NUG မြန်မာ ဝန်ကြီးချုပ်နှင့ ်တွေ့ဆုံမေးမြန်းခြင်း
617
ရောင်နီ (NP News) - မေ ၈
တောင်ကိုရီးယား သတင်းဌာန SBS ဟာ မြန်မာနိုင်ငံ အမျိုးသားစည်းလုံးညီညွှတ်ရေးအစိုးရ(မညစ)ဝန်ကြီးချုပ် မန်းဝင်းခိုင်သန်းနဲ့ ပထမဆုံးသီးသန့်တွေ့ဆုံမေးမြန်းခြင်းကို မေလ(၃)ရက်က ပြုလုပ်ခဲ့ပါတယ်။
ဝန်ကြီးချုပ် မန်းဝင်းခိုင်သန်းဟာ စစ်တပ်ရဲ့စောင့်ကြည့်မှုအောက်ကနေ လွတ်မြောက်အောင် ပုန်းအောင်းနေရသလို လေကြောင်းတိုက်ခိုက်မှုများ အပါအဝင် စစ်တပ်ရဲ့တရားမဝင်စစ်ရေးလုပ်ရပ်များကို ပြင်းပြင်းထန်ထန် ရှုတ်ချခဲ့ပါတယ်။ မြန်မာနိုင်ငံရှိ တရားဝင်အစိုးရတစ်ခုအနေနဲ့ စစ်တပ်ကိုတိုက်ခိုက်ဖို့ ဖက်ဒရယ်တပ်မတော်နဲ့ ပတ်သက်တဲ့အကြောင်းအရာတွေကို ဒီအင်တာဗျူးမှာ မျှဝေခဲ့ပါတယ်။
သတင်းထောက် - ဟဲလို။ SBS မှ ကင်ဟေယောင်း ဖြစ်ပါတယ်။ အင်တာဗျူးမစတင်မီ မြန်မာစစ်တပ်ရဲ့ စစ်ရေးအရတိုက်ခိုက်မှုကြောင့် သေဆုံးသွားသူတွေရဲ့ မိသားစုများနဲ့ မိတ်ဆွေသူငယ်ချင်းတွေကို ကျွန်မတို့ အလွန်ဝမ်းနည်း စိတ်မကောင်း ဖြစ်မိကြောင်းပြောကြားလိုပါတယ်။ မြန်မာနိုင်ငံမှာ ဒီမိုကရက်စီနွေဦး ပေါ်ပေါက်လာဖို့ တကယ့်ကို စိတ်ရင်းနဲ့ မျှော်လင့်ပါတယ်။ ခက်ခဲတဲ့အခြေအနေမှာ ဒီအင်တာဗျူးကို လက်ခံတဲ့အတွက် ကျေးဇူးတင်ပါတယ်။ အင်တာဗျူးကိုစကြစို့။ ပထမဆုံးအနေနဲ့ NUG ကို မိတ်ဆက် ပေးနိုင်မလား။
မန်းဝင်းခိုင်သန်း(NUG ဝန်ကြီးချုပ်) - NUG အကြောင်း ကျွန်တော်တို့ မရှင်းပြခင် ဒီမိုကရေစီနည်းလမ်းတကျ ရွေးကောက်တင်မြှောက်ခံထားရတဲ့အာဏာရပါတီဝင်တွေ ရွေးကောက်ပွဲမှာ အနိုင်ရရှိပြီးနောက် အစိုးရ စတင် လာတဲ့အချိန်မှာ စစ်တပ်က ၂၀၂၁ ခုနှစ်ဖေဖော်ဝါရီ ၁ ရက် မနက်မှာ အာဏာသိမ်းမှုစတင်ခဲ့တဲ့ အကြောင်း အရင်ပြောလိုပါတယ်။ နိုင်ငံတစ်ဝန်းမှ မြန်မာနိုင်ငံသားအားလုံးနီးပါးဟာ စစ်တပ်ရဲ့ မတရားမှုနဲ့ တရားမဝင် လုပ်ဆောင်မှုတွေကို ပြင်းထန်စွာရှုတ်ချခဲ့ကြပါတယ်။ အဲဒီကနေတစ်ဆင့် မြန်မာနိုင်ငံရဲ့ဒီမိုကရေစီကို ခြိမ်းခြောက်လာတာကြောင့် စစ်တပ်ကိုဆန့်ကျင်ဆန္ဒပြမှုတွေဖြစ်ပေါ်ခဲ့တယ်။ ဒီမိုကရေစီနည်းအရ ရွေး ကောက်တင်မြှောက်ခံရတဲ့ ခေါင်းဆောင်များအနေနဲ့ ကျွန်ုပ်တို့ဟာ စစ်တပ်အာဏာသိမ်းမှုကိုဆန့်ကျင်ဖို့ ပြည်သူတွေနဲ့အတူ ပူးပေါင်းဆောင်ရွက်ခဲ့ကြပါတယ်။ ကျွန်ုပ်တို့ဟာ ဒီမိုကရေစီနည်းကျ ရွေးကောက် တင်မြှောက်ခံရတဲ့ ခေါင်းဆောင်များအနေနဲ့ ပြည်ထောင်စု အစိုးရကိုယ်စားပြုကော်မတီဖြစ်တဲ့ CRPH ကိုတည်ထောင်ခဲ့ပါတယ်။CRPH ရဲ့ ခေါင်းဆောင်မှုနဲ့ မြန်မာနိုင်ငံအတွက် ဖက်ဒရယ်ဒီမိုကရေစီ ပြည်ထောင်စုတည်ဆောက်ဖို့ အတားအဆီးဖြစ်စေနိုင်တဲ့ ၂၀၀၈ ဖွဲ့စည်းပုံအခြေခံဥပဒေကို ဖျက်သိမ်းဖို့ ဆုံးဖြတ်ခဲ့ကြတယ်။ CRPH ဟာ တိုင်းရင်းသားလက်နက်ကိုင်အဖွဲ့များ၊ လူမှုရေးလုပ်သားအုပ်စုများနဲ့ အလွှာအသီးသီးမှ ဆန္ဒပြနေကြတဲ့ ဆန္ဒပြအုပ်စုများစတဲ့ အုပ်စုတွေကိုဆက်သွယ်ခဲ့ပြီး နောင်အနာဂတ်မှာ ဖက်ဒရယ်ဒီမိုကရေစီပြည်ထောင်စုတည်ဆောက်ဖို့အတွက် Charter စာချုပ်နဲ့အတူ ပူးပေါင်းခဲ့ပါတယ်။ ဒီကိစ္စအတွက် CRPH က ကျွန်တော့်ကို ယာယီဝန်ကြီးချုပ်ရာထူး ပေးအပ်ခဲ့ပြီး ယာယီဒုတိယသမ္မတရာထူး လည်း ခန့်အပ်ခဲ့တယ်။ CRPH အခွင့်အာဏာရရှိပြီးနောက် သက်ဆိုင်ရာခေါင်းဆောင်များဟာ အပြည်ပြည် ဆိုင်ရာအဖွဲ့အစည်းများနဲ့ လူမျိုးစုအသီးသီးမှ ကိုယ်စားလှယ်များနဲ့ ဆက်သွယ်ပြီးတော့ ဖက်ဒရယ်ဒီမိုကရေစီ Charter စာချုပ်ချုပ်ဆိုပြီးနောက် တိုင်းရင်းသားလက်နက်ကိုင်အဖွဲ့များနဲ့ သဘောတူညီချက်ရယူဖို့ တိုင်းရင်းသားခေါင်းဆောင်တွေကို ရွေးချယ်ခဲ့ပြီး Nation Unity Government ( NUG )ကိုဖွဲ့စည်းခဲ့ပါတယ်။
သတင်းထောက် - ဝန်ကြီး ဘယ်မှာနေတယ်ဆိုတာ ထုတ်ဖော်ပြောဆိုဖို့ခက်မယ်လို့ ထင်ပါတယ်။ အခုလုံခြုံတဲ့ နေရာမှာ ရှိနေပါသလား။
မန်းဝင်းခိုင်သန်း (NUG ဝန်ကြီးချုပ်) - တာဝန်ရှိသူ ပေးထားတဲ့ ဒီနေရာဟာ လုံခြုံစိတ်ချရတဲ့နေရာ ဖြစ်လိမ့်မယ်လို့ ကျွန်တော်ထင်ပါတယ်။ ကူညီပေးတဲ့သူတွေက ကျွန်တော့်ကို ဂရုစိုက်ကြပါတယ်။
သတင်းထောက် - မြန်မာစစ်တပ်က လေကြောင်းတိုက်ခိုက်မှုနဲ့ အခြားအကြမ်းဖက်တိုက်ခိုက်မှုတွေ ဆက်လက်ပြုလုပ်နေပါတယ်။ မြန်မာနိုင်ငံရဲ့ လက်ရှိအခြေအနေနှင့် ပတ်သက်ပြီး ဘယ်လိုပြောနိုင်မလဲ။
မန်းဝင်းခိုင်သန်း (NUG ဝန်ကြီးချုပ်) - အားလုံးသိတဲ့အတိုင်း UN က ပြည်သူတွေကို သတ်ဖြတ်ခြင်း၊ ငြိမ်းချမ်းရေးကိုဆန့်ကျင်ခြင်းစတဲ့ ရက်စက်ကြမ်းကြုတ်တဲ့ ရာဇဝတ်မှုများ အားလုံးရပ်တန့်ဖို့နဲ့ထိန်းသိမ်းထားသူ အားလုံးကို လွှတ်ပေးဖို့ တောင်းဆိုခဲ့ပါတယ်။ သို့ပေမယ့် စစ်တပ်ဟာ အရေးမလုပ်ခဲ့ပါဘူး။ အာဆီယံအနေနဲ့ လည်း ပြဿနာတွေကို ဖြေရှင်းနိုင်ဖို့ ပါဝင်ခဲ့ပါတယ်။ အာဆီယံဥက္ကဋ္ဌရဲ့ ထုတ်ပြန်ကြေငြာချက်ဟာ လူ့အခွင့် အရေး ချိုးဖောက်မှုတွေကို ရပ်တန့်စေဖို့ အချက်ငါးချက်နဲ့ သဘောတူညီမှု ရရှိခဲ့ပါတယ်။ သို့ပေမယ့်လည်း ညအချိန်မှာ ရုတ်တရက်ဖမ်းဆီးခြင်း၊ ကျောက်ခဲနဲ့ နေအိမ်တွေကို ပစ်ပေါက်ဖျက်ဆီးခြင်းဟာ ဆက်လက် ဖြစ်ပွားနေဆဲပါပဲ။ ထပ်မံအကြမ်းဖက်မှုတွေဟာ မြို့ပြဒေသတွေမှာသာမက ကျေးလက်ဒေသတွေမှာပါ ဖြစ်ပွားခဲ့တယ်။ ဒါ့အပြင် ဆက်တိုက်ကြောက်စရာကောင်းတဲ့ အဖြစ်အပျက်တွေလည်းဖြစ်ပျက်ခဲ့တယ်။ ဥပမာ ဧပြီလ ၂၇ ရက်နေ့က တီးတိန်မြို့မှာ ဆိုင်ကယ်စီးနေသူတစ်ဦးကို စစ်တပ်က သေနတ်ဖြင့်ပစ်သတ်ခဲ့ခြင်း၊ ဧပြီ ၂၈ ရက်နေ့က မန္တလေးမြို့ရှိ လူငယ်အုပ်စုတစ်စုကို စစ်တပ်ကပစ်သတ်ခဲ့ခြင်း၊ ဧရာဝတီတိုင်း ဖျာပုံမြို့မှာ ဧပြီလ ၂၉ ရက်က ရွာတစ်ရွာကို ရုတ်တရက် တိုက်ခိုက်ခဲ့ရာ လူတစ်ဦး သေဆုံးပြီး လူသုံးဦး ပြန်ပေးဆွဲခံရခြင်း စတဲ့ အကြမ်းဖက်မှုတွေ ပြုလုပ်ခဲ့တာပါ။ အာဆီယံအစည်းအဝေးမှာသူတို့ပြောခဲ့သလိုပဲ၊ လုံခြုံရေးတပ်ဖွဲ့ မရှိဘူး။ သူတို့က လက်နက်ကိုင်အကြမ်းဖက်မှုကို လျှော့ချမယ်လို့ ပြောခဲ့ပေမယ့် ဆန္ဒပြသူတွေကို စစ်အစိုးရက သတ်ဖြတ်နေတဲ့အခြေအနေတွေ ရှိနေဆဲဖြစ်ပါတယ်။ စစ်တပ်နဲ့ တိုင်းရင်းသားအုပ်စုတွေအကြား ပြည်တွင်းစစ် ဖြစ်ပွားတဲ့အခါ စစ်တပ်ရဲ့လေကြောင်းတိုက်ခိုက်မှုဟာ လက်နက်ကိုင်အုပ်စုတွေရဲ့ နေရာတွေသာမက တိုက်ပွဲ ဖြစ်နေရာနဲ့ ၉ မိုင်မှ ၁၀ မိုင်ကွာဝေးတဲ့ တိုင်းရင်းသားကျေးရွာတွေကိုလည်း ထိခိုက်ခဲ့ပါတယ်။ တနည်းအားဖြင့် ပြောရရင် ဒါကိုလူမျိုးတုံးသတ်ဖြတ်မှုလို့ မှတ်ယူနိုင်ပါတယ်။ တကယ်လို့ လက်နက်ကိုင်အဖွဲ့တွေက သောင်းကျန်းမှုဖြစ်ပေါ်ပါက စစ်တပ်ဟာအပြစ်မဲ့ပြည်သူများကို မထိခိုက်စေဘဲ လက်နက်ကိုင်တပ်ဖွဲ့ကိုသာ တိုက်ခိုက်သင့်ပါတယ်။ သို့ပေမယ့် သူတို့ရဲ့ လေကြောင်းတိုက်ခိုက်မှုတွေဟာ အထူးသဖြင့် ကရင်ပြည်နယ်မှာ စစ်ပွဲနဲ့ မသက်ဆိုင်တဲ့ ရွာတွေကိုပါ ထိခိုက်ခဲ့ပြီး ဒေသခံတွေ နေအိမ်ကနေ ထွက်ပြေးကြရပါတယ်။ ပြဿနာက ထိုင်းနိုင်ငံဟာ အဲ့ဒီ့စစ်ပြေးဒုက္ခသည်တွေကို လက်မခံခြင်းကြောင့် ပြည်သူတွေဟာ တောတွင်းမှာပဲ ဒုက္ခ ရောက်ခဲ့ရပါတယ်။ ဒီအခြေအနေကို ကြည့်လိုက်ရင် စစ်တပ်က ကတိမတည်ဘူးဆိုတာ ရှင်းရှင်းလင်းလင်း မြင်နိုင်တယ်။ အာဆီယံရဲ့ အချက် (၅) ချက်ပါတဲ့ သဘောတူညီချက်အရ အာဆီယံမှအထူးသံတမန်ကို မြန်မာနိုင်ငံကို ဝင်ခွင့်ပြုသင့်ပါတယ်။ သို့ပေမယ့် အစည်းအဝေးမှ နိုင်ငံကို ပြန်လာပြီးနောက် စစ်တပ်က အထူးသံတမန်ဟာ တိုင်းပြည်တည်ငြိမ်အေးချမ်းမှု ပြန်လည်တည်ဆောက်နိုင်မှသာ ဝင်ရောက်နိုင်တယ်လို့ ပြောကြားခဲ့တယ်။ ဆိုလိုတာက စစ်အစိုးရဟာ အာဆီယံရဲ့ အချက် ၅ ချက်ပါသဘောတူညီမှုကို ဆန့်ကျင် နေတယ်။ သူတို့ရဲ့ အကြမ်းဖက်မှုကို ရပ်တန့်လိုက်ရင် တိုင်းပြည်ငြိမ်းချမ်းပြီးတည်ငြိမ်မှု ရရှိလာနိုင်တယ်။ မဟုတ်ရင်တော့ ငြိမ်းချမ်းရေးကို ကျွန်တော်တို့ ရရှိနိုင်မယ့် နည်းလမ်းမရှိဘူး။
သတင်းထောက် - ဝန်ကြီးချုပ် ပြောခဲ့သလိုပဲ။ စစ်တပ်က တိုင်းရင်းသားအသိုင်းအဝိုင်းတွေကို လေကြောင်း တိုက်ခိုက်မှုတွေ ဆက်လုပ်နေတယ်။ သူတို့က လက်နက်မသုံးဘူးလို့ပြောရင်တောင်မှ မြန်မာပြည်အနှံ့အပြား က လူတွေကိုတိုက်ခိုက်နှိမ်နှင်းနေတယ်။ ဧပြီ ၂၄ ရက်မှာ ကျင်းပခဲ့တဲ့ အာဆီယံထိပ်သီး အစည်းအဝေးမှာ ကြေငြာခဲ့တဲ့ အချက် (၅) ချက်ပါ သဘောတူညီချက်က တစ်ခုဟာအကြမ်းဖက်မှုကို ချက်ချင်းရပ်တန့်ဖို့ ပါဝင်ပါ တယ်။ သို့ပေမယ့် စစ်တပ်ဟာ သဘောတူညီချက်ကို လျစ်လျူရှုပြီး အကြမ်းဖက် လုပ်ရပ်တွေကို ထပ်မံကျူး လွန်နေပုံရတယ်။ ဒီအတောအတွင်း NUG ဟာ အပြုသဘောဆောင်တဲ့ ဆွေးနွေးမှု တွေ မပြုလုပ်မီ နိုင်ငံရေး အကျဉ်းသားတွေကို ခြွင်းချက်မရှိလွှတ်ပေးဖို့ တောင်းဆိုခဲ့တယ်။ အဆုံးမှာ အာဆီယံ ရဲ့သဘောတူညီမှု အောင်မြင်မလား၊ မအောင်မြင်မလားဆိုတာ စိုးရိမ်ပူပန်မှုတွေ ရှိနေတယ်။ ဝန်ကြီးချုပ်၊ ဒီသဘောတူညီချက်ဟာ ထိထိရောက်ရောက်ရှိနေသေးသလား။
မန်းဝင်းခိုင်သန်း - ရိုးရိုးသားသားပြောရရင်တော့ အဲဒါဟာ တိတိကျကျအရေးယူခြင်း မရှိဘူး။ ဒါပေမယ့် ပျက်စီး သွားပြီလို့လည်း ပြောဖို့ခက်တယ်။ တစ်ခုကတော့ စစ်အစိုးရက အဲဒီအချိန်ကတည်းက လိုက်နာ ဆောင်ရွက် ခြင်းမရှိသေးပေမယ့် အာဆီယံနိုင်ငံတွေကတော့ ဒီကိစ္စကိုဘာမှမလုပ်နိုင်ပါဘူး။ ဒါကြောင့် အဲဒါဟာ ကျိုးပဲ့နေ ပြီလို့ပြောမယ့်အစား ရှင်ရက်နဲ့ သေတယ်လို့ ပြောရလိမ့်မယ်။ ဒီသဘောတူညီချက်ဟာ "အသက်ရှင်နေသေး တယ်" လို့ဆိုနိုင်ပေမယ့်ဘာမှမလုပ်နိုင်ပါဘူး။ ထောက်ပံ့မှု လိုအပ်နေတာတွေကတော့ ပြည်တွင်းစစ်ကြောင့် ထွက်ပြေးတိမ်းရှောင်နေရတဲ့ ဒုက္ခသည်တွေနဲ့ CDM အစိုးရအရာရှိအချို့ပဲ ဖြစ်ပါတယ်။ တစ်ချို့လူ တွေက စစ်ဘေးရှောင် တိုင်းရင်းသား ဒုက္ခသည်တွေကိုကူညီလိုကြတယ်။ ဒါပေမယ့် ထိုင်းဘက်ခြမ်းက ပိတ်ထားတာ ကြောင့် အကူအညီ မပေးနိုင်ဘူး။ ထိုင်းအစိုးရအနေနဲ့ ဒုက္ခသည်တွေကို ကူညီပေးဖို့ အရေးကြီးတယ်။ အရေးအကြီးဆုံးကတော့ နိုင်ငံရဲ့ အခြေအနေကိုပိုမိုကောင်းမွန်အောင်နဲ့ ငြိမ်းချမ်းစွာပြန်လည်ထူထောင်နိုင်ဖို့ ဖြစ်တယ်။ အခြေအနေတွေ တိုးတက်စေဖို့အတွက်တော့ စစ်တပ်အာဏာသိမ်းမှု ပြိုကွဲမှသာ ဖြစ်နိုင်ပါတယ်။ နောက်မှသာအခြားအရာတွေကို ပိုမိုအာရုံစိုက်နိုင်ဖို့ ကြိုးပမ်းသွားမယ်။
သတင်းထောက် - NUG အတွင်းရေးမှူး တစ်ဦး မကြာသေးမီက ပြောကြားထားတာကတော့ အနောက်နဲ့ အရှေ့အလယ်ပိုင်း နိုင်ငံအချို့က NUG ကိုထောက်ပံ့ဖို့ ပြင်ဆင်နေကြတယ်လို့ သိရတယ်။ NUG ကို တရားဝင်အစိုးရအဖြစ်အသိအမှတ်ပြုတဲ့ နိုင်ငံတွေကို ပြောပြနိုင်ပါသလား။
မန်းဝင်းခိုင်သန်း - ယခုအချိန်မှာ အစိုးရသစ်ဖွဲ့စည်းပြီးတာ ၁၄ ရက်သာ ရှိသေးတယ်။ ၁၄ ရက်အတွင်း အရာရာတိုင်းကို အွန်လိုင်းမှသာ ပြုလုပ်ရခြင်းကြောင့် နှောင့်နှေးမှုနဲ့ အတားအဆီးအချို့ရှိတယ်။ ဒါကြောင့် နိုင်ငံတကာ အသိအမှတ်ပြုမှုရဖို့အတွက် ဒီထက်ပိုကြာနိုင်ပါတယ်။ တစ်ရက် နှစ်ရက်အတွင်း ကျွန်ုပ်တို့ တရားဝင် အသိအမှတ်ပြုမှုကို တောင်းခံပါမယ်။ လက်ရှိမှာတော့ အသိအမှတ်ပြုခြင်း မရှိသေးပါ။ သို့သော်နိုင်ငံများစွာမှ သံအမတ်များနဲ့ တွေ့ဆုံမှုအချို့ရှိတယ်။ သူတို့ပြောခဲ့တဲ့အတိုင်း တရားဝင်အသိအမှတ်ပြုခြင်း မရှိသေးပေမယ့် ၎င်းတို့အများစုဟာ အတူတူအလုပ်လုပ်ဖို့ ဆန္ဒရှိကြပါတယ်။
