ငလျင်ကြောင့် သေဆုံးသူ(၃၀၀၀)ကျော် နှင့် ဒဏ်ရာရသူ(၄၀၀၀)ကျော်ရှိလာ
587
သန့်ဇင် (NP News) - ဧပြီ ၃
အင်းအားပြင်းငလျင်ကြောင့် သေဆုံးသူ(၃၀၀၀)ကျော် နှင့် ဒဏ်ရာရသူ(၄၀၀၀)ကျော်ရှိလာပြီဖြစ်ကြောင်း နိုင်ငံတော်စီမံအုပ်ချုပ်ရေးကောင်စီသတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောသည်။
ပြီးခဲ့သည့် မတ်လ ၂၈ ရက်၊ မွန်းလွဲ ၁၂ နာရီ ၅၁ မိနစ်က ဖြစ်ပွားခဲ့သည့် ပြင်းထန်ငလျင်ကြောင့် မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ နေပြည်တော်ကောင်စီနယ်မြေ၊ ပဲခူးတိုင်း နှင့် ရှမ်းပြည်နယ်တို့တွင် ထိခိုက်ပျက်စီးမှုများစွာဖြစ်ပေါ်ခဲ့ကြောင်း သိရသည်။
“ဒီနေ့မနက် (၈)နာရီအထိ ပြင်းထန်ငလျင်ကြောင့် သေဆုံးသူ (၃၀၈၅)ဦး၊ ဒဏ်ရာရသူ(၄၇၁၅)ဦး၊ ပျောက်ဆုံးသူ (၃၄၁)ဦးရှိကြောင်း စာရင်းရရှိပါတယ်။ သေဆုံးဒဏ်ရာရ ပျောက်ဆုံသူများအတွက် နိုင်ငံတော်အစိုးရအနေနဲ့ များစွာ ဝမ်းနည်းကြေကွဲရပါတယ်” ဟု ဗိုလ်ချုပ်ဇော်မင်းထွန်းက ပြောသည်။
ထို့ပြင် ပြည်ပကူညီကယ်ဆယ်ရေးအနေဖြင့် နိုင်ငံပေါင်း(၁၇)နိုင်ငံမှ လေယာဉ်(၅၉)စီးဖြင့် ကယ်ဆယ်ရေး ပစ္စည်းများ နှင့် ကယ်ဆယ်ရေးဝန်ထမ်းများရောက်ရှိခဲ့ကြောင်းလည်း ဗိုလ်ချုပ်ဇော်မင်းထွန်းက ဆိုသည်။
“ကယ်ဆယ်ရေးဆောင်ရွက်မှုများအနေနဲ့ ရုရှား၊ တရုတ်၊ အိန္ဒိယ၊ ထိုင်း၊ စင်္ကာပူ၊ မလေးရှား၊ ဘင်္ဂလားဒေရ့်၊ ဗီယက်နမ်၊ UAE၊ လာအို၊ ဘီလာရု၊ အင်ဒိုနီးရှား၊ ဘူတန်၊ ဖိလစ်ပိုင်၊ ဂျပန်၊ နီပေါ၊ ပါကစ်စတန်၊ တရုတ်-ဟောင်ကောင်နိုင်ငံပေါင်း (၁၇)နိုင်ငံက လေယာဉ်စီးရေ စုစုပေါင်း(၅၉)စီးနဲ့ ကူညီကယ်ဆယ်ရေးပစ္စည်းများ ရောက်ရှိခြင်း၊ ကယ်ဆယ်ရေးဝန်ထမ်းများရောက်ရှိခြင်းများ ရှိပါတယ်။ ကယ်ဆယ်ရေးဝန်ထမ်း(၁၅၆၆)ဦး ငလျင်ဒဏ်သင့်ဒေသတွေမှာ ကယ်ဆယ်ရေးလုပ်ငန်းများ ဆက်လက်ဆောင်ရွက်လျက်ရှိပါတယ်။ ထောက်ပံ့ရေးပစ္စည်း(၄၁၈)တန် နဲ့ ကယ်ဆယ်ရေးပစ္စည်း(၅၄၁)တန် ရောက်ရှိပြီးဖြစ်ပါတယ်။ ဒါတွေကတော့ လေကြောင်းကနေ ရောက်ရှိတဲ့အကူအညီပဲဖြစ်ပါတယ်။ ကယ်ဆယ်ရေးလုပ်ငန်းများအနေနဲ့လည်း ဒီနေ့အထိ ဆက်လက်ဆောင်ရွက် လျက်ရှိပါတယ်” ဟု ဗိုလ်ချုပ်ဇော်မင်းထွန်းက ပြောသည်။
