ကိုဗစ်ကာကွယ်ဆေးပေါင်း (၁၀၀)ကျော်ရှိနေခြင်းနဲ့ သူတို့ရဲ့အကျိုးအာနိသင်များအကြောင်း ခြေရာခံခြင်း
3396
ရောင်နီ (NP News) - သြဂုတ် ၆
ကာကွယ်ဆေးများဟာ ပုံမှန်အားဖြင့် ဆေးခန်းမရောက်မီ နှစ်ပေါင်းများစွာ သုတေသနနှင့် စမ်းသပ်ရန် လိုအပ်သော်လည်း ၂၀၂၀ တွင် သိပ္ပံပညာရှင်များသည် စံချိန်တင် အချိန်မီလုံခြုံပြီး ထိရောက်သော coronavirus ကာကွယ်ဆေးများ ထုတ်လုပ်ရန် အပြိုင်အဆိုင် ကြိုးစားခဲ့ကြသည်။ လူ၌စမ်းသပ်ထားသော ကာကွယ်ဆေးအားလုံးနှင့် အတူတိရိစ္ဆာန်၌ စမ်းသပ်နေသော အလားအလာရှိသည့် ကာကွယ်ဆေးများကို အောက်ပါအတိုင်း ဖော်ပြလိုက်သည်။ ဗိုင်းရပ်စ်မျိုးကွဲများနှင့် ပြောင်းလဲမှုများအကြောင်း ရှင်းလင်းချက်အတွက် Coronavirus Variant Tracker ကိုကြည့်နိုင်ပါသည်။
(ကာကွယ်ဆေး ယုံကြည်စိတ်ချရမှု ရှိ၊မရှိ စမ်းသပ်သည့် လုပ်ငန်းစဉ်များ)
ကြိုတင်စမ်းသပ်ခြင်း - သိပ္ပံပညာရှင်များသည် ကာကွယ်ဆေးအသစ်တစ်ခုကို ဆဲလ်များပေါ်တွင် စမ်းသပ်ပြီးနောက် ခုခံအားတုံ့ပြန်မှုရှိမရှိ ကြည့်ရန် ကြွက်များ (သို့) မျောက်ကဲ့သို့ တိရိစ္ဆာန်များတွင် စမ်းသပ်သည်။
အဆင့် ၁ - လုံခြုံစိတ်ချရမှုစမ်းသပ်မှုများ - သိပ္ပံပညာရှင်များသည် ကာကွယ်ဆေးကို လူအနည်းစုအား စမ်းသပ်ထိုးနှံပေးပြီး လုံခြုံစိတ်ချရမှုနှင့် ၎င်းဧ။်ခုခံအားစနစ် လှုံ့ဆော်မှုကို အတည်ပြုသည်။
အဆင့် ၂ - စမ်းသပ်မှုများ - ကာကွယ်ဆေးများသည် ၎င်းတို့နှင့်ကွဲပြားမှုရှိ၊ မရှိကိုကြည့်ရန် ရာနှင့်ချီသော လူများအား အုပ်စုများ စမ်းသပ်ထိုးနှံပေးသည်။ ယင်းစမ်းသပ်မှုများသည် ကာကွယ်ဆေး၏ လုံခြုံမှုကို ထပ်မံစမ်းသပ်ခြင်း ဖြစ်သည်။
အဆင့် ၃ - ထိရောက်မှုစမ်းသပ်မှုများ - သိပ္ပံပညာရှင်များသည် ကာကွယ်ဆေးများကို လူထောင်ပေါင်းများစွာအား ပေးပြီး စောင့်ကြည့် စစ်ဆေးသည်။ ဤစမ်းသပ်မှုများသည် coronavirus ကိုကာကွယ်နိုင်မှု ရှိ၊မရှိနဲ့ ထိရောက်မှုနှုန်းကို သိစေနိုင်တဲ့ အဆင့်ဟု လူသိများသည်။ အဆင့် ၃ စမ်းသပ်မှုများသည် အတော်လေးရှားပါးသော ဘေးထွက်ဆိုးကျိုးများကို သက်သေပြရန်လုံလောက်သည်။
(အစောဆုံး(သို့မဟုတ်) အကန့်အသတ်ဖြင့် အတည်ပြုခြင်း)
နိုင်ငံအတော်များများတွင် ကာကွယ်ဆေးများ အရေးပေါ် ခွင့်ပြုချက် ထုတ်ပေးရန် လုပ်ထုံးလုပ်နည်းများရှိသည်။ သို့သော် တရုတ်နှင့်ရုရှားကဲ့သို့သော နိုင်ငံအချို့သည် အဆင့် ၃ စမ်းသပ်မှု အချက်အလက်များကို လူသိရှင်ကြား မထုတ်ပြန်မီ ကာကွယ်ဆေး စီမံကွပ်ကဲမှုကို စတင်သည်။
အတည်ပြုခြင်း - ကာကွယ်ဆေး ထုတ်လုပ်ရေးအတွက် ပြီးပြည့်စုံသော စမ်းသပ်မှု ရလဒ်များနှင့် အစီအစဉ်များကို ပြန်လည်သုံးသပ်ပြီး ၎င်းအား အပြည့်အ၀ ထောက်ခံချက် ပေး၊မပေး ဆုံးဖြတ်ခြင်းဖြစ်သည်။
ပေါင်းစပ်ထားသော အခြေအနေများ -
ကာကွယ်ဆေးတီထွင်မှုကို အရှိန်မြှင့်ရန် နည်းလမ်းတစ်ခုမှာ အဆင့်များ ပေါင်းစပ်ခြင်း ဖြစ်သည်။ အချို့ကာကွယ်ဆေးများသည် ယခုအဆင့် ၁/၂ စမ်းသပ်မှုများတွင် ရှိသည်၊ ဥပမာ၊ ဤ tracker သည် Phase 1 နှင့် Phase 2 နှစ်ခုလုံးကို ထည့်သွင်း တွက်ချက်သည်သာ ဖြစ်သည်။
ဆိုင်းငံ့ထားခြင်း (သို့) စွန့်လွှတ်ခြင်း - ကာကွယ်ဆေး ထိုးနှံထားသော စေတနာ့ဝန်ထမ်းများတွင် စိုးရိမ်ပူပန်စရာ လက္ခဏာများ တွေ့ပါက ကာကွယ်ဆေး ဆက်မထုတ်ဖို့ ခဏဆိုင်းငံ့စေနိုင်သည်။
(၁) Pifizer (Comirnaty )
ထိရောက်မှု - ၉၁ ဒသမ ၃ ရာခိုင်နှုန်း
ဆေးထိုးရမည့် အကြိမ်ရေ - ၂ ကြိမ်၊ ၃ ပတ်ခြားထိုးပေးရမည်
အမျိုးအစား - ကြွက်သားထိုးဆေး
သိုလှောင်ခန်း - အအေးခန်းသိုလှောင်မှုအမှတ် –13 ° F မှ 5 ° F (–25 ° C to –15 ° C)
နယူးယောက်အခြေစိုက် Pfizer နှင့်ဂျာမန်ကုမ္ပဏီ BioNTech မှ ထုတ်လုပ်သည်။ ကိုရိုနာဗိုင်းရပ်စ်ကို ၉၀ ရာခိုင်နှုန်း ကာကွယ်နိုင်ပြီး ဗိုင်းရပ်စ်အမျိုးအစားကွဲများကိုလည်း ထိရောက်မှုရှိသော ခိုင်ခံ့သည့် အကာအကွယ်ပေးနိုင်ကာ Delta ကို ကူးစက်မှုကို ၈၈ ရာခိုင်နှုန်း၊ Delta ကြောင့် ဆေးရုံတက်ရနှုန်းကို ၉၆ ရာခိုင်နှုန်ထိ ကာကွယ်နိုင်စွမ်းရှိသည်။
(၂) Moderna (mRNA-1273 or Spikevax )
ထိရောက်မှု - ၉၀ ရာခိုင်နှုန်းကျော်
ဆေးထိုးရမည့်အကြိမ်ရေ - ၂ ကြိမ် ( ၄ ပတ်ခြား ထိုးရမည် )
အမျိုးအစား - ကြွက်သားထိုးဆေး
သိုလှောင်မှု - အအေးခန်းသိုလှောင်မှုအမှတ် – 4 ° F (–20 ° C)
F.D.A ဘော်စတွန်အခြေစိုက် Moderna ကုမ္ပဏီမှ ထုတ်လုပ်သည်။ Moderna ကာကွယ်ဆေးအပေါ် စမ်းသပ်ချက်များအရ Beta နှင့် Delta ကဲ့သို့ ဗိုင်းရပ်စ်မျိုးကွဲများကို အားကောင်းစွာ ကာကွယ်ပေးနိုင်သည်ဟု သိရသည်။
(၃) Urevac / CVnCoV
ထိရောက်မှု - ၄၈ ရာခိုင်နှုန်း
ဆေးထိုးရမည့် အကြိမ်ရေ - ၂ ကြိမ် (၄ ပတ်ခြား )
အမျိုးအစား - ကြွက်သားထိုးဆေး
သိုလှောင်မှု - အအေးခန်းအမှတ် အနည်းဆုံး ၃၆-၄၆ ဒီဂရီဖာရင်ဟိုက် (၂-၈ ဒီဂရီစင်တီဂရိတ်)
ဂျာမနီတွင် ထုတ်လုပ်ပြီး ဆေးရုံတက်ရခြင်းနှင့် သေဆုံးခြင်းကို ၁၀၀ ရာခိုင်နှုန်း ကာကွယ်ပေးနိုင်သည်။ ဗိုင်းရပ်စ်မျိုးကွဲအသစ်များကိုတော့ ထိရောက်နိုင်ခြေနည်းပါးသည်။
(၄) Zydus (ZyCoV-D)
ထိရောက်မှု - ၆၆ ဒသမ ၆ ရာခိုင်နှုန်း
ဆေးထိုးရမည့် အကြိမ်ရေ - ၃ ကြိမ် (၄ ပတ်ခြား )
အမျိုးအစား - အရေပြားဆေးထိုးခြင်း
သိုလှောင်မှု - အခန်းအပူချိန်တွင် ထားနိုင်
အိန္ဒိယနိုင်ငံ၊ Zydus Cadila မှ ထုတ်လုပ်ပြီး ၆၆ ဒသမ ၆ ရာခိုင်နှုန်းကာကွယ်နိုင်စွမ်းရှိသည်။ အရေးပေါ် အစိုးရခွင့်ပြုချက်အတွက် အိန္ဒိယအစိုးရထံ လျှောက်ထားခဲ့သည်ဟု ဆိုသည်။
(၅) Bogen
စမ်းသပ်စစ်ဆေးနေဆဲဖြစ်ပြီး တရုတ် စစ်ဘက်ဆေးသိပ္ပံ အကယ်ဒမီမှ တရုတ်သုတေသီများမှ ထုတ်လုပ်သည့် အလားအလာကောင်နိုင်မည့် ကာကွယ်ဆေးဖြစ်သည်။
(၆) AG0302-COVID19
ထိရောက်မှု - မသိရသေး
ဆေးထိုးရမည့် အကြိမ်ရေ - ၂ ကြိမ်( ၂ ပတ်ခြား )
အမျိုးအစား - အရေပြားဆေးထိုးခြင်း
သိုလှောင်ခန်း - အခန်းအပူချိန်တွင်ထားနိုင်