သတင်းထောက် - ကိုရီးယားလည်း အဲဒီနိုင်ငံတွေထဲကတစ်ခု ဖြစ်ပါသလား။ NUG ကိုတရားဝင်အစိုးရတစ်ခု အဖြစ် အသိအမှတ်ပြုဖို့ ကိုရီးယားကိုတောင်းခံခဲ့ပါသလား။
မန်းဝင်းခိုင်သန်း - တစ်ရက်နှစ်ရက်အတွင်း ကျွန်တော်တို့ နိုင်ငံခြားရေးဝန်ကြီးဌာနရဲ့ ကြေညာချက်ကို တောင်ကိုရီးယားသာမက အခြားနိုင်ငံအများစုကို ပေးပို့သွားမှာဖြစ်တယ်။ ကိုရီးယားမှာရှိတဲ့ပြည်သူအများစု၊ ပါလီမန်အမတ်များနဲ့ ကျောင်းသားများအထိ၊ ဆန္ဒပြခြင်းအားဖြင့်ကျွန်တော်တို့ကို ထောက်ခံနေကြတာကို မြင်ရပါတယ်။ အဲဒါကြောင့် ကိုရီးယားပြည်သူတွေနဲ့အစိုးရအားလုံးကို ကျေးဇူးတင်ကြောင်းပြောချင်ပါတယ်။
သတင်းထောက် - ရက်အနည်းငယ်အတွင်းလို့ ဝန်ကြီးဆိုခဲ့ပါတယ်။ NUG နိုင်ငံခြားရေးဝန်ကြီးဌာနက မေလပထမပတ်မှာ ကိုရီးယားအစိုးရကို တရားဝင်ထုတ်ပြန်ချက်တစ်ခု ပေးပို့မယ်လို့ သိရပါတယ်။ အဲဒါမှန်ပါသလား။
မန်းဝင်းခိုင်သန်း - ဟုတ်ပါတယ်။ ကျွန်တော်တို့ ကြေညာချက်ပေးပို့ဖို့ အခု ပြင်ဆင်နေကြပါပြီ။
သတင်းထောက် - မြန်မာစစ်တပ်ကိုအနိုင်ယူဖို့အတွက် နိုင်ငံတကာအကူအညီတွေ လိုတယ်လို့ပြောခဲ့ပါတယ်။ NUG ကရော ဘယ်လိုအားထုတ်မှုတွေ ပြုလုပ်ခဲ့ပါသလဲ။
မန်းဝင်းခိုင်သန်း - နိုင်ငံသားသန်း ၅၀ ကျော်သာမက ကုလသမဂ္ဂအပါအဝင် နိုင်ငံတကာအသိုင်းအဝိုင်း ကလည်း စစ်တပ်အာဏာသိမ်းမှုကို ပြင်းပြင်းထန်ထန်ပြစ်တင်ရှုတ်ချခဲ့ပါတယ်။ စစ်အစိုးရနဲ့ ကျွန်တော်တို့ပါတီ လုံးဝမသက်ဆိုင်ပါဘူး။ စစ်အစိုးရရဲ့ကျဆုံးခြင်းကို တောင်းဆိုဖို့ ကုလသမဂ္ဂနဲ့ လုံခြုံရေးကောင်စီကို အားကိုး ခဲ့ပေမယ့် မအောင်မြင်ပါဘူး။ သူတို့က 'ဒီကိစ္စကိုဆောင်ရွက်နေတယ်' လို့ ဖော်ပြခဲ့စဉ်တွင်းမှာပဲ လူများစွာ သေဆုံးခဲ့ကြတယ်။ ဒီမိုကရေစီပြန်လည်ထူထောင်ရေးအတွက် စစ်အာဏာရှင်ကျဆုံးခြင်းကို မြင်တွေ့ခဲ့ကြတဲ့ ဒီမိုကရေစီနိုင်ငံများမှ ထုတ်ပြန်ချက်တွေဟာ စကားလုံးများသာဖြစ်ပြီး ကျွန်တော်တို့ အရပ်သားအမြင်အရ ဒါတွေဟာ အထောက်အကူမဖြစ်ပါဘူး။ ဒါကြောင့်ကိုယ့်ကိုယ်ကိုယ် အားကိုးရမှာသာဖြစ်တယ်။ အခြား တစ်ဖက်မှာလည်း အချို့နိုင်ငံတွေက စစ်အစိုးရကို မသိဘဲ ကူညီနေတယ်။ ဒါပေမယ့် ကျွန်တော်တို့ဘက်မှာ တော့ ပြည်သူတွေရဲ့ စကားသံတွေသာ တစ်ခုတည်းသောအထောက်အပံ့ပဲလို့ ခံစားရတယ်။ ဒီတော့ ကျွန်တော်တို့မှာ ရှိတာက ပြည်သူတွေရဲ့စွမ်းအားပဲ။ စစ်အစိုးရ ဆန့်ကျင်တိုက်ပွဲအတွက် ပြည်သူသန်းပေါင်း များစွာ အတူတကွတိုက်ပွဲဝင်ဖို့ လိုပါတယ်။ ခိုင်မာတဲ့ အစိုးရဖွဲ့စည်းမယ်။ ကျွန်တော်တို့လုံခြုံရေးအတွက် ကာကွယ်ရေးတပ်ဖွဲ့များဖွဲ့စည်းပါမယ်။ ပြီးတော့ပြည်သူ့ကာကွယ်ရေးတပ်ဖွဲ့ ပေါ်လာမယ်။ ဒီအချက်တွေ အတွက် ကျွန်တော်တို့ဟာ ယခုအခါစစ်အစိုးရအမြန်ဆုံး ကျဆုံးဖို့အတွက် ဆွေးနွေးညှိနှိုင်းဖို့ တိုင်းရင်းသား လက်နက်ကိုင်အဖွဲ့တွေနဲ့ ပူးပေါင်းခဲ့ပါတယ်။ ကျွန်တော်တို့ဟာ ဒီမိုကရေစီနိုင်ငံတွေဆီက အင်အားလိုအပ် တယ်ဆိုတာကို ရှင်းရှင်းလင်းလင်း ပြောချင်ပါတယ်။
