စင်ကာပူက မြန်မာအိမ်အကူဘဝများ
768
“အဲဒီ မြန်မာအစ်မကြီးဆိုဘွဲ့ရ။ သူ့ဓာတ် ပုံကိုကြည့်ရင် နန်းဆန်ဆန်ကြီးဗျာ။ တက္ကသိုလ်မှာတောင် လက် ထောက် ဘာဆိုလဲမသိဘူးလုပ်ခဲ့တယ်။ ဒီမှာလာပြီး အိမ်အကူလာလုပ်သွားတာ”ဟု စင်ကာ ပူနိုင်ငံရောက် မြန်မာနိုင်ငံ ဖွားတစ်ဦးက အတိတ်ကာလက ဖြစ်စဉ်တစ်ခုအကြောင်း ပြောပြသည်။ သို့သော် ကောင်းမွန်သောအတိတ်ကို ပြန်ပြောင်း ပြောပြခြင်း မျိုးတော့ မဟုတ်ပါ။
ယင်းဖြစ်စဉ်သည် လွန်ခဲ့သောနှစ်များစွာက ဖြစ်ပွားခဲ့ခြင်းဖြစ်ကြောင်း ၎င်းက ပြန်စဉ်းစားရင်း ဖြည်းညင်းစွာ ပြောပြသည်။ ထိုစဉ်က စင်ကာပူသို့ မြန်မာအိမ်အကူများ တစ်စတစ်စ စတင်ရောက်ရှိသော ကာလလည်း ဖြစ်သည်။
အထက်ပါအမျိုးသမီးကြီးသည် မိသားစုအတွက် အခွင့်အလမ်းအသစ်တစ်ခုကို တွေ့သွားသည်။ ထို့ကြောင့် စင်ကာပူနိုင်ငံသို့ အိမ်အကူလုပ်ကာ မိသားစုကိုထောက်ပံ့ရန် ရောက်လာခဲ့သည်။ ပြည်ပသို့ထွက်ခွာလာခြင်းအတွက် အနာဂတ်အိပ်မက်များ စွာလည်း ရှိပေလိမ့်မည်။ သို့သော် ခရီးအဆုံးတွင် အထင်နှင့်အမြင် တက်တက်စင်အောင် လွဲသွားခဲ့ရရှာသည်။
“သူက အလုပ်တွေပင်ပန်းပြီးတော့ စိတ်တွေဖိစီးတယ်။ အိမ်ရှင်တွေကလည်း မကောင်းတော့ ကျန်းမာရေး ချို့တဲ့တာပေါ့။ နောက်ဆုံး ကင်ဆာဖြစ် ပြီးတော့ သေသွားတာ။ ဇာတ်လမ်းအပြည့်အစုံတော့ မမှတ်မိတော့ဘူး။ ဒီမှာက အဲဒီလို အများကြီးပဲ” ဟု ၎င်းက သက်ပြင်းချရင်းပြောပြသည်။
စင်ကာပူမှအိမ်အကူအလုပ်သည် ယခုနောက်ပိုင်းတွင် အမျိုးသမီးများအကြား ရေပန်းစား သောအလုပ်အကိုင် တစ်ခု ဖြစ်လာသည်။ စင်ကာပူ၊ ဟောင်ကောင်၊ မကာအိုအပြင် အရှေ့အလယ်ပိုင်း နိုင်ငံများကလည်း အိမ်အကူခေါ် သည်။ ယင်း နိုင်ငံ၊ ဒေသများသို့ မြန်မာနိုင်ငံမှ အိမ်အကူအဖြစ်သွား ရောက်မှုများပြားသည်။ မြန်မာနိုင်ငံထက် ငွေပိုရခြင်း က အိမ်အကူလုပ်ရန်အတွက် ဆွဲဆောင်မှုတစ်ခုဖြစ်နေသည်။
ထို့ပြင် စိတ်ဝင်စားစရာ နောက်ထပ်အချက် တစ်ခုမှာ အိမ်အကူအဖြစ် ဘွဲ့ရများပင် ထွက်ခွာ အလုပ်လုပ်နေ ကြခြင်းဖြစ်သည်။ လက်နုနု၊ ခြေနုနု ပညာတတ်အမျိုးသမီးငယ်များသည် ၎င်းတို့၏ဘဝအတွက် တိုင်းတစ်ပါးတွင် အောက်ခြေမှ စလုပ်ကြရသည်။
“ဝမ်းနည်းတာ ဘာလဲ သိလား။ ရန်ကုန်မှာ အခြေအနေမကောင်းဘူးဆိုပြီး ကြားဖူးနားဝနဲ့ အကြောက်လွန်ပြီး ပြေးလာတာ။ ဘွဲ့ရတွေဗျ။ အိမ်အကူ လာလုပ်တာ။ ဒီမှာ တစ်ခါတလေ လမ်းသွားလမ်းလာ တောင်မှ အိမ်အကူကို အိမ်အကူလိုပဲ တချို့လူတွေ ကဆက်ဆံကြတာ”ဟု ၎င်းကဆိုသည်။