ဂျပန်ဇီဝနည်းပညာကုမ္ပဏီ AnGes သည် Osaka တက္ကသိုလ်နှင့် Takara Bio တို့နှင့် ပူးပေါင်း၍ DNA အခြေပြု ကာကွယ်ဆေး အဆင့် ၁ စမ်းသပ်မှုကို စတင်ခဲ့သည်။
(၇) Innovio
ထိရောက်မှု - မသိရသေး
ဆေးထိုးရမည့် အကြိမ်ရေ - မသိရသေး
အမျိုးအစား - အရေပြားဆေးထိုးခြင်း
သိုလှောင်ခန်း - အခန်းအပူချိန်တွင်ထားနိုင်
ဆယ်လ်ဗေးနီးယား အခြေစိုက် Inovio ကုမ္ပဏီမှ အရေပြားသို့ ထိုးပေးနိုင်သော DNA အခြေပြု ကာကွယ်ဆေးကို တီထွင်ခဲ့သည်။ အဆင့် ၁၊ အဆင့် ၂ စမ်းသပ်မှုများ ပြီးပြီဖြစ်ပြီး အဆင့် ၃ စမ်းသပ်မှုကိုတော့ တရုတ်ကုမ္ပဏီ Advaccine Biopharmaceuticals နှင့် အကျိုးတူ ပူးပေါင်းကာ စမ်းသပ်မှု စတင်မည်ဟု ကြေငြာခဲ့သည်။
(၈) Arcturus (ARCT-021 )
ကယ်လီဖိုးနီယား အခြေစိုက် Arcturus Therapeutics နှင့် Duke-NUS ဆေးကျောင်းမှ စင်ကာပူတွင် ARCT-021 ဟုခေါ်သော mRNA ကာကွယ်ဆေးကို တီထွင်ခဲ့သည်။ ၎င်းတွင် ဗိုင်းရပ်စ်ပရိုတိန်းများ ပိုမိုထုတ်လုပ်မှုကို ဦးတည်စေသော“ အလိုအလျောက် ပုံစံတူဒီဇိုင်းရှိသည်။ အဆင့် ၁/၂ စမ်းသပ်မှုကို Singapore General Hospital ၌ စတင်ခဲ့သည်။
(၉) Gennova (HGC019 )
အိန္ဒိယရှိ Gennova Biopharmaceuticals နှင့် Seattle အခြေစိုက် HDT Bio တို့သည် self-amplifying RNA ကို အခြေခံ၍ ကာကွယ်ဆေးတစ်ခုတီထွင်ရန် ပူးပေါင်းခဲ့သည်။ HGC019 ဟုခေါ်သော ကာကွယ်ဆေးသည်တိရိစ္ဆာန်များအား coronavirus မှ ခုခံအားဖြစ်စေရန် လုံခြုံစွာနှိုးဆော်နိုင်ခဲ့ပြီး Phase 1/2 စမ်းသပ်မှုများစတင်ရန် စမ်းသပ်မှုကိုအိန္ဒိယတွင်ပြုလုပ်နေကြောင်း သိရသည်။
(၁၀) GeneOne Life Science
တောင်ကိုရီးယား ဇီဝနည်းပညာ ကုမ္ပဏီတစ်ခုသည် ကိုရိုနာဗိုင်းရပ်စ်မှ ပရိုတိန်းဓာတ်နှစ်မျိုး ထုတ်လုပ်ပေးသော DNA အခြေခံ ကာကွယ်ဆေးတစ်ခုကို တီထွင်ခဲ့သည်။
(၁၁) Genexine
တောင်ကိုရီးယားကုမ္ပဏီ Genexine မှ ထုတ်လုပ်ခဲ့ပြီး အဆင့် ၁၊ ၂၊ ၃ စမ်းသပ်မှုများမှာ အလားအလာကောင်းတဲ့ ဆေးအဖြစ် မီးစိမ်းပြထားသည်။
(၁၂) COVID-eVax
အီတလီရှိ ကာကွယ်ဆေးကုမ္ပဏီနှစ်ခုဖြစ်သော Takis Biotech နှင့် Rottapharm Biotech တို့မှ တီထွင်ခဲ့သည်။ အဆင့် ၂ ထိ လက်တွေ့စမ်းသပ်မှုများ ပြုလုပ်ပြီ ဖြစ်သည်။
(၁၃) Sanofi
ပြင်သစ်ဆေးဝါးကုမ္ပဏီ Sanofi မှTranslate Bio နှင့် ပူးပေါင်း၍ တီထွင်သည့် ပရိုတိန်း အခြေခံ ကိုဗစ်ကာကွယ်ဆေးဖြစ်သည်။ အဆင့် ၂ ထိ လက်တွေ့စမ်းသပ်မှုများ ပြုလုပ်ပြီး ဖြစ်သည်။
(၁၄) Daiichi- Sankyo
ဂျပန်အခြေစိုက် Daiichi Sankyo မှ သုတေသီများသည် တိုကျိုတက္ကသိုလ်နှင့် ပူးပေါင်း၍ coronavirus ကိုကာကွယ်နိုင်မယ့် mRNA အမျိုးအစား ကာကွယ်ဆေးကို တီထွင်ခဲ့ကြသည်။ အဆင့် ၂ ထိ လက်တွေ့စမ်းသပ်ပြီးဖြစ်သည်။
(၁၅) Elixirgen
Baltimore အခြေစိုက် Elixirgen Therapeutics မှ သုတေသီများသည် coronavirus spike protein ၏ သေးငယ်သည့် အစိတ်အပိုင်းကိုပစ်မှတ်ထားသော RNA အမျိုးအစား ကာကွယ်ဆေးကို ဖန်တီးခဲ့သည်။ ၎င်းသည်လည်း အဆင့် ၂ ထိ လက်တွေ့စမ်းသပ်မှုများ ပြုလုပ်ပြီး ဖြစ်သည်။
(၁၆) Chula
ထိုင်းနိုင်ငံ Chulalongkorn တက္ကသိုလ် သုတေသီများမှ ဖန်တီးသည်။ Coronavirus ကို ကာကွယ်နိုင်ရန်အတွက် အလားအလာရှိသော်လည်း လက်တွေ့စမ်းသပ်မှု အဆင့် ၁ သာ လုပ်ဆောင်ပြီးဖြစ်သည်။
(၁၇) Entos
ကနေဒါကုမ္ပဏီ Entos Pharmaceuticals မှ DNA အမျိုးအစား ကာကွယ်ဆေးကို ဖန်တီးခဲ့သည်။ ၎င်းသည် ရေရှည်ခံနိုင်ရည်ကို ပေးနိုင်သည်ဟု ဆိုသည်။ ယခုထိ အဆင့် ၁ လက်တွေ့စမ်းသပ်မှု အဆင့် ၁ သာ ပြုလုပ်ရသေးသည်။
(၁၈) Symvivo
ကနေဒါကုမ္ပဏီ Symvivo မှ ဖန်တီးပြီး အဆင့် ၁ လက်တွေ့စမ်းသပ်ပြီး ဖြစ်သည်။
(၁၉) Oncosec
New Jersey အခြေစိုက် OncoSec Immunotherapies သည် ကင်ဆာဆဲလ်များကို မျိုးဗီဇများထုတ်ပေးသော စမ်းသပ်ကုသမှုများကို တီထွင်ခဲ့သည်။ ၎င်းကို ခန္ဓာကိုယ်တွင် ထိုးသွင်းလိုက်လျှင် မျိုးဗီဇများသည် IL-12 ဟုခေါ်သော သဘာဝအချက်ပြ မော်လီကျူးကို ထုတ်လုပ်ပေးပြီး ကင်ဆာကို တိုက်ခိုက်သော ခုခံအားဆဲလ်များကို အားကောင်းစေကာ ခုခံအားစနစ်ကို မြှင့်တင်ပေးနိုင်သည်။ အခုထိ အဆင့် ၁ လက်တွေ့စမ်းသပ်မှုသာ ပြီးသေးသည်ဟု သိရသည်။
(၂၀) Providence
ကနေဒါနိုင်ငံ၊ Providence Therapeutics မှ coronavirus ကိုကာကွယ်ရန် mRNA အမျိုးအစား ကာကွယ်ဆေးကို တီထွင်ခဲ့ကြသည်။ ကာကွယ်ဆေးသည် ဘေးကင်းလုံခြုံပြီး အလားအလာကောင်းတဲ့ Antibodies များ ထုတ်လုပ်ပေးနိုင်သည်ဟု ဆိုသည်။ လက်တွေ့စမ်းသပ်မှု အဆင့် ၁ ကို အောင်မြင်စွာ ကျော်ဖြတ်နိုင်ခဲ့သည်ဟု သိရသည်။
(၂၁) COVIGEN
PharmaJet မှ BioNet-Asia နှင့် သြစတေးလျအခြေစိုက် Technovalia မှ သုတေသီများသည် COVIGEN ဟုခေါ်သော DNA ကာကွယ်ဆေးကို တီထွင်ခဲ့ပြီး လက်တွေ့စမ်းသပ်မှု အဆင့် ၁ ကို ကျော်ဖြတ်နိုင်ခဲ့ပြီး ဖြစ်သည်။
(၂၂) Stemirna
Stemirna Therapeutics မှ တရုတ်သုတေသနပညာရှင်များသည် ရှန်ဟိုင်းအရှေ့ဆေးရုံနှင့် ပူးပေါင်း၍ mRNA ကာကွယ်ဆေးကို တီထွင်ခဲ့ကြသည်။ ၎င်းသည်လည်း အဆင့် ၁ လက်တွေ့စမ်းသပ်မှု အောင်မြင်ပြီး ဖြစ်သည်။
(၂၃) Imperial Collage london
Imperial College London မှသုတေသီများက Covid-19 အတွက်“ self-amplifying” RNA ကာကွယ်ဆေးကို တီထွင်ခဲ့ပြီး ခုခံအားစနစ်ကို လှုံ့ဆော်ပေးသော ဗိုင်းရပ်စ်ကာကွယ်ဆေး ထုတ်လုပ်မှုကို မြှင့်တင်ခဲ့သည်။ သုတေသီများသည် ဆေးထိုးအပ်မပါဘဲ အရေပြား၌ ထိုးစိုက်နိုင်သော အစိုင်အခဲဗားရှင်းကို ထုတ်လုပ်ရန် Enesi Pharma နှင့်ပူးပေါင်းကြေငြာခဲ့သည်။ လက်တွေ့ စမ်းသပ်မှု အဆင့် ၂ ထိ ပြီးမြောက်ပြီးဖြစ်သည်။
(၂၄) Sputnik V
ထိရောက်မှု - ၉၁ ဒသမ ၆ ရာခိုင်နှုန်း
ဆေးအကြိမ်ရေး -၂ ကြိမ်၊ ၃ ပတ်ခြားပါ
အမျိုးအစား - ကြွက်သားထိုးဆေး
သိုလှောင်မှု - အအေးခန်းတွင် သိုလှောင်ရမည်။
