အမေရိကန်သမ္မတလောင်း (၂)ဦး၏ စကားစစ်ထိုးပွဲ

13/09/2024 12:29

 967

ဖြိုးဝေလင်း(ပုသိမ်) (NP News) - စက်တင်ဘာ ၁၃

၂၀၂၄ ခုနှစ် နိုဝင်ဘာလ ၅ ရက်နေ့ တွင် ကျင်းပမည့် (၆၀)ကြိမ်မြောက် အမေရိကန်သမ္မတရွေးကောက်ပွဲ အတွက် နောက်ဆုံးအကြိမ်ဖြစ်လာဖွယ်ရှိသည့် ရီပတ်ဘလီကန် နှင့် ဒီမိုကရက်တစ် သမ္မတလောင်း (၂)ဦးတို့၏ စကားစစ်ထိုးပွဲကို ၂၀၂၄ ခုနှစ် စက်တင်ဘာလ ၁၁ ရက်နေ့ ဒေသစံတော် ချိန် ည ၉ နာရီ တွင် Pennsylvania ပြည်နယ်၊ Philadelphia မြို့ရှိ National Constitution Center ၌ ကျင်းပခဲ့ကြသည်။ မိနစ် ၉၀ ကြာမြင့်သည့် စကားစစ်ထိုးပွဲတွင် ရီပတ်ဘလီကန်သမ္မတလောင်း ဒေါ်နယ်ထရမ့် နှင့် ဒီမိုကရက်တစ်သမ္မတလောင်း ကင်မလာအဲရစ် တို့ ယှဉ်ပြိုင်ပြောဆိုခဲ့ကြပြီး ကြီးကြပ်သူများအဖြစ် ABC သတင်းဌာနမှ David Muir နှင့် Lindsey Davis တို့မှ ဆောင်ရွက်ခဲ့ကြသည်။ ကြီးကြပ်သူများ၏ မေးခွန်းများ နှင့် သမ္မတလောင်း ၂ ဦး၏ ယှဉ်ပြိုင်မှုများကို အကျဉ်းချုံးဖော်ပြသွားပါမည်။

ABS မေး ။ မဲပေးပြည်သူတွေအနေနဲ့ လွန်ခဲ့သည့် ၄ နှစ်အတွင်း အမေရိကန်ပြည်ထောင်စုမှာ နေထိုင်မှုစရိတ်(ကုန်ဈေးနှုန်း) ကြီးမြှင့်မှုအပေါ် ကင်မလာ ရဲ့ အမြင်ကို သိချင်ပါတယ်။
ကင်မလာ ။ ကျမက လူလတ်တန်းစားမိသားစုကလာခဲ့သူပါ။ ကျမ က လူလတ်တန်းစားတွေကို မြှင့်တင်ပေးဖို့အတွက် ဒီနေရာကိုရောက်နေသူပါ။ ကျမတို့မှာ အိမ်ယာတွေ မလုံလောက်မှုဖြစ်နေပါတယ်။ အိမ်ဈေးနှုန်းတွေက အရမ်းကို ကြီးမြင့်နေတယ်ဆိုတာ သိပါတယ်။ ငယ်ရွယ်တဲ့အိမ်ထောင်သည်တွေအနေနဲ့ သူတို့ကလေးတွေကိုစောင့်ရှောက်ဖို့ အစိုးရရဲ့အကူအညီတွေလိုအပ်တာသိပါတယ်။ ဒါကြောင့် မိသားစုတစုကို ဒေါ်လာ ၆၀၀၀ နီးပါးရှိတဲ့ အခွန်လျော့ပေးခြင်းတွေဆောင်ရွက်နေပါတယ်။ ငါ့ရဲ့ မျှော်လင့်ချက်ကတော့ ငယ်ရွယ်တဲ့အိမ်ထောင်သည်မိသားစုအနေနဲ့ အသေးစားစီးပွားရေးလုပ်ငန်းတွေလုပ်ဖို့ပါပဲ။ ငါငယ်ငယ်က ငါ့ရဲ့ဒုတိယအမေလို့ ခေါ်ဆိုနိုင်သူဟာ အသေးစားစီးပွားရေးလုပ်ငန်းရှင်ဖြစ်ပါတယ်။ ငါကတော့ အသေးစားလုပ်ငန်းစတင်မယ့်သူတွေကို ဒေါ်လာ ၅သောင်း လောက်အထိကို အခွန်လျော့ချပေးမှာပါ။ ငါ့ပြိုင်ဘက်(ထရမ့်) ကတော့ သူသမ္မတဖြစ်ရင် အရင်လုပ်နေကြနည်းအတိုင်း ကော်ပိုရေးရှင်းကြီးတွေ၊ ဘီလျံနာတွေကို အခွန်တိုးကောက်တဲ့အတွက် ဒေါ်လာ ၅ ထျီလျံလောက် လိုငွေပြသွားခဲ့ပါတယ်။ အဲ့တာကြောင့် ပစ္စည်းတန်ဖိုးတွေက ကြီးမြင့်သွားပြီး လူလတ်တန်းစားတွေက တနှစ်ကို ဒေါ်လာ ၄၀၀၀ ကျော်လောက် ပိုမိုသုံးစွဲရပါတယ်။ ဒါကြောင့် ငါ့ပြိုင်ဘက် ရဲ့ နည်းလမ်းကတော့ လူလတ်တန်းစားတွေအတွက် ထိခိုက်မှုတွေဖြစ်လာမှာပါ။
ထရမ့် ။ ပထမဆုံးပြောချင်တာက ကင်မလာပြောနေတာကလွဲနေပါတယ်။ ငါအခွန်တိုးကောက်တာ အခြားနိုင်ငံကလာတဲ့ကုန်တွေကိုပါ။ ၇၅ နှစ်လောက် ကမ္ဘာကြီးအပေါ် ငါတို့အမေရိကန်တွေလုပ်ဆောင်ခဲ့တာတွေအတွက် ပြန်ပေးဖို့ပါ။ နှစ်စဉ်နှစ်တိုင်း တရုတ်ပစ္စည်းတွေအပေါ်အကောက်ခွန်တိုးမြှင့်ခြင်းဖြင့် ဒေါ်လာဘီလျံချီ ရရှိပါတယ်။ အဲ့လို တိုးကောက်လို့လည်း ငွေကြေးဖောင်းပွမှုမရှိခဲ့ပါဘူး။ ခုဆို ငါတို့သမိုင်းတလျှောက်မှု အဆိုးရွားဆုံးငွေကြေးဖောင်းပွမှု ဖြစ်နေပါတယ်။ ၂၁ % လောက်ကို ဖောင်းပွနေတာပါ။ ဒါတောင် ယေဘူယျပြောတာပါ။ ၅၀၊ ၆၀၊ ၇၀ လည်း ဖြစ်နိုင်ပါတယ်။ ငွေကြေးဖောင်းပွမှုဟာ လူလတ်တန်းစားအတွက်သာမကပါဘူး။ လူတန်းစားအားလုံးအတွက် ဘေးအန္တာရယ်ပါ။ ဘာလို့လဲဆိုတော့ ငါတို့တိုင်းပြည်ကို နိုင်ငံပေါင်းစုံရဲ့ ထောင်တွေ၊ အကျဉ်းစခန်းတွေ၊ စိတ်ရောဂါကုဆေးရုံက လူတွေ ဝင်ရောက်နေတယ်။ ဒီလူတွေက ငါတို့နိုင်ငံသားတွေရဲ့အလုပ်အကိုင်တွေကိုလုယူနေပါတယ်။ Ohio ပြည်နယ်၊ Colorado ပြည်နယ်တွေမှာ အဲ့လူတွေကမြို့တွေကို သိမ်းယူနေတယ်။ အဆောက်အဉီတွေကို မောင်ပိုင်စီးနေတယ်။ ဒါတွေဟာ သူမနဲ့ ဘိုင်ဒင် ဉီးဆောင်နေပါတယ်။ သူတို့၂ ဉီးဟာတိုင်းပြည်ကိုဖျက်ဆီးနေတဲ့ အကြီးမားဆုံးရာဇဝတ်သားတွေဖြစ်ပါတယ်။ ငါဟာအမေရိကန်စီးပွားရေးကို အကောင်းဆုံးလုပ်ခဲ့တယ်။ နောက်ထပ်လည်းပိုကောင်းအောင်လုပ်မှာဖြစ်တယ်။

ABC မေး။ ထရမ့်ရဲ့ စီးပွားရေးနဲ့ပတ်သတ်ပြီး ကင်မလာအနေနဲ့ ဘာပြောချင်ပါသလဲ။
ကင်မလာ ။ ထရမ့် ထားခဲ့တဲ့ စီးပွားရေးက ၁၉၃၀ ခုနှစ်တုန်းက အမေရိကန်မှာဖြစ်ပွားခဲ့တဲ့ great depression ဖြစ်စဉ်ပြီးလျှင် အကြီးမားဆုံးအလုပ်လက်မဲ့ အနေအထားဖြစ်တယ်။ ထရမ့် က ရာစုနှစ် တခုရဲ့ အဆိုးဝါးဆုံး ပြည်သူ့ကျန်းမာရေးစနစ်ကို ထားခဲ့တယ်။ ထရမ့် က ပြည်တွင်းစစ်ပြီးလျှင် အဆိုးဝါးဆုံး ဒီမိုကရေစီ ထားခဲ့တယ်။ ငါတို့ပထမဆုံးလုပ်ရတာက ထရမ့်ရဲ့ အရှုပ်ထုတ်တွေကိုရှင်းရတာပါပဲ။ ဒီ စကားစစ်ထိုးပွဲမှာလည်း မင်းတို့ပြည်သူတွေ ကြားနေကြ ထရမ့်ရဲ့ အလိမ်အညာတွေပဲ ကြားရမှာပဲ။ ဒါ့အပြင် သူ(ထရမ့်) သမ္မတဖြစ်လာရင် အကောင်အထည်ဖော်မယ့် အန္တာရယ်များတဲ့ Project 2025 စီမံကိန်းကို မင်းတို့ကြားရမယ်။ ငါယုံကြည်တာကတော့ ငါတို့ အမေရိကန်ပြည်သူတွေဟာ စည်းလုံးစေတဲ့၊ ခုလိုသွေးကွဲမှုတွေကို အဆုံးသတ်စေမယ့် သမ္မတမျိုးလိုချင်မှာပါပဲ။ အဲ့တာတွေအတွက် ငါကတိပေးနိုင်ပါတယ်။ [ Project 2025 ဆိုသည်မှာ ထရမ့်သမ္မတဖြစ်လာပါက အမေရိကန်ပြည်ထောင်စု၏ ဖက်ဒရယ်စနစ်ကို ပြန်သုံးသပ်ရန်၊ ဗဟိုဉီးစီးစနစ်ကို ပြန်လည်ရယူရန်၊ အမေရိကန်အမျိုးသာရေးဝါဒအားကောင်းလာစေရန်အတွက် လုပ်ဆောင်မည့်အစီအစဉ်များကို အမေရိကန် လက်ယာ think-tank အဖွဲ့ဖြစ်သည့် The Heritage Foundation မှ ရေးသားထားသည့် စာမျက်နှာ ၉၀၀ ပါ စာတမ်းဖြစ်သည်။)
ထရမ့် ။ သူမ ကတောင် Project 2025 နဲ့ပတ်သတ်လို့ ပိုသိနေပါတယ်။ ငါက အဲ့ဒီ Project 2025 ကို ဖတ်လည်းမဖတ်ဖူးသလို ဖတ်မှာလည်းမဟုတ်ဘူး။ အဲ့တာဟာ တူညီတဲ့ လူတစုက ရေးထားတဲ့ အချက်အလက်တွေဖြစ်တယ်။ ငါ ဘာလုပ်မယ်ဆိုတာကို လူတိုင်းသိပြီးသားပါ။ အခွန်လျော့မယ်။ စီးပွားရေး ကောင်းအောင်လုပ်မယ်။ ကပ်ရောဂါဆိုး မတိုင်မီက အခြေအနေပြန်ရောက်အောင်လုပ်မယ်။ အမေရိကန်တပ်မတော်ကို ပြန်လည်တည်ဆောက်မယ်။ အလုပ်အကိုင်တွေရဲ့ ဆိုးရွာလာတဲ့အခြေအနေကနေ အကောင်းဆုံးအခြေအနေကို အလျင်အမြန်ပြန်လည်ရရှိစေရမယ်(Bounceback ဟုသုံးနှုန်း)။
ကင်မလာ ။ ထရမ့်မှာ စီးပွားရေးနဲ့ပတ်သတ်လို့ဘာအစီအစဉ်မှ မရှိဘူး။ သူဌေးတွေကို အခွန်ဖြတ်တောက်မယ်။ ငွေကြေးဆိုင်ရာအဖွဲ့အစည်းဖြစ်တဲ့ Goldman Sachs က “ထရမ့် သမ္မတ ဖြစ်လာရင် အမေရိကန်စီးပွားရေးအဆိုးဆုံးဖြစ်မယ်” လို့ ပြောတယ်။ Wharton school ကလည်း ထရမ့်သာ သမ္မတ ဖြစ်ရင် လိုငွေအပြဆုံး ဖြစ်လာမယ်လို့ ပြောတယ်။ နိုဗယ်ဆုရှင် ၁၆ ယောက်က ထရမ့်ရဲ့ စီးပွားရေးအစီအစဉ်သာ အကောင်အထည်ဖော်ရင် နောက်နှစ်မှာ ငွေကြေးဖောင်းပွမှုမြင့်မားပြီး အကြီးမားဆုံး recession(ဆုတ်ယုတ်မှု) ဖြစ်မယ်။ ထရမ့်ဟာ မင်းတို့ပြည်သူတွေကို စိတ်မဝင်စားဘူး။ သူ့ကိုယ့်သူ ကာကွယ်ဖို့သာ စိတ်ဝင်စားတဲ့သူပဲ။
ထရမ့် ။ ငါလည်း Wharton school ကို သွားခဲ့ပါတယ်။ အဲ့ဒီမှာ အမြင့်ဆုံးပရော်ဖက်ဆာတွေနဲ့ တွေ့ခဲ့တယ်။ သူတို့က ငါ့ရဲ့ စီးပွားရေးအစီအစဉ်ဟာ ကောင်းတယ်လို့ပြောခဲ့တယ်။ လူတွေအလုပ်အကိုင်ရမယ်။ နိုင်ငံမှာ ငွေလုံးငွေရင်းဝင်မယ် စသဖြင့်ပေါ့။ ကင်မလာ မှာ ကိုယ်ပိုင်စီးပွားရေး အစီအစဉ်မရှိဘူး။ သူ က ဘိုင်ဒင် ဆီက ကော်ပီ ယူထားတာဖြစ်တယ်။ အဲ့အစီအစဉ်ထဲမှာ စာကြောင်း ၄ကြောင်းပဲပါတယ်။ အဲ့တာက run spot run ပုံစံမျိုးပဲဖြစ်တယ်။ “ငါတို့ အခွန် လျော့ချမယ်ဆိုတာပဲ” ဖြစ်တယ်။ (run spot run ဆိုသည်မှာ ကလေးတောင်သိသော ဖန်တရာတေနေသော အရာကို ဆိုလိုပါသည်။)

ABC မေး ။ ထရမ့် အနေနဲ့ ပြည်ပသွင်းကုန်တွေအပေါ် အခွန် ၂၀ % တိုးကောက်မယ်ဆိုတာက စားသုံးသူတွေအပေါ်မထိခိုက်စေဘူးလား။
ထရမ့် ။ သွင်းကုန်တွေကိုအခွန် တိုးကောက်မယ်ဆိုတာ တရုတ် နှင့် ငါ့တို့နိုင်ငံအပေါ် နှစ်ပေါင်းများစွာ ripping off (ဂျင်းထည့်) နေတဲ့ အခြားနိုင်ငံအပေါ် တိုးကောက်မှာပါ။ တရုတ်ကို ဘီလျံချီပြီး အခွန်ဆောင်ခိုင်းတဲ့ သမ္မတ က ငါတယောက်ပဲရှိတယ်။ ငါ့လက်ထက်မှာ ငွေကြေးဖောင်းပွခြင်းဆိုတာမရှိခဲ့ဘူး။ သူတို့လက်ထက်မှာ လူတွေက cereal, bacon(အသားပြား)၊ ကြက်ဉ တွေတောင် မဝယ်နိုင်ကြတော့ဘူး။ ပြည်သူတွေမှာ အတော်ဒုက္ခရောက်နေကြပြီ။ လူတွေ ကို စစ်တမ်းကောက်ကြည့်တဲ့အခါ လူ ၈၀/၉၀ % က ထရမ့်ရဲ့ စီးပွားရေးဟာ လက်ရှိထက်ပိုကောင်းတယ်လို့ ဖြေဆိုကြတယ်။

ABC မေး ။ ထရမ့်လက်ထက်က အခွန်တိုးကောက်ထားတာကို ဘိုင်ဒန်လက်ထက်ထိ ဆက်လက်ကျင့်သုံးနေတာကို ဘာပြောချင်ပါသလဲ။
ကင်မလာ ။ ထရမ့်အစိုးရဟာ အမေရိကန်သမိုင်းတလျှောက်လိုငွေအပြဆုံးအစိုးရပါ ဆိုတာ ပုံဖော်ပါရစေ။ တရုတ်နဲ့ trade war ဆင်နွှဲခဲ့ပါတယ်။ သူဟာ တရုတ်စစ်တပ်ကို chip တွေရောင်းချပြီး အဲ့စစ်ပွဲကိုရပ်တန့်ခဲ့ပါတယ်။ ငါတို့ဟာ AI နဲ့ Quantum computing ကဲ့သို့သော နည်းပညာမြင့်လုပ်ငန်းတွေဟာ အမေရိကန်လုပ်သားတွေအတွက်ပဲဖြစ်ရမယ်လို့ ဉီးတည်ထားပါတယ်။ ထရမ့်က ကိုဗစ် အတွက် တရုတ်သမ္မတ ရှီကျင့်ဖျင် ကို ကျေးဇူးတင်လိုက်ပါသေးတယ်။ သူ့ရဲ့ X(twitter) မှာ Thank You Xi ဆိုပြီး နောက်က ! ထည့်ပြီးတောင် ရေးလိုက်ပါသေးတယ်။ ရှိကျင့်ဖျင်ဟာ ကိုဗစ်အတွက် တာဝန်ရှိပါတယ်ဆိုတာတောင် သူက ကျေးဇူးတင်နေပါသေးတယ်။
ထရမ့် ။ ပထမဆုံးပြောချင်တာ တရုတ်က chip တွေ ဝယ်တာ ထိုင်ဝမ်ကပါ။ ဘာလို့လဲဆိုတော့ ငါတို့အတွေးအခေါ်၊ ငါတို့ မူဝါဒ အရ ငါတို့ ခက်ခက်ခဲခဲမလုပ်တော့တဲ့ chip တွေပါ။ အဲ့တာကလည်း ကင်မလာတို့ရဲ့ မူဝါဒပါ။ သူမ ဆီမှာ မူဝါဒလည်း ရှိမှာမဟုတ်ပါဘူး။ လွန်ခဲ့တဲ့ ၃/ ၄နှစ်က သူမ သိခဲ့တဲ့ အတွေးအခေါ်က ငါ့ရဲ့ အတွေးအခေါ်ပါ။ သူမကို ငါ့ရဲ့ ထောက်ခံသူအဖွဲ့ (maga) ထဲကိုတောင် ပို့မှာပါ။ ဒါပေမယ့် သူ သမ္မတတောင်း အရွေးခံရတော့ သူမစိတ်ပြောင်းသွားတယ်။ သူမဟာ မက်စ်ဝါဒ (ကွန်မြူနစ်)သမား ဖြစ်သွားတာပါ။ သူမ ရဲ့အဖေက မက်စ် စီးပွားရေးဝါဒ ရဲ့ ပရော်ဖက်ဆာပါ။ သူမ ကို ကောင်းကောင်းသင်ကြားပေးခဲ့ပါတယ်။ လတိုင်းလတိုင်း အမေရိကန်ကို ခိုးဝင်နေတဲ့ သန်းနဲ့ချီတဲ့ လူတွေဟာ နယူးယောက်ပြည်နယ်ထက်တောင် များပါဉိးမယ်။ အဲ့လူတွေက ရာဇဝတ်ကောင်တွေဖြစ်ပြီး ငါတို့တိုင်းပြည်ရဲ့စီးပွားရေးကို ဖျက်ဆီးနေပါတယ်။ ကင်မလာနဲ့ လက်ရှိအစိုးရအဖွဲ့ဟာ ရူးနေတဲ့ မူဝါဒ နဲ့ တိုင်းပြည်ကို ဖျက်ဆီးနေပါတယ်။

ABC မေး ။ ကိုယ်ဝန်ဖျက်ချခြင်း နဲ့ ပတ်သတ်လို့ ထရမ့်အနေနဲ့ Roie Wade ရဲ့ မူဝါဒကို သဘောမကျကြောင်း မကြာခဏ အမွှမ်းတင်ထားတာရှိပါတယ်။ မနှစ်က ထရမ့်ဟာ ကိုယ်ဝန်ဖျက်ချခြင်းကို ဆန့်ကျင်တဲ့ Pro-life ကိုသဘောတူတဲ့ သမ္မတတဉီးအနေနဲ့ ထုတ်ဖော်ထားပါတယ်။ လွန်ခဲ့တဲ့လက Florida မှာ မင်း နဲ့ မင်းအစိုးရအဖွဲ့ဟာ အမျိုးသမီးတွေရဲ့ အခွင့်အရေးနဲ့ မွေးဖွားခြင်းဆိုင်ရာ အခွင့်အရေးအတွက် မြှင့်တင်ပေးမယ်လို့ ပြောခဲ့ပါတယ်။ ဒါစကားကြောင့် မင်းရဲ့ သီတင်း ၆ ပတ် ရှိသော ကိုယ်ဝန်ဖျက်ချခွင့်ကို ပိတ်ပင်ခြင်းအား ထောက်ခံထားသူတို့ဟာ အံ့ဩကုန်ကြပါတယ်။ ဘာလို့လဲဆိုတော့ သီတင်း ၆ ပတ်ဟာ အရမ်းကိုတိုတောင်းပြီး ၆ပတ်ထက် ပိုတဲ့ ကိုယ်ဝန်ဖျက်ချခွင့်ကို ထောက်ခံသွားမယ်လို့ဆိုတဲ့စကားကြောင့်ပါ။ နောက်တနေ့မှာကြာတော့ သီတင်း ၆ ပတ် ရှိသော ကိုယ်ဝန်ဖျက်ချခွင့်ကို ပိတ်ပင်ခြင်းအား ထောက်ခံသွားမယ်လို့ ဆိုပြန်တယ်။ ဒီလိုရှေ့နောက်မညီမှုကြောင့် မင်းကို အမျိုးသမီးတွေက မယုံကြည်သင့်ဘူးလို့ ကင်မလာက ပြောပါတယ်။ (အမေရိကန်တွင် ကိုယ်ဝန်ဖျက်ချခြင်းကို ထောက်ခံသည့်အခြေအနေအား Pro-choice ဟုခေါ်ပြီး ကိုယ်ဝန်ဖျက်ချခြင်းကိုမထောက်ခံသည့်အဖွဲအား Pro-life ဟုခေါ်ပါသည်။ ထရမ့်သည် ၆ ပတ် နှင့် အောက်ရှိသည့် ကိုယ်ဝန်အားဖျက်ချခွင့်ပြုသော်လည်း ထိုထက်ကြာမြင့်သော သန္ဓေသားအားဖျက်ချခွင့်မပြုပါ။)
ထရမ့် ။ ငါဒါကို ဆန္ဒပြုခဲ့တယ်ဆိုတာက သူတို့က သီတင်း ၉ ပတ်သား ကိုယ်ဝန်ကို ဖျက်ချတဲကိစ္စ ဖြစ်ပြီး West Virginia ရဲ့ မြို့တော်ဝန်ဟောင်း က ၉ ပတ်ရှိတဲ့ကလေးကို ဖျက်ချခွင့်မကျသေးရင် မွေးပြီးမှ စီရင် ရမယ့်အခြေအနေကို ဖြစ်လိမ့်မယ်လို့ ပြောဆိုခဲ့လို့ ဆန္ဒပြုခဲ့တာဖြစ်တယ်။ ကင်မလာ ရွေးထားတဲ့ ဒုတိယသမ္မတလောင်းကလည်း ဆိုးဆိုးဝါးဝါးပါပဲ။ အဲ့ဒုသမ္မတလောင်းကလည်း ၉ ပတ်ရှိတဲ့ သန္ဓေသားလောင်း ကိုဖျက်ချခွင့်ပြုဖို့အတွက် ဟာ သက်တောင့်သက်သာ ရှိပုံပါပဲ။ သူက ကိုယ်ဝန်ဆောင်ကာလမှာတော့ ကလေးကိုဖျက်မချဘဲ မွေးပြီးတော့မှ စီရင်မယ်ဆိုတာကတော့ ငါနဲ့လုံးဝ အဆင်မပြေဘူး။ ငါလုပ်ခဲ့တာဟာ ၅၂ နှစ်လုံး ကြိုးစားခဲ့တဲ့ Roe v. Wade ရဲ့ အဆိုကို ပြည်နယ်ဥပဒေတွေထဲရောက်ရှိအောင်ကြိုးစားတာဖြစ်တယ်။ အခုတော့ နှလုံးရည် နဲ့ ဉာဏ်ပညာထက်မြက်တဲ့ တရားသူကြီး ၆ ဉီးကြောင့် လုပ်ဆောင်နိုင်ခဲ့ပါပြီ။ ဒီကိစ္စနဲ့ပတ်သတ်ပြီး ပြည်နယ်တိုင်းမှာရှိတဲ့ ပြည်သူက လွတ်လပ်စွာ မဲပေးနိုင်ပါပြီ။ ဒီလိုဆောင်ရွက်နိုင်ခဲ့တဲ့အတွက် တရားသူကြီး ၆ ဉီးကို ကြီးကြီးမားမားဂုဏ်ပြုလိုပါတယ်။

ABC မေး ။ မွေးပြီးသားကလေး ၁ဉီး ကို ဥပဒေအရ စီရင်တဲ့ ပြည်နယ် တခု မှမရှိပါဘူး။ ကင်မလာ အနေနဲ့ ထရမ့်ရဲ ပြောဆိုမှုအပေါ်တုံ့ပြန်စေလိုပါတယ်။
ကင်မလာ ။ ငါပြောခဲ့သလိုပဲ ဒီပွဲမှာတော့ ထရမ့်ရဲ့ အလိမ်အညာစကားတွေ မင်းတို့ကြားနေရတာပဲ။ အမေရိကန် တရားရုံးချုပ်ရဲ့ အဖွဲ့ဝင် ၃ ဉီးကို ထရမ့်စိတ်ကြိုက် ရွေးချယ်ထားခဲ့ပါတယ်။ ခုဆိုရင် ပြည်နယ် ၂၀ ကျော်မှာ ကိုယ်ဝန်ဖျက်ချခြင်းနဲ့ ပတ်သတ်ပြီး ကျန်းမားရေးစောင့်ရှောက်ပေးတဲ့ ဆရာဝန်တွေ ၊ သူနာပြုတွေတောင် ရာဇဝတ်သားတွေ အဖြစ်သတ်မှတ်နိုင်ပါပြီ။ ပြည်နယ် ၁ ခုမှာ ဆိုရင်တောင် တသက်တကျွန်းထိကျခံရနိုင်ပါတယ်။ ခုလိုမျိုး ကိုယ်ဝန်ဖျက်ချတာကို တားမြစ်တဲ့အတွက်ကြောင့် မုဒိမ်းကျင့်မှုကြောင့်ရတဲ့ ကိုယ်ဝန်၊ မိသားစုချင်းကြောင့် ရတဲ့ကိုယ်ဝန်တွေကို ဖျက်ချဖို့ တောင် အတော်ခက်ခဲနေပါတယ်။ ကျူးလွန်ခံရသူဟာ သူ့ခန္ဓာကိုယ်အတွက် ဆုံးဖြတ်ချက် ချပိုင်ခွင့်မရှိဘူးဆိုတာ မဖြစ်သင့်ပါဘူး။ ထရမ့်အနေနဲ့ မိန်းမတယောက် ဟာ သူ့ခန္ဓာကိုယ်အတွက် ဘာလုပ်ရမယ်ဆိုတာကို ညွှန်ကြားဖို့မလိုပါဘူး။ ခုဆိုရင် ကိုယ်ဝန်ဖျက်ချခံရပြီး ရာဇဝတ်ကြောင်းအရ အရေးယူခံရမှာ ကြောက်လို့ ကားပါကင်ပေါ်မှာ သွေးထွက်လွန်ပြီး စိုးရိမ်ဖွယ်ရှိတဲ့အနေအထားဖြစ်နေတဲ့အမျိုးသမီးတွေ ဘယ်လောက်များနေမလဲ။ အတင်းအကြပ်မုဒိမ်းကျင့်ခံရလို့ ကိုယ်ဝန်ရခဲ့တဲ့ ၁၂ နှစ် ၁၃ နှစ်အရွယ် ကလေးတွေအတွက် ဘယ်လိုလုပ်ရမလဲ။ Roe v. Wade ၏ ကွန်ဂရက်မှ အတည်ပြုလျှင် ကျွန်မလည်း ဥပဒေအဖြစ် လက်မှတ်ရေးထိုးသွားပါမည်။ ထရမ့်ကတော့ ကိုယ်ဝန်ဖျက်ချခြင်းကိုတားမြစ်မှာ အသေအချာပင်ဖြစ်ပါသည်။ Project 2025 တွင်လည်း ကျွန်ုပ်တို့ ၏ ကိုယ်ဝန်ဆောင်ခြင်းအား စောင့်ကြည့်မည့်အစီအစဉ်တခု ပါပါသည်။ လူ ၁ ဉီးချင်းစီ ၏ ကိုယ်ပိုင်ဆုံးဖြတ်ခွင့်နဲ့ပတ်သတ်လို့ အစိုးရ အနေနဲ့ ဝင်မစွက်ဖို့ကို အမေရိကန်နိုင်ငံသားတိုင်း လက်ခံမယ်လို့ ယုံကြည်ပါတယ်။
ထရမ့် ။ ဒီပြဿနာကြောင့် ငါတို့နိုင်ငံကို စိတ်ဝမ်းကွဲစေတာ ၅၂ နှစ်ရှိပါပြီ။ ခုတော့ ပြည်နယ်တွေမှာ မဲဆန္ဒပြုနိုင်ပြီ ဆိုတော့ ဘာပြဿနာမှ မရှိတော့ပါဘူး။ သူမ ဟာ ကွန်ဂရက်က ဆုံးဖြတ်ရင် လက်မှတ်ထိုးမယ်လို့ပြောတယ်နော်။ သူမ ဘယ်တော့မှ မဲ ရမှာ မဟုတ်ပါဘူး။ သူက အဲ့အခြေအနေကို ဘယ်တော့မှနီးစပ်လာမှလည်းမဟုတ်ဘူး။ ဘာလို့လဲဆိုတော့ အထက်လွှတ်တော်ရော အောက်လွှတ်တော်မှာပါ တဖက်စီကို ၅၀ -၅၀ စီ ရှိနေလို့ပါပဲ။ ဒါကြောင့် ဒါဟာ စကားအဖြစ်ပဲ ကျန်ခဲ့မှာပါ။ သူမ စကားကို ကြည့်ပြီး ငါ ပြီးခဲ့တဲ့ဖြစ်ရပ်တခု ကို သတိရမိတယ်။ ကျောင်းသားချေးငွေတွေကို ပိုရအောင်လုပ်ပေးမယ်လို့ ပြောတဲ့အချိန်တုန်းက ကျောင်းသားတွေအတော်မျှော်လင်ခဲ့တယ်။ မအောင်မြင်ခဲ့ဘူး။ သူမရဲ့ ဘော့စ် (ဘိုင်ဒန် ကိုဆိုလိုသည်)၊ အမြဲတမ်းကမ်းခြေမှာ အချိန်ဖြုန်းနေတဲ့ ဘော့စ် ကလည်း ငါတို့ တခြားနည်းလမ်းအတိုင်းဆက်လုပ်မယ်လို့ပြောပြီး ထပ်ကြိုးစားတဲ့အခါ တရားရုံးချုပ်က ပယ်ချတာပါပဲ။ နောက်ဆုံးတော့ ကျောင်းသားတွေပဲ ဒုက္ခရောက်ရတာပဲ။ အဲ့ကိစ္စကလည်း ခု ကိုယ်ဝန်ဖျက်ချတဲ့အကြောင်းပြောနေတာနဲ့ အတူတူပါပဲ။

ABC မေး ။ မင်းရဲ့ ဒုသမ္မတလောင်း JD Vance ကလည်း ကိုယ်ဝန်ဖျက်ချတာကို ထောက်ခံတဲ့ အဆို ကို သမ္မတစားပွဲပေါ် တင်လာရင် ဗီတိုနဲ့ ပယ်ချမယ် ပြောထားတယ်မလား။
ထရမ့် ။ ဒီကိစ္စ နဲ့ ပတ်သတ်ပြီး JD နဲ့ မဆွေးနွေးထားဘူး။ ဒါက ငါပြောတာမဟုတ်ပါဘူး။ ကျောင်းသားချေးငွေကိစ္စလိုပဲ ဖြစ်မလာနိုင်တော့တဲ့အတွက် အရေးမကြီးပါဘူး။ ကွန်ဂရက်ကိုပဲ ရအောင် ဖြတ်ပါဉီး။ ကိုယ်ဝန်ဖျက်ချတဲ့ကိစ္စအပေါ်မှာ ပြည်နယ်အစိုးရတွေကလည်း ကွန်ဂရက်ကို ရှောင်ဖယ်ပြီး ဆောင်ရွက်ချင်တဲ့ကိစ္စဖြစ်ပြီး အရင်ကမလုပ်နိုင်ခဲ့တဲ့ လူတိုင်းလုပ်ချင်တဲ့ဆန္ဒကို လုပ်ဆောင်နိုင်ခဲ့တာဖြစ်တယ်။ ခု ငါတို့ဆီမှာ ကိုယ်ဝန်ဖျက်ချခြင်းကို ထောက်ခံသူ တွေရဲ့ မဲတောင် ရနေပါပြီ။

ABC မေး ။ ကင်မလာ အနေနဲ့ ဘာပြောချင်ပါသလဲ။ တားမြစ်ဖို့ရောရှိပါသလား။
ကင်မလာ ။ Roe v. Wade ၏ အဆိုကို ပြန်လည်အသက်သွင်းခြင်းအတွက် ထောက်ခံပါတယ်။ အမေရိကန်မှာ ကိုယ်ဝန်ဆောင်ထားတဲ့ အမျိုးသမီးဟာ ဖျက်ချဖို့ ဘယ်တော့မှတောင်းဆိုမှာမဟုတ်ပါဘူး။ ထရမ့်ဟာ အမေရိကန် အမျိုးသမီးတွေကို စော်ကားတာပါပဲ။ ထရမ့်ရဲ့ ကိုယ်ဝန်ဖျက်ချမှု တားမြစ်ချက် ကြောင့် ဘာတွေဖြစ်နေလဲဆိုတာကို တချက်ကြည့်ပါ။ မိသားစု ဘဝရဖို့ မျှော်လင့်နေတဲ့ စုံတွဲတွေဟာ ဖန်ပြွန်သန္ဓေသားကုထုံး IVF treatments တွေကိုတောင် မရနိုင်တော့ပါဘူး။ အလုပ် ၁ခု/ ၂ခု လုပ်နေတဲ့ အမျိုးသမီးတွေ၊ ကလေးထိန်းခ မတက်နိုင်တဲ့ အမျိုးသမီးတွေ မှာ ကိုယ်ဝန်ဖျက်ချဖို့ကို ကိုယ်ဝန်ဖျက်ချခွင့်ပြုထားတဲ့ တခြားပြည်နယ်ကိုလည်း မသွားနိုင်တဲ့ အခက်အခဲတွေကြုံနေပါတယ်။ ကိုယ့် ခန္ဓာကိုယ် က ကိုယ်စိတ်ကြိုက်ပါ။ ဒါကြောင့်မို့လို့လည်း အနီရောင်ပြည်နယ်(ရီပတ်ဘလီကန်ထောက်ခံသည့်ပြည်နယ်) နဲ့ အပြာရောင်ပြည်နယ် (ဒီမိုကရက်ထောက်ခံသည့်ပြည်နယ်) တွေမှာ လွတ်လပ်ခွင့်အတွက် မဲပေးနေကြတာဖြစ်တယ်။
ထရမ့် ။ ဒါက အလိမ်အညာတခုပါ။ ငါဟာ ဖန်ပြွန်သန္ဓေသားကုထုံး IVF treatments ကို ထောက်ခံတဲ့ ဉီးဆောင်သူပါ။ Alabama ပြည်နယ်မှာ ဥပဒေပြုလွှတ်တော်က IVF နဲ့ပတ်သတ်တဲ့ အပျက်သဘောဆောင်တဲ့ဆုံးဖြတ်ချက်ချတဲ့အခါ ပြည်သူတွေနဲ့ ဥပဒေပြုလွှတ်တော်အကြား ၂ ရက်ကြာမဲခွဲဆုံးဖြတ်မှုမှာ ငါက ဉီးဆောင်ခဲ့ပါတယ်။ အဲ့တော့ ကိုယ်ဝန်ဖျက်ချတာကို ၈ လ ကျမှ ခွင့်ပြုမှာလား။ ၉လ လား။ ၇ လ လား။
ကင်မလာ ။ ဗီတိုနဲ့ ပယ်ချ/ မချ မေးခွန်းကိုဖြေပေးပါ။
ထရမ့် ။ ကိုယ်ဝန်ဖျက်ချခြင်း ကို ၇ လ ၊ ၈ လ၊ ၉ လ မှာ မင်းလုပ်နိုင်ပါတယ်။ (ရွဲ့၍ပြောသည်ဟုယူဆပါသည်။)
ကင်မလာ ။ မဖြစ်နိုင်တာ။
ထရမ့် ။ Virginia အုပ်ချုပ်ရေးမှုးဟောင်း ကို ကြည့်လိုက်ပါ။ Virginia အုပ်ချုပ်ရေးမှုးဟောင်းက မွေးထားတဲ့ကလေး ကို ဘေးမှာ ချထားပြီး ဘာလုပ်ချင်လဲ ဆုံးဖြတ်မယ်လို့ပြောပါတယ်။ (ရွဲ့၍ပြောသည်ဟုယူဆပါသည်။)

ABC မေး ။ ခုတော့ လူဝင်မှုကြီးကြပ်ရေးနဲ့ နယ်စပ်လုံခြုံရေး ကိုဆွေးနွေးပါမယ်။ ဘိုင်ဒန်အစိုးရလက်ထက်မှာ တရားမဝင် နယ်စပ်ဖြတ်ကျော်မှုဟာ စံချိန်တင်မြင့်မားလာကြောင်း တွေ့ရပါတယ်။ ပြီးခဲ့သည့် ဇွန်လကမှ သမ္မတ ဘိုင်ဒင်ဟာ ခိုလှုံခွင့်နှင့်ပတ်သတ်တဲ့ ပြင်းထန်သောကန့်သတ်ချက် အသစ်များကို ချမှတ်ခဲ့ပါသည်။ အဲ့အချိန်ကျမှ ကိန်းဂဏန်းများ သိသိသာသာကျဆင်းသွားတာကိုတွေ့ရပါတယ်။ ဒီနေ့ည မင်းကို မေးချင်တာက ဒီကန့်သတ်ချက်ထုတ်ပြန်ဖို့ကို ရွေးကောက်ပွဲ မတိုင်ခင် ခြောက်လလောက်အလိုထိ စောင့်ပြီးမှ ထုတ်ပြန်ခဲ့တာလဲ၊ ဒီအပေါ်မှာ သမ္မတ ဘိုင်ဒင်နဲ့ မတူတာ တစ်ခုခု လုပ်ခဲ့တာလား။
ကင်မလာ ။ လက်နက်မှောင်ခို၊ လူမှောင်ခို၊ မူးယစ်ဆေးဝါး စတာတွေကို တိုက်ဖျက်နေတဲ့ ပုဂ္ဂိုလ်ဟာငါပဲ ဖြစ်ပါတယ်။ နယ်စပ်လုံခြုံရေး ဥပဒေကြမ်းကိုလည်း တင်သွင်းခဲ့ပါသည်။ ဒီဥပဒေမူကြမ်းမှာ နယ်စပ်အေးဂျင့် ၁,၅၀၀ ကို ထပ်မံချထားပေးမယ့်အချက်တွေပါ ပါတယ်။ ဒါ့အပြင် ဒီဥပဒေကြမ်းမှာ မူးယစ်ဆေးဝါး fentanyl စီးဆင်းမှုကို ဟန့်တားနိုင်စေမည်ဖြစ်သည်။ ငါတို့ နိုင်ငံမှာ fentanyl ကြောင့် ဒုက္ခရောက်ခဲ့တဲ့ မိသားစုတွေလည်း ဒီနေ့ညမှာ စောင့်ကြည့်နေကြမယ်ဆိုတာ သိပါတယ်။ ဒီ ဥပဒေမူကြမ်းဟာ လက်နက်မှောင်ခို၊ လူမှောင်ခို၊ မူးယစ်ဆေးဝါး ရောင်းဝယ်နေတဲ့ နိုင်ငံဖြတ်ကျော် ရာဇ၀တ်အဖွဲ့အစည်းများကို အရေးယူနိုင်ဖို့ အခွင့်အလမ်းတွေရလာမှာဖြစ်ပါတယ်။ ဒါပေမယ့် ဒီဥပဒေကြမ်း ဘာဖြစ်သွားလဲ ဆိုတာသိလား။ Donald Trump က ကွန်ဂရက်လွှတ်တော်က လူတချို့ကို ဖုန်းဆက်ပြီး ဒီဥပဒေကြမ်းကို မထောက်ခံဖို့ ပြောခဲ့ပါတယ်။ ဘာလို့လဲ။ ဘာလို့လဲဆိုတော့ သူက ပြဿနာတွေကို ဖြေရှင်းရမယ့်အစား အဲ့ပြဿနာတွေ ရှိနေတာကို သဘောကျနေလို့ပါပဲ။ ပြည်သူတွေအနေနဲ့လည်း ပြဿနာတွေကို အမှန်တကယ်ဖြေရှင်းပေးမယ့် အဖြေရှာနိုင်တဲ့ ခေါင်းဆောင်တစ်ယောက် လိုအပ်နေတယ်ဆိုတာ နားလည်ပါ။ Donald Trump ရဲ့ လူထုစည်းဝေးပွဲတွေထဲက တစ်ခုကို တက်ကြည့်လိုက်ပါ။ သူ့ စုဝေးပွဲတွေမှာ Hannibal Lecter ကဲ့သို့ စိတ်ကူးယဉ်ဇာတ်ကောင်များအကြောင်းပဲ တွေ့ရပါမယ်။ ပြီးရင် ကင်ဆာဖြစ်စေသော လေရဟတ်များအကြောင်း ပြောပြပါလိမ့်မယ်။ လူတွေက ပျင်းရိ၊ ပင်ပန်းနွမ်းနယ်ပြီး စောစောစီးစီးထွက်သွားတော့တာပါပဲ။ မင်းရဲ့လိုအပ်ချက်တွေ၊ မင်းအိပ်မက်တွေ၊ မင်းရဲ့ဆန္ဒတွေအကြောင်း သူပြောနေတာကို မင်းကြားရမှာမဟုတ်ဘူး။ ဒါ့ကြောင့် မင်းတို့ကို တကယ်ဦးစားပေးတဲ့ သမ္မတတစ်ယောက်နဲ့ မင်းတို့ ထိုက်တန်တယ်လို့ ငါယုံကြည်ပါတယ်။

ABC မေး ။ ထရမ့် ကဘာလို့ ဥပဒေကြမ်းကို မထောက်ခံရတာလဲ။
ထရမ့် ။ အဲ့တာမပြောခင် ငါ့စုဝေးပွဲတွေ အကြောင်းကို အရင်ဆုံးပြောပြရစေ။ လူတွေက ထွက်သွားတယ်လို့ သူမက ပြောတယ်။ လူတွေက ဆန္ဒရှိရှိထွက်သွားချင်တာမဟုတ်ဘူး။ ထွက်သွားတဲ့လူတွေဆိုတာလည်း သူမက ဘက်စ်ကားကြီးထိုး၊ ငွေပေးပြီး ငါ့စုဝေးပွဲကနေ ထွက်ခွာအောင်လုပ်နေတာပဲ။ ပြီးတဲ့အခါ အဲ့လူတွေက သူတို့ကို ထောက်ခံပါတယ်လုပ်တယ်။ ငါ့ရဲ့ စုဝေးပွဲတွေက နိုင်ငံရေးသမိုင်းမှာ အကြီးမားဆုံး လူထုစုဝေးပွဲတွေဖြစ်တယ်။ ဘာဖြစ်လို့လဲဆိုတော့ ပြည်သူတွေက ကိုယ့်နိုင်ငံကို ပြန်လိုချင်လို့။ ငါတို့နိုင်ငံက လမ်းပျောက်နေတယ်။ ငါတို့က ကျရှုံးနိုင်ငံဖြစ်နေပြီ။ ဒါကလည်း လွန်ခဲ့တဲ့ သုံးနှစ်ခွဲလောက်ကမှ စဖြစ်ခဲ့တာပါ။ သန်းချီတဲ့ ခိုးဝင်တွေကို ဝင်လာလို့ ငါတို့ အမေရိကန်ပြည်ထောင်စုတစ်ဝှမ်းက မြို့တွေမှာ ဘာတွေဖြစ်နေလဲဆိုတာကို ကြည့်ပါ။ ဒါဟာ Aurora တို့ Springfield တို့မှာ ပဲ ဖြစ်နေတာမဟုတ်ဘူး။ မြို့အတော်များများမှာ ဖြစ်နေတာ။ မြို့ခံတွေက ရှက်လွန်းလို့ မပြောချင်ကြဘူး။ Springfield မှာဆိုရင် ခိုးဝင်တွေက ခွေးသား ကိုပါ စားနေကြတာ။ ကြောင်တွေကို စားတယ်။ အိမ်မွေးတိရစ္ဆာန်တွေကို စားတယ်။ ဒါက ငါတို့နိုင်ငံမှာ ဖြစ်ပျက်နေတာ။ ရှက်စရာကြီးပဲ။ သူမ သာ သမ္မတ ဆက်ဖြစ်မယ်ဆိုရင် ငါတို့ဟာ စတီးရိုက်ဖြစ်နေတဲ့ ဗင်နီဇွဲလားနိုင်ငံ ဖြစ်သွားမယ်။ (ပြန်၍မကောင်းနိုင်တော့သော ပျက်စီးမှု ဖြစ်နေသည့် ငတ်ပြတ်၍ ရာဇဝတ်မှု ထူပြောသောနိုင်ငံ)

ABC မေး ။ Springfield မှာ ခိုးဝင်တွေက အိမ်မွေးတိရိစ္ဆာန်များ ထိခိုက်ဒဏ်ရာရစေခြင်း၊ သို့မဟုတ် ညှင်းပန်းနှိပ်စက်ခြင်းဆိုင်ရာ ခိုင်လုံသော အစီရင်ခံစာများ မရှိကြောင်း ငါတို့ ABC သတင်းဌာန ရဲ့ မန်နေဂျာက ပြောပါတယ်။
ထရမ့် ။ ငါက လူတွေ ရုပ်သံကနေ ပြောနေတာကို တွေ့ပါတယ်။
ABC မေး ။ ငါက ရုပ်သံအစီအစဉ်က ဟာတွေကို လက်သင့်မခံပါဘူး။ မန်နေဂျာ ပြောတာကို ပဲ လက်ခံပါတယ်။
ထရမ့် ။ ဒါပေမယ့် လူတွေက ရုပ်သံကနေ ပြောနေကြတယ်လေ။

ABC မေး ။ ထပ်ပြောပါမယ်။ ငါတို့ မန်နေဂျာ က အိမ်မွေးတိရစ္ဆာန်တွေကို စားတာနဲ့ပတ်သတ်ပြီး သက်သေမရှိဘူးလို့ပြောပါတယ်။
ထရမ့် ။ ဒါဆိုရင် ငါတို့ ၂ယောက်လုံး အဖြေရှာဖို့လိုတာပေါ့။ (အမှန်သိဖို့လိုနေပြီ)
ကင်မလာ ။ ထရမ့် ရဲ့ အစွန်းရောက်မှု နဲ့ပတ်သတ်ပြီး သမ္မတဟောင်း Bush၊ Mitt Romney၊ John McCain တို့နဲ့ အလုပ်တွဲလုပ်ခဲ့တဲ့ ရီပတ်ဘလီကန် ၂၀၀ ရဲ့ ထောက်ခံချက် တွေအပြင် သူနဲ့ တွဲပြီး အလုပ်လုပ်ဖူးတဲ့လူတွေကို မေးကြည့်ပါ။ သူနဲ့ တွဲအလုပ်လုပ်ဖူးတဲ့ ကြယ်လေးပွင့် ဗိုလ်ချုပ်ကြီးဟောင်းတစ်ဦးဖြစ်သူပြောတာက ထရမ့်ဟာ ခြေဥ ကို ရှုတ်ချကြောင်းပြောခဲ့တယ်လို့ဆိုပါတယ်။ သူ့ရဲ့ အမျိုးသားလုံခြုံရေး အကြံပေးဟောင်းကလည်း ထရမ့်ဟာ အန္တရာယ်ရှိပြီး သမ္မတရာထူးအတွက် သင့်လျော်မှုမရှိလို့ ပြောကြားဖူးပါတယ်။ သူ့ရဲ့ ကာကွယ်ရေးဝန်ကြီးဟောင်းက လည်း ထရမ့်သာ သမ္မတထပ်ဖြစ်ရင် နိုင်ငံကတော့ ရှင်သန်တော့မှာမဟုတ်ဘူးလို့ ဆိုခဲ့ပါတယ်။ ဒါတွေကို နားထောင်ကြည့်ခြင်းဖြင့် ဒီရွေးကောက်ပွဲမှာ ပြည်သူတွေ အနေနဲ့ ဘာကိုရွေးချယ်ရမလဲဆိုတာကို ရှင်းရှင်းလင်းလင်းသိပြီလို့ ကျွန်မ ထင်ပါတယ်။
ထရမ့် ။ ခုလိုမျိုး ငါမကြားဖူးတဲ့ ငါ့ရဲ့မဟုတ်တဲ့အခြေအနေကို ကြားလိုက်ရတဲ့အတွက် ကျေးဇူးတင်ပါတယ်။ ဒီလူတွေကို ငါအလုပ်ထုတ်ခဲ့တာပါ။ ဒီလူတွေဟာ မကောင်းတာတွေကိုလုပ်ခဲ့ပါတယ်။ အာဖဂန် မှာ အမေရိကန် ၁၃ ဉီး အသတ်ခံရတဲ့ကိစ္စနဲ့ပတ်သတ်ပြီး ဘယ်သူ့ကိုမှ ထုတ်ပယ်ခြင်းမရှိတဲ့အတွက်ပါ။ အရည်အချင်းမပြည့်မီဆုံး ဗိုလ်ချုပ်တွေ၊ ထိပ်တန်း ပုဂ္ဂိုလ်တွေအားလုံးကို ရာထူးကနေ ထုတ်ပစ်သင့်တယ်။ အလုပ်သေချာမလုပ်ရင် ထုတ်ပစ်မှာပဲ။ တွေဝေ နေရင်ထုတ်ပစ်မှာပဲ။ ပြီးရင် ငါ့မကောင်းကြောင်းကို သူတို့တွေ စာအုပ်ထုတ်မယ်။ စာရေးမယ်။ သူတို့မှာ အဲ့တာကလွဲပြီး ဘာမှမလုပ်နိုင်လို့ပဲ။ ဒီမိုကရက်တွေကျတော့ ဒီလောက်စီးပွားရေးကျနေတာတောင် စီးပွားရေးပညာရှင် တယောက်မှကိုမထုတ်ပယ်ဘူး။ ဒါမှလည်း သူတို့အကြောင်းကိုအဲ့လူတွေက စာအုပ်မရေးမှာလေ။ အပြီးသတ်ပြောရရင် ငါက ရီပတ်ဘလီကန် သမ္မတလောင်းထဲမှာ မဲအများဆုံးရတဲ့သူ၊ သမ္မတတိုင်းထက် မဲပိုရတဲ့သူပဲ။

ABC မေး ။ ကင်မလာ မထောက်ခံတဲ့ မင်းရဲ့ ပြည်နှင်ဒဏ်ပေးမယ့်အဆိုကို လေ့လာရအောင်။ မင်းက အမျိုးသားအစောင့်တပ်ကိုတောင်သုံးပြီးတော့ ပြည်ပမှ ဝင်ရောက်သူတွေကို နှင်ထုတ်မယ်လို့ပြောတယ်။ လိုအပ်ရင် အမေရိကန်စစ်တပ်ကိုပါ သုံးမယ်ဆိုတဲ့ ကိစ္စလေ။
ထရမ့် ။ ပြည်နယ်ရဲ ကိုပဲ အသုံးပြုမှာပါ။

ABC မေး ။ လူ ၁၁ သန်းကျော်လောက်ရှိတဲ့ ရွှေ့ပြောင်းနေထိုင်သူတွေကို ဘယ်လိုပြန်ပို့မှာလဲ။ တစ်အိမ်တက်တစ်ဆင်း ဆောင်ရွက်မှာလား။
ထရမ့် ။ မှန်တယ်။ ရာဇဝတ်ကောင်တွေကို ခွင့်မပြုဘူး။ ဘိုင်ဒန်အစိုးရကသာ အကြမ်းဖက်သမားတွေကို ခွင့်ပြုတယ်။ မူးယစ်ဆေးဝါးရောင်းဝယ်သူတွေကို ခွင့်ပြုတယ်။ သူတို့လာခဲ့တဲ့ ဗင်နီဇွဲလား လို နိုင်ငံကို ဘယ်တော့မှ သူတို့မပြန်တော့ဘူး။ ဗင်နီဇွဲလား နဲ့ ကမ္ဘာပေါ်က နိုင်ငံအချို့မှာ ရာဇဝတ်မှုတွေ ဘာကြောင့် လျော့နည်းသွားလဲဆိုတာ မင်းတို့သိလား။ ဘာလို့လဲဆိုတော့ ငါတို့နိုင်ငံထဲကို အဲ့လူတွေဝင်လာလို့။ ဘိုင်ဒန်တို့က မဲရတော့မယ်ထင်လို့ လုပ်ခဲ့တာ ဖြစ်နိုင်တယ်လို့ ထင်ပါတယ်။ ဒါပေမယ့် လုံးဝ မတန်ဘူး။ ဘာဖြစ်လို့လဲ ဆိုတော့ သူတို့ လုပ်တဲ့ လုပ်ရပ်က ငါတို့ တိုင်းပြည် ရဲ့ စည်းလုံးမှုကို ဖျက်ဆီး နေတာ။ ခုငါတို့မှာ ခိုးဝင်ပြစ်မှု လို့ခေါ်တဲ့ ခိုးဝင်တွေပဲ သီးသန့်ကျူးလွန်တဲ့ ပြစ်မှုဆိုပြီး ခေါ်ရတဲ့ ပြစ်မှုအသစ်မျိုးတောင် ဖြစ်နေပြီ။

ABC မေး ။ FBI ကတော့ ဒီနိုင်ငံမှာ အကြမ်းဖက် ရာဇ၀တ်မှုတွေ ကြီးကြီးမားမား ကျဆင်းလာတယ်လို့ ပြောနေတယ် ထရမ့်ရေ။
ထရမ့် ။ ငါ့ကိုယုံလိုက်၊ FBI က အလိမ်အညာ ရှင်းလင်းချက်တွေထုတ်နေတာ။ လူ ၈သိန်း၁သောင်း၈ထောင် လောက်ရှိတဲ့ FBI ဟာ လိမ်ညာမှုပဲဖန်တီးနေတာ။
ကင်မလာ ။ ဒါကတော့ တော်တော်တရားလွန်ပါတယ်။ အမျိုးသားလုံခြုံရေးဆိုင်ရာပြစ်မှု၊ စီးပွားရေးရာဇ၀တ်မှု၊ ရွေးကောက်ပွဲဝင်ရောက်စွက်ဖက်မှု၊ လိင်ပိုင်းဆိုင်ရာစော်ကားမှုတွေ အတွက် တရားစွဲခံထားတဲ့ တယောက်က ကိုယ်က ဘယ်အနေအထားမှာ နေ နေရတယ်ဆိုတာကို ရှင်းရှင်းလင်းလင်း သိသင့်ပါတယ်။ ငါတို့ဟာ ဖန်တရာတေနေတဲ့ စကားလုံးတွေကို ထားခဲ့ပြီး အမေရိကန်ပြည်သူတွေရဲ့ လိုအပ်ချက်တွေကို ကိုင်တွယ်ဖြေရှင်းဖို့အရေးကြီးပါတယ်။ အမေရိကန်ပြည်သူတွေ အတွက် အိမ်ရာမလုံလောက်မှု၊ အသေးစားစီးပွားရေးလုပ်ငန်းတွေကို ပံ့ပိုးကူညီဖို့၊ ကုန်ဈေးနှုန်းကျဖို့ ဒါတွေကိုဖြေရှင်းရပါမယ်။
ထရမ့် ။ ငါ့ကို တရားစွဲဆိုတယ်ဆိုတာ နိုင်ငံရေးပြိုင်ဘက်ကို နှိပ်ကွပ်ချင်လို့ လုပ်နေကြတာဖြစ်တယ်။ တရားစွဲဆိုမှုအများစုမှာ ငါက အနိုင်ရခဲ့ပြီး ကျန်တဲ့ အမှုတွေမှာလည်း ငါအနိုင်ရမှာဖြစ်တယ်။ မကြာသေးမီက တရားရုံးချုပ်မှ ဆုံးဖြတ်လိုက်တဲ့ ဆုံးဖြတ်ချက်ကို မင်းတို့လည်းမြင်တာပဲလေ။ ဒါကို လက်နက်သုံးခြင်းလို့ ခေါ်တယ်။ ငါ့ကို တိုက်ခိုက်ဖို့ လက်နက်သုံးတာပဲ။ အမှုအခင်းဖြစ်တိုင်း အိုး…ထရမ့်က ရာဇ၀တ်သားပဲ ဆိုပြီး ငါ့နောက်ကို ရာဇဝတ်မှုတွေ လိုက်အောင်လုပ်နေတဲ့သူတွေပဲ။ စကားမစပ်၊ ဂျိုးဘိုင်ဒင်ကို စာရွက်စာတမ်းကိစ္စနှင့် ပတ်သက်၍ အပြစ်ရှိကြောင်း တွေ့ခဲ့တယ်ဆို။ ငါ့တုန်းက အဲ့လို အမှုမှာ ဘာဖြစ်သွားတာလဲ။ ငါ့ကို တရားစွဲဆိုတယ်ဆိုတာ ရွေးကောက်ပွဲမှာ သူတို့ အနိုင်ရဖို့ အသုံးချခဲ့ကြတာဖြစ်တယ်။

ABC မေး ။ ကင်မလာ အနေနဲ့ ထရမ့်ပြောတဲ့ လက်နက်သုံးတယ် ဆိုတဲ့ ကိစ္စကို ပြောပါဉီး။
ကင်မလာ ။ ထရမ့် သမ္မတ အဖြစ် ထပ်ပြီးအရွေးခံရမယ်ဆိုရင် အကျင့်ပျက်ခြစားမှုမှ ကင်းစင်သွားမည်ဖြစ်ကြောင်း အမေရိကန်ပြည်ထောင်စု တရားရုံးချုပ်က မကြာသေးမီက ဆုံးဖြတ်ခဲ့ပါတယ်။ သူဟာ အမေရိကန်ပြည်ထောင်စုရဲ့ ဖွဲ့စည်းပုံအခြေခံဥပဒေကို ရပ်စဲမယ်လို့ ပြောထားသူတဉီးပါ။ သူသာလျှင် တရားရေးဌာန ကို လက်နက်လို ကိုင်သုံးမယ့်သူဖြစ်ပါတယ်။ သူ့ကို တားဖို့က အမေရိကန်ပြည်သူတွေ အပေါ်မှာ မူတည်တယ်။
ထရမ့် ။ လက်နက်ကိုင်စွဲထားတာ သူတို့ပါ။ ငါ မဟုတ်ပါဘူး။ ငါက ဒီမိုကရေစီအတွက် ခြိမ်းခြောက်မှု ဖြစ်တယ် ဆိုပြီးပြောတယ်။ ရုရှားနဲ့ ဆက်စပ်တယ်ဆိုပြီး စစ်ဆေးကြတယ်။ ခုရော အဲဒီစစ်ဆေးမှုက ဘယ်မှာလဲ။

ABC မေး ။ ကင်မလာ အနေနဲ့ ရွေးကောက်ပွဲကို ဝင်တယ်ဆိုတာ ဖရိုဖရဲဖြစ်တာကိုတားမြစ်ချင်လို့ဆိုပြီး ပြောခဲ့ပါတယ်။ fracking ပြုလုပ်ခြင်းကို ပိတ်ပင်မယ်ပြောတယ်။ ခုကျတော့ ဒေသန္တရ အစိုးရတွေ ရဲ့ လက်နက်ဝယ်ယူမယ့်အစီအစဉ်လုပ်မယ်ပြောတယ်။ နယ်စပ်ဖြတ်ကျော်သူများကို ခွဲခြားဆက်ဆံခြင်း ကို ထောက်ခံတယ်။ မင်းက မပြောင်းလဲဘူး သာ ပြောနေတာ ဘာလို့ မင်းရဲ့ ရပ်တည်ချက် တော်တော်များများက ဘာလို့ ပြောင်းသွားတာလဲ။ (fracking ဆိုသည်မှာ ကျောက်လွှာများထဲသို့ ဓါတုရည် ထိုးသွင်း၍ ရေနံများ၊ သဘာဝဓါတ်ငွေ့များ ပိုမိုထွက်ရှိအောင် ကျောက်လွှာများကို ချိုးဖဲ့၍ လမ်းကြောင်းချဲ့ခြင်းဖြစ်ပြီး ထိုလုပ်ရပ်ကြောင့် ငလျင်များ၊ မြေကျွံကျမှုများဖြစ်နိုင်သည်။)
ကင်မလာ ။ ငါ့ရပ်တည်ချက်က မပြောင်းလဲပါဘူး။ ဒါပေမယ့် fracking ပြုလုပ်ခြင်းကို ခွင့်ပြုမှာဖြစ်တယ် ဘာလို့လဲဆိုတော့ နိုင်ငံခြားရေနံအပေါ် မှီခိုအားထားမှုကို လျှော့ချဖို့ပါပဲ။ ငါဟာ ဆယ်ကျော်သက်အရွယ်လေးနဲ့ အိမ်ဝယ်နိုင်ခဲ့တဲ့ လူလတ်တန်းစားမိခင် ၁ ဉီးရဲ့ ကလေးတယောက်အဖြစ် ကြီးပြင်းခဲ့တာပါ။ ငါက ထရမ့်လို အိမ်ပိုင်ဆိုင်ခြင်းရဲ့ အရေးပါမှုကို မသိဘဲ အိမ်ပိုင်ချင်သူတွေရဲ့ သန်း ၄၀၀ကို ယူပြီး ၆ ကြိမ်တိုင်တိုင် ဒေဝါလီခံလိုက်သူမဟုတ်ပါဘူး။ ငါ့ရဲ့ ပထမသက်တမ်းမှာ အိမ်ရာ ၃ သန်း တိုးလာဖို့ ပုဂ္ဂလိကအိမ်ဆောက်သူတွေနဲ့ လက်တွဲဆောင်ရွက်သွားမှာဖြစ်ပါတယ်။ ငါ့ရဲ့ အာရုံစိုက်မှုဟာ အမျိုးသမီးတွေနဲ့ ကလေးတွေကို အကြမ်းဖက်ရာဇ၀တ်မှုကနေ ကာကွယ်ဖို့ ဖြစ်တယ်။ လူမှုဖူလုံရေး နှင့် Medicare တို့နဲ ပတ်သတ်တာတွေကိုတော့ ငါ ကာလကြာရှည် လုပ်ဆောင်ခဲ့သော အလုပ်တွေကို ကြည့်တာနဲ့သိနိုင်ပါတယ်။ သက်ကြီးရွယ်အိုတွေကို လိမ်လည်လှည့်ဖျားခံရခြင်းမှ ကာကွယ်မှာဖြစ်တယ်။ စစ်မှန်တဲ့ခေါင်းဆောင်ဆိုတာ လူတွေကိုနှိမ့်ချတာမဟုတ်ဘဲ မြှင့်တင်တာသာဖြစ်တယ်။ ငါက ဒီလိုသမ္မတဖြစ်ဖို့ ရည်ရွယ်ထားပါတယ်။
ထရမ့် ။ ငါ သန်း ၄၀၀ မရပါဘူး။ ငါ့ အဖေက ဘရွတ်ကလင်းက ဆောက်လုပ်ရေးသမား။ အမေက ဘရွတ်ကလင်းက ဘုရင်မ။ ငါ့အဖေဆီကနေ အများကြီးသင်ယူခဲ့ပြီး ငါ ဒေါ်လာ ဘီလျံချီတဲ့ အိမ်တွေအများကြီး ဆောက်ခဲ့ပါတယ်။ လူတွေတောင် အံ့ဩကြပါတယ်။ Fracking နဲ့ ပတ်သတ်ပြီး ကင်မလာ က ၁၂ နှစ် တိတိ ဆန့်ကျင်ခဲ့ပါတယ်။ ရဲတွေကို ထောက်ပံ့ကြေးလျှော့ဖို့ လုပ်တုန်းကလည်း ကင်မလာက ဆန့်ကျင်ပါသေးတယ်။ ခုကျတော့ ရဲတွေကို ထောက်ပံ့ကြေးအကြီးမားဆုံး လျှော့ချနေပါတယ်။ သူ့မူဝါဒ ထဲက ၁၂ ချက်၊ ၁၄ ၊ ၁၅ ချက်လောက်ကို စွန့်လွှတ်ခဲ့ပါတယ်။
ကင်မလာ ။ အဲ့တာ မဟုတ်ဘူး။ မညာပါနဲ့။
ထရမ့် ။ Minnesota ကို မှတ်မိသေးလား။ ရဲတွေကို ထောက်ပံ့ကြေး လျှော့ချပြီး မင်းထွက်သွားတယ်လေ။ အဲ့ လူသတ်သမားတွေက လူသတ် မီးရှို့ပြီး ထောင်ကျတော့ အဲ့လူတွေ ထောင်ကလွတ်အောင် မင်းက ပိုက်ဆံတောင် စုဆောင်းသေးတယ်မလား။ ခုလည်း ထောင်ထဲမှာ ကျနေတဲ့ ဂြိုလ်သားတွေ (ခိုးဝင်) တွေကို လိင်ပြောင်းလဲဖို့ အတွက်ကြိုးစားပေးနေတယ်လေ။ မင်းက လက်ဝဲစွန်းရောက်လွန်းနေပြီ။ လစ်ဘရယ်အရမ်းဆန်နေပြီ။ သူမ က ရဲတွေရဲ့ သေနတ်တွေကို သိမ်းချင်နေတာဖြစ်ပြီးတော့ Pennsylvania မှာလည်း ဘယ်တော့မှ fracking ကို ခွင့်ပြုမှာ မဟုတ်ဘူး။ သူမ ဒီနေ့ ရွေးကောက်ပွဲနိုင်တာနဲ့ Pennsylvania မှာ fracking လုပ်ခွင့် ပိတ်သွားမှာပဲ။ ရေနံတူးသမားတွေကလည်း ရေနံလုပ်ငန်းကို လုပ်ချင်ကြတယ်။ ခုကျတော့ ရေနံလုပ်ငန်းတွေကို သိမ်းတယ်။ စင်တွေကို ဖြုတ်တယ်။ ခု ရေနံဈေးတွေ ဂက်စ်ဈေးတွေ တက်နေတာကြည့်လေ။ ဒါကြောင့် ငါက ပြန်တူးဖို့ ကိုပြောတာပဲ။ ငါက လေစွမ်းအင်၊ နေရောင်ခြည်စွမ်းအင် ကို ပြန်သွားမှာပါ။ ငါက နေရောင်ခြည်စွမ်းအင်ကို အမာခံထောက်ခံသူပါ။ ဒါပေမယ့် သူတို့က ဧက ၄၀၀၊ ၅၀၀ ပေါ်မှာ နေရာယူတယ်။ အဲ့လို နေရာယူတာဟာလည်း ပတ်ဝန်းကျင်အတွက် ကောင်းတဲ့အရာမဟုတ်ဘူးဆိုတာ ကင်မလာ သိပါတယ်။

ABC မေး ။ ရွေးကောက်ပွဲအတွက် ၅၆ ရက်ပဲ ကျန်ပါတော့တယ်။ ငြိမ်းချမ်းစွာ အာဏာလွှဲပြောင်းရေးအကြောင်း ပြောချင်ပါတယ်၊ ၂၀၂၁ ခုနှစ် ဇန်နဝါရီလ ၆ ရက်နေ့မှာ မင်းရဲ့ ထောက်ခံသူတွေက Capitol ကိုချီတက်ခဲ့တာရှိတယ်။ မင်းက ထောက်ခံသူများကို အိမ်ပြန်ရန် ပြောတဲ့ ဗီဒီယိုဟာ ဖြစ်စဉ်ဖြစ်ပြီး ၂ နာရီကျော်ကြာမှ Twitter ပေါ်ရောက်ခဲ့ပါတယ်။ အဲဒီနေ့မှာ မင်းလုပ်ခဲ့တဲ့အတွက် နောင်တရစရာ တစ်ခုခုရှိလား။
ထရမ့် ။ အဲ့နေ့က ချီတက်ပွဲမှာ တားဆီသူတွေ ဘက်က ဘယ်သူများထိခိုက်ဒဏ်ရာရလဲ။ မျိုးချစ်စိတ်နဲ့ ချီတက်သူတွေထဲက Ashli Babbitt ဆိုတဲ့ အမျိုးသမီးကတော့ ရဲတပ်ဖွဲ့ရဲ့ ပစ်ခတ်မှုကြောင့် သေဆုံးခဲ့ရတယ်။ ဒါပေမယ့် ချီတက်သူတွေက လက်တုံ့မပြန်ခဲ့ဘူး။ ငါမေးမယ်၊ ငါတို့တိုင်းပြည်ထဲ ဝင်လာပြီး လူသတ်နေကြတဲ့လူတွေကိုကျတော့ ရဲတပ်ဖွဲ့က ဘာလို့မပစ်တာလဲ။ ကင်မလာက နယ်ခြားစောင့် ဇာဘုရင် ပဲ။ (ဇာဘုရင်သည် ရုရှားနိုင်ငံကို ဖျက်ဆီးသည့်ဘုရင် ဟူသော ဗန်းစကားဖြစ်သည်။) အဲ့ခိုးဝင်တွေကို ဘာလုပ်မှာလဲ။ အဲဒီလူတွေကို ဘယ်အချိန်မှာ တရားစွဲမလဲ။ Minneapolis ကို မီးရှို့ခဲ့တဲ့ လူတွေကို ဘယ်အချိန်မှာ တရားစွဲခံရမှာလဲ။ Seattle မြို့ကို အုပ်စိုးနေတဲ့ အဲ့လူတွေကို ဘယ်တော့ တရားစွဲမလဲ။ အဲ့တာကို ကင်မလာ ကိုမေးလိုက်ပါ။

ABC မေး ။ အဲဒီနေ့မှာ မင်းလုပ်ခဲ့တဲ့အတွက် နောင်တရလား မရဘူးလားပဲ ဖြေပေးပါ။
ထရမ့် ။ အဲ့နေ့က ချီတက်လာသူတွေဟာ ငါမိန့်ခွန်းကို နားထောင်ဖို့ လာတဲ့သူတွေဖြစ်တယ်။ ငါ Nancy Pelosi နဲ့ Washington, D.C. မြို့တော်ဝန်ဆီသွားပြီး မင်းတို့သိတဲ့အတိုင်း စာရေးပေးခဲ့တယ်။ သူတို့လုံခြုံရေး အတွက် စစ်သား ၁သောင်းပေးမယ်လို့ ငါပြောခဲ့တယ်။ သူတို့က ငြင်းပယ်တယ်။ Nancy Pelosi က ငြင်းပယ်ခဲ့တယ်။ Nancy Pelosi သမီးကိုယ်တိုင် သူ့အမေ မှာ တာဝန်ရှိတယ် ဆိုပြီး ပြောထားတဲ့ ရုပ်သံတခု ရှိတယ်။ အဲ့ရုပ်သံကို Nancy Pelosi နှင့် Washington မြို့တော်ဝန်တို့က ဖျောက်ဖျက်ချင်ကြတယ်။ Nancy Pelosi က တာဝန်ရှိသူပါ။
ကင်မလာ ။ ဇန်န၀ါရီလ ၆ ရက်နေ့ ကက်ပီတိုလ်မှာ ကျွန်မ ရောက်နေခဲ့ပါတယ်။ ကျွန်တော်က ဒုတိယသမ္မတအဖြစ် ရွေးချယ်ခံထားရပါတယ်။ အဲဒီနေ့မှာပဲ ဥပဒေအရာရှိ ၁၄၀ ဒဏ်ရာရခဲ့ပါတယ်။ အချို့လည်း သေကုန်၏။ ဒီအတွက်ကြောင့်လည်း ထရမ့်ကို စွဲချက်တင်ခဲ့ပါတယ်။ အဲ့နေ့က ထရမ့်က ဂုဏ်ယူရတဲ့ လူငယ်တို့ရေ နောက်ကို ပြန်ဆုတ်၍ အသင့်နေပါ လို့ ပြောခဲ့ပါတယ်။ ဒီလိုအဖြစ်အပျက်မျိုးကို ပြန်မသွားချင်ပါဘူး။ ဒီလိုပရမ်းပတာမှုတွေကို အဆုံးသတ်ရပါမယ်။ ဒီရွေးကောက်ပွဲရဲ့ ရလဒ်က သူ့ဖြစ်ချင်သလို မဖြစ်လာဘူးဆိုရင် ဒီရွေးကောက်ပွဲမှာ သွေးထွက်သံယိုဖြစ်လိမ့်မယ်လို့ သမ္မတလောင်း Donald Trump က ပြောခဲ့ပြီးပါပြီ။ အတိတ်ကို နောက်ပြန်မဆုတ်ဘဲ အနာဂတ်အတွက် လမ်းကြောင်းကို ဇယားဆွဲကြပါစို့။
ထရမ့် ။ ငါကတော့ အဲ့တာကို သွေးကန်ထဲမှာ ဇိမ်နဲ့ ရေစိမ်ချိုးတဲ့ အလုပ်မျိုးလို့ ဆိုချင်ပါတယ်။ (အာဏာရဖို့ ချနင်းသည်ဟုဆိုလိုသည်။) Laura Ingraham၊ Sean Hannity၊ Jesse - ဒီလူတွေအားလုံးက အဲဒါကို ဖုံးကွယ်ထားကြတယ်။ ခုချိန်ထိ Capitol ကိစ္စကို ပြောနေကြဆဲပါ။ ဘာကြောင့် ဒီသန်းချီတဲ့လူတွေကို တောင်ပိုင်းနယ်စပ်ကို ဖြတ်လာခွင့် ပေးတာလဲ။ ငါတို့နှစ်ယောက်လုံး ဒီစကားစစ်ထိုးပွဲကို အခုချက်ချင်း ထွက်သွားတော့မယ်လို့ ငါပြောမယ်၊ ဒီစကားစစ်ထိုးပွဲမှာ ငါတို့ အချိန်အများကြီးကုန်နေလို့ ။ သူမ ဟာ စိတ်ပျက်စရာကောင်းပါတယ်။ သူမကို ခုချက်ချင်း ဝါရှင်တန်ဒီစီကိုသွားခိုင်းပြီး နယ်စပ်ကိုပိတ်ဖို့ ဥပဒေကြမ်းကို လက်မှတ်ထိုးခိုင်းပါ။ ဘာဖြစ်လို့လဲဆိုတော့ သူတို့မှာ လုပ်ပိုင်ခွင့်ရှိတယ်။ အဲ့လို နယ်စပ်ကို ပိတ်ဖို့ အတွက် ဥပဒေကြမ်း မလိုပါဘူး။ အိပ်နေတဲ့ သမ္မတကိုနှိုးလိုက်ပါ။ ပြီးရင် ရုံးကို သွားပြီး လက်မှတ်ထိုးရအောင်လို့ ပြောလိုက်ပါ။ အဲဒီလိုလုပ်လိုက်ရင်ကို နယ်စပ်က ပိတ်ပါတယ်။

ABC မေး ။ ထရမ့်ရေ မင်းကတော့ ၂၀၂၀ ရွေးကောက်ပွဲမှာ ရှုံးပြီး ၃ နှစ်ခွဲကြာတာတောင် အဲ့ရွေးကောက်ပွဲမှာ မင်းအနိုင်ရတယ်လို့ ထပ်ခါတလဲလဲ ဘာလို့ပြောနေတာလဲ။ ပြီးခဲတဲ့ သတင်းပတ်တွေမှာတော့ မင်းက မဲ အနည်းငယ်နဲ ပဲရှုံးခဲ့တယ်လို့ ပြောပြန်တယ်။ ခုတော့ ၂၀၂၀ မှာ ကျရှုံးခဲ့တာကို လက်ခံပြီလား။
ထရမ့် ။ လက်မခံပါဘူး။ အဲ့တာရွဲ့ပြီး ပြောတာ။ (That was said sarcastically.) သက်သေတွေအများကြီးရှိတယ်။ မင်းလုပ်ရမှာက အဲဒါကိုကြည့်။ အဲဒါကို လွှတ်တော်တွေဆီ ပြန်ပို့ပြီး အတည်ပြုရမယ်။ ငါထောက်ခံမဲ ၇၅ သန်းနီးပါး ရခဲ့တယ်။ ရွေးကောက်ပွဲဆိုတာ မသမာတဲ့ ရွေးကောက်ပွဲလို့ ပြည်သူတွေကို မတွေးစေသင့်ဘူး၊ ငါတို့ရဲ့ ရွေးကောက်ပွဲတွေက မကောင်းဘူး။ ဘိုင်ဒန်တို့က ဒီတရားမဝင် ရွှေ့ပြောင်းနေထိုင်သူ အများအပြားက သူတို့ကို မဲပေးအောင် ကြိုးပမ်းနေကြတာပါ။ အင်္ဂလိပ်လိုတောင် မပြောတတ်ကြပါဘူး။ လက်တွေ့မှာ ဘယ်နိုင်ငံရောက်နေမှန်းတောင် မသိပါဘူး။ ဒါကြောင့်မို့လို့ သူတို့က ငါတို့နိုင်ငံထဲကို လာခွင့်ပေးတာ။

ABC မေး ။ ငါ အဲ့ဒီ ဗီဒီယိုအပိုင်းတွေအားလုံးကို ကြည့်ဖူးတယ်။ မဲ့ နည်းနည်းလေးနဲ့ ကပ်ရှုံးသွားတယ်ဆိုတာ မတွေ့မိပါဘူး၊ အဲဒါကို ရှင်းရှင်းလေးပဲ ထောက်ပြသင့်ပါတယ်၊ မင်းနဲ့ မင်းအပေါင်းအပါတွေဟာ တရားသူကြီးတွေ ရှေ့မှာ အမှုပေါင်း ၆၀ ရှိပါတယ်။ တရားသူကြီးတွေကလည်း မဲမသမာမှုမရှိပါဘူး လို့ဆိုပါတယ်။
ထရမ့် ။ ဘယ်တရားသူကြီးမှ မကြည့်ကြဘူး။ တရားသူကြီးတွေက ဘက်လိုက်မှု မရှိဘူးလို့ သူတို့ကိုယ်သူတို့ပြောပါတယ်။ ရွေးကောက်ပွဲကရော ဂုဏ်သိက္ခာမရှိဘူးလား။ သမ္မတ ၁ ယောက်ကရော ဩဇာအာဏာ မရှိတော့ဘူးလား။ ဒါကြောင့် ငါတို့ ရှုံးတယ်။ မင်းကို Georgia ပြမယ်။ Wisconsin ပြမယ်။ Pennsylvania ပြမယ်။ ငါမှာ အချက်အလက်တွေ နဲ့ စာရင်းဇယားတွေ အများကြီးရှိတယ်။ ဒါပေမယ့် မင်းသိလား? အဲဒါက အရေးမကြီးတော့ဘူး။ ဒါ သတင်းဟောင်းပဲ။ ဘာဖြစ်လို့လဲဆိုတော့ အခုဖြစ်နေတဲ့ ပြဿနာကို ဖြေရှင်းရမယ်။ ငါတို့တိုင်းပြည်က နိမ့်ကျပြီး သေလုမျောပါးဖြစ်နေပြိ။
ကင်မလာ ။ ထရမ့်က လူ ၈၁ သန်းကို အလုပ်လက်မဲ့ဖြစ်အောင်လုပ်ခဲ့ပါတယ်။ ငါ ဒုတိယသမ္မတ အနေနဲ့ အခြားနိုင်ငံတွေကို ခရီးသွားတဲ့အခါ အခြားနိုင်ငံကခေါင်းဆောင်တွေက ထရမ့်ကို ရယ်သွမ်းကြပါတယ်။ သူနဲံတွဲလုပ်ဖူးတဲ့ အမေရိကန်စစ်ဗိုလ်ချုပ်တွေဆိုရင် သူ့အကြောင်းကို ရှက်ဖွယ်လိလိ ကို ပြောပြတာပါ။ မင်းရဲ့ ခံယူချက် နဲ အမှန်တရားနဲ့ကို မရောထွေးပါနဲ့။ (အရှုံးကိုလက်ခံပါ) အမေရိကန်လူမျိုးတွေဟာ မင်းထက်ကောင်းတဲ့ သမ္မတနဲ့ထိုက်တန်ပါတယ်။
ထရမ့် ။ ကမ္ဘာခေါင်းဆောင်တွေဆိုလို့ ဟန်ဂေရီဝန်ကြီးချုပ် Viktor Orban အကြောင်းပြောရဉီးမယ်။ သူက မာကျောသန်မာတဲ့သူပဲ။ လွန်ခဲ့တဲ့ ၃နှစ်ခွဲက သူက ဒီလိုမဟုတ်ဘူး။ ခုမှ ဘာလို့ လက်ယာယိမ်း မာကျောလာတာလဲ။ သူအမြဲပြောတဲ့စကားရှိတယ်။ ထရမ့် သမ္မတ ပြန်ဖြစ်ဖို့လိုတယ်။ သူ့ကို တရုတ်ကကြောက်တယ်။ မြောက်ကိုရီးယားကကြောက်တယ်။ ရုရှားကကြောက်တယ်။ ရုရှားကနေ ဂျာမဏီ ကို ချိတ်ဆက်မယ့် Nord Stream 2 pipeline ကို ငါပိတ်လိုက်တယ်။ ကနေဒါကနေ အမေရိကန်ကို ချိတ်ဆက်တဲ့ Keystone Pipeline ကို ငါဖွင့်ပေးခဲ့တယ်။ ဘိုင်ဒန်က ပြောင်းပြန်လုပ်တယ်။ Nord Stream 2 pipelineကို ဖွင့်ပြီး Keystone Pipeline ကိုပိတ်တယ်။ သူက ရုရှားတွေကို ဂျာမဏီက ဖြတ်ပြီး ဥရောပတခွင်ကို ရေနံရောင်းဖို့ ခွင့်ပြုထားတယ်။ လွန်ခဲ့တဲံ လအနည်းငယ်က ငါနဲ့ စကားစစ်ထိုးခဲ့တဲ့ ဘိုင်ဒန်ကို မှတ်မိလား။ သနားစရာကောင်းတဲ့ အားနည်းတဲ့သူလေ။ သူက ထောက်ခံမဲ ၁၄ သန်း ရတာတောင် သမ္မတလောင်း ရွေးချယ်ပွဲကနေ နှုတ်ထွက်လိုက်ရတယ်။ ကင်မလာရေ မင်း အခု ဒီမိုကရေစီကို ခြိမ်းခြောက်တဲ့အကြောင်း ပြောနေတာမလား။ ဘာလို့ မဲ ၁၄ သန်းတောင် ရတာတောင် သမ္မတလောင်းအဖြစ်က ထုတ်လိုက်တာလဲ။ မင်းကိုလျှို့ဝှက်ချက် ၁ ခုပြောပြမယ်။ ဘိုင်ဒန်က မင်းကို မုန်းတယ်။ မင်းကိုထောက်ခံမှာမဟုတ်ဘူး။ ကင်မလာ က မဲ ၁ မဲမှ မရဘဲနဲ့ သမ္မတလောင်းဖြစ်လာတယ်။ အဲ့တာဘာလို့လဲ ကျွန်တော်တော့ နားမလည်ဘူး။ ဘယ်သူပဲဖြစ်ဖြစ် ကျွန်တော်ကတော့ အဆင်ပြေပါတယ်။ ကောင်းကောင်းလုပ်နိုင်မယ်လို့ထင်ပါတယ်။

ABC မေး။ အခု အစ္စရေး-ဟားမတ်စ်စစ်ပွဲ မှာ ဖမ်းဆီးခံထားရတဲ့ ဓါးစားခံတွေထဲမှာ အမေရိကန်ဂျူးတွေပါတယ်။ ကင်မလာရေ… မင်းက အစ္စရေးမှာ သူ့ကိုယ်သူခုခံပိုင်ခွင့်ရှိတယ်လို့ ပြောခဲ့တယ်နော်။ အစ္စရေးကို နိုင်ငံတကာ လူသားချင်း စာနာထောက်ထားမှု ဥပဒေကို လေးစားရမည် လို့လည်း ပြောခဲ့တယ်နော်။ မင်းပြောခဲ့တာ ၉ လလောက်ရှိပြီ။ အခုဆို ပါလက်စတိုင်း ၄၀,၀၀၀ လောက် သေသွားပြီ။ ဓားစာခံကလည်း ၁၀၀ နီးပါး ကျန်ရှိနေသေးတယ်။ အစ္စရေးဝန်ကြီးချုပ်နေတန်ယာဟုကလည်း မရပ်တန့်သေးဘူး။ ဘိုင်ဒန်ကလည်းမရပ်တန့်နိုင်သေးဘူး။ မင်းဘယ်လိုလုပ်မှာလဲ။
ကင်မလာ ။ ဒီအခြေအနေထိ ဘာလို့ဖြစ်လာလဲဆိုတာ ငါတို့အရင်တွေးကြည့်ရအောင်။ ‌ အောက်တိုဘာ ၇ ရက်က အကြမ်းဖက်အဖွဲ့ဖြစ်သည့် ဟားမတ်စ်က အစ္စရေးနိုင်ငံသား ၁၂၀၀ ကို သတ်ဖြတ်ခဲ့တယ်။ လူငယ်တွေလည်း ပါတယ်။ အမျိုးသမီးတွေဆို မုဒိမ်းကျင့်ခံရတယ်။ ဒါကြောင့် ငါပြောတာက အစ္စရေးမှာ သူ့ကိုယ်သူ ကာကွယ်ပိုင်ခွင့်ရှိတယ်။ ပါလက်စတိုင်းဘက်မှာလည်း ကလေးငယ်တွေ၊ မိခင်တွေ မြောက်များစွာ အသတ်ခံခဲ့ရတယ်။ ဒါကြောင့် ဒီစစ်ပွဲကို ချက်ချင်း အဆုံးသတ်ဖို့က အရေးကြီးဆုံးပဲ။ အဆုံးသတ်ရမယ့်နည်းလမ်းက အပစ်အခတ်ရပ်စဲဖို့ သဘောတူညီချက်လုပ်ပြီး ဓားစာခံတွေကို လဲလှယ်ဖို့ လိုပါတယ်။ ၂ နိုင်ငံအကြားဖြေရှင်းဖို့လိုပါတယ်။ အစ္စရေး နဲ့ ပါလက်စတိုင်းအကြားတူညီတဲ့ လုံခြုံရေးဆိုင်ရာ အခြေအနေရောက်အောင် ဖြေရှင်းဖို့လိုပါတယ်။ ဒါပေမယ့် ငါကတော့ အီရန်နဲ့ ဆက်နွယ်နေတဲ့ အကြမ်းဖက်တွေရဲ့ အစ္စရေးအပေါ် ခြိမ်းခြောက်မှု မှန်သမျှမှာတော့ အစ္စရေးရဲ့ သူ့ကိုယ်သူ ခုခံကာကွယ်မှုကို လက်ခံပါတယ်။ ဒါပေမယ့် ဂါဇာမှာရှိတဲ့ ပါလက်စတိုင်းတွေရဲ့ လုံခြုံရေး၊ ကိုယ်ပိုင်ပြဋ္ဌာန်းခွင့်နဲ့ ဂုဏ်သိက္ခာအတွက် ပါလက်စတိုင်းနိုင်ငံ ထူထောင်ခွင့်ပါတဲ့ ဖြေရှင်းချက်တော့ ငါတို့မှာရှိပါတယ်။
ထရမ့် ။ ငါသာ သမ္မတ ဆက်ဖြစ်ခဲ့ရင် အဲ့စစ်ပွဲက ဘယ်တော့မှ ရှိလာခဲ့မှာမဟုတ်ဘူး။ ငါ့ရဲ့ ၄ နှစ်တာ ကာလလုံး ပူတင်ကလည်း ခြိမ်းခြောက်မှုမရှိခဲ့ဘူး။ ခုတော့ သူက ယူကရိန်းကို သွားပြီး လူ သန်းပေါင်းများစွာကို သတ်နေပြီ။ ကင်မလာ က နေတန်ယာဟု ကို မုန်းတယ်။ နေတန်ယာဟု က အမေရိကန်ကိုလာပြီး ကွန်ဂရက်မှာ စကားပြောတုန်းကတောင် သူမ နဲ့ သွားမတွေ့ခဲ့ဘူး။ ကင်မလာ သာသမ္မတဖြစ်လာရင် အစ္စရေးနိုင်ငံ တည်ရှိတော့မှာ မဟုတ်လို့ ငါယုံတယ်။ သူမ က အစ္စရေးကို မုန်းသလို အာရပ်တွေကိုလည်း မုန်းနေတာပါပဲ။ ငါ့လက်ထက်မှာ အီရန်က ပြိုကျသွားခဲ့တယ်။ ခုဆို အီရန်မှာ ဒေါ်လာ ဘီလျံ ၃၀၀ လောက်ရှိနေပြီ ဘာလို့လဲဆိုတော့ ငါ့လက်ထက်တုန်းက ချခဲ့တဲ့ ပိတ်ဆို့မှုတွေကို ဘိုင်ဒန်တို့က ဖယ်ရှားလိုက်လို့ပဲ။ ငါ အီရန်ကိုပိတ်ဆို့ခဲ့လို့ ဟားမက်တို့၊ ဟစ္စဘိုလာတို့ စတဲ့ အကြမ်းဖက် အဖွဲ့ ၂၈ ဖွဲ့ လောက် ကို ထောက်ပံ့ဖို့ ဘာငွေမှမရှိခဲ့ဘူး။ ခုတော့ အဲ့အဖွဲ့တွေဟာ ကြောက်မက်ဖွယ်ကောင်းနေပြီ။ ငါသမ္မတဖြစ်ရ၍် ရုရှား-ယူကရိန်းစစ်ပွဲ ရပ်အောင်အရင်လုပ်မယ်။ ငါ ပူတင် ကို ကောင်းကောင်းသိတယ်။

ABC မေး ။ ဒုသမ္မတ ကင်မလာအဲရစ်ရေ မင်းက အစ္စရေးကို မုန်းတယ်ဆို?
ကင်မလာ ။ လုံးဝမဟုတ်ပါဘူး။ ငါ့ဘတ တလျှောက်လုံးမှာ ငါ့ကို ကူညီခဲ့တဲ့ အစ္စရေးနဲ့ အစ္စရေးပြည်သူတွေရှိပါတယ်။ ထရမ့်က အာရုံလွှဲဖို့ကြိုးစားနေတာပါ။ သူက အာဏာရှင်တွေကို လေးစားတယ်။ အာဏာရှင်တွေလို ဖြစ်ချင်နေတာပါ။ သူက ပူတင်နဲ့ရော ကင်ဂျုံအန်း နဲ့ပါ ဖက်လှဲတကင်းအခြေအနေရှိပါတယ်။ ဒီလို အာဏာရှင်တွေနဲ့ အမေရိကန်သမ္မတ တို့ဟာ ချစ်ကြည်ရင်းနှီးနေပြီဆိုရင် တချိန်မှာ ဒီလိုသမ္မတကလည်း ပြည်သူတွေကို ချော့မော့ နှစ်သိမ့်ပြီး အာဏာရှင်ပုံစံ နဲ့ ချယ်လှယ်ပါလိမ့်မယ်၊ ဒါကြောင့်လည်း သူ့ကို အမေရိကန်တပ်မတော်က ခေါင်းဆောင်တွေဟာ သူ့ကြောင့် အရှက်ကွဲရတယ်လို့ ပြောကြတာပါ။
ထရမ့် ။ နိုင်ငံတော်လုံခြုံရေး အားနည်းစေတာကတော့ နိုင်ငံပေါင်း ၁၆၈ နိုင်ငံက လူတွေကို အမေရိကန်နိုင်ငံထဲကို သွင်းပေးတဲ့သူတွေကြောင့်ပါ။ ပြီးခဲ့တဲ့သီတင်းပတ်က ပူတင်က ကင်မလာ ကို ပြီးထောက်ခံတယ်၊ အနိုင်ရမယ်လို့ မျှော်လင့်တယ်လို့ပြောခဲ့သေးတယ်မလား။ ဘာလို့လဲ။ တခြားနိုင်ငံတွေက ခေါင်းဆောင်တွေက အမေရိကန်မှာ အားနည်းပြီး အရည်အချင်းမရှိတဲ့ခေါင်းဆောင်တွေ တက်လာတာကို မြင်ချင်လို့လေ။ ကင်မလာ ကိုမေးခွန်း ၁ခု ပဲမေးမယ်။ ဘိုင်ဒန် က ဘာကြောင့် Keystone ပိုက်လိုင်းကို ပိတ်ပြီး ရုရှားလုပ်ဖူးသမျှထဲမှာ အကြီးဆုံး သဘောတူညီချက်ဖြစ်တဲ့ ဂျာမနီနဲ့ ဥရောပတခွင်ကို သွားမယ့် ကမ္ဘာ့အကြီးဆုံး ပိုက်လိုင်း Nordstream 2 ကို ဘာကြောင့် အတည်ပြုတာလဲ။ ဘာလို့လဲဆိုတော့ ဘိုင်ဒန်တို့က အားနည်းပြီး ထိရောက်မှုမရှိလို့လေ။ ပြီးရင် ငွေတွေလည်းအများကြီးပေးရသေးတယ်။

ABC မေး။ ယူကရိန်းစစ်ပွဲက ခု ၂ နှစ်ခွဲ ရှိပါပြီ။ ဘိုင်ဒန်ကတော့ ယူကရိန်း ရဲ့ အချုပ်အခြာနဲ့ ဒီမိုကရေစီကိုကာကွယ်ဖို့ ရပ်တည်နေပါတယ်ပြောပါတယ်။ ထရမ့်ကရော ဘယ်လိုအတိအကျလုပ်မှာလဲ။ ယူကရိန်းကို နိုင်စေချင်လား။
ထရမ့် ။ ငါက စစ်ပွဲကို ရပ်ပြီး အလဟဿဆုံးရှုံးနေတဲ့ သန်းပေါင်းများစွာသောအသက်တွေကိုကယ်မှာပါ။ ဒီစစ်ပွဲထဲမှာ ဒေါ်လာ ၂၅၀ ဘီလျံ တောင်ထည့်ထားပြီး ဘာအကျိုးအမြတ်မှုမရှိတဲ့ကိစ္စအပေါ် ဘိုင်ဒန်က နေတိုးအဖွဲ့ကို မေးခွန်းမထုတ်ရဲဘူးလေ။ ငါ့တုန်းက နေတိုးအဖွဲ့ကို မင်းတို့ လည်း ပိုက်ဆံမထည့်ရင် ငါတို့မကာကွယ်နိုင်ဘူး ပြောခဲ့တုန်းက အမေရိကန်က ၁၅၀ ဘီလျံလောက်သက်သာသွားတယ်။ ခု နေတိုးထဲမှဦ အမေရိကန်က ၂၅၀ ကနေ ၂၇၅ ဘီလျံထိ ထည့်ပေးနေရတယ်။ ဥရောပနိုင်ငံတွေက ၁၀၀ကနေ ၁၅ ဘီလျံ ထိပဲ တိုးလာတယ်။ သူတို့ကို ညီတူမျှတူ ထည့်ဖို့ တိုက်တွန်းရမယ်။ ငါက ဇီလင်စကီး ကိုရော ပူတင် ကိုရော ကောင်းကောင်းသိတယ်။ ဘိုင်ဒန်ကို ပူတင်က ဖုန်းမခေါ်တာ ၂ နှစ်လောက်ရှိပြီ။ ယူကရိန်းစစ်ပွဲက တတိယကမ္ဘာစစ် ထိတောင် ဉီးတည်သွားနိုင်တယ်။ ဒီလို အသုံးမကျတာကြောင့်လဲ ဘိုင်ဒန်ကို ဒိမိုကရက်တွေက ခွေးလို မောင်းထုတ်လိုက်တယ်။ သူက ငါတို့သမ္မတမလား။ ငါတို့မှာ သမ္မတရှိသေးတယ်မလား။ ဒီစစ်ပွဲကို ပြီးဆုံးအောင်လုပ်ဖို့က အမေရိကန်အတွက် အကောင်းဆုံး အကျိုးစီးပွားလို့ ထင်ပါတယ်။

ABC မေး။ ကင်မလာကရော ယူကရိန်းအတွက် ဘယ်လိုလုပ်မှာလဲ။
ကင်မလာ ။ ပထမဆုံးအနေနဲ့ ငါက ဘိုင်ဒန်ကို ပြိုင်မှာမဟုတ်ဘူး၊ ဘိုင်ဒန်ကို အတိုက်အခံလုပ်မှာမဟုတ်ပါဘူး၊ ထရမ့်က ယူကရိန်းစစ်ပွဲကို ရပ်လိုက်မယ်လို့ပြောတယ်။ ယူကရိန်းမှာ ဘာတွေဖြစ်နေလဲဆိုတာ ငါတို့အမေရိကန်တွေကနားမလည်နိုင်ဘူး။ ယူကရိန်းအစိုးရအပေါ် လက်ရှိမှာ ထောက်လှမ်းရေးဆိုင်ရာ၊ လေကြောင်းရန်ကာကွယ်ရေး၊ ခဲယမ်းမီးကျောက်၊ တင့်ကား၊ အမြောက် တွေ ပေးပို့ပြီး ကာကွယ်ပေးနေပါတယ်။ ထရမ့်သာ သမ္မတဆက်ဖြစ်နေရင် ပူတင် က ယူကရိန်းနိုင်ငံရဲ့ မြို့တော် ကီးယက်ဗ် မှာ ထိုင်နေလောက်ပြီ။ ပူတင်ရဲ့ အစီအစဉ်က ယူကရိန်း ကိစ္စတခုတည်းမဟုတ်ဘူး။ ဥရောပရဲ့ အစဖြစ်တဲ့ ပိုလန် ကနေ ဆက်လက်ကျူးကျော် နေလောက်ပြီ။ နေတိုးနဲ့ ဥရောပ နိုင်ငံတွေက ထရမ့် သမ္မတဆက်ပြီးဖြစ်မနေခဲ့တာကိုပဲ ကျေးဇူးတင်နေကြပါတယ်။ ပိုလန် နိုင်ငံကို မကျူးကျော်အောင် ပူတင် နဲ့ နေ့လည်စာ အတူစားပေမယ့်ဆိုပြီး Pennsylvania မှာရှိတဲ့ အမေရိကန်နိုင်ငံသား ပိုလန်လူမျိုး ၈ သိန်းကို ပြောခဲ့တဲ့အကြောင်းအရာတွေကို ဘာလို့မပြောတာလဲ။
ထရမ့် ။ ပူတင် က မော်စကို မှာပဲ ထိုင်နေမှာပါ။ သူ့မှာ နူကလီးယားလက်နက်ရှိတယ်။ ဘယ်သူမှ အဲ့တာကိုမတွေးဘူး။ နောက်ဆုံးအခြေအနေမှာ သူအဲ့တာကို ထုတ်သုံးလိမ့်မယ်။ ယူကရိန်းစစ်ပွဲ မတိုင်မီ ၃ ရက်အလိုမှာ ကင်မလာ ကို ဘိုင်ဒင်က ယူကရိန်းကိစ္စမှာ ညှိနှိုင်းဖို့ လွှတ်ခဲ့တယ်။ သူမ မလုပ်နိုင်ခဲ့ဘူး။ ၃ ရက်အကြာမှာ ယူကရိန်းစစ်ပွဲဖြစ်တော့တာပဲ။

ABC မေး ။ ထရမ့်က မင်းကို ပူတင် နဲ့ ညှိနှိုင်းဖို့ သွားခဲ့တယ်ပြောတယ်။ အဲ့တာဟုတ်ပါသလား။
ကင်မလာ ။ စကားစစ်ထိုးပွဲ အစမှာ ပြောခဲ့တယ်လေ။ ဒီလူဆီက အလိမ်အညာစကားတွေပဲ ကြားရမယ်ဆိုတာ။ ငါ ဇီလင်စကီး နဲ့ ၅ ကြိမ်လောက် သွားရောက်တွေ့ဆုံဖူးပါတယ်။
ထရမ့် ။ နေတိုး အတွင်းရေမှုးချုပ် Stoltenberg က ပြောပါတယ်။ ထရမ့် တယောက်ပဲ နေတိုးအဖွဲ့ဝင်နိုင်ငံတွေကို ထည့်ဝင်ငွေ ပိုထည့်ပို့ပြောခဲ့ပါတယ်။ ပြီးတော့ ငါက “ မင်းတို့ ပိုက်ဆံပိုမထည့်ရင် ငါ နေတိုး ကို မကာကွယ်နိုင်ဘူး” လို့ ပြောခဲ့ပါတယ်။

ABC မေး ။ ခုတော့ အာဖဂန်ကိစ္စအကြောင်း ပြောရအောင်ပါ။ ကင်မလာအနေနဲ့ အာဖဂန်ကနေ အမေရိကန်တပ်တွေ ဆုတ်ခွာမှုအပေါ် တာဝန်ခံမှု ရှိမှာလား လို့မေးချင်ပါတယ်။
ကင်မလာ ။ အာဖဂန်ကနေ အမေရိကန်တပ်တွေ ဆုတ်ခွာဖို့ ဆုံးဖြတ်တဲ့ ဘိုင်ဒန်ရဲ့ ဆုံးဖြတ်ချက်ကို ငါသဘောတူခဲ့တယ်။ ငါ့အပြင် အခြား သမ္မတဟောင်း ၄ဉီးကလည်း သဘောတူခဲ့ပါတယ်။ ငါတို့ အမေရိကန်ပြည်သူတွေက အာဖဂန်စစ်မြေပြင်ရဲ့ အဆုံးမဲ့စစ်ပွဲ အတွက် ၁ ရက်ကို ဒေါ်လာ သန်း ၃၀၀ လောက် အကုန်ခံပေးဖို့ မလိုချင်တော့လို့ပါ။ ငါတို့ လက်ထက်မှာ စစ်ဖြစ်ပွားနေတဲ့ ဒေသမှာ ဘယ်အမေရိကန်စစ်သားတယောက်ကိုမှ စစ်မှုထမ်းဆောင်ဖို့အတွက် ရှိမနေရပါဘူး။ ကိုယ့်ကိုကိုယ်အရောင်းသမား လို့ အမွှန်းတင်နေတဲ့ ဒေါ်နယ်ထရမ့် က တာလီဘန်တွေနဲ့ တိုက်ရိုက် ညှိနှိုင်းခဲ့ပါတယ်။ တာလီဘန် ၅ ထောင်လောက်ကို လွှတ်ပေးဖို့ ညှိနှိုင်းခဲ့ပါတယ်။ ပြီးတော့ ငါတို့အမေရိကန်လူမျိုးတွေ အထွဋ်အမြတ်ထားတဲ့ Camp David လိုနေရာကို တာလီဘန် တွေကို ဖိတ်ခေါ်ခဲ့ပါသေးတယ်။
ထရမ့် ။ အဲ့ကာလတုန်းက အမေရိကန်စစ်သားတွေကို တာလီဘန်တွေက စနိုက်ပါနဲ့ ပစ်ခတ်သတ်ဖြတ်နေတာပါ။ ဒါကြောင့် တာလီဘန်ခေါင်းဆောင် အဘဒူ Abdul နဲ့ ငါချိတ်ဆက်ခဲ့တယ်။ ဘာလို့လဲဆိုတော့ အမေရိကန်တွေက တာလီဘန် တွေနဲ့ ချိတ်ဆက်တဲ့နေရာမှာ အရေးမပါတဲ့လူတွေနဲ့ပဲ ချိတ်ဆက်နေတယ်။ ငါ အဘဒူ ကိုပြောလိုက်တော့ ။ အဘဒူ မင်း မလုပ်နဲ့တော့၊ မင်းဆက်လုပ်ရင် ပြဿနာတွေရှိလာမယ်လို့ ပြောခဲ့တယ်။ သူ့ဆီကိုလည်း သူ့အိမ်ပုံ ငါပို့လိုက်တယ်၊ သူက ငါ့ကိုပြန်မေးတယ်။ ထရမ့်… မင်းဘာလို့ ငါ့အိမ်ပုံကို ပို့လိုက်လဲ ဆိုပြီးမေးပါတယ်။ မင်းစဉ်းစားကြည့်ပေါ့ လို့ ငါပြောလိုက်ပါတယ်။ ငါစေလွှတ်လိုက်တဲ့ Mike Pompeo နဲ့ ညှိနှိုင်းနိုင်ခဲ့ပြီး ၁၈ လလုံး အမေရိကန် ၁ယောက်မှ အသတ်မခံခဲ့ရပါဘူး။ ကင်မလာ ပြောတဲ့ အာဖဂန်က ဘာလို့ ထွက်ခွာရလဲဆိုတော့ အကြောင်းပြချက် က ကောင်းပါတယ်။ ဒါပေမယ့် ငါတို့ စစ်သား တယောက်မှ မဆုံးရှုံးသငင့်ဘူး။ ငါတို့ရဲ့ ၈၅ ဘီလျံတန်တဲ့ စစ်လက်နက်ပစ္စည်းတွေ ထားခဲ့ဖို့မလိုဘူးလေ၊ ဒီလူတွေက အဆိုးဆုံးတွေဖြစ်ပြီး နှုတ်ထွက်သင့်ပါတယ်။

ABC မေး ။ အခုတော့ နိုင်ငံတွင်းမှာ ရှိတဲ့ လူမျိုးရေး နဲ့ နိုင်ငံရေးအကြောင်း ဆက်ဆွေးနွေးရအောင်ပါ။ ကင်မလာ ကတော့ သူမက လူမဲ အမျိုးသမီးပါလို့ ခံယူထားပါတယ်တဲ့။ ကင်မလာရဲ့ ခံယူချက်ပေါ် ဘယ်လို ချိန်ဆ ချင်ပါသလဲ။
ထရမ့် ။ ကျွန်တော်ကတော့ သူအရင်က လူမဲ လို့မခံယူဘူးဆိုတာ ဖတ်ဖူးသလိုပဲ။ ခုတော့လည်း လူမဲ လို့ဖတ်ရတာပါပဲ။ ဒါက အဆင်ပြေတယ်။ သူ့အပေါ်ပဲမူတည်ပါတယ်။
ကင်မလာ ။ အမေရိကန်ပြည်သူတွေကို လူမျိုးရေးခွဲခြားဖို့ ကြိုးပမ်းခဲ့တဲ့ သမ္မတဖြစ်ချင်သူတယောက်ရှိနေတာက ဝမ်းနည်းစရာလို့ထင်ပါတယ်။ ငါတို့အမေရိကန်ပြည်သူတွေမှာ ကွဲပြားနေတဲ့အရာတွေထက် တူညီတဲ့အရာတွေပိုများနေတယ်ဆိုတာ ငါယုံကြည်ပါတယ်။ ထရမ့် ဆိုရင် သူပိုင်တဲ့ မြေ၊ အဆောက်အဉီ မှာ လူမဲတွေကို အိမ်ငှားဖို့ ငြင်းဆန် ခဲ့လို့ စုံစမ်းစစ်ဆေးခြင်းတောင် ခံခဲ့ရပါသေးတယ်။ Central Park jogger case အမှုတုန်းကလည်း အပြစ်မဲ့တဲ့ လူမည်း ၁ ဉီး နဲ့ လက်တင် လူငယ် ၄ ဉီးကို သေဒဏ်ပေးဖို့ ထရမ့်က New York Time သတင်းစာကြီးမှာ မျက်နှာဖုံးအပြည့်ဖော်ပြခဲ့ပါသေးတယ်။ (Central Park jogger case ဆိုသည်မှာ ၁၉၈၉ ခုနှစ် ဧပြီလ ၁၉ ရက်နေ့ နံနက် ၉ နာရီတွင် နယူးယောက်မြို့ ဗဟိုပန်းခြံတွင် အပြေးလေ့ကျင့်နေသော အမေရိကန်အမျိုးသမီး trisha meili ကို အမေရိကန်လူငယ် ၄ ဉီးက မုဒိမ်းကျင့်၍ ရိုက်နှက်ပြီး ထားခဲ့သော်လည်း မူလအစတွင် လူမဲ နှင့် အခြားလက်တင် လူငယ်များမှ ကျုးလွန်သည်ဟု မှားယွင်းစွပ်စွဲခဲ့သည့် အမှုဖြစ်သည်။) သမ္မတဟောင်း အိုဘားမား ကိုလည်း အလိမ်အညာမွေးဖွားသူဆိုပြီး သတင်းဖြန့်ခဲ့တာရှိပါတယ်။ ငါတို့အမေရိကန်တွေမှာ အသားအရောင်နဲ့ ဘာသာစကား ဘယ်လိုပဲကွဲပြားပါစေ တူညီတဲ့ အိပ်မက်တွေ မျှော်မှန်းချက်တွေ ရှိပါတယ်။ အဲ့အရာတွေကို ဖော်ဆောင်မယ့် သမ္မတ လိုပါတယ်။
ထရမ့် ။ Central Park jogger case အမှုဖြစ်ခဲ့တဲ့အချိန်တုန်းက လူတိုင်းက ငါ့လိုပဲ အတွေးတူညီခဲ့ပါတယ်။ မြို့တော်ဝန်တောင်ပါပါသေးတယ်။ ရာဇဝတ်သားတွေ အပြစ်ဝန်ခံလိုက်တဲ့ အခါ ငါတို့လည်း အပြစ်မရှိတော့ပါဘူး။ အဲ့တာက နှစ် ၄၀ ၅၀ ကြာခဲ့ပါပြီ။ ငါက ကမ္ဘာ့သမိုင်းမှာ အကြီးကျယ်ဆုံး စီးပွားရေးနိုင်ငံတစ်ခုကို တည်ဆောက်ခဲ့ပြီး နောက်တစ်ကြိမ် ထပ်ဆောက်ဖို့လည်း ကြံစည်နေပါတယ်။ သူတို့မှာ မူဝါဒကောင်းတွေမရှိပါဘူး။
ကင်မလာ ။ ငါက ဂျိုးဘိုင်ဒန် လည်းမဟုတ်သလို ဒေါ်နယ် ထရမ့်လည်း မဟုတ်ပါဘူး။ ငါက မျိုးဆက်သစ်ခေါင်းဆောင်ပါ။ ငါ့မှာ အသေးစားလုပ်ငန်းတွေ စတင်လုပ်မယ့်သူတွေအတွက် ဒေါ်လာ ၅သောင်း အခွန်လျှော့ဖို့ရှိပါတယ်။ ငယ်ရွယ်တဲ့ အိမ်ထောင်သည်တွေအတွက် ဒေါ်လာ ၆ထောင် အခွန် သက်သာစေပါမယ်။ ပထမအကြိမ် အိမ်ဝယ်မယ့်သူတွေကို ဒေါ်လာ ၂သောင်းခွဲ ငွေချေးပေးပါမယ်။
ထရမ့် ။ သူမ က ရဲတွေရဲ့ အသုံးစရိတ်လျှော့ဖို့ အစီအစဉ်ရှိပါတယ်။ လူတိုင်းရဲ့ သေနတ်တွေကို ပြန်သိမ်းချင်နေပါတယ်။ fracking လုပ်ခြင်းကို ပိတ်ပင်ဖို့ ကြံစည်နေပါတယ်။

ABC မေး ။ ထရမ့် ရေ မင်းက အခု ရွေးကောက်ပွဲ နိုင်ရင် သမ္မတ သက်တမ်း ၂ဆက် ဆက်လုပ်မှာဖြစ်ပြီး မင်းက စုစုပေါင်း သမ္မတ သက်တမ်း ၃ဆက် ဆောင်ရွက်ခဲ့သူအဖြစ် မှတ်တမ်းတင်မယ်လို့ သိရပါတယ်။ Obamacare လို့ လူသိများတဲ့ Affordable Care Act ကို ပယ်ဖျက်ပြီး အစားထိုးမယ်ဆိုပြီး မင်း ကာလရှည်ကြာ ကတိပြုခဲ့ပါတယ်။ ခုချိန်ထိ မင်း အဲဒါကို ပြီးမြောက်အောင် မဆောင်ရွက်နိုင်ဘူး။ ကျန်းမာရေးစောင့်ရှောက်မှုအစီအစဉ်တွေ ဆက်လုပ်မယ်လို့ ပြောနေတဲ့ မင်းမှာ ဘာအစီအစဉ်ရှိလဲ။
ထရမ့် ။ Obamacare ဟာ ကျန်းမာရေးစောင့်ရှောက်မှု မကောင်းဘူး။ ဒါကြောင့် အဲ့ဒါကို အစားထိုးမယ်လိုငါပြောခဲ့တာ။ ဒီမိုကရက်တွေက မပြောင်းလဲတဲ့အတွက် Obamacare ကို အမွေဆက်ခံခဲ့တယ်။ သူတို့ ပြောင်းလဲမှာမဟုတ်ဘူး၊ ငါတို့ပြည်သူတွေ အကုန်အကျသက်သာပြီး Obamacare ထက် ကျန်းမာရေးစောင့်ရှောက်မှု ပိုကောင်းစေမယ့် အစီအစဉ်ကို ငါလုပ်မယ်။ ခုလောလောဆယ်တော့ အစီအစဉ်ရဲ့ သဘောတရားတွေပဲရှိသေးတယ်။ မဝေးလွန်းတဲ့ အနာဂတ်မှာ အဲဒီအကြောင်းကို မင်းကြားပါလိမ့်မယ်။

ABC မေး ။ ကင်မလာ ရေ … မင်းက ၂၀၁၇ ခုနှစ်တုန်းက Bernie Sanders ၏ ပုဂ္ဂလိကအာမခံကို ဖယ်ရှားပြီး အစိုးရအုပ်ချုပ်သည့် ကျန်းမာရေးစောင့်ရှောက်မှုစနစ်ဖန်တီးရန် အဆိုပြုချက်ကို သင်ထောက်ခံခဲ့ပါတယ်။ ခုရော မင်းရဲ့ အစီအစဉ်က ဘာလဲ။
ကင်မလာ ။ ငါက ပြီးခဲ့တဲ့ ၄ နှစ် အတွင်း ပုဂ္ဂလိက ကျန်းမာရေးစောင့်ရှောက်မှုဆိုင်ရာအဖွဲ့မှာ ဒုတိယဥက္ကဌ အဖြစ်ဆောင်ရွက်ခဲ့ပါတယ်။ ဒါပေမယ့်လည်း အစိုးရ က ကူညီတဲ့ အဖိုးနည်းကျန်းမာရေးစောင့်ရှောက်မှုဥပဒေကိုလည်း ထိန်းသိမ်းဖို့၊ ကြီးထွားအောင်လုပ်ဖို့ လိုအပ်ပါတယ်။ အရင်သမ္မတဟောင် ဘိုင်ဒန် လုပ်ဆောင်ခဲ့တာကို ပိုမိုကောင်းမွန်အောင်လုပ်ဆောင်မှာပါ။ ကွယ်လွန်သွားတဲ့ John McCain ကလည်း အဖိုးနည်းကျန်းမာရေးစောင့်ရှောက်မှုဥပဒေကို ထောက်ခံခဲ့ပါတယ်။ ငါတို့ရဲ့ ထရမ့် သမ္မတ ဖြစ်ချိန်တုန်းက အဖိုးနည်းကျန်းမာရေးစောင့်ရှောက်မှုဥပဒေ ကို ဖယ်ရှားဖို့ အကြိမ် ၆၀ ကြိုးစားခဲ့ပါတယ်။ အဖိုးနည်းကျန်းမာရေးစောင့်ရှောက်မှုဥပဒေကို ကလေးမှာ ပန်းနာရင်ကျပ်ဖြစ်ရင် ၊ အဘိုးအဘွားမှာ ဆီးချိုရှိနေရင် ရင်သားကင်ဆာ ကျန်ရစ်သူဖြစ်ရင် အာမခံကုမ္ပဏီက ငြင်းဆိုတဲ့အခါ သတိရကြမှာပါ။ ငါ ဒုတိယသမ္မတ ၄ နှစ် အတွင်းမှာ ဆေးကုမ္မဏိတွေနဲ့ ဈေးနှုန်ူးတွေကြဖို့ ညှိနှိုင်းခဲ့ပါတယ်။ ထရမ့်က ညှိနှိုင်းမယ်ပြောပြီး တခါမှ မလုပ်ခဲ့ပါဘူး။ ယခုဆိုရင် ငါတို့က အင်ဆူလင်ကုန်ကျစရိတ်ကို တစ်လလျှင် ၃၅ ဒေါ်လာ ကန့်သတ်ထားပါသည်။ သက်ကြီးရွယ်အိုတွေအတွက် ဆေးစရိတ်ကို တစ်နှစ်ကို ဒေါ်လာ ၂၀၀၀ ကန့်သတ်ထားပါတယ်။ fracking ကိစ္စနဲ့ပတ်သတ်ပြီး ငါ့ရပ်တည်ချက်ကို ချပြပြီးပါပြိ။ သေနတ်တွေ သိမ်းမယ့်ကိစ္စကတော ငါရော Tim Walz ရော ၂ယောက်လုံးက သေနတ်ပိုင်ပါတယ်။
ထရမ့် ။ ကင်မလာ မှားနေပြီ။ John McCain က Obamacare ကို ဆယ်နှစ်ကြာ ဆန့်ကျင်ခဲ့ပါတယ်။ သူမ လုပ်နေတာက ပုဂ္ဂလိကကျန်းမာရေးအာမခံကို တိုးတက်စေမှာ မဟုတ်ပါဘူး။ လူတွေဟာ ကြိုးကြိုးစားစားနဲ့ ငွေရှာကြပြီး အာမခံအတွက်ကိုယ်ပိုင်ရှိချင်ကြပါတယ်။ ကင်မလာကတော့ ချက်ချင်းလိုအပ်သည့် ခွဲစိတ်မှုတစ်ခုအတွက် ခြောက်လစောင့်ရမယ့် အစိုးရအာမခံမှာ လူတိုင်းကို ထည့်ဝင်စေလိုပါတယ်။

ABC မေး။ ခုကတော့ ငယ်ရွယ်တဲ့ မဲဆန္ဒရှင်တွေစိတ်ဝင်စားတဲ့ ရာသီဥတုဖောက်ပြန်မှုအကြောင်းပါ။ ထရမ့်ကတော့ သဘာဝပတ်ဝန်းကျင်နဲ့ ပတ်သက်ပြီးတော့ သန့်ရှင်းတဲ့လေ နဲ့ ရေသန့်ရစေရမယ် လို့ ပြောပါတယ်။ ကင်မလာ … မင်းကတော့ ရာသီဥတုပြောင်းလဲမှုဟာ ဖြစ်တည်မှုဆိုင်ရာ ခြိမ်းခြောက်မှုလို့ ခေါ်တယ်။ ဒီနေ့ညမှာ မင်းတို့နှစ်ယောက်လုံး မေးချင်တာက ရာသီဥတုဖောက်ပြန်မှုကို တိုက်ဖျက်ဖို့ မင်းဘာလုပ်မလဲ။
ကင်မလာ ။ ထရမ့်ကတော့ ရာသီဉတု ဖောက်ပြန်မှု ဆိုတာ လှည့်ဖျားမှုလို့ ဆိုပါတယ်။ တကယ်တော့ ရာသီဥတုပြောင်းလဲမှုဟာ ဖြစ်တည်မှုဆိုင်ရာ ခြိမ်းခြောက်မှုဖြစ်ပါတယ်။ ပြင်းထန်သော ရာသီဥတု တွေ ကို တွေ့ကြုံခံစားဖူးတဲ့ ပြည်နယ်တွေမှာ နေထိုင်သူတိုင်းကို မေးကြည့်ပါ။ အိမ်မရှိလို့ အိမ်ဆုံးရှုံးရခြင်းရဲ့ အဓိပ္ပာယ်ကို ခံရသူတိုင်းကို မေးကြည့်ပါ။ ဒုသမ္မတအနေနဲ့ ပြည်တွင်းဓာတ်ငွေ့ထုတ်လုပ်မှုကို သမိုင်းဝင်အဆင့်အထိ တိုးမြှင့်ခဲ့သလို သန့်ရှင်းတဲ့စွမ်းအင်စီးပွားရေးမှာ ဒေါ်လာ ထရီလီယံဒေါ်လာ ရင်းနှီးမြှုပ်နှံခဲ့နိုင်တာကိုလည်း ဂုဏ်ယူမိပါတယ်။ ကုန်ထုတ်လုပ်မှု အလုပ်အကိုင်သစ် ၈ သိန်း ကျော်ကို ဖန်တီးပေးခဲ့ပါသည်။ ကမ္ဘာတစ်ဝှမ်းမှာရှိတဲ့ သန့်ရှင်းသောစွမ်းအင်ကဏ္ဍတွေမှာ ရင်းနှီးမြှုပ်နှံထားပါတယ်။ သန့်ရှင်းသောစွမ်းအင်စီးပွားရေး ကို တည်ဆောက်ခြင်းရဲ့ တစ်စိတ်တစ်ပိုင်းဖြစ်တဲ့ အမေရိကန်လုပ်ထုတ်ကုန်များ၊ အမေရိကန်မော်တော်ကားထုတ်လုပ်မှုတွေမှာ ပိုမို ရင်းနှီးမြှုပ်နှံနိုင်ခဲ့ပါတယ်။ United Auto Workers နှင့် Shawn Fain တို့၏ထောက်ခံမှုကိုရရှိသည့်အတွက်လည်းဂုဏ်ယူမိပါတယ်။ ထရမ့် ပိတ်ပင်ခဲ့သလို အမေရိကန် ကားထုတ်လုပ်ရေးနဲ့ အမေရိကန်ကုန်ထုတ်လုပ်မှုကို မပိတ်ပင်ခဲ့ပါဘူး။
ထရမ့် ။ ငါ့လက်ထက်မှာ အဲ့တာမျိုးမဖြစ်ခဲ့ပါဘူး။ ပြီးခဲ့တဲ့ လက ပဲ ကုန်ထုတ်လုပ်ရေးက အလုပ်အကိုင် ၁သောင်းလောက်ဆုံးရှုံးသွားသေးတယ်လေ။ အကုန်လုံး မက္ကဆီကို ကို ထွက်သွားပြီ။ မက္ကဆီကို မှာ ကားစက်ရုံကြိးတွေ တည်ဆောက်နေပြီ။ အဲ့ စက်ရုံအတော်များများ တရုတ်က ပိုင်တယ်။ ပြီးရင် အဲ့ကားတွေကို အမေရိကန်ထဲကို လာရောင်းမယ်။ ဒါကို ငါတို့ ခွင့်မပြုနိုင်ဘူး။ ငါတို့အခွန်ကောက်ရမယ်။ ဒီလို တင်သွင်းခွင့်ပြုတာက ငါတို့နိုင်ငံက ကားလုပ်ငန်းတွေကို သတ်ပစ်လိမ့်မယ်။ တရုတ်က ဘိုင်ဒန်ကို ဒေါ်လာ သန်းပေါင်းများစွာပေးခဲ့တော့ သူအဲ့လို အခွန်မကောက်ရဲဘူး။ ဘိုင်ဒန်က ဘာလို့ တရုတ်အပေါ်ဒီလောက် သစ္စာရှိနေလဲ သိလား။ သူ့သား ဟန်တာဘိုဒန်က မော်စကိုမြို့တော်ဝန်ဟောင်း ကတော် ဆီကနေ ဒေါ်လာ ၃သန်းခွဲ ဘာလို့ရတယ်ထင်လဲ။ ဒါဟာ ကောက်ကျစ်တဲ့ အုပ်ချုပ်မှုဖြစ်ပြီး၊ သူတို့က ငါတို့နိုင်ငံကို ဈေးချပြီး ရောင်းစားနေတာ။

ABC မေး။ စကားစစ်ထိုးပွဲ ပြီးဆုံးချိန် နီးကပ်လာပြီ ဖြစ်တဲ့အတွက် အပိတ်စကားလေး ပြောပေးပါဉီး။ ကင်မလာက စပေးပါ။
ကင်မလာ ။ ဒီညမှာ တော့ မင်းတို့ အနေနဲ့ ကွဲပြားတဲ့ အမြင် ၂ခု ကို ကြားဖူးလိုက်မှာပါ။ တခု က အနာဂတ်ကို အာရုံစိုက်ပြီး ၁ ခုကတော့ အတိတ်ကို ပြန်သွားချင်နေပါတယ်။ ငါတို့ နောက်ပြန်မသွားပါဘူး။ အမေရိကန်လူမျိုးတွေဟာ ငါတို့ကို ကွဲကွာနေတဲ့အရာတွေထက် တူညီတာတွေ အများကြီးရှိတယ်ဆိုတာ သိပြီး ရှေ့လမ်းသစ်ကို ပုံဖော်နိုင်မယ်လို့ ယုံကြည်ပါတယ်။ စီးပွားရေး အခွင့်အလန်းတွေကို ဖန်တီးမယ်။ စီးပွားရေးအခွင့်အလမ်း အသစ်တွေကိုဖန်တီးမယ်။ အသေးစားစီးပွားရေးလုပ်ငန်းတွေမှာ ရင်းနှီးမြှုပ်နှံမယ်၊ မိသားစုအသစ်တွေမှာ၊ သက်ကြီးရွယ်အိုတွေကို အကာအကွယ်ပေးတဲ့နေရာမှာ တတ်နိုင်သလောက်၊ အလုပ်ကြိုးစားတဲ့လူတွေကို လူနေမှုစရိတ်လျှော့ချဖို့ ရည်ရွယ်ထားတယ်။ ကမ္ဘာပေါ်မှာ အမေရိကန်ရဲ့ရပ်တည်မှုကို တည်တံ့ခိုင်မြဲစေဖို့အတွက်နဲ့ စွမ်းရည်အမြင့်ဆုံးစစ်တပ်ဖြစ်အောင်တည်ဆောက်ပါမယ်။ အမျိုးသမီးတစ်ဦးချင်စီရဲ့ ကိုယ်ပိုင်ဆုံးဖြတ်ချက်များချပိုင်ခွင့်အပါအဝင် အခြားသော အခြေခံအခွင့်အရေးများ နှင့် လွတ်လပ်ခွင့်များကို ကာကွယ်စောင့်ရှောက်ပေးမည့် သမ္မတတစ်ဦးအဖြစ် ဖြစ်လာအောင်ကြိုးပမ်းပါမယ်။ ငါ့ ဘဝ က ရှေ့နေ အဖြစ်က စခဲ့တာပါ။ ပြီးတော့ ရှေ့နေချုပ်ဖြစ်ခဲ့ပါတယ်။ အဲ့ကမှ အထက်လွှတ်တော်အမတ် အနေနဲ့၊ ခုလည်း ဒုတိယသမ္မတ တာဝန်ထမ်းဆောင်နေတဲ့ လူ ၁ယောက်အနေနဲ့ မင်းက ငါ့ကိုထောက်ခံတဲ့ ဒိမိုကရက်လား၊ မထောက်ခံတဲ့ ရိပတ်ဘလီကန် လားလို့ မေးနေမှာ မဟုတ်ဘဲ မင်း အဆင်ပြေလားလို့ မေးမယ့် သမ္မတ တဉီးပါပဲ။ အမေရိကန်နိုင်ငံသားအားလုံးအတွက် သမ္မတဖြစ်ဖို့ ရည်ရွယ်ထားပြီး လာမယ့် ၁၀ နှစ်၊ အနှစ် ၂၀ အတွင်း တိုင်းပြည်ကို ပြန်လည်တည်ဆောက်ဖို့ အာရုံစိုက်နေပါတယ်။
ထရမ့် ။ သူမ ကတော့ ဒါကို လုပ်မယ်။ လုပ်တော့မယ် ဆိုပြီး မလုပ်ခဲ့တာ ၃ နှစ်ခွဲ ရှိပါပြီ။ နယ်စပ်ကို ပြင်ဆင်ဖို့ အချိန်ယူနေတာ ၃ နှစ်ခွဲ ရှိပါပြီ။ အလုပ်အကိုင်ဖန်တီးဖို့ ပြင်ဆင်နေတာ ၃ နှစ်ခွဲ ရှိပါပြီ၊ ခုထိဘာလို့မလုပ်သေးတာလဲ။ ငါပြောခဲ့သလိုပဲ ခုလုပ်ရင် ခုရပါတယ်။ မြို့တော်က လှပတဲ့အိမ်ဖြူတော်ဆီကိုသွားပါ။ လိုအပ်တာကို ချက်ချင်းလုပ်ပေးလိုက်ပါ။ ဒါပေမယ့် မင်းမလုပ်ပါဘူး။ ဘာလို့လဲဆိုတော့မင်းက အမေရိကန်လူမျိုးတွေ မယုံကြည်တဲ့အရာကို ယုံကြည်နေတာကြောင့်ဖြစ်တယ်။ ငါတို့က ပုံမှန်စွမ်းအင်သုံးစက်ရုံတွေကို ပြန်မလုပ်ဘူး။ ဂျာမဏီက ၁ နှစ်အတွင်းမှာပဲ အဲ့တာကို ပြန်လည်တည်ဆောင်ခဲ့တယ်။ ငါတို့မှာ ခုထိအသင့်မဖြစ်သေးဘူး။ ရုပ်ကြွင်းလောင်စာကို မသုံးဘူးလို့ပဲ အော်ဟစ်နေတယ်။ အဆိုးမြင်စိတ်ကြောင့် တိုင်းပြည်ကို အနစ်နာခံလို့ မရဘူး။ ဒါပေမယ့် ရိုးရှင်းတဲ့ မေးခွန်းလေး တစ်ခုလောက် မေးပါရစေ။ သူမဘာကြောင့်မလုပ်ခဲ့တာလဲ? ငါတို့က ကျရှုံးနေတဲ့ နိုင်ငံမို့လို့ပါ။ ငါတိုဟာ ဆိုးရွားစွာ ကျဆင်းနေသော နိုင်ငံဖြစ်သည်။ ငါတို့ခေါင်းဆောင်ကို တကမ္ဘာလုံးက ရယ်မောနေကြတယ်။ အရှေ့အလယ်ပိုင်းမှာ စစ်ပွဲတွေ ရှိနေတယ်။ ရုရှားနဲ့ ယူကရိန်းတို့နဲ့ စစ်ပွဲတွေ ဖြစ်ပွားနေပါတယ်။ တာလီဘန်တွေကို အများကြီး ပေးခဲ့တယ်။ အာဖဂန်နစ္စတန်ကို ပေးခဲ့တယ်။ ငါတို့နိုင်ငံကိုဖျက်ဆီးမယ့် သန်းပေါင်းများစွာသော ရာဇဝတ်ကောင်တွေကို ငါတို့နိုင်ငံထဲကို ဝင်လာခွင့်ပေးလိုက်တယ်။ ငါတို့တွေ နူကလီးယားလက်နက်ကိုသုံးပြီး တိုက်ကြမယ့် တတိယကမ္ဘာစစ်ကြီး ကို နီးကပ်နေပြီ။ ငါတို့ တပ်မတော်ကို ပြန်လည်တည်ဆောက်ဖို့လိုနေပြိ။ ဒါတွေအားလုံးဟာ ငါတို့တိုင်းပြည်သမိုင်းမှာ အဆိုးဆုံးသမ္မတ၊ နှင့် အဆိုးဆုံး ဒုသမ္မတ တို့ကြောင့်ပဲဖြစ်တယ်။

ABC ။ အမေရိကန်နှင့် ကမ္ဘာတဝန်းလုံးက စောင့်ကြည့်နေတဲ့ ပရိတ်သတ်တွေကို ကျေးဇူးတင်ရှိပါတယ်။ ကျွန်ုပ်တို့အားလုံး ကောင်းသောညပါ။

zawgyi version
အေမရိကန္သမၼတေလာင္း (၂)ဦး၏ စကားစစ္ထိုးပြဲ
ၿဖိဳးေဝလင္း(ပုသိမ္) (NP News) - စက္တင္ဘာ ၁၃

၂၀၂၄ ခုႏွစ္ ႏိုဝင္ဘာလ ၅ ရက္ေန႔ တြင္ က်င္းပမည့္ (၆၀)ႀကိမ္ေျမာက္ အေမရိကန္သမၼတေ႐ြးေကာက္ပြဲ အတြက္ ေနာက္ဆုံးအႀကိမ္ျဖစ္လာဖြယ္ရွိသည့္ ရီပတ္ဘလီကန္ ႏွင့္ ဒီမိုကရက္တစ္ သမၼတေလာင္း (၂)ဦးတို႔၏ စကားစစ္ထိုးပြဲကို ၂၀၂၄ ခုႏွစ္ စက္တင္ဘာလ ၁၁ ရက္ေန႔ ေဒသစံေတာ္ ခ်ိန္ ည ၉ နာရီ တြင္ Pennsylvania ျပည္နယ္၊ Philadelphia ၿမိဳ႕ရွိ National Constitution Center ၌ က်င္းပခဲ့ၾကသည္။ မိနစ္ ၉၀ ၾကာျမင့္သည့္ စကားစစ္ထိုးပြဲတြင္ ရီပတ္ဘလီကန္သမၼတေလာင္း ေဒၚနယ္ထရမ့္ ႏွင့္ ဒီမိုကရက္တစ္သမၼတေလာင္း ကင္မလာအဲရစ္ တို႔ ယွဥ္ၿပိဳင္ေျပာဆိုခဲ့ၾကၿပီး ႀကီးၾကပ္သူမ်ားအျဖစ္ ABC သတင္းဌာနမွ David Muir ႏွင့္ Lindsey Davis တို႔မွ ေဆာင္႐ြက္ခဲ့ၾကသည္။ ႀကီးၾကပ္သူမ်ား၏ ေမးခြန္းမ်ား ႏွင့္ သမၼတေလာင္း ၂ ဦး၏ ယွဥ္ၿပိဳင္မႈမ်ားကို အက်ဥ္းခ်ဳံးေဖာ္ျပသြားပါမည္။

ABS ေမး ။ မဲေပးျပည္သူေတြအေနနဲ႔ လြန္ခဲ့သည့္ ၄ ႏွစ္အတြင္း အေမရိကန္ျပည္ေထာင္စုမွာ ေနထိုင္မႈစရိတ္(ကုန္ေဈးႏႈန္း) ႀကီးျမႇင့္မႈအေပၚ ကင္မလာ ရဲ႕ အျမင္ကို သိခ်င္ပါတယ္။
ကင္မလာ ။ က်မက လူလတ္တန္းစားမိသားစုကလာခဲ့သူပါ။ က်မ က လူလတ္တန္းစားေတြကို ျမႇင့္တင္ေပးဖို႔အတြက္ ဒီေနရာကိုေရာက္ေနသူပါ။ က်မတို႔မွာ အိမ္ယာေတြ မလုံေလာက္မႈျဖစ္ေနပါတယ္။ အိမ္ေဈးႏႈန္းေတြက အရမ္းကို ႀကီးျမင့္ေနတယ္ဆိုတာ သိပါတယ္။ ငယ္႐ြယ္တဲ့အိမ္ေထာင္သည္ေတြအေနနဲ႔ သူတို႔ကေလးေတြကိုေစာင့္ေရွာက္ဖို႔ အစိုးရရဲ႕အကူအညီေတြလိုအပ္တာသိပါတယ္။ ဒါေၾကာင့္ မိသားစုတစုကို ေဒၚလာ ၆၀၀၀ နီးပါးရွိတဲ့ အခြန္ေလ်ာ့ေပးျခင္းေတြေဆာင္႐ြက္ေနပါတယ္။ ငါ့ရဲ႕ ေမွ်ာ္လင့္ခ်က္ကေတာ့ ငယ္႐ြယ္တဲ့အိမ္ေထာင္သည္မိသားစုအေနနဲ႔ အေသးစားစီးပြားေရးလုပ္ငန္းေတြလုပ္ဖို႔ပါပဲ။ ငါငယ္ငယ္က ငါ့ရဲ႕ဒုတိယအေမလို႔ ေခၚဆိုႏိုင္သူဟာ အေသးစားစီးပြားေရးလုပ္ငန္းရွင္ျဖစ္ပါတယ္။ ငါကေတာ့ အေသးစားလုပ္ငန္းစတင္မယ့္သူေတြကို ေဒၚလာ ၅ေသာင္း ေလာက္အထိကို အခြန္ေလ်ာ့ခ်ေပးမွာပါ။ ငါ့ၿပိဳင္ဘက္(ထရမ့္) ကေတာ့ သူသမၼတျဖစ္ရင္ အရင္လုပ္ေနၾကနည္းအတိုင္း ေကာ္ပိုေရးရွင္းႀကီးေတြ၊ ဘီလ်ံနာေတြကို အခြန္တိုးေကာက္တဲ့အတြက္ ေဒၚလာ ၅ ထ်ီလ်ံေလာက္ လိုေငြျပသြားခဲ့ပါတယ္။ အဲ့တာေၾကာင့္ ပစၥည္းတန္ဖိုးေတြက ႀကီးျမင့္သြားၿပီး လူလတ္တန္းစားေတြက တႏွစ္ကို ေဒၚလာ ၄၀၀၀ ေက်ာ္ေလာက္ ပိုမိုသုံးစြဲရပါတယ္။ ဒါေၾကာင့္ ငါ့ၿပိဳင္ဘက္ ရဲ႕ နည္းလမ္းကေတာ့ လူလတ္တန္းစားေတြအတြက္ ထိခိုက္မႈေတြျဖစ္လာမွာပါ။
ထရမ့္ ။ ပထမဆုံးေျပာခ်င္တာက ကင္မလာေျပာေနတာကလြဲေနပါတယ္။ ငါအခြန္တိုးေကာက္တာ အျခားႏိုင္ငံကလာတဲ့ကုန္ေတြကိုပါ။ ၇၅ ႏွစ္ေလာက္ ကမာၻႀကီးအေပၚ ငါတို႔အေမရိကန္ေတြလုပ္ေဆာင္ခဲ့တာေတြအတြက္ ျပန္ေပးဖို႔ပါ။ ႏွစ္စဥ္ႏွစ္တိုင္း တ႐ုတ္ပစၥည္းေတြအေပၚအေကာက္ခြန္တိုးျမႇင့္ျခင္းျဖင့္ ေဒၚလာဘီလ်ံခ်ီ ရရွိပါတယ္။ အဲ့လို တိုးေကာက္လို႔လည္း ေငြေၾကးေဖာင္းပြမႈမရွိခဲ့ပါဘူး။ ခုဆို ငါတို႔သမိုင္းတေလွ်ာက္မႈ အဆိုး႐ြားဆုံးေငြေၾကးေဖာင္းပြမႈ ျဖစ္ေနပါတယ္။ ၂၁ % ေလာက္ကို ေဖာင္းပြေနတာပါ။ ဒါေတာင္ ေယဘူယ်ေျပာတာပါ။ ၅၀၊ ၆၀၊ ၇၀ လည္း ျဖစ္ႏိုင္ပါတယ္။ ေငြေၾကးေဖာင္းပြမႈဟာ လူလတ္တန္းစားအတြက္သာမကပါဘူး။ လူတန္းစားအားလုံးအတြက္ ေဘးအႏၲာရယ္ပါ။ ဘာလို႔လဲဆိုေတာ့ ငါတို႔တိုင္းျပည္ကို ႏိုင္ငံေပါင္းစုံရဲ႕ ေထာင္ေတြ၊ အက်ဥ္းစခန္းေတြ၊ စိတ္ေရာဂါကုေဆး႐ုံက လူေတြ ဝင္ေရာက္ေနတယ္။ ဒီလူေတြက ငါတို႔ႏိုင္ငံသားေတြရဲ႕အလုပ္အကိုင္ေတြကိုလုယူေနပါတယ္။ Ohio ျပည္နယ္၊ Colorado ျပည္နယ္ေတြမွာ အဲ့လူေတြကၿမိဳ႕ေတြကို သိမ္းယူေနတယ္။ အေဆာက္အဉီေတြကို ေမာင္ပိုင္စီးေနတယ္။ ဒါေတြဟာ သူမနဲ႔ ဘိုင္ဒင္ ဉီးေဆာင္ေနပါတယ္။ သူတို႔၂ ဉီးဟာတိုင္းျပည္ကိုဖ်က္ဆီးေနတဲ့ အႀကီးမားဆုံးရာဇဝတ္သားေတြျဖစ္ပါတယ္။ ငါဟာအေမရိကန္စီးပြားေရးကို အေကာင္းဆုံးလုပ္ခဲ့တယ္။ ေနာက္ထပ္လည္းပိုေကာင္းေအာင္လုပ္မွာျဖစ္တယ္။

