ဥပဒေကြမ်း ကန့်ကွက်ခံရမှုကို အရွဲ့တိုက်သည့်အနေဖြင့် ခေါင်းမြီးခြုံဝတ်ဆင်လာ သည့် လွှတ်တော်အမတ်ကြောင့် ပါလီမန်တစ်ခုလုံး ဒေါပွကြ
969
HtayOung ((NP News) နိုဝင်ဘာ-၃၀
သြစတြေးလျ အမျိုးသမီးလွှတ်တော်အမတ်တစ်ဦးဟာ သူ တင်သွင်းတဲ့ ဥပဒေကြမ်း ကန့်ကွက်ခံရတာကို အ ရွဲ့တိုက်တဲ့အနေနဲ့ “ဘူခါးရ်” ခေါ် မွတ်စလင်ရိုးရာ ခေါင်းမြီးခြုံအဝတ်အစား ဝတ်ဆင်ပြီး ပါလီမန်တက် ရောက် လာခဲ့ကြောင်း၊ ဒီအတွက် ပါလီမန်မှာ ဒေါသတကြီး ကန့်ကွက်မှုများဖြစ်ပေါ်ခဲ့ရတယ်လို့ “အယ်လ်ဂျားဇီး ယား” (24 November 2025) က ရေးပါတယ်။
ပေါ်လင်းဟန်ဆန် အမည်ရှိ အမျိုးသမီး လွှတ်တော်အမတ်ဟာ သြစတြေးလျ လူဝင်မှုကြီးကြပ်ရေး မူဝါဒကို ဆန့်ကျင်ကန့်ကွက်နေတဲ့ လက်ယာစွန်း “ဝမ်း နေးရှင်းပါတီ” ခေါင်းဆောင်ဖြစ်ပါတယ်။ သူတင်သွင်းတဲ့ “မွတ် စလင်ဘာသာဝင်များ ရိုးရာဝတ်စုံနဲ့ အများပြည်သူရှေ့မှောက် မျက်နှာကို ဖုံးကွယ်ထားခြင်းမှ တားဆီး ရေး” ဥပဒေကြမ်းကို သြစတြေးလျ အထက်လွှတ်တော်က ပယ်ချခဲ့ပြီးနောက် ယခုကဲ့သို့ ပြုမူခြင်းဖြစ်ကြောင်း၊ ၂၀၁၇-ကလည်း အလားတူ ပြုလုပ်ခဲ့ဖူးကြောင်း သိရှိရပါတယ်။
အထက်လွှတ်တော် ခန်းမအတွင်း ခေါင်းမြီးခြုံဝတ်စုံနဲ့ ဝင်ရောက်လာတဲ့ ဟန်ဆန်ကို အခြားလွှတ်တော်အမတ် အတော်များများက ချက်ချင်းဆိုသလို ယမ်းပုံမီးကျဖြစ်သွားကြပြီး ပါလီမန်ဒီမိုကရေစီတိုင်းပြည်ရဲ့ လွှတ်တော် မှာ လူမျိုးရေးခွဲခြားမှုနဲ့ အစ္စလာမ်မုန်းတီးမှု “နိုင်ငံရေးစတန့်ထွင်ခြင်း” ဖြစ်တယ်လို့ စွပ်စွဲခဲ့ကြပါတယ်။