ရုရှားကျန်းမာရေး ဝန်ကြီးဌာန၏ Gamaleya သုတေသနအင်စတီကျုသည် ၉၁ ဒသမ ၆ ရာခိုင်နှုန်း ထိရောက်မှုရှိတဲ့ ကာကွယ်ဆေးကို ဖန်တီးနိုင်ခဲ့ပြီး ယခုအခါ တစ်ကမ္ဘာလုံးတွင် တွင်ကျယ်စွာ အသုံးပြုနေပြီဖြစ်သည်။
(၂၅) Vaxzevria
ထိရောက်မှု - ၇၆ ရာခိုင်နှုန်း
ဆေးအကြိမ်ရေ - ၂ ကြိမ်
အမျိုးအစား - ကြွက်သားထိုးဆေး
သိုလှောင်မှု - အအေးခန်းတွင် ထားရမည်
Oxford တက္ကသိုလ်မ ှဒီဇိုင်းထုတ်ပြီး ဗြိတိသျှ-ဆွီဒင်ကုမ္ပဏီ AstraZeneca မှ ထုတ်လုပ်သော ကာကွယ်ဆေးသည် Covid-19 ကာကွယ်ဆေးများအတွက် ကမ္ဘာလုံးဆိုင်ရာ ဝယ်လိုအားကို ဖြည့်ဆည်းရန် ကြိုးပမ်းမှုတွင် အဓိကအစိတ်အပိုင်းတစ်ခုအဖြစ် ပေါ်ထွက်လာခဲ့သည်။ ၇၆ ရာခိုင်နှုန်း ထိရောက်မှုရှိပြီး ယခု Vaxzevria ဟုခေါ်သော ကာကွယ်ဆေးကို ဈေးနှုန်းချိုသာစွာဖြင့် အမြောက်အမြား ထုတ်လုပ်နေပြီ ဖြစ်သည်။
၂၆။ CansinoBio ( Convidecia )
ထိရောက်မှု - ၆၅ ဒသမ ၂၈ ရာခိုင်နှုန်း
ဆေးအကြိမ်ရေ - တစ်ကြိမ်
အမျိုးအစား - ကြွက်သားထိုးဆေး
သိုလှောင်မှု - အအေးခန်းတွင် ထားရမည်
တရုတ်ကုမ္ပဏီ CanSino Biologics သည် Convidecia ကို နိုင်ငံ၏ ဆေးဘက်ဆိုင်ရာ သိပ္ပံအကယ်ဒမီနှင့် ပူးပေါင်း၍ တီထွင်ခဲ့သည်။ တစ်ကြိမ်ထိုး ကာကွယ်ဆေးသည် Ad5 ဟုခေါ်သော adenovirus ကို အခြေခံသည်။ အဆင့် ၂ ထိ လက်တွေ့စမ်းသပ်မှုများလုပ်ခဲ့သည်။
(၂၇) Ad26.COV2.S
ထိရောက်မှု - အမေရိကန်တွင် ၇၂ ရာခိုင်နှုန်း၊ ဘရာဇီးတွင် ၆၈ နှင့်တောင်အာဖရိကတွင် ၆၄
ဆေးအကြိမ်ရေ - ၁ ကြိမ်
အမျိုးအစား - ကြွက်သားထိုးဆေး
သိုလှောင်ခြင်း - – 4 ° F (–20 ° C) တွင် အေးခဲထားရမည်
F.D.A Johnson & Johnson မှ အရေးပေါ် အသုံးပြုနိုင်သည့် ကာကွယ်ဆေးကို ဖန်တီးခဲ့သည်။ ယင်းကာကွယ်ဆေးသည် တောင်အာဖရိကတွင် Beta ကိုဗစ်မျိုးကွဲကို ၅၂ ရာခိုင်နှုန်းသာ ထိရောက်မှုရှိခဲ့ပြီး Delta ဗိုင်းရပ်စ်ကို ကာကွယ်နိုင်စွမ်း အားနည်းသည်။
(၂၈) ReiThera (GR-Covid2)
အီတလီဇီဝနည်းပညာကုမ္ပဏီ ReiThera သည် ဂေါ်ရီလာကိုကူးစက်သော adenovirus ကို အခြေခံကာ GR-Covid2 ကိုဗစ်ကာကွယ်ဆေးကို ဖန်တီးခဲ့သည်။ အဆင့် ၃ စမ်းသပ်မှု ပြုလုပ်နေဆဲ ဖြစ်သည်။
(၂၉) IIBR
အစ္စရေးဇီဝဗေဒ သုတေသန အင်စတီကျုသည် vesicular stomatitis virus ကို အခြေခံ၍ အဆိုပါ coronavirus ကာကွယ်ဆေးကို ဖန်တီးခဲ့သည်။ အဆင့် ၃ စမ်းသပ်မှု ပြုလုပ်နေဆဲ ဖြစ်သည်။
(၃၀) Wantai BioPharm
ဟောင်ကောင်တက္ကသိုလ်နှင့် Xiamen တက္ကသိုလ်မှ သုတေသီများသည် မျိုးရိုးဗီဇအားနည်းသော တုပ်ကွေးဗိုင်းရပ်စ် ပုံစံပေါ် အခြေခံ၍ တုပ်ကွေးအတွက် ယင်းကာကွယ်ဆေးကိုဖန်တီးခဲ့သည်။ အဆင့် ၃ စမ်းသပ်မှုကို ပြည်ပမှာ ပြုလုပ်သွားမည်ဟု သိရသည်။
(၃၁) Vaxart
ကာကွယ်ဆေးများစွာကို ထိုးဆေးအဖြစ် ပေးထားသော်လည်း Vaxart ကာကွယ်ဆေးကတော့ ဆေးလုံးပုံစံဖြစ်သည်။ ဆန်ဖရန်စစ်စကို ကုမ္ပဏီ Vaxart မှ ဖန်တီးသည်။ မထုတ်ဝေရသေးသော လေ့လာမှုတစ်ခုတွင် အဆိုပါ ကာကွယ်ဆေးသည် ဟန်းစတားများတွင် coronavirus ကူးစက်မှုကို သိသိသာသာလျော့ကျစေရုံသာမက အလေးချိန်ကျဆင်းခြင်းနှင့် အဆုတ်ရောင်ခြင်းကို ကာကွယ်ပေးနိုင်ကြောင်း သိရသည်။
(၃၂) DZIF
ဂျာမန် ကူးစက်ရောဂါ သုတေသနစင်တာသည် Modified Vaccinia Ankara (သို့) MVA ဟု အတိုကောက်ခေါ်သော ရောဂါပိုး ကာကွယ်ဆေးကို တီထွင်ခဲ့သည်။ အဆင့် ၂ ထိ လက်တွေ့စမ်းသပ်ပြီးဖြစ်သည်။
(၃၃) Immunity Bio
ကယ်လီဖိုးနီယားအခြေစိုက် ImmunityBio ကုမ္ပဏီမှ ဖန်တီးခဲ့သည်။ ImmunityBio သည် spike protein အပြင် nucleocapsid ဟုခေါ်သော ပရိုတိန်းအတွက် ဗီဇကို သယ်ဆောင်သည်။ ဒီပေါင်းစပ်မှုက ခိုင်မာတဲ့ ခုခံအား တုန့်ပြန်မှုက ဖြစ်စေလိမ့်မည်ဟု ကုမ္ပဏီက မျှော်လင့်ထားသည်။ အဆင့် ၁ လက်တွေ့စမ်းသပ်မှု ပြီးစီးပြီး ဖြစ်သည်။
(၃၄) Vaccinia Ankara
ကယ်လီဖိုးနီယား ဇီဝဆေးပညာသုတေသနဌာနဖြစ်သော City of Hope မှ သုတေသီများက Modified Vaccinia Ankara (သို့) MVA ကို အားနည်းစေသော ကာကွယ်ဆေးတစ်မျိုးကို အခြေခံ၍ ယင်းကာကွယ်ဆေးကို ဖန်တီးခဲ့သည်။ အဆင့် ၁ လက်တွေ့စမ်းသပ်ပြီးဖြစ်သည်။
(၃၅) Cellid
တောင်ကိုရီးယား ဇီဝနည်းပညာကုမ္ပဏီ Cellid မှ တီထွင်သည်။ ကာကွယ်ဆေးသည် Ad5 နှင့် Ad35 ဟုခေါ်သော adenoviruses မျိုးကွဲနှစ်ခု ပေါင်းစပ်မှုပေါ်တွင် အခြေခံသည်။ အဆင့် ၁ လက်တွေ့စမ်းသပ်မှု ပြီးစီးပြီ ဖြစ်သည်။
(၃၆) BBV154
အိန္ဒိယမှ ကိုဗစ်ကာကွယ်သည့် Spray အဖြစ် တီထွင်သည်။ BBV154 ဟုခေါ်သောဖြန်းဆေးတွင် ဝါရှင်တန်တက္ကသိုလ်မှ သုတေသီများ တီထွင်သော chimpanzee adenovirus ပါဝင်သည်။ ၎င်းကို အိန္ဒိယတွင် အရေးပေါ်သုံးနေပြီ ဖြစ်သည်။
(၃၇) NDV
New York ရှိ Mount Iai ဆေးကျောင်းမှ သုတေသီများက Newcastle Disease Virus (သို့) NDV ဟုခေါ်သော ဗိုင်းရပ်စ်ကို အခြေခံ၍ Covid-19 ကာကွယ်ဆေးကို တီထွင်ခဲ့သည်။ သုတေသီများသည် NDVs များကို ဓာတုပစ္စည်းများနှင့် အသက်သွင်းခဲ့ပြီး ၎င်းတို့ကို adjuvants ဟုခေါ်သော ကိုယ်ခံအား မြှင့်တင်ပေးသော ဓာတုပစ္စည်းများနှင့် ပေါင်းစပ်ခဲ့သည်။ ကာကွယ်ဆေးသည် ကြွက်များနှင့် ဟမ်းစတားများတွင် coronavirus antibodies များ မြင့်မားစွာ ထုတ်လုပ်ကြောင်း တွေ့ရှိခဲ့သည်။
(၃၈) Gritstone Oncology
Gritstone Oncology သည် ခုခံအားစနစ်ကို တိုးမြှင့်ပေးသော ကာကွယ်ဆေးကို တီထွင်ခဲ့သည်။ သုတေသီများသည် coronavirus ၏ spike protein တစ်ခုလုံးကို encode လုပ်သော DNA အပိုင်းအစတစ်ခုကို တည်ဆောက်ခဲ့သည်။ ထို့အပြင် nucleocapsid နှင့် ORF3a ဟုခေါ်သော အခြားဗိုင်းရပ်စ်ပရိုတိန်း အစိပ်အပိုင်းငယ်များ တည်ဆောက်ခြင်းအတွက် လမ်းညွှန်ချက်များကို encode လုပ်သည်။ Spike protein သည် ခန္ဓာကိုယ်အား antibodies များဖြစ်အောင် လှုံ့ဆော်ပေးပြီး အခြားအသားဓာတ်များသည် ရောဂါပိုးဆဲလ်များကို မှတ်မိစေပြီး ၎င်းတို့ကို ရှင်းလင်းပစ်သည်။ အဆင့် ၁ စမ်းသပ်မှု ပြီးစီးပြီဖြစ်ပြီး သုတေသီများက ဤပေါင်းစပ်မှုသည် ကာကွယ်မှု ပိုကောင်းလိမ့်မည်ဟု မျှော်လင့်ထားကြောင်း ပြောကြားခဲ့သည်။