သတင်းထောက် - မြန်မာနိုင်ငံက တိုင်းရင်းသားလက်နက်ကိုင်အဖွဲ့အစည်းတွေရဲ့ ညွန့်ပေါင်းအဖွဲ့ဟာ စည်းလုံးညီညွှတ်ရေးအတွက်ဆွေးနွေးမှုတွေ စတင်ခဲ့တယ်။ လူအများက ဒီလှုပ်ရှားမှုဟာ မကြာမီ ပြည်ထောင်စုတပ်မတော်ဖွဲ့စည်းဖို့ ဦးဆောင်သွားလိမ့်မည်ဟုမျှော်လင့်ကြပါတယ်။ ဘယ်အချိန်မှာ ဖြစ်လာလိမ့်မယ်လို့ ထင်ပါသလဲ။
မန်းဝင်းခိုင်သန်း - ဖက်ဒရယ်တပ်မတော်ဟာ တိုင်းရင်းသားအားလုံးအပါအဝင် ကျွန်တော်တို့ နိုင်ငံသား အားလုံးအတွက် မျှော်လင့်ချက်ဖြစ်တယ်။ စစ်တပ်သာလက်နက်ကိုင်ထားသည့်နေရာမှာ စစ်တပ်ဟာ အာဏာသိမ်းဖို့ အမြဲတမ်းကြိုးစားနေလိမ့်မယ်။ လူမျိုးစုအားလုံးပါဝင်တဲ့ ဖက်ဒရယ်တပ်မတော်တစ်ခု ရှိရင် နိုင်ငံရဲ့ အုပ်ချုပ်မှုစနစ်ရှိတဲ့အတွက်အာဏာသိမ်းမှု မဖြစ်နိုင်ပါဘူး။ ကျွန်တော်တို့က ဒီအတွက်ရည်ရွယ်နေကြ တာပါ။ လက်ရှိမှာ ကျွန်တော်တို့ ညှိနှိုင်းဖို့ ကြိုးစားနေပါတယ်။ တကယ်လို့ တိုက်ပွဲဝင်ဖို့ လိုအပ်လာရင် ကျွန်တော်တို့ တိုင်းရင်းသားလက်နက်ကိုင်အဖွဲ့တွေနဲ့ ပူးပေါင်းသွားမယ်။ တော်လှန်ရေးအောင်မြင်ပြီးတဲ့ နောက်မှာ လက်နက်ကိုင်အဖွဲ့နဲ့ ပြည်သူ့ကာကွယ်ရေးတပ်ဖွဲ့တို့ဟာ ဖက်ဒရယ်တပ်မတော်ပေါ်ထွက်လာဖို့ အတူတကွညှိနှိုင်းဆွေးနွေးကြလိမ့်မယ်။ ဘယ်အချိန်မှာဖြစ်လာမယ်ဆိုတာကို ခန့်မှန်းဖို့ခက်တယ်။ ကျွန်တော် တို့ ကြုံတွေ့ရတဲ့ နောက်ထပ်ပြဿနာတစ်ခုကတော့ ငွေကြေးအခြေအနေဖြစ်တယ်။ ဖက်ဒရယ်တပ်မတော် ပေါ်ထွန်းလာဖို့ဆိုရင် ကျွန်တော်တို့မှာ ငွေကြေးအရင်းအမြစ်တွေအများကြီး ပိုလိုတယ်။ ဒီအတွက် ရန်ပုံငွေရဖို့ ရည်မှန်းထားတယ်။ ပြည်သူ့ကာကွယ်ရေးတပ်ဖွဲ့ကိုဖွဲ့စည်းဖို့အတွက် ကျွန်တော်တို့ ပိုက်ဆံများများသုံးပြီး လိုအပ်တဲ့ လက်နက်တွေဝယ်ရမယ်။ အလားတူ ကျွန်တော်တို့ဟာ ပြည်ပနိုင်ငံတစ်နိုင်ငံကနေ အထောက်အပံ့ ရရှိနိုင်ရင်တော့ ဒီလုပ်ငန်းစဉ် ပိုမိုမြန်ဆန်စေနိုင်ပါမယ်။
သတင်းထောက် - ကိုရီးယားအနေနဲ့ မြန်မာစစ်တပ်ရဲ့ တင်ပို့မှုမှန်သမျှကို တားမြစ်ခြင်းစတဲ့ စစ်တပ်အုပ်စု အပေါ် နိုင်ငံတကာကန့်သတ်မှုမှာ ပါဝင်နေပါတယ်။ ကိုရီးယားတွေဟာလည်း သူတို့ရဲ့ အာဏာရှင်အစိုးရ လက်ထက်က ဒီမိုကရေစီရေးလှုပ်ရှားမှုတွေကို အမှတ်ရနေတယ်။ ဒါ့အပြင် NGO များ၊ ဘာသာရေးနဲ့ ပညာရေးဆိုင်ရာအဖွဲ့များဟာ မြန်မာနိုင်ငံ ဒီမိုကရေစီအတွက် ထောက်ပံ့ကူညီခြင်းများ ပြုလုပ်ကြတယ်။ ဒါ့ကြောင့်ကိုရီးယားအစိုးရနဲ့ပြည်သူတွေကို သတင်းပို့ချင်ပါသလား။
