သင့် အိတ်ကပ်ထဲက အမေရိကန် ၅ ဒေါ်လာတန်ကို ထောင်ချီပေးဝယ်သူရှိနေတယ် ဆိုတာ သင်သိပါသလား (ဘာသာပြန်ဆောင်းပါး)
1717
HtayOung #OungMarine
===
ရှော့ပင်းမောလ်ဖြစ်စေ မီနီမားကက်တစ်ခုအတွင်း ရောက်ရှိနေခိုက် သင်ဝယ်ယူထားသမျှကို သင့်ပိုက်ဆံအိတ် ထဲက ငွေစက္ကူရောရာနဲ့ အလွယ်တကူ ပေးချေလိုက်မှာ သေချာပါတယ်။ အဲ့ဒီအထဲမှာ ငွေထောင်သောင်းချီ ပေးဝယ်သူရှိနေတဲ့ ၅- ဒေါ်လာတန်တစ်ရွက် ပါသွားနိုင်တယ်ဆိုတာ သင်သိပါသလားလို့ စူးစမ်းရှာဖွေမှု ဝါ သနာတူ အမေရိကန်အထက်တန်းကျောင်းသားများ စုဝေးရာ The Millennial ဘလော့ဂ် (27 August 2025) က ဖော်ပြပါတယ်။
၁-ဒေါ်လာ၊ ၂-ဒေါ်လာ၊ ၅ ဒေါ်လာတန်ငွေစက္ကူဆိုတာ လက်ထဲရှိနေတတ်သူ အလွန်များပါတယ်။ ဒါပေမယ့် ဒင်္ဂါးပြားနဲ့မတူပဲ ငွေစက္ကူရွက်များကို အသေးစိတ်စစ်ဆေးလေ့ရှိသူကတော့ မရှိသလောက်နည်းပါးပါတယ်။ အဲ့ဒီ ငွေစက္ကူများအနက် ၁၉၉၅-ခုနှစ်ထုတ် စီးရီးနံပတ် ဇောက်ထိုးမှားယွင်း ထုတ်ဝေမိတဲ့ ၅-ဒေါ် လာတန် ရွက်ကို ထူးဆန်းရှားပါး ပစ္စည်းစုဆောင်းသူများ- လေလံတင်ရောင်းချသူများက မူလတန်ဖိုးထက် အဆပေါင်း များစွာပေးပြီး ဝယ်ယူနေကြပါတယ်။ စိတ်လှုပ်ရှားစရာကောင်းတဲ့ အဲ့ဒီအမှားဟာ ထူးဆန်းရှားပါးပစ္စည်းအပေါ် စူးစမ်းလိုစိတ် ကြီးမားလေလေ တန်ဖိုးကြီးလေလေဖြစ်ပြီး ဒေါ်လာ ၅၀၀ မှ ၂၀,၀၀၀ အထိ ပေးဝယ်နေ ကြပါတယ်။
ဒီလို ထူးဆန်းတဲ့ ကိစ္စဟာ အမေရိကန်ဗဟိုဘဏ်ရဲ့ တမင်ရည်ရွယ်တဲ့ အမှားတော့ မဟုတ်ပါဘူး။ ထွင်းထု ခြင်းနဲ့ ပုံနှိပ်ခြင်းလုပ်ငန်းဗြူရို BEP ရဲ့ ငွေစက္ကူပုံနှိပ်ထုတ်ဝေခြင်းဟာ တစ်ရွက်နဲ့တစ်ရွက် တစ်ထေရာတည်း အသေးစိတ် တူညီခြင်း၊ နံပတ်စဉ်လိုက် ငွေစက္ကူ ဖြစ်ခြင်း၊ အမှတ်အသားတံဆိပ်များနဲ့ လက်မှတ်များမကျန် စေ့စေ့စပ်စပ် စစ်ဆေးမှုအဆင့်ဆင့်ဆင့်ကို ဖြတ်သန်းကြရပါတယ်။
အမေရိကန် ဘဏ္ဍာရေးဌာနနဲ့ ဗဟိုဘဏ်တို့ရဲ့ အမှတ်တံဆိပ်များ၊ နံပတ်စဉ်များကို မှားယွင်းပုံနှိပ်မိခြင်းဟာ အလွန့်အလွန်ရှားပါးလှပါတယ်။ သန်းပေါင်းများစွာ တန်ဖိုး ရှိတဲ့ ၅-ဒေါ်လာတန် ငွေစက္ကူများကို နှစ်စဉ်ထုတ် ဝေနေခဲ့ရာ ၁၉၉၅-ခုနှစ်ထုတ်များအနက် ၅-ဒေါ်လာတန် ရွက်ရေအနည်းငယ်ရဲ့ ငွေစက္ကူ နံပါတ်များဟာ ၁၈ဝံ ဒီဂရီဇောက်ထိုးဖြစ်နေပါတယ်။
