Alibaba တည်ထောင်သူ ဘီလျံနာသူဌေးကြီး ဂျက်မား ဟောင်ကောင်မှာ ပြန်လည်ပေါ်လာ
3974
ရောင်နီ (NP News) - အောက်တိုဘာ ၁၃
Alibaba Group (9988.HK) ကို တည်ထောင်သူ Jack Ma ဟာ ယမန်နှစ်နှောင်းပိုင်းက သူ့ရဲ့စီးပွားရေး အင်ပါယာ စည်းမျဉ်းစည်းကမ်းတွေကန့်သတ်မှုကြောင့် လူအများက အမြင်မကြည်ဖြစ်ခြင်းကို ခံခဲ့ရတာဖြစ်ပြီး လက်ရှိမှာတော့ ၎င်းဟာ ဟောင်ကောင်မှာ စီးပွားဖက်များနဲ့ တွေ့ဆုံခဲ့တယ်လို့ သိရပါတယ်။
တရုတ်ဘီလျံနာတစ်ဦးဖြစ်ပြီး မကြွားဝါတတ်သူ ဂျက်မားဟာ ပြီးခဲ့တဲ့နှစ် အောက်တိုဘာလ၊ ရှန်ဟိုင်းမှာ ဟောပြောခဲ့စဉ်က တရုတ်ဘဏ္ဍာရေး စည်းမျည်းစည်းကမ်းများကို ဝေဖန်ခဲ့ပြီး ယင်းရဲ့အကျိုးဆက်ဟာ ဂျက်မားပိုင်ဆိုင်တဲ့ Ant Group ရဲ့ mega IPO အပေါ် ဆိုင်းငံ့မှုဖြစ်ရပ်များ ဆက်တိုက်ဖြစ်ပေါ်စေခဲ့ပါတယ်။ ဂျက်မားဟာ တရုတ်ပြည်မကြီးမှာ လူသိရှင်ကြား ထုတ်ဖော်ပြသခြင်းကို ကန့်သတ်ခဲ့စဉ်က သူရဲ့နေတဲ့နေရာတွေနဲ့ပတ်သက်ပြီး ထင်ကြေးတွေ ပျံ့နှံ့ခဲ့ပေမယ့်လည်း အခုဟောင်ကောင်ခရီးစဉ်ဟာ ဂျက်မားရဲ့ပထမဆုံးအကြိမ် အာရှငွေကြေးဗဟိုဌာနသို့သွားရောက်တာဖြစ်တယ်လို့ သတင်းရင်းမြစ်များက ဆိုပါတယ်။
Alibaba ဟာ ပုံမှန်အလုပ်ချိန်ပြင်ပမှ မှတ်ချက်ပေးဖို့ တောင်းဆိုမှုများကို ချက်ချင်းမတုံ့ပြန်ခဲ့ပါဘူး။ တစ်ချိန်က တရုတ်ရဲ့အကျော်ကြားဆုံး စွန့် ဦးတီထွင်လုပ်ငန်းရှင်ဖြစ်တဲ့ ဂျက်မားဟာ အနည်းဆုံး ပြီးခဲ့တဲ့သီတင်းပတ်က စီးပွားရေးလုပ်ဖော်ကိုင်ဖက်အချို့နဲ့ တွေ့ဆုံခဲ့တယ်လို့ သတင်းရင်းမြစ်များက ဆိုပါတယ်။ စက်တင်ဘာ(၁) ရက်က အလီဘာဘာနဲ့ ၎င်းရဲ့ fintech လုပ်ငန်းစု Ant တည်ရှိတဲ့ Zhejiang ပြည်နယ်အရှေ့ပိုင်းရှိ စိုက်ပျိုးရေး ဖန်လုံအိမ်များသို့ သွားရောက်ခဲ့တဲ့ဓာတ်ပုံများ တရုတ်လူမှုမီဒီယာမှာ ပျံ့နှံ့သွားခဲ့ပါတယ်။ နောက်တစ်နေ့မှာတော့ Alibaba က ၂၀၂၅ မှာ "အထွေထွေသာယာဝပြောရေး" ကို ပံ့ပိုးရန် ယွမ် (၁၀၀) ဘီလီယံ (ဒေါ်လာ ၁၅.၅ ဘီလီယံ) ရင်းနှီးမြှုပ်နှံသွားမှာဖြစ်တယ်လို့ ပြောကြားခဲ့ပါတယ်။
#NPNews