(၃၉) Meissa Vaccines
Meissa Vaccines သည် နှာခေါင်းဖြန်းဆေး ( သို့ ) နှာခေါင်းကို အစက်ချနိုင်တဲ့ ကာကွယ်ဆေး တစ်မျိုးကို တီထွင်လိုက်သည်။ ကာကွယ်ဆေးကို အသက်ရှူလမ်းကြောင်းဆိုင်ရာ ပေါင်းစပ်ဗိုင်းရပ်စ် (RSV) ဟုခေါ်သော ဗိုင်းရပ်စ်တစ်မျိုးနှင့် စတင်ဖန်တီးခဲ့သည်။ သုတေသီများသည် RSV ဗိုင်းရပ်စ်၏ မျိုးရိုးဗီဇများထဲသို့ မျိုးဗီဇပြောင်းလဲမှုများကို မိတ်ဆက်ပေးခဲ့ပြီး ရောဂါဖြစ်ပွားမှု အလွန်နှေးကွေးစေရန် ပုံတူပွားခဲ့သည်။ ထို့နောက်၎င်းတို့သည် coronavirus spike protein အတွက်မျိုးဗီဇတစ်ခုကိုဖြည့်စွက်ခဲ့ပြီး အားနည်းသော RSV ဗိုင်းရပ်စ်များသည် ၎င်းအားခုခံအားစနစ်တွင် မြှင့်တင်နိုင်မည်ဖြစ်သည်။ Meissa ကာကွယ်ဆေးအတွက် Phase 1 စမ်းသပ်မှုကို ၂၀၂၁ ခုနှစ်မတ်လ ၁၅ ရက်နေ့တွင် မှတ်ပုံတင်ခဲ့သည်။
(၄၀) Tetherex Pharmaceuticals
အိုကလာဟိုးမားအခြေစိုက် Tetherex Pharmaceuticals မှ သုတေသီများသည် ကိုယ်ခံစွမ်းအားကို တိုးတက်စေရန် မျိုးရိုးဗီဇ ဗိုင်းရပ်စ်များကို အသုံးပြုကာ ကာကွယ်ဆေးကို တီထွင်ခဲ့ကြသည်။ ၎င်းတို့သည် ၂၀၂၁ ခုနှစ် ဧပြီလ ၉ ရက်နေ့တွင် သြစတေးလျ၌ အဆင့် ၁ စမ်းသပ်မှု ပြုလုပ်ခဲ့သည်။
(၄၁) CVXGA1
ဂျော်ဂျီယာတက္ကသိုလ်နှင့် အိုင်အိုဝါတက္ကသိုလ်မှ သိပ္ပံပညာရှင်များသည် လူများတွင် ရောဂါဖြစ်စေသော မမြင်နိုင်တဲ့ canine parainfluenza ဗိုင်းရပ်စ်ကို အခြေခံ၍ ကာကွယ်ဆေးတစ်မျိုးကို တီထွင်ခဲ့ကြသည်။ CVXGA1 ဟုခေါ်သော ကာကွယ်ဆေးကို နှာခေါင်းဖြန်းဆေးအဖြစ် သုံးနိုင်သည်။ ကာကွယ်ဆေးသည် Phase 1 စမ်းသပ်မှု ပြီးစီးပြီ ဖြစ်သည်။
(၄၂) Merck ,Themis Bioscience,Institut Pasteur
အမေရိကန်ကုမ္ပဏီ Merck သည် သြစတြီးယားကုမ္ပဏီ Themis Bioscience မှ Institut Pasteur တွင်တီထွင်ခဲ့သော ကာကွယ်ဆေးကို ဇွန်လတွင် ဝယ်ယူခဲ့သည်။ ကာကွယ်ဆေးသည် coronavirus spike protein အတွက် မျိုးဗီဇကို သယ်ဆောင်သော အားနည်းသော ဝက်သက်ဗိုင်းရပ်စ်ကို သုံးသည်။ သုတေသီများသည် ၂၀၂၀ သြဂုတ်လတွင် အဆင့် ၁ စမ်းသပ်မှုကို စတင်ခဲ့သည်။ ဇန်နဝါရီ ၂၅ တွင် Merck သည် ကာကွယ်ဆေးသည် သဘာဝကူးစက်မှုထက် အားနည်းသော တုံ့ပြန်မှုကို ဖြစ်စေသောကြောင့် ကြေငြာခဲ့သည်။ မတ်လတွင် ကာကွယ်ဆေးကို ထုတ်လုပ်ရန် Johnson & Johnson နှင့် ပူးပေါင်းခဲ့သည်။
(၄၃) Merck,IAVI
Merck သည် ဒုတိယဗိုင်းရပ်စ်ကာကွယ်ဆေးတစ်ခု IAVI နှင့် ပူးပေါင်းခဲ့သည်။ ၎င်းသည် vesicular stomatitis virus ကိုအခြေခံ ထုတ်လုပ်ထားခြင်းဖြစ်သည်။ သို့သော်ဇန်နဝါရီ ၂၅ တွင် ကာကွယ်ဆေးသည် Covid-19 ၏ သဘာဝကူးစက်မှုတွင် ဖြစ်ပျက်သော ခုခံအားစနစ်ကို ကာကွယ်မှု မအောင်မြင်သောကြောင့် ၎င်းတို့သည် အားထုတ်မှုကို စွန့်လွှတ်ကြောင်း ကြေငြာခဲ့သည်။
(၄၄) Altimmune (AdCOVID)
ထိရောက်မှု - မသိရသေး
ဆေးအကြိမ်ရေ - ၁ ကြိမ်
အမျိုးအစား - နှာခေါင်းဖြန်းဆေး
သိုလှောင်မှု - အအေးခန်း
မေရီလန်းပြည်နယ်အခြေစိုက် Altimmune သည် နှာခေါင်းဖြန်း ကာကွယ်ဆေးများ တီထွင်ထုတ်လုပ်သော ဇီဝဆေးဝါး ကုမ္ပဏီတစ်ခုဖြစ်သည်။ ၎င်းတို့သည် Covid-19 အတွက် နှာခေါင်းဖြန်း ကာကွယ်ဆေးတစ်မျိုး တီထွင်ခဲ့ပြီး Ad5 adenovirus ကို အသက်ရှူလမ်းကြောင်းထဲသို့ ပို့ဆောင်ပေးသည်။ ခုခံအားစနစ် လေ့လာချက်များအရ နှာခေါင်းဖြန်းဆေးသည် ထိုးဆေးများထက ်ဗိုင်းရပ်စ်ပိုးကူးစက်ခြင်းကို ပိုမိုထိရောက်စေနိုင်ကြောင်း ညွှန်ပြနေသည်။ အဆင့် ၁ လက်တွေ့စမ်းသပ်မှု ပြုလုပ်ပြီးဖြစ်သည်။
(၄၅) EpiVacCorona, Aurora-CoV
ထိရောက်မှု - မသိရသေး
ဆေးအကြိမ်ရေ - ၂ ကြိမ်၊ ၃ ပတ်ခြားပါ
အမျိုးအစား - ကြွက်သားထိုးဆေး
သိုလှောင်မှု - အအေးခန်းတွင် ထားရမည်
ရုရှားဇီဝဗေဒသုတေသနဌာနဖြစ်သော Vector Institute သည် EpiVacCorona ဟုခေါ်သော coronavirus ကာကွယ်ဆေးအတွက် အဆင့် ၁/၂ စမ်းသပ်မှုတစ်ခုကို မှတ်ပုံတင်ခဲ့သည်။ ကာကွယ်ဆေးတွင် peptides ဟုခေါ်သော ဗိုင်းရပ်စ်ပရိုတိန်း အပိုင်းငယ်များ ပါ ဝင်သည်။
(၄၆) ZF2001
ထိရောက်မှု - မသိရသေး
ဆေးအကြိမ်ရေ - ၂ ကြိမ်
အမျိုးအစား - ကြွက်သားထိုးဆေး
တရုတ်ကုမ္ပဏီ Anhui Zhifei Longcom နှင့် တရုတ်ဆေးသိပ္ပံပညာအကယ်ဒမီမှ ဆေးဘက်ဆိုင်ရာ ဇီဝဗေဒအင်စတီကျုတို့မှ ပူးပေါင်းထုတ်လုပ်ခဲ့သည်။ ၎င်းတို့သည် Phase 2 စမ်းသပ်မှုများကို ၂၀၂၀ ခုနှစ်ဇူလိုင်လတွင်စတင်ခဲ့ပြီးနောက်တွင် Phase 3 စမ်းသပ်မှုကိုဒီဇင်ဘာတွင်စေတနာ့ဝန်ထမ်း ၂၉၀၀၀ ဖြင့်ပြုလုပ်ခဲ့သည်။ တရုတ်သည် ယင်းကာကွယ်ဆေးအား ၂၀၂၁ ခုနှစ်မတ်လ ၁၅ ရက်နေ့တွင် အရေးပေါ်သုံးရန် ခွင့်ပြုခဲ့သည်။
(၄၇) Soberana 2, or Pasteur (in Iran)
ထိရောက်မှု - ၆၂ ရာခိုင်နှုန်း
ဆေးအကြိမ်ရေ - ၂ ကြိမ်
ကျူးဘားနိုင်ငံ Finlay Vaccine Institute သည် Soberana 2 ဟုခေါ်သော ကာကွယ်ဆေးကို တီထွင်ခဲ့သည်။ Soberana 2 တွင် aluminium hydroxide ပါ ၀ င်သည်။
(၄၈) Abdala
ထိရောက်မှု - ၉၂ ဒသမ ၂၈ ရာခိုင်နှုန်း
၂၀၂၀ ခုနှစ်နို ဝင်ဘာတွင် ကျူးဘား၏ မျိုးရိုးဗီဇ နှင့်ဇီဝနည်းပညာ စင်တာသည် Abdala ဟုခေါ်သော coronavirus ကာကွယ်ဆေးကို စမ်းသပ်ခဲ့သည်။ Abdala ကာကွယ်ဆေးတွင် receptor binding domain ဟုခေါ်သော coronavirus spike protein တစ်စိတ်တစ်ပိုင်းပါဝင်ပြီး သုံးကြိမ်ထိုးရမည်ဖြစ်သည်။ ဗင်နီဇွဲလားသည် ဇွန်လနှောင်းပိုင်းတွင် ယင်းကာကွယ်ဆေးကို စတင်သုံးစွဲခဲ့သည်။
(၄၉) NVX-CoV2373
ထိရောက်မှု - ၈၉ ဒသမ ၇ ရာခိုင်နှုန်း
အကြိမ်ရေ - ၂ ကြိမ်၊ ၃ ပတ်ခြားပါ
အမျိုးအစား - ကြွက်သားထိုးဆေး
သိုလှောင်မှု - အအေးခန်းတွင် ထားရမည်။