အဲ့ဒီလို အမှားပါ ငွေစက္ကူတွေကို ရှားပါးပစ္စည်း စုဆောင်းသူများ၊ အမြင်စူးရှသူနိုင်ငံသားများက မတွေ့မချင်း သာမန်လူအများအဖို့ အမှတ်တမဲ့ဖြစ်ပြီး ပျံ့နှံ့နေတတ်ပါတယ်။ အဲ့ဒီသတင်း လူသိများလာတဲ့အခါ အသည်းအ သန်ဖြစ်ပြီး ထူးဆန်းရှားပါးပစ္စည်းစုဆောင်းသူအရေအတွက်လည်း အရေအတွက် တိုးမြင့်လာပါတယ်။ တစ် ပြိုင်နက်တည်းမှာပဲ အတုအယောင်တွေကို မှားယွင်းဝယ်ယူမိတာတွေလည်း ဖြစ်လာပါတယ်။
မှားယွင်းပုံနှိပ်ထားတဲ့ ငွေစက္ကူရွက်များကို ရှာဖွေရခြင်းဟာ ရတနာသိုက်ရှာဖွေကြတဲ့ ဟောလိဝုဒ်ရုပ်ရှင်ထက် ရင်ခုန်စရာ ကောင်းနေပါတယ်။ ထူးဆန်းလှတဲ့ ဒီဖြစ်ရပ်ဟာ ငွေစက္ကူရဲ့ သစ်လွင်ခြင်းအခြေအနေအလိုက် အ ဆပေါင်းများစွာ တန်ဖိုးမြင့်တက်သွားရပါတယ်။ စုဆောင်းသူများအတွက် ဒါဟာငွေကြေးတစ်ခုတည်းဆိုတာ ထက်ပိုပြီး သမိုင်းရဲ့ အပိုင်းအစများဖြစ်နေလို့ပါ။ နည်းပညာမြင့် ပုံနှိပ်ခြင်းလုပ်ငန်းမှာပင် လူသားတို့အနေနဲ့ အမှားမကင်းနိုင်သေးကြောင်း သက်သေပြနေပါတယ်။
နံပတ် ဇောက်ထိုဖြစ်နေတာကလွဲရင် အဲ့ဒီ ၅-ဒေါ်လာတန်တွေကို တရားဝင် သုံးစွဲနိုင်ပါတယ်။ ဒါကြောင့် တန်ဖိုး မသိသူတွေဟာ အလွယ်တကူ သုံးစွဲမိနိုင်ပါတယ်။ ဈေးနှုန်းတွေကတော့ အမျိုးမျိုးကွဲပြားနေပါတယ်။ အတော် နွမ်းတဲ့ ငွေစက္ကူဆိုလျင် ဒေါ်လာရာဂဏန်းအထိ ရှိနိုင်ပြီး ရှင်းလင်းပြတ်သား-လက်အကူးအပြောင်းနည်းပါးတဲ့ ငွေစက္ကူများကို ဒေါ်လာသောင်းနဲ့ချီပြီး ရောင်းချနိုင်ပါတယ်။
လေလံဈေးများ၊ ငွေကြေးရောင်းဝယ်သူများ၊ သို့မဟုတ် ထူးဆန်းရှားပါးပစ္စည်း စုဆောင်းသူများ စုဝေးရာ အွန် လိုင်းပလက်ဖောင်းတွေဟာ ရောင်းချဖို့ အကောင်းဆုံးနေရာများဖြစ်ပြီး မရောင်းချမီ ငွေစက္ကူအစစ်အမှန်ဖြစ် ကြောင်း သေချာဖို့တော့ လိုအပ်ပါတယ်။
သင့်အနေနဲ့ ၅-ဒေါ်လာတန်ငွေစက္ကုူရွက် ပိုင်ဆိုင်ထားသူဆိုလျင် နောက်နောင် သမ္မတလင်ကွန်းရဲ့မျက်နှာကို တစ်ချက်လေးတောင် မကြည့်ပဲ အမှတ်အသားတွေကိုသာ အနီးကပ်ကြည့်ရှုပါ။ သင်ဟာ ဒေါ်လာသောင်းချီ တန် ငွေစက္ကူပိုင်ရှင်ဖြစ်နိုင်ကြောင်း အိပ်မက် မက်နိုင်ပါတယ်။
..