ပြီးခဲ့သည့်ကာလများတွင် စင်ကာပူရောက် မြန်မာအိမ်အကူများနှင့်ပတ်သက်၍ ဖြစ်စဉ်များစွာ ဖြစ်ပွားခဲ့သည်။ အချို့က မြန်မာနိုင်ငံမှမိသားစုအတွက် ခေါင်းငုံ့ခံကြသောကြောင့် လူအများစု သိလိုက်ခြင်းမ ရှိသော်လည်း အချို့ဖြစ်စဉ် များမှာမူ တိုင်းသိပြည်သိ အထိပင်ဖြစ်သွားသည်။
ပြီးခဲ့သည့် (၂၀၁၇)ခုနှစ်အတွင်းက ထင် ရှားသောသတင်းတစ်ခု ဖြစ်ခဲ့သည်။ ယင်းမှာ မြန်မာ အိမ်အကူတစ်ဦး တိုက်ပေါ်မှ ခုန်ချသေဆုံးခဲ့ခြင်းဖြစ် သည်။ ယင်းဖြစ်စဉ်က မီဒီယာများထက်တွင် အကျယ် တ ဝင့် ဖြစ်သွားခဲ့သော်လည်း အလားတူဖြစ်စဉ်မျိုးက ပေါ်ပေါက်နေဆဲပင်။ ထိုစဉ်ကစကာ စင်ကာပူမှမြန်မာ အိမ်အကူများ၏အခက်အခဲကို ပိုမို သတိထားလာမိခဲ့ ကြခြင်းဖြစ်သည်။
ယင်းနောက် သတင်းများ ဆက်တိုက်ထွက် ပေါ်လာရာ မြန်မာအိမ်အကူကို အိမ်ရှင်က ညှဉ်းပန်း နှိပ်စက်မှုကြောင့် သေဆုံးခြင်း၊ ဒဏ်ရာရခြင်း စသည် ဖြင့် ဖြစ်စဉ်များပေါ်ပေါက်ခဲ့သည်။ အဆိုပါဖြစ်စဉ်များ အတွင်း ထူးထူးခြားခြားဖြစ်စဉ်အနေဖြင့် အိမ်ရှင်၏ ယောက္ခမဖြစ်သူက ညှဉ်းပန်းနှိပ်စက်သည့်အပြင် မြန် မာနိုင်ငံပြန်ပို့ မည်ဆိုသောကြောင့် မြန်မာအိမ်အကူက ပြန်လည်ခုခံသတ်ဖြတ်သည့်ဖြစ်စဉ်လည်းရှိခဲ့သည်။
ယင်းနိုင်ငံသို့ မြန်မာအမျိုးသမီးများ သွားရောက်လုပ်ကိုင်ကြရာတွင် အများဆုံး စိတ်ဝင်စားခံရ သည့်လုပ်ငန်း အမျိုးအစားမှာ အိမ်အကူနှင့် သက်ကြီး ရွယ်အိုစောင့်ရှောက်ရေးတို့ဖြစ်သည်။ အိမ်အကူ အလုပ်က အောက်ခြေသိမ်း အိမ်မှုတာဝန်များကို လုပ်ဆောင်ရခြင်းဖြစ်ပြီး သက်ကြီးရွယ်အိုစောင့် ရှောက်ရေးမှာမူ ဘိုးဘွားစောင့်ရှောက်ရေး ဂေဟာများ တွင် စောင့်ရှောက်ရခြင်းနှင့် အိမ်များတွင်ရှိနေသည့် သက်ကြီးရွယ်အိုများကို စောင့်ရှောက်ရခြင်းဟူ၍ နှစ်မျိုးရှိသည်။
ဂေဟာတွင်စောင့်ရှောက်ရသည့်လုပ်ငန်းအတွက် သူနာပြုနှင့်ပတ်သက်သော အတွေ့အကြုံ၊ အထောက်အထား လိုအပ်ပြီး နေအိမ်တွင် သက်ကြီး ရွယ်အိုစောင့်ရှောက်ရခြင်းမှာမူ လိုအပ်ချက်များစွာ မရှိပေ။ ဘိုးဘွားစောင့်ရှောက် ရေးအတွက် ပတ်သက်သော သင်ကြားမှုရှိရန်လိုသည်။ မည်သို့ပင်ဖြစ်စေကာ မူ အိမ်ရှင်အပေါ်မူတည်သည်။ အကြမ်း ဖျင်းအားဖြင့် အိမ်အကူ ခေါင်းစဉ်အောက်တွင်ရှိသည်။ ထိုအခါ အိမ်ရှင်သဘောအရ အိမ်အကူအဖြစ်လုပ်ရခြင်းမျိုး လည်းရှိသည်။ သို့သော် ငွေရှာရန် ပြည်ပထွက်ခွာ သောမြန်မာအလုပ်သမားသည် ရောက်သည့်နိုင်ငံ တွင် အိမ်ရှင် စေခိုင်းသောအလုပ်ကို ငြင်းဆန်နိုင်ခြင်း မရှိတော့ပါ။ “လူအိုရုံတွေမှာစောင့်ရှောက်ရတာက အလုပ်ချိန်များပေမယ့် အဖွဲ့အစည်း၊ စနစ်နဲ့သွားတော့ အခက်အခဲအရမ်းမရှိဘူး။ အများဆုံးဖြစ်နိုင်တာက ဘာသာစကားအခက်အခဲ လောက်ပဲ ရှိတာ။ အဲဒီမှာက နိုင်ငံခြားသားများတော့ ဖေးမကြတယ်။ အိမ်တွေမှာ စောင့်ရှောက်ရတော့ ပြဿနာအများကြီး ကြားရ တယ်” ဟု အထက်ပါ မြန်မာနိုင်ငံဖွားက ဆိုသည်။