မေရီလန်းပြည်နယ် အခြေစိုက် Novavax မှ ထုတ်လုပ်သည့် ပရိုတိန် အခြေခံ ကိုဗစ်ကာကွယ်ဆေးသည် Phase 3 စမ်းသပ်မှုများ အောင်မြင်ပြီးဖြစ်ပြီး ၂၀၂၁ တတိယသုံးလပတ်တွင် အမေရိကန်ပြည်ထောင်စု၌ အရေးပေါ် သုံးခွင့်ပြုချက်အတွက် လျှောက်လွှာတင်ရန် စီစဉ်နေကြောင်း သိရသည်။
(၅၀) CoVLP
ထိရောက်မှု - မသိရသေး
ဆေးအကြိမ်ရေ - ၂ ကြိမ်၊ ၃ ပတ်ခြားပါ
အမျိုးအစား - ကြွက်သားထိုးဆေး
သိုလှောင်မှု - အအေးခန်းတွင် ထားရမည်
စီးကရက်ထုတ်လုပ်ရေးလုပ်ငန်းစု Philip Morris မှ တစ်စိတ်တစ်ပိုင်း ပံ့ပိုးပေးသော ကနေဒါအခြေစိုက် Medicago သည် ကာကွယ်ဆေးအတွက် ဆေးရွက်ကြီးနှင့် ဆက်စပ်သည့် Nicotiana benthamiana အပင်များ စိုက်ပျိုးသည်။ ၂၀၂၀ ခုနှစ် ဇူလိုင်လတွင် Medicago သည် Phase 1 စမ်းသပ်မှုတစ်ခုကိုစတင်ခဲ့သည်။ ထိုလေ့လာမှုတွင် ၎င်းတို့ရဲ့ အပင်အခြေပြုကာကွယ်ဆေးသည် GSK မှထုတ်လုပ်ထားသော adjuvant နှင့်ပေါင်းပြီး antibodies အဆင့်ကို တိုးတက်စေကြောင်း တွေ့ရှိခဲ့သည်။ Phase 2 စမ်းသပ်မှုသည်လည်း အားရစရာ ရလဒ်များ ပေးခဲ့သည်။ Phase 3 စမ်းသပ်မှုကိုတော့ ဆက်လက်လုပ်ဆောင်နေဆဲဖြစ်သည်။
(၅၁) BECOV2
တက္ကဆက်ပြည်နယ် Baylor College of Medicine မှ သုတေသီများမှ စတင်တီထွင်ခဲ့သည်။ Phase 1၊ Phase 2 စမ်းသပ်ချက်များအတွက် အိန္ဒိယကုမ္ပဏီ Biological E က လိုင်စင်ထုတ်ပေးခဲ့သည်။ ကာကွယ်ဆေးကို အတည်ပြုပြီးပါက ကုမ္ပဏီသည် ၂၀၂၂ တွင်ဆေး ၁.၂ ဘီလီယံထိ ထိုးနှံနိုင်ဖို့ စီစဉ်ထားသည်။
(၅၂) Sanofi
ပြင်သစ်ရုံးအခြေစိုက် Sanofi သည် ဗိုင်းရပ်စ်ပရိုတိန်းဓာတ်ကို အခြေခံ၍ Covid-19 ကာကွယ်ဆေးကို တီထွင်ခဲ့သည်။ Phase 1၊ Phase 2 စမ်းသပ်ချက်များ အောင်မြင်ခဲ့ပြီး Phase 3 စမ်းသပ်ချက်ကို ဆက်လက်ဆောင်ရွက်နေဆဲ ဖြစ်တယ်ဟု သိရသည်။
(၅၃) West China Hospital of Sichuan University
စီချွမ်တက္ကသိုလ်မှ သုတေသီများက ကြွက်နှင့်မျောက်များကို coronavirus မှ ကာကွယ်ပေးသော Nature in a study ကိုထုတ်ဝေခဲ့သည်။ Phase 3 စမ်းသပ်မှု ပြုလုပ်နေဆဲ ဖြစ်ပြီး ကာကွယ်ဆေးရဲ့ အမည်ကို မသတ်မှတ်ရသေးဘူးဟု သိရသည်။
(၅၄) Nanogen
ဗီယက်နမ်ရှိ Nanogen Biopharmaceutical မှ ဖန်တီးပြီး Phase 3 စမ်းသပ်မှု ပြုလုပ်နေဆဲဟု သိရသည်။
(၅၅) Clover Biopharmaceuticals
တရုတ်ကုမ္ပဏီ Clover Biopharmaceuticals သည် spike protein ပါဝင်သော ကိုရိုနာဗိုင်းရပ်စ် ကာကွယ်ဆေးကို တီထွင်ခဲ့သည်။ Clover ၏ဖော်မြူလာသည် အထူးသဖြင့် တာရှည်ခံသည်။ ကာကွယ်ဆေးသည် အခန်းအပူချိန်တွင် ထားနိုင်ပြီး အဆင့် ၂၊ အဆင့် ၃ စမ်းသပ်ချက် ရလဒ်များကို စောင့်ဆိုင်းနေဆဲ ဖြစ်သည်။
(၅၆) Medigen
ထိုင်ဝမ်အခြေစိုက် ကာကွယ်ဆေးထုတ်လုပ်ရေး Medigen သည် spike protein နှင့် Dynavax နှင့် ပေါင်းစပ်ထားသော ကာကွယ်ဆေးတစ်မျိုးကို ထုတ်လုပ်နေသည်။ တိရိစ္ဆာန်များအပေါ် အလားအလာရှိသော စမ်းသပ်မှုများ ဆက်တိုက်ပြုလုပ်ပြီးသည့်နောက် အောက်တိုဘာလအစောပိုင်း၌ စေတနာ့ ဝန်ထမ်းများအား Phase 1 စမ်းသပ်မှုကို စတင်ထိုးနှံလိုက်ရာ ကာကွယ်ဆေးသည် ပြင်းထန်သော ခုခံအား တုံ့ပြန်မှုကို ဖြစ်စေခဲ့တာ တွေ့ရသည်။ Phase 2 စမ်းသပ်မှုကတော့ ပြုလုပ်နေဆဲ ဖြစ်သည်။
(၅၇) Vaxxinity
Dallas အခြေစိုက် Vaxxinity သည် ဗိုင်းရပ်စ်ပရိုတိန်းများစွာ၏ အစိတ်အပိုင်းများပါ ဝင်သော ကာကွယ်ဆေးကို အဆင့် ၂ စမ်းသပ်ချက်များ ပြုလုပ်နေဆဲ ဖြစ်သည်။
(၅၈) Zhongyianke Biotech, Liaoning Maokangyuan Biotech and the Academy of Military Medical Sciences
Zhongyianke Biotech, Liaoning Maokangyuan Biotech နှင့် စစ်တပ်ဆေးသိပ္ပံ အကယ်ဒမီမှ သုတေသီများသည် ခုခံအားကို ဖန်တီးရန်တရုတ် hamster ovary cells များကို အသုံးပြုနေသည်။ ၎င်းတို့သည် ပြီးခဲ့သည့် နို ၀ င်ဘာလက တရုတ်နိုင်ငံ၌ အဆင့် ၁ စမ်းသပ်မှုအတွက် မှတ်ပုံတင်ခဲ့ပြီး မတ်လ ၂၄ ရက်နေ့မှာတော့ အဆင့် ၂ စမ်းသပ်မှုသို့ ရောက်ရှိလာခဲ့သည်။
(၅၉) Finlay
ကျူးဘား Finlay Vaccine Institute မှ သုတေသီများသည် Soberana Plus ဟုခေါ်သော ကာကွယ်ဆေး တစ်မျိုးကို တီထွင်ခဲ့ကြသည်။ Phase 1 စမ်းသပ်မှုမှ အပြုသဘောဆောင်သော ရလဒ်များ ထွက်ပေါ်လာပြီးနောက် Finlay သည် Phase 2 စမ်းသပ်မှုကို စတင်ရန် ခွင့်ပြုချက်ရခဲ့သည်။
(၆၀) Cov-Pars Razi
အီရန်သည် ဒုတိယကာကွယ်ဆေးတစ်မျိုးဖြစ်သည့် Cov Pars Razi ကို Razi Vaccine and Serum Research Institute မှ တီထွင်ခဲ့သည်။ ကာကွယ်ဆေးတွင် coronavirus spike ပရိုတိန်း အပိုင်းအစများပါဝင်ပြီး Phase 2 စမ်းသပ်မှု ပြုလုပ်နေဆဲ ဖြစ်သည ်။
(၆၁) Vaxine
သြစတေးလျ ကုမ္ပဏီ Vaxine သည် ဗိုင်းရပ်စ်ပရိုတိန်းများ ပေါင်းစပ်ထားသော ကာကွယ်ဆေးကို တီထွင်ပြီး ကိုယ်ခံအားစနစ်ကို လှုံ့ဆော်ပေးသည့် ကာကွယ်ဆေးကို တီထွင်ထားသည်။ Phase 1 စမ်းသပ်မှုတွင် အလားအလာရှိသော ရလဒ်များ ကြေငြာနိုင်ခဲ့ပြီး Phase 2 စမ်းသပ်မှု အောင်မြင်လျှင် အီရန်ကုမ္ပဏီ CinnaGen မှ ထုတ်လုပ်လိမ့်မည်ဟု သိရသည်။
(၆၂) Middle East Technical University,
Bilkent University အရှေ့အလယ်ပိုင်းနည်းပညာတက္ကသိုလ် (Middle East Technical University ) နှင့် Bilkent တက္ကသိုလ်မှ တူရကီသုတေသီ အဖွဲ့တစ်ဖွဲ့သည် ဗိုင်းရပ်စ်ကဲ့သို့ အမှုန်များပါဝင်သော ကာကွယ်ဆေးကို တီထွင်ခဲ့ကြသည်။ အမှုန်တစ်ခုစီတွင် coronavirus ပရိုတိန်းလေးခုကို သယ်ဆောင်ထားသည်။ အဆင့် ၂ စမ်းသပ်မှု ပြုလုပ်နေဆဲ ဖြစ်သည်။
(၆၃) Soberana 1
ဟာဗားနားရှိ Finlay Vaccine Institute သည် ဘက်တီးရီးယားနှင့် အလူမီနီယမ် ဟိုက်ဒရောဆိုဒ်မှ ပရိုတင်းအပိုနှစ်ခု ပါဝင်သည့် ကာကွယ်ဆေး Soberana 1. ကို စမ်းသပ်ခဲ့သည်။ ပါဝင်ပစ္စည်းများသည် coronavirus အပေါ် ခုခံအားစနစ်ဧ။် တုံ့ပြန်မှုကို မြှင့်တင်ပေးနိုင်သည်။ Soberana 1 သည်လည်း အဆင့် ၂ စမ်းသပ်စစ်ဆေးမှု ပြုလုပ်ဆဲ ဖြစ်တယ်လို့ သိရသည်။
(၆၄) SpyBiotech