ဟန်ဆန်က အဝတ်အစားကို ချွတ်ပစ်ရန် ငြင်းဆန်တဲ့အတွက် ပါလီမန်ရဲ့ လုပ်ငန်းစဉ်များ ရပ်ဆိုင်းသွားရပါ တယ်။ ဝတ်စားဆင်ယင်မှု သင်္ကေတဟာ အထက်လွှတ်တော်အမတ်များရဲ့ ကိုယ်ပိုင် ရွေးချယ်မှုဖြစ်နိုင်ပေမယ့် လူမျိုးရေးခွဲခြားမှုဟာ အထက်လွှတ်တော်ရဲ့ ရွေးချယ်စရာ အခွင့်အလမ်းတစ်ခု မဖြစ်သင့်ဘူးလို့ အထက် လွှတ် တော် အမျိုးသမီး အမတ်တစ်ဦးဖြစ်သူ “မဲရိန်း ဖာရွတ်” က ပြောပါတယ်။ သူဟာ သြစတြေးလျ ပတ်ဝန်းကျင် ထိန်းသိမ်းရေး-လူမှုရေး တရားမျှတမှုနဲ့ ရွေးကောက်ပွဲစနစ် ပြုပြင်ပြောင်းလဲရေး “ဂရင်းပါတီ” ဒုတိယ ဥက္ကဌ ဖြစ်ပြီး အထက်လွှတ်တော်ရဲ့ ပထမဆုံး မွတ်စလင်ဘာသာဝင် ပါကစ္စတန်နွယ်ဖွားအမျိုးသမီး ဖြစ်ပါတယ်။ ဒီလုပ်ရပ်ဟာ လွှတ်တော်အမတ်တစ်ယောက်က လူမျိုးရေး ခွဲခြားသူနဲ့ အစ္စလာမ်ဘာသာ မုန်းတီးသူ ဖြစ် ကြောင်း ဗြောင်ကျကျ ပြသရာ ရောက်တယ်လို့ ပြောပါတယ်။
အခြား မွတ်စလင်ဘာသာဝင် အာဖဂန်နွယ်ဖွား တစ်သီးပုဂ္ဂလ အမျိုးသမီးအမတ်တစ်ဦးဖြစ်သူ “ဖာတီမာ ပေး မန်” ကတော့ ဒီလုပ်ရပ်ဟာ ရှက်စရာကောင်းပြီး အစ္စလာမ်ဘာသာဝင် သြစတြေးလျများကို မလေးမစားပြုရာ ရောက်ရှိတယ်လို့ မှတ်ချက်ပေးပါတယ်။
အထက်လွှတ်တော် ဥက္ကဌ အမျိုးသမီးအမတ်တစ်ဦးဖြစ်သူ “ပင်နီ ဝေါင်း” ကလည်း ဟန်ဆန်ရဲ့ လုပ်ရပ်ဟာ ပါလီမန်အမတ်တစ်ဦးအဖြစ် ထိုက်တန်ခြင်း မရှိကြောင်း စွပ်စွဲလိုက်ပြီး အထက်လွှတ်တော်အမတ်အဖြစ်မှ ဆိုင်းငံ့ရန် အဆိုတင်သွင်းလိုက်ပါတယ်။ မလေးရှားနွယ်ဖွား အသက် ၅၇-နှစ်အရွယ် ပင်နီဝေါင်းဟာ ယခင် သြစတြေးလျ အစိုးရ ဘဏ္ဍာရေးဝန်ကြီး- ရာသီဥတုပြောင်းလဲမှုဆိုင်ရာဝန်ကြီး စသဖြင့် တာဝန်များကို ထမ်း ဆောင်ခဲ့ပြီး လက်ရှိလေဘာပါတီအစိုးရ နိုင်ငံခြားရေးဝန်ကြီးဖြစ်ပါတယ်။
