အွန်လိုင်းငွေလိမ်ဂိုဏ်းခေါင်းဆောင် ချန်ကျီကို ကမ္ဘောဒီးယား ဖမ်းဆီးပြီး တရုတ်ထံ လွှဲပြောင်းပေး
3130
ALynn (NP news)- ဇန်နဝါရီ ၈
ကမ္ဘောဒီးယားနိုင်ငံအခြေစိုက် အွန်လိုင်းငွေလိမ်ဂိုဏ်းကွန်ရက်တစ်ခုကို ဦးစီးလုပ်ကိုင်နေမှုဖြင့် အမေရိကန်က လိမ်လည်မှု၊ ငွေကြေးခဝါချမှုများဖြင့် တရားစွဲဆိုထားသည့် တရုတ်နွယ်ဖွား စီးပွားရေးလုပ်ငန်းရှင် ချန်ကျီ ကို ဖမ်းဆီးရမိခဲ့ပြီး တရုတ်နိုင်ငံသို့ လွှဲပြောင်းပေးလိုက်ပြီဖြစ်ကြောင်း ကမ္ဘောဒီးယားအာဏာပိုင်များက ထုတ်ဖော် ပြောကြားလာခဲ့သည်။
ချန်ကျီသည် Prince Group ဟုခေါ်သော နိုင်ငံစုံကုမ္ပဏီကြီးကို တည်ထောင်ခဲ့သူဖြစ်ပြီး အဆိုပါကုမ္ပဏီသည် အာရှ၏ အကြီးဆုံး နယ်စပ်ဖြတ်ကျော် ရာဇဝတ်ဂိုဏ်းကြီးတစ်ခုအတွက် အကာအကွယ်ပေးထားသည့် လုပ်ငန်းတစ်ခုအဖြစ် လုပ်ဆောင်နေခြင်းဖြစ်ကြောင်း အမေရိကန် တရားရေးဌာနက စွပ်စွဲထားသည်။
ထိုကဲ့သို့ အမေရိကန်၏ တရားစွဲဆိုမှုများ၊ ဝါရှင်တန်နှင့် လန်ဒန်တို့၏ ပိတ်ဆို့အရေးယူမှုများ ထွက်ပေါ်လာပြီးနောက်ပိုင်းတွင် ဥရောပ၊ အမေရိကန်နှင့် အာရှတစ်လွှားရှိ အာဏာပိုင်များသည် ချန်ကျီ၏ Prince Holding Group ကုမ္ပဏီကို ပစ်မှတ်ထားကာ ပိုင်ဆိုင်မှုများကို သိမ်းဆည်းခဲ့ကြသည်။
ကမ္ဘောဒီးယားအာဏာပိုင်များသည် ချန်ကျီ၊ ရှုကျီလျန် နှင့် ရှောက်ကျီဟွေ အမည်ရှိ တရုတ်နိုင်ငံသား သုံးဦးကို ဖမ်းဆီးခဲ့ပြီး တရုတ်နိုင်ငံသို့ လွှဲပြောင်းပေးခဲ့ကြောင်း ကမ္ဘောဒီးယား ပြည်ထဲရေးဝန်ကြီးဌာနက ဗုဒ္ဓဟူးနေ့ (ဇန်နဝါရီ ၈ ရက်) တွင် ထုတ်ပြန်ခဲ့သည်။