အောက်စဖို့ဒ်တက္ကသိုလ်မှ SpyBiotech ကုမ္ပဏီသည် ပရိုတင်းအရောအနှောမှ ကာကွယ်ဆေးကို ထုတ်လုပ်ခဲ့သည်။ မျောက်များတွင် စမ်းသပ်ထိုးနှံကြည့်တဲ့အခါ အလားအလာရှိသော ခုခံအားတုံ့ပြန်မှုများ ဖြစ်စေခဲ့သည်။ SpyBiotech သည် သြစတြေးလျအဆင့် ၁/၂ စမ်းသပ်မှု ပြုလုပ်ပြီး ဖြစ်သည်ဟု သိရသည်။
(၆၅) Shionogi
ဂျပန်ဆေးဝါးကုမ္ပဏီကြီး Shionogi သည် ဒီဇင်ဘာ ၁၆ ရက်တွင် ၎င်းဧ။် ကိုရိုနာဗိုင်းရပ်စ် ကာကွယ်ဆေး အဆင့် ၁/၂ စမ်းသပ်မှုကို စတင်ခဲ့သည်။ ကုမ္ပဏီသည် ကာကွယ်ဆေးကို ကူးစက်ရောဂါ အမျိုးသားတက္ကသိုလ်နှင့် Kyushu တက္ကသိုလ်တို့မှ ပူးပေါင်း၍ တီထွင်ခဲ့သည်။ ကာကွယ်ဆေးသည် မျိုးရိုးဗီဇပြောင်းလဲထားသော ဗိုင်းရပ်စ်များဖြင့် ပိုးမွှားဆဲလ်များမှ ထုတ်လုပ်သော ပရိုတင်းကို အခြေခံပြီး Phase 1/2 စမ်းသပ်မှုအသစ်ကို ၂၀၂၁ ခုနှစ် ဇူလိုင်လတွင် စတင်ခဲ့သည်ဟု သိရသည်။
(၆၆) EuBiologics
တောင်ကိုရီးယား ကာကွယ်ဆေးထုတ်လုပ်ရေး EuBiologics သည် ၎င်းဧ။ ် ပရိုတိန်းအခြေခံ ကာကွယ်ဆေး အဆင့် ၁/၂ စမ်းသပ်မှုကို ဇန်နဝါရီလနှောင်းပိုင်းတွင် စတင်ခဲ့သည်။ EuCorVac-19 ဟုလူသိများသော ကာကွယ်ဆေးသည် spike protein ဖြင့် ကိုယ်ခံအားစနစ်ကိုလှုံ့ဆော်ပေးနိုင်သည်။
(၆၇) GBP510
ဝါရှင်တန်တက္ကသိုလ်မှ သုတေသနပညာရှင်များသည် coronavirus spike ပရိုတိန်း၏ အပိုင်းအစများဖြင့် nanoparticle (GBP510 )ကိုတီထွင်ခဲ့သည်။ ကြွက်များနှင့် စမ်းသပ်မှုတွင် ကိုယ်ခံအားကို ပြင်းထန်စွာ တုန့်ပြန်နိုင်သည်။ ဖေဖော်ဝါရီလတွင် ကာကွယ်ဆေးအဆင့် ၁/၂ စမ်းသပ်မှုများ စတင်ခဲ့သည်။
(၆၈) VBI ( Phase 2)
Massachusetts အခြေစိုက် VBI Vaccines ကုမ္ပဏီသည် ပရိုတင်းခွံများပေါ်တွင် အခြေခံသော coronavirus ကာကွယ်ဆေးကို တီထွင်ခဲ့သည်။ ကနေဒါတွင် Phase 1/2 စမ်းသပ်မှုများ ပြုလုပ်ခဲ့သည်။
(၆၉) ABNCoV2
ဥရောပသမဂ္ဂရန်ပုံငွေ PREVENT-nCoV လုပ်ငန်းစု၏ အစိတ်အပိုင်းတစ်ခုဖြစ်တဲ့ ဇီဝနည်းပညာကုမ္ပဏီများနှင့် သုတေသနဓာတ်ခွဲခန်းအဖွဲ့တစ်ဖွဲ့သည် Covid-19 ကာကွယ်ဆေးကို ABNCoV2 ကို တီထွင်ခဲ့သည်။ ၎င်းတွင် nucleocapsid ဟုခေါ်သော coronavirus ပရိုတင်းပါရှိသည်။ မျောက်ဝံများတွင် preclinical ရလဒ်များ အတည်ပြုပြီးနောက် နယ်သာလန်နိုင်ငံတွင် ကာကွယ်ဆေး Phase 1/2 စမ်းသပ်မှုများ ပြုလုပ်နေသည်။
(၇၀) AKS-452
Massachusetts အခြေစိုက် Akston Biosciences သည် receptor-binding domain ဟုခေါ်သည့် coronavirus spike protein ၏တစ်စိတ်တစ်ပိုင်းကို ပစ်မှတ်ထားသော ကာကွယ်ဆေးကို တီထွင်ခဲ့သည်။ Akston မှသုတေသီများက ၎င်းဟာ ခုခံအားကိုမြှင့်တင်ရန် ထိရောက်သော နည်းလမ်းတစ်ခုဖြစ်ကြောင်း ပြောကြားခဲ့သည်။ AKS-452 ဟုခေါ်သော ကာကွယ်ဆေးကို Phase 2 စမ်းသပ်မှု ပြုလုပ်နေဆဲ ဖြစ်တယ်ဟု သိရသည်။
(၇၁) Sinopharm
တရုတ်ဆေးဝါးလုပ်ငန်းစု Sinopharm မှသုတေသီများသည် ခန္ဓာကိုယ်မှ ပဋိပစ္စည်းများ ထုတ်လုပ်ရန် spike ပရိုတင်းကို အသုံးပြုသော ပရိုတိန်းအခြေခံ ကာကွယ်ဆေးကို ဖန်တီးခဲ့သည်။ Sinopharm သည် Phase 1/2 စမ်းသပ်မှုကို ဧပြီ ၂၄ တွင်စတင်ခဲ့သည်။
(၇၂) Lanzhou Institute of Biological Products, Beijing Zhong Sheng Heng Yi Pharmaceutical Technology and Zhengzhou University
Lanzhou Institute of Biological Products, Beijing Zhong Sheng Heng Yi Pharmaceutical Technology နှင့် Zhengzhou University မှ သုတေသီများသည် တရုတ် hamster ovary cells များမှ ရရှိတဲ့ ကာကွယ်ဆေးကို စမ်းသပ်နေသည်။ ၎င်းတို့သည် အဆင့်၂ စမ်းသပ်မှုကို ရောက်ရှိနေပြီ ဖြစ်သည်ဟု သိရသည်။
(၇၃) IVX-411
ဝါရှင်တန်တက္ကသိုလ်မှ သုတေသီများက Covid-19 အတွက် nanoparticle ကာကွယ်ဆေးကို တီထွင်ခဲ့ကြသည်။ Nanoparticle တစ်ခုချင်းစီသည် coronavirus ၏ spike protein မှ RBD ဟုခေါ်သော ပရိုတင်းအပိုင်းအစများစွာကို သယ်ဆောင်သည်။ သိပ္ပံပညာရှင်များသည် ၎င်းတို့၏ ကာကွယ်ဆေး အလားအလာကို စမ်းသပ်နေဆဲ ဖြစ်သည်။
(၇၄) Research Institute for Biological Safety Problems
ဇီဝလုံခြုံမှု ပြသနာများအတွက် သုတေသနအင်စတီကျုမှ Kazakhstani သိပ္ပံပညာရှင်များသည် ဒုတိယမြောက် Covid-19 ကာကွယ်ဆေး တီထွင်နိုင်ခဲ့သည်။ Inactivate coronaviruses များဖြင့်ပြုလုပ်ထားသော ပထမကာကွယ်ဆေးနှင့် မတူဘဲ ခုခံအားကို မြှင့်တင်ရန် ဗိုင်းရပ်စ်မှ ပရိုတိန်းများကို အသုံးပြုထားသည်။ ၎င်းသည်လည်း အဆင့် ၂ စမ်းသပ်မှုကို ပြုလုပ်နေဆဲ ဖြစ်သည်။
(၇၅) St. Petersburg Scientific Research Institute of Vaccines and Sera ဖယ်ဒရယ်ဆေးဘက်ဆိုင်ရာ ဇီဝဗေဒ အေဂျင်စီမှ St. Petersburg Scientific Research Institute of Vaccines and Sera ရှိ ရုရှားသုတေသနပညာရှင်များသည် ကိုရိုနာဗိုင်းရပ်စ်ကို ကာကွယ်ပေးသော ပရိုတိန်းခွဲ ကာကွယ်ဆေးတစ်ခုကို တီထွင်ခဲ့ကြသည်။ ၎င်းသည်လည်း အဆင့် ၂ စမ်းသပ်မှု ပြုလုပ်နေဆဲ ဖြစ်သည်။
(၇၆) Kentucky BioProcessing
ဗြိတိန်-အမေရိကန် လက်အောက်ခံ ဆေးကုမ္ပဏီ Lucky Strike နှင့် အခြားစီးကရက်များ ထုတ်လုပ်သည့် Kentucky BioProcessing သည်လည်း အပင်အခြေခံ ကာကွယ်ဆေးကို တီထွင်နေသည်။ Phase 1 စမ်းသပ်မှုကို ၂၀၂၀ ဒီဇင်ဘာတွင် စတင်ခဲ့သည်။
(၇၇) Adimmune
ထိုင်ဝမ်အခြေစိုက် ကာကွယ်ဆေး ထုတ်လုပ်ရေး Adimmune သည် ၂၀၂၀ ခုနှစ် သြဂုတ်လ ၂၀ ရက်နေ့တွင် Phase 1 စမ်းသပ်မှုတစ်ခု စတင်ခဲ့သည်။ ကာကွယ်ဆေးတွင် ဗိုင်းရပ်စ်၏ spike protein ၏ RBD အပိုင်းပါ ဝင်သည်။
(၇၈) University of Tübingen
ဂျာမနီနိုင်ငံTübingenတက္ကသိုလ်မှ သုတေသီများသည် ဗိုင်းရပ်စ်ပရိုတိန်းနှစ်ခု၏ အစိတ်အပိုင်းရှစ်ခုဖြင့် ကာကွယ်သောဓာတ်ကို တီထွင်ခဲ့သည်။ စက်တင်ဘာလတွင် ၎င်းတို့သည် Phase 1 စမ်းသပ်မှုတစ်ခုကို စတင်ခဲ့သည်။
(၇၉) NBP2001