ထို့ကြောင့် နိုင်ငံတကာမှ ကူညီကယ်ဆယ်ရေးအဖွဲ့များ၏ ကြိုးပမ်းဆောင်ရွက်မှု ဆေးအဖွဲ့များ၏ ကြိုးပမ်းဆောင်ရွက်မှု၊ ကူညီထောက်ပံ့မှုတွေအတွက်လည်း အထူးပင်ကျေးဇူးတင်ရှိကြောင်း ဗိုလ်ချုပ်ဇော်မင်းထွန်းက ဆိုသည်။
“အဲဒီကူညီကယ်ဆယ်ထောက်ပံ့မှုတွေနဲ့ပတ်သက်ပြီး မနေ့က ကျွန်တော်ပြောသလို တရားဝင်သက်ဆိုင်ရာနိုင်ငံတွေက သံရုံးစစ်သံရုံးတွေနဲ့ဆက်သွယ်ပြီးတော့မှ ဒီဘက်မှာရှိတဲ့ မြန်မာနိုင်ငံမှာရှိတဲ့နိုင်ငံခြားရေးဝန်ကြီးဌာန သဘာဝဘေးအန္တရာယ်ကူညီကယ်ဆယ်ရေးအတွက် ဖွဲ့စည်းထားတဲ့ သဘာဝဘေးအန္တရာယ်စီမံခန့်ခွဲမှုအဖွဲ့ တရားဝန်ဆက်သွယ်ပြီး ဆောင်ရွက်ပေးကြပါလို့လည်း မေတ္တာရပ်ခံပါတယ်။ ဒီသဘာဝဘေးအန္တရာယ်ကနေပြီး ကူညီကယ်ဆယ်ရေးလုပ်ငန်းတွေ ပြန်လည်ထူထောင်ရေးလုပ်ငန်းတွေကို အစိုးရကနေပြီးတော့ အင်တိုက် အားတိုက်ဆောင်ရွက်လျက်ရှိပါတယ်။ ပြည်သူလူထုအားလုံးကလည်း ဝိုင်းဝန်းကူညီဆောင်ရွက်ပေးကြပါလို့ ပြောကြားလိုပါတယ်” ဟု ဗိုလ်ချုပ်ဇော်မင်းထွန်းက ပြောသည်။
Zawgyi Version:
ငလ်င္ေၾကာင့္ ေသဆုံးသူ(၃၀၀၀)ေက်ာ္ ႏွင့္ ဒဏ္ရာရသူ(၄၀၀၀)ေက်ာ္ရွိလာ
သန႔္ဇင္ (NP News) - ဧၿပီ ၃
အင္းအားျပင္းငလ်င္ေၾကာင့္ ေသဆုံးသူ(၃၀၀၀)ေက်ာ္ ႏွင့္ ဒဏ္ရာရသူ(၄၀၀၀)ေက်ာ္ရွိလာၿပီျဖစ္ေၾကာင္း ႏိုင္ငံေတာ္စီမံအုပ္ခ်ဳပ္ေရးေကာင္စီသတင္းထုတ္ျပန္ေရးအဖြဲ႕ေခါင္းေဆာင္ ဗိုလ္ခ်ဳပ္ေဇာ္မင္းထြန္းက ေျပာသည္။
ၿပီးခဲ့သည့္ မတ္လ ၂၈ ရက္၊ မြန္းလြဲ ၁၂ နာရီ ၅၁ မိနစ္က ျဖစ္ပြားခဲ့သည့္ ျပင္းထန္ငလ်င္ေၾကာင့္ မႏၲေလးတိုင္းေဒသႀကီး၊ စစ္ကိုင္းတိုင္းေဒသႀကီး၊ ေနျပည္ေတာ္ေကာင္စီနယ္ေျမ၊ ပဲခူးတိုင္း ႏွင့္ ရွမ္းျပည္နယ္တို႔တြင္ ထိခိုက္ပ်က္စီးမႈမ်ားစြာျဖစ္ေပၚခဲ့ေၾကာင္း သိရသည္။
“ဒီေန႔မနက္ (၈)နာရီအထိ ျပင္းထန္ငလ်င္ေၾကာင့္ ေသဆုံးသူ (၃၀၈၅)ဦး၊ ဒဏ္ရာရသူ(၄၇၁၅)ဦး၊ ေပ်ာက္ဆုံးသူ (၃၄၁)ဦးရွိေၾကာင္း စာရင္းရရွိပါတယ္။ ေသဆုံးဒဏ္ရာရ ေပ်ာက္ဆုံသူမ်ားအတြက္ ႏိုင္ငံေတာ္အစိုးရအေနနဲ႔ မ်ားစြာ ဝမ္းနည္းေၾကကြဲရပါတယ္” ဟု ဗိုလ္ခ်ဳပ္ေဇာ္မင္းထြန္းက ေျပာသည္။
ထို႔ျပင္ ျပည္ပကူညီကယ္ဆယ္ေရးအေနျဖင့္ ႏိုင္ငံေပါင္း(၁၇)ႏိုင္ငံမွ ေလယာဥ္(၅၉)စီးျဖင့္ ကယ္ဆယ္ေရး ပစၥည္းမ်ား ႏွင့္ ကယ္ဆယ္ေရးဝန္ထမ္းမ်ားေရာက္ရွိခဲ့ေၾကာင္းလည္း ဗိုလ္ခ်ဳပ္ေဇာ္မင္းထြန္းက ဆိုသည္။
“ကယ္ဆယ္ေရးေဆာင္႐ြက္မႈမ်ားအေနနဲ႔ ႐ုရွား၊ တ႐ုတ္၊ အိႏၵိယ၊ ထိုင္း၊ စကၤာပူ၊ မေလးရွား၊ ဘဂၤလားေဒရ႕္၊ ဗီယက္နမ္၊ UAE၊ လာအို၊ ဘီလာ႐ု၊ အင္ဒိုနီးရွား၊ ဘူတန္၊ ဖိလစ္ပိုင္၊ ဂ်ပန္၊ နီေပါ၊ ပါကစ္စတန္၊ တ႐ုတ္-ေဟာင္ေကာင္ႏိုင္ငံေပါင္း (၁၇)ႏိုင္ငံက ေလယာဥ္စီးေရ စုစုေပါင္း(၅၉)စီးနဲ႔ ကူညီကယ္ဆယ္ေရးပစၥည္းမ်ား ေရာက္ရွိျခင္း၊ ကယ္ဆယ္ေရးဝန္ထမ္းမ်ားေရာက္ရွိျခင္းမ်ား ရွိပါတယ္။ ကယ္ဆယ္ေရးဝန္ထမ္း(၁၅၆၆)ဦး ငလ်င္ဒဏ္သင့္ေဒသေတြမွာ ကယ္ဆယ္ေရးလုပ္ငန္းမ်ား ဆက္လက္ေဆာင္႐ြက္လ်က္ရွိပါတယ္။ ေထာက္ပံ့ေရးပစၥည္း(၄၁၈)တန္ နဲ႔ ကယ္ဆယ္ေရးပစၥည္း(၅၄၁)တန္ ေရာက္ရွိၿပီးျဖစ္ပါတယ္။ ဒါေတြကေတာ့ ေလေၾကာင္းကေန ေရာက္ရွိတဲ့အကူအညီပဲျဖစ္ပါတယ္။ ကယ္ဆယ္ေရးလုပ္ငန္းမ်ားအေနနဲ႔လည္း ဒီေန႔အထိ ဆက္လက္ေဆာင္႐ြက္ လ်က္ရွိပါတယ္” ဟု ဗိုလ္ခ်ဳပ္ေဇာ္မင္းထြန္းက ေျပာသည္။
ထို႔ေၾကာင့္ ႏိုင္ငံတကာမွ ကူညီကယ္ဆယ္ေရးအဖြဲ႕မ်ား၏ ႀကိဳးပမ္းေဆာင္႐ြက္မႈ ေဆးအဖြဲ႕မ်ား၏ ႀကိဳးပမ္းေဆာင္႐ြက္မႈ၊ ကူညီေထာက္ပံ့မႈေတြအတြက္လည္း အထူးပင္ေက်းဇူးတင္ရွိေၾကာင္း ဗိုလ္ခ်ဳပ္ေဇာ္မင္းထြန္းက ဆိုသည္။
“အဲဒီကူညီကယ္ဆယ္ေထာက္ပံ့မႈေတြနဲ႔ပတ္သက္ၿပီး မေန႔က ကြၽန္ေတာ္ေျပာသလို တရားဝင္သက္ဆိုင္ရာႏိုင္ငံေတြက သံ႐ုံးစစ္သံ႐ုံးေတြနဲ႔ဆက္သြယ္ၿပီးေတာ့မွ ဒီဘက္မွာရွိတဲ့ ျမန္မာႏိုင္ငံမွာရွိတဲ့ႏိုင္ငံျခားေရးဝန္ႀကီးဌာန သဘာဝေဘးအႏၲရာယ္ကူညီကယ္ဆယ္ေရးအတြက္ ဖြဲ႕စည္းထားတဲ့ သဘာဝေဘးအႏၲရာယ္စီမံခန႔္ခြဲမႈအဖြဲ႕ တရားဝန္ဆက္သြယ္ၿပီး ေဆာင္႐ြက္ေပးၾကပါလို႔လည္း ေမတၱာရပ္ခံပါတယ္။ ဒီသဘာဝေဘးအႏၲရာယ္ကေနၿပီး ကူညီကယ္ဆယ္ေရးလုပ္ငန္းေတြ ျပန္လည္ထူေထာင္ေရးလုပ္ငန္းေတြကို အစိုးရကေနၿပီးေတာ့ အင္တိုက္ အားတိုက္ေဆာင္႐ြက္လ်က္ရွိပါတယ္။ ျပည္သူလူထုအားလုံးကလည္း ဝိုင္းဝန္းကူညီေဆာင္႐ြက္ေပးၾကပါလို႔ ေျပာၾကားလိုပါတယ္” ဟု ဗိုလ္ခ်ဳပ္ေဇာ္မင္းထြန္းက ေျပာသည္။