ရှမ်းပြည်မှမန္တလေးသို့ ၁၂ ဘီးကား (၂)စီးဖြင့် သယ်ဆောင်လာသည့် ငွေကျပ် ၂ ဘီလျံကျော်တန်ဖိုးရှိ မူးယစ်ဆေးဝါးများဖမ်းဆီးရမိ
1026
မျိုးကြီး (NP News) - ဇန်နဝါရီ ၂၈
ရှမ်းပြည်နယ်မှ မန္တလေးသို့ ၁၂ ဘီးကား (၂)စီးဖြင့် သယ်ဆောင်လာသည့် ငွေကျပ် ၂ ဘီလျံကျော်တန်ဖိုး ရှိ မူးယစ်ဆေးဝါးများဖမ်းဆီးရမိခဲ့ကြောင်း မြန်မာ နိုင်ငံမူးယစ်ဆေးဝါးတားဆီးနှိပ်နင်းရေးရဲတပ်ဖွဲ့က ဇန်နဝါရီလ ၂၇ ရက်ညပိုင်းကသတင်းထုတ်ပြန်ခဲ့သည်။
ပြီးခဲ့သည့် ဇန်နဝါရီလ ၂၄ ရက် ည ၉ နာရီအချိန်တွင် မန္တလေးတိုင်း၊ ပြင်ဦးလွင်မြို့နယ်၊ ရေငယ်လမ်းဆုံမြို့ရှောင်လမ်းတွင် ရေတံခွန်လမ်းမှ ပြင်ဦးလွင်မြို့ရှောင်လမ်းဘက်သို့ ဦးဇော်ဌေး(ခ)အာကြီး မောင်းနှင်လာသည့် NISSAN DIESELအမျိုးအစား ၁၂ ဘီးမော် တော်ယာဉ်ကို သတင်းအရရှာဖွေရာတွင် ဘိန်းဖြူ ၃၇ ဒသမ ၆၂ ကီလိုနှင့် စိတ်ကြွရူးသွပ်ဆေးပြား ၂ ဒသမ ၂၈ သိန်းကို သိမ်းဆည်းရမိခဲ့ကြောင်း သိရသည်။
ထို့ပြင် သတင်းကွင်းဆက်အရ ဇန်နဝါရီလ ၂၅ ရက်၊ ညနေ ၃ နာရီအချိန်တွင် ပြင်ဦးလွင်-မန္တလေးသွားကားလမ်း မိုင်တိုင်အမှတ်(၂၂/ဝ) အနီးတွင် FUSO အမျိုးအစား ၁၂ ဘီးမော်တော်ယာဉ်ကို စစ်ဆေးရှာ ဖွေရာတွင် ယာဉ်မောင်းအားတွေ့ရှိခြင်းမရှိဘဲ ယာဉ်ပေါ်မှ ဘိန်းဖြူ ၄၂ ဒသမ ၉ ကီလို ထပ်မံသိမ်းဆည်းရမိခဲ့ပြီး ဘိန်းဖြူစုစုပေါင်း ၈ဝ ဒသမ ၅၂ ကီလိုနှင့် စိတ်ကြွရူးသွပ်ဆေးပြား ၂ ဒသမ ၂၈ သိန်းသိမ်း ဆည်းရမိခဲ့ပြီး ကာလတန်ဖိုးငွေကျပ် ၂ ဒသမ ၃ ဘီလျံရှိကြောင်း သတင်းထုတ်ပြန်ထားသည်။
အဆိုပါမူးယစ်ဆေးဝါးများသည် ရှမ်းပြည်နယ်မြောက်ပိုင်းမှ မန္တလေးတိုင်းဒေသကြီးသို့ သယ် ဆောင်ခြင်းဖြစ်ကြောင်းသိရပြီး ဦးဇော်ဌေးကို ဥပဒေအရအရေးယူထားကာ ကွင်းဆက်ပြစ်မှုကျူးလွန်သူများကို ဆက်လက်စစ်ဆေးဖော်ထုတ်လျက်ရှိကြောင်း သိရသည်။
ထို့အတူ ပြီးခဲ့သည့် ရက်ပိုင်းအတွင်း ရှမ်းပြည်နယ်မြောက်ပိုင်းမှ ကရင်ပြည်နယ်သို့ သယ်ဆောင်မည့် ငွေကျပ် ၁၉ ဘီလျံကျော်တန်ဖိုးရှိ အိုက်စ်(မက်သ်အဖက်တမင်း)မူးယစ်ဆေးဝါးများကို ၂၂ ဘီးတွဲကားနှင့်အတူဖမ်းဆီးရမိခဲ့ကြောင်း မြန်မာနိုင်ငံမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က သတင်းထုတ်ပြန်ထားသည်။
zawgyi version
ရွမ္းျပည္မွမႏၲေလးသို႔ ၁၂ ဘီးကား (၂)စီးျဖင့္ သယ္ေဆာင္လာသည့္ ေငြက်ပ္ ၂ ဘီလ်ံေက်ာ္တန္ဖိုးရွိ မူးယစ္ေဆးဝါးမ်ားဖမ္းဆီးရမိ
မ်ိဳးႀကီး (NP News) - ဇန္နဝါရီ ၂၈
ရွမ္းျပည္နယ္မွ မႏၲေလးသို႔ ၁၂ ဘီးကား (၂)စီးျဖင့္ သယ္ေဆာင္လာသည့္ ေငြက်ပ္ ၂ ဘီလ်ံေက်ာ္တန္ဖိုး ရွိ မူးယစ္ေဆးဝါးမ်ားဖမ္းဆီးရမိခဲ့ေၾကာင္း ျမန္မာ ႏိုင္ငံမူးယစ္ေဆးဝါးတားဆီးႏွိပ္နင္းေရးရဲတပ္ဖြဲ႕က ဇန္နဝါရီလ ၂၇ ရက္ညပိုင္းကသတင္းထုတ္ျပန္ခဲ့သည္။
ၿပီးခဲ့သည့္ ဇန္နဝါရီလ ၂၄ ရက္ ည ၉ နာရီအခ်ိန္တြင္ မႏၲေလးတိုင္း၊ ျပင္ဦးလြင္ၿမိဳ႕နယ္၊ ေရငယ္လမ္းဆုံၿမိဳ႕ေရွာင္လမ္းတြင္ ေရတံခြန္လမ္းမွ ျပင္ဦးလြင္ၿမိဳ႕ေရွာင္လမ္းဘက္သို႔ ဦးေဇာ္ေဌး(ခ)အာႀကီး ေမာင္းႏွင္လာသည့္ NISSAN DIESELအမ်ိဳးအစား ၁၂ ဘီးေမာ္ ေတာ္ယာဥ္ကို သတင္းအရရွာေဖြရာတြင္ ဘိန္းျဖဴ ၃၇ ဒသမ ၆၂ ကီလိုႏွင့္ စိတ္ႂကြ႐ူးသြပ္ေဆးျပား ၂ ဒသမ ၂၈ သိန္းကို သိမ္းဆည္းရမိခဲ့ေၾကာင္း သိရသည္။
ထို႔ျပင္ သတင္းကြင္းဆက္အရ ဇန္နဝါရီလ ၂၅ ရက္၊ ညေန ၃ နာရီအခ်ိန္တြင္ ျပင္ဦးလြင္-မႏၲေလးသြားကားလမ္း မိုင္တိုင္အမွတ္(၂၂/ဝ) အနီးတြင္ FUSO အမ်ိဳးအစား ၁၂ ဘီးေမာ္ေတာ္ယာဥ္ကို စစ္ေဆးရွာ ေဖြရာတြင္ ယာဥ္ေမာင္းအားေတြ႕ရွိျခင္းမရွိဘဲ ယာဥ္ေပၚမွ ဘိန္းျဖဴ ၄၂ ဒသမ ၉ ကီလို ထပ္မံသိမ္းဆည္းရမိခဲ့ၿပီး ဘိန္းျဖဴစုစုေပါင္း ၈ဝ ဒသမ ၅၂ ကီလိုႏွင့္ စိတ္ႂကြ႐ူးသြပ္ေဆးျပား ၂ ဒသမ ၂၈ သိန္းသိမ္း ဆည္းရမိခဲ့ၿပီး ကာလတန္ဖိုးေငြက်ပ္ ၂ ဒသမ ၃ ဘီလ်ံရွိေၾကာင္း သတင္းထုတ္ျပန္ထားသည္။
အဆိုပါမူးယစ္ေဆးဝါးမ်ားသည္ ရွမ္းျပည္နယ္ေျမာက္ပိုင္းမွ မႏၲေလးတိုင္းေဒသႀကီးသို႔ သယ္ ေဆာင္ျခင္းျဖစ္ေၾကာင္းသိရၿပီး ဦးေဇာ္ေဌးကို ဥပေဒအရအေရးယူထားကာ ကြင္းဆက္ျပစ္မႈက်ဴးလြန္သူမ်ားကို ဆက္လက္စစ္ေဆးေဖာ္ထုတ္လ်က္ရွိေၾကာင္း သိရသည္။
ထို႔အတူ ၿပီးခဲ့သည့္ ရက္ပိုင္းအတြင္း ရွမ္းျပည္နယ္ေျမာက္ပိုင္းမွ ကရင္ျပည္နယ္သို႔ သယ္ေဆာင္မည့္ ေငြက်ပ္ ၁၉ ဘီလ်ံေက်ာ္တန္ဖိုးရွိ အိုက္စ္(မက္သ္အဖက္တမင္း)မူးယစ္ေဆးဝါးမ်ားကို ၂၂ ဘီးတြဲကားႏွင့္အတူဖမ္းဆီးရမိခဲ့ေၾကာင္း ျမန္မာႏိုင္ငံမူးယစ္ေဆးဝါးတားဆီးႏွိမ္နင္းေရးရဲတပ္ဖြဲ႕က သတင္းထုတ္ျပန္ထားသည္။