အဆိုပါစစ်ဆင်ရေးကို နယ်စပ်ဖြတ်ကျော် ရာဇဝတ်မှုများ တိုက်ဖျက်ရေး ပူးပေါင်းဆောင်ရွက်မှုဘောင်အတွင်းမှ အင်္ဂါနေ့တွင် လုပ်ဆောင်ခဲ့ခြင်းဖြစ်ပြီး၊ လပေါင်းများစွာ ကြာမြင့်ခဲ့သော ပူးပေါင်းစုံစမ်းစစ်ဆေးမှုများအပြီး တရုတ်အာဏာပိုင်များ၏ တောင်းဆိုချက်အရ ဆောင်ရွက်ခဲ့ခြင်းဖြစ်သည်ဟု ဆိုသည်။ ချန်ကျီ၏ ကမ္ဘောဒီးယားနိုင်ငံသားအဖြစ် ခံယူထားမှုကိုလည်း ဒီဇင်ဘာလတွင် တော်ဝင်အမိန့်ဖြင့် ပယ်ဖျက်ခဲ့ကြောင်း ပြည်ထဲရေးဝန်ကြီးဌာနက ဆက်လက်ပြောကြားခဲ့သည်။
ချန်ကျီကို ဖမ်းဆီးလွှဲပြောင်းပေးမှုနှင့် ပတ်သက်၍ တရုတ်အာဏာပိုင်များနှင့် အမေရိကန် တရားရေးဌာနတို့က ဗုဒ္ဓဟူးနေ့နှောင်းပိုင်းအထိ တစ်စုံတစ်ရာ မှတ်ချက်ပေးခြင်း မရှိသေးကြောင်းသိရသည်။
အမေရိကန်အာဏာပိုင်များသည် အောက်တိုဘာလတွင် ချန်ကျီကို စတင်အမှု ဖွင့်လှစ်ခဲ့ခြင်းဖြစ်သည်။ ၎င်းသည် လူကုန်ကူးခံရသူများကို အသုံးပြု၍ ဒေါ်လာဘီလီယံနှင့်ချီသော ခရစ်ပတိုငွေကြေး လိမ်လည်မှုများ ပြုလုပ်သည့် ကမ္ဘောဒီးယားရှိ အလုပ်စခန်းများကို အုပ်ချုပ်သူအဖြစ် စွပ်စွဲခံထားရသူဖြစ်သည်။
၎င်းသည် ဝါရှင်တန်အစိုးရက သိမ်းဆည်းရမိထားသည့် (လက်ရှိပေါက်ဈေး ဒေါ်လာ ၁၁ ဘီလီယံကျော် တန်ဖိုးရှိသော) Bitcoin ပေါင်း (၁၂၇,၂၇၁) ခန့် ပါဝင်ပတ်သက်နေသည့် ငွေကြေးခဝါချမှုနှင့် လိမ်လည်မှုများဖြင့် အပြစ်ရှိကြောင်း ထင်ရှားရှိပါက ထောင်ဒဏ် ၄၀ နှစ် အထိ ကျခံရနိုင်သည်။
Prince Group ဘက်ကမူ ယင်းစွပ်စွဲချက်များကို ငြင်းဆိုထားသည်။
(၂၀၁၅) ခုနှစ်ခန့်မှစ၍ Prince Group သည် နိုင်ငံပေါင်း (၃၀) ကျော်တွင် အိမ်ခြံမြေ၊ ဘဏ္ဍာရေးနှင့် လူသုံးကုန်လုပ်ငန်းများအသွင်ဖြင့် တရားဝင်ကုမ္ပဏီသဖွယ် လည်ပတ်ခဲ့သည်ဟု အမေရိကန် ရှေ့နေများက ဆိုသည်။
ချန်ကျီနှင့် ၎င်း၏အမှုဆောင်အရာရှိများသည် ၎င်းတို့၏ တရားမဝင်လုပ်ငန်းများကို ကာကွယ်ရန် နိုင်ငံအများအပြားရှိ အရာရှိများကို လာဘ်ထိုးခြင်းနှင့် နိုင်ငံရေးသြဇာကို အသုံးပြုခြင်းများ ပြုလုပ်ခဲ့သည်ဟု စွပ်စွဲခံထားရသည်။ ကမ္ဘောဒီးယားနိုင်ငံတွင် ချန်ကျီသည် ဝန်ကြီးချုပ် ဟွန်မာနက်နှင့် ၎င်း၏ဖခင် ဟွန်ဆင် တို့၏ အကြံပေးအဖြစ် တာဝန်ယူခဲ့ဖူးကြောင်းသိရသည်။
