ရွှေတိဂုံစေတီတော်ကြီး၏ ဗုဒ္ဓပူဇနိယ တပေါင်းပွဲတော်ကို (၁၀) ရက်တိုင် ကျင်းပပူဇော်မည်

 695

NP News မတ်လ (၁)

ရွှေတိဂုံစေတီတော်မြတ်ကြီး၏ (၂၆၁၃)နှစ်မြောက် ဗုဒ္ဓပူဇနိယ တပေါင်းပွဲတော်ကို (၁၀) ရက်တိုင် ကျင်းပပူဇော်သွားမည်ဖြစ်ကြောင်း ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့ထံမှ သိရသည်။

အဆိုပါ ဗုဒ္ဓပူဇနိယ တပေါင်းပွဲတော်ဖွင့်ပွဲကို မတ်လ ၄ ရက်တွင်ကျင်းပမည်ဖြစ်ပြီး ယင်းနေ့နံနက် ၉ နာရီမှစ၍ တပေါင်းလပြည့်နေ့ဖြစ်တဲ့ မတ်လ(၁၃)ရက်နေ့ နံနက် ၉ နာရီအထိ သံဃာတော် (၁၂၀)ပါးတို့က နာရီပေါင်း ၂၁၆ နာရီတိုင်တိုင် အသံမစဲ မဟာပဋ္ဌာန်းရွတ်ဖတ်ပူဇော်ကြမှာဖြစ်ကြောင်းသိရသည်။

ထို့အပြင် မတ်လ ၁၂ ရက် ညနေ(၄)နာရီတွင် ရွှေတိဂုံစေတီတော် ဘဏ္ဍာတော်ထိန်း ဂေါပကအဖွဲ့၏ ဩဝါဒါစရိယ ဆရာတော်ကြီးများနှင့် ပင့်သံဃာ (၁၂၁)ပါး၊ သီလရှင် (၂၇) ပါး၊ စုစုပေါင်း (၁၄၈) ပါးတို့အား ရှေးဟောင်း ဗုဒ္ဓရုပ်ပွားတော်များ တန်ဆောင်းစုရပ်မှစ၍ ရင်ပြင်တော်လက်ယာရစ်တစ်ပတ် ဆွမ်းဆန်တော် လောင်းလှူခြင်းကိုပါ ပြုလုပ်မည်ဖြစ်ကြောင်း သိရသည်။

တပေါင်းလပြည့်နေ့ (မတ်လ ၁၃ရက်နေ့)နံနက် (၅)နာရီတွင်လည်း ရင်ပြင်တော် အောင်မြေ၌ ဆွမ်းတော်ကြီးဆက်ကပ်လှူဒါန်းခြင်း၊ နံနက် (၉)နာရီတွင် ချမ်းသာကြီးတန်ဆောင်း၌ ဗုဒ္ဓပူဇနိယ တပေါင်းပွဲတော်ပိတ်ပွဲ (အောင်ပွဲ)နှင့် ရေစက်ချအခမ်းအနားကျင်းပခြင်းများ ဆောင်ရွက်သွားမည် ဖြစ်ကြောင်း လည်း ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့ထံမှ သိရသည်။

Zawgyi Version:
ေ႐ႊတိဂုံေစတီေတာ္ႀကီး၏ ဗုဒၶပူဇနိယ တေပါင္းပြဲေတာ္ကို (၁၀) ရက္တိုင္ က်င္းပပူေဇာ္မည္

NP News မတ္လ (၁)

ေ႐ႊတိဂုံေစတီေတာ္ျမတ္ႀကီး၏ (၂၆၁၃)ႏွစ္ေျမာက္ ဗုဒၶပူဇနိယ တေပါင္းပြဲေတာ္ကို (၁၀) ရက္တိုင္ က်င္းပပူေဇာ္သြားမည္ျဖစ္ေၾကာင္း ေ႐ႊတိဂုံေစတီေတာ္ဘ႑ာေတာ္ထိန္းေဂါပကအဖြဲ႕ထံမွ သိရသည္။

အဆိုပါ ဗုဒၶပူဇနိယ တေပါင္းပြဲေတာ္ဖြင့္ပြဲကို မတ္လ ၄ ရက္တြင္က်င္းပမည္ျဖစ္ၿပီး ယင္းေန႔နံနက္ ၉ နာရီမွစ၍ တေပါင္းလျပည့္ေန႔ျဖစ္တဲ့ မတ္လ(၁၃)ရက္ေန႔ နံနက္ ၉ နာရီအထိ သံဃာေတာ္ (၁၂၀)ပါးတို႔က နာရီေပါင္း ၂၁၆ နာရီတိုင္တိုင္ အသံမစဲ မဟာပ႒ာန္း႐ြတ္ဖတ္ပူေဇာ္ၾကမွာျဖစ္ေၾကာင္းသိရသည္။

ထို႔အျပင္ မတ္လ ၁၂ ရက္ ညေန(၄)နာရီတြင္ ေ႐ႊတိဂုံေစတီေတာ္ ဘ႑ာေတာ္ထိန္း ေဂါပကအဖြဲ႕၏ ဩဝါဒါစရိယ ဆရာေတာ္ႀကီးမ်ားႏွင့္ ပင့္သံဃာ (၁၂၁)ပါး၊ သီလရွင္ (၂၇) ပါး၊ စုစုေပါင္း (၁၄၈) ပါးတို႔အား ေရွးေဟာင္း ဗုဒၶ႐ုပ္ပြားေတာ္မ်ား တန္ေဆာင္းစုရပ္မွစ၍ ရင္ျပင္ေတာ္လက္ယာရစ္တစ္ပတ္ ဆြမ္းဆန္ေတာ္ ေလာင္းလႉျခင္းကိုပါ ျပဳလုပ္မည္ျဖစ္ေၾကာင္း သိရသည္။

တေပါင္းလျပည့္ေန႔ (မတ္လ ၁၃ရက္ေန႔)နံနက္ (၅)နာရီတြင္လည္း ရင္ျပင္ေတာ္ ေအာင္ေျမ၌ ဆြမ္းေတာ္ႀကီးဆက္ကပ္လႉဒါန္းျခင္း၊ နံနက္ (၉)နာရီတြင္ ခ်မ္းသာႀကီးတန္ေဆာင္း၌ ဗုဒၶပူဇနိယ တေပါင္းပြဲေတာ္ပိတ္ပြဲ (ေအာင္ပြဲ)ႏွင့္ ေရစက္ခ်အခမ္းအနားက်င္းပျခင္းမ်ား ေဆာင္႐ြက္သြားမည္ ျဖစ္ေၾကာင္း လည္း ေ႐ႊတိဂုံေစတီေတာ္ဘ႑ာေတာ္ထိန္းေဂါပကအဖြဲ႕ထံမွ သိရသည္။

Related news

© 2021. All rights reserved.