဲ့ရာ လူငယ်(၃)ဦး ပွဲချင်းပြီးသေဆုံးသွားခဲ့သည့် ဖြစ်စဉ်ဖြစ်ပွားခဲ့ဖူးသည်။
Zawgyi Version;
ျပင္ဦးလြင္-မႏၲေလးအဆင္းလမ္းတြင္ ကား(၃)စီး လမ္းေခ်ာ္တိမ္းေမွာက္ခဲ့ရာ လူ(၁၈)ဦး ထိခိုက္ဒဏ္ရာရ
သန႔္ဇင္ (NP News) - ေမ ၁၉
မႏၲေလးတိုင္းေဒသႀကီး၊ ျပင္ဦးလြင္ၿမိဳ႕နယ္၊ ျပင္ဦးလြင္-မႏၲေလးအဆင္းလမ္းတြင္ ကား(၃)စီး စလစ္ျဖစ္ၿပီး တိမ္းေမွာက္ခဲ့ရာ လူ(၁၈)ဦး ထိခိုက္ဒဏ္ရာရရွိခဲ့ေၾကာင္း သႏၲိသုခ လူမႈကူညီေရးအသင္းထံမွ သိရသည္။
ယာဥ္တိမ္းေမွာက္မႈသည္ ယမန္ေန႔(ေမ ၁၈ ရက္) ညေန ၇ နာရီ ၅ဝ မိနစ္အခ်ိန္တြင္ ျပင္ဦးလြင္ၿမိဳ႕နယ္၊ နယ္ေျမ(၃)၊ ျပင္စာ၊ ျပင္ဦးလြင္-မႏၲေလး(အဆင္းလမ္း)၊ ျပင္စာေဈးတန္းအနီး၌ ျဖစ္ပြားခဲ့ျခင္းျဖစ္ေၾကာင္း သိရသည္။
“ကားက မိုး႐ြာလို႔ စလစ္ျဖစ္ၿပီး ေမွာက္သြားတာ။ ေရွ႕ဆုံးကေမွာက္တဲ့ကားက တြဲကားေပါ့။ အဲဒီေနာက္မွာ ကား(၁)စီး ထပ္ေမွာက္တယ္။ အဲဒီကားက Canter (၁၀)ေပကားပါ။ Light Truck ကားကလည္း ေမွာက္ေနတဲ့ တြဲကားကိုပဲ အရွိန္မထိန္းႏိုင္ျဖစ္ၿပီး ထပ္တိုက္ၿပီး ေမွာက္တယ္။ ဒဏ္ရာရတဲ့လူေတြလည္း မ်ားတယ္” ဟု သႏၲိသုခလူမႈကူညီေရးအသင္းမွ တာဝန္ရွိသူတစ္ဦးက NP News ကို ေျပာသည္။
အဆိုပါယာဥ္တိမ္းေမွာက္မႈျဖစ္စဥ္တြင္ အမ်ိဳးသား(၇)ဦးႏွင့္ အမ်ိဳးသမီး(၁၁)ဦး စုစုေပါင္းလူ(၁၈)ဦး ထိခိုက္ဒဏ္ရာမ်ားရရွိခဲ့ေၾကာင္း သိရသည္။
“ဒီျဖစ္စဥ္မွာေတာ့ ကြၽန္ေတာ္တို႔က လူနာ(၁၂)ဦးကို ေခၚၿပီး ေဆး႐ုံပို႔ေပးလိုက္တယ္။ အဲဒီနားေလးက မိုး႐ြာရင္ လမ္းေခ်ာေနေတာ့ ကားေတြ သတိထားၿပီးေမာင္းရတယ္” ဟု ၎က ဆက္ေျပာသည္။
ထိခိုက္ဒဏ္ရာရရွိသူမ်ားကို သႏၲိသုခလူမႉကူညီေရးအသင္းႏွင့္ ေ႐ႊျမင္သာလူမႈကူညီေရးအသင္းတို႔ ျပင္ဦးလြင္ ၿမိဳ႕နယ္ျပည္သူ႔ေဆး႐ုံသို႔ ပို႔ေဆာင္ကူညီေပးခဲ့ေၾကာင္း သိရသည္။
ၿပီးခဲ့သည့္ ေမလ ၇ ရက္တြင္လည္း ျပင္ဦးလြင္ၿမိဳ႕၊ ၿမိဳ႕ေရွာင္လမ္း၊ ထင္းရႉးေတာအနီး၌ HIJET ကားတစ္စီး တြဲကား ႏွင့္ ခ်ိတ္မိတိမ္းေမွာက္ ခဲ့ရာ လူငယ္(၃)ဦး ပြဲခ်င္းၿပီးေသဆုံးသြားခဲ့သည့္ ျဖစ္စဥ္ျဖစ္ပြားခဲ့ဖူးသည္။