ကေမာၻဒီးယားႏိုင္ငံအေျခစိုက္ အြန္လိုင္းေငြလိမ္ဂိုဏ္းကြန္ရက္တစ္ခုကို ဦးစီးလုပ္ကိုင္ေနမႈျဖင့္ အေမရိကန္က လိမ္လည္မႈ၊ ေငြေၾကးခဝါခ်မႈမ်ားျဖင့္ တရားစြဲဆိုထားသည့္ တ႐ုတ္ႏြယ္ဖြား စီးပြားေရးလုပ္ငန္းရွင္ ခ်န္က်ီ ကို ဖမ္းဆီးရမိခဲ့ၿပီး တ႐ုတ္ႏိုင္ငံသို႔ လႊဲေျပာင္းေပးလိုက္ၿပီျဖစ္ေၾကာင္း ကေမာၻဒီးယားအာဏာပိုင္မ်ားက ထုတ္ေဖာ္ ေျပာၾကားလာခဲ့သည္။
ခ်န္က်ီသည္ Prince Group ဟုေခၚေသာ ႏိုင္ငံစုံကုမၸဏီႀကီးကို တည္ေထာင္ခဲ့သူျဖစ္ၿပီး အဆိုပါကုမၸဏီသည္ အာရွ၏ အႀကီးဆုံး နယ္စပ္ျဖတ္ေက်ာ္ ရာဇဝတ္ဂိုဏ္းႀကီးတစ္ခုအတြက္ အကာအကြယ္ေပးထားသည့္ လုပ္ငန္းတစ္ခုအျဖစ္ လုပ္ေဆာင္ေနျခင္းျဖစ္ေၾကာင္း အေမရိကန္ တရားေရးဌာနက စြပ္စြဲထားသည္။
ထိုကဲ့သို႔ အေမရိကန္၏ တရားစြဲဆိုမႈမ်ား၊ ဝါရွင္တန္ႏွင့္ လန္ဒန္တို႔၏ ပိတ္ဆို႔အေရးယူမႈမ်ား ထြက္ေပၚလာၿပီးေနာက္ပိုင္းတြင္ ဥေရာပ၊ အေမရိကန္ႏွင့္ အာရွတစ္လႊားရွိ အာဏာပိုင္မ်ားသည္ ခ်န္က်ီ၏ Prince Holding Group ကုမၸဏီကို ပစ္မွတ္ထားကာ ပိုင္ဆိုင္မႈမ်ားကို သိမ္းဆည္းခဲ့ၾကသည္။
ကေမာၻဒီးယားအာဏာပိုင္မ်ားသည္ ခ်န္က်ီ၊ ရႈက်ီလ်န္ ႏွင့္ ေရွာက္က်ီေဟြ အမည္ရွိ တ႐ုတ္ႏိုင္ငံသား သုံးဦးကို ဖမ္းဆီးခဲ့ၿပီး တ႐ုတ္ႏိုင္ငံသို႔ လႊဲေျပာင္းေပးခဲ့ေၾကာင္း ကေမာၻဒီးယား ျပည္ထဲေရးဝန္ႀကီးဌာနက ဗုဒၶဟူးေန႔ (ဇန္နဝါရီ ၈ ရက္) တြင္ ထုတ္ျပန္ခဲ့သည္။
အဆိုပါစစ္ဆင္ေရးကို နယ္စပ္ျဖတ္ေက်ာ္ ရာဇဝတ္မႈမ်ား တိုက္ဖ်က္ေရး ပူးေပါင္းေဆာင္႐ြက္မႈေဘာင္အတြင္းမွ အဂၤါေန႔တြင္ လုပ္ေဆာင္ခဲ့ျခင္းျဖစ္ၿပီး၊ လေပါင္းမ်ားစြာ ၾကာျမင့္ခဲ့ေသာ ပူးေပါင္းစုံစမ္းစစ္ေဆးမႈမ်ားအၿပီး တ႐ုတ္အာဏာပိုင္မ်ား၏ ေတာင္းဆိုခ်က္အရ ေဆာင္႐ြက္ခဲ့ျခင္းျဖစ္သည္ဟု ဆိုသည္။ ခ်န္က်ီ၏ ကေမာၻဒီးယားႏိုင္ငံသားအျဖစ္ ခံယူထားမႈကိုလည္း ဒီဇင္ဘာလတြင္ ေတာ္ဝင္အမိန႔္ျဖင့္ ပယ္ဖ်က္ခဲ့ေၾကာင္း ျပည္ထဲေရးဝန္ႀကီးဌာနက ဆက္လက္ေျပာၾကားခဲ့သည္။