တောင်ကိုရီးယား ကာကွယ်ဆေး ထုတ်လုပ်သည့် SK Bioscience သည် NBP2001 ဟုခေါ်သော ကာကွယ်ဆေးကို ထုတ်လုပ်ခဲ့ပြီး spike protein အပိုင်းအစများပါ ၀ င်သည်။ Phase 1 စမ်းသပ်မှု ပြုလုပ်နေဆဲ ဖြစ်သည်။
(၈၀) Mambisa
ကျူးဘားမျိုးရိုးဗီဇနဲ ဇီဝနည်းပညာဗဟိုဌာနက ဒုတိယမြောက် ကာကွယ်ဆေးကို Phase 1 စမ်းသပ်မှု စတင်ခဲ့သည်။ Mambisa လို့ခေါ်တဲ့ ကာကွယ်ဆေးမှာ ခုခံအားစနစ်ကို လှုံ့ဆော်ပေးသော ပရိုတင်းတစ်မျိုးနှင့် coronavirus spike protein (ပရိုတင်း) တစ်စိတ်တစ်ပိုင်းပါဝင်သည်။
(၈၁) COVAC
ဆေးအကြိမ်ရေ - ၂ ကြိမ်၊ ၄ ပတ်ခြား
အမျိုးအစား - ကြွက်သားထိုးဆေး
Saskatchewan University မှ ကာကွယ်ဆေးနှင့် ကူးစက်ရောဂါ အဖွဲ့အစည်းသည် ဗိုင်းရပ်စ်ကာကွယ်မှုကို မြှင့်တင်ရန် ဗိုင်းရပ်စ်ပရိုတိန်း အပိုင်းအစများကို သုံးသော ကာကွယ်ဆေးကို တီထွင်ခဲ့သည်။
(၈၂) ReCOV
Jiangsu Rec-Biotechnology မှ သိပ္ပံပညာရှင်များသည် ReCOV ဟုခေါ်သော ကာကွယ်ဆေးက ိုတရုတ် Hamster ovary cells ဗိုင်းရပ်စ်ပရိုတိန်းများဖြင့် ပြုလုပ်ထားသည်။ ၎င်းကို နယူးဇီလန်တွင် အဆင့် ၁ စမ်းသပ်မှုအတွက် မှတ်ပုံတင်ခဲ့သည်။
(၈၃) CoVepiT
၂၀၂၁ ခုနှစ်၊ ဧပြီလ ၁ ရက်နေ့တွင် OSE Immunotherapeutics မှ ပြင်သစ်သုတေသီများက ဘယ်လ်ဂျီယံတွင် CoVepiT ဟုခေါ်သော ကာကွယ်ဆေး အတွက် အဆင့် ၁ စမ်းသပ်ရန ်ခွင့်ပြုချက်ရရှိကြောင်း ကြေငြာခဲ့သည်။ သူတို့ရဲ့ကာကွယ်ဆေးဟာ ကိုရိုနာဗိုင်းရပ်စ်ရဲ့မတူညီတဲ့အသားဓာတ် ၁၁ မျိုးကို ခုခံအား တုန့်ပြန်မှုပေးနိုင်သည်ဟု သိရသည်။ သို့သော်ဇူလိုင်လ ၁၉ ရက်နေ့တွင် OSE သည် ကာကွယ်ဆေးအပေါ် ဆိုးရွားသောတုံ့ပြန်မှုများ ကြိုတင်သတင်းရရှိပြီးနောက် ၎င်း၏ဆန္ဒအလျောက် ရပ်ဆိုင်းမည်ဖြစ်ကြောင်း ကြေငြာခဲ့သည်။
(၈၄) Walter
Walter Reed Army Institute of Research မှသိပ္ပံပညာရှင်များသည် coronavirus's spike protein နှင့် nanoparticle မှ ကာကွယ်ဆေးကို ဒီဇိုင်းထုတ်ခဲ့သည်။ မျောက်များအပေါ် စမ်းသပ်ချက်များအရ ကာကွယ်ဆေးနှစ်ခါ ထိုးခြင်းသည် အလွန်မြင့်မားသော antibodies ပေးနိုင်ကြောင်း ပြသခဲ့သည်။ ၂၀၂၁ ခုနှစ်ဧပြီလ ၅ ရက်နေ့တွင် Phase 1 စမ်းသပ်မှုကို စတင်ခဲ့သည်။
(၈၅) CoV2-OGEN1
Pennsylvania အခြေစိုက် VaxForm မှ သုတေသီများသည် CoV2-OGEN1 ကာကွယ်ဆေးတစ်မျိုးကို တီထွင်နိုင်ခဲ့ပြီး နယူးဇီလန်နိုင်ငံတွင် Phase 1 စမ်းသပ်မှု ပြုလုပ်နေသည်။
(၈၆) Noora
Baqiyatallah ဆေးသိပ္ပံတက္ကသိုလ်မှ အီရန်သုတေသီများသည် coronavirus ကိုကာကွယ်ရန် ပရိုတိန်းအခြေခံ ကာကွယ်ဆေးကို တီထွင်ခဲ့သည်။ ၂၀၂၁ ခုနှစ်ဇွန်လ ၂၇ ရက်နေ့တွင် အစ္စလာမ့်တော်လှန်ရေးအစောင့်တပ်ဖွဲ့က Noora ဟုခေါ်သောကာကွယ်ဆေးသည် Phase 1 စမ်းသပ်မှုတွင်ပါ ဝင်ကြောင်း ကြေငြာခဲ့သည်။
(၈၇) Baiya Phytopharm
Thai startup Baiya Phytopharm မှ သိပ္ပံပညာရှင်များသည် အပင်အခြေပြုနည်းပညာကို သုံး၍ ကာကွယ်ဆေးကို တီထွင်လိုက်သည်။ ၎င်းသည်လည်း အဆင့် ၁ စမ်းသပ်မှု ပြုလုပ်နေဆဲ ဖြစ်သည်။
(၈၈) 202-CoV
Shanghai Zerun Biotechnology နှင့် Walvax Biotechnology မှ တရုတ်သုတေသီများက ၎င်းတို့၏ ကာကွယ်ဆေးမှ ခုခံအားတုံ့ပြန်မှုကို ပိုမိုကောင်းမွန်စေရန် coronavirus spike protein ၏ ဖွဲ့စည်းပုံနှင့် ကာကွယ်ဆေး တစ်မျိုးကို ဖန်တီးခဲ့သည်။ ၎င်းသည်လည်း အဆင့် ၁ စစ်ဆေးမှု ပြုလုပ်နေဆဲဖြစ်သည်။
(၈၉) University of Queensland
သြစတေးလျနိုင်ငံ Queensland တက္ကသိုလ်မှ ကာကွယ်ဆေးသည် အဆင့် ၁ စမ်းသပ်မှုတွင် အားရစရာ ရလဒ်များကို ပေးခဲ့ပြီး ဘေးထွက်ဆိုးကျိုး မရှိတဲ့ အဆင့်မြင့် Antibodies များ ထုတ်လုပ်ပေးနိုင်သည်ကို တွေ့ရသည်။
(၉၀) BBIBP-CorV
ထိရောက်မှု - ၇၈ ဒသမ ၁ ရာခိုင်နှုန်း
ဆေးထိုးရသည့် အကြိမ်ရေ - ၂ ကြိမ်၊ ၃ ပတ်ခြား
အမျိုးအစား - ကြွက်သားထိုးဆေး
Beijing Biological Products of Beijing နှင့် တရုတ်အစိုးရပိုင် Sinopharm ကုမ္ပဏီတို့မှ ထုတ်လုပ်သောကာကွယ်ဆေး BBIBP-CorV သည် တရုတ်ပြည်တွင်း၌သာမက ပြည်ပတွင်ပါ Covid-19 ကာကွယ်ဆေးအဖြစ် ပေါ်ထွက်လာခဲ့သည်။ ၂၀၂၁ ခုနှစ် ဇူလိုင်လ အင်တာဗျူးတစ်ခုတွင် Sinopharm အမှုဆောင်အရာရှိတစ် ဦးက ကုမ္ပဏီသည် တစ်နှစ်လျှင်ဆေး ၅ ဘီလီယံထုတ်လုပ်ရန် စီစဉ်နေကြောင်းပြောကြားခဲ့သည်။BBIBP-CorV သည် တောင်အာဖရိကတွင် စတင် တွေ့ရှိခဲ့ရသည့် Beta.1.351 မူကွဲကို ထိရောက်စွာ ကာကွယ်နိုင်စွမ်းရှိသည်။
(၉၁) Sinovac
ထိရောက်မှု - ဘရာဇီးတွင် ၅၀ ဒသမ ၆၅ ရာခိုင်နှုန်း၊ တူရကီတွင် ၈၃ ဒသမ ၅ ရာခိုင်နှုန်း
ဆေးထိုးရမည့် အကြိမ်ရေ - ၂ ကြိမ်၊ ၂ ပတ်ခြား
အမျိုးအစား - ကြွက်သားထိုးဆေး
ပုဂ္ဂလိကတရုတ်ကုမ္ပဏီ Sinovac Biotech သည် ၂၀၂၀ အစောပိုင်းတွင် CoronaVac ဟုခေါ်သော ကာကွယ်ဆေးကို တီထွင်ခဲ့သည်။ ၂၀၂၁ ခုနှစ်အစောပိုင်းတွင် ဘရာဇီးနှင့် တူရကီတို့တွင် စမ်းသပ်မှုများက Covid-19 ကို ကာကွယ်နိုင်ကြောင်း ပြသခဲ့သည်၊ သို့ပေမယ့် ၎င်းတို့သည် စမ်းသပ်မှုများ ကွဲပြားသောကြောင့် တစ်စိတ်တစ်ပိုင်းအားဖြင့် ကွဲပြားခြားနားသော ရလဒ်များကို ပေးခဲ့သည်။ ဘရာဇီးတွင် Covid-19 ရောဂါလက္ခဏာများရှိခြင်း (သို့) ရောဂါလက္ခဏာမပြသူများမှာ ထိရောက်မှု ၅၀ ရာခိုင်နှုန်းရှိပြီး တူရကီတွင် Covid-19 ကိုကာကွယ်ရာတွင် ၈၃.၅ ရာခိုင်နှုန်းထိရောက်ခဲ့သည်။ တရုတ်နိုင်ငံသည် ဇွန်လ ၄ ရက်နေ့တွင် ကလေးများနှင့် ဆယ်ကျော်သက်များမှာ ကာကွယ်ဆေး ထိုးနှံနိုင်ခွင့် ခွင့်ပြုချက်ကို တိုးချဲ့ခဲ့ပြီး ကမ္ဘာ့ကျန်းမာရေးအဖွဲ့က ၂၀၂၁ ခုနှစ်ဇွန်လ ၁ ရက်နေ့တွင် ကာကွယ်ဆေးအား အရေးပေါ် ခွင့်ပြုချက် ပေးခဲ့သည်။
(၉၃) Sinopharm