ကွင်းစ်လန်းပြည်နယ် ကိုယ်စားပြု ပေါ်လင်းဟန်ဆန် (အသက် ၇၂-နှစ်) ဟာ အာရှမှ ရွှေ့ပြောင်းနေထိုင်သူ များနဲ့ ခိုလှုံခွင့်တောင်းခံသူများအပေါ် ပြင်းထန်စွာ ဆန့်ကျင်မှုကြောင့် ၁၉၉၀ ပြည့်လွန်နှစ်များမှာ စတင် ထင် ရှားလာခဲ့သူဖြစ်ပါတယ်။ ဝမ်းနေရှင်းပါတီရဲ့ ရွေးကောက်ခံရမှုဟာ လွန်ခဲ့တဲ့ မေလ အထွေထွေရွေးကောက်ပွဲ မှာ နှစ်ဆတိုးလာပြီး အထက်လွှတ်တော်အမတ် လေးနေရာ ရရှိထားခြင်းက လက်ယာအစွန်းရောက် အစီအ စဉ်များအပေါ် သြစတြေးလျ မဲဆန္ဒရှင်များရဲ့ လူထုထောက်ခံမှုမြင့်တက်လာခြင်းကို ညွှန်ပြနေပါတယ်။
ပေါ်လင်းဟန်ဆန်ကတော့ သူ့လုပ်ရပ်ဟာ သူတို့အဆိုပြုထားတဲ့ ဥပဒေကြမ်းကို ငြင်းပယ်တဲ့အတွက် ကန့် ကွက်ခြင်း ဖြစ်ကြောင်း၊ အမျိုးသမီးတို့အပေါ် နှိပ်စက်ညှဉ်းပန်းမှုနဲ့ အမျိုးသားလုံခြုံရေးအတွက် အန္တရာယ်ရှိမှုကို မီးမောင်းထိုးပြဖို့ ဝတ်စားခဲ့ခြင်းဖြစ်ကြောင်း သူ့ရဲ့ Facebook စာမျက်နှာမှာ ရေးသားပါတယ်။
.
((ပါလီမန်ဒီမိုကရေစီစနစ် ကျင့်သုံးပုံချင်း တူညီကြသည့်တိုင် အင်္ဂလိပ်ဘာသာစကားပြာ ဖွံ့ဖြိုးပြီး ကမ္ဘာ့နိုင်ငံကြီး ၅-နိုင်ငံအနက် ဗြိတိန်မှ လွဲလျင် ကျန် အမေရိကန်-ကနေဒါ-သြစတြေးလျ-နယူးဇီလန်တို့မှာ ကမ္ဘာ့အရပ်ရပ်မှ ယဉ်ကျေးမှုပေါင်းစုံ-လူမျိူးစုပေါင်းစုံတို့ စုစည်းနေထိုင်ရာ တိုင်းပြည်များဖြစ်ပါတယ်။ ဒါပေမယ့် ကနေဒါ-သြစ တြေးလျ-နယူးဇီလန်မှာ ဥရောပနွယ်ဖွား လူဖြူ ၇၀-၇၁% ခန့်နေထိုင်ပြီး အမေရိကန်မှာ ၅၈% ခန့်ရှိပါတယ်။ ကနေဒါလူဦးရေ ၄-ဦးလျင် ၁-ဦးမှာ နိုင်ငံရပ်ခြား မွေးဖွား သူများဖြစ်နေပါတယ်။ အမေရိကန်မှာတော့ ဒေသခံ အင်ဒီယန်းလူနီများ ဖယ်ရှားခံရခြင်းနဲ့ အတ္တလန်တိတ်သ မုဒ္ဒရာဖြတ်ကျော် ကျွန်ကုန်ကူးစနစ် ထွန်းကားခဲ့ခြင်း ကြောင့် ပိုမိုနက်ရှိုင်းတဲ့ လူမျိုးရေးဆိုင်ရာ ပဋိပက္ခများနဲ့ သမိုင်းဒဏ်ရာဒဏ်ချက်များ ရှိနေပါတယ်။))