မန်းဝင်းခိုင်သန်း - ကျွန်တော် ကိုရီးယားအကြောင်း အများကြီးပြောဖို့ရှိတယ်။ ကျွန်ုပ်တို့ ပြည်သူတွေ သေနတ်နဲ့ ပစ်ခတ်ခြင်းခံရခြင်း၊ ညအချိန် တိတ်တဆိတ် ဖမ်းဆီးခြင်းတို့ကြောင့် ဒုက္ခရောက်နေတယ်။ သူတို့ဟာ ဖခင်ရှေ့မှာ သမီးဖြစ်သူကိုသတ်ပြီး ငွေလက်ဝတ်ရတနာတွေ လုယူသွားကြတာရှိတယ်။ ဒီအခြေအနေမျိုးမှာ ကိုရီးယားက ကလေး၊ ပါလီမန်အမတ်များ၊ ပြည်သူလူထုနဲ့ ဒေသန္တရအုပ်ချုပ်ရေးတို့မှ စိတ်အားထက်သန်တဲ့ အထောက်အပံ့တွေဟာ ဆန္ဒပြသူအားလုံးနဲ့ ကျွန်တော်တို့ရဲ့ အစိုးရအတွက် များစွာအထောက်အကူ ဖြစ်စေပါတယ်။ ဒါကြောင့် အရမ်းကျေးဇူးတင်ပါတယ်။ နောက်လည်းဆက်ပြီးကူညီပေးပါလို့ တောင်းဆိုချင် ပါတယ်။ ကျွန်တော်တို့အပေါ် ကိုရီးယားအစိုးရရဲ့အသိအမှတ်ပြုထောက်ခံမှုလည်း ရရှိချင်ပါတယ်။
သတင်းထောက် - နောက်ထပ်မေးခွန်း ၂ ခုလောက်မေးချင်ပါတယ်။ ပထမဦးဆုံး အမေရိကန်ပြည်ထောင်စု အစိုးရဟာ NUG ကို တရားဝင်အစိုးရတစ်ခုအဖြစ် အသိအမှတ်ပြုပါသလား။ ဒုတိယမေးခွန်းကတော့ ထိုင်း ဝန်ကြီးချုပ်ဟာ ဗိုလ်ချုပ်မှူးကြီး မင်းအောင်လှိုင်နဲ့ နီးစပ်ကြောင်း အစီရင်ခံစာများစွာရှိတယ်။ ဒါ့အပြင် တရုတ်နဲ့ ရုရှားတို့ကလည်း ထိရောက်တဲ့ဖြေရှင်းချက်ရရှိဖို့ ပြည်သူတွေကို အထောက်အပံ့မပေးခဲ့ပါဘူး။ ထိုင်း၊ တရုတ် နဲ့ရုရှားခေါင်းဆောင်တွေအတွက် ပြောစရာ စကားလုံးရှိပါသလား။
မန်းဝင်းခိုင်သန်း - ကျွန်တော်တို့ လိုချင်တာတစ်ခုက ကျွန်တော်တို့နိုင်ငံက ပြည်သူတွေရဲ့အသံကို လေးစားပြီး ကာကွယ်ဖို့ဖြစ်တယ်။ စစ်တပ်ကော်မရှင်က စစ်အစိုးရကို တရားဝင်အာဏာ လွှဲပြောင်းပေးခဲ့တယ်လို့ အခိုင် အမာဆိုခဲ့တယ်။ ဒါပေမယ့် သမ္မတနဲ့ ပြည်နယ်ကောင်စီဝင်တွေကို ဖမ်းဆီးတရားစွဲဆိုပြီး အာဏာရယူခြင်းဟာ ဘယ်လိုတရားဝင်နိုင်ပါမလဲ။ ဒါ့ကြောင့် လူဦးရေသန်း ၅၀ ခန့်ဟာ အာဏာရယူခြင်းကို မကျေနပ်တာကြောင့် ဆန္ဒပြနေကြတယ်။ ဒါဟာ ပြည်သူတွေရဲ့ဆန္ဒပဲ။ ဒါအခြေအနေပဲ။ ဘယ်သူ့ကို အားပေးသင့်သလဲ။ ဒါမှမဟုတ် လက်နက်ကိုင်ဝန်ဆောင်မှုကော်မတီရဲ့လူနည်းစုရဲ့ဆန္ဒလား။ မင်းအောင်လှိုင်ဟာ တပ်မှူးချုပ် သက်တမ်းကို ယခုနှစ် ဇူလိုင်လမှာ အဆုံးသတ်ရမှာ ဖြစ်တယ်။ သူတို့က ဒေါ်အောင်ဆန်းစုကြည်၊ ဗိုလ်ချုပ်ရာပြည့်၊ ဗိုလ်ချုပ် စိုးထွန်း၊ ဗိုလ်ချုပ်သန်းဌေး၊ အခြားဘက်မှ ဦးကျော်တင့်ဆွေ၊ ဦးမြင့်လွင်တို့နဲ့ ဆွေးနွေးခဲ့တယ်။ သူကနောက်ငါးနှစ်သက်တမ်းတိုးပေးဖို့ တောင်းဆိုခဲ့တယ်။ ဒေါ်အောင်ဆန်းစုကြည်ကလည်း လက်ခံဖို့ ငြင်းဆန်ခဲ့တယ်။ သူမက ငြင်းဆန်တဲ့အခါသမ္မတရာထူးကို တောင်းခံခဲ့တယ်။ ဒါဟာ ကျွန်ုပ်ကိုယ်တိုင်ကိုယ်ကျ တိုက်ရိုက်ကြားခဲ့ရတဲ့ အရာမဟုတ်လို့ ဖြစ်နိုင်တာလို့ပဲ ပြောပါမယ်။ ဒီအချက်အလက်တွေကို တစ်စုံတစ်ယောက်က ကျွန်တော့်ကို ပေးပို့ခဲ့တယ်။ ဒါပေမဲ့ ဘယ်သူပေးပို့ခဲ့လဲ ဆိုတာကိုတော့ မပြောနိုင်ပါဘူး။ အဲ့လိုမင်းအောင်လှိုင်က တောင်းဆိုမှုတွေ ခွင့်ပြုချက်မရတာကြောင့် ဒေါသထွက် ပေါက်ကွဲခဲ့တယ်လို့ သတင်းရခဲ့တယ်။ ကာလာဟာလတွေ အပြင်မှာပျံ့နှံ့နေပါတယ်။ ဒါကြောင့် သူဟာသမ္မတမဖြစ်နိုင်လို့ အာဏာသိမ်းတာကိုရိုးရိုးရှင်းရှင်း နားလည်နိုင်တယ်။ ကျွန်တော် အစောပိုင်းကဖော်ပြခဲ့တဲ့နိုင်ငံတွေကို“ ငါတို့ လူမျိုးရဲ့ သေးငယ်တဲ့လူစုထဲကိုမ ၀ င်နဲ့" လို့ပြောချင်ပါတယ်။ ရိုးရိုးသားသားပြောရရင်တော့ ဒီနိုင်ငံတွေ ရဲ့ထောက်ခံမှုကြောင့် စစ်တပ်ဟာ ဒီလောက် တာရှည်ခံနိုင်ခဲ့တယ်ဆိုတာ ကျွန်တော်နားလည်ပါတယ်။ စစ်တပ်ဟာ ၎င်းတို့ဆီက အထောက်အပံ့များစွာ ရနေချိန်မှာ ကျွန်ုပ်တို့ အစိုးရဟာ အနည်းငယ်သာ ထောက်ပံ့ မှုရရှိခဲ့တယ်။ ဒီတော့အဲ့ဒီနိုင်ငံတွေကိုငါပြောချင်တာက ကျွန်တော်တို့ပြည်သူတွေကိုကြည့်ဖို့ပါပဲ။ အခုကမ္ဘာတစ်လွှားကလူတွေသိနေကြပြီ။ အကယ်လို့ ယင်းနိုင်ငံတွေကသူတို့တိုင်းပြည်အကျိုးအတွက် စစ်တပ်ကိုပံ့ပိုးနေတယ်ဆိုရင် ဒါဟာအလွန်မတရားဘူးလို့ ထင်တယ်။ ပြီးတော့ဒါကမြန်မာနိုင်ငံရှိ ပြည်သူတွေရဲ့ဆန္ဒကိုလျစ်လျူရှုတဲ့လုပ်ရပ်လို့ ကျွန်တော်ထင်တယ်။ ဒီတော့ကျွန်တော်ပြောချင်တာကမြန်မာနိုင်ငံရှိပြည်သူပြည်သားတွေရဲ့ ဆန္ဒကိုလေးစားပေးပါ။ အင်တာနက်နဲ့ မီဒီယာတွေမှာ မြင်ခဲ့ရသလိုပဲ လက်နက်ကို ဆန္ဒပြတာဖြိုခွဲဖို့ မသုံးသင့်ဘူး။ ပြည်သူတွေ အသက်စွန့် တော်လှန်နေခြင်းကပင် ပြည်သူလူထုအနေနဲ့ စစ်တပ်ကို မလိုချင်ဘူးဆိုတာ ရှင်းရှင်းလင်းပြသနေတယ်။ သေဆုံးသွားသူတွေကိုလည်း နက်နက်ရှိုင်းရှိုင်းလေးစားသင့်တယ်။ အဲဒီနိုင်ငံတွေရဲ့ ပံ့ပိုးမှုမပါဘဲ စစ်တပ်က ဘာမှလုပ်လို့မရဘူး အရပ်ဘက်အရာရှိတွေဟာ ယခုအခါလူထုမနာခံမှုလှုပ်ရှားမှု (CDM) မှာ ပါဝင်နေကြ တယ်။ စစ်တပ်ဟာ အခုအချိန်မှာတော့ အလွန်ခက်ခဲတဲ့ အခြေအနေမှာ ရှိနေပါတယ်။ တကယ်လို့ ယင်းနိုင်ငံ တွေဟာ စစ်တပ်ကို ဆက်လက်ထောက်ခံနေမယ်ဆိုရင် စစ်အာဏာရှင် ဆက်လက်ရှင်သန်နေဦးမှာ ဖြစ်တယ်။ အားလုံးသိကြတဲ့ အတိုင်းပဲ ၁၉၆၂ ခုနှစ် အာဏာသိမ်းမှုနောက်ပိုင်းစစ်တပ်က အုပ်ချုပ်ခဲ့တဲ့ အချိန်ကတည်းက ကျွန်တော်တို့ဟာအချမ်းသာဆုံးအရှေ့တောင်အာရှနိုင်ငံတွေထဲက တစ်ခုကနေ အဆင်းရဲဆုံးအဖြစ်ကို ရောက်ရှိခဲ့တယ်။ ကျွန်တော်တို့ ပြည်သူတွေက စစ်တပ်ကို အခုမှ တော်လှန်နိုင်ကြတာ ပါ။ အာဏာရှင်စနစ်ကို အမြစ်ဖြတ် မဖယ်ရှားနိုင်ခင်ထိ ကျွန်တော်တို့ ဆင်းရဲဒုက္ခခံနေရဆဲဖြစ်တယ်။ ဒါကြောင့်ဒီနိုင်ငံတွေကို ကျွန်တော် ပြောချင်တာက ကျွန်တော်တို့ ပြည်သူတွေရဲ့ ဆန္ဒကