ဆေးဝါးများကို တင်သွင်းခွင့်ပိတ်ထားခြင်းမျိုးမရှိဟုဆို

18/03/2025 13:26

 133

ယွန်း (NP News)- မတ် ၁၇

မြန်မာနိုင်ငံအတွက် လိုအပ်သည့် ဆေးဝါးများကို တင်သွင်းခွင့်ပိတ်ထားခြင်းမျိုးမရှိကြောင်း အစားအသောက်နှင့် ဆေးဝါးကွပ်ကဲရေးဦးစီးဌာန(FDA Myanmar) မှ တာဝန်ရှိသူတစ်ဦးက NP News ကို အသိပေးပြောကြားသည်။

ယခုနောက်ပိုင်းကာလအတွင်း ဈေးကွက်အတွင်း၌ ဆေးဝါးပြတ်လပ်မှုများနှင့် ဆေးဈေးနှုန်းကြီးမြင့်မှုများဖြစ်ပေါ်နေရာ ရောဂါကြောင့်ဆေးကို စွဲသောက်နေရသော နာတာရှည် လူမမာများအနေဖြင့် ဆေးဝါးပြတ်လပ်မှုကြောင့် အခက်အခဲများနှင့် ကြုံတွေ့နေရကြောင်း သိရသည်။ လက်ရှိတွင် ပြည်တွင်း ၌လိုအပ်နေသည့် ဆေးဝါးများကိုတင်သွင်းခွင့်ပိတ်ထားခြင်းမျိုးမရှိကြောင်းသိရပြီး FDA အနေဖြင့် လည်း ဆေးဝါးများကို စိစစ်ကာထုတ်‌ပေးနေကြောင်း FDA Myanmar မှ တာဝန်ရှိသူတစ်ဦးကဆိုသည်။

"စီးပွားကူးသန်းရဲ့မူဝါဒ ဘယ်လိုရှိပြီးတော့ တင်သွင်းခွင့်ကိုပေးထားလဲဆိုတာတော့ သေချာမသိ ဘူး။ ဒါပေမဲ့ သေချာတာတစ်ခုကတော့ ဒီနိုင်ငံမှာလို တဲ့ဆေးတွေကိုတော့ တင်သွင်းခွင့်မပြုထားတာမရှိပါ ဘူး။ FDA ကတော့ ဘာမှချုပ်ကိုင်ထားတာမရှိဘူး။ ပုံမှန်အတိုင်းပဲ အချက်အလက်စုံမယ်၊ ဘေးအန္တရာယ် ကင်းတယ်ဆိုရင် ပုံမှန်အတိုင်းပဲသွားနေပါတယ်။ ကျွန်တော်တို့ဘက်ကနေ မသွင်းရတော့ဘူး၊ သွင်း ခွင့်မပေးတော့ဘူးဆိုတာ မရှိပါဘူး"ဟု အထက်ပါ တာဝန်ရှိသူက NP News ကို ပြောသည်။

သို့‌သော် ပြည်တွင်း၌ ဆေးဈေးကြီးမြင့်မှု များကြောင့် ပရဟိတအခမဲ့ဆေးခန်းများတွင် သွား ရောက်ကုသသူများလာခဲ့သည်။ ပြည်သူများအနေဖြင့် မိမိဝယ်ယူလိုသည့်ဆေးကိုမရသည့်အတွက် ဆေး ရှားလာသည်ဟု ပြောဆိုမှုများလာခဲ့ပြီး အမှန်တကယ်မှာ အဆိုပါဆေးနှင့် အမျိုးအစားတူ၊ အာနိသင် တူဆေးများ ဈေးကွက်အတွင်း၌ ပေါပေါများများရှိနေကြောင်း သိရသည်။

"ရှားတယ်ဆိုတာက ကိုယ်လိုချင်တဲ့ဆေး မရရင် ရှားတယ်လို့ပြောတာ။ အမှန်က အမျိုးအစားတူ၊ အာနိသင်တူဆေးတွေ အများကြီးပဲ ဒါတွေကို လက်ခံရမှာ။ နိုင်ငံတကာမှာလည်း Chemical Name ကိုပဲရေးတာ။ ကုမ္ပဏီနာမည်ကို‌ ရေးတာမဟုတ်ဘူး။ ကျွန်တော်တို့နိုင်ငံက ဝယ်တဲ့သူတွေက ရော၊ ရောင်းတဲ့သူတွေကရော၊ ဆရာဝန်တွေကရော ကုမ္ပဏီနာမည်ကို သုံးနေကြတယ်။ ဥပမာ- Amoxicillin 500 mg ဆိုရင် နာမည်တွေအများကြီး ရှိတယ်။ ဒါပေမဲ့ သူရဲ့ Chemical Name က Amoxicillin 500 mg ပဲ။ ဆေးရှားတယ်ဆိုတာ ကုမ္ပဏီနာမည်တွေရှားနေတာ။ မသွင်းခိုင်းတာလည်း ဖြစ်ရင်ဖြစ်မယ်၊ မကိုက်လို့မသွင်းတာလည်း ဖြစ်ရင်ဖြစ်မယ်၊ နာမည်ပြောင်းတာလည်းဖြစ်နိုင်တယ်။ အဲဒီနောက်ကိုလိုက်ရင်တော့ ဆေးရှားတယ်ဆိုတာ ဖြစ်နေမှာ"ဟု ၎င်းကဆက်လက်ပြောသည်။

လက်ရှိကာလ၌ ကုန်ဈေးနှုန်းများ ဈေးကြီးမြင့်လာသည်နှင့်အတူ ဆေးဈေးကြီးမြင့်မှုများလည်းရှိနေရာ ဆေးရှားသည်ဟုဆိုကာ လိုက်လံဝယ်ယူမှုများကြောင့်လည်း မလိုလားအပ်သည့် ဈေးကြီးမြင့်မှုများလည်းရှိလာခဲ့ပြီး ပါရာစီတမောကဲ့သို့ အိမ်သုံးဆေးများပင်လည်း ငွေကျပ်(၂၀ဝဝ)နီးပါးဖြင့် ဝယ်ယူနေကြရသည်။

zawgyi version
ေဆးဝါးမ်ားကို တင္သြင္းခြင့္ပိတ္ထားျခင္းမ်ိဳးမရွိဟုဆို
ယြန္း (NP News)- မတ္ ၁၇

ျမန္မာႏိုင္ငံအတြက္ လိုအပ္သည့္ ေဆးဝါးမ်ားကို တင္သြင္းခြင့္ပိတ္ထားျခင္းမ်ိဳးမရွိေၾကာင္း အစားအေသာက္ႏွင့္ ေဆးဝါးကြပ္ကဲေရးဦးစီးဌာန(FDA Myanmar) မွ တာဝန္ရွိသူတစ္ဦးက NP News ကို အသိေပးေျပာၾကားသည္။

ယခုေနာက္ပိုင္းကာလအတြင္း ေဈးကြက္အတြင္း၌ ေဆးဝါးျပတ္လပ္မႈမ်ားႏွင့္ ေဆးေဈးႏႈန္းႀကီးျမင့္မႈမ်ားျဖစ္ေပၚေနရာ ေရာဂါေၾကာင့္ေဆးကို စြဲေသာက္ေနရေသာ နာတာရွည္ လူမမာမ်ားအေနျဖင့္ ေဆးဝါးျပတ္လပ္မႈေၾကာင့္ အခက္အခဲမ်ားႏွင့္ ႀကဳံေတြ႕ေနရေၾကာင္း သိရသည္။ လက္ရွိတြင္ ျပည္တြင္း ၌လိုအပ္ေနသည့္ ေဆးဝါးမ်ားကိုတင္သြင္းခြင့္ပိတ္ထားျခင္းမ်ိဳးမရွိေၾကာင္းသိရၿပီး FDA အေနျဖင့္ လည္း ေဆးဝါးမ်ားကို စိစစ္ကာထုတ္‌ေပးေနေၾကာင္း FDA Myanmar မွ တာဝန္ရွိသူတစ္ဦးကဆိုသည္။