(( အမေရိကန်ဒေါ်လာနဲ့ ပတ်သက်ပြီး ဆွေးနွေးလိုသည်များကို တစ်ဆက်တည်း ပြောခွင့်ပြုပါ။ လက်ရှိအမေ ရိကန်ဒေါ်လာငွေစက္ကူများကို တန်ဖိုးဘယ်လောက်ထုတ်ဝေထားပြီး အမှန်တကယ်သုံးစွဲလည်မှု တန်ဖိုးဘယ် လောက်ရှိနေတယ်ဆိုတာ အိမ်ဖြူတော်နဲ့ အမေရိကန်ဗဟိုဘဏ်ပင် အတိအကျ မသိနိုင်ပါ။ ရိုက်နှိပ်ထုတ်ဝေခဲ့သမျှငွေစက္ကူအချို့ကို ကမ္ဘာ့နိုင်ငံအချို့က သူတို့တိုင်းပြည်ရဲ့ တရားဝင်ငွေစက္ကးအဖြစ် အသုံး ပြုနေခြင်း၊ အမေရိကန်ဒေါ်လာကို အရန်နိုင်ငံခြားငွေအဖြစ် နိုင်ငံအတော်များများက သိုလှောင်သိမ်း ဆည်းနေ ခြင်းကြောင့် ဖြစ်ပါတယ်။ နိုင်ငံတကာဈေးကွက်မှာ အလဲအလှယ်လုပ်ရန် လွယ်ကူခြင်း၊ တန်ဖိုး တည်ငြိမ်လုနီး ပါးရှိခြင်းကြောင့် ကမ္ဘာ့ကုန်သွယ်ရေးရဲ့ ၈၀%၊ ကမ္ဘာ့အရန်ငွေကြေး ၆၀% ကို ဒေါ်လာဖြင့် ဆောင်ရွက်နေကြ ပါတယ်။
အခြားတစ်ဖက်မှာလည်း အမေရိကန်အစိုးရတို့ဟာ သူတို့တိုင်းပြည်ဘဏ်များမှာ လာရောက်အပ်နှံထားတဲ့ အခြားတိုင်းပြည်ဘဏ္ဍာငွေများကို နိုင်ငံရေးအကြောင်းပြချက်ဖြင့် ပြန်ထုတ်ပေးရန် ငြင်းဆိုခြင်း၊ အခြားတိုင်း ပြည်များကို စီးပွားရေးဒဏ်ခတ်ပိတ်ဆို့ခြင်းများ ပြုလုပ်လေ့ရှိပါတယ်။ အဲ့ဒီအခါ အရေးယူခံရတဲ့ တိုင်းပြည်သာမ က ကုန်သွယ်ဖက်နိုင်ငံများပါ အလွန်အခက်တွေ့ရပါတယ်။ ဒီအတွက် De-Dollarization , Dollar De-Throne ဖြစ်ရပ် ပေါ်ပေါက်လာရတယ်။
De-Dollarrization “ဒေါ်လာငွေအသုံးပြုမှုလျှော့ချရေး” ဆိုတာ အမေရိကန်ဒေါ်လာအစား ရွှေ သိူ့မဟုတ် တ ရုတ်-ယွမ်၊ အိန္ဒိယ -ရူးပီး၊ ရုရှား-ရူဘယ်၊ သို့မဟုတ် တိုင်းပြည်တို့ရဲ့တရားဝင်ငွေကြေးများနဲ့ အစားထိုးပြီး ကုန် သွယ်မှုပြုလုပ်ရန် ဖြစ်ပါတယ်။ ယခုအခါ မြန်မာနဲ့ အိမ်နီးချင်းနိုင်ငံများ နယ်စပ်ကုန်သွယ်ရာမှ အသုံးပြုနေ ပါတယ်။