Sinopharm သည် Wuhan Institute of Biological Products မှ တီထွင်ထားသော inactivated virus ကာကွယ်ဆေးဖြစ်သည်။ Phase 1/2 စမ်းသပ်မှုတွင် ကာကွယ်ဆေးသည် စေတနာ့ဝန်ထမ်းများတွင် antibodies များ ထုတ်လုပ်နိုင်ကြောင်း ပြသခဲ့ပြီး အချို့မှာလည်း အဖျားနှင့် အခြားဘေးထွက်ဆိုးကျိုးများ ခံစားခဲ့ရသည်။ ထို့နောက် Sinopharm သည် ကမ္ဘာလုံးဆိုင်ရာအဆင့် ၃ စမ်းသပ်မှုကိုစတင်ခဲ့သည်။ ဒီဇင်ဘာလတွင် ပီရူးနိုင်ငံ၌ စေတနာ့ဝန်ထမ်းတစ် ဦး ကြုံတွေ့ခဲ့သော အာရုံကြောဆိုင်ရာ ပြဿနာများအား စုံစမ်းရန်၎င်းတို့၏ စမ်းသပ်မှုကို ခေတ္တရပ်နားခဲ့သော်လည်း ကာကွယ်ဆေးများနှင့် မသက်ဆိုင်ကြောင်း ဆုံးဖြတ်ခဲ့သည်။ ဖေဖော်ဝါရီ ၂၅ ရက်တွင် တရုတ်နိုင်ငံက ဝူဟန်ကာကွယ်ဆေးအား ယေဘူယျအားဖြင့် အသုံးပြုရန် ကြေငြာခဲ့သည်။ မေလတွင် ကာကွယ်ဆေးသုတေသီများက Phase 3 စမ်းသပ်မှု ရလဒ်များကိုထုတ်ပြန်ခဲ့ပြီး ကာကွယ်ဆေးသည် ၇၂.၈ ရာခိုင်နှုန်း ထိရောက်မှုရှိကြောင်း ပြသသည်။
(၉၃) Covaxin
ထိရောက်မှု - ၇၇ ဒသမ ၈ ရာခိုင်နှုန်း
ဆေးထိုးရမည့် အကြိမ်ရေ - ၂ ကြိမ်၊ ၄ ပတ်ခြား
အိန္ဒိယဆေးသုတေသနနှင့် National Virology အင်စတီကျု့တို့နှင့် ပူးပေါင်း၍ အိန္ဒိယကုမ္ပဏီ Bharat Biotech သည် inactivate ပုံစံကို အခြေခံ၍ Covaxin ကာကွယ်ဆေးကို ဒီဇိုင်းထုတ်ခဲ့သည်။ ၂၀၂၁ ခုနှစ် ဧပြီလတွင် ၎င်းသည် အရေးပေါ်ခွင့်ပြုချက်ရရှိသော ပထမဆုံးကာကွယ်ဆေး ဖြစ်လာခဲ့သည်။
(၉၄) RIBSP
အာရှအလယ်ပိုင်း ကာဇက်စတန်နိုင်ငံသည် ကာကွယ်ဆေးအတွက် Phase 1 စမ်းသပ်မှုကိုမှတ်ပုံတင်ခဲ့သည်။ ဒီဇင်ဘာ ၁၉ တွင် Kazinform မှသုတေသီများသည် Phase 2 စမ်းသပ်မှုကိုပြီးစီးခဲ့ပြီး ကာကွယ်ဆေးသည် လုံခြုံပြီး အလားအလာရှိသော ခုခံအားတုံ့ပြန်မှုကို ရစေသည်ဟု တွေ့ရှိခဲ့သည်။ သုတေသီများသည်အဆင့် ၃ စမ်းသပ်မှုကို မတ်လတွင်စတင်ခဲ့ပြီး၊ ကာဇက်စတန်ပညာရေးနှင့်သိပ္ပံဒုတိယ ၀ န်ကြီးက QazVac ဟုခေါ်သောကာကွယ်ဆေးကို Phase 3 စမ်းသပ်မှုမှရလဒ်များ ထုတ်ပြန်ခြင်းမရှိသေးပါ။
(၉၅) BIOKANGTAI
Shenzhen Kangtai Biological Products သည် အသည်းရောင်အသားဝါ B နှင့် ဝက်သက်ကဲ့သို့ရောဂါများအတွက် ကာကွယ်ဆေးများ ထုတ်ပေးသော တရုတ်ကုမ္ပဏီတစ်ခု ဖြစ်သည်။ အောက်တိုဘာလတွင် ကာကွယ်ဆေးမထိုးထားသော စေတနာ့ဝန်ထမ်း ၁၈၀ ကို Phase 1 စမ်းသပ်မှု စတင်ခဲ့သည်။ ၂၀၂၁ ခုနှစ်၊ ဖေဖေါ်ဝါရီလတွင် ကုမ္ပဏီသည် Phase 2 စမ်းသပ်မှု တစ်ခုကိ ပြုလုပ်ခဲ့ပြီးနောက် မေလတွင် Phase 3 စမ်းသပ်ချက် စတင်ခဲ့သည်။ ထိုလတွင်ပင် တရုတ်အစိုးရက ၎င်းအား အရေးပေါ်အသုံးပြုရန် ခွင့်ပြုချက်ပေးခဲ့ကြောင်း ကုမ္ပဏီက ကြေငြာခဲ့သည်။
(၉၆) Shafa Pharmed Pars
အီရန်ဆေးဝါးကုမ္ပဏီတစ်ခုဖြစ်သော Shafa Pharmed Pars သည် inactivated ကာကွယ်ဆေးတစ်မျိုးကို တီထွင်ခဲ့သည်။ အကြိုစမ်းသပ်မှုရလဒ်များမှ ကာကွယ်ဆေးသည် တိရိစ္ဆာန်များအတွက် လုံခြုံပြီးထိရောက်မှုရှိကြောင်း ပြသည်။ Phase 3 ထိ စမ်းသပ်ပြီးသော အလားအလာကောင်းသည့် ကာကွယ်ဆေး ဖြစ်သည်။
(၉၇) Institute of Medical Biology at the Chinese Academy of Medical Sciences
ပိုလီယိုနှင့် အသည်းရောင်အသားဝါအေအတွက် ကာကွယ်ဆေးများတီထွင်ခဲ့သော Chinese Medical Academy of Medical Academy မှ ဆေးဘက်ဆိုင်ရာ ဇီဝဗေဒသိပ္ပံမှသုတေသီများက Inactivate coronavirus ကာကွယ်ဆေးကို ဖန်တီးခဲ့သည်။ Phase 1၊ 2 ၊3 စမ်းသပ်ချက်များ ပြီးမြောက်ပြီး ဇွန်လ ၉ ရက်နေ့တွင် တရုတ်အစိုးရသတင်းစာ Science and Technology Daily တွင် ၎င်းကို အရေးပေါ်အသုံးပြုရန် ခွင့်ပြုထားကြောင်း ဖော်ပြခဲ့သည်။
(၉၈) VLA2001 ( Phase 3 )
ပြင်သစ်ကာကွယ်ဆေးထုတ်လုပ်ရေး Valneva သည် Dynavax မှ adjuvant ကို သုံး၍ ဓာတုဗေဒဓာတ်မပါသော ကာကွယ်ဆေးကို ဖန်တီးခဲ့သည်။ VLA2001 ဟုခေါ်သော ကာကွယ်ဆေးသည် လောလောဆယ်တွင် ဥရောပ၌ တီထွင်ထားသော တစ်ခုတည်းသော Inactivate ဗိုင်းရပ်စ်ကာကွယ်ဆေးဖြစ်သည်။ ကာကွယ်ဆေး စမ်းသပ်မှု အဆင့် ၁၊ ၂ မှာ အလားအလာကောင်းတဲ့ ရလဒ်တွေ ရှိခဲ့ပြီး အဆင့် ၃ စမ်းသပ်ချက်မှာ ရလဒ်တွေကောင်းပြီး လုံခြုံစိတ်ချရရင် ဗြိတိန်အစိုးရက ကာကွယ်ဆေး သန်း ၁၉၀ ထိ ဝယ်ယူဖို့ သဘောတူညီချက် ရရှိပြီးဖြစ်သည်။
(၉၉) ERUCOV-VAC
တူရကီနိုင်ငံ Erciyes တက္ကသိုလ်က ERUCOV-VAC ဟုခေါ်သော ဗိုင်းရပ်စ်ကာကွယ်ဆေးကို ဖန်တီးခဲ့ပြီး အဆင့် ၁၊ ၂၊ ၃ စမ်းသပ်ချက်များ အောက်မြင်စွာ ပြီးစီးပြီး ဖြစ်သည်ဟု သိရသည်။
(၁၀၀) CoviVac
ရုရှားသိပ္ပံအကယ်ဒမီမှ Chumakov စင်တာသည် CoviVac ဟုခေါ်သော inactivated coronavirus ကာကွယ်ဆေးကိုတီထွင်ခဲ့သည်။ အဆင့် ၃ လက်တွေ့စမ်းသပ်မှုမျညူ ပြုလုပ်ပြီး ဖြစ်ပြီး ကာကွယ်ဆေးရဲ့ ထိရောက်မှုကိုတော့ မဖော်ပြရသေးပါ။
(၁၀၁) Fakhravac
အီရန်နိုင်ငံမှ ထုတ်လုပ်သော Fakhravac ဟု လူသိများသည့် ကာကွယ်ဆေးသည် နိုဝင်ဘာလတွင် သေဆုံးခဲ့သည့် အီရန်၏ထိပ်တန်းနျူကလီးယားသိပ္ပံပညာရှင် Mohsen Fakhrizadeh ကို နာမည်ပေးထားခြင်းဖြစ်သည်။ Phase 1 စမ်းသပ်မှုပြီးစီးပြီးနောက် Fakhravac သည် ဇွန်လတွင် Phase 2 စမ်းသပ်ခြင်းကို စတင်ခဲ့သည်
(၁၀၂) KD-414
၂၀၂၁ ခုနှစ် မတ်လ ၂၂ ရက်နေ့တွင် ဂျပန် KM Biologics က KD-414 ဟုခေါ်သော ကာကွယ်ဆေးကို အဆင့် ၁/၂ စမ်းသပ်မှု စတင်လိုက်ကြောင်း ကြေငြာခဲ့သည်။
(၁၀၃) Codagenix
New York အခြေစိုက် Codagenix သည် သက်ရှိများ အားပျော့သွားစေသော ဗိုင်းရပ်စ်များကို အခြေခံ၍ ကာကွယ်ဆေးများကို တီထွင်သည်၊ တိရစ္ဆာန်များအား အောင်မြင်စွာစမ်းသပ်ပြီးနောက် Phase 1 စမ်းသပ်မှုကို ၂၀၂၁ ခုနှစ်ဇန်နဝါရီလတွင် ဗြိတိန်၌ စတင်ခဲ့သည်။ စမ်းသပ်မှုရလဒ်များကို ၂၀၂၁ တတိယသုံးလပတ်တွင် ရရှိမည်ဟု မျှော်မှန်းထားသည်။
(၁၀၄) Koçak Farma
Koak Farma မှတူရကီသုတေသီများသည် inactivated ကာကွယ်ဆေးကို တီထွင်ခဲ့သည်။ သူတို့သည် ၂၀၂၁ ခုနှစ်ဧပြီလ ၈ ရက်နေ့တွင် အဆင့် ၁ စမ်းသပ်မှုကို စတင်ခဲ့သည်။
( ဘယ်ဆေးကို မှတ်မိလိုက်ပြီး ဘယ်ဆေးကို မြန်မာပြည်မှာ ထိုးဆေး၊ သုံးစေချင်ပါသလဲ )