"စီးပြားကူးသန္းရဲ႕မူဝါဒ ဘယ္လိုရွိၿပီးေတာ့ တင္သြင္းခြင့္ကိုေပးထားလဲဆိုတာေတာ့ ေသခ်ာမသိ ဘူး။ ဒါေပမဲ့ ေသခ်ာတာတစ္ခုကေတာ့ ဒီႏိုင္ငံမွာလို တဲ့ေဆးေတြကိုေတာ့ တင္သြင္းခြင့္မျပဳထားတာမရွိပါ ဘူး။ FDA ကေတာ့ ဘာမွခ်ဳပ္ကိုင္ထားတာမရွိဘူး။ ပုံမွန္အတိုင္းပဲ အခ်က္အလက္စုံမယ္၊ ေဘးအႏၲရာယ္ ကင္းတယ္ဆိုရင္ ပုံမွန္အတိုင္းပဲသြားေနပါတယ္။ ကြၽန္ေတာ္တို႔ဘက္ကေန မသြင္းရေတာ့ဘူး၊ သြင္း ခြင့္မေပးေတာ့ဘူးဆိုတာ မရွိပါဘူး"ဟု အထက္ပါ တာဝန္ရွိသူက NP News ကို ေျပာသည္။

သို႔‌ေသာ္ ျပည္တြင္း၌ ေဆးေဈးႀကီးျမင့္မႈ မ်ားေၾကာင့္ ပရဟိတအခမဲ့ေဆးခန္းမ်ားတြင္ သြား ေရာက္ကုသသူမ်ားလာခဲ့သည္။ ျပည္သူမ်ားအေနျဖင့္ မိမိဝယ္ယူလိုသည့္ေဆးကိုမရသည့္အတြက္ ေဆး ရွားလာသည္ဟု ေျပာဆိုမႈမ်ားလာခဲ့ၿပီး အမွန္တကယ္မွာ အဆိုပါေဆးႏွင့္ အမ်ိဳးအစားတူ၊ အာနိသင္ တူေဆးမ်ား ေဈးကြက္အတြင္း၌ ေပါေပါမ်ားမ်ားရွိေနေၾကာင္း သိရသည္။

"ရွားတယ္ဆိုတာက ကိုယ္လိုခ်င္တဲ့ေဆး မရရင္ ရွားတယ္လို႔ေျပာတာ။ အမွန္က အမ်ိဳးအစားတူ၊ အာနိသင္တူေဆးေတြ အမ်ားႀကီးပဲ ဒါေတြကို လက္ခံရမွာ။ ႏိုင္ငံတကာမွာလည္း Chemical Name ကိုပဲေရးတာ။ ကုမၸဏီနာမည္ကို‌ ေရးတာမဟုတ္ဘူး။ ကြၽန္ေတာ္တို႔ႏိုင္ငံက ဝယ္တဲ့သူေတြက ေရာ၊ ေရာင္းတဲ့သူေတြကေရာ၊ ဆရာဝန္ေတြကေရာ ကုမၸဏီနာမည္ကို သုံးေနၾကတယ္။ ဥပမာ- Amoxicillin 500 mg ဆိုရင္ နာမည္ေတြအမ်ားႀကီး ရွိတယ္။ ဒါေပမဲ့ သူရဲ႕ Chemical Name က Amoxicillin 500 mg ပဲ။ ေဆးရွားတယ္ဆိုတာ ကုမၸဏီနာမည္ေတြရွားေနတာ။ မသြင္းခိုင္းတာလည္း ျဖစ္ရင္ျဖစ္မယ္၊ မကိုက္လို႔မသြင္းတာလည္း ျဖစ္ရင္ျဖစ္မယ္၊ နာမည္ေျပာင္းတာလည္းျဖစ္ႏိုင္တယ္။ အဲဒီေနာက္ကိုလိုက္ရင္ေတာ့ ေဆးရွားတယ္ဆိုတာ ျဖစ္ေနမွာ"ဟု ၎ကဆက္လက္ေျပာသည္။

လက္ရွိကာလ၌ ကုန္ေဈးႏႈန္းမ်ား ေဈးႀကီးျမင့္လာသည္ႏွင့္အတူ ေဆးေဈးႀကီးျမင့္မႈမ်ားလည္းရွိေနရာ ေဆးရွားသည္ဟုဆိုကာ လိုက္လံဝယ္ယူမႈမ်ားေၾကာင့္လည္း မလိုလားအပ္သည့္ ေဈးႀကီးျမင့္မႈမ်ားလည္းရွိလာခဲ့ၿပီး ပါရာစီတေမာကဲ့သို႔ အိမ္သုံးေဆးမ်ားပင္လည္း ေငြက်ပ္(၂၀ဝဝ)နီးပါးျဖင့္ ဝယ္ယူေနၾကရသည္။