‘‘ အနုပညာနယ်ပယ်စုံ ဂယက်များ ”
2209
EP (NP News) - နိုဝင်ဘာ ၃
“NP News” ရဲ့အပတ်စဉ်ဖော်ပြနေတဲ့ အနုပညာအနှစ်ချုပ်ကဏ္ဍကနေ အနုပညာသတင်းတွေကို ဖော်ပြပေးပါမယ်။
ဒီတစ်ပတ်အတွက် အနုပညာကဏ္ဍကနေ ‘‘ နောနော်ရဲ့ဘာသာမဲဆွယ်မှုလုပ်ရပ်၊ လွင်မိုးနဲ့ခန့်စည်သူတို့ ပါဝင်ထား တဲ့ ဂျာကစ်စာဘူးသရီးရုပ်ရှင်ကို မြန်မာဟိန္ဒူသမဂ္ဂ ကန့်ကွက်” အစရှိတဲ့ အနုပညာဆက်စပ်သတင်းတွေကို ဖော်ပြပေးပါမယ်။
အဆိုတော် နောနော်ရဲ့ ဘာသာရေးမဲဆွယ်မှုလုပ်ရပ်
အဆိုတော်နောနော်က ဆင်းရဲနွမ်းပါးသူ၊ တောင်းရမ်းစားသောက်သူကလေးငယ်တွေ အပါအဝင် လမ်းဘေးနေ သူတွေကို အဓိကပစ်မှတ်ထားကာ ဘာသာရေးစည်းရုံးမှုတွေ လုပ်ဆောင်နေတဲ့ ရုပ်သံဗီဒီယိုတွေ ဆိုရှယ်လူမှုကွန်ရက် ပလက်ဖောင်းတွေမှာ ပျံ့နှံ့လျက်ရှိပါတယ်။ အထူးသဖြင့် ၎င်းကိုယ်တိုင်အသုံးပြုတဲ့ တစ်တော့ခ်အကောင့်မှာ တရားဝင် ဖော်ပြတင်ထားတာကို တွေ့မြင်ရပါတယ်။
နောနော်ရဲ့ပြောစကားတွေအရ ‘‘ဘာသာမဆွယ်ဘူး၊ ဘာသာမပြောင်းနဲ့။ ပန်းရောင်းကောင်း ချင်ရင် ယေရှုကို စမ်း တ ကြည့်၊ ဘာသာမပြောင်းနဲ့ နော်၊ ယေရှုကပေးလိမ့်မယ်” ‘‘သန့်ရှင်းသော ဝဋ် ညာဉ်တော် ကျွန်ုပ်ရဲ့ခန္ဓာကိုယ်ထဲ ဝင်ရောက်အုပ်စိုးပါ။ သခင်ယေရှုခရစ်တော်နာမဖြင့် အပ်လိုက်ပြီ အာမင်။ သမီးတို့ဖြစ်ချင်တဲ့အရာတွေရှိတယ်မလား။ ယေရှုဘုရားတန်ခိုးကြီးလျှင် ဖြစ်စေပါ။ စိတ်ထဲမှာစမ်းကြည့်ပါ။ ဘာသာမပြောင်းနဲ့။ ယေရှုဘုရား သခင်ရှင် သမီး ဒါဖြစ်ချင်တယ်၊ ဒါလိုချင်တယ်။ တန်ခိုးကြီးရင်ပေးပါလို့ တကြည့်။ ယေရှုက သမီးတို့ နားမှာရှိနေတယ်။ သရဲတစ္ဆေလည်း ရှိသလို ဘုရားသခင်လည်း အနားမှာရှိတယ်။ ယေရှုဘုရားကို တကြည့် အရမ်းစွမ်းတယ်}}လို့ဆိုကာ ပန်းသည်၊ ရေ သန့်ဘူးသည်တွေနဲ့ တခြားဈေးသည်တွေ အပါအဝင် လမ်းဘေး တောင်းရမ်းစားသောက်သူတွေကို ငွေကျပ် (၁၀ဝဝ)မှ (၅၀ဝဝ)ပေးရင်း ဘာသာရေး စည်းရုံးမှုများလုပ်ဆောင်လျက်ရှိပါတယ်။
ခရစ်ယာန်ဘာသာကိုးကွယ်သူ နောနော်က ၎င်းနဲ့တွေ့ဆုံသူတိုင်းကို ခရစ်ယာန်ဘာသာ၊ ယေရှု အကြောင်းပြော လေ့ရှိပြီး ဘာသာဆွယ်မှုလုပ်ဆောင် လေ့ရှိကြောင်း သတင်းတွေထွက်ပေါ်လျက်ရှိပြီးသားပါ။
နော်နော်နည်းတူ အဆိုတော် တွင်လ်ကယ်ကလည်း ၎င်းနေထိုင်တဲ့ ရပ်ကွက်၊ ဈေးနဲ့ပန်းခြံတွေမှာ သီချင်းဆို ဖျော်ဖြေမှုအကြောင်းပြကာ ယေရှုအကြောင်း ပြောဆိုခြင်း၊ ဘုရားသီချင်းများ သီဆိုစည်းရုံး ခြင်းတို့ လုပ်ဆောင်လျက်ရှိ ပါတယ်။
လူတစ်ဦးက လူတစ်ဦးအပေါ် အလှူအတန်းပြု လုပ်လိုခြင်းကြောင့်ဖြစ်စေ၊ နွမ်းပါးသူတွေအတွက် ပေးကမ်းလို ခြင်းကြောင့်ဖြစ်စေ ၎င်းတို့ပေးလိုက်တဲ့ ငွေကြေးအပါအဝင် ပစ္စည်းကို စေတနာသန့်ရှင်းစွာ ပေးကမ်းဖို့လိုအပ်ပါတယ်။ ရည်ရွယ်ချက်တစ်ခုခုကြောင့်၊ လူသိများထင်ရှားလိုမှုတစ်ခုခုကြောင့် မရှိနွမ်းပါးသူကိုအသုံးချခြင်းဟာ အကျဉ်းတန် ရုပ်ဆိုးလှပြီး၊ ဘာသာရေးမဲဆွယ်မှုဆိုရင် ပို၍ပင် အပြစ်ကြီး မားလှပါတယ်။ ဒါကြောင့်လည်း အဆိုတော်နောနော်ရဲ့ လက်ရှိလုပ်ရပ်တွေက ဘာသာရေးနယ်ချဲ့မှု တစ်ခု အဖြစ် ရှုမြင်နိုင်ပါတယ်။