Dollar De-Throne “ဒေါ်လာအသုံးပြုမှုစွန့်လွှတ်ခြင်း” ဆိုတာ ကမ္ဘာ့ငွေကြေးစနစ်မှာ အမေရိကန်ဒေါ်လာ သြ ဇာလွှမ်းမိုးမှုကို တဖြည်းဖြည်း သို့မဟုတ် လုံး၀ ယတိပြတ် လျော့ချရေးဖြစ်ပါတယ်။ ဒေါ်လာငွေကိုလုံး၀ ပစ်ပယ် ခြင်း မဟုတ်ပဲ လွှမ်းမိုးမှုကို လျော့ချရန်ဖြစ်ပါတယ်။ အနာဂတ်မှာ ဥရောပ ယူရို၊ တရုတ် ဒစ်ဂျစ်တယ် ယွမ်နဲ့ ဒစ်ဂျစ်တယ်ငွေကြေးတို့ရဲ့ အခန်းကဏ္ဍပိုမိုကြီးထွားလာနိုင်ပြီး ယခု BRICS ခေါ် ဘရာဇီး၊ ရုရှား၊ အိန္ဒိယ၊ တ ရုတ်၊ တောင်အာဖရိက စတဲ့ ၅-နိုင်ငံပါအဖွဲ့ကြီးရဲ့ ငွေကြေးစနစ်သစ်ထူထောင်ရန် ကြိုးပမ်းခြင်းမျိုး ဖြစ်ပါ တယ်။
ဒါပေမယ့် အမေရိကန်ဒေါ်လာ သြဇာလွှမ်းမိုးမှုကို ဖယ်ရှားပစ်ဖို့ကိစ္စဆိုတာ အလွန်ခက်ခဲပြီး နှစ်ပေါင်းများစွာ ကြာမြင့်နိုင်ပါတယ်။ အမေရိကန်ဟာ ကမ္ဘာ့အကြီးဆုံး လက်လီလက်ကားဈေးကွက်ကြီးနဲ့ အကြီးဆုံးစားသုံးသူ ဈေးကွက်ကြီး တည်ရှိနေပါတယ်။ ၂၀၂၅-ခုနှစ် အပြည်ပြည်ဆိုင်ရာငွေကြေးရန်ပုံငွေအဖွဲ့ရဲ့ တွက်ချက်မှုအရ အမေရိကန်တစ်နိုင်ငံတည်းရဲ့ GDP ဟာ ကမ္ဘာကြီးတစ်ခုလုံးစုစုပေါင်းရဲ့ ၂၆.၈% ရှိနေပါတယ်။ အဲ့ဒါကြောင့် လည်း ဒုတိယအကြိမ် သမ္မတဖြစ်လာတဲ့ ဒေါ်နယ်ထရမ့်က ကမ္ဘာ့စီးပွားရေး နံပတ်-၁ နေရာ မျက်စောင်းထိုး လာတဲ့ တရုတ်ကို ကုန်သွယ်ရေးစစ်ခင်းပြီး၊ ကမ္ဘာ့တစ်နိုင်ငံချင်းစီကို “ကုန်သွယ်ခွန်တိုးမြှင့်မယ်” စကားလုံးနဲ့ ခြိမ်းခြောက်နိုင်ခြင်းဖြစ်ပါတယ်။
ဒါ့အပြင် အမေရိကန်ဟာ ကမ္ဘာ့တိုက်ကြီးများအားလုံး သမုဒ္ဒရာများအားလုံးမှာ ကြည်းရေလေ တစ်ပြိုင်နက် တည်း စစ်ခင်းနိုင်တဲ့ ကမ္ဘာ့တစ်ခုတည်းသော တိုင်းပြည်ဖြစ်ပါတယ်။ သူ့တိုင်းပြည်ကို ထိခိုက်တယ်လို့ ယူဆ လျှင် စစ်ရေးနဲ့ ခြိမ်ခြောက်လေ့ရှိကြောင်း ယခုရက်ပိုင်း အီရန်-ဗင်နီဇွဲလားနိုင်ငံများနဲ့ ထိပ်တိုက်တွေ့နေခြင်း မှာ သိသာပါတယ်။ မကျေနပ်တဲ့တိုင်းပြည်က ကမ္ဘာ့အနောက်ခြမ်း ဗင်နီဇွဲလားကို ကူညီဖို့ ကာရေဗီယံပင်လယ် ကို မရောက်မီ အဲ့ဒီတိုင်းပြည်အနီး အမေရိကန်စစ်ခြေစိုက်များမှ တိုက်လေယာဉ်-ဗုံးကြဲလေယာဉ်-စစ်သင်္ဘော များက လက်ဦးမှု ရယူပါလိမ့်မယ်။
..
Zawgyi Version:
သင့္ အိတ္ကပ္ထဲက အေမရိကန္ ၅ ေဒၚလာတန္ကို ေထာင္ခ်ီေပးဝယ္သူရွိေနတယ္ ဆိုတာ သင္သိပါသလား
(ဘာသာျပန္ေဆာင္းပါး)
HtayOung #OungMarine
===
ေရွာ့ပင္းေမာလ္ျဖစ္ေစ မီနီမားကက္တစ္ခုအတြင္း ေရာက္ရွိေနခိုက္ သင္ဝယ္ယူထားသမွ်ကို သင့္ပိုက္ဆံအိတ္ ထဲက ေငြစကၠဴေရာရာနဲ႔ အလြယ္တကူ ေပးေခ်လိုက္မွာ ေသခ်ာပါတယ္။ အဲ့ဒီအထဲမွာ ေငြေထာင္ေသာင္းခ်ီ ေပးဝယ္သူရွိေနတဲ့ ၅- ေဒၚလာတန္တစ္႐ြက္ ပါသြားႏိုင္တယ္ဆိုတာ သင္သိပါသလားလို႔ စူးစမ္းရွာေဖြမႈ ဝါ သနာတူ အေမရိကန္အထက္တန္းေက်ာင္းသားမ်ား စုေဝးရာ The Millennial ဘေလာ့ဂ္ (27 August 2025) က ေဖာ္ျပပါတယ္။
၁-ေဒၚလာ၊ ၂-ေဒၚလာ၊ ၅ ေဒၚလာတန္ေငြစကၠဴဆိုတာ လက္ထဲရွိေနတတ္သူ အလြန္မ်ားပါတယ္။ ဒါေပမယ့္ ဒဂၤါးျပားနဲ႔မတူပဲ ေငြစကၠဴ႐ြက္မ်ားကို အေသးစိတ္စစ္ေဆးေလ့ရွိသူကေတာ့ မရွိသေလာက္နည္းပါးပါတယ္။ အဲ့ဒီ ေငြစကၠဴမ်ားအနက္ ၁၉၉၅-ခုႏွစ္ထုတ္ စီးရီးနံပတ္ ေဇာက္ထိုးမွားယြင္း ထုတ္ေဝမိတဲ့ ၅-ေဒၚ လာတန္ ႐ြက္ကို ထူးဆန္းရွားပါး ပစၥည္းစုေဆာင္းသူမ်ား- ေလလံတင္ေရာင္းခ်သူမ်ားက မူလတန္ဖိုးထက္ အဆေပါင္း မ်ားစြာေပးၿပီး ဝယ္ယူေနၾကပါတယ္။ စိတ္လႈပ္ရွားစရာေကာင္းတဲ့ အဲ့ဒီအမွားဟာ ထူးဆန္းရွားပါးပစၥည္းအေပၚ စူးစမ္းလိုစိတ္ ႀကီးမားေလေလ တန္ဖိုးႀကီးေလေလျဖစ္ၿပီး ေဒၚလာ ၅၀၀ မွ ၂၀,၀၀၀ အထိ ေပးဝယ္ေန ၾကပါတယ္။
ဒီလို ထူးဆန္းတဲ့ ကိစၥဟာ အေမရိကန္ဗဟိုဘဏ္ရဲ႕ တမင္ရည္႐ြယ္တဲ့ အမွားေတာ့ မဟုတ္ပါဘူး။ ထြင္းထု ျခင္းနဲ႔ ပုံႏွိပ္ျခင္းလုပ္ငန္းျဗဴ႐ို BEP ရဲ႕ ေငြစကၠဴပုံႏွိပ္ထုတ္ေဝျခင္းဟာ တစ္႐ြက္နဲ႔တစ္႐ြက္ တစ္ေထရာတည္း အေသးစိတ္ တူညီျခင္း၊ နံပတ္စဥ္လိုက္ ေငြစကၠဴ ျဖစ္ျခင္း၊ အမွတ္အသားတံဆိပ္မ်ားနဲ႔ လက္မွတ္မ်ားမက်န္ ေစ့ေစ့စပ္စပ္ စစ္ေဆးမႈအဆင့္ဆင့္ဆင့္ကို ျဖတ္သန္းၾကရပါတယ္။
အေမရိကန္ ဘ႑ာေရးဌာနနဲ႔ ဗဟိုဘဏ္တို႔ရဲ႕ အမွတ္တံဆိပ္မ်ား၊ နံပတ္စဥ္မ်ားကို မွားယြင္းပုံႏွိပ္မိျခင္းဟာ အလြန႔္အလြန္ရွားပါးလွပါတယ္။ သန္းေပါင္းမ်ားစြာ တန္ဖိုး ရွိတဲ့ ၅-ေဒၚလာတန္ ေငြစကၠဴမ်ားကို ႏွစ္စဥ္ထုတ္ ေဝေနခဲ့ရာ ၁၉၉၅-ခုႏွစ္ထုတ္မ်ားအနက္ ၅-ေဒၚလာတန္ ႐ြက္ေရအနည္းငယ္ရဲ႕ ေငြစကၠဴ နံပါတ္မ်ားဟာ ၁၈ဝံ ဒီဂရီေဇာက္ထိုးျဖစ္ေနပါတယ္။