Zawgyi Version:
ဥပေဒၾကမ္း ကန႔္ကြက္ခံရမႈကို အ႐ြဲ႕တိုက္သည့္အေနျဖင့္ ေခါင္းၿမီးၿခဳံဝတ္ဆင္လာ သည့္ လႊတ္ေတာ္အမတ္ေၾကာင့္ ပါလီမန္တစ္ခုလုံး ေဒါပြၾက
HtayOung ((NP News) ႏိုဝင္ဘာ-၃၀
ၾသစေၾတးလ် အမ်ိဳးသမီးလႊတ္ေတာ္အမတ္တစ္ဦးဟာ သူ တင္သြင္းတဲ့ ဥပေဒၾကမ္း ကန႔္ကြက္ခံရတာကို အ ႐ြဲ႕တိုက္တဲ့အေနနဲ႔ “ဘူခါးရ္” ေခၚ မြတ္စလင္႐ိုးရာ ေခါင္းၿမီးၿခဳံအဝတ္အစား ဝတ္ဆင္ၿပီး ပါလီမန္တက္ ေရာက္ လာခဲ့ေၾကာင္း၊ ဒီအတြက္ ပါလီမန္မွာ ေဒါသတႀကီး ကန႔္ကြက္မႈမ်ားျဖစ္ေပၚခဲ့ရတယ္လို႔ “အယ္လ္ဂ်ားဇီး ယား” (24 November 2025) က ေရးပါတယ္။
ေပၚလင္းဟန္ဆန္ အမည္ရွိ အမ်ိဳးသမီး လႊတ္ေတာ္အမတ္ဟာ ၾသစေၾတးလ် လူဝင္မႈႀကီးၾကပ္ေရး မူဝါဒကို ဆန႔္က်င္ကန႔္ကြက္ေနတဲ့ လက္ယာစြန္း “ဝမ္း ေနးရွင္းပါတီ” ေခါင္းေဆာင္ျဖစ္ပါတယ္။ သူတင္သြင္းတဲ့ “မြတ္ စလင္ဘာသာဝင္မ်ား ႐ိုးရာဝတ္စုံနဲ႔ အမ်ားျပည္သူေရွ႕ေမွာက္ မ်က္ႏွာကို ဖုံးကြယ္ထားျခင္းမွ တားဆီး ေရး” ဥပေဒၾကမ္းကို ၾသစေၾတးလ် အထက္လႊတ္ေတာ္က ပယ္ခ်ခဲ့ၿပီးေနာက္ ယခုကဲ့သို႔ ျပဳမူျခင္းျဖစ္ေၾကာင္း၊ ၂၀၁၇-ကလည္း အလားတူ ျပဳလုပ္ခဲ့ဖူးေၾကာင္း သိရွိရပါတယ္။
အထက္လႊတ္ေတာ္ ခန္းမအတြင္း ေခါင္းၿမီးၿခဳံဝတ္စုံနဲ႔ ဝင္ေရာက္လာတဲ့ ဟန္ဆန္ကို အျခားလႊတ္ေတာ္အမတ္ အေတာ္မ်ားမ်ားက ခ်က္ခ်င္းဆိုသလို ယမ္းပုံမီးက်ျဖစ္သြားၾကၿပီး ပါလီမန္ဒီမိုကေရစီတိုင္းျပည္ရဲ႕ လႊတ္ေတာ္ မွာ လူမ်ိဳးေရးခြဲျခားမႈနဲ႔ အစၥလာမ္မုန္းတီးမႈ “ႏိုင္ငံေရးစတန႔္ထြင္ျခင္း” ျဖစ္တယ္လို႔ စြပ္စြဲခဲ့ၾကပါတယ္။
ဟန္ဆန္က အဝတ္အစားကို ခြၽတ္ပစ္ရန္ ျငင္းဆန္တဲ့အတြက္ ပါလီမန္ရဲ႕ လုပ္ငန္းစဥ္မ်ား ရပ္ဆိုင္းသြားရပါ တယ္။ ဝတ္စားဆင္ယင္မႈ သေကၤတဟာ အထက္လႊတ္ေတာ္အမတ္မ်ားရဲ႕ ကိုယ္ပိုင္ ေ႐ြးခ်ယ္မႈျဖစ္ႏိုင္ေပမယ့္ လူမ်ိဳးေရးခြဲျခားမႈဟာ အထက္လႊတ္ေတာ္ရဲ႕ ေ႐ြးခ်ယ္စရာ အခြင့္အလမ္းတစ္ခု မျဖစ္သင့္ဘူးလို႔ အထက္ လႊတ္ ေတာ္ အမ်ိဳးသမီး အမတ္တစ္ဦးျဖစ္သူ “မဲရိန္း ဖာ႐ြတ္” က ေျပာပါတယ္။ သူဟာ ၾသစေၾတးလ် ပတ္ဝန္းက်င္ ထိန္းသိမ္းေရး-လူမႈေရး တရားမွ်တမႈနဲ႔ ေ႐ြးေကာက္ပြဲစနစ္ ျပဳျပင္ေျပာင္းလဲေရး “ဂရင္းပါတီ” ဒုတိယ ဥကၠဌ ျဖစ္ၿပီး အထက္လႊတ္ေတာ္ရဲ႕ ပထမဆုံး မြတ္စလင္ဘာသာဝင္ ပါကစၥတန္ႏြယ္ဖြားအမ်ိဳးသမီး ျဖစ္ပါတယ္။ ဒီလုပ္ရပ္ဟာ လႊတ္ေတာ္အမတ္တစ္ေယာက္က လူမ်ိဳးေရး ခြဲျခားသူနဲ႔ အစၥလာမ္ဘာသာ မုန္းတီးသူ ျဖစ္ ေၾကာင္း ေျဗာင္က်က် ျပသရာ ေရာက္တယ္လို႔ ေျပာပါတယ္။
အျခား မြတ္စလင္ဘာသာဝင္ အာဖဂန္ႏြယ္ဖြား တစ္သီးပုဂၢလ အမ်ိဳးသမီးအမတ္တစ္ဦးျဖစ္သူ “ဖာတီမာ ေပး မန္” ကေတာ့ ဒီလုပ္ရပ္ဟာ ရွက္စရာေကာင္းၿပီး အစၥလာမ္ဘာသာဝင္ ၾသစေၾတးလ်မ်ားကို မေလးမစားျပဳရာ ေရာက္ရွိတယ္လို႔ မွတ္ခ်က္ေပးပါတယ္။
အထက္လႊတ္ေတာ္ ဥကၠဌ အမ်ိဳးသမီးအမတ္တစ္ဦးျဖစ္သူ “ပင္နီ ေဝါင္း” ကလည္း ဟန္ဆန္ရဲ႕ လုပ္ရပ္ဟာ ပါလီမန္အမတ္တစ္ဦးအျဖစ္ ထိုက္တန္ျခင္း မရွိေၾကာင္း စြပ္စြဲလိုက္ၿပီး အထက္လႊတ္ေတာ္အမတ္အျဖစ္မွ ဆိုင္းငံ့ရန္ အဆိုတင္သြင္းလိုက္ပါတယ္။ မေလးရွားႏြယ္ဖြား အသက္ ၅၇-ႏွစ္အ႐ြယ္ ပင္နီေဝါင္းဟာ ယခင္ ၾသစေၾတးလ် အစိုးရ ဘ႑ာေရးဝန္ႀကီး- ရာသီဥတုေျပာင္းလဲမႈဆိုင္ရာဝန္ႀကီး စသျဖင့္ တာဝန္မ်ားကို ထမ္း ေဆာင္ခဲ့ၿပီး လက္ရွိေလဘာပါတီအစိုးရ ႏိုင္ငံျခားေရးဝန္ႀကီးျဖစ္ပါတယ္။
ကြင္းစ္လန္းျပည္နယ္ ကိုယ္စားျပဳ ေပၚလင္းဟန္ဆန္ (အသက္ ၇၂-ႏွစ္) ဟာ အာရွမွ ေ႐ႊ႕ေျပာင္းေနထိုင္သူ မ်ားနဲ႔ ခိုလႈံခြင့္ေတာင္းခံသူမ်ားအေပၚ ျပင္းထန္စြာ ဆန႔္က်င္မႈေၾကာင့္ ၁၉၉၀ ျပည့္လြန္ႏွစ္မ်ားမွာ စတင္ ထင္ ရွားလာခဲ့သူျဖစ္ပါတယ္။ ဝမ္းေနရွင္းပါတီရဲ႕ ေ႐ြးေကာက္ခံရမႈဟာ လြန္ခဲ့တဲ့ ေမလ အေထြေထြေ႐ြးေကာက္ပြဲ မွာ ႏွစ္ဆတိုးလာၿပီး အထက္လႊတ္ေတာ္အမတ္ ေလးေနရာ ရရွိထားျခင္းက လက္ယာအစြန္းေရာက္ အစီအ စဥ္မ်ားအေပၚ ၾသစေၾတးလ် မဲဆႏၵရွင္မ်ားရဲ႕ လူထုေထာက္ခံမႈျမင့္တက္လာျခင္းကို ၫႊန္ျပေနပါတယ္။
ေပၚလင္းဟန္ဆန္ကေတာ့ သူ႔လုပ္ရပ္ဟာ သူတို႔အဆိုျပဳထားတဲ့ ဥပေဒၾကမ္းကို ျငင္းပယ္တဲ့အတြက္ ကန႔္ ကြက္ျခင္း ျဖစ္ေၾကာင္း၊ အမ်ိဳးသမီးတို႔အေပၚ ႏွိပ္စက္ညႇဥ္းပန္းမႈနဲ႔ အမ်ိဳးသားလုံၿခဳံေရးအတြက္ အႏၲရာယ္ရွိမႈကို မီးေမာင္းထိုးျပဖို႔ ဝတ္စားခဲ့ျခင္းျဖစ္ေၾကာင္း သူ႔ရဲ႕ Facebook စာမ်က္ႏွာမွာ ေရးသားပါတယ္။
.
((ပါလီမန္ဒီမိုကေရစီစနစ္ က်င့္သုံးပုံခ်င္း တူညီၾကသည့္တိုင္ အဂၤလိပ္ဘာသာစကားျပာ ဖြံ႕ၿဖိဳးၿပီး ကမာၻ႔ႏိုင္ငံႀကီး ၅-ႏိုင္ငံအနက္ ၿဗိတိန္မွ လြဲလ်င္ က်န္ အေမရိကန္-ကေနဒါ-ၾသစေၾတးလ်-နယူးဇီလန္တို႔မွာ ကမာၻ႔အရပ္ရပ္မွ ယဥ္ေက်းမႈေပါင္းစုံ-လူမ်ိဴးစုေပါင္းစုံတို႔ စုစည္းေနထိုင္ရာ တိုင္းျပည္မ်ားျဖစ္ပါတယ္။ ဒါေပမယ့္ ကေနဒါ-ၾသစ ေၾတးလ်-နယူးဇီလန္မွာ ဥေရာပႏြယ္ဖြား လူျဖဴ ၇၀-၇၁% ခန႔္ေနထိုင္ၿပီး အေမရိကန္မွာ ၅၈% ခန႔္ရွိပါတယ္။ ကေနဒါလူဦးေရ ၄-ဦးလ်င္ ၁-ဦးမွာ ႏိုင္ငံရပ္ျခား ေမြးဖြား သူမ်ားျဖစ္ေနပါတယ္။ အေမရိကန္မွာေတာ့ ေဒသခံ အင္ဒီယန္းလူနီမ်ား ဖယ္ရွားခံရျခင္းနဲ႔ အတၱလန္တိတ္သ မုဒၵရာျဖတ္ေက်ာ္ ကြၽန္ကုန္ကူးစနစ္ ထြန္းကားခဲ့ျခင္း ေၾကာင့္ ပိုမိုနက္ရႈိင္းတဲ့ လူမ်ိဳးေရးဆိုင္ရာ ပဋိပကၡမ်ားနဲ႔ သမိုင္းဒဏ္ရာဒဏ္ခ်က္မ်ား ရွိေနပါတယ္။))