အိန္ဒိယအပေါ် အမေရိကန်၏ (၅၀)ရာခိုင်နှုန်းအခွန်စည်းကြပ်မှု စတင်အသက်ဝင်
199
Pika(NP News)
အိန္ဒိယနိုင်ငံ၏ သွင်းကုန်အများစုအပေါ် အမေရိကန်သမ္မတဒေါ်နယ်ထရမ့်၏ (၅၀)ရာခိုင်နှုန်း အခွန်စည်းကြပ်မှု သည် စတင်အသက်ဝင်ခဲ့ပြီဖြစ် ကြောင်းသိရသည်။ အမေရိကန်နှင့်အိန္ဒိယနိုင်ငံတို့ သည် ကုန်သွယ်ရေးသဘောတူညီ ချက်တစ်ခုကို မရရှိနိုင်မှုနှင့်အတူ အိန္ဒိယအပေါ် အခွန်စည်းကြပ်မှု (၂၅)ရာခိုင်နှုန်းကို ဩဂုတ်လအစောပိုင်းတွင် အမေ ရိကန်အစိုးရက စတင်ချမှတ်ခဲ့ခြင်းဖြစ်ကြောင်းသိရသည်။
ထို့ပြင် အိန္ဒိယ၏ရုရှားရေနံဝယ်ယူမှုများအတွက် နောက်ထပ်အခွန်စည်းကြပ်မှု(၂၅)ရာခိုင်နှုန်းသည် ဩဂုတ်လ (၂၇)ရက်တွင် စတင်အသက် ဝင်မည်ဟု ဒေါ်နယ်ထရမ့်က ထုတ်ပြန်ကြေညာခဲ့ပြီး နောက်အဆိုပါဖြစ်ရပ်များဖြစ်ပွား လာခဲ့ခြင်းဖြစ်သည်။
အမေရိကန်စီးပွားရေးလုပ်ငန်းများအတွက် စိုက်ပျိုးရေးနှင့်နို့ထွက်ပစ္စည်းတို့ကဲ့သို့သော ကဏ္ဍများကို ဖွင့်လှစ် ပေးရန်ဆန္ဒမရှိကြောင်း အိန္ဒိယအစိုးရဘက်က ထုတ်ပြန်ကြေညာခဲ့ပြီးနောက် အမေရိကန်နှင့်အိန္ဒိယနိုင်ငံကြား ကုန် သွယ်ရေးဆိုင်ရာဆွေး နွေးပွဲများမှာ စတင်ကျရှုံးလာခဲ့ခြင်းဖြစ်ကြောင်းသိရသည်။ ဒေါ်နယ်ထရမ့်၏ အခွန်စည်းကြပ် မှုအသစ်သည် အိန္ဒိယထုတ်ကုန်အများအပြားကို အမေရိကန်နိုင်ငံတွင်းတွင်တားမြစ်ကာ ဈေးကြီးလာစေမည် ဖြစ် ကြောင်းလည်းသိရသည်။
(၂၀၂၄-၂၀၂၅)ခုနှစ်ဘဏ္ဍာနှစ်တွင် အမေရိကန်နှင့်အိန္ဒိယနိုင်ငံကြား အပြန်အလှန်ကုန်သွယ်မှုမှာ အမေရိကန် ဒေါ်လာ(၁၃၁ ဒသမ ၈)ဘီလျံ အထိရှိခဲ့ကြောင်းသိရသည်။ ထို့ပြင် ကျောက်မျက်နှင့် လက်ဝတ်ရတနာများ၊ ပင်လယ်စာ နှင့် အထည်အလိပ်များသည် နောက်ဆုံးထွက်ပေါ်လာသောအခွန်စည်း ကြပ်မှုအသစ်ကြောင့် ထိခိုက်မှုအရှိဆုံးကဏ္ဍများ ထဲတွင်ပါဝင်ကြောင်းသိရသည်။ သို့သော်လည်း ဆေးဝါးများ၊ စမတ်ဖုန်းများ၊ ကွန်ပျူတာများနှင့် အခြားသော အီလက် ထရွန်နစ်ပစ္စည်းများ၊ သန့်စင်ပြီးလောင်စာများနှင့် ဆေးဝါးကုန်ကြမ်းပစ္စည်းများကို အခွန်စည်းကြပ် မှုအသစ်မှ ကင်း လွတ်ခွင့်ပြုထားပြီး ကင်းလွတ်ခွင့်ပြု ထားသောအမျိုးအစားများသည် အမေရိကန်သို့ အိန္ဒိယနိုင်ငံ၏ တင်ပို့မှုစုစုပေါင်း၏ (၃၀)ရာခိုင်နှုန်းနီးပါးရှိကြောင်းလည်းသိရသည်။
(Ref;RT)