အဲ့ဒီလို အမွားပါ ေငြစကၠဴေတြကို ရွားပါးပစၥည္း စုေဆာင္းသူမ်ား၊ အျမင္စူးရွသူႏိုင္ငံသားမ်ားက မေတြ႕မခ်င္း သာမန္လူအမ်ားအဖို႔ အမွတ္တမဲ့ျဖစ္ၿပီး ပ်ံ႕ႏွံ႔ေနတတ္ပါတယ္။ အဲ့ဒီသတင္း လူသိမ်ားလာတဲ့အခါ အသည္းအ သန္ျဖစ္ၿပီး ထူးဆန္းရွားပါးပစၥည္းစုေဆာင္းသူအေရအတြက္လည္း အေရအတြက္ တိုးျမင့္လာပါတယ္။ တစ္ ၿပိဳင္နက္တည္းမွာပဲ အတုအေယာင္ေတြကို မွားယြင္းဝယ္ယူမိတာေတြလည္း ျဖစ္လာပါတယ္။
မွားယြင္းပုံႏွိပ္ထားတဲ့ ေငြစကၠဴ႐ြက္မ်ားကို ရွာေဖြရျခင္းဟာ ရတနာသိုက္ရွာေဖြၾကတဲ့ ေဟာလိဝုဒ္႐ုပ္ရွင္ထက္ ရင္ခုန္စရာ ေကာင္းေနပါတယ္။ ထူးဆန္းလွတဲ့ ဒီျဖစ္ရပ္ဟာ ေငြစကၠဴရဲ႕ သစ္လြင္ျခင္းအေျခအေနအလိုက္ အ ဆေပါင္းမ်ားစြာ တန္ဖိုးျမင့္တက္သြားရပါတယ္။ စုေဆာင္းသူမ်ားအတြက္ ဒါဟာေငြေၾကးတစ္ခုတည္းဆိုတာ ထက္ပိုၿပီး သမိုင္းရဲ႕ အပိုင္းအစမ်ားျဖစ္ေနလို႔ပါ။ နည္းပညာျမင့္ ပုံႏွိပ္ျခင္းလုပ္ငန္းမွာပင္ လူသားတို႔အေနနဲ႔ အမွားမကင္းႏိုင္ေသးေၾကာင္း သက္ေသျပေနပါတယ္။
နံပတ္ ေဇာက္ထိုျဖစ္ေနတာကလြဲရင္ အဲ့ဒီ ၅-ေဒၚလာတန္ေတြကို တရားဝင္ သုံးစြဲႏိုင္ပါတယ္။ ဒါေၾကာင့္ တန္ဖိုး မသိသူေတြဟာ အလြယ္တကူ သုံးစြဲမိႏိုင္ပါတယ္။ ေဈးႏႈန္းေတြကေတာ့ အမ်ိဳးမ်ိဳးကြဲျပားေနပါတယ္။ အေတာ္ ႏြမ္းတဲ့ ေငြစကၠဴဆိုလ်င္ ေဒၚလာရာဂဏန္းအထိ ရွိႏိုင္ၿပီး ရွင္းလင္းျပတ္သား-လက္အကူးအေျပာင္းနည္းပါးတဲ့ ေငြစကၠဴမ်ားကို ေဒၚလာေသာင္းနဲ႔ခ်ီၿပီး ေရာင္းခ်ႏိုင္ပါတယ္။
ေလလံေဈးမ်ား၊ ေငြေၾကးေရာင္းဝယ္သူမ်ား၊ သို႔မဟုတ္ ထူးဆန္းရွားပါးပစၥည္း စုေဆာင္းသူမ်ား စုေဝးရာ အြန္ လိုင္းပလက္ေဖာင္းေတြဟာ ေရာင္းခ်ဖို႔ အေကာင္းဆုံးေနရာမ်ားျဖစ္ၿပီး မေရာင္းခ်မီ ေငြစကၠဴအစစ္အမွန္ျဖစ္ ေၾကာင္း ေသခ်ာဖို႔ေတာ့ လိုအပ္ပါတယ္။
သင့္အေနနဲ႔ ၅-ေဒၚလာတန္ေငြစကၠဳူ႐ြက္ ပိုင္ဆိုင္ထားသူဆိုလ်င္ ေနာက္ေနာင္ သမၼတလင္ကြန္းရဲ႕မ်က္ႏွာကို တစ္ခ်က္ေလးေတာင္ မၾကည့္ပဲ အမွတ္အသားေတြကိုသာ အနီးကပ္ၾကည့္ရႈပါ။ သင္ဟာ ေဒၚလာေသာင္းခ်ီ တန္ ေငြစကၠဴပိုင္ရွင္ျဖစ္ႏိုင္ေၾကာင္း အိပ္မက္ မက္ႏိုင္ပါတယ္။
..