ABC ေမး။ ထရမ့္ရဲ႕ စီးပြားေရးနဲ႔ပတ္သတ္ၿပီး ကင္မလာအေနနဲ႔ ဘာေျပာခ်င္ပါသလဲ။
ကင္မလာ ။ ထရမ့္ ထားခဲ့တဲ့ စီးပြားေရးက ၁၉၃၀ ခုႏွစ္တုန္းက အေမရိကန္မွာျဖစ္ပြားခဲ့တဲ့ great depression ျဖစ္စဥ္ၿပီးလွ်င္ အႀကီးမားဆုံးအလုပ္လက္မဲ့ အေနအထားျဖစ္တယ္။ ထရမ့္ က ရာစုႏွစ္ တခုရဲ႕ အဆိုးဝါးဆုံး ျပည္သူ႔က်န္းမာေရးစနစ္ကို ထားခဲ့တယ္။ ထရမ့္ က ျပည္တြင္းစစ္ၿပီးလွ်င္ အဆိုးဝါးဆုံး ဒီမိုကေရစီ ထားခဲ့တယ္။ ငါတို႔ပထမဆုံးလုပ္ရတာက ထရမ့္ရဲ႕ အရႈပ္ထုတ္ေတြကိုရွင္းရတာပါပဲ။ ဒီ စကားစစ္ထိုးပြဲမွာလည္း မင္းတို႔ျပည္သူေတြ ၾကားေနၾက ထရမ့္ရဲ႕ အလိမ္အညာေတြပဲ ၾကားရမွာပဲ။ ဒါ့အျပင္ သူ(ထရမ့္) သမၼတျဖစ္လာရင္ အေကာင္အထည္ေဖာ္မယ့္ အႏၲာရယ္မ်ားတဲ့ Project 2025 စီမံကိန္းကို မင္းတို႔ၾကားရမယ္။ ငါယုံၾကည္တာကေတာ့ ငါတို႔ အေမရိကန္ျပည္သူေတြဟာ စည္းလုံးေစတဲ့၊ ခုလိုေသြးကြဲမႈေတြကို အဆုံးသတ္ေစမယ့္ သမၼတမ်ိဳးလိုခ်င္မွာပါပဲ။ အဲ့တာေတြအတြက္ ငါကတိေပးႏိုင္ပါတယ္။ [ Project 2025 ဆိုသည္မွာ ထရမ့္သမၼတျဖစ္လာပါက အေမရိကန္ျပည္ေထာင္စု၏ ဖက္ဒရယ္စနစ္ကို ျပန္သုံးသပ္ရန္၊ ဗဟိုဉီးစီးစနစ္ကို ျပန္လည္ရယူရန္၊ အေမရိကန္အမ်ိဳးသာေရးဝါဒအားေကာင္းလာေစရန္အတြက္ လုပ္ေဆာင္မည့္အစီအစဥ္မ်ားကို အေမရိကန္ လက္ယာ think-tank အဖြဲ႕ျဖစ္သည့္ The Heritage Foundation မွ ေရးသားထားသည့္ စာမ်က္ႏွာ ၉၀၀ ပါ စာတမ္းျဖစ္သည္။)
ထရမ့္ ။ သူမ ကေတာင္ Project 2025 နဲ႔ပတ္သတ္လို႔ ပိုသိေနပါတယ္။ ငါက အဲ့ဒီ Project 2025 ကို ဖတ္လည္းမဖတ္ဖူးသလို ဖတ္မွာလည္းမဟုတ္ဘူး။ အဲ့တာဟာ တူညီတဲ့ လူတစုက ေရးထားတဲ့ အခ်က္အလက္ေတြျဖစ္တယ္။ ငါ ဘာလုပ္မယ္ဆိုတာကို လူတိုင္းသိၿပီးသားပါ။ အခြန္ေလ်ာ့မယ္။ စီးပြားေရး ေကာင္းေအာင္လုပ္မယ္။ ကပ္ေရာဂါဆိုး မတိုင္မီက အေျခအေနျပန္ေရာက္ေအာင္လုပ္မယ္။ အေမရိကန္တပ္မေတာ္ကို ျပန္လည္တည္ေဆာက္မယ္။ အလုပ္အကိုင္ေတြရဲ႕ ဆိုး႐ြာလာတဲ့အေျခအေနကေန အေကာင္းဆုံးအေျခအေနကို အလ်င္အျမန္ျပန္လည္ရရွိေစရမယ္(Bounceback ဟုသုံးႏႈန္း)။
ကင္မလာ ။ ထရမ့္မွာ စီးပြားေရးနဲ႔ပတ္သတ္လို႔ဘာအစီအစဥ္မွ မရွိဘူး။ သူေဌးေတြကို အခြန္ျဖတ္ေတာက္မယ္။ ေငြေၾကးဆိုင္ရာအဖြဲ႕အစည္းျဖစ္တဲ့ Goldman Sachs က “ထရမ့္ သမၼတ ျဖစ္လာရင္ အေမရိကန္စီးပြားေရးအဆိုးဆုံးျဖစ္မယ္” လို႔ ေျပာတယ္။ Wharton school ကလည္း ထရမ့္သာ သမၼတ ျဖစ္ရင္ လိုေငြအျပဆုံး ျဖစ္လာမယ္လို႔ ေျပာတယ္။ ႏိုဗယ္ဆုရွင္ ၁၆ ေယာက္က ထရမ့္ရဲ႕ စီးပြားေရးအစီအစဥ္သာ အေကာင္အထည္ေဖာ္ရင္ ေနာက္ႏွစ္မွာ ေငြေၾကးေဖာင္းပြမႈျမင့္မားၿပီး အႀကီးမားဆုံး recession(ဆုတ္ယုတ္မႈ) ျဖစ္မယ္။ ထရမ့္ဟာ မင္းတို႔ျပည္သူေတြကို စိတ္မဝင္စားဘူး။ သူ႔ကိုယ့္သူ ကာကြယ္ဖို႔သာ စိတ္ဝင္စားတဲ့သူပဲ။
ထရမ့္ ။ ငါလည္း Wharton school ကို သြားခဲ့ပါတယ္။ အဲ့ဒီမွာ အျမင့္ဆုံးပေရာ္ဖက္ဆာေတြနဲ႔ ေတြ႕ခဲ့တယ္။ သူတို႔က ငါ့ရဲ႕ စီးပြားေရးအစီအစဥ္ဟာ ေကာင္းတယ္လို႔ေျပာခဲ့တယ္။ လူေတြအလုပ္အကိုင္ရမယ္။ ႏိုင္ငံမွာ ေငြလုံးေငြရင္းဝင္မယ္ စသျဖင့္ေပါ့။ ကင္မလာ မွာ ကိုယ္ပိုင္စီးပြားေရး အစီအစဥ္မရွိဘူး။ သူ က ဘိုင္ဒင္ ဆီက ေကာ္ပီ ယူထားတာျဖစ္တယ္။ အဲ့အစီအစဥ္ထဲမွာ စာေၾကာင္း ၄ေၾကာင္းပဲပါတယ္။ အဲ့တာက run spot run ပုံစံမ်ိဳးပဲျဖစ္တယ္။ “ငါတို႔ အခြန္ ေလ်ာ့ခ်မယ္ဆိုတာပဲ” ျဖစ္တယ္။ (run spot run ဆိုသည္မွာ ကေလးေတာင္သိေသာ ဖန္တရာေတေနေသာ အရာကို ဆိုလိုပါသည္။)

ABC ေမး ။ ထရမ့္ အေနနဲ႔ ျပည္ပသြင္းကုန္ေတြအေပၚ အခြန္ ၂၀ % တိုးေကာက္မယ္ဆိုတာက စားသုံးသူေတြအေပၚမထိခိုက္ေစဘူးလား။
ထရမ့္ ။ သြင္းကုန္ေတြကိုအခြန္ တိုးေကာက္မယ္ဆိုတာ တ႐ုတ္ ႏွင့္ ငါ့တို႔ႏိုင္ငံအေပၚ ႏွစ္ေပါင္းမ်ားစြာ ripping off (ဂ်င္းထည့္) ေနတဲ့ အျခားႏိုင္ငံအေပၚ တိုးေကာက္မွာပါ။ တ႐ုတ္ကို ဘီလ်ံခ်ီၿပီး အခြန္ေဆာင္ခိုင္းတဲ့ သမၼတ က ငါတေယာက္ပဲရွိတယ္။ ငါ့လက္ထက္မွာ ေငြေၾကးေဖာင္းပြျခင္းဆိုတာမရွိခဲ့ဘူး။ သူတို႔လက္ထက္မွာ လူေတြက cereal, bacon(အသားျပား)၊ ၾကက္ဉ ေတြေတာင္ မဝယ္ႏိုင္ၾကေတာ့ဘူး။ ျပည္သူေတြမွာ အေတာ္ဒုကၡေရာက္ေနၾကၿပီ။ လူေတြ ကို စစ္တမ္းေကာက္ၾကည့္တဲ့အခါ လူ ၈၀/၉၀ % က ထရမ့္ရဲ႕ စီးပြားေရးဟာ လက္ရွိထက္ပိုေကာင္းတယ္လို႔ ေျဖဆိုၾကတယ္။

ABC ေမး ။ ထရမ့္လက္ထက္က အခြန္တိုးေကာက္ထားတာကို ဘိုင္ဒန္လက္ထက္ထိ ဆက္လက္က်င့္သုံးေနတာကို ဘာေျပာခ်င္ပါသလဲ။
ကင္မလာ ။ ထရမ့္အစိုးရဟာ အေမရိကန္သမိုင္းတေလွ်ာက္လိုေငြအျပဆုံးအစိုးရပါ ဆိုတာ ပုံေဖာ္ပါရေစ။ တ႐ုတ္နဲ႔ trade war ဆင္ႏႊဲခဲ့ပါတယ္။ သူဟာ တ႐ုတ္စစ္တပ္ကို chip ေတြေရာင္းခ်ၿပီး အဲ့စစ္ပြဲကိုရပ္တန႔္ခဲ့ပါတယ္။ ငါတို႔ဟာ AI နဲ႔ Quantum computing ကဲ့သို႔ေသာ နည္းပညာျမင့္လုပ္ငန္းေတြဟာ အေမရိကန္လုပ္သားေတြအတြက္ပဲျဖစ္ရမယ္လို႔ ဉီးတည္ထားပါတယ္။ ထရမ့္က ကိုဗစ္ အတြက္ တ႐ုတ္သမၼတ ရွီက်င့္ဖ်င္ ကို ေက်းဇူးတင္လိုက္ပါေသးတယ္။ သူ႔ရဲ႕ X(twitter) မွာ Thank You Xi ဆိုၿပီး ေနာက္က ! ထည့္ၿပီးေတာင္ ေရးလိုက္ပါေသးတယ္။ ရွိက်င့္ဖ်င္ဟာ ကိုဗစ္အတြက္ တာဝန္ရွိပါတယ္ဆိုတာေတာင္ သူက ေက်းဇူးတင္ေနပါေသးတယ္။
ထရမ့္ ။ ပထမဆုံးေျပာခ်င္တာ တ႐ုတ္က chip ေတြ ဝယ္တာ ထိုင္ဝမ္ကပါ။ ဘာလို႔လဲဆိုေတာ့ ငါတို႔အေတြးအေခၚ၊ ငါတို႔ မူဝါဒ အရ ငါတို႔ ခက္ခက္ခဲခဲမလုပ္ေတာ့တဲ့ chip ေတြပါ။ အဲ့တာကလည္း ကင္မလာတို႔ရဲ႕ မူဝါဒပါ။ သူမ ဆီမွာ မူဝါဒလည္း ရွိမွာမဟုတ္ပါဘူး။ လြန္ခဲ့တဲ့ ၃/ ၄ႏွစ္က သူမ သိခဲ့တဲ့ အေတြးအေခၚက ငါ့ရဲ႕ အေတြးအေခၚပါ။ သူမကို ငါ့ရဲ႕ ေထာက္ခံသူအဖြဲ႕ (maga) ထဲကိုေတာင္ ပို႔မွာပါ။ ဒါေပမယ့္ သူ သမၼတေတာင္း အေ႐ြးခံရေတာ့ သူမစိတ္ေျပာင္းသြားတယ္။ သူမဟာ မက္စ္ဝါဒ (ကြန္ျမဴနစ္)သမား ျဖစ္သြားတာပါ။ သူမ ရဲ႕အေဖက မက္စ္ စီးပြားေရးဝါဒ ရဲ႕ ပေရာ္ဖက္ဆာပါ။ သူမ ကို ေကာင္းေကာင္းသင္ၾကားေပးခဲ့ပါတယ္။ လတိုင္းလတိုင္း အေမရိကန္ကို ခိုးဝင္ေနတဲ့ သန္းနဲ႔ခ်ီတဲ့ လူေတြဟာ နယူးေယာက္ျပည္နယ္ထက္ေတာင္ မ်ားပါဉိးမယ္။ အဲ့လူေတြက ရာဇဝတ္ေကာင္ေတြျဖစ္ၿပီး ငါတို႔တိုင္းျပည္ရဲ႕စီးပြားေရးကို ဖ်က္ဆီးေနပါတယ္။ ကင္မလာနဲ႔ လက္ရွိအစိုးရအဖြဲ႕ဟာ ႐ူးေနတဲ့ မူဝါဒ နဲ႔ တိုင္းျပည္ကို ဖ်က္ဆီးေနပါတယ္။

ABC ေမး ။ ကိုယ္ဝန္ဖ်က္ခ်ျခင္း နဲ႔ ပတ္သတ္လို႔ ထရမ့္အေနနဲ႔ Roie Wade ရဲ႕ မူဝါဒကို သေဘာမက်ေၾကာင္း မၾကာခဏ အမႊမ္းတင္ထားတာရွိပါတယ္။ မႏွစ္က ထရမ့္ဟာ ကိုယ္ဝန္ဖ်က္ခ်ျခင္းကို ဆန႔္က်င္တဲ့ Pro-life ကိုသေဘာတူတဲ့ သမၼတတဉီးအေနနဲ႔ ထုတ္ေဖာ္ထားပါတယ္။ လြန္ခဲ့တဲ့လက Florida မွာ မင္း နဲ႔ မင္းအစိုးရအဖြဲ႕ဟာ အမ်ိဳးသမီးေတြရဲ႕ အခြင့္အေရးနဲ႔ ေမြးဖြားျခင္းဆိုင္ရာ အခြင့္အေရးအတြက္ ျမႇင့္တင္ေပးမယ္လို႔ ေျပာခဲ့ပါတယ္။ ဒါစကားေၾကာင့္ မင္းရဲ႕ သီတင္း ၆ ပတ္ ရွိေသာ ကိုယ္ဝန္ဖ်က္ခ်ခြင့္ကို ပိတ္ပင္ျခင္းအား ေထာက္ခံထားသူတို႔ဟာ အံ့ဩကုန္ၾကပါတယ္။ ဘာလို႔လဲဆိုေတာ့ သီတင္း ၆ ပတ္ဟာ အရမ္းကိုတိုေတာင္းၿပီး ၆ပတ္ထက္ ပိုတဲ့ ကိုယ္ဝန္ဖ်က္ခ်ခြင့္ကို ေထာက္ခံသြားမယ္လို႔ဆိုတဲ့စကားေၾကာင့္ပါ။ ေနာက္တေန႔မွာၾကာေတာ့ သီတင္း ၆ ပတ္ ရွိေသာ ကိုယ္ဝန္ဖ်က္ခ်ခြင့္ကို ပိတ္ပင္ျခင္းအား ေထာက္ခံသြားမယ္လို႔ ဆိုျပန္တယ္။ ဒီလိုေရွ႕ေနာက္မညီမႈေၾကာင့္ မင္းကို အမ်ိဳးသမီးေတြက မယုံၾကည္သင့္ဘူးလို႔ ကင္မလာက ေျပာပါတယ္။ (အေမရိကန္တြင္ ကိုယ္ဝန္ဖ်က္ခ်ျခင္းကို ေထာက္ခံသည့္အေျခအေနအား Pro-choice ဟုေခၚၿပီး ကိုယ္ဝန္ဖ်က္ခ်ျခင္းကိုမေထာက္ခံသည့္အဖြဲအား Pro-life ဟုေခၚပါသည္။ ထရမ့္သည္ ၆ ပတ္ ႏွင့္ ေအာက္ရွိသည့္ ကိုယ္ဝန္အားဖ်က္ခ်ခြင့္ျပဳေသာ္လည္း ထိုထက္ၾကာျမင့္ေသာ သေႏၶသားအားဖ်က္ခ်ခြင့္မျပဳပါ။)
ထရမ့္ ။ ငါဒါကို ဆႏၵျပဳခဲ့တယ္ဆိုတာက သူတို႔က သီတင္း ၉ ပတ္သား ကိုယ္ဝန္ကို ဖ်က္ခ်တဲကိစၥ ျဖစ္ၿပီး West Virginia ရဲ႕ ၿမိဳ႕ေတာ္ဝန္ေဟာင္း က ၉ ပတ္ရွိတဲ့ကေလးကို ဖ်က္ခ်ခြင့္မက်ေသးရင္ ေမြးၿပီးမွ စီရင္ ရမယ့္အေျခအေနကို ျဖစ္လိမ့္မယ္လို႔ ေျပာဆိုခဲ့လို႔ ဆႏၵျပဳခဲ့တာျဖစ္တယ္။ ကင္မလာ ေ႐ြးထားတဲ့ ဒုတိယသမၼတေလာင္းကလည္း ဆိုးဆိုးဝါးဝါးပါပဲ။ အဲ့ဒုသမၼတေလာင္းကလည္း ၉ ပတ္ရွိတဲ့ သေႏၶသားေလာင္း ကိုဖ်က္ခ်ခြင့္ျပဳဖို႔အတြက္ ဟာ သက္ေတာင့္သက္သာ ရွိပုံပါပဲ။ သူက ကိုယ္ဝန္ေဆာင္ကာလမွာေတာ့ ကေလးကိုဖ်က္မခ်ဘဲ ေမြးၿပီးေတာ့မွ စီရင္မယ္ဆိုတာကေတာ့ ငါနဲ႔လုံးဝ အဆင္မေျပဘူး။ ငါလုပ္ခဲ့တာဟာ ၅၂ ႏွစ္လုံး ႀကိဳးစားခဲ့တဲ့ Roe v. Wade ရဲ႕ အဆိုကို ျပည္နယ္ဥပေဒေတြထဲေရာက္ရွိေအာင္ႀကိဳးစားတာျဖစ္တယ္။ အခုေတာ့ ႏွလုံးရည္ နဲ႔ ဉာဏ္ပညာထက္ျမက္တဲ့ တရားသူႀကီး ၆ ဉီးေၾကာင့္ လုပ္ေဆာင္ႏိုင္ခဲ့ပါၿပီ။ ဒီကိစၥနဲ႔ပတ္သတ္ၿပီး ျပည္နယ္တိုင္းမွာရွိတဲ့ ျပည္သူက လြတ္လပ္စြာ မဲေပးႏိုင္ပါၿပီ။ ဒီလိုေဆာင္႐ြက္ႏိုင္ခဲ့တဲ့အတြက္ တရားသူႀကီး ၆ ဉီးကို ႀကီးႀကီးမားမားဂုဏ္ျပဳလိုပါတယ္။

ABC ေမး ။ ေမြးၿပီးသားကေလး ၁ဉီး ကို ဥပေဒအရ စီရင္တဲ့ ျပည္နယ္ တခု မွမရွိပါဘူး။ ကင္မလာ အေနနဲ႔ ထရမ့္ရဲ ေျပာဆိုမႈအေပၚတုံ႔ျပန္ေစလိုပါတယ္။
ကင္မလာ ။ ငါေျပာခဲ့သလိုပဲ ဒီပြဲမွာေတာ့ ထရမ့္ရဲ႕ အလိမ္အညာစကားေတြ မင္းတို႔ၾကားေနရတာပဲ။ အေမရိကန္ တရား႐ုံးခ်ဳပ္ရဲ႕ အဖြဲ႕ဝင္ ၃ ဉီးကို ထရမ့္စိတ္ႀကိဳက္ ေ႐ြးခ်ယ္ထားခဲ့ပါတယ္။ ခုဆိုရင္ ျပည္နယ္ ၂၀ ေက်ာ္မွာ ကိုယ္ဝန္ဖ်က္ခ်ျခင္းနဲ႔ ပတ္သတ္ၿပီး က်န္းမားေရးေစာင့္ေရွာက္ေပးတဲ့ ဆရာဝန္ေတြ ၊ သူနာျပဳေတြေတာင္ ရာဇဝတ္သားေတြ အျဖစ္သတ္မွတ္ႏိုင္ပါၿပီ။ ျပည္နယ္ ၁ ခုမွာ ဆိုရင္ေတာင္ တသက္တကြၽန္းထိက်ခံရႏိုင္ပါတယ္။ ခုလိုမ်ိဳး ကိုယ္ဝန္ဖ်က္ခ်တာကို တားျမစ္တဲ့အတြက္ေၾကာင့္ မုဒိမ္းက်င့္မႈေၾကာင့္ရတဲ့ ကိုယ္ဝန္၊ မိသားစုခ်င္းေၾကာင့္ ရတဲ့ကိုယ္ဝန္ေတြကို ဖ်က္ခ်ဖို႔ ေတာင္ အေတာ္ခက္ခဲေနပါတယ္။ က်ဴးလြန္ခံရသူဟာ သူ႔ခႏၶာကိုယ္အတြက္ ဆုံးျဖတ္ခ်က္ ခ်ပိုင္ခြင့္မရွိဘူးဆိုတာ မျဖစ္သင့္ပါဘူး။ ထရမ့္အေနနဲ႔ မိန္းမတေယာက္ ဟာ သူ႔ခႏၶာကိုယ္အတြက္ ဘာလုပ္ရမယ္ဆိုတာကို ၫႊန္ၾကားဖို႔မလိုပါဘူး။ ခုဆိုရင္ ကိုယ္ဝန္ဖ်က္ခ်ခံရၿပီး ရာဇဝတ္ေၾကာင္းအရ အေရးယူခံရမွာ ေၾကာက္လို႔ ကားပါကင္ေပၚမွာ ေသြးထြက္လြန္ၿပီး စိုးရိမ္ဖြယ္ရွိတဲ့အေနအထားျဖစ္ေနတဲ့အမ်ိဳးသမီးေတြ ဘယ္ေလာက္မ်ားေနမလဲ။ အတင္းအၾကပ္မုဒိမ္းက်င့္ခံရလို႔ ကိုယ္ဝန္ရခဲ့တဲ့ ၁၂ ႏွစ္ ၁၃ ႏွစ္အ႐ြယ္ ကေလးေတြအတြက္ ဘယ္လိုလုပ္ရမလဲ။ Roe v. Wade ၏ ကြန္ဂရက္မွ အတည္ျပဳလွ်င္ ကြၽန္မလည္း ဥပေဒအျဖစ္ လက္မွတ္ေရးထိုးသြားပါမည္။ ထရမ့္ကေတာ့ ကိုယ္ဝန္ဖ်က္ခ်ျခင္းကိုတားျမစ္မွာ အေသအခ်ာပင္ျဖစ္ပါသည္။ Project 2025 တြင္လည္း ကြၽႏ္ုပ္တို႔ ၏ ကိုယ္ဝန္ေဆာင္ျခင္းအား ေစာင့္ၾကည့္မည့္အစီအစဥ္တခု ပါပါသည္။ လူ ၁ ဉီးခ်င္းစီ ၏ ကိုယ္ပိုင္ဆုံးျဖတ္ခြင့္နဲ႔ပတ္သတ္လို႔ အစိုးရ အေနနဲ႔ ဝင္မစြက္ဖို႔ကို အေမရိကန္ႏိုင္ငံသားတိုင္း လက္ခံမယ္လို႔ ယုံၾကည္ပါတယ္။
ထရမ့္ ။ ဒီျပႆနာေၾကာင့္ ငါတို႔ႏိုင္ငံကို စိတ္ဝမ္းကြဲေစတာ ၅၂ ႏွစ္ရွိပါၿပီ။ ခုေတာ့ ျပည္နယ္ေတြမွာ မဲဆႏၵျပဳႏိုင္ၿပီ ဆိုေတာ့ ဘာျပႆနာမွ မရွိေတာ့ပါဘူး။ သူမ ဟာ ကြန္ဂရက္က ဆုံးျဖတ္ရင္ လက္မွတ္ထိုးမယ္လို႔ေျပာတယ္ေနာ္။ သူမ ဘယ္ေတာ့မွ မဲ ရမွာ မဟုတ္ပါဘူး။ သူက အဲ့အေျခအေနကို ဘယ္ေတာ့မွနီးစပ္လာမွလည္းမဟုတ္ဘူး။ ဘာလို႔လဲဆိုေတာ့ အထက္လႊတ္ေတာ္ေရာ ေအာက္လႊတ္ေတာ္မွာပါ တဖက္စီကို ၅၀ -၅၀ စီ ရွိေနလို႔ပါပဲ။ ဒါေၾကာင့္ ဒါဟာ စကားအျဖစ္ပဲ က်န္ခဲ့မွာပါ။ သူမ စကားကို ၾကည့္ၿပီး ငါ ၿပီးခဲ့တဲ့ျဖစ္ရပ္တခု ကို သတိရမိတယ္။ ေက်ာင္းသားေခ်းေငြေတြကို ပိုရေအာင္လုပ္ေပးမယ္လို႔ ေျပာတဲ့အခ်ိန္တုန္းက ေက်ာင္းသားေတြအေတာ္ေမွ်ာ္လင္ခဲ့တယ္။ မေအာင္ျမင္ခဲ့ဘူး။ သူမရဲ႕ ေဘာ့စ္ (ဘိုင္ဒန္ ကိုဆိုလိုသည္)၊ အၿမဲတမ္းကမ္းေျခမွာ အခ်ိန္ျဖဳန္းေနတဲ့ ေဘာ့စ္ ကလည္း ငါတို႔ တျခားနည္းလမ္းအတိုင္းဆက္လုပ္မယ္လို႔ေျပာၿပီး ထပ္ႀကိဳးစားတဲ့အခါ တရား႐ုံးခ်ဳပ္က ပယ္ခ်တာပါပဲ။ ေနာက္ဆုံးေတာ့ ေက်ာင္းသားေတြပဲ ဒုကၡေရာက္ရတာပဲ။ အဲ့ကိစၥကလည္း ခု ကိုယ္ဝန္ဖ်က္ခ်တဲ့အေၾကာင္းေျပာေနတာနဲ႔ အတူတူပါပဲ။

ABC ေမး ။ မင္းရဲ႕ ဒုသမၼတေလာင္း JD Vance ကလည္း ကိုယ္ဝန္ဖ်က္ခ်တာကို ေထာက္ခံတဲ့ အဆို ကို သမၼတစားပြဲေပၚ တင္လာရင္ ဗီတိုနဲ႔ ပယ္ခ်မယ္ ေျပာထားတယ္မလား။
ထရမ့္ ။ ဒီကိစၥ နဲ႔ ပတ္သတ္ၿပီး JD နဲ႔ မေဆြးေႏြးထားဘူး။ ဒါက ငါေျပာတာမဟုတ္ပါဘူး။ ေက်ာင္းသားေခ်းေငြကိစၥလိုပဲ ျဖစ္မလာႏိုင္ေတာ့တဲ့အတြက္ အေရးမႀကီးပါဘူး။ ကြန္ဂရက္ကိုပဲ ရေအာင္ ျဖတ္ပါဉီး။ ကိုယ္ဝန္ဖ်က္ခ်တဲ့ကိစၥအေပၚမွာ ျပည္နယ္အစိုးရေတြကလည္း ကြန္ဂရက္ကို ေရွာင္ဖယ္ၿပီး ေဆာင္႐ြက္ခ်င္တဲ့ကိစၥျဖစ္ၿပီး အရင္ကမလုပ္ႏိုင္ခဲ့တဲ့ လူတိုင္းလုပ္ခ်င္တဲ့ဆႏၵကို လုပ္ေဆာင္ႏိုင္ခဲ့တာျဖစ္တယ္။ ခု ငါတို႔ဆီမွာ ကိုယ္ဝန္ဖ်က္ခ်ျခင္းကို ေထာက္ခံသူ ေတြရဲ႕ မဲေတာင္ ရေနပါၿပီ။

ABC ေမး ။ ကင္မလာ အေနနဲ႔ ဘာေျပာခ်င္ပါသလဲ။ တားျမစ္ဖို႔ေရာရွိပါသလား။
ကင္မလာ ။ Roe v. Wade ၏ အဆိုကို ျပန္လည္အသက္သြင္းျခင္းအတြက္ ေထာက္ခံပါတယ္။ အေမရိကန္မွာ ကိုယ္ဝန္ေဆာင္ထားတဲ့ အမ်ိဳးသမီးဟာ ဖ်က္ခ်ဖို႔ ဘယ္ေတာ့မွေတာင္းဆိုမွာမဟုတ္ပါဘူး။ ထရမ့္ဟာ အေမရိကန္ အမ်ိဳးသမီးေတြကို ေစာ္ကားတာပါပဲ။ ထရမ့္ရဲ႕ ကိုယ္ဝန္ဖ်က္ခ်မႈ တားျမစ္ခ်က္ ေၾကာင့္ ဘာေတြျဖစ္ေနလဲဆိုတာကို တခ်က္ၾကည့္ပါ။ မိသားစု ဘဝရဖို႔ ေမွ်ာ္လင့္ေနတဲ့ စုံတြဲေတြဟာ ဖန္ႁပြန္သေႏၶသားကုထုံး IVF treatments ေတြကိုေတာင္ မရႏိုင္ေတာ့ပါဘူး။ အလုပ္ ၁ခု/ ၂ခု လုပ္ေနတဲ့ အမ်ိဳးသမီးေတြ၊ ကေလးထိန္းခ မတက္ႏိုင္တဲ့ အမ်ိဳးသမီးေတြ မွာ ကိုယ္ဝန္ဖ်က္ခ်ဖို႔ကို ကိုယ္ဝန္ဖ်က္ခ်ခြင့္ျပဳထားတဲ့ တျခားျပည္နယ္ကိုလည္း မသြားႏိုင္တဲ့ အခက္အခဲေတြႀကဳံေနပါတယ္။ ကိုယ့္ ခႏၶာကိုယ္ က ကိုယ္စိတ္ႀကိဳက္ပါ။ ဒါေၾကာင့္မို႔လို႔လည္း အနီေရာင္ျပည္နယ္(ရီပတ္ဘလီကန္ေထာက္ခံသည့္ျပည္နယ္) နဲ႔ အျပာေရာင္ျပည္နယ္ (ဒီမိုကရက္ေထာက္ခံသည့္ျပည္နယ္) ေတြမွာ လြတ္လပ္ခြင့္အတြက္ မဲေပးေနၾကတာျဖစ္တယ္။
ထရမ့္ ။ ဒါက အလိမ္အညာတခုပါ။ ငါဟာ ဖန္ႁပြန္သေႏၶသားကုထုံး IVF treatments ကို ေထာက္ခံတဲ့ ဉီးေဆာင္သူပါ။ Alabama ျပည္နယ္မွာ ဥပေဒျပဳလႊတ္ေတာ္က IVF နဲ႔ပတ္သတ္တဲ့ အပ်က္သေဘာေဆာင္တဲ့ဆုံးျဖတ္ခ်က္ခ်တဲ့အခါ ျပည္သူေတြနဲ႔ ဥပေဒျပဳလႊတ္ေတာ္အၾကား ၂ ရက္ၾကာမဲခြဲဆုံးျဖတ္မႈမွာ ငါက ဉီးေဆာင္ခဲ့ပါတယ္။ အဲ့ေတာ့ ကိုယ္ဝန္ဖ်က္ခ်တာကို ၈ လ က်မွ ခြင့္ျပဳမွာလား။ ၉လ လား။ ၇ လ လား။
ကင္မလာ ။ ဗီတိုနဲ႔ ပယ္ခ်/ မခ် ေမးခြန္းကိုေျဖေပးပါ။
ထရမ့္ ။ ကိုယ္ဝန္ဖ်က္ခ်ျခင္း ကို ၇ လ ၊ ၈ လ၊ ၉ လ မွာ မင္းလုပ္ႏိုင္ပါတယ္။ (႐ြဲ႕၍ေျပာသည္ဟုယူဆပါသည္။)
ကင္မလာ ။ မျဖစ္ႏိုင္တာ။
ထရမ့္ ။ Virginia အုပ္ခ်ဳပ္ေရးမႈးေဟာင္း ကို ၾကည့္လိုက္ပါ။ Virginia အုပ္ခ်ဳပ္ေရးမႈးေဟာင္းက ေမြးထားတဲ့ကေလး ကို ေဘးမွာ ခ်ထားၿပီး ဘာလုပ္ခ်င္လဲ ဆုံးျဖတ္မယ္လို႔ေျပာပါတယ္။ (႐ြဲ႕၍ေျပာသည္ဟုယူဆပါသည္။)