အိမ်ရှင်နှင့်အေဂျင့်အကြား ချိတ်ဆက်ရာတွင် အေးဂျင့်ဘက်က “လူရပြီးရော”ဆိုသောသ ဘောဖြင့် ထည့်လိုက် ခြင်းကြောင့် အလုပ်လုပ်ရမည့် အိမ်ရောက်သောအခါ အခက်အခဲကြုံရခြင်းများရှိသည်။ ထို့ပြင် အိမ်အကူနှင့် သက်ကြီး ရွယ်အိုစောင့် ရှောက်ရေး မကွဲပြားသောကြောင့် အိမ်အကူအဖြစ် ပြောင်းလဲသွားခြင်းမျိုးလည်းရှိသည်။ ထို့ပြင် အရေး ကြီးဆုံးက ဘာသာစကားဖြစ်သည်။ ‘ရှေ့ပိုင်းလူတွေက အင်္ဂလိပ်စကားပြောနိုင်တယ်ဆိုတာ ပညာတတ် တွေလောက်ပဲ ပြောနိုင်တာဆိုတော့ တရုတ်စကား နားမလည်တာ၊ တချို့ အိန္ဒိယအိမ်တွေ ဘာတွေဆို ကြမ်းတယ်။ ခြေလက်ပါတယ်။ ရိုက်တာနှက်တာရှိ တယ်။ အစားအသောက် ဝအောင်မကျွေးတာရှိ တယ်။ သက်ကြီးရွယ်အိုရှိလိုသာ အိမ်အကူခေါ်လိုက် တာ၊ အိမ်အကူခေါ်နိုင်တဲ့ဝင်ငွေ မရှိဘူး။ မရှိတဲ့အ တွက် ခေါက်ဆွဲထုပ်တစ်ထုပ်နဲ့ထားတာတို့ရှိတယ်’ ဟုဆိုသည်။
အိမ်အကူအဖြစ်သွားရောက်လုပ်ကိုင်ရန် ကျသင့်ငွေမှာ ယခင်က သိန်းဆယ်ဂဏန်းသာရှိခဲ့ ရာမှ ယခုအခါ သိန်းရာဂဏန်းအထိကပ်နေပေပြီ။ သို့သော် အလုပ်သမားစေလွှတ်သော အေးဂျင့်ဘက် က အခွင့်အရေးတစ်ခုပေးသည်။ ယင်းမှာ ငွေအလုံး အရင်းကို တစ်ခါတည်းသွင်းရန်မလိုဘဲ လစာကိုကြို ဖြတ်ခြင်းဖြစ်သည်။ စေလွှတ်ပေးခအဖြစ် လစာ (၇) လစာအထိ အများဆုံး ဖြတ်တောက်လေ့ရှိပြီး ပတ်စ်ပို့ အပါအဝင် လိုအပ်သောစာရွက်စာတမ်းများကိုမူ ပုံ မှန်အားဖြင့် သွားရောက်လုပ်ကိုင်မည့်သူဘက်က ဆောင်ရွက်ပေးရသည်။ ထိုအခါ အကြွေးဖြင့်သွား ရောက်လုပ်ကိုင်သူ အနေဖြင့် မြန်မာနိုင်ငံပြန်လာရန် အဘယ်သို့ စဉ်းစားနိုင်တော့မည်နည်း။ အိမ်မပြန်လို သော စင်ကာပူရောက်မြန်မာ အိမ်အကူများအတွက် ရင်နာစရာ ဇာတ်လမ်းများစွာရှိသည်။
“တချို့ကလည်း အဆင်မပြေပေမယ့် မြန်မာနိုင်ငံကိုမပြန်ချင်တော့ ကားထဲပြေးဝင်တာမျိုးလို ဖြစ်စဉ်တွေ တောင်ရှိတယ်”ဟု အထက်ပါ မြန်မာနိုင်ငံ ဖွားက ဖြစ်စဉ်အမျိုးအစားတစ်မျိုးကို ပြောပြသည်။ထို့ပြင် စင်ကာပူရောက် မြန်မာအိမ်အကူများကြား ရံဖန်ရံခါဖြစ်တတ်သောပြဿနာမှာ အိမ်ရှင်က လစာ ချန်ခြင်းကြောင့် အဆင်မပြေသည့် အတွက် အလုပ်ထွက်လိုက်ရခြင်းမျိုးဖြစ်သည်။ ထိုအခါတွင်လည်း အချို့က မြန်မာပြည်သို့ပြန်မည့်အစား ဘဝကိုအဆုံး သတ် မည့်လမ်းကို ရွေးလိုက်ကြခြင်းမျိုးလည်းရှိသည်။
စင်ကာပူနိုင်ငံသို့ အိမ်အကူအဖြစ် လုပ်ကိုင်ရခြင်းနှင့်ပတ်သက်၍ အထက်ပါအချက်များအပြင် စိန်ခေါ်မှုများစွာရှိ သည်။ အခြားလုပ်ငန်းခွင်များကဲ့သို့ လုပ်ဖော်ကိုင်ဖက်များနှင့်အလုပ်လုပ်ကာ သူဌေးကို ရံဖန်ရံခါဆက်ဆံရခြင်း မျိုးမဟုတ်ဘဲ အလုပ်ရှင်နှင့် လက်ပွန်းတတီးနေရသည်။ တိုက်ရိုက်စေခိုင်းခံ ရသည်။ ထို့ပြင် အဆူအငေါက် လည်းမလွတ် ပေ။ မှန်မှန်၊ မှားမှား ကိုယ့်ဘက်က ခေါင်းခံရခြင်းမျိုးရှိသည်။
‘စင်ကာပူမှာ အိမ်အကူအဖြစ်အလုပ် လုပ်ကိုင်တာ ဆယ်နှစ်လောက်ရှိပြီ။ အစ်မရဲ့အတွေ့ ကြုံ၊ အခက်အခဲ၊ ရင်ဆိုင်ကြုံတွေ့နေရတာတွေကို ပြောပြမယ်ဆိုရင်တော့ အများကြီးပါပဲ။ ရောက်ခါစ တော့ ဘာသာစကားအခက်အခဲ၊ စားသောက်နေ ထိုင်မှုပုံစံတွေက မတူညီတာမို့ နေသားကျဖို့ အတော် ကြိုးစားရတယ်ပေါ့နော်။ စင်ကာပူရောက်ပြီဆိုရင် မိဘအိမ်လိုတော့ နေလို့မရတော့ဘူး။ ကိုယ့်စိတ်ကိုယ် မပိုင်တော့ဘူး။ နေမကောင်းလည်းလုပ်။ အိမ်ရှင် သူဌေးတွေ ကြိုက်ဖို့အတွက် ကိုယ်ကကြိုးစားပြီး လုပ်တယ်။ တစ်ခါတလေ အဆူ၊အဆဲခံရလည်း ကိုယ်မှန် နေလည်း သည်းခံရ တယ်’ဟု စင်ကာပူတွင် ဘိုးဘွား စောင့်ရှောက်ရေးအလုပ်ကိုလုပ်ကိုင်ခဲ့ဖူးပြီး လက်ရှိ တွင်လည်း အိမ်အကူအဖြစ် ဆက်လက်လုပ်ကိုင်နေ သူမဖြူ(အမည်လွှဲ)ကဆိုသည်။
အခြားပြဿနာတစ်ခုမှာ လုပ်ငန်းခွင် ဖိနှိပ်ခံရခြင်းဖြစ်သည်။ လူတစ်ယောက်ဖြစ်လာသည့်အခါ အလုပ်လုပ်ချိ န်၊ စိတ်အပန်းဖြေချိန် စသည်ဖြင့် လိုအပ်သည်။ သို့သော် အိမ်အကူတစ်ယောက်အတွက် အထက်ပါအခွင့်အရေးမျိုး မရခြင်းလည်းရှိသည်။ ပုံမှန်အားဖြင့် တနင်္ဂနွေသည် ကမ္ဘာလုံးဆိုင်ရာအား လပ်ရက်ဟုဆိုနိုင်သော်လည်း တစ်ပတ်လုံး အလုပ် လုပ်ရသော မြန်မာအိမ်အကူများလည်း စင်ကာပူနိုင်ငံ တွင်ရှိနေသည်။
“အဆင်ပြေတဲ့သူလည်းရှိတယ်။ သူများ အဆင်ပြေတိုင်း ကိုယ်အဆင်ပြေမယ်လို့ မဟုတ်ဘူး။ ပိုက်ဆံအဆင်ပြေ တာတော့ ရှိတယ်။ ဒါပေမဲ့ စိတ် တင်းကျပ်၊ စိတ်မလွတ်လပ်မှု စသည်ဖြင့် လူတစ် ယောက်အနေနဲ့ ဆုံးရှုံးရတဲ့ စိတ်ပိုင်းဆိုင်ရာထိခိုက်မှု တွေကအများကြီးပဲ”ဟု စင်ကာပူနိုင်ငံရောက်သတင်း ရင်းမြစ်တစ်ဦးကဆိုသည်။
ထို့ပြင် အိမ်အကူကိုနှိမ်ခြင်းလည်းရှိသည်။ ကာယိန္ဒြေစော်ကားခံရသောဖြစ်စဉ်များလည်းရှိ သည်။ လူရှိလျှင် ပြဿနာရှိသည်ဖြစ်ရာ စင်ကာပူတွင် လည်း ပြဿနာများစွာရှိနေသည်။ အိမ်အကူအလုပ် သည်ကား အခြားလုပ်ငန်းခွင် များထက် ကံကိုပုံချကာ သွားရောက်ရသော လုပ်ငန်းခွင်အမျိုးအစားဖြစ်သည်။
‘လွယ်လွယ်မတွေးနဲ့ သေချာဆုံးဖြတ်စေချင်တယ်’ဟု ၎င်းကဆိုသည်။ ကံကိုယုံကာ ဆူးပုံနင်းရ သည်ဆိုသောစကားမှာ စင်ကာပူမှအိမ်အကူအလုပ် နှင့်ထပ်တူကျသည်။ မြန်မာနိုင်ငံသားများအားလုံးကို ကံကောင်း စေလိုပါသည်။ သို့သော် အားလုံးကံကောင်း ရန်မှာ မလွယ်ကူပေ။
ရေးသားသူ။ ။ သုတကျော်
Zawgyi Version:
စင္ကာပူက
ျမန္မာ အိမ္အကူဘဝမ်ား
“အဲဒီ ျမန္မာအစ္မႀကီးဆိုဘြဲ႕ရ။ သူ႔ဓာတ္ ပုံကိုၾကည့္ရင္ နန္းဆန္ဆန္ႀကီးဗ်ာ။ တကၠသိုလ္မွာေတာင္ လက္ ေထာက္ ဘာဆိုလဲမသိဘူးလုပ္ခဲ့တယ္။ ဒီမွာလာၿပီး အိမ္အကူလာလုပ္သြားတာ”ဟု စင္ကာ ပူႏိုင္ငံေရာက္ ျမန္မာႏိုင္ငံ ဖြားတစ္ဦးက အတိတ္ကာလက ျဖစ္စဥ္တစ္ခုအေၾကာင္း ေျပာျပသည္။ သို႔ေသာ္ ေကာင္းမြန္ေသာအတိတ္ကို ျပန္ေျပာင္း ေျပာျပျခင္း မ်ိဳးေတာ့ မဟုတ္ပါ။
ယင္းျဖစ္စဥ္သည္ လြန္ခဲ့ေသာႏွစ္မ်ားစြာက ျဖစ္ပြားခဲ့ျခင္းျဖစ္ေၾကာင္း ၎က ျပန္စဥ္းစားရင္း ျဖည္းညင္းစြာ ေျပာျပသည္။ ထိုစဥ္က စင္ကာပူသို႔ ျမန္မာအိမ္အကူမ်ား တစ္စတစ္စ စတင္ေရာက္ရွိေသာ ကာလလည္း ျဖစ္သည္။
အထက္ပါအမ်ိဳးသမီးႀကီးသည္ မိသားစုအတြက္ အခြင့္အလမ္းအသစ္တစ္ခုကို ေတြ႕သြားသည္။ ထို႔ေၾကာင့္ စင္ကာပူႏိုင္ငံသို႔ အိမ္အကူလုပ္ကာ မိသားစုကိုေထာက္ပံ့ရန္ ေရာက္လာခဲ့သည္။ ျပည္ပသို႔ထြက္ခြာလာျခင္းအတြက္ အနာဂတ္အိပ္မက္မ်ား စြာလည္း ရွိေပလိမ့္မည္။ သို႔ေသာ္ ခရီးအဆုံးတြင္ အထင္ႏွင့္အျမင္ တက္တက္စင္ေအာင္ လြဲသြားခဲ့ရရွာသည္။
“သူက အလုပ္ေတြပင္ပန္းၿပီးေတာ့ စိတ္ေတြဖိစီးတယ္။ အိမ္ရွင္ေတြကလည္း မေကာင္းေတာ့ က်န္းမာေရး ခ်ိဳ႕တဲ့တာေပါ့။ ေနာက္ဆုံး ကင္ဆာျဖစ္ ၿပီးေတာ့ ေသသြားတာ။ ဇာတ္လမ္းအျပည့္အစုံေတာ့ မမွတ္မိေတာ့ဘူး။ ဒီမွာက အဲဒီလို အမ်ားႀကီးပဲ” ဟု ၎က သက္ျပင္းခ်ရင္းေျပာျပသည္။
စင္ကာပူမွအိမ္အကူအလုပ္သည္ ယခုေနာက္ပိုင္းတြင္ အမ်ိဳးသမီးမ်ားအၾကား ေရပန္းစား ေသာအလုပ္အကိုင္ တစ္ခု ျဖစ္လာသည္။ စင္ကာပူ၊ ေဟာင္ေကာင္၊ မကာအိုအျပင္ အေရွ႕အလယ္ပိုင္း ႏိုင္ငံမ်ားကလည္း အိမ္အကူေခၚ သည္။ ယင္း ႏိုင္ငံ၊ ေဒသမ်ားသို႔ ျမန္မာႏိုင္ငံမွ အိမ္အကူအျဖစ္သြား ေရာက္မႈမ်ားျပားသည္။ ျမန္မာႏိုင္ငံထက္ ေငြပိုရျခင္း က အိမ္အကူလုပ္ရန္အတြက္ ဆြဲေဆာင္မႈတစ္ခုျဖစ္ေနသည္။
ထို႔ျပင္ စိတ္ဝင္စားစရာ ေနာက္ထပ္အခ်က္ တစ္ခုမွာ အိမ္အကူအျဖစ္ ဘြဲ႕ရမ်ားပင္ ထြက္ခြာ အလုပ္လုပ္ေန ၾကျခင္းျဖစ္သည္။ လက္ႏုႏု၊ ေျခႏုႏု ပညာတတ္အမ်ိဳးသမီးငယ္မ်ားသည္ ၎တို႔၏ဘဝအတြက္ တိုင္းတစ္ပါးတြင္ ေအာက္ေျခမွ စလုပ္ၾကရသည္။
“ဝမ္းနည္းတာ ဘာလဲ သိလား။ ရန္ကုန္မွာ အေျခအေနမေကာင္းဘူးဆိုၿပီး ၾကားဖူးနားဝနဲ႔ အေၾကာက္လြန္ၿပီး ေျပးလာတာ။ ဘြဲ႕ရေတြဗ်။ အိမ္အကူ လာလုပ္တာ။ ဒီမွာ တစ္ခါတေလ လမ္းသြားလမ္းလာ ေတာင္မွ အိမ္အကူကို အိမ္အကူလိုပဲ တခ်ိဳ႕လူေတြ ကဆက္ဆံၾကတာ”ဟု ၎ကဆိုသည္။
ၿပီးခဲ့သည့္ကာလမ်ားတြင္ စင္ကာပူေရာက္ ျမန္မာအိမ္အကူမ်ားႏွင့္ပတ္သက္၍ ျဖစ္စဥ္မ်ားစြာ ျဖစ္ပြားခဲ့သည္။ အခ်ိဳ႕က ျမန္မာႏိုင္ငံမွမိသားစုအတြက္ ေခါင္းငုံ႔ခံၾကေသာေၾကာင့္ လူအမ်ားစု သိလိုက္ျခင္းမ ရွိေသာ္လည္း အခ်ိဳ႕ျဖစ္စဥ္ မ်ားမွာမူ တိုင္းသိျပည္သိ အထိပင္ျဖစ္သြားသည္။
ၿပီးခဲ့သည့္ (၂၀၁၇)ခုႏွစ္အတြင္းက ထင္ ရွားေသာသတင္းတစ္ခု ျဖစ္ခဲ့သည္။ ယင္းမွာ ျမန္မာ အိမ္အကူတစ္ဦး တိုက္ေပၚမွ ခုန္ခ်ေသဆုံးခဲ့ျခင္းျဖစ္ သည္။ ယင္းျဖစ္စဥ္က မီဒီယာမ်ားထက္တြင္ အက်ယ္ တ ဝင့္ ျဖစ္သြားခဲ့ေသာ္လည္း အလားတူျဖစ္စဥ္မ်ိဳးက ေပၚေပါက္ေနဆဲပင္။ ထိုစဥ္ကစကာ စင္ကာပူမွျမန္မာ အိမ္အကူမ်ား၏အခက္အခဲကို ပိုမို သတိထားလာမိခဲ့ ၾကျခင္းျဖစ္သည္။
ယင္းေနာက္ သတင္းမ်ား ဆက္တိုက္ထြက္ ေပၚလာရာ ျမန္မာအိမ္အကူကို အိမ္ရွင္က ညႇဥ္းပန္း ႏွိပ္စက္မႈေၾကာင့္ ေသဆုံးျခင္း၊ ဒဏ္ရာရျခင္း စသည္ ျဖင့္ ျဖစ္စဥ္မ်ားေပၚေပါက္ခဲ့သည္။ အဆိုပါျဖစ္စဥ္မ်ား အတြင္း ထူးထူးျခားျခားျဖစ္စဥ္အေနျဖင့္ အိမ္ရွင္၏ ေယာကၡမျဖစ္သူက ညႇဥ္းပန္းႏွိပ္စက္သည့္အျပင္ ျမန္ မာႏိုင္ငံျပန္ပို႔ မည္ဆိုေသာေၾကာင့္ ျမန္မာအိမ္အကူက ျပန္လည္ခုခံသတ္ျဖတ္သည့္ျဖစ္စဥ္လည္းရွိခဲ့သည္။
ယင္းႏိုင္ငံသို႔ ျမန္မာအမ်ိဳးသမီးမ်ား သြားေရာက္လုပ္ကိုင္ၾကရာတြင္ အမ်ားဆုံး စိတ္ဝင္စားခံရ သည့္လုပ္ငန္း အမ်ိဳးအစားမွာ အိမ္အကူႏွင့္ သက္ႀကီး ႐ြယ္အိုေစာင့္ေရွာက္ေရးတို႔ျဖစ္သည္။ အိမ္အကူ အလုပ္က ေအာက္ေျခသိမ္း အိမ္မႈတာဝန္မ်ားကို လုပ္ေဆာင္ရျခင္းျဖစ္ၿပီး သက္ႀကီး႐ြယ္အိုေစာင့္ ေရွာက္ေရးမွာမူ ဘိုးဘြားေစာင့္ေရွာက္ေရး ေဂဟာမ်ား တြင္ ေစာင့္ေရွာက္ရျခင္းႏွင့္ အိမ္မ်ားတြင္ရွိေနသည့္ သက္ႀကီး႐ြယ္အိုမ်ားကို ေစာင့္ေရွာက္ရျခင္းဟူ၍ ႏွစ္မ်ိဳးရွိသည္။
ေဂဟာတြင္ေစာင့္ေရွာက္ရသည့္လုပ္ငန္းအတြက္ သူနာျပဳႏွင့္ပတ္သက္ေသာ အေတြ႕အႀကဳံ၊ အေထာက္အထား လိုအပ္ၿပီး ေနအိမ္တြင္ သက္ႀကီး ႐ြယ္အိုေစာင့္ေရွာက္ရျခင္းမွာမူ လိုအပ္ခ်က္မ်ားစြာ မရွိေပ။ ဘိုးဘြားေစာင့္ေရွာက္ ေရးအတြက္ ပတ္သက္ေသာ သင္ၾကားမႈရွိရန္လိုသည္။ မည္သို႔ပင္ျဖစ္ေစကာ မူ အိမ္ရွင္အေပၚမူတည္သည္။ အၾကမ္း ဖ်င္းအားျဖင့္ အိမ္အကူ ေခါင္းစဥ္ေအာက္တြင္ရွိသည္။ ထိုအခါ အိမ္ရွင္သေဘာအရ အိမ္အကူအျဖစ္လုပ္ရျခင္းမ်ိဳး လည္းရွိသည္။ သို႔ေသာ္ ေငြရွာရန္ ျပည္ပထြက္ခြာ ေသာျမန္မာအလုပ္သမားသည္ ေရာက္သည့္ႏိုင္ငံ တြင္ အိမ္ရွင္ ေစခိုင္းေသာအလုပ္ကို ျငင္းဆန္ႏိုင္ျခင္း မရွိေတာ့ပါ။ “လူအို႐ုံေတြမွာေစာင့္ေရွာက္ရတာက အလုပ္ခ်ိန္မ်ားေပမယ့္ အဖြဲ႕အစည္း၊ စနစ္နဲ႔သြားေတာ့ အခက္အခဲအရမ္းမရွိဘူး။ အမ်ားဆုံးျဖစ္ႏိုင္တာက ဘာသာစကားအခက္အခဲ ေလာက္ပဲ ရွိတာ။ အဲဒီမွာက ႏိုင္ငံျခားသားမ်ားေတာ့ ေဖးမၾကတယ္။ အိမ္ေတြမွာ ေစာင့္ေရွာက္ရေတာ့ ျပႆနာအမ်ားႀကီး ၾကားရ တယ္” ဟု အထက္ပါ ျမန္မာႏိုင္ငံဖြားက ဆိုသည္။
အိမ္ရွင္ႏွင့္ေအဂ်င့္အၾကား ခ်ိတ္ဆက္ရာတြင္ ေအးဂ်င့္ဘက္က “လူရၿပီးေရာ”ဆိုေသာသ ေဘာျဖင့္ ထည့္လိုက္ ျခင္းေၾကာင့္ အလုပ္လုပ္ရမည့္ အိမ္ေရာက္ေသာအခါ အခက္အခဲႀကဳံရျခင္းမ်ားရွိသည္။ ထို႔ျပင္ အိမ္အကူႏွင့္ သက္ႀကီး ႐ြယ္အိုေစာင့္ ေရွာက္ေရး မကြဲျပားေသာေၾကာင့္ အိမ္အကူအျဖစ္ ေျပာင္းလဲသြားျခင္းမ်ိဳးလည္းရွိသည္။ ထို႔ျပင္ အေရး ႀကီးဆုံးက ဘာသာစကားျဖစ္သည္။ ‘ေရွ႕ပိုင္းလူေတြက အဂၤလိပ္စကားေျပာႏိုင္တယ္ဆိုတာ ပညာတတ္ ေတြေလာက္ပဲ ေျပာႏိုင္တာဆိုေတာ့ တ႐ုတ္စကား နားမလည္တာ၊ တခ်ိဳ႕ အိႏၵိယအိမ္ေတြ ဘာေတြဆို ၾကမ္းတယ္။ ေျခလက္ပါတယ္။ ႐ိုက္တာႏွက္တာရွိ တယ္။ အစားအေသာက္ ဝေအာင္မေကြၽးတာရွိ တယ္။ သက္ႀကီး႐ြယ္အိုရွိလိုသာ အိမ္အကူေခၚလိုက္ တာ၊ အိမ္အကူေခၚႏိုင္တဲ့ဝင္ေငြ မရွိဘူး။ မရွိတဲ့အ တြက္ ေခါက္ဆြဲထုပ္တစ္ထုပ္နဲ႔ထားတာတို႔ရွိတယ္’ ဟုဆိုသည္။
အိမ္အကူအျဖစ္သြားေရာက္လုပ္ကိုင္ရန္ က်သင့္ေငြမွာ ယခင္က သိန္းဆယ္ဂဏန္းသာရွိခဲ့ ရာမွ ယခုအခါ သိန္းရာဂဏန္းအထိကပ္ေနေပၿပီ။ သို႔ေသာ္ အလုပ္သမားေစလႊတ္ေသာ ေအးဂ်င့္ဘက္ က အခြင့္အေရးတစ္ခုေပးသည္။ ယင္းမွာ ေငြအလုံး အရင္းကို တစ္ခါတည္းသြင္းရန္မလိုဘဲ လစာကိုႀကိဳ ျဖတ္ျခင္းျဖစ္သည္။ ေစလႊတ္ေပးခအျဖစ္ လစာ (၇) လစာအထိ အမ်ားဆုံး ျဖတ္ေတာက္ေလ့ရွိၿပီး ပတ္စ္ပို႔ အပါအဝင္ လိုအပ္ေသာစာ႐ြက္စာတမ္းမ်ားကိုမူ ပုံ မွန္အားျဖင့္ သြားေရာက္လုပ္ကိုင္မည့္သူဘက္က ေဆာင္႐ြက္ေပးရသည္။ ထိုအခါ အေႂကြးျဖင့္သြား ေရာက္လုပ္ကိုင္သူ အေနျဖင့္ ျမန္မာႏိုင္ငံျပန္လာရန္ အဘယ္သို႔ စဥ္းစားႏိုင္ေတာ့မည္နည္း။ အိမ္မျပန္လို ေသာ စင္ကာပူေရာက္ျမန္မာ အိမ္အကူမ်ားအတြက္ ရင္နာစရာ ဇာတ္လမ္းမ်ားစြာရွိသည္။
“တခ်ိဳ႕ကလည္း အဆင္မေျပေပမယ့္ ျမန္မာႏိုင္ငံကိုမျပန္ခ်င္ေတာ့ ကားထဲေျပးဝင္တာမ်ိဳးလို ျဖစ္စဥ္ေတြ ေတာင္ရွိတယ္”ဟု အထက္ပါ ျမန္မာႏိုင္ငံ ဖြားက ျဖစ္စဥ္အမ်ိဳးအစားတစ္မ်ိဳးကို ေျပာျပသည္။ထို႔ျပင္ စင္ကာပူေရာက္ ျမန္မာအိမ္အကူမ်ားၾကား ရံဖန္ရံခါျဖစ္တတ္ေသာျပႆနာမွာ အိမ္ရွင္က လစာ ခ်န္ျခင္းေၾကာင့္ အဆင္မေျပသည့္ အတြက္ အလုပ္ထြက္လိုက္ရျခင္းမ်ိဳးျဖစ္သည္။ ထိုအခါတြင္လည္း အခ်ိဳ႕က ျမန္မာျပည္သို႔ျပန္မည့္အစား ဘဝကိုအဆုံး သတ္ မည့္လမ္းကို ေ႐ြးလိုက္ၾကျခင္းမ်ိဳးလည္းရွိသည္။
စင္ကာပူႏိုင္ငံသို႔ အိမ္အကူအျဖစ္ လုပ္ကိုင္ရျခင္းႏွင့္ပတ္သက္၍ အထက္ပါအခ်က္မ်ားအျပင္ စိန္ေခၚမႈမ်ားစြာရွိ သည္။ အျခားလုပ္ငန္းခြင္မ်ားကဲ့သို႔ လုပ္ေဖာ္ကိုင္ဖက္မ်ားႏွင့္အလုပ္လုပ္ကာ သူေဌးကို ရံဖန္ရံခါဆက္ဆံရျခင္း မ်ိဳးမဟုတ္ဘဲ အလုပ္ရွင္ႏွင့္ လက္ပြန္းတတီးေနရသည္။ တိုက္႐ိုက္ေစခိုင္းခံ ရသည္။ ထို႔ျပင္ အဆူအေငါက္ လည္းမလြတ္ ေပ။ မွန္မွန္၊ မွားမွား ကိုယ့္ဘက္က ေခါင္းခံရျခင္းမ်ိဳးရွိသည္။
‘စင္ကာပူမွာ အိမ္အကူအျဖစ္အလုပ္ လုပ္ကိုင္တာ ဆယ္ႏွစ္ေလာက္ရွိၿပီ။ အစ္မရဲ႕အေတြ႕ ႀကဳံ၊ အခက္အခဲ၊ ရင္ဆိုင္ႀကဳံေတြ႕ေနရတာေတြကို ေျပာျပမယ္ဆိုရင္ေတာ့ အမ်ားႀကီးပါပဲ။ ေရာက္ခါစ ေတာ့ ဘာသာစကားအခက္အခဲ၊ စားေသာက္ေန ထိုင္မႈပုံစံေတြက မတူညီတာမို႔ ေနသားက်ဖို႔ အေတာ္ ႀကိဳးစားရတယ္ေပါ့ေနာ္။ စင္ကာပူေရာက္ၿပီဆိုရင္ မိဘအိမ္လိုေတာ့ ေနလို႔မရေတာ့ဘူး။ ကိုယ့္စိတ္ကိုယ္ မပိုင္ေတာ့ဘူး။ ေနမေကာင္းလည္းလုပ္။ အိမ္ရွင္ သူေဌးေတြ ႀကိဳက္ဖို႔အတြက္ ကိုယ္ကႀကိဳးစားၿပီး လုပ္တယ္။ တစ္ခါတေလ အဆူ၊အဆဲခံရလည္း ကိုယ္မွန္ ေနလည္း သည္းခံရ တယ္’ဟု စင္ကာပူတြင္ ဘိုးဘြား ေစာင့္ေရွာက္ေရးအလုပ္ကိုလုပ္ကိုင္ခဲ့ဖူးၿပီး လက္ရွိ တြင္လည္း အိမ္အကူအျဖစ္ ဆက္လက္လုပ္ကိုင္ေန သူမျဖဴ(အမည္လႊဲ)ကဆိုသည္။
အျခားျပႆနာတစ္ခုမွာ လုပ္ငန္းခြင္ ဖိႏွိပ္ခံရျခင္းျဖစ္သည္။ လူတစ္ေယာက္ျဖစ္လာသည့္အခါ အလုပ္လုပ္ခ်ိ န္၊ စိတ္အပန္းေျဖခ်ိန္ စသည္ျဖင့္ လိုအပ္သည္။ သို႔ေသာ္ အိမ္အကူတစ္ေယာက္အတြက္ အထက္ပါအခြင့္အေရးမ်ိဳး မရျခင္းလည္းရွိသည္။ ပုံမွန္အားျဖင့္ တနဂၤေႏြသည္ ကမာၻလုံးဆိုင္ရာအား လပ္ရက္ဟုဆိုႏိုင္ေသာ္လည္း တစ္ပတ္လုံး အလုပ္ လုပ္ရေသာ ျမန္မာအိမ္အကူမ်ားလည္း စင္ကာပူႏိုင္ငံ တြင္ရွိေနသည္။
“အဆင္ေျပတဲ့သူလည္းရွိတယ္။ သူမ်ား အဆင္ေျပတိုင္း ကိုယ္အဆင္ေျပမယ္လို႔ မဟုတ္ဘူး။ ပိုက္ဆံအဆင္ေျပ တာေတာ့ ရွိတယ္။ ဒါေပမဲ့ စိတ္ တင္းက်ပ္၊ စိတ္မလြတ္လပ္မႈ စသည္ျဖင့္ လူတစ္ ေယာက္အေနနဲ႔ ဆုံးရႈံးရတဲ့ စိတ္ပိုင္းဆိုင္ရာထိခိုက္မႈ ေတြကအမ်ားႀကီးပဲ”ဟု စင္ကာပူႏိုင္ငံေရာက္သတင္း ရင္းျမစ္တစ္ဦးကဆိုသည္။
ထို႔ျပင္ အိမ္အကူကိုႏွိမ္ျခင္းလည္းရွိသည္။ ကာယိေျႏၵေစာ္ကားခံရေသာျဖစ္စဥ္မ်ားလည္းရွိ သည္။ လူရွိလွ်င္ ျပႆနာရွိသည္ျဖစ္ရာ စင္ကာပူတြင္ လည္း ျပႆနာမ်ားစြာရွိေနသည္။ အိမ္အကူအလုပ္ သည္ကား အျခားလုပ္ငန္းခြင္ မ်ားထက္ ကံကိုပုံခ်ကာ သြားေရာက္ရေသာ လုပ္ငန္းခြင္အမ်ိဳးအစားျဖစ္သည္။
‘လြယ္လြယ္မေတြးနဲ႔ ေသခ်ာဆုံးျဖတ္ေစခ်င္တယ္’ဟု ၎ကဆိုသည္။ ကံကိုယုံကာ ဆူးပုံနင္းရ သည္ဆိုေသာစကားမွာ စင္ကာပူမွအိမ္အကူအလုပ္ ႏွင့္ထပ္တူက်သည္။ ျမန္မာႏိုင္ငံသားမ်ားအားလုံးကို ကံေကာင္း ေစလိုပါသည္။ သို႔ေသာ္ အားလုံးကံေကာင္း ရန္မွာ မလြယ္ကူေပ။
သုတေက်ာ္