(( အေမရိကန္ေဒၚလာနဲ႔ ပတ္သက္ၿပီး ေဆြးေႏြးလိုသည္မ်ားကို တစ္ဆက္တည္း ေျပာခြင့္ျပဳပါ။ လက္ရွိအေမ ရိကန္ေဒၚလာေငြစကၠဴမ်ားကို တန္ဖိုးဘယ္ေလာက္ထုတ္ေဝထားၿပီး အမွန္တကယ္သုံးစြဲလည္မႈ တန္ဖိုးဘယ္ ေလာက္ရွိေနတယ္ဆိုတာ အိမ္ျဖဴေတာ္နဲ႔ အေမရိကန္ဗဟိုဘဏ္ပင္ အတိအက် မသိႏိုင္ပါ။ ႐ိုက္ႏွိပ္ထုတ္ေဝခဲ့သမွ်ေငြစကၠဴအခ်ိဳ႕ကို ကမာၻ႔ႏိုင္ငံအခ်ိဳ႕က သူတို႔တိုင္းျပည္ရဲ႕ တရားဝင္ေငြစကၠးအျဖစ္ အသုံး ျပဳေနျခင္း၊ အေမရိကန္ေဒၚလာကို အရန္ႏိုင္ငံျခားေငြအျဖစ္ ႏိုင္ငံအေတာ္မ်ားမ်ားက သိုေလွာင္သိမ္း ဆည္းေန ျခင္းေၾကာင့္ ျဖစ္ပါတယ္။ ႏိုင္ငံတကာေဈးကြက္မွာ အလဲအလွယ္လုပ္ရန္ လြယ္ကူျခင္း၊ တန္ဖိုး တည္ၿငိမ္လုနီး ပါးရွိျခင္းေၾကာင့္ ကမာၻ႔ကုန္သြယ္ေရးရဲ႕ ၈၀%၊ ကမာၻ႔အရန္ေငြေၾကး ၆၀% ကို ေဒၚလာျဖင့္ ေဆာင္႐ြက္ေနၾက ပါတယ္။
အျခားတစ္ဖက္မွာလည္း အေမရိကန္အစိုးရတို႔ဟာ သူတို႔တိုင္းျပည္ဘဏ္မ်ားမွာ လာေရာက္အပ္ႏွံထားတဲ့ အျခားတိုင္းျပည္ဘ႑ာေငြမ်ားကို ႏိုင္ငံေရးအေၾကာင္းျပခ်က္ျဖင့္ ျပန္ထုတ္ေပးရန္ ျငင္းဆိုျခင္း၊ အျခားတိုင္း ျပည္မ်ားကို စီးပြားေရးဒဏ္ခတ္ပိတ္ဆို႔ျခင္းမ်ား ျပဳလုပ္ေလ့ရွိပါတယ္။ အဲ့ဒီအခါ အေရးယူခံရတဲ့ တိုင္းျပည္သာမ က ကုန္သြယ္ဖက္ႏိုင္ငံမ်ားပါ အလြန္အခက္ေတြ႕ရပါတယ္။ ဒီအတြက္ De-Dollarization , Dollar De-Throne ျဖစ္ရပ္ ေပၚေပါက္လာရတယ္။
De-Dollarrization “ေဒၚလာေငြအသုံးျပဳမႈေလွ်ာ့ခ်ေရး” ဆိုတာ အေမရိကန္ေဒၚလာအစား ေ႐ႊ သိူ႔မဟုတ္ တ ႐ုတ္-ယြမ္၊ အိႏၵိယ -႐ူးပီး၊ ႐ုရွား-႐ူဘယ္၊ သို႔မဟုတ္ တိုင္းျပည္တို႔ရဲ႕တရားဝင္ေငြေၾကးမ်ားနဲ႔ အစားထိုးၿပီး ကုန္ သြယ္မႈျပဳလုပ္ရန္ ျဖစ္ပါတယ္။ ယခုအခါ ျမန္မာနဲ႔ အိမ္နီးခ်င္းႏိုင္ငံမ်ား နယ္စပ္ကုန္သြယ္ရာမွ အသုံးျပဳေန ပါတယ္။