ABC ေမး ။ ခုေတာ့ လူဝင္မႈႀကီးၾကပ္ေရးနဲ႔ နယ္စပ္လုံၿခဳံေရး ကိုေဆြးေႏြးပါမယ္။ ဘိုင္ဒန္အစိုးရလက္ထက္မွာ တရားမဝင္ နယ္စပ္ျဖတ္ေက်ာ္မႈဟာ စံခ်ိန္တင္ျမင့္မားလာေၾကာင္း ေတြ႕ရပါတယ္။ ၿပီးခဲ့သည့္ ဇြန္လကမွ သမၼတ ဘိုင္ဒင္ဟာ ခိုလႈံခြင့္ႏွင့္ပတ္သတ္တဲ့ ျပင္းထန္ေသာကန႔္သတ္ခ်က္ အသစ္မ်ားကို ခ်မွတ္ခဲ့ပါသည္။ အဲ့အခ်ိန္က်မွ ကိန္းဂဏန္းမ်ား သိသိသာသာက်ဆင္းသြားတာကိုေတြ႕ရပါတယ္။ ဒီေန႔ည မင္းကို ေမးခ်င္တာက ဒီကန႔္သတ္ခ်က္ထုတ္ျပန္ဖို႔ကို ေ႐ြးေကာက္ပြဲ မတိုင္ခင္ ေျခာက္လေလာက္အလိုထိ ေစာင့္ၿပီးမွ ထုတ္ျပန္ခဲ့တာလဲ၊ ဒီအေပၚမွာ သမၼတ ဘိုင္ဒင္နဲ႔ မတူတာ တစ္ခုခု လုပ္ခဲ့တာလား။
ကင္မလာ ။ လက္နက္ေမွာင္ခို၊ လူေမွာင္ခို၊ မူးယစ္ေဆးဝါး စတာေတြကို တိုက္ဖ်က္ေနတဲ့ ပုဂၢိဳလ္ဟာငါပဲ ျဖစ္ပါတယ္။ နယ္စပ္လုံၿခဳံေရး ဥပေဒၾကမ္းကိုလည္း တင္သြင္းခဲ့ပါသည္။ ဒီဥပေဒမူၾကမ္းမွာ နယ္စပ္ေအးဂ်င့္ ၁,၅၀၀ ကို ထပ္မံခ်ထားေပးမယ့္အခ်က္ေတြပါ ပါတယ္။ ဒါ့အျပင္ ဒီဥပေဒၾကမ္းမွာ မူးယစ္ေဆးဝါး fentanyl စီးဆင္းမႈကို ဟန႔္တားႏိုင္ေစမည္ျဖစ္သည္။ ငါတို႔ ႏိုင္ငံမွာ fentanyl ေၾကာင့္ ဒုကၡေရာက္ခဲ့တဲ့ မိသားစုေတြလည္း ဒီေန႔ညမွာ ေစာင့္ၾကည့္ေနၾကမယ္ဆိုတာ သိပါတယ္။ ဒီ ဥပေဒမူၾကမ္းဟာ လက္နက္ေမွာင္ခို၊ လူေမွာင္ခို၊ မူးယစ္ေဆးဝါး ေရာင္းဝယ္ေနတဲ့ ႏိုင္ငံျဖတ္ေက်ာ္ ရာဇ၀တ္အဖြဲ႕အစည္းမ်ားကို အေရးယူႏိုင္ဖို႔ အခြင့္အလမ္းေတြရလာမွာျဖစ္ပါတယ္။ ဒါေပမယ့္ ဒီဥပေဒၾကမ္း ဘာျဖစ္သြားလဲ ဆိုတာသိလား။ Donald Trump က ကြန္ဂရက္လႊတ္ေတာ္က လူတခ်ိဳ႕ကို ဖုန္းဆက္ၿပီး ဒီဥပေဒၾကမ္းကို မေထာက္ခံဖို႔ ေျပာခဲ့ပါတယ္။ ဘာလို႔လဲ။ ဘာလို႔လဲဆိုေတာ့ သူက ျပႆနာေတြကို ေျဖရွင္းရမယ့္အစား အဲ့ျပႆနာေတြ ရွိေနတာကို သေဘာက်ေနလို႔ပါပဲ။ ျပည္သူေတြအေနနဲ႔လည္း ျပႆနာေတြကို အမွန္တကယ္ေျဖရွင္းေပးမယ့္ အေျဖရွာႏိုင္တဲ့ ေခါင္းေဆာင္တစ္ေယာက္ လိုအပ္ေနတယ္ဆိုတာ နားလည္ပါ။ Donald Trump ရဲ႕ လူထုစည္းေဝးပြဲေတြထဲက တစ္ခုကို တက္ၾကည့္လိုက္ပါ။ သူ႔ စုေဝးပြဲေတြမွာ Hannibal Lecter ကဲ့သို႔ စိတ္ကူးယဥ္ဇာတ္ေကာင္မ်ားအေၾကာင္းပဲ ေတြ႕ရပါမယ္။ ၿပီးရင္ ကင္ဆာျဖစ္ေစေသာ ေလရဟတ္မ်ားအေၾကာင္း ေျပာျပပါလိမ့္မယ္။ လူေတြက ပ်င္းရိ၊ ပင္ပန္းႏြမ္းနယ္ၿပီး ေစာေစာစီးစီးထြက္သြားေတာ့တာပါပဲ။ မင္းရဲ႕လိုအပ္ခ်က္ေတြ၊ မင္းအိပ္မက္ေတြ၊ မင္းရဲ႕ဆႏၵေတြအေၾကာင္း သူေျပာေနတာကို မင္းၾကားရမွာမဟုတ္ဘူး။ ဒါ့ေၾကာင့္ မင္းတို႔ကို တကယ္ဦးစားေပးတဲ့ သမၼတတစ္ေယာက္နဲ႔ မင္းတို႔ ထိုက္တန္တယ္လို႔ ငါယုံၾကည္ပါတယ္။

ABC ေမး ။ ထရမ့္ ကဘာလို႔ ဥပေဒၾကမ္းကို မေထာက္ခံရတာလဲ။
ထရမ့္ ။ အဲ့တာမေျပာခင္ ငါ့စုေဝးပြဲေတြ အေၾကာင္းကို အရင္ဆုံးေျပာျပရေစ။ လူေတြက ထြက္သြားတယ္လို႔ သူမက ေျပာတယ္။ လူေတြက ဆႏၵရွိရွိထြက္သြားခ်င္တာမဟုတ္ဘူး။ ထြက္သြားတဲ့လူေတြဆိုတာလည္း သူမက ဘက္စ္ကားႀကီးထိုး၊ ေငြေပးၿပီး ငါ့စုေဝးပြဲကေန ထြက္ခြာေအာင္လုပ္ေနတာပဲ။ ၿပီးတဲ့အခါ အဲ့လူေတြက သူတို႔ကို ေထာက္ခံပါတယ္လုပ္တယ္။ ငါ့ရဲ႕ စုေဝးပြဲေတြက ႏိုင္ငံေရးသမိုင္းမွာ အႀကီးမားဆုံး လူထုစုေဝးပြဲေတြျဖစ္တယ္။ ဘာျဖစ္လို႔လဲဆိုေတာ့ ျပည္သူေတြက ကိုယ့္ႏိုင္ငံကို ျပန္လိုခ်င္လို႔။ ငါတို႔ႏိုင္ငံက လမ္းေပ်ာက္ေနတယ္။ ငါတို႔က က်ရႈံးႏိုင္ငံျဖစ္ေနၿပီ။ ဒါကလည္း လြန္ခဲ့တဲ့ သုံးႏွစ္ခြဲေလာက္ကမွ စျဖစ္ခဲ့တာပါ။ သန္းခ်ီတဲ့ ခိုးဝင္ေတြကို ဝင္လာလို႔ ငါတို႔ အေမရိကန္ျပည္ေထာင္စုတစ္ဝွမ္းက ၿမိဳ႕ေတြမွာ ဘာေတြျဖစ္ေနလဲဆိုတာကို ၾကည့္ပါ။ ဒါဟာ Aurora တို႔ Springfield တို႔မွာ ပဲ ျဖစ္ေနတာမဟုတ္ဘူး။ ၿမိဳ႕အေတာ္မ်ားမ်ားမွာ ျဖစ္ေနတာ။ ၿမိဳ႕ခံေတြက ရွက္လြန္းလို႔ မေျပာခ်င္ၾကဘူး။ Springfield မွာဆိုရင္ ခိုးဝင္ေတြက ေခြးသား ကိုပါ စားေနၾကတာ။ ေၾကာင္ေတြကို စားတယ္။ အိမ္ေမြးတိရစာၦန္ေတြကို စားတယ္။ ဒါက ငါတို႔ႏိုင္ငံမွာ ျဖစ္ပ်က္ေနတာ။ ရွက္စရာႀကီးပဲ။ သူမ သာ သမၼတ ဆက္ျဖစ္မယ္ဆိုရင္ ငါတို႔ဟာ စတီး႐ိုက္ျဖစ္ေနတဲ့ ဗင္နီဇြဲလားႏိုင္ငံ ျဖစ္သြားမယ္။ (ျပန္၍မေကာင္းႏိုင္ေတာ့ေသာ ပ်က္စီးမႈ ျဖစ္ေနသည့္ ငတ္ျပတ္၍ ရာဇဝတ္မႈ ထူေျပာေသာႏိုင္ငံ)

ABC ေမး ။ Springfield မွာ ခိုးဝင္ေတြက အိမ္ေမြးတိရိစာၦန္မ်ား ထိခိုက္ဒဏ္ရာရေစျခင္း၊ သို႔မဟုတ္ ညႇင္းပန္းႏွိပ္စက္ျခင္းဆိုင္ရာ ခိုင္လုံေသာ အစီရင္ခံစာမ်ား မရွိေၾကာင္း ငါတို႔ ABC သတင္းဌာန ရဲ႕ မန္ေနဂ်ာက ေျပာပါတယ္။
ထရမ့္ ။ ငါက လူေတြ ႐ုပ္သံကေန ေျပာေနတာကို ေတြ႕ပါတယ္။
ABC ေမး ။ ငါက ႐ုပ္သံအစီအစဥ္က ဟာေတြကို လက္သင့္မခံပါဘူး။ မန္ေနဂ်ာ ေျပာတာကို ပဲ လက္ခံပါတယ္။
ထရမ့္ ။ ဒါေပမယ့္ လူေတြက ႐ုပ္သံကေန ေျပာေနၾကတယ္ေလ။

ABC ေမး ။ ထပ္ေျပာပါမယ္။ ငါတို႔ မန္ေနဂ်ာ က အိမ္ေမြးတိရစာၦန္ေတြကို စားတာနဲ႔ပတ္သတ္ၿပီး သက္ေသမရွိဘူးလို႔ေျပာပါတယ္။
ထရမ့္ ။ ဒါဆိုရင္ ငါတို႔ ၂ေယာက္လုံး အေျဖရွာဖို႔လိုတာေပါ့။ (အမွန္သိဖို႔လိုေနၿပီ)
ကင္မလာ ။ ထရမ့္ ရဲ႕ အစြန္းေရာက္မႈ နဲ႔ပတ္သတ္ၿပီး သမၼတေဟာင္း Bush၊ Mitt Romney၊ John McCain တို႔နဲ႔ အလုပ္တြဲလုပ္ခဲ့တဲ့ ရီပတ္ဘလီကန္ ၂၀၀ ရဲ႕ ေထာက္ခံခ်က္ ေတြအျပင္ သူနဲ႔ တြဲၿပီး အလုပ္လုပ္ဖူးတဲ့လူေတြကို ေမးၾကည့္ပါ။ သူနဲ႔ တြဲအလုပ္လုပ္ဖူးတဲ့ ၾကယ္ေလးပြင့္ ဗိုလ္ခ်ဳပ္ႀကီးေဟာင္းတစ္ဦးျဖစ္သူေျပာတာက ထရမ့္ဟာ ေျခဥ ကို ရႈတ္ခ်ေၾကာင္းေျပာခဲ့တယ္လို႔ဆိုပါတယ္။ သူ႔ရဲ႕ အမ်ိဳးသားလုံၿခဳံေရး အႀကံေပးေဟာင္းကလည္း ထရမ့္ဟာ အႏၲရာယ္ရွိၿပီး သမၼတရာထူးအတြက္ သင့္ေလ်ာ္မႈမရွိလို႔ ေျပာၾကားဖူးပါတယ္။ သူ႔ရဲ႕ ကာကြယ္ေရးဝန္ႀကီးေဟာင္းက လည္း ထရမ့္သာ သမၼတထပ္ျဖစ္ရင္ ႏိုင္ငံကေတာ့ ရွင္သန္ေတာ့မွာမဟုတ္ဘူးလို႔ ဆိုခဲ့ပါတယ္။ ဒါေတြကို နားေထာင္ၾကည့္ျခင္းျဖင့္ ဒီေ႐ြးေကာက္ပြဲမွာ ျပည္သူေတြ အေနနဲ႔ ဘာကိုေ႐ြးခ်ယ္ရမလဲဆိုတာကို ရွင္းရွင္းလင္းလင္းသိၿပီလို႔ ကြၽန္မ ထင္ပါတယ္။
ထရမ့္ ။ ခုလိုမ်ိဳး ငါမၾကားဖူးတဲ့ ငါ့ရဲ႕မဟုတ္တဲ့အေျခအေနကို ၾကားလိုက္ရတဲ့အတြက္ ေက်းဇူးတင္ပါတယ္။ ဒီလူေတြကို ငါအလုပ္ထုတ္ခဲ့တာပါ။ ဒီလူေတြဟာ မေကာင္းတာေတြကိုလုပ္ခဲ့ပါတယ္။ အာဖဂန္ မွာ အေမရိကန္ ၁၃ ဉီး အသတ္ခံရတဲ့ကိစၥနဲ႔ပတ္သတ္ၿပီး ဘယ္သူ႔ကိုမွ ထုတ္ပယ္ျခင္းမရွိတဲ့အတြက္ပါ။ အရည္အခ်င္းမျပည့္မီဆုံး ဗိုလ္ခ်ဳပ္ေတြ၊ ထိပ္တန္း ပုဂၢိဳလ္ေတြအားလုံးကို ရာထူးကေန ထုတ္ပစ္သင့္တယ္။ အလုပ္ေသခ်ာမလုပ္ရင္ ထုတ္ပစ္မွာပဲ။ ေတြေဝ ေနရင္ထုတ္ပစ္မွာပဲ။ ၿပီးရင္ ငါ့မေကာင္းေၾကာင္းကို သူတို႔ေတြ စာအုပ္ထုတ္မယ္။ စာေရးမယ္။ သူတို႔မွာ အဲ့တာကလြဲၿပီး ဘာမွမလုပ္ႏိုင္လို႔ပဲ။ ဒီမိုကရက္ေတြက်ေတာ့ ဒီေလာက္စီးပြားေရးက်ေနတာေတာင္ စီးပြားေရးပညာရွင္ တေယာက္မွကိုမထုတ္ပယ္ဘူး။ ဒါမွလည္း သူတို႔အေၾကာင္းကိုအဲ့လူေတြက စာအုပ္မေရးမွာေလ။ အၿပီးသတ္ေျပာရရင္ ငါက ရီပတ္ဘလီကန္ သမၼတေလာင္းထဲမွာ မဲအမ်ားဆုံးရတဲ့သူ၊ သမၼတတိုင္းထက္ မဲပိုရတဲ့သူပဲ။

ABC ေမး ။ ကင္မလာ မေထာက္ခံတဲ့ မင္းရဲ႕ ျပည္ႏွင္ဒဏ္ေပးမယ့္အဆိုကို ေလ့လာရေအာင္။ မင္းက အမ်ိဳးသားအေစာင့္တပ္ကိုေတာင္သုံးၿပီးေတာ့ ျပည္ပမွ ဝင္ေရာက္သူေတြကို ႏွင္ထုတ္မယ္လို႔ေျပာတယ္။ လိုအပ္ရင္ အေမရိကန္စစ္တပ္ကိုပါ သုံးမယ္ဆိုတဲ့ ကိစၥေလ။
ထရမ့္ ။ ျပည္နယ္ရဲ ကိုပဲ အသုံးျပဳမွာပါ။

ABC ေမး ။ လူ ၁၁ သန္းေက်ာ္ေလာက္ရွိတဲ့ ေ႐ႊ႕ေျပာင္းေနထိုင္သူေတြကို ဘယ္လိုျပန္ပို႔မွာလဲ။ တစ္အိမ္တက္တစ္ဆင္း ေဆာင္႐ြက္မွာလား။
ထရမ့္ ။ မွန္တယ္။ ရာဇဝတ္ေကာင္ေတြကို ခြင့္မျပဳဘူး။ ဘိုင္ဒန္အစိုးရကသာ အၾကမ္းဖက္သမားေတြကို ခြင့္ျပဳတယ္။ မူးယစ္ေဆးဝါးေရာင္းဝယ္သူေတြကို ခြင့္ျပဳတယ္။ သူတို႔လာခဲ့တဲ့ ဗင္နီဇြဲလား လို ႏိုင္ငံကို ဘယ္ေတာ့မွ သူတို႔မျပန္ေတာ့ဘူး။ ဗင္နီဇြဲလား နဲ႔ ကမာၻေပၚက ႏိုင္ငံအခ်ိဳ႕မွာ ရာဇဝတ္မႈေတြ ဘာေၾကာင့္ ေလ်ာ့နည္းသြားလဲဆိုတာ မင္းတို႔သိလား။ ဘာလို႔လဲဆိုေတာ့ ငါတို႔ႏိုင္ငံထဲကို အဲ့လူေတြဝင္လာလို႔။ ဘိုင္ဒန္တို႔က မဲရေတာ့မယ္ထင္လို႔ လုပ္ခဲ့တာ ျဖစ္ႏိုင္တယ္လို႔ ထင္ပါတယ္။ ဒါေပမယ့္ လုံးဝ မတန္ဘူး။ ဘာျဖစ္လို႔လဲ ဆိုေတာ့ သူတို႔ လုပ္တဲ့ လုပ္ရပ္က ငါတို႔ တိုင္းျပည္ ရဲ႕ စည္းလုံးမႈကို ဖ်က္ဆီး ေနတာ။ ခုငါတို႔မွာ ခိုးဝင္ျပစ္မႈ လို႔ေခၚတဲ့ ခိုးဝင္ေတြပဲ သီးသန႔္က်ဴးလြန္တဲ့ ျပစ္မႈဆိုၿပီး ေခၚရတဲ့ ျပစ္မႈအသစ္မ်ိဳးေတာင္ ျဖစ္ေနၿပီ။

ABC ေမး ။ FBI ကေတာ့ ဒီႏိုင္ငံမွာ အၾကမ္းဖက္ ရာဇ၀တ္မႈေတြ ႀကီးႀကီးမားမား က်ဆင္းလာတယ္လို႔ ေျပာေနတယ္ ထရမ့္ေရ။
ထရမ့္ ။ ငါ့ကိုယုံလိုက္၊ FBI က အလိမ္အညာ ရွင္းလင္းခ်က္ေတြထုတ္ေနတာ။ လူ ၈သိန္း၁ေသာင္း၈ေထာင္ ေလာက္ရွိတဲ့ FBI ဟာ လိမ္ညာမႈပဲဖန္တီးေနတာ။
ကင္မလာ ။ ဒါကေတာ့ ေတာ္ေတာ္တရားလြန္ပါတယ္။ အမ်ိဳးသားလုံၿခဳံေရးဆိုင္ရာျပစ္မႈ၊ စီးပြားေရးရာဇ၀တ္မႈ၊ ေ႐ြးေကာက္ပြဲဝင္ေရာက္စြက္ဖက္မႈ၊ လိင္ပိုင္းဆိုင္ရာေစာ္ကားမႈေတြ အတြက္ တရားစြဲခံထားတဲ့ တေယာက္က ကိုယ္က ဘယ္အေနအထားမွာ ေန ေနရတယ္ဆိုတာကို ရွင္းရွင္းလင္းလင္း သိသင့္ပါတယ္။ ငါတို႔ဟာ ဖန္တရာေတေနတဲ့ စကားလုံးေတြကို ထားခဲ့ၿပီး အေမရိကန္ျပည္သူေတြရဲ႕ လိုအပ္ခ်က္ေတြကို ကိုင္တြယ္ေျဖရွင္းဖို႔အေရးႀကီးပါတယ္။ အေမရိကန္ျပည္သူေတြ အတြက္ အိမ္ရာမလုံေလာက္မႈ၊ အေသးစားစီးပြားေရးလုပ္ငန္းေတြကို ပံ့ပိုးကူညီဖို႔၊ ကုန္ေဈးႏႈန္းက်ဖို႔ ဒါေတြကိုေျဖရွင္းရပါမယ္။
ထရမ့္ ။ ငါ့ကို တရားစြဲဆိုတယ္ဆိုတာ ႏိုင္ငံေရးၿပိဳင္ဘက္ကို ႏွိပ္ကြပ္ခ်င္လို႔ လုပ္ေနၾကတာျဖစ္တယ္။ တရားစြဲဆိုမႈအမ်ားစုမွာ ငါက အႏိုင္ရခဲ့ၿပီး က်န္တဲ့ အမႈေတြမွာလည္း ငါအႏိုင္ရမွာျဖစ္တယ္။ မၾကာေသးမီက တရား႐ုံးခ်ဳပ္မွ ဆုံးျဖတ္လိုက္တဲ့ ဆုံးျဖတ္ခ်က္ကို မင္းတို႔လည္းျမင္တာပဲေလ။ ဒါကို လက္နက္သုံးျခင္းလို႔ ေခၚတယ္။ ငါ့ကို တိုက္ခိုက္ဖို႔ လက္နက္သုံးတာပဲ။ အမႈအခင္းျဖစ္တိုင္း အိုး…ထရမ့္က ရာဇ၀တ္သားပဲ ဆိုၿပီး ငါ့ေနာက္ကို ရာဇဝတ္မႈေတြ လိုက္ေအာင္လုပ္ေနတဲ့သူေတြပဲ။ စကားမစပ္၊ ဂ်ိဳးဘိုင္ဒင္ကို စာ႐ြက္စာတမ္းကိစၥႏွင့္ ပတ္သက္၍ အျပစ္ရွိေၾကာင္း ေတြ႕ခဲ့တယ္ဆို။ ငါ့တုန္းက အဲ့လို အမႈမွာ ဘာျဖစ္သြားတာလဲ။ ငါ့ကို တရားစြဲဆိုတယ္ဆိုတာ ေ႐ြးေကာက္ပြဲမွာ သူတို႔ အႏိုင္ရဖို႔ အသုံးခ်ခဲ့ၾကတာျဖစ္တယ္။

ABC ေမး ။ ကင္မလာ အေနနဲ႔ ထရမ့္ေျပာတဲ့ လက္နက္သုံးတယ္ ဆိုတဲ့ ကိစၥကို ေျပာပါဉီး။
ကင္မလာ ။ ထရမ့္ သမၼတ အျဖစ္ ထပ္ၿပီးအေ႐ြးခံရမယ္ဆိုရင္ အက်င့္ပ်က္ျခစားမႈမွ ကင္းစင္သြားမည္ျဖစ္ေၾကာင္း အေမရိကန္ျပည္ေထာင္စု တရား႐ုံးခ်ဳပ္က မၾကာေသးမီက ဆုံးျဖတ္ခဲ့ပါတယ္။ သူဟာ အေမရိကန္ျပည္ေထာင္စုရဲ႕ ဖြဲ႕စည္းပုံအေျခခံဥပေဒကို ရပ္စဲမယ္လို႔ ေျပာထားသူတဉီးပါ။ သူသာလွ်င္ တရားေရးဌာန ကို လက္နက္လို ကိုင္သုံးမယ့္သူျဖစ္ပါတယ္။ သူ႔ကို တားဖို႔က အေမရိကန္ျပည္သူေတြ အေပၚမွာ မူတည္တယ္။
ထရမ့္ ။ လက္နက္ကိုင္စြဲထားတာ သူတို႔ပါ။ ငါ မဟုတ္ပါဘူး။ ငါက ဒီမိုကေရစီအတြက္ ၿခိမ္းေျခာက္မႈ ျဖစ္တယ္ ဆိုၿပီးေျပာတယ္။ ႐ုရွားနဲ႔ ဆက္စပ္တယ္ဆိုၿပီး စစ္ေဆးၾကတယ္။ ခုေရာ အဲဒီစစ္ေဆးမႈက ဘယ္မွာလဲ။

ABC ေမး ။ ကင္မလာ အေနနဲ႔ ေ႐ြးေကာက္ပြဲကို ဝင္တယ္ဆိုတာ ဖ႐ိုဖရဲျဖစ္တာကိုတားျမစ္ခ်င္လို႔ဆိုၿပီး ေျပာခဲ့ပါတယ္။ fracking ျပဳလုပ္ျခင္းကို ပိတ္ပင္မယ္ေျပာတယ္။ ခုက်ေတာ့ ေဒသႏၲရ အစိုးရေတြ ရဲ႕ လက္နက္ဝယ္ယူမယ့္အစီအစဥ္လုပ္မယ္ေျပာတယ္။ နယ္စပ္ျဖတ္ေက်ာ္သူမ်ားကို ခြဲျခားဆက္ဆံျခင္း ကို ေထာက္ခံတယ္။ မင္းက မေျပာင္းလဲဘူး သာ ေျပာေနတာ ဘာလို႔ မင္းရဲ႕ ရပ္တည္ခ်က္ ေတာ္ေတာ္မ်ားမ်ားက ဘာလို႔ ေျပာင္းသြားတာလဲ။ (fracking ဆိုသည္မွာ ေက်ာက္လႊာမ်ားထဲသို႔ ဓါတုရည္ ထိုးသြင္း၍ ေရနံမ်ား၊ သဘာဝဓါတ္ေငြ႕မ်ား ပိုမိုထြက္ရွိေအာင္ ေက်ာက္လႊာမ်ားကို ခ်ိဳးဖဲ့၍ လမ္းေၾကာင္းခ်ဲ႕ျခင္းျဖစ္ၿပီး ထိုလုပ္ရပ္ေၾကာင့္ ငလ်င္မ်ား၊ ေျမကြၽံက်မႈမ်ားျဖစ္ႏိုင္သည္။)
ကင္မလာ ။ ငါ့ရပ္တည္ခ်က္က မေျပာင္းလဲပါဘူး။ ဒါေပမယ့္ fracking ျပဳလုပ္ျခင္းကို ခြင့္ျပဳမွာျဖစ္တယ္ ဘာလို႔လဲဆိုေတာ့ ႏိုင္ငံျခားေရနံအေပၚ မွီခိုအားထားမႈကို ေလွ်ာ့ခ်ဖို႔ပါပဲ။ ငါဟာ ဆယ္ေက်ာ္သက္အ႐ြယ္ေလးနဲ႔ အိမ္ဝယ္ႏိုင္ခဲ့တဲ့ လူလတ္တန္းစားမိခင္ ၁ ဉီးရဲ႕ ကေလးတေယာက္အျဖစ္ ႀကီးျပင္းခဲ့တာပါ။ ငါက ထရမ့္လို အိမ္ပိုင္ဆိုင္ျခင္းရဲ႕ အေရးပါမႈကို မသိဘဲ အိမ္ပိုင္ခ်င္သူေတြရဲ႕ သန္း ၄၀၀ကို ယူၿပီး ၆ ႀကိမ္တိုင္တိုင္ ေဒဝါလီခံလိုက္သူမဟုတ္ပါဘူး။ ငါ့ရဲ႕ ပထမသက္တမ္းမွာ အိမ္ရာ ၃ သန္း တိုးလာဖို႔ ပုဂၢလိကအိမ္ေဆာက္သူေတြနဲ႔ လက္တြဲေဆာင္႐ြက္သြားမွာျဖစ္ပါတယ္။ ငါ့ရဲ႕ အာ႐ုံစိုက္မႈဟာ အမ်ိဳးသမီးေတြနဲ႔ ကေလးေတြကို အၾကမ္းဖက္ရာဇ၀တ္မႈကေန ကာကြယ္ဖို႔ ျဖစ္တယ္။ လူမႈဖူလုံေရး ႏွင့္ Medicare တို႔နဲ ပတ္သတ္တာေတြကိုေတာ့ ငါ ကာလၾကာရွည္ လုပ္ေဆာင္ခဲ့ေသာ အလုပ္ေတြကို ၾကည့္တာနဲ႔သိႏိုင္ပါတယ္။ သက္ႀကီး႐ြယ္အိုေတြကို လိမ္လည္လွည့္ဖ်ားခံရျခင္းမွ ကာကြယ္မွာျဖစ္တယ္။ စစ္မွန္တဲ့ေခါင္းေဆာင္ဆိုတာ လူေတြကိုႏွိမ့္ခ်တာမဟုတ္ဘဲ ျမႇင့္တင္တာသာျဖစ္တယ္။ ငါက ဒီလိုသမၼတျဖစ္ဖို႔ ရည္႐ြယ္ထားပါတယ္။
ထရမ့္ ။ ငါ သန္း ၄၀၀ မရပါဘူး။ ငါ့ အေဖက ဘ႐ြတ္ကလင္းက ေဆာက္လုပ္ေရးသမား။ အေမက ဘ႐ြတ္ကလင္းက ဘုရင္မ။ ငါ့အေဖဆီကေန အမ်ားႀကီးသင္ယူခဲ့ၿပီး ငါ ေဒၚလာ ဘီလ်ံခ်ီတဲ့ အိမ္ေတြအမ်ားႀကီး ေဆာက္ခဲ့ပါတယ္။ လူေတြေတာင္ အံ့ဩၾကပါတယ္။ Fracking နဲ႔ ပတ္သတ္ၿပီး ကင္မလာ က ၁၂ ႏွစ္ တိတိ ဆန႔္က်င္ခဲ့ပါတယ္။ ရဲေတြကို ေထာက္ပံ့ေၾကးေလွ်ာ့ဖို႔ လုပ္တုန္းကလည္း ကင္မလာက ဆန႔္က်င္ပါေသးတယ္။ ခုက်ေတာ့ ရဲေတြကို ေထာက္ပံ့ေၾကးအႀကီးမားဆုံး ေလွ်ာ့ခ်ေနပါတယ္။ သူ႔မူဝါဒ ထဲက ၁၂ ခ်က္၊ ၁၄ ၊ ၁၅ ခ်က္ေလာက္ကို စြန႔္လႊတ္ခဲ့ပါတယ္။
ကင္မလာ ။ အဲ့တာ မဟုတ္ဘူး။ မညာပါနဲ႔။
ထရမ့္ ။ Minnesota ကို မွတ္မိေသးလား။ ရဲေတြကို ေထာက္ပံ့ေၾကး ေလွ်ာ့ခ်ၿပီး မင္းထြက္သြားတယ္ေလ။ အဲ့ လူသတ္သမားေတြက လူသတ္ မီးရႈိ႕ၿပီး ေထာင္က်ေတာ့ အဲ့လူေတြ ေထာင္ကလြတ္ေအာင္ မင္းက ပိုက္ဆံေတာင္ စုေဆာင္းေသးတယ္မလား။ ခုလည္း ေထာင္ထဲမွာ က်ေနတဲ့ ၿဂိဳလ္သားေတြ (ခိုးဝင္) ေတြကို လိင္ေျပာင္းလဲဖို႔ အတြက္ႀကိဳးစားေပးေနတယ္ေလ။ မင္းက လက္ဝဲစြန္းေရာက္လြန္းေနၿပီ။ လစ္ဘရယ္အရမ္းဆန္ေနၿပီ။ သူမ က ရဲေတြရဲ႕ ေသနတ္ေတြကို သိမ္းခ်င္ေနတာျဖစ္ၿပီးေတာ့ Pennsylvania မွာလည္း ဘယ္ေတာ့မွ fracking ကို ခြင့္ျပဳမွာ မဟုတ္ဘူး။ သူမ ဒီေန႔ ေ႐ြးေကာက္ပြဲႏိုင္တာနဲ႔ Pennsylvania မွာ fracking လုပ္ခြင့္ ပိတ္သြားမွာပဲ။ ေရနံတူးသမားေတြကလည္း ေရနံလုပ္ငန္းကို လုပ္ခ်င္ၾကတယ္။ ခုက်ေတာ့ ေရနံလုပ္ငန္းေတြကို သိမ္းတယ္။ စင္ေတြကို ျဖဳတ္တယ္။ ခု ေရနံေဈးေတြ ဂက္စ္ေဈးေတြ တက္ေနတာၾကည့္ေလ။ ဒါေၾကာင့္ ငါက ျပန္တူးဖို႔ ကိုေျပာတာပဲ။ ငါက ေလစြမ္းအင္၊ ေနေရာင္ျခည္စြမ္းအင္ ကို ျပန္သြားမွာပါ။ ငါက ေနေရာင္ျခည္စြမ္းအင္ကို အမာခံေထာက္ခံသူပါ။ ဒါေပမယ့္ သူတို႔က ဧက ၄၀၀၊ ၅၀၀ ေပၚမွာ ေနရာယူတယ္။ အဲ့လို ေနရာယူတာဟာလည္း ပတ္ဝန္းက်င္အတြက္ ေကာင္းတဲ့အရာမဟုတ္ဘူးဆိုတာ ကင္မလာ သိပါတယ္။

ABC ေမး ။ ေ႐ြးေကာက္ပြဲအတြက္ ၅၆ ရက္ပဲ က်န္ပါေတာ့တယ္။ ၿငိမ္းခ်မ္းစြာ အာဏာလႊဲေျပာင္းေရးအေၾကာင္း ေျပာခ်င္ပါတယ္၊ ၂၀၂၁ ခုႏွစ္ ဇန္နဝါရီလ ၆ ရက္ေန႔မွာ မင္းရဲ႕ ေထာက္ခံသူေတြက Capitol ကိုခ်ီတက္ခဲ့တာရွိတယ္။ မင္းက ေထာက္ခံသူမ်ားကို အိမ္ျပန္ရန္ ေျပာတဲ့ ဗီဒီယိုဟာ ျဖစ္စဥ္ျဖစ္ၿပီး ၂ နာရီေက်ာ္ၾကာမွ Twitter ေပၚေရာက္ခဲ့ပါတယ္။ အဲဒီေန႔မွာ မင္းလုပ္ခဲ့တဲ့အတြက္ ေနာင္တရစရာ တစ္ခုခုရွိလား။
ထရမ့္ ။ အဲ့ေန႔က ခ်ီတက္ပြဲမွာ တားဆီသူေတြ ဘက္က ဘယ္သူမ်ားထိခိုက္ဒဏ္ရာရလဲ။ မ်ိဳးခ်စ္စိတ္နဲ႔ ခ်ီတက္သူေတြထဲက Ashli Babbitt ဆိုတဲ့ အမ်ိဳးသမီးကေတာ့ ရဲတပ္ဖြဲ႕ရဲ႕ ပစ္ခတ္မႈေၾကာင့္ ေသဆုံးခဲ့ရတယ္။ ဒါေပမယ့္ ခ်ီတက္သူေတြက လက္တုံ႔မျပန္ခဲ့ဘူး။ ငါေမးမယ္၊ ငါတို႔တိုင္းျပည္ထဲ ဝင္လာၿပီး လူသတ္ေနၾကတဲ့လူေတြကိုက်ေတာ့ ရဲတပ္ဖြဲ႕က ဘာလို႔မပစ္တာလဲ။ ကင္မလာက နယ္ျခားေစာင့္ ဇာဘုရင္ ပဲ။ (ဇာဘုရင္သည္ ႐ုရွားႏိုင္ငံကို ဖ်က္ဆီးသည့္ဘုရင္ ဟူေသာ ဗန္းစကားျဖစ္သည္။) အဲ့ခိုးဝင္ေတြကို ဘာလုပ္မွာလဲ။ အဲဒီလူေတြကို ဘယ္အခ်ိန္မွာ တရားစြဲမလဲ။ Minneapolis ကို မီးရႈိ႕ခဲ့တဲ့ လူေတြကို ဘယ္အခ်ိန္မွာ တရားစြဲခံရမွာလဲ။ Seattle ၿမိဳ႕ကို အုပ္စိုးေနတဲ့ အဲ့လူေတြကို ဘယ္ေတာ့ တရားစြဲမလဲ။ အဲ့တာကို ကင္မလာ ကိုေမးလိုက္ပါ။

ABC ေမး ။ အဲဒီေန႔မွာ မင္းလုပ္ခဲ့တဲ့အတြက္ ေနာင္တရလား မရဘူးလားပဲ ေျဖေပးပါ။
ထရမ့္ ။ အဲ့ေန႔က ခ်ီတက္လာသူေတြဟာ ငါမိန႔္ခြန္းကို နားေထာင္ဖို႔ လာတဲ့သူေတြျဖစ္တယ္။ ငါ Nancy Pelosi နဲ႔ Washington, D.C. ၿမိဳ႕ေတာ္ဝန္ဆီသြားၿပီး မင္းတို႔သိတဲ့အတိုင္း စာေရးေပးခဲ့တယ္။ သူတို႔လုံၿခဳံေရး အတြက္ စစ္သား ၁ေသာင္းေပးမယ္လို႔ ငါေျပာခဲ့တယ္။ သူတို႔က ျငင္းပယ္တယ္။ Nancy Pelosi က ျငင္းပယ္ခဲ့တယ္။ Nancy Pelosi သမီးကိုယ္တိုင္ သူ႔အေမ မွာ တာဝန္ရွိတယ္ ဆိုၿပီး ေျပာထားတဲ့ ႐ုပ္သံတခု ရွိတယ္။ အဲ့႐ုပ္သံကို Nancy Pelosi ႏွင့္ Washington ၿမိဳ႕ေတာ္ဝန္တို႔က ေဖ်ာက္ဖ်က္ခ်င္ၾကတယ္။ Nancy Pelosi က တာဝန္ရွိသူပါ။
ကင္မလာ ။ ဇန္န၀ါရီလ ၆ ရက္ေန႔ ကက္ပီတိုလ္မွာ ကြၽန္မ ေရာက္ေနခဲ့ပါတယ္။ ကြၽန္ေတာ္က ဒုတိယသမၼတအျဖစ္ ေ႐ြးခ်ယ္ခံထားရပါတယ္။ အဲဒီေန႔မွာပဲ ဥပေဒအရာရွိ ၁၄၀ ဒဏ္ရာရခဲ့ပါတယ္။ အခ်ိဳ႕လည္း ေသကုန္၏။ ဒီအတြက္ေၾကာင့္လည္း ထရမ့္ကို စြဲခ်က္တင္ခဲ့ပါတယ္။ အဲ့ေန႔က ထရမ့္က ဂုဏ္ယူရတဲ့ လူငယ္တို႔ေရ ေနာက္ကို ျပန္ဆုတ္၍ အသင့္ေနပါ လို႔ ေျပာခဲ့ပါတယ္။ ဒီလိုအျဖစ္အပ်က္မ်ိဳးကို ျပန္မသြားခ်င္ပါဘူး။ ဒီလိုပရမ္းပတာမႈေတြကို အဆုံးသတ္ရပါမယ္။ ဒီေ႐ြးေကာက္ပြဲရဲ႕ ရလဒ္က သူ႔ျဖစ္ခ်င္သလို မျဖစ္လာဘူးဆိုရင္ ဒီေ႐ြးေကာက္ပြဲမွာ ေသြးထြက္သံယိုျဖစ္လိမ့္မယ္လို႔ သမၼတေလာင္း Donald Trump က ေျပာခဲ့ၿပီးပါၿပီ။ အတိတ္ကို ေနာက္ျပန္မဆုတ္ဘဲ အနာဂတ္အတြက္ လမ္းေၾကာင္းကို ဇယားဆြဲၾကပါစို႔။
ထရမ့္ ။ ငါကေတာ့ အဲ့တာကို ေသြးကန္ထဲမွာ ဇိမ္နဲ႔ ေရစိမ္ခ်ိဳးတဲ့ အလုပ္မ်ိဳးလို႔ ဆိုခ်င္ပါတယ္။ (အာဏာရဖို႔ ခ်နင္းသည္ဟုဆိုလိုသည္။) Laura Ingraham၊ Sean Hannity၊ Jesse - ဒီလူေတြအားလုံးက အဲဒါကို ဖုံးကြယ္ထားၾကတယ္။ ခုခ်ိန္ထိ Capitol ကိစၥကို ေျပာေနၾကဆဲပါ။ ဘာေၾကာင့္ ဒီသန္းခ်ီတဲ့လူေတြကို ေတာင္ပိုင္းနယ္စပ္ကို ျဖတ္လာခြင့္ ေပးတာလဲ။ ငါတို႔ႏွစ္ေယာက္လုံး ဒီစကားစစ္ထိုးပြဲကို အခုခ်က္ခ်င္း ထြက္သြားေတာ့မယ္လို႔ ငါေျပာမယ္၊ ဒီစကားစစ္ထိုးပြဲမွာ ငါတို႔ အခ်ိန္အမ်ားႀကီးကုန္ေနလို႔ ။ သူမ ဟာ စိတ္ပ်က္စရာေကာင္းပါတယ္။ သူမကို ခုခ်က္ခ်င္း ဝါရွင္တန္ဒီစီကိုသြားခိုင္းၿပီး နယ္စပ္ကိုပိတ္ဖို႔ ဥပေဒၾကမ္းကို လက္မွတ္ထိုးခိုင္းပါ။ ဘာျဖစ္လို႔လဲဆိုေတာ့ သူတို႔မွာ လုပ္ပိုင္ခြင့္ရွိတယ္။ အဲ့လို နယ္စပ္ကို ပိတ္ဖို႔ အတြက္ ဥပေဒၾကမ္း မလိုပါဘူး။ အိပ္ေနတဲ့ သမၼတကိုႏႈိးလိုက္ပါ။ ၿပီးရင္ ႐ုံးကို သြားၿပီး လက္မွတ္ထိုးရေအာင္လို႔ ေျပာလိုက္ပါ။ အဲဒီလိုလုပ္လိုက္ရင္ကို နယ္စပ္က ပိတ္ပါတယ္။

ABC ေမး ။ ထရမ့္ေရ မင္းကေတာ့ ၂၀၂၀ ေ႐ြးေကာက္ပြဲမွာ ရႈံးၿပီး ၃ ႏွစ္ခြဲၾကာတာေတာင္ အဲ့ေ႐ြးေကာက္ပြဲမွာ မင္းအႏိုင္ရတယ္လို႔ ထပ္ခါတလဲလဲ ဘာလို႔ေျပာေနတာလဲ။ ၿပီးခဲတဲ့ သတင္းပတ္ေတြမွာေတာ့ မင္းက မဲ အနည္းငယ္နဲ ပဲရႈံးခဲ့တယ္လို႔ ေျပာျပန္တယ္။ ခုေတာ့ ၂၀၂၀ မွာ က်ရႈံးခဲ့တာကို လက္ခံၿပီလား။
ထရမ့္ ။ လက္မခံပါဘူး။ အဲ့တာ႐ြဲ႕ၿပီး ေျပာတာ။ (That was said sarcastically.) သက္ေသေတြအမ်ားႀကီးရွိတယ္။ မင္းလုပ္ရမွာက အဲဒါကိုၾကည့္။ အဲဒါကို လႊတ္ေတာ္ေတြဆီ ျပန္ပို႔ၿပီး အတည္ျပဳရမယ္။ ငါေထာက္ခံမဲ ၇၅ သန္းနီးပါး ရခဲ့တယ္။ ေ႐ြးေကာက္ပြဲဆိုတာ မသမာတဲ့ ေ႐ြးေကာက္ပြဲလို႔ ျပည္သူေတြကို မေတြးေစသင့္ဘူး၊ ငါတို႔ရဲ႕ ေ႐ြးေကာက္ပြဲေတြက မေကာင္းဘူး။ ဘိုင္ဒန္တို႔က ဒီတရားမဝင္ ေ႐ႊ႕ေျပာင္းေနထိုင္သူ အမ်ားအျပားက သူတို႔ကို မဲေပးေအာင္ ႀကိဳးပမ္းေနၾကတာပါ။ အဂၤလိပ္လိုေတာင္ မေျပာတတ္ၾကပါဘူး။ လက္ေတြ႕မွာ ဘယ္ႏိုင္ငံေရာက္ေနမွန္းေတာင္ မသိပါဘူး။ ဒါေၾကာင့္မို႔လို႔ သူတို႔က ငါတို႔ႏိုင္ငံထဲကို လာခြင့္ေပးတာ။

ABC ေမး ။ ငါ အဲ့ဒီ ဗီဒီယိုအပိုင္းေတြအားလုံးကို ၾကည့္ဖူးတယ္။ မဲ့ နည္းနည္းေလးနဲ႔ ကပ္ရႈံးသြားတယ္ဆိုတာ မေတြ႕မိပါဘူး၊ အဲဒါကို ရွင္းရွင္းေလးပဲ ေထာက္ျပသင့္ပါတယ္၊ မင္းနဲ႔ မင္းအေပါင္းအပါေတြဟာ တရားသူႀကီးေတြ ေရွ႕မွာ အမႈေပါင္း ၆၀ ရွိပါတယ္။ တရားသူႀကီးေတြကလည္း မဲမသမာမႈမရွိပါဘူး လို႔ဆိုပါတယ္။
ထရမ့္ ။ ဘယ္တရားသူႀကီးမွ မၾကည့္ၾကဘူး။ တရားသူႀကီးေတြက ဘက္လိုက္မႈ မရွိဘူးလို႔ သူတို႔ကိုယ္သူတို႔ေျပာပါတယ္။ ေ႐ြးေကာက္ပြဲကေရာ ဂုဏ္သိကၡာမရွိဘူးလား။ သမၼတ ၁ ေယာက္ကေရာ ဩဇာအာဏာ မရွိေတာ့ဘူးလား။ ဒါေၾကာင့္ ငါတို႔ ရႈံးတယ္။ မင္းကို Georgia ျပမယ္။ Wisconsin ျပမယ္။ Pennsylvania ျပမယ္။ ငါမွာ အခ်က္အလက္ေတြ နဲ႔ စာရင္းဇယားေတြ အမ်ားႀကီးရွိတယ္။ ဒါေပမယ့္ မင္းသိလား? အဲဒါက အေရးမႀကီးေတာ့ဘူး။ ဒါ သတင္းေဟာင္းပဲ။ ဘာျဖစ္လို႔လဲဆိုေတာ့ အခုျဖစ္ေနတဲ့ ျပႆနာကို ေျဖရွင္းရမယ္။ ငါတို႔တိုင္းျပည္က နိမ့္က်ၿပီး ေသလုေမ်ာပါးျဖစ္ေနၿပိ။
ကင္မလာ ။ ထရမ့္က လူ ၈၁ သန္းကို အလုပ္လက္မဲ့ျဖစ္ေအာင္လုပ္ခဲ့ပါတယ္။ ငါ ဒုတိယသမၼတ အေနနဲ႔ အျခားႏိုင္ငံေတြကို ခရီးသြားတဲ့အခါ အျခားႏိုင္ငံကေခါင္းေဆာင္ေတြက ထရမ့္ကို ရယ္သြမ္းၾကပါတယ္။ သူနဲံတြဲလုပ္ဖူးတဲ့ အေမရိကန္စစ္ဗိုလ္ခ်ဳပ္ေတြဆိုရင္ သူ႔အေၾကာင္းကို ရွက္ဖြယ္လိလိ ကို ေျပာျပတာပါ။ မင္းရဲ႕ ခံယူခ်က္ နဲ အမွန္တရားနဲ႔ကို မေရာေထြးပါနဲ႔။ (အရႈံးကိုလက္ခံပါ) အေမရိကန္လူမ်ိဳးေတြဟာ မင္းထက္ေကာင္းတဲ့ သမၼတနဲ႔ထိုက္တန္ပါတယ္။
ထရမ့္ ။ ကမာၻေခါင္းေဆာင္ေတြဆိုလို႔ ဟန္ေဂရီဝန္ႀကီးခ်ဳပ္ Viktor Orban အေၾကာင္းေျပာရဉီးမယ္။ သူက မာေက်ာသန္မာတဲ့သူပဲ။ လြန္ခဲ့တဲ့ ၃ႏွစ္ခြဲက သူက ဒီလိုမဟုတ္ဘူး။ ခုမွ ဘာလို႔ လက္ယာယိမ္း မာေက်ာလာတာလဲ။ သူအၿမဲေျပာတဲ့စကားရွိတယ္။ ထရမ့္ သမၼတ ျပန္ျဖစ္ဖို႔လိုတယ္။ သူ႔ကို တ႐ုတ္ကေၾကာက္တယ္။ ေျမာက္ကိုရီးယားကေၾကာက္တယ္။ ႐ုရွားကေၾကာက္တယ္။ ႐ုရွားကေန ဂ်ာမဏီ ကို ခ်ိတ္ဆက္မယ့္ Nord Stream 2 pipeline ကို ငါပိတ္လိုက္တယ္။ ကေနဒါကေန အေမရိကန္ကို ခ်ိတ္ဆက္တဲ့ Keystone Pipeline ကို ငါဖြင့္ေပးခဲ့တယ္။ ဘိုင္ဒန္က ေျပာင္းျပန္လုပ္တယ္။ Nord Stream 2 pipelineကို ဖြင့္ၿပီး Keystone Pipeline ကိုပိတ္တယ္။ သူက ႐ုရွားေတြကို ဂ်ာမဏီက ျဖတ္ၿပီး ဥေရာပတခြင္ကို ေရနံေရာင္းဖို႔ ခြင့္ျပဳထားတယ္။ လြန္ခဲ့တဲံ လအနည္းငယ္က ငါနဲ႔ စကားစစ္ထိုးခဲ့တဲ့ ဘိုင္ဒန္ကို မွတ္မိလား။ သနားစရာေကာင္းတဲ့ အားနည္းတဲ့သူေလ။ သူက ေထာက္ခံမဲ ၁၄ သန္း ရတာေတာင္ သမၼတေလာင္း ေ႐ြးခ်ယ္ပြဲကေန ႏႈတ္ထြက္လိုက္ရတယ္။ ကင္မလာေရ မင္း အခု ဒီမိုကေရစီကို ၿခိမ္းေျခာက္တဲ့အေၾကာင္း ေျပာေနတာမလား။ ဘာလို႔ မဲ ၁၄ သန္းေတာင္ ရတာေတာင္ သမၼတေလာင္းအျဖစ္က ထုတ္လိုက္တာလဲ။ မင္းကိုလွ်ိဳ႕ဝွက္ခ်က္ ၁ ခုေျပာျပမယ္။ ဘိုင္ဒန္က မင္းကို မုန္းတယ္။ မင္းကိုေထာက္ခံမွာမဟုတ္ဘူး။ ကင္မလာ က မဲ ၁ မဲမွ မရဘဲနဲ႔ သမၼတေလာင္းျဖစ္လာတယ္။ အဲ့တာဘာလို႔လဲ ကြၽန္ေတာ္ေတာ့ နားမလည္ဘူး။ ဘယ္သူပဲျဖစ္ျဖစ္ ကြၽန္ေတာ္ကေတာ့ အဆင္ေျပပါတယ္။ ေကာင္းေကာင္းလုပ္ႏိုင္မယ္လို႔ထင္ပါတယ္။

ABC ေမး။ အခု အစၥေရး-ဟားမတ္စ္စစ္ပြဲ မွာ ဖမ္းဆီးခံထားရတဲ့ ဓါးစားခံေတြထဲမွာ အေမရိကန္ဂ်ဴးေတြပါတယ္။ ကင္မလာေရ… မင္းက အစၥေရးမွာ သူ႔ကိုယ္သူခုခံပိုင္ခြင့္ရွိတယ္လို႔ ေျပာခဲ့တယ္ေနာ္။ အစၥေရးကို ႏိုင္ငံတကာ လူသားခ်င္း စာနာေထာက္ထားမႈ ဥပေဒကို ေလးစားရမည္ လို႔လည္း ေျပာခဲ့တယ္ေနာ္။ မင္းေျပာခဲ့တာ ၉ လေလာက္ရွိၿပီ။ အခုဆို ပါလက္စတိုင္း ၄၀,၀၀၀ ေလာက္ ေသသြားၿပီ။ ဓားစာခံကလည္း ၁၀၀ နီးပါး က်န္ရွိေနေသးတယ္။ အစၥေရးဝန္ႀကီးခ်ဳပ္ေနတန္ယာဟုကလည္း မရပ္တန႔္ေသးဘူး။ ဘိုင္ဒန္ကလည္းမရပ္တန႔္ႏိုင္ေသးဘူး။ မင္းဘယ္လိုလုပ္မွာလဲ။
ကင္မလာ ။ ဒီအေျခအေနထိ ဘာလို႔ျဖစ္လာလဲဆိုတာ ငါတို႔အရင္ေတြးၾကည့္ရေအာင္။ ‌ ေအာက္တိုဘာ ၇ ရက္က အၾကမ္းဖက္အဖြဲ႕ျဖစ္သည့္ ဟားမတ္စ္က အစၥေရးႏိုင္ငံသား ၁၂၀၀ ကို သတ္ျဖတ္ခဲ့တယ္။ လူငယ္ေတြလည္း ပါတယ္။ အမ်ိဳးသမီးေတြဆို မုဒိမ္းက်င့္ခံရတယ္။ ဒါေၾကာင့္ ငါေျပာတာက အစၥေရးမွာ သူ႔ကိုယ္သူ ကာကြယ္ပိုင္ခြင့္ရွိတယ္။ ပါလက္စတိုင္းဘက္မွာလည္း ကေလးငယ္ေတြ၊ မိခင္ေတြ ေျမာက္မ်ားစြာ အသတ္ခံခဲ့ရတယ္။ ဒါေၾကာင့္ ဒီစစ္ပြဲကို ခ်က္ခ်င္း အဆုံးသတ္ဖို႔က အေရးႀကီးဆုံးပဲ။ အဆုံးသတ္ရမယ့္နည္းလမ္းက အပစ္အခတ္ရပ္စဲဖို႔ သေဘာတူညီခ်က္လုပ္ၿပီး ဓားစာခံေတြကို လဲလွယ္ဖို႔ လိုပါတယ္။ ၂ ႏိုင္ငံအၾကားေျဖရွင္းဖို႔လိုပါတယ္။ အစၥေရး နဲ႔ ပါလက္စတိုင္းအၾကားတူညီတဲ့ လုံၿခဳံေရးဆိုင္ရာ အေျခအေနေရာက္ေအာင္ ေျဖရွင္းဖို႔လိုပါတယ္။ ဒါေပမယ့္ ငါကေတာ့ အီရန္နဲ႔ ဆက္ႏြယ္ေနတဲ့ အၾကမ္းဖက္ေတြရဲ႕ အစၥေရးအေပၚ ၿခိမ္းေျခာက္မႈ မွန္သမွ်မွာေတာ့ အစၥေရးရဲ႕ သူ႔ကိုယ္သူ ခုခံကာကြယ္မႈကို လက္ခံပါတယ္။ ဒါေပမယ့္ ဂါဇာမွာရွိတဲ့ ပါလက္စတိုင္းေတြရဲ႕ လုံၿခဳံေရး၊ ကိုယ္ပိုင္ျပ႒ာန္းခြင့္နဲ႔ ဂုဏ္သိကၡာအတြက္ ပါလက္စတိုင္းႏိုင္ငံ ထူေထာင္ခြင့္ပါတဲ့ ေျဖရွင္းခ်က္ေတာ့ ငါတို႔မွာရွိပါတယ္။
ထရမ့္ ။ ငါသာ သမၼတ ဆက္ျဖစ္ခဲ့ရင္ အဲ့စစ္ပြဲက ဘယ္ေတာ့မွ ရွိလာခဲ့မွာမဟုတ္ဘူး။ ငါ့ရဲ႕ ၄ ႏွစ္တာ ကာလလုံး ပူတင္ကလည္း ၿခိမ္းေျခာက္မႈမရွိခဲ့ဘူး။ ခုေတာ့ သူက ယူကရိန္းကို သြားၿပီး လူ သန္းေပါင္းမ်ားစြာကို သတ္ေနၿပီ။ ကင္မလာ က ေနတန္ယာဟု ကို မုန္းတယ္။ ေနတန္ယာဟု က အေမရိကန္ကိုလာၿပီး ကြန္ဂရက္မွာ စကားေျပာတုန္းကေတာင္ သူမ နဲ႔ သြားမေတြ႕ခဲ့ဘူး။ ကင္မလာ သာသမၼတျဖစ္လာရင္ အစၥေရးႏိုင္ငံ တည္ရွိေတာ့မွာ မဟုတ္လို႔ ငါယုံတယ္။ သူမ က အစၥေရးကို မုန္းသလို အာရပ္ေတြကိုလည္း မုန္းေနတာပါပဲ။ ငါ့လက္ထက္မွာ အီရန္က ၿပိဳက်သြားခဲ့တယ္။ ခုဆို အီရန္မွာ ေဒၚလာ ဘီလ်ံ ၃၀၀ ေလာက္ရွိေနၿပီ ဘာလို႔လဲဆိုေတာ့ ငါ့လက္ထက္တုန္းက ခ်ခဲ့တဲ့ ပိတ္ဆို႔မႈေတြကို ဘိုင္ဒန္တို႔က ဖယ္ရွားလိုက္လို႔ပဲ။ ငါ အီရန္ကိုပိတ္ဆို႔ခဲ့လို႔ ဟားမက္တို႔၊ ဟစၥဘိုလာတို႔ စတဲ့ အၾကမ္းဖက္ အဖြဲ႕ ၂၈ ဖြဲ႕ ေလာက္ ကို ေထာက္ပံ့ဖို႔ ဘာေငြမွမရွိခဲ့ဘူး။ ခုေတာ့ အဲ့အဖြဲ႕ေတြဟာ ေၾကာက္မက္ဖြယ္ေကာင္းေနၿပီ။ ငါသမၼတျဖစ္ရ၍္ ႐ုရွား-ယူကရိန္းစစ္ပြဲ ရပ္ေအာင္အရင္လုပ္မယ္။ ငါ ပူတင္ ကို ေကာင္းေကာင္းသိတယ္။

ABC ေမး ။ ဒုသမၼတ ကင္မလာအဲရစ္ေရ မင္းက အစၥေရးကို မုန္းတယ္ဆို?
ကင္မလာ ။ လုံးဝမဟုတ္ပါဘူး။ ငါ့ဘတ တေလွ်ာက္လုံးမွာ ငါ့ကို ကူညီခဲ့တဲ့ အစၥေရးနဲ႔ အစၥေရးျပည္သူေတြရွိပါတယ္။ ထရမ့္က အာ႐ုံလႊဲဖို႔ႀကိဳးစားေနတာပါ။ သူက အာဏာရွင္ေတြကို ေလးစားတယ္။ အာဏာရွင္ေတြလို ျဖစ္ခ်င္ေနတာပါ။ သူက ပူတင္နဲ႔ေရာ ကင္ဂ်ဳံအန္း နဲ႔ပါ ဖက္လွဲတကင္းအေျခအေနရွိပါတယ္။ ဒီလို အာဏာရွင္ေတြနဲ႔ အေမရိကန္သမၼတ တို႔ဟာ ခ်စ္ၾကည္ရင္းႏွီးေနၿပီဆိုရင္ တခ်ိန္မွာ ဒီလိုသမၼတကလည္း ျပည္သူေတြကို ေခ်ာ့ေမာ့ ႏွစ္သိမ့္ၿပီး အာဏာရွင္ပုံစံ နဲ႔ ခ်ယ္လွယ္ပါလိမ့္မယ္၊ ဒါေၾကာင့္လည္း သူ႔ကို အေမရိကန္တပ္မေတာ္က ေခါင္းေဆာင္ေတြဟာ သူ႔ေၾကာင့္ အရွက္ကြဲရတယ္လို႔ ေျပာၾကတာပါ။
ထရမ့္ ။ ႏိုင္ငံေတာ္လုံၿခဳံေရး အားနည္းေစတာကေတာ့ ႏိုင္ငံေပါင္း ၁၆၈ ႏိုင္ငံက လူေတြကို အေမရိကန္ႏိုင္ငံထဲကို သြင္းေပးတဲ့သူေတြေၾကာင့္ပါ။ ၿပီးခဲ့တဲ့သီတင္းပတ္က ပူတင္က ကင္မလာ ကို ၿပီးေထာက္ခံတယ္၊ အႏိုင္ရမယ္လို႔ ေမွ်ာ္လင့္တယ္လို႔ေျပာခဲ့ေသးတယ္မလား။ ဘာလို႔လဲ။ တျခားႏိုင္ငံေတြက ေခါင္းေဆာင္ေတြက အေမရိကန္မွာ အားနည္းၿပီး အရည္အခ်င္းမရွိတဲ့ေခါင္းေဆာင္ေတြ တက္လာတာကို ျမင္ခ်င္လို႔ေလ။ ကင္မလာ ကိုေမးခြန္း ၁ခု ပဲေမးမယ္။ ဘိုင္ဒန္ က ဘာေၾကာင့္ Keystone ပိုက္လိုင္းကို ပိတ္ၿပီး ႐ုရွားလုပ္ဖူးသမွ်ထဲမွာ အႀကီးဆုံး သေဘာတူညီခ်က္ျဖစ္တဲ့ ဂ်ာမနီနဲ႔ ဥေရာပတခြင္ကို သြားမယ့္ ကမာၻ႔အႀကီးဆုံး ပိုက္လိုင္း Nordstream 2 ကို ဘာေၾကာင့္ အတည္ျပဳတာလဲ။ ဘာလို႔လဲဆိုေတာ့ ဘိုင္ဒန္တို႔က အားနည္းၿပီး ထိေရာက္မႈမရွိလို႔ေလ။ ၿပီးရင္ ေငြေတြလည္းအမ်ားႀကီးေပးရေသးတယ္။

ABC ေမး။ ယူကရိန္းစစ္ပြဲက ခု ၂ ႏွစ္ခြဲ ရွိပါၿပီ။ ဘိုင္ဒန္ကေတာ့ ယူကရိန္း ရဲ႕ အခ်ဳပ္အျခာနဲ႔ ဒီမိုကေရစီကိုကာကြယ္ဖို႔ ရပ္တည္ေနပါတယ္ေျပာပါတယ္။ ထရမ့္ကေရာ ဘယ္လိုအတိအက်လုပ္မွာလဲ။ ယူကရိန္းကို ႏိုင္ေစခ်င္လား။
ထရမ့္ ။ ငါက စစ္ပြဲကို ရပ္ၿပီး အလဟႆဆုံးရႈံးေနတဲ့ သန္းေပါင္းမ်ားစြာေသာအသက္ေတြကိုကယ္မွာပါ။ ဒီစစ္ပြဲထဲမွာ ေဒၚလာ ၂၅၀ ဘီလ်ံ ေတာင္ထည့္ထားၿပီး ဘာအက်ိဳးအျမတ္မႈမရွိတဲ့ကိစၥအေပၚ ဘိုင္ဒန္က ေနတိုးအဖြဲ႕ကို ေမးခြန္းမထုတ္ရဲဘူးေလ။ ငါ့တုန္းက ေနတိုးအဖြဲ႕ကို မင္းတို႔ လည္း ပိုက္ဆံမထည့္ရင္ ငါတို႔မကာကြယ္ႏိုင္ဘူး ေျပာခဲ့တုန္းက အေမရိကန္က ၁၅၀ ဘီလ်ံေလာက္သက္သာသြားတယ္။ ခု ေနတိုးထဲမွဦ အေမရိကန္က ၂၅၀ ကေန ၂၇၅ ဘီလ်ံထိ ထည့္ေပးေနရတယ္။ ဥေရာပႏိုင္ငံေတြက ၁၀၀ကေန ၁၅ ဘီလ်ံ ထိပဲ တိုးလာတယ္။ သူတို႔ကို ညီတူမွ်တူ ထည့္ဖို႔ တိုက္တြန္းရမယ္။ ငါက ဇီလင္စကီး ကိုေရာ ပူတင္ ကိုေရာ ေကာင္းေကာင္းသိတယ္။ ဘိုင္ဒန္ကို ပူတင္က ဖုန္းမေခၚတာ ၂ ႏွစ္ေလာက္ရွိၿပီ။ ယူကရိန္းစစ္ပြဲက တတိယကမာၻစစ္ ထိေတာင္ ဉီးတည္သြားႏိုင္တယ္။ ဒီလို အသုံးမက်တာေၾကာင့္လဲ ဘိုင္ဒန္ကို ဒိမိုကရက္ေတြက ေခြးလို ေမာင္းထုတ္လိုက္တယ္။ သူက ငါတို႔သမၼတမလား။ ငါတို႔မွာ သမၼတရွိေသးတယ္မလား။ ဒီစစ္ပြဲကို ၿပီးဆုံးေအာင္လုပ္ဖို႔က အေမရိကန္အတြက္ အေကာင္းဆုံး အက်ိဳးစီးပြားလို႔ ထင္ပါတယ္။

ABC ေမး။ ကင္မလာကေရာ ယူကရိန္းအတြက္ ဘယ္လိုလုပ္မွာလဲ။
ကင္မလာ ။ ပထမဆုံးအေနနဲ႔ ငါက ဘိုင္ဒန္ကို ၿပိဳင္မွာမဟုတ္ဘူး၊ ဘိုင္ဒန္ကို အတိုက္အခံလုပ္မွာမဟုတ္ပါဘူး၊ ထရမ့္က ယူကရိန္းစစ္ပြဲကို ရပ္လိုက္မယ္လို႔ေျပာတယ္။ ယူကရိန္းမွာ ဘာေတြျဖစ္ေနလဲဆိုတာ ငါတို႔အေမရိကန္ေတြကနားမလည္ႏိုင္ဘူး။ ယူကရိန္းအစိုးရအေပၚ လက္ရွိမွာ ေထာက္လွမ္းေရးဆိုင္ရာ၊ ေလေၾကာင္းရန္ကာကြယ္ေရး၊ ခဲယမ္းမီးေက်ာက္၊ တင့္ကား၊ အေျမာက္ ေတြ ေပးပို႔ၿပီး ကာကြယ္ေပးေနပါတယ္။ ထရမ့္သာ သမၼတဆက္ျဖစ္ေနရင္ ပူတင္ က ယူကရိန္းႏိုင္ငံရဲ႕ ၿမိဳ႕ေတာ္ ကီးယက္ဗ္ မွာ ထိုင္ေနေလာက္ၿပီ။ ပူတင္ရဲ႕ အစီအစဥ္က ယူကရိန္း ကိစၥတခုတည္းမဟုတ္ဘူး။ ဥေရာပရဲ႕ အစျဖစ္တဲ့ ပိုလန္ ကေန ဆက္လက္က်ဴးေက်ာ္ ေနေလာက္ၿပီ။ ေနတိုးနဲ႔ ဥေရာပ ႏိုင္ငံေတြက ထရမ့္ သမၼတဆက္ၿပီးျဖစ္မေနခဲ့တာကိုပဲ ေက်းဇူးတင္ေနၾကပါတယ္။ ပိုလန္ ႏိုင္ငံကို မက်ဴးေက်ာ္ေအာင္ ပူတင္ နဲ႔ ေန႔လည္စာ အတူစားေပမယ့္ဆိုၿပီး Pennsylvania မွာရွိတဲ့ အေမရိကန္ႏိုင္ငံသား ပိုလန္လူမ်ိဳး ၈ သိန္းကို ေျပာခဲ့တဲ့အေၾကာင္းအရာေတြကို ဘာလို႔မေျပာတာလဲ။
ထရမ့္ ။ ပူတင္ က ေမာ္စကို မွာပဲ ထိုင္ေနမွာပါ။ သူ႔မွာ ႏူကလီးယားလက္နက္ရွိတယ္။ ဘယ္သူမွ အဲ့တာကိုမေတြးဘူး။ ေနာက္ဆုံးအေျခအေနမွာ သူအဲ့တာကို ထုတ္သုံးလိမ့္မယ္။ ယူကရိန္းစစ္ပြဲ မတိုင္မီ ၃ ရက္အလိုမွာ ကင္မလာ ကို ဘိုင္ဒင္က ယူကရိန္းကိစၥမွာ ညႇိႏႈိင္းဖို႔ လႊတ္ခဲ့တယ္။ သူမ မလုပ္ႏိုင္ခဲ့ဘူး။ ၃ ရက္အၾကာမွာ ယူကရိန္းစစ္ပြဲျဖစ္ေတာ့တာပဲ။

ABC ေမး ။ ထရမ့္က မင္းကို ပူတင္ နဲ႔ ညႇိႏႈိင္းဖို႔ သြားခဲ့တယ္ေျပာတယ္။ အဲ့တာဟုတ္ပါသလား။
ကင္မလာ ။ စကားစစ္ထိုးပြဲ အစမွာ ေျပာခဲ့တယ္ေလ။ ဒီလူဆီက အလိမ္အညာစကားေတြပဲ ၾကားရမယ္ဆိုတာ။ ငါ ဇီလင္စကီး နဲ႔ ၅ ႀကိမ္ေလာက္ သြားေရာက္ေတြ႕ဆုံဖူးပါတယ္။
ထရမ့္ ။ ေနတိုး အတြင္းေရမႈးခ်ဳပ္ Stoltenberg က ေျပာပါတယ္။ ထရမ့္ တေယာက္ပဲ ေနတိုးအဖြဲ႕ဝင္ႏိုင္ငံေတြကို ထည့္ဝင္ေငြ ပိုထည့္ပို႔ေျပာခဲ့ပါတယ္။ ၿပီးေတာ့ ငါက “ မင္းတို႔ ပိုက္ဆံပိုမထည့္ရင္ ငါ ေနတိုး ကို မကာကြယ္ႏိုင္ဘူး” လို႔ ေျပာခဲ့ပါတယ္။

ABC ေမး ။ ခုေတာ့ အာဖဂန္ကိစၥအေၾကာင္း ေျပာရေအာင္ပါ။ ကင္မလာအေနနဲ႔ အာဖဂန္ကေန အေမရိကန္တပ္ေတြ ဆုတ္ခြာမႈအေပၚ တာဝန္ခံမႈ ရွိမွာလား လို႔ေမးခ်င္ပါတယ္။
ကင္မလာ ။ အာဖဂန္ကေန အေမရိကန္တပ္ေတြ ဆုတ္ခြာဖို႔ ဆုံးျဖတ္တဲ့ ဘိုင္ဒန္ရဲ႕ ဆုံးျဖတ္ခ်က္ကို ငါသေဘာတူခဲ့တယ္။ ငါ့အျပင္ အျခား သမၼတေဟာင္း ၄ဉီးကလည္း သေဘာတူခဲ့ပါတယ္။ ငါတို႔ အေမရိကန္ျပည္သူေတြက အာဖဂန္စစ္ေျမျပင္ရဲ႕ အဆုံးမဲ့စစ္ပြဲ အတြက္ ၁ ရက္ကို ေဒၚလာ သန္း ၃၀၀ ေလာက္ အကုန္ခံေပးဖို႔ မလိုခ်င္ေတာ့လို႔ပါ။ ငါတို႔ လက္ထက္မွာ စစ္ျဖစ္ပြားေနတဲ့ ေဒသမွာ ဘယ္အေမရိကန္စစ္သားတေယာက္ကိုမွ စစ္မႈထမ္းေဆာင္ဖို႔အတြက္ ရွိမေနရပါဘူး။ ကိုယ့္ကိုကိုယ္အေရာင္းသမား လို႔ အမႊန္းတင္ေနတဲ့ ေဒၚနယ္ထရမ့္ က တာလီဘန္ေတြနဲ႔ တိုက္႐ိုက္ ညႇိႏႈိင္းခဲ့ပါတယ္။ တာလီဘန္ ၅ ေထာင္ေလာက္ကို လႊတ္ေပးဖို႔ ညႇိႏႈိင္းခဲ့ပါတယ္။ ၿပီးေတာ့ ငါတို႔အေမရိကန္လူမ်ိဳးေတြ အထြဋ္အျမတ္ထားတဲ့ Camp David လိုေနရာကို တာလီဘန္ ေတြကို ဖိတ္ေခၚခဲ့ပါေသးတယ္။
ထရမ့္ ။ အဲ့ကာလတုန္းက အေမရိကန္စစ္သားေတြကို တာလီဘန္ေတြက စႏိုက္ပါနဲ႔ ပစ္ခတ္သတ္ျဖတ္ေနတာပါ။ ဒါေၾကာင့္ တာလီဘန္ေခါင္းေဆာင္ အဘဒူ Abdul နဲ႔ ငါခ်ိတ္ဆက္ခဲ့တယ္။ ဘာလို႔လဲဆိုေတာ့ အေမရိကန္ေတြက တာလီဘန္ ေတြနဲ႔ ခ်ိတ္ဆက္တဲ့ေနရာမွာ အေရးမပါတဲ့လူေတြနဲ႔ပဲ ခ်ိတ္ဆက္ေနတယ္။ ငါ အဘဒူ ကိုေျပာလိုက္ေတာ့ ။ အဘဒူ မင္း မလုပ္နဲ႔ေတာ့၊ မင္းဆက္လုပ္ရင္ ျပႆနာေတြရွိလာမယ္လို႔ ေျပာခဲ့တယ္။ သူ႔ဆီကိုလည္း သူ႔အိမ္ပုံ ငါပို႔လိုက္တယ္၊ သူက ငါ့ကိုျပန္ေမးတယ္။ ထရမ့္… မင္းဘာလို႔ ငါ့အိမ္ပုံကို ပို႔လိုက္လဲ ဆိုၿပီးေမးပါတယ္။ မင္းစဥ္းစားၾကည့္ေပါ့ လို႔ ငါေျပာလိုက္ပါတယ္။ ငါေစလႊတ္လိုက္တဲ့ Mike Pompeo နဲ႔ ညႇိႏႈိင္းႏိုင္ခဲ့ၿပီး ၁၈ လလုံး အေမရိကန္ ၁ေယာက္မွ အသတ္မခံခဲ့ရပါဘူး။ ကင္မလာ ေျပာတဲ့ အာဖဂန္က ဘာလို႔ ထြက္ခြာရလဲဆိုေတာ့ အေၾကာင္းျပခ်က္ က ေကာင္းပါတယ္။ ဒါေပမယ့္ ငါတို႔ စစ္သား တေယာက္မွ မဆုံးရႈံးသငင့္ဘူး။ ငါတို႔ရဲ႕ ၈၅ ဘီလ်ံတန္တဲ့ စစ္လက္နက္ပစၥည္းေတြ ထားခဲ့ဖို႔မလိုဘူးေလ၊ ဒီလူေတြက အဆိုးဆုံးေတြျဖစ္ၿပီး ႏႈတ္ထြက္သင့္ပါတယ္။

ABC ေမး ။ အခုေတာ့ ႏိုင္ငံတြင္းမွာ ရွိတဲ့ လူမ်ိဳးေရး နဲ႔ ႏိုင္ငံေရးအေၾကာင္း ဆက္ေဆြးေႏြးရေအာင္ပါ။ ကင္မလာ ကေတာ့ သူမက လူမဲ အမ်ိဳးသမီးပါလို႔ ခံယူထားပါတယ္တဲ့။ ကင္မလာရဲ႕ ခံယူခ်က္ေပၚ ဘယ္လို ခ်ိန္ဆ ခ်င္ပါသလဲ။
ထရမ့္ ။ ကြၽန္ေတာ္ကေတာ့ သူအရင္က လူမဲ လို႔မခံယူဘူးဆိုတာ ဖတ္ဖူးသလိုပဲ။ ခုေတာ့လည္း လူမဲ လို႔ဖတ္ရတာပါပဲ။ ဒါက အဆင္ေျပတယ္။ သူ႔အေပၚပဲမူတည္ပါတယ္။
ကင္မလာ ။ အေမရိကန္ျပည္သူေတြကို လူမ်ိဳးေရးခြဲျခားဖို႔ ႀကိဳးပမ္းခဲ့တဲ့ သမၼတျဖစ္ခ်င္သူတေယာက္ရွိေနတာက ဝမ္းနည္းစရာလို႔ထင္ပါတယ္။ ငါတို႔အေမရိကန္ျပည္သူေတြမွာ ကြဲျပားေနတဲ့အရာေတြထက္ တူညီတဲ့အရာေတြပိုမ်ားေနတယ္ဆိုတာ ငါယုံၾကည္ပါတယ္။ ထရမ့္ ဆိုရင္ သူပိုင္တဲ့ ေျမ၊ အေဆာက္အဉီ မွာ လူမဲေတြကို အိမ္ငွားဖို႔ ျငင္းဆန္ ခဲ့လို႔ စုံစမ္းစစ္ေဆးျခင္းေတာင္ ခံခဲ့ရပါေသးတယ္။ Central Park jogger case အမႈတုန္းကလည္း အျပစ္မဲ့တဲ့ လူမည္း ၁ ဉီး နဲ႔ လက္တင္ လူငယ္ ၄ ဉီးကို ေသဒဏ္ေပးဖို႔ ထရမ့္က New York Time သတင္းစာႀကီးမွာ မ်က္ႏွာဖုံးအျပည့္ေဖာ္ျပခဲ့ပါေသးတယ္။ (Central Park jogger case ဆိုသည္မွာ ၁၉၈၉ ခုႏွစ္ ဧၿပီလ ၁၉ ရက္ေန႔ နံနက္ ၉ နာရီတြင္ နယူးေယာက္ၿမိဳ႕ ဗဟိုပန္းၿခံတြင္ အေျပးေလ့က်င့္ေနေသာ အေမရိကန္အမ်ိဳးသမီး trisha meili ကို အေမရိကန္လူငယ္ ၄ ဉီးက မုဒိမ္းက်င့္၍ ႐ိုက္ႏွက္ၿပီး ထားခဲ့ေသာ္လည္း မူလအစတြင္ လူမဲ ႏွင့္ အျခားလက္တင္ လူငယ္မ်ားမွ က်ဳးလြန္သည္ဟု မွားယြင္းစြပ္စြဲခဲ့သည့္ အမႈျဖစ္သည္။) သမၼတေဟာင္း အိုဘားမား ကိုလည္း အလိမ္အညာေမြးဖြားသူဆိုၿပီး သတင္းျဖန႔္ခဲ့တာရွိပါတယ္။ ငါတို႔အေမရိကန္ေတြမွာ အသားအေရာင္နဲ႔ ဘာသာစကား ဘယ္လိုပဲကြဲျပားပါေစ တူညီတဲ့ အိပ္မက္ေတြ ေမွ်ာ္မွန္းခ်က္ေတြ ရွိပါတယ္။ အဲ့အရာေတြကို ေဖာ္ေဆာင္မယ့္ သမၼတ လိုပါတယ္။
ထရမ့္ ။ Central Park jogger case အမႈျဖစ္ခဲ့တဲ့အခ်ိန္တုန္းက လူတိုင္းက ငါ့လိုပဲ အေတြးတူညီခဲ့ပါတယ္။ ၿမိဳ႕ေတာ္ဝန္ေတာင္ပါပါေသးတယ္။ ရာဇဝတ္သားေတြ အျပစ္ဝန္ခံလိုက္တဲ့ အခါ ငါတို႔လည္း အျပစ္မရွိေတာ့ပါဘူး။ အဲ့တာက ႏွစ္ ၄၀ ၅၀ ၾကာခဲ့ပါၿပီ။ ငါက ကမာၻ႔သမိုင္းမွာ အႀကီးက်ယ္ဆုံး စီးပြားေရးႏိုင္ငံတစ္ခုကို တည္ေဆာက္ခဲ့ၿပီး ေနာက္တစ္ႀကိမ္ ထပ္ေဆာက္ဖို႔လည္း ႀကံစည္ေနပါတယ္။ သူတို႔မွာ မူဝါဒေကာင္းေတြမရွိပါဘူး။
ကင္မလာ ။ ငါက ဂ်ိဳးဘိုင္ဒန္ လည္းမဟုတ္သလို ေဒၚနယ္ ထရမ့္လည္း မဟုတ္ပါဘူး။ ငါက မ်ိဳးဆက္သစ္ေခါင္းေဆာင္ပါ။ ငါ့မွာ အေသးစားလုပ္ငန္းေတြ စတင္လုပ္မယ့္သူေတြအတြက္ ေဒၚလာ ၅ေသာင္း အခြန္ေလွ်ာ့ဖို႔ရွိပါတယ္။ ငယ္႐ြယ္တဲ့ အိမ္ေထာင္သည္ေတြအတြက္ ေဒၚလာ ၆ေထာင္ အခြန္ သက္သာေစပါမယ္။ ပထမအႀကိမ္ အိမ္ဝယ္မယ့္သူေတြကို ေဒၚလာ ၂ေသာင္းခြဲ ေငြေခ်းေပးပါမယ္။
ထရမ့္ ။ သူမ က ရဲေတြရဲ႕ အသုံးစရိတ္ေလွ်ာ့ဖို႔ အစီအစဥ္ရွိပါတယ္။ လူတိုင္းရဲ႕ ေသနတ္ေတြကို ျပန္သိမ္းခ်င္ေနပါတယ္။ fracking လုပ္ျခင္းကို ပိတ္ပင္ဖို႔ ႀကံစည္ေနပါတယ္။

ABC ေမး ။ ထရမ့္ ေရ မင္းက အခု ေ႐ြးေကာက္ပြဲ ႏိုင္ရင္ သမၼတ သက္တမ္း ၂ဆက္ ဆက္လုပ္မွာျဖစ္ၿပီး မင္းက စုစုေပါင္း သမၼတ သက္တမ္း ၃ဆက္ ေဆာင္႐ြက္ခဲ့သူအျဖစ္ မွတ္တမ္းတင္မယ္လို႔ သိရပါတယ္။ Obamacare လို႔ လူသိမ်ားတဲ့ Affordable Care Act ကို ပယ္ဖ်က္ၿပီး အစားထိုးမယ္ဆိုၿပီး မင္း ကာလရွည္ၾကာ ကတိျပဳခဲ့ပါတယ္။ ခုခ်ိန္ထိ မင္း အဲဒါကို ၿပီးေျမာက္ေအာင္ မေဆာင္႐ြက္ႏိုင္ဘူး။ က်န္းမာေရးေစာင့္ေရွာက္မႈအစီအစဥ္ေတြ ဆက္လုပ္မယ္လို႔ ေျပာေနတဲ့ မင္းမွာ ဘာအစီအစဥ္ရွိလဲ။
ထရမ့္ ။ Obamacare ဟာ က်န္းမာေရးေစာင့္ေရွာက္မႈ မေကာင္းဘူး။ ဒါေၾကာင့္ အဲ့ဒါကို အစားထိုးမယ္လိုငါေျပာခဲ့တာ။ ဒီမိုကရက္ေတြက မေျပာင္းလဲတဲ့အတြက္ Obamacare ကို အေမြဆက္ခံခဲ့တယ္။ သူတို႔ ေျပာင္းလဲမွာမဟုတ္ဘူး၊ ငါတို႔ျပည္သူေတြ အကုန္အက်သက္သာၿပီး Obamacare ထက္ က်န္းမာေရးေစာင့္ေရွာက္မႈ ပိုေကာင္းေစမယ့္ အစီအစဥ္ကို ငါလုပ္မယ္။ ခုေလာေလာဆယ္ေတာ့ အစီအစဥ္ရဲ႕ သေဘာတရားေတြပဲရွိေသးတယ္။ မေဝးလြန္းတဲ့ အနာဂတ္မွာ အဲဒီအေၾကာင္းကို မင္းၾကားပါလိမ့္မယ္။

ABC ေမး ။ ကင္မလာ ေရ … မင္းက ၂၀၁၇ ခုႏွစ္တုန္းက Bernie Sanders ၏ ပုဂၢလိကအာမခံကို ဖယ္ရွားၿပီး အစိုးရအုပ္ခ်ဳပ္သည့္ က်န္းမာေရးေစာင့္ေရွာက္မႈစနစ္ဖန္တီးရန္ အဆိုျပဳခ်က္ကို သင္ေထာက္ခံခဲ့ပါတယ္။ ခုေရာ မင္းရဲ႕ အစီအစဥ္က ဘာလဲ။
ကင္မလာ ။ ငါက ၿပီးခဲ့တဲ့ ၄ ႏွစ္ အတြင္း ပုဂၢလိက က်န္းမာေရးေစာင့္ေရွာက္မႈဆိုင္ရာအဖြဲ႕မွာ ဒုတိယဥကၠဌ အျဖစ္ေဆာင္႐ြက္ခဲ့ပါတယ္။ ဒါေပမယ့္လည္း အစိုးရ က ကူညီတဲ့ အဖိုးနည္းက်န္းမာေရးေစာင့္ေရွာက္မႈဥပေဒကိုလည္း ထိန္းသိမ္းဖို႔၊ ႀကီးထြားေအာင္လုပ္ဖို႔ လိုအပ္ပါတယ္။ အရင္သမၼတေဟာင္ ဘိုင္ဒန္ လုပ္ေဆာင္ခဲ့တာကို ပိုမိုေကာင္းမြန္ေအာင္လုပ္ေဆာင္မွာပါ။ ကြယ္လြန္သြားတဲ့ John McCain ကလည္း အဖိုးနည္းက်န္းမာေရးေစာင့္ေရွာက္မႈဥပေဒကို ေထာက္ခံခဲ့ပါတယ္။ ငါတို႔ရဲ႕ ထရမ့္ သမၼတ ျဖစ္ခ်ိန္တုန္းက အဖိုးနည္းက်န္းမာေရးေစာင့္ေရွာက္မႈဥပေဒ ကို ဖယ္ရွားဖို႔ အႀကိမ္ ၆၀ ႀကိဳးစားခဲ့ပါတယ္။ အဖိုးနည္းက်န္းမာေရးေစာင့္ေရွာက္မႈဥပေဒကို ကေလးမွာ ပန္းနာရင္က်ပ္ျဖစ္ရင္ ၊ အဘိုးအဘြားမွာ ဆီးခ်ိဳရွိေနရင္ ရင္သားကင္ဆာ က်န္ရစ္သူျဖစ္ရင္ အာမခံကုမၸဏီက ျငင္းဆိုတဲ့အခါ သတိရၾကမွာပါ။ ငါ ဒုတိယသမၼတ ၄ ႏွစ္ အတြင္းမွာ ေဆးကုမၼဏိေတြနဲ႔ ေဈးႏႈႏ္ူးေတြၾကဖို႔ ညႇိႏႈိင္းခဲ့ပါတယ္။ ထရမ့္က ညႇိႏႈိင္းမယ္ေျပာၿပီး တခါမွ မလုပ္ခဲ့ပါဘူး။ ယခုဆိုရင္ ငါတို႔က အင္ဆူလင္ကုန္က်စရိတ္ကို တစ္လလွ်င္ ၃၅ ေဒၚလာ ကန႔္သတ္ထားပါသည္။ သက္ႀကီး႐ြယ္အိုေတြအတြက္ ေဆးစရိတ္ကို တစ္ႏွစ္ကို ေဒၚလာ ၂၀၀၀ ကန႔္သတ္ထားပါတယ္။ fracking ကိစၥနဲ႔ပတ္သတ္ၿပီး ငါ့ရပ္တည္ခ်က္ကို ခ်ျပၿပီးပါၿပိ။ ေသနတ္ေတြ သိမ္းမယ့္ကိစၥကေတာ ငါေရာ Tim Walz ေရာ ၂ေယာက္လုံးက ေသနတ္ပိုင္ပါတယ္။
ထရမ့္ ။ ကင္မလာ မွားေနၿပီ။ John McCain က Obamacare ကို ဆယ္ႏွစ္ၾကာ ဆန႔္က်င္ခဲ့ပါတယ္။ သူမ လုပ္ေနတာက ပုဂၢလိကက်န္းမာေရးအာမခံကို တိုးတက္ေစမွာ မဟုတ္ပါဘူး။ လူေတြဟာ ႀကိဳးႀကိဳးစားစားနဲ႔ ေငြရွာၾကၿပီး အာမခံအတြက္ကိုယ္ပိုင္ရွိခ်င္ၾကပါတယ္။ ကင္မလာကေတာ့ ခ်က္ခ်င္းလိုအပ္သည့္ ခြဲစိတ္မႈတစ္ခုအတြက္ ေျခာက္လေစာင့္ရမယ့္ အစိုးရအာမခံမွာ လူတိုင္းကို ထည့္ဝင္ေစလိုပါတယ္။

ABC ေမး။ ခုကေတာ့ ငယ္႐ြယ္တဲ့ မဲဆႏၵရွင္ေတြစိတ္ဝင္စားတဲ့ ရာသီဥတုေဖာက္ျပန္မႈအေၾကာင္းပါ။ ထရမ့္ကေတာ့ သဘာဝပတ္ဝန္းက်င္နဲ႔ ပတ္သက္ၿပီးေတာ့ သန႔္ရွင္းတဲ့ေလ နဲ႔ ေရသန႔္ရေစရမယ္ လို႔ ေျပာပါတယ္။ ကင္မလာ … မင္းကေတာ့ ရာသီဥတုေျပာင္းလဲမႈဟာ ျဖစ္တည္မႈဆိုင္ရာ ၿခိမ္းေျခာက္မႈလို႔ ေခၚတယ္။ ဒီေန႔ညမွာ မင္းတို႔ႏွစ္ေယာက္လုံး ေမးခ်င္တာက ရာသီဥတုေဖာက္ျပန္မႈကို တိုက္ဖ်က္ဖို႔ မင္းဘာလုပ္မလဲ။
ကင္မလာ ။ ထရမ့္ကေတာ့ ရာသီဉတု ေဖာက္ျပန္မႈ ဆိုတာ လွည့္ဖ်ားမႈလို႔ ဆိုပါတယ္။ တကယ္ေတာ့ ရာသီဥတုေျပာင္းလဲမႈဟာ ျဖစ္တည္မႈဆိုင္ရာ ၿခိမ္းေျခာက္မႈျဖစ္ပါတယ္။ ျပင္းထန္ေသာ ရာသီဥတု ေတြ ကို ေတြ႕ႀကဳံခံစားဖူးတဲ့ ျပည္နယ္ေတြမွာ ေနထိုင္သူတိုင္းကို ေမးၾကည့္ပါ။ အိမ္မရွိလို႔ အိမ္ဆုံးရႈံးရျခင္းရဲ႕ အဓိပၸာယ္ကို ခံရသူတိုင္းကို ေမးၾကည့္ပါ။ ဒုသမၼတအေနနဲ႔ ျပည္တြင္းဓာတ္ေငြ႕ထုတ္လုပ္မႈကို သမိုင္းဝင္အဆင့္အထိ တိုးျမႇင့္ခဲ့သလို သန႔္ရွင္းတဲ့စြမ္းအင္စီးပြားေရးမွာ ေဒၚလာ ထရီလီယံေဒၚလာ ရင္းႏွီးျမႇဳပ္ႏွံခဲ့ႏိုင္တာကိုလည္း ဂုဏ္ယူမိပါတယ္။ ကုန္ထုတ္လုပ္မႈ အလုပ္အကိုင္သစ္ ၈ သိန္း ေက်ာ္ကို ဖန္တီးေပးခဲ့ပါသည္။ ကမာၻတစ္ဝွမ္းမွာရွိတဲ့ သန႔္ရွင္းေသာစြမ္းအင္က႑ေတြမွာ ရင္းႏွီးျမႇဳပ္ႏွံထားပါတယ္။ သန႔္ရွင္းေသာစြမ္းအင္စီးပြားေရး ကို တည္ေဆာက္ျခင္းရဲ႕ တစ္စိတ္တစ္ပိုင္းျဖစ္တဲ့ အေမရိကန္လုပ္ထုတ္ကုန္မ်ား၊ အေမရိကန္ေမာ္ေတာ္ကားထုတ္လုပ္မႈေတြမွာ ပိုမို ရင္းႏွီးျမႇဳပ္ႏွံႏိုင္ခဲ့ပါတယ္။ United Auto Workers ႏွင့္ Shawn Fain တို႔၏ေထာက္ခံမႈကိုရရွိသည့္အတြက္လည္းဂုဏ္ယူမိပါတယ္။ ထရမ့္ ပိတ္ပင္ခဲ့သလို အေမရိကန္ ကားထုတ္လုပ္ေရးနဲ႔ အေမရိကန္ကုန္ထုတ္လုပ္မႈကို မပိတ္ပင္ခဲ့ပါဘူး။
ထရမ့္ ။ ငါ့လက္ထက္မွာ အဲ့တာမ်ိဳးမျဖစ္ခဲ့ပါဘူး။ ၿပီးခဲ့တဲ့ လက ပဲ ကုန္ထုတ္လုပ္ေရးက အလုပ္အကိုင္ ၁ေသာင္းေလာက္ဆုံးရႈံးသြားေသးတယ္ေလ။ အကုန္လုံး မကၠဆီကို ကို ထြက္သြားၿပီ။ မကၠဆီကို မွာ ကားစက္႐ုံႀကိးေတြ တည္ေဆာက္ေနၿပီ။ အဲ့ စက္႐ုံအေတာ္မ်ားမ်ား တ႐ုတ္က ပိုင္တယ္။ ၿပီးရင္ အဲ့ကားေတြကို အေမရိကန္ထဲကို လာေရာင္းမယ္။ ဒါကို ငါတို႔ ခြင့္မျပဳႏိုင္ဘူး။ ငါတို႔အခြန္ေကာက္ရမယ္။ ဒီလို တင္သြင္းခြင့္ျပဳတာက ငါတို႔ႏိုင္ငံက ကားလုပ္ငန္းေတြကို သတ္ပစ္လိမ့္မယ္။ တ႐ုတ္က ဘိုင္ဒန္ကို ေဒၚလာ သန္းေပါင္းမ်ားစြာေပးခဲ့ေတာ့ သူအဲ့လို အခြန္မေကာက္ရဲဘူး။ ဘိုင္ဒန္က ဘာလို႔ တ႐ုတ္အေပၚဒီေလာက္ သစၥာရွိေနလဲ သိလား။ သူ႔သား ဟန္တာဘိုဒန္က ေမာ္စကိုၿမိဳ႕ေတာ္ဝန္ေဟာင္း ကေတာ္ ဆီကေန ေဒၚလာ ၃သန္းခြဲ ဘာလို႔ရတယ္ထင္လဲ။ ဒါဟာ ေကာက္က်စ္တဲ့ အုပ္ခ်ဳပ္မႈျဖစ္ၿပီး၊ သူတို႔က ငါတို႔ႏိုင္ငံကို ေဈးခ်ၿပီး ေရာင္းစားေနတာ။

ABC ေမး။ စကားစစ္ထိုးပြဲ ၿပီးဆုံးခ်ိန္ နီးကပ္လာၿပီ ျဖစ္တဲ့အတြက္ အပိတ္စကားေလး ေျပာေပးပါဉီး။ ကင္မလာက စေပးပါ။
ကင္မလာ ။ ဒီညမွာ ေတာ့ မင္းတို႔ အေနနဲ႔ ကြဲျပားတဲ့ အျမင္ ၂ခု ကို ၾကားဖူးလိုက္မွာပါ။ တခု က အနာဂတ္ကို အာ႐ုံစိုက္ၿပီး ၁ ခုကေတာ့ အတိတ္ကို ျပန္သြားခ်င္ေနပါတယ္။ ငါတို႔ ေနာက္ျပန္မသြားပါဘူး။ အေမရိကန္လူမ်ိဳးေတြဟာ ငါတို႔ကို ကြဲကြာေနတဲ့အရာေတြထက္ တူညီတာေတြ အမ်ားႀကီးရွိတယ္ဆိုတာ သိၿပီး ေရွ႕လမ္းသစ္ကို ပုံေဖာ္ႏိုင္မယ္လို႔ ယုံၾကည္ပါတယ္။ စီးပြားေရး အခြင့္အလန္းေတြကို ဖန္တီးမယ္။ စီးပြားေရးအခြင့္အလမ္း အသစ္ေတြကိုဖန္တီးမယ္။ အေသးစားစီးပြားေရးလုပ္ငန္းေတြမွာ ရင္းႏွီးျမႇဳပ္ႏွံမယ္၊ မိသားစုအသစ္ေတြမွာ၊ သက္ႀကီး႐ြယ္အိုေတြကို အကာအကြယ္ေပးတဲ့ေနရာမွာ တတ္ႏိုင္သေလာက္၊ အလုပ္ႀကိဳးစားတဲ့လူေတြကို လူေနမႈစရိတ္ေလွ်ာ့ခ်ဖို႔ ရည္႐ြယ္ထားတယ္။ ကမာၻေပၚမွာ အေမရိကန္ရဲ႕ရပ္တည္မႈကို တည္တံ့ခိုင္ၿမဲေစဖို႔အတြက္နဲ႔ စြမ္းရည္အျမင့္ဆုံးစစ္တပ္ျဖစ္ေအာင္တည္ေဆာက္ပါမယ္။ အမ်ိဳးသမီးတစ္ဦးခ်င္စီရဲ႕ ကိုယ္ပိုင္ဆုံးျဖတ္ခ်က္မ်ားခ်ပိုင္ခြင့္အပါအဝင္ အျခားေသာ အေျခခံအခြင့္အေရးမ်ား ႏွင့္ လြတ္လပ္ခြင့္မ်ားကို ကာကြယ္ေစာင့္ေရွာက္ေပးမည့္ သမၼတတစ္ဦးအျဖစ္ ျဖစ္လာေအာင္ႀကိဳးပမ္းပါမယ္။ ငါ့ ဘဝ က ေရွ႕ေန အျဖစ္က စခဲ့တာပါ။ ၿပီးေတာ့ ေရွ႕ေနခ်ဳပ္ျဖစ္ခဲ့ပါတယ္။ အဲ့ကမွ အထက္လႊတ္ေတာ္အမတ္ အေနနဲ႔၊ ခုလည္း ဒုတိယသမၼတ တာဝန္ထမ္းေဆာင္ေနတဲ့ လူ ၁ေယာက္အေနနဲ႔ မင္းက ငါ့ကိုေထာက္ခံတဲ့ ဒိမိုကရက္လား၊ မေထာက္ခံတဲ့ ရိပတ္ဘလီကန္ လားလို႔ ေမးေနမွာ မဟုတ္ဘဲ မင္း အဆင္ေျပလားလို႔ ေမးမယ့္ သမၼတ တဉီးပါပဲ။ အေမရိကန္ႏိုင္ငံသားအားလုံးအတြက္ သမၼတျဖစ္ဖို႔ ရည္႐ြယ္ထားၿပီး လာမယ့္ ၁၀ ႏွစ္၊ အႏွစ္ ၂၀ အတြင္း တိုင္းျပည္ကို ျပန္လည္တည္ေဆာက္ဖို႔ အာ႐ုံစိုက္ေနပါတယ္။
ထရမ့္ ။ သူမ ကေတာ့ ဒါကို လုပ္မယ္။ လုပ္ေတာ့မယ္ ဆိုၿပီး မလုပ္ခဲ့တာ ၃ ႏွစ္ခြဲ ရွိပါၿပီ။ နယ္စပ္ကို ျပင္ဆင္ဖို႔ အခ်ိန္ယူေနတာ ၃ ႏွစ္ခြဲ ရွိပါၿပီ။ အလုပ္အကိုင္ဖန္တီးဖို႔ ျပင္ဆင္ေနတာ ၃ ႏွစ္ခြဲ ရွိပါၿပီ၊ ခုထိဘာလို႔မလုပ္ေသးတာလဲ။ ငါေျပာခဲ့သလိုပဲ ခုလုပ္ရင္ ခုရပါတယ္။ ၿမိဳ႕ေတာ္က လွပတဲ့အိမ္ျဖဴေတာ္ဆီကိုသြားပါ။ လိုအပ္တာကို ခ်က္ခ်င္းလုပ္ေပးလိုက္ပါ။ ဒါေပမယ့္ မင္းမလုပ္ပါဘူး။ ဘာလို႔လဲဆိုေတာ့မင္းက အေမရိကန္လူမ်ိဳးေတြ မယုံၾကည္တဲ့အရာကို ယုံၾကည္ေနတာေၾကာင့္ျဖစ္တယ္။ ငါတို႔က ပုံမွန္စြမ္းအင္သုံးစက္႐ုံေတြကို ျပန္မလုပ္ဘူး။ ဂ်ာမဏီက ၁ ႏွစ္အတြင္းမွာပဲ အဲ့တာကို ျပန္လည္တည္ေဆာင္ခဲ့တယ္။ ငါတို႔မွာ ခုထိအသင့္မျဖစ္ေသးဘူး။ ႐ုပ္ႂကြင္းေလာင္စာကို မသုံးဘူးလို႔ပဲ ေအာ္ဟစ္ေနတယ္။ အဆိုးျမင္စိတ္ေၾကာင့္ တိုင္းျပည္ကို အနစ္နာခံလို႔ မရဘူး။ ဒါေပမယ့္ ႐ိုးရွင္းတဲ့ ေမးခြန္းေလး တစ္ခုေလာက္ ေမးပါရေစ။ သူမဘာေၾကာင့္မလုပ္ခဲ့တာလဲ? ငါတို႔က က်ရႈံးေနတဲ့ ႏိုင္ငံမို႔လို႔ပါ။ ငါတိုဟာ ဆိုး႐ြားစြာ က်ဆင္းေနေသာ ႏိုင္ငံျဖစ္သည္။ ငါတို႔ေခါင္းေဆာင္ကို တကမာၻလုံးက ရယ္ေမာေနၾကတယ္။ အေရွ႕အလယ္ပိုင္းမွာ စစ္ပြဲေတြ ရွိေနတယ္။ ႐ုရွားနဲ႔ ယူကရိန္းတို႔နဲ႔ စစ္ပြဲေတြ ျဖစ္ပြားေနပါတယ္။ တာလီဘန္ေတြကို အမ်ားႀကီး ေပးခဲ့တယ္။ အာဖဂန္နစၥတန္ကို ေပးခဲ့တယ္။ ငါတို႔ႏိုင္ငံကိုဖ်က္ဆီးမယ့္ သန္းေပါင္းမ်ားစြာေသာ ရာဇဝတ္ေကာင္ေတြကို ငါတို႔ႏိုင္ငံထဲကို ဝင္လာခြင့္ေပးလိုက္တယ္။ ငါတို႔ေတြ ႏူကလီးယားလက္နက္ကိုသုံးၿပီး တိုက္ၾကမယ့္ တတိယကမာၻစစ္ႀကီး ကို နီးကပ္ေနၿပီ။ ငါတို႔ တပ္မေတာ္ကို ျပန္လည္တည္ေဆာက္ဖို႔လိုေနၿပိ။ ဒါေတြအားလုံးဟာ ငါတို႔တိုင္းျပည္သမိုင္းမွာ အဆိုးဆုံးသမၼတ၊ ႏွင့္ အဆိုးဆုံး ဒုသမၼတ တို႔ေၾကာင့္ပဲျဖစ္တယ္။

ABC ။ အေမရိကန္ႏွင့္ ကမာၻတဝန္းလုံးက ေစာင့္ၾကည့္ေနတဲ့ ပရိတ္သတ္ေတြကို ေက်းဇူးတင္ရွိပါတယ္။ ကြၽႏ္ုပ္တို႔အားလုံး ေကာင္းေသာညပါ။