ခ်န္က်ီကို ဖမ္းဆီးလႊဲေျပာင္းေပးမႈႏွင့္ ပတ္သက္၍ တ႐ုတ္အာဏာပိုင္မ်ားႏွင့္ အေမရိကန္ တရားေရးဌာနတို႔က ဗုဒၶဟူးေန႔ေႏွာင္းပိုင္းအထိ တစ္စုံတစ္ရာ မွတ္ခ်က္ေပးျခင္း မရွိေသးေၾကာင္းသိရသည္။
အေမရိကန္အာဏာပိုင္မ်ားသည္ ေအာက္တိုဘာလတြင္ ခ်န္က်ီကို စတင္အမႈ ဖြင့္လွစ္ခဲ့ျခင္းျဖစ္သည္။ ၎သည္ လူကုန္ကူးခံရသူမ်ားကို အသုံးျပဳ၍ ေဒၚလာဘီလီယံႏွင့္ခ်ီေသာ ခရစ္ပတိုေငြေၾကး လိမ္လည္မႈမ်ား ျပဳလုပ္သည့္ ကေမာၻဒီးယားရွိ အလုပ္စခန္းမ်ားကို အုပ္ခ်ဳပ္သူအျဖစ္ စြပ္စြဲခံထားရသူျဖစ္သည္။
၎သည္ ဝါရွင္တန္အစိုးရက သိမ္းဆည္းရမိထားသည့္ (လက္ရွိေပါက္ေဈး ေဒၚလာ ၁၁ ဘီလီယံေက်ာ္ တန္ဖိုးရွိေသာ) Bitcoin ေပါင္း (၁၂၇,၂၇၁) ခန႔္ ပါဝင္ပတ္သက္ေနသည့္ ေငြေၾကးခဝါခ်မႈႏွင့္ လိမ္လည္မႈမ်ားျဖင့္ အျပစ္ရွိေၾကာင္း ထင္ရွားရွိပါက ေထာင္ဒဏ္ ၄၀ ႏွစ္ အထိ က်ခံရႏိုင္သည္။
Prince Group ဘက္ကမူ ယင္းစြပ္စြဲခ်က္မ်ားကို ျငင္းဆိုထားသည္။
(၂၀၁၅) ခုႏွစ္ခန႔္မွစ၍ Prince Group သည္ ႏိုင္ငံေပါင္း (၃၀) ေက်ာ္တြင္ အိမ္ၿခံေျမ၊ ဘ႑ာေရးႏွင့္ လူသုံးကုန္လုပ္ငန္းမ်ားအသြင္ျဖင့္ တရားဝင္ကုမၸဏီသဖြယ္ လည္ပတ္ခဲ့သည္ဟု အေမရိကန္ ေရွ႕ေနမ်ားက ဆိုသည္။
ခ်န္က်ီႏွင့္ ၎၏အမႈေဆာင္အရာရွိမ်ားသည္ ၎တို႔၏ တရားမဝင္လုပ္ငန္းမ်ားကို ကာကြယ္ရန္ ႏိုင္ငံအမ်ားအျပားရွိ အရာရွိမ်ားကို လာဘ္ထိုးျခင္းႏွင့္ ႏိုင္ငံေရးၾသဇာကို အသုံးျပဳျခင္းမ်ား ျပဳလုပ္ခဲ့သည္ဟု စြပ္စြဲခံထားရသည္။ ကေမာၻဒီးယားႏိုင္ငံတြင္ ခ်န္က်ီသည္ ဝန္ႀကီးခ်ဳပ္ ဟြန္မာနက္ႏွင့္ ၎၏ဖခင္ ဟြန္ဆင္ တို႔၏ အႀကံေပးအျဖစ္ တာဝန္ယူခဲ့ဖူးေၾကာင္းသိရသည္။