Dollar De-Throne “ေဒၚလာအသုံးျပဳမႈစြန႔္လႊတ္ျခင္း” ဆိုတာ ကမာၻ႔ေငြေၾကးစနစ္မွာ အေမရိကန္ေဒၚလာ ၾသ ဇာလႊမ္းမိုးမႈကို တျဖည္းျဖည္း သို႔မဟုတ္ လုံး၀ ယတိျပတ္ ေလ်ာ့ခ်ေရးျဖစ္ပါတယ္။ ေဒၚလာေငြကိုလုံး၀ ပစ္ပယ္ ျခင္း မဟုတ္ပဲ လႊမ္းမိုးမႈကို ေလ်ာ့ခ်ရန္ျဖစ္ပါတယ္။ အနာဂတ္မွာ ဥေရာပ ယူ႐ို၊ တ႐ုတ္ ဒစ္ဂ်စ္တယ္ ယြမ္နဲ႔ ဒစ္ဂ်စ္တယ္ေငြေၾကးတို႔ရဲ႕ အခန္းက႑ပိုမိုႀကီးထြားလာႏိုင္ၿပီး ယခု BRICS ေခၚ ဘရာဇီး၊ ႐ုရွား၊ အိႏၵိယ၊ တ ႐ုတ္၊ ေတာင္အာဖရိက စတဲ့ ၅-ႏိုင္ငံပါအဖြဲ႕ႀကီးရဲ႕ ေငြေၾကးစနစ္သစ္ထူေထာင္ရန္ ႀကိဳးပမ္းျခင္းမ်ိဳး ျဖစ္ပါ တယ္။
ဒါေပမယ့္ အေမရိကန္ေဒၚလာ ၾသဇာလႊမ္းမိုးမႈကို ဖယ္ရွားပစ္ဖို႔ကိစၥဆိုတာ အလြန္ခက္ခဲၿပီး ႏွစ္ေပါင္းမ်ားစြာ ၾကာျမင့္ႏိုင္ပါတယ္။ အေမရိကန္ဟာ ကမာၻ႔အႀကီးဆုံး လက္လီလက္ကားေဈးကြက္ႀကီးနဲ႔ အႀကီးဆုံးစားသုံးသူ ေဈးကြက္ႀကီး တည္ရွိေနပါတယ္။ ၂၀၂၅-ခုႏွစ္ အျပည္ျပည္ဆိုင္ရာေငြေၾကးရန္ပုံေငြအဖြဲ႕ရဲ႕ တြက္ခ်က္မႈအရ အေမရိကန္တစ္ႏိုင္ငံတည္းရဲ႕ GDP ဟာ ကမာၻႀကီးတစ္ခုလုံးစုစုေပါင္းရဲ႕ ၂၆.၈% ရွိေနပါတယ္။ အဲ့ဒါေၾကာင့္ လည္း ဒုတိယအႀကိမ္ သမၼတျဖစ္လာတဲ့ ေဒၚနယ္ထရမ့္က ကမာၻ႔စီးပြားေရး နံပတ္-၁ ေနရာ မ်က္ေစာင္းထိုး လာတဲ့ တ႐ုတ္ကို ကုန္သြယ္ေရးစစ္ခင္းၿပီး၊ ကမာၻ႔တစ္ႏိုင္ငံခ်င္းစီကို “ကုန္သြယ္ခြန္တိုးျမႇင့္မယ္” စကားလုံးနဲ႔ ၿခိမ္းေျခာက္ႏိုင္ျခင္းျဖစ္ပါတယ္။
ဒါ့အျပင္ အေမရိကန္ဟာ ကမာၻ႔တိုက္ႀကီးမ်ားအားလုံး သမုဒၵရာမ်ားအားလုံးမွာ ၾကည္းေရေလ တစ္ၿပိဳင္နက္ တည္း စစ္ခင္းႏိုင္တဲ့ ကမာၻ႔တစ္ခုတည္းေသာ တိုင္းျပည္ျဖစ္ပါတယ္။ သူ႔တိုင္းျပည္ကို ထိခိုက္တယ္လို႔ ယူဆ လွ်င္ စစ္ေရးနဲ႔ ၿခိမ္ေျခာက္ေလ့ရွိေၾကာင္း ယခုရက္ပိုင္း အီရန္-ဗင္နီဇြဲလားႏိုင္ငံမ်ားနဲ႔ ထိပ္တိုက္ေတြ႕ေနျခင္း မွာ သိသာပါတယ္။ မေက်နပ္တဲ့တိုင္းျပည္က ကမာၻ႔အေနာက္ျခမ္း ဗင္နီဇြဲလားကို ကူညီဖို႔ ကာေရဗီယံပင္လယ္ ကို မေရာက္မီ အဲ့ဒီတိုင္းျပည္အနီး အေမရိကန္စစ္ေျခစိုက္မ်ားမွ တိုက္ေလယာဥ္-ဗုံးႀကဲေလယာဥ္-စစ္သေဘၤာ မ်ားက လက္ဦးမႈ ရယူပါလိမ့္မယ္။
..