မြန်မာနိုင်ငံမှာ ဗုဒ္ဓဘာသာဝင် သံဃာတော်တွေ ကိုယ်တိုင်ပင် တရားပွဲတော်ကျင်းပမယ်ဆိုပါက ပွဲစီစဉ်သူ တွေ ဘက်ကနေ သာသနာရေးနှင့်ယဉ် ကျေးမှုဝန်ကြီးဌာန အပါအဝင် ရပ်ကွက်/ကျေးရွာအလိုက် သက်ဆိုင်ရာ ဒေသတာဝန်ရှိသူတွေထံ ခွင့်ပြုချက်တောင်းခံ အသိပေးပြီးမှသာ တရားပွဲကျင်းပလေ့ရှိပါတယ်။ ဒါပေမဲ့ ခရစ်ယာန် ဘာသာဝင်လူအများစုကတော့ လမ်းမထက်နဲ့ ဗုဒ္ဓဘာသာဝင်တွေရဲ့နေအိမ်ရှေ့တွေမှာ တရားလက်လွတ်ပြုကာ ခရစ်ယာန်ဘာသာ၊ ယေရှုအကြောင်းပြောဆိုခြင်း၊ ငွေပေး စည်းရုံးခြင်းတို့ လုပ်ဆောင်လာကြတာကို ပိုမိုတွေ့မြင် လာရပါတယ်။
ခရစ်ယာန်ဘာသာဝင်လူတချို့ရဲ့ဘာသာရေး စည်းရုံးမှုလုပ်ရပ်တွေက ဗုဒ္ဓဘာသာဝင်တွေသာမက တခြား ဘာသာဝင်အပေါ် စိတ်အနှောင့်အယှက်ဖြစ်ပေါ်စေပါတယ်။ ၎င်းတို့အနေနဲ့ ခရစ်ယာန်ဘုရားကျောင်းအတွင်း ဝင်ရောက်လာသူ မည်သူ့ကိုမဆို ဘာသာရေးဟောပြောစည်းရုံးမှု လွတ်လပ်စွာပြုလုပ်နိုင်ပြီး အဲဒီလိုလုပ်ရပ်အပေါ် အပြစ်မဆိုနိုင်ပါ။ အခု ဆိုရင် ခရစ်ယာန်ဘာသာက လမ်းမမှာ ကြုံရာလူ ပိုက်ဆံပေးမဲဆွယ်တဲ့ဘာသာတစ်ခုအဖြစ် လူ အထင်အ မြင်သေး၊ ဝေဖန်ခံရတဲ့အဆင့်အထိ ရောက်ရှိလာပြီ ဖြစ်လို့နေပါတယ်။
‘‘ဒီလို ဘာသာရေးစည်းရုံးမှုလုပ်ရပ်တွေကို ခရစ်ယာန်ဘာသာရေးအသင်းအဖွဲ့တွေကိုယ်တိုင် ခွင့်ပြုပေး ထားတာလားနဲ့ ခရစ်ယာန်ဘာသာအပေါ် အထင်အမြင်သေးအောင်လုပ်ဆောင်နေသူတွေကို မျက်ကွယ်ပြု လွှတ်ထားကြ တော့မှာလား၊ ဘာသာ ရေးစည်းရုံးမှုက လုပ်သင့် မလုပ်သင့် ဆင်ခြင်သင့် ကြောင်း” မေးခွန်းထုတ်သူများလည်းရှိလို့လာပါတယ်။
မြန်မာနိုင်ငံက ဘာသာရေးလွတ်လပ်ခွင့် အပြည့်အဝရရှိထားတဲ့ နိုင်ငံတစ်နိုင်ငံဖြစ်ပါတယ်။ ဒါပေမဲ့ မိမိသဘောဆန္ဒအလျောက် ကိုးကွယ်ယုံ ကြည်မှုမဟုတ်တဲ့ ဘာသာရေး မဲဆွယ်မှုပြုလုပ်သူနဲ့ လုပ်ရပ်မျိုးကိုတော့ လက်သင့်မခံကြပါ။ ဗုဒ္ဓဘာသာကိုးကွယ်သူတွေနဲ့ တခြားဘာသာဝင်တွေအတွက် မက်လုံးပေး ဘာသာဆွယ်မှု ပြုလုပ်သူတွေနဲ့ နောနော်၊ တွင်လ်ကယ်တို့ကို သာသနာရေးနဲ့ ယဉ်ကျေးမှု ဝန်ကြီးဌာန အပါအဝင် ခရစ်ယာန် ဘာသာရေးအဖွဲ့အစည်းနဲ့ မြန်မာနိုင်ငံ ဂီတအစည်းအရုံးတို့က ခေါ်ယူသတိပေးတားမြစ်ရင်း ထိန်းကွပ်မှုပြုသင့် နေပြီဖြစ်ကြောင်း ဘာသာရေး အသင်းအဖွဲ့များက မှတ်ချက်ပြုထောက်ပြလာကြပါတယ်။
မြန်မာအလှမယ်လောကအတွက် အလှမယ်သက်စံအန်ဒါဆန်က မျှော်လင့်ချက်အသစ် ဖြစ်လာနိုင်မလား
73rd MISS UNIVERSE 2024 ပြိုင်ပွဲကြီးမှာ မြန်မာနိုင်ငံကိုယ်စားပြုအဖြစ် မြန်မာ-ဆွီဒင်ကပြား အလှမယ် သက်စံအန်ဒါဆန် ဝင်ရောက်ယှဉ်ပြိုင်နေတာဖြစ်ပြီး MISS UNIVERSE ပွဲတာဝန်ရှိသူတွေနဲ့ နိုင်ငံတကာမီဒီယာတွေ ရဲ့အာရုံစိုက်ရမှုကို ရရှိနေပါတယ်။ MISS UNIVERSE 2024 ၂၀၂၄ ပြိုင်ပွဲကို မက္ကဆီကိုနိုင်ငံ မှာ (၂၀၂၄) ခုနှစ် အောက်တိုဘာလ (၃၀) ရက်မှာ စတင်ကျင်းပခဲ့ပြီး မြန်မာအလှမယ် သက်စံအန်ဒါဆန်က ပြိုင်ပွဲမကျင်းပခင် တစ်ပတ် အလိုကတည်းက မက္ကဆီကိုနိုင်ငံကို ရောက်ရှိခဲ့ပါတယ်။ မက္ကဆီကိုနိုင်ငံရှိ MISS UNIVERSE ORGANIZATION ရုံးခွဲကို သွားရောက်လည်ပတ်ခဲ့ပြီး တာဝန်ရှိအကြီးအကဲ တွေနဲ့ နှုတ်ဆက်ခဲ့တာဖြစ်ပါတယ်။
သက်စံအန်ဒါဆန်က “MISS UNIVERSE CROWN ကို မြန်မာနိုင်ငံအတွက် ပထမဆုံးအကြိမ် အရယူခဲ့မယ်”လို့ လေဆိပ်ကထွက်ခွာချိန်မှာ ကြွေးကြော်ခဲ့တာပါ။ သူက Body, Beauty, Brain ပြည့်စုံရုံမက ဆွီဒင်၊ အင်္ဂလိပ်၊ ကိုရီးယား၊ ပြင်သစ်၊ မြန်မာစတဲ့ ဘာသာစကား (၅) မျိုးအထိ ကျွမ်းကျင်စွာပြောဆိုနိုင်သူ ဖြစ်ပါတယ်။ သက်စံအန်ဒါဆန်က မြန်မာနိုင်ငံရဲ့ပညာရေးကဏ္ဍအတွက် ‘‘လူငယ်ပညာရေးနဲ့ဖွံ့ဖြိုးရေး” ပရောဂျက်အဖြစ်ဆောင်ရွက်ခဲ့ပြီး၊ MISS UNIVERSE ပြိုင်ပွဲက အလှမယ်တစ်ဦးချင်းရဲ့လူမှုအကျိုးပြု ဆောင်ရွက်တဲ့ ပရောဂျက် အားကောင်းမှုကိုပြသနိုင်ရေးက အရေးပါတဲ့အခန်းကဏ္ဍတစ်ခုလည်းဖြစ်ပါတယ်။ သက်စံအန်ဒါဆန်ရဲ့ ပညာရေးပရောဂျက်မှာ “သူရဲ့ ဘဝခံယူချက်၊ ဘဝအတွေ့အကြုံနဲ့ ပညာရေးအပေါ် လေ့လာ လိုက်စားမှုတွေကနေရရှိလာတဲ့ အတွေ့အကြုံတွေကိုအခြေပြုကာ မြန်မာလူငယ်တွေရဲ့အတန်းပညာ၊ အသက်မွေးဝမ်းကြောင်းဆိုင်ရာ ပညာရပ်တွေကို မိမိကိုယ်ကိုယ်ရပ်တည်ခြင်း အတွက် အရေးပါတဲ့အရင်းအမြစ်တွေ၊ ဗဟုသုတတွေတိုးပွားစေဖို့ ရည်ရွယ်ဆောင်ရွက်ခြင်းဖြစ်တယ်” လို့ သိရပါတယ်။ ဒါ့ပြင် ရရှိလာမယ့် Voting အရေအတွက်နဲ့အတူ ပွဲတာဝန်ရှိသူ အကဲဖြတ်ဒိုင်တွေက ပထမဦးစွာ Silver Finalists (၇) ဦးကို (၁၄) ရက် နိုဝင်ဘာလ (၂၀၂၄) ခုနှစ်မှာ ကြေညာပေးသွားမှာဖြစ်ကာ ရွေးချယ်ခံရသူ (၇) ဦးက Mouawad က ချီးမြှင့်မယ့် အမှတ်တရ ရင်ထိုးဆုတံဆိပ်ကို ရရှိမှာဖြစ်ပါတယ်။ အဆိုပါ (၇) ဦးအနက် Gold Winners (၃) ဦးကို (၁၆) ရက် နိုဝင်ဘာလ (၂၀၂၄) ခုနှစ်မှာ ထပ်မံကြေညာပေးသွားမှာဖြစ်ပြီး Mouawad ရဲ့ဆုတံဆိပ်ရင်ထိုးနဲ့အတူ ဆုကြေးငွေ USD 12000 ကို ရရှိမှာဖြစ်ပါတယ်။ မြန်မာအလှမယ်လောကကို စိတ်ဝင်တစားအားပေးကြတဲ့ပရိသတ်တွေကတော့ MISS GRAND INTERNATIONAL ပြိုင်ပွဲဂယက်ပြီးနောက် MISS UNIVERSE CROWN အတွက် သက်စံအန်ဒါဆန်အပေါ် မျှော်လင့်ချက်ပြောင်းလာကြပြီဖြစ်ပါတယ်။
လွင်မိုးနဲ့ ခန့်စည်သူတို့ ပါဝင်ထားတဲ့ ဂျစ်ကား စီးဖူးသလား ဂျာကစ်စာဘူးသရီး ရုပ်ရှင်ကို မြန်မာဟိန္ဒူသမဂ္ဂ ကန့်ကွက်
ဒါရိုက်တာ ကိုဇော်(အရုဏ်ဦး)ရိုက်ကူးပြီး ထပ်ဆင့်အကယ်ဒမီမင်းသားကြီးတွေဖြစ်တဲ့ လွင်မိုး၊ ခန့်စည်သူ၊ ခိုင်သင်းကြည်နဲ့ ရွှေမှုံရတီတို့ပါဝင်ထားတဲ့ “ဂျစ်ကားစီးဖူးသလား ဂျာကစ်စာဘူးသရီး” ရုပ်ရှင်ကို မြန်မာ ဟိန္ဒူသမဂ္ဂက ကန့်ကွက်ကြောင်းစာထုတ်ပြန်လိုက်ပါတယ်။
‘‘ဂျစ်ကားစီးဖူးသလား ဂျာကစ်စာဘူးသရီး ရုပ်ရှင်သည် ဟိန္ဒူဘာသာဝင်များ၏ ရိုးရာအဝတ်အစားများကို ဝတ်ဆင်ကာ အပျော်အပျက်သရုပ်ဖော်ထားသောကြောင့် မြန်မာနိုင်ငံအတွင်းရှိ အိန္ဒိယမျိုးနွယ်စု ဟိန္ဒူနွယ်ဝင် အားလုံး ကိုယ်စား အပြင်းအထန်ကန့်ကွက်ကြောင်း” မြန်မာဟိန္ဒူသမဂ္ဂက အောက်တိုဘာ (၂၉)ရက်မှာ ထုတ်ပြန်အသိပေးခဲ့ တာပါ။
‘တစ်ပါးသူတို့၏ ယဉ်ကျေးမှုအဆင်တန်ဆာတန်ဖိုးများကို စံနှုန်းမထားဘဲ ဗရမ်းဗတာလုပ်ကာ ဟာသပြု လုပ်ခြင်းသည် အရာမရောက်ဘဲ အလွန်ပင် အကျည်းတန်လှပေသည်။ ဟိန္ဒူလူ့အဖွဲ့အစည်းကိုပြက်ရယ်ပြုကာ ဟာသ ဇာတ်ကားအဖြစ် သရုပ်ဖော်ပြသသော ဤရုပ်ရုင်ဇာတ်ကားသည် မိမိတို့၏ယဉ်ကျေးမှုကို နှိမ့်ချ လှောင်ပြောင်ရုံသာမက ဟိန္ဒူလူမျိုးစုတို့အား တိုက်ရိုက်စော်ကားလိုက်ခြင်းပင်ဖြစ်သည်’လို့ ထည့်သွင်းထားပါတယ်။ Perfect ရုပ်ရှင်ရိုက်ကူး ထုတ်လုပ်သူဘက်က ‘‘အဆိုပါဇာတ်ကားမရိုက်ကူးခင်ကတည်းက မြန်မာနိုင်ငံလုံးဆိုင်ရာ ဟိန္ဒူဘာသာရေးဗဟိုအဖွဲ့ ချုပ်ထံ ခွင့်ပြုချက်တင်ခဲ့ပြီး၊ မြန်မာနိုင်ငံလုံးဆိုင်ရာ ဟိန္ဒူဘာသာရေးဗဟိုအဖွဲ့ချုပ် အတွင်းရေးမှူး ဦးကျော်သူကိုယ်တိုင် လက်ခံရေးထိုးခွင့်ပြုခဲ့ခြင်းဖြစ်ကြောင်း၊ ခွင့်ပြုချက်ရရှိမှသာ ရုပ်ရှင်ဇာတ်ကားကို စတင်ရိုက် ကူးခဲ့ခြင်းဖြစ်ကြောင်း၊ ဆင်ဆာဖြတ်ကျော်လုပ်ဆောင်မှုကိုလည်း အောင်မြင်ခဲ့ပြီးကြောင်း၊ ဘာသာရေးအရ စော်ကားလိုခြင်း စိတ်ကူးရည်ရွယ် ချက် တစ်စုံတစ်ရာမရှိပါကြောင်း” ပြန်လည် ဖြေရှင်းမှုတွေရှိခဲ့ပါတယ်။
ထုတ်လုပ်သူ၊ ဒါရိုက်တာနဲ့ ပါဝင်ထားသူ သရုပ်ဆောင်တွေအနေနဲ့ ဟာသဇာတ်ကားအဖြစ် ခံစားကြည့်ရှုနိုင်ပါ ကြောင်းဆိုနိုင်ပေမယ့် ဇာတ်လမ်းဇာတ်ကွက်တိုင်းက ဟိန္ဒူဘာသာဝင်တွေအပေါ် ပျက်ရယ်ပြုဟန်ကြောင့် စိတ်ထိခိုက် ရကြောင်း၊ အနုပညာဖန်တီးသူတွေအနေနဲ့ ဘာသာရေး၊ ယဉ်ကျေးမှုဓလေ့ထုံးတမ်းကို လေးစားလိုက်နာသင့်ကြောင်း၊ အခုလို ခေတ်ကာလမျိုးမှာပို၍ပင် ဘာသာရေး၊ လူမျိုးရေး စော်ကားမှုပုံရိပ်မပြုလုပ်သင့်ကြောင်း သက်ဆိုင်ရာအသိုင်း အဝိုင်းများက ၎င်းတို့ကို အပြင်းအထန် ဝေဖန် ထောက်ပြနေကြတာဖြစ်ပါတယ်။ မြန်မာ ဟိန္ဒူသမဂ္ဂဘက်ကတော့ ‘‘နောက်နောင် Minorities လူနည်းစုလူမျိုးများ၏ ယဉ်ကျေးမှု၊ ရိုးရာဓလေ့နှင့် minorities လူမျိုးစုများကို တိုက်ရိုက်စော် ကားမှုများကို လုံးဝလက်မခံ၊ ခွင့်ပြုမည်မဟုတ်ကြောင်းကို ပြင်းပြင်းထန်ထန် သတိပေးလိုက်ပါသည်}}လို့ အတိအလင်း ဖော်ပြထားပါတယ်။ အဆိုပါဇာတ်ကားကို လွန်ခဲ့တဲ့ ခြောက်နှစ်ခန့်ကရိုက်ကူးထားခြင်းဖြစ်ပြီး၊ လက်ရှိဇာတ်ကားရုံ တင်ပြသချိန်မှာ ‘‘ဂျစ်ကား စီးဖူးသလား” အဖြစ် အမည်ပြောင်းလဲပြသခဲ့ကြပါတယ်။
ဒီတစ်ပတ်အတွက် အနုပညာကဏ္ဍ ကို ဒီမှာပဲရပ်နားခွင့်ပြုပါ။
Zawgyi Version;
‘‘ အႏုပညာနယ္ပယ္စုံ ဂယက္မ်ား ”
EP (NP News) - ႏိုဝင္ဘာ ၃
“NP News” ရဲ႕အပတ္စဥ္ေဖာ္ျပေနတဲ့ အႏုပညာအႏွစ္ခ်ဳပ္က႑ကေန အႏုပညာသတင္းေတြကို ေဖာ္ျပေပးပါ မယ္။
ဒီတစ္ပတ္အတြက္ အႏုပညာက႑ကေန ‘‘ ေနာေနာ္ရဲ႕ဘာသာမဲဆြယ္မႈလုပ္ရပ္၊ လြင္မိုးနဲ႔ခန႔္စည္သူတို႔ ပါဝင္ထား တဲ့ ဂ်ာကစ္စာဘူးသရီး႐ုပ္ရွင္ကို ျမန္မာဟိႏၵဴသမဂၢ ကန႔္ကြက္” အစရွိတဲ့ အႏုပညာဆက္စပ္သတင္းေတြကို ေဖာ္ျပေပးပါမယ္။
အဆိုေတာ္ ေနာေနာ္ရဲ႕ ဘာသာေရးမဲဆြယ္မႈလုပ္ရပ္
အဆိုေတာ္ေနာေနာ္က ဆင္းရဲႏြမ္းပါးသူ၊ ေတာင္းရမ္းစားေသာက္သူကေလးငယ္ေတြ အပါအဝင္ လမ္းေဘးေန သူေတြကို အဓိကပစ္မွတ္ထားကာ ဘာသာေရးစည္း႐ုံးမႈေတြ လုပ္ေဆာင္ေနတဲ့ ႐ုပ္သံဗီဒီယိုေတြ ဆိုရွယ္လူမႈကြန္ရက္ ပလက္ေဖာင္းေတြမွာ ပ်ံ႕ႏွံ႔လ်က္ရွိပါတယ္။ အထူးသျဖင့္ ၎ကိုယ္တိုင္အသုံးျပဳတဲ့ တစ္ေတာ့ခ္အေကာင့္မွာ တရားဝင္ ေဖာ္ျပတင္ထားတာကို ေတြ႕ျမင္ရပါတယ္။
ေနာေနာ္ရဲ႕ေျပာစကားေတြအရ ‘‘ဘာသာမဆြယ္ဘူး၊ ဘာသာမေျပာင္းနဲ႔။ ပန္းေရာင္းေကာင္း ခ်င္ရင္ ေယရႈကို စမ္း တ ၾကည့္၊ ဘာသာမေျပာင္းနဲ႔ ေနာ္၊ ေယရႈကေပးလိမ့္မယ္” ‘‘သန႔္ရွင္းေသာ ဝဋ္ ညာဥ္ေတာ္ ကြၽႏ္ုပ္ရဲ႕ခႏၶာကိုယ္ထဲ ဝင္ေရာက္အုပ္စိုးပါ။ သခင္ေယရႈခရစ္ေတာ္နာမျဖင့္ အပ္လိုက္ၿပီ အာမင္။ သမီးတို႔ျဖစ္ခ်င္တဲ့အရာေတြရွိတယ္မလား။ ေယရႈဘုရားတန္ခိုးႀကီးလွ်င္ ျဖစ္ေစပါ။ စိတ္ထဲမွာစမ္းၾကည့္ပါ။ ဘာသာမေျပာင္းနဲ႔။ ေယရႈဘုရား သခင္ရွင္ သမီး ဒါျဖစ္ခ်င္တယ္၊ ဒါလိုခ်င္တယ္။ တန္ခိုးႀကီးရင္ေပးပါလို႔ တၾကည့္။ ေယရႈက သမီးတို႔ နားမွာရွိေနတယ္။ သရဲတေစၦလည္း ရွိသလို ဘုရားသခင္လည္း အနားမွာရွိတယ္။ ေယရႈဘုရားကို တၾကည့္ အရမ္းစြမ္းတယ္}}လို႔ဆိုကာ ပန္းသည္၊ ေရ သန႔္ဘူးသည္ေတြနဲ႔ တျခားေဈးသည္ေတြ အပါအဝင္ လမ္းေဘး ေတာင္းရမ္းစားေသာက္သူေတြကို ေငြက်ပ္ (၁၀ဝဝ)မွ (၅၀ဝဝ)ေပးရင္း ဘာသာေရး စည္း႐ုံးမႈမ်ားလုပ္ေဆာင္လ်က္ရွိပါတယ္။
ခရစ္ယာန္ဘာသာကိုးကြယ္သူ ေနာေနာ္က ၎နဲ႔ေတြ႕ဆုံသူတိုင္းကို ခရစ္ယာန္ဘာသာ၊ ေယရႈ အေၾကာင္းေျပာ ေလ့ရွိၿပီး ဘာသာဆြယ္မႈလုပ္ေဆာင္ ေလ့ရွိေၾကာင္း သတင္းေတြထြက္ေပၚလ်က္ရွိၿပီးသားပါ။
ေနာ္ေနာ္နည္းတူ အဆိုေတာ္ တြင္လ္ကယ္ကလည္း ၎ေနထိုင္တဲ့ ရပ္ကြက္၊ ေဈးနဲ႔ပန္းၿခံေတြမွာ သီခ်င္းဆို ေဖ်ာ္ေျဖမႈအေၾကာင္းျပကာ ေယရႈအေၾကာင္း ေျပာဆိုျခင္း၊ ဘုရားသီခ်င္းမ်ား သီဆိုစည္း႐ုံး ျခင္းတို႔ လုပ္ေဆာင္လ်က္ရွိ ပါတယ္။
လူတစ္ဦးက လူတစ္ဦးအေပၚ အလႉအတန္းျပဳ လုပ္လိုျခင္းေၾကာင့္ျဖစ္ေစ၊ ႏြမ္းပါးသူေတြအတြက္ ေပးကမ္းလို ျခင္းေၾကာင့္ျဖစ္ေစ ၎တို႔ေပးလိုက္တဲ့ ေငြေၾကးအပါအဝင္ ပစၥည္းကို ေစတနာသန႔္ရွင္းစြာ ေပးကမ္းဖို႔လိုအပ္ပါတယ္။ ရည္႐ြယ္ခ်က္တစ္ခုခုေၾကာင့္၊ လူသိမ်ားထင္ရွားလိုမႈတစ္ခုခုေၾကာင့္ မရွိႏြမ္းပါးသူကိုအသုံးခ်ျခင္းဟာ အက်ဥ္းတန္ ႐ုပ္ဆိုးလွၿပီး၊ ဘာသာေရးမဲဆြယ္မႈဆိုရင္ ပို၍ပင္ အျပစ္ႀကီး မားလွပါတယ္။ ဒါေၾကာင့္လည္း အဆိုေတာ္ေနာေနာ္ရဲ႕ လက္ရွိလုပ္ရပ္ေတြက ဘာသာေရးနယ္ခ်ဲ႕မႈ တစ္ခု အျဖစ္ ရႈျမင္ႏိုင္ပါတယ္။
ျမန္မာႏိုင္ငံမွာ ဗုဒၶဘာသာဝင္ သံဃာေတာ္ေတြ ကိုယ္တိုင္ပင္ တရားပြဲေတာ္က်င္းပမယ္ဆိုပါက ပြဲစီစဥ္သူ ေတြ ဘက္ကေန သာသနာေရးႏွင့္ယဥ္ ေက်းမႈဝန္ႀကီးဌာန အပါအဝင္ ရပ္ကြက္/ေက်း႐ြာအလိုက္ သက္ဆိုင္ရာ ေဒသတာဝန္ရွိသူေတြထံ ခြင့္ျပဳခ်က္ေတာင္းခံ အသိေပးၿပီးမွသာ တရားပြဲက်င္းပေလ့ရွိပါတယ္။ ဒါေပမဲ့ ခရစ္ယာန္ ဘာသာဝင္လူအမ်ားစုကေတာ့ လမ္းမထက္နဲ႔ ဗုဒၶဘာသာဝင္ေတြရဲ႕ေနအိမ္ေရွ႕ေတြမွာ တရားလက္လြတ္ျပဳကာ ခရစ္ယာန္ဘာသာ၊ ေယရႈအေၾကာင္းေျပာဆိုျခင္း၊ ေငြေပး စည္း႐ုံးျခင္းတို႔ လုပ္ေဆာင္လာၾကတာကို ပိုမိုေတြ႕ျမင္ လာရပါတယ္။
ခရစ္ယာန္ဘာသာဝင္လူတခ်ိဳ႕ရဲ႕ဘာသာေရး စည္း႐ုံးမႈလုပ္ရပ္ေတြက ဗုဒၶဘာသာဝင္ေတြသာမက တျခား ဘာသာဝင္အေပၚ စိတ္အေႏွာင့္အယွက္ျဖစ္ေပၚေစပါတယ္။ ၎တို႔အေနနဲ႔ ခရစ္ယာန္ဘုရားေက်ာင္းအတြင္း ဝင္ေရာက္လာသူ မည္သူ႔ကိုမဆို ဘာသာေရးေဟာေျပာစည္း႐ုံးမႈ လြတ္လပ္စြာျပဳလုပ္ႏိုင္ၿပီး အဲဒီလိုလုပ္ရပ္အေပၚ အျပစ္မဆိုႏိုင္ပါ။ အခု ဆိုရင္ ခရစ္ယာန္ဘာသာက လမ္းမမွာ ႀကဳံရာလူ ပိုက္ဆံေပးမဲဆြယ္တဲ့ဘာသာတစ္ခုအျဖစ္ လူ အထင္အ ျမင္ေသး၊ ေဝဖန္ခံရတဲ့အဆင့္အထိ ေရာက္ရွိလာၿပီ ျဖစ္လို႔ေနပါတယ္။
‘‘ဒီလို ဘာသာေရးစည္း႐ုံးမႈလုပ္ရပ္ေတြကို ခရစ္ယာန္ဘာသာေရးအသင္းအဖြဲ႕ေတြကိုယ္တိုင္ ခြင့္ျပဳေပး ထားတာလားနဲ႔ ခရစ္ယာန္ဘာသာအေပၚ အထင္အျမင္ေသးေအာင္လုပ္ေဆာင္ေနသူေတြကို မ်က္ကြယ္ျပဳ လႊတ္ထားၾက ေတာ့မွာလား၊ ဘာသာ ေရးစည္း႐ုံးမႈက လုပ္သင့္ မလုပ္သင့္ ဆင္ျခင္သင့္ ေၾကာင္း” ေမးခြန္းထုတ္သူမ်ားလည္းရွိလို႔လာပါတယ္။
ျမန္မာႏိုင္ငံက ဘာသာေရးလြတ္လပ္ခြင့္ အျပည့္အဝရရွိထားတဲ့ ႏိုင္ငံတစ္ႏိုင္ငံျဖစ္ပါတယ္။ ဒါေပမဲ့ မိမိသေဘာဆႏၵအေလ်ာက္ ကိုးကြယ္ယုံ ၾကည္မႈမဟုတ္တဲ့ ဘာသာေရး မဲဆြယ္မႈျပဳလုပ္သူနဲ႔ လုပ္ရပ္မ်ိဳးကိုေတာ့ လက္သင့္မခံၾကပါ။ ဗုဒၶဘာသာကိုးကြယ္သူေတြနဲ႔ တျခားဘာသာဝင္ေတြအတြက္ မက္လုံးေပး ဘာသာဆြယ္မႈ ျပဳလုပ္သူေတြနဲ႔ ေနာေနာ္၊ တြင္လ္ကယ္တို႔ကို သာသနာေရးနဲ႔ ယဥ္ေက်းမႈ ဝန္ႀကီးဌာန အပါအဝင္ ခရစ္ယာန္ ဘာသာေရးအဖြဲ႕အစည္းနဲ႔ ျမန္မာႏိုင္ငံ ဂီတအစည္းအ႐ုံးတို႔က ေခၚယူသတိေပးတားျမစ္ရင္း ထိန္းကြပ္မႈျပဳသင့္ ေနၿပီျဖစ္ေၾကာင္း ဘာသာေရး အသင္းအဖြဲ႕မ်ားက မွတ္ခ်က္ျပဳေထာက္ျပလာၾကပါတယ္။
ျမန္မာအလွမယ္ေလာကအတြက္ အလွမယ္သက္စံအန္ဒါဆန္က ေမွ်ာ္လင့္ခ်က္အသစ္ ျဖစ္လာႏိုင္မလား
73rd MISS UNIVERSE 2024 ၿပိဳင္ပြဲႀကီးမွာ ျမန္မာႏိုင္ငံကိုယ္စားျပဳအျဖစ္ ျမန္မာ-ဆြီဒင္ကျပား အလွမယ္ သက္စံအန္ဒါဆန္ ဝင္ေရာက္ယွဥ္ၿပိဳင္ေနတာျဖစ္ၿပီး MISS UNIVERSE ပြဲတာဝန္ရွိသူေတြနဲ႔ ႏိုင္ငံတကာမီဒီယာေတြ ရဲ႕အာ႐ုံစိုက္ရမႈကို ရရွိေနပါတယ္။ MISS UNIVERSE 2024 ၂၀၂၄ ၿပိဳင္ပြဲကို မကၠဆီကိုႏိုင္ငံ မွာ (၂၀၂၄) ခုႏွစ္ ေအာက္တိုဘာလ (၃၀) ရက္မွာ စတင္က်င္းပခဲ့ၿပီး ျမန္မာအလွမယ္ သက္စံအန္ဒါဆန္က ၿပိဳင္ပြဲမက်င္းပခင္ တစ္ပတ္ အလိုကတည္းက မကၠဆီကိုႏိုင္ငံကို ေရာက္ရွိခဲ့ပါတယ္။ မကၠဆီကိုႏိုင္ငံရွိ MISS UNIVERSE ORGANIZATION ႐ုံးခြဲကို သြားေရာက္လည္ပတ္ခဲ့ၿပီး တာဝန္ရွိအႀကီးအကဲ ေတြနဲ႔ ႏႈတ္ဆက္ခဲ့တာျဖစ္ပါတယ္။
သက္စံအန္ဒါဆန္က “MISS UNIVERSE CROWN ကို ျမန္မာႏိုင္ငံအတြက္ ပထမဆုံးအႀကိမ္ အရယူခဲ့မယ္”လို႔ ေလဆိပ္ကထြက္ခြာခ်ိန္မွာ ေႂကြးေၾကာ္ခဲ့တာပါ။ သူက Body, Beauty, Brain ျပည့္စုံ႐ုံမက ဆြီဒင္၊ အဂၤလိပ္၊ ကိုရီးယား၊ ျပင္သစ္၊ ျမန္မာစတဲ့ ဘာသာစကား (၅) မ်ိဳးအထိ ကြၽမ္းက်င္စြာေျပာဆိုႏိုင္သူ ျဖစ္ပါတယ္။ သက္စံအန္ဒါဆန္က ျမန္မာႏိုင္ငံရဲ႕ပညာေရးက႑အတြက္ ‘‘လူငယ္ပညာေရးနဲ႔ဖြံ႕ၿဖိဳးေရး” ပေရာဂ်က္အျဖစ္ေဆာင္႐ြက္ခဲ့ၿပီး၊ MISS UNIVERSE ၿပိဳင္ပြဲက အလွမယ္တစ္ဦးခ်င္းရဲ႕လူမႈအက်ိဳးျပဳ ေဆာင္႐ြက္တဲ့ ပေရာဂ်က္ အားေကာင္းမႈကိုျပသႏိုင္ေရးက အေရးပါတဲ့အခန္းက႑တစ္ခုလည္းျဖစ္ပါတယ္။ သက္စံအန္ဒါဆန္ရဲ႕ ပညာေရးပေရာဂ်က္မွာ “သူရဲ႕ ဘဝခံယူခ်က္၊ ဘဝအေတြ႕အႀကဳံနဲ႔ ပညာေရးအေပၚ ေလ့လာ လိုက္စားမႈေတြကေနရရွိလာတဲ့ အေတြ႕အႀကဳံေတြကိုအေျချပဳကာ ျမန္မာလူငယ္ေတြရဲ႕အတန္းပညာ၊ အသက္ေမြးဝမ္းေၾကာင္းဆိုင္ရာ ပညာရပ္ေတြကို မိမိကိုယ္ကိုယ္ရပ္တည္ျခင္း အတြက္ အေရးပါတဲ့အရင္းအျမစ္ေတြ၊ ဗဟုသုတေတြတိုးပြားေစဖို႔ ရည္႐ြယ္ေဆာင္႐ြက္ျခင္းျဖစ္တယ္” လို႔ သိရပါတယ္။ ဒါ့ျပင္ ရရွိလာမယ့္ Voting အေရအတြက္နဲ႔အတူ ပြဲတာဝန္ရွိသူ အကဲျဖတ္ဒိုင္ေတြက ပထမဦးစြာ Silver Finalists (၇) ဦးကို (၁၄) ရက္ ႏိုဝင္ဘာလ (၂၀၂၄) ခုႏွစ္မွာ ေၾကညာေပးသြားမွာျဖစ္ကာ ေ႐ြးခ်ယ္ခံရသူ (၇) ဦးက Mouawad က ခ်ီးျမႇင့္မယ့္ အမွတ္တရ ရင္ထိုးဆုတံဆိပ္ကို ရရွိမွာျဖစ္ပါတယ္။ အဆိုပါ (၇) ဦးအနက္ Gold Winners (၃) ဦးကို (၁၆) ရက္ ႏိုဝင္ဘာလ (၂၀၂၄) ခုႏွစ္မွာ ထပ္မံေၾကညာေပးသြားမွာျဖစ္ၿပီး Mouawad ရဲ႕ဆုတံဆိပ္ရင္ထိုးနဲ႔အတူ ဆုေၾကးေငြ USD 12000 ကို ရရွိမွာျဖစ္ပါတယ္။ ျမန္မာအလွမယ္ေလာကကို စိတ္ဝင္တစားအားေပးၾကတဲ့ပရိသတ္ေတြကေတာ့ MISS GRAND INTERNATIONAL ၿပိဳင္ပြဲဂယက္ၿပီးေနာက္ MISS UNIVERSE CROWN အတြက္ သက္စံအန္ဒါဆန္အေပၚ ေမွ်ာ္လင့္ခ်က္ေျပာင္းလာၾကၿပီျဖစ္ပါတယ္။
လြင္မိုးနဲ႔ ခန႔္စည္သူတို႔ ပါဝင္ထားတဲ့ ဂ်စ္ကား စီးဖူးသလား ဂ်ာကစ္စာဘူးသရီး ႐ုပ္ရွင္ကို ျမန္မာဟိႏၵဴသမဂၢ ကန႔္ကြက္
ဒါ႐ိုက္တာ ကိုေဇာ္(အ႐ုဏ္ဦး)႐ိုက္ကူးၿပီး ထပ္ဆင့္အကယ္ဒမီမင္းသားႀကီးေတြျဖစ္တဲ့ လြင္မိုး၊ ခန႔္စည္သူ၊ ခိုင္သင္းၾကည္နဲ႔ ေ႐ႊမႈံရတီတို႔ပါဝင္ထားတဲ့ “ဂ်စ္ကားစီးဖူးသလား ဂ်ာကစ္စာဘူးသရီး” ႐ုပ္ရွင္ကို ျမန္မာ ဟိႏၵဴသမဂၢက ကန႔္ကြက္ေၾကာင္းစာထုတ္ျပန္လိုက္ပါတယ္။
‘‘ဂ်စ္ကားစီးဖူးသလား ဂ်ာကစ္စာဘူးသရီး ႐ုပ္ရွင္သည္ ဟိႏၵဴဘာသာဝင္မ်ား၏ ႐ိုးရာအဝတ္အစားမ်ားကို ဝတ္ဆင္ကာ အေပ်ာ္အပ်က္သ႐ုပ္ေဖာ္ထားေသာေၾကာင့္ ျမန္မာႏိုင္ငံအတြင္းရွိ အိႏၵိယမ်ိဳးႏြယ္စု ဟိႏၵဴႏြယ္ဝင္ အားလုံး ကိုယ္စား အျပင္းအထန္ကန႔္ကြက္ေၾကာင္း” ျမန္မာဟိႏၵဴသမဂၢက ေအာက္တိုဘာ (၂၉)ရက္မွာ ထုတ္ျပန္အသိေပးခဲ့ တာပါ။
‘တစ္ပါးသူတို႔၏ ယဥ္ေက်းမႈအဆင္တန္ဆာတန္ဖိုးမ်ားကို စံႏႈန္းမထားဘဲ ဗရမ္းဗတာလုပ္ကာ ဟာသျပဳ လုပ္ျခင္းသည္ အရာမေရာက္ဘဲ အလြန္ပင္ အက်ည္းတန္လွေပသည္။ ဟိႏၵဴလူ႔အဖြဲ႕အစည္းကိုျပက္ရယ္ျပဳကာ ဟာသ ဇာတ္ကားအျဖစ္ သ႐ုပ္ေဖာ္ျပသေသာ ဤ႐ုပ္႐ုင္ဇာတ္ကားသည္ မိမိတို႔၏ယဥ္ေက်းမႈကို ႏွိမ့္ခ် ေလွာင္ေျပာင္႐ုံသာမက ဟိႏၵဴလူမ်ိဳးစုတို႔အား တိုက္႐ိုက္ေစာ္ကားလိုက္ျခင္းပင္ျဖစ္သည္’လို႔ ထည့္သြင္းထားပါတယ္။ Perfect ႐ုပ္ရွင္႐ိုက္ကူး ထုတ္လုပ္သူဘက္က ‘‘အဆိုပါဇာတ္ကားမ႐ိုက္ကူးခင္ကတည္းက ျမန္မာႏိုင္ငံလုံးဆိုင္ရာ ဟိႏၵဴဘာသာေရးဗဟိုအဖြဲ႕ ခ်ဳပ္ထံ ခြင့္ျပဳခ်က္တင္ခဲ့ၿပီး၊ ျမန္မာႏိုင္ငံလုံးဆိုင္ရာ ဟိႏၵဴဘာသာေရးဗဟိုအဖြဲ႕ခ်ဳပ္ အတြင္းေရးမႉး ဦးေက်ာ္သူကိုယ္တိုင္ လက္ခံေရးထိုးခြင့္ျပဳခဲ့ျခင္းျဖစ္ေၾကာင္း၊ ခြင့္ျပဳခ်က္ရရွိမွသာ ႐ုပ္ရွင္ဇာတ္ကားကို စတင္႐ိုက္ ကူးခဲ့ျခင္းျဖစ္ေၾကာင္း၊ ဆင္ဆာျဖတ္ေက်ာ္လုပ္ေဆာင္မႈကိုလည္း ေအာင္ျမင္ခဲ့ၿပီးေၾကာင္း၊ ဘာသာေရးအရ ေစာ္ကားလိုျခင္း စိတ္ကူးရည္႐ြယ္ ခ်က္ တစ္စုံတစ္ရာမရွိပါေၾကာင္း” ျပန္လည္ ေျဖရွင္းမႈေတြရွိခဲ့ပါတယ္။
ထုတ္လုပ္သူ၊ ဒါ႐ိုက္တာနဲ႔ ပါဝင္ထားသူ သ႐ုပ္ေဆာင္ေတြအေနနဲ႔ ဟာသဇာတ္ကားအျဖစ္ ခံစားၾကည့္ရႈႏိုင္ပါ ေၾကာင္းဆိုႏိုင္ေပမယ့္ ဇာတ္လမ္းဇာတ္ကြက္တိုင္းက ဟိႏၵဴဘာသာဝင္ေတြအေပၚ ပ်က္ရယ္ျပဳဟန္ေၾကာင့္ စိတ္ထိခိုက္ ရေၾကာင္း၊ အႏုပညာဖန္တီးသူေတြအေနနဲ႔ ဘာသာေရး၊ ယဥ္ေက်းမႈဓေလ့ထုံးတမ္းကို ေလးစားလိုက္နာသင့္ေၾကာင္း၊ အခုလို ေခတ္ကာလမ်ိဳးမွာပို၍ပင္ ဘာသာေရး၊ လူမ်ိဳးေရး ေစာ္ကားမႈပုံရိပ္မျပဳလုပ္သင့္ေၾကာင္း သက္ဆိုင္ရာအသိုင္း အဝိုင္းမ်ားက ၎တို႔ကို အျပင္းအထန္ ေဝဖန္ ေထာက္ျပေနၾကတာျဖစ္ပါတယ္။ ျမန္မာ ဟိႏၵဴသမဂၢဘက္ကေတာ့ ‘‘ေနာက္ေနာင္ Minorities လူနည္းစုလူမ်ိဳးမ်ား၏ ယဥ္ေက်းမႈ၊ ႐ိုးရာဓေလ့ႏွင့္ minorities လူမ်ိဳးစုမ်ားကို တိုက္႐ိုက္ေစာ္ ကားမႈမ်ားကို လုံးဝလက္မခံ၊ ခြင့္ျပဳမည္မဟုတ္ေၾကာင္းကို ျပင္းျပင္းထန္ထန္ သတိေပးလိုက္ပါသည္}}လို႔ အတိအလင္း ေဖာ္ျပထားပါတယ္။ အဆိုပါဇာတ္ကားကို လြန္ခဲ့တဲ့ ေျခာက္ႏွစ္ခန႔္က႐ိုက္ကူးထားျခင္းျဖစ္ၿပီး၊ လက္ရွိဇာတ္ကား႐ုံ တင္ျပသခ်ိန္မွာ ‘‘ဂ်စ္ကား စီးဖူးသလား” အျဖစ္ အမည္ေျပာင္းလဲျပသခဲ့ၾကပါတယ္။
ဒီတစ္ပတ္အတြက္ အႏုပညာက႑ ကို ဒီမွာပဲရပ္နားခြင့္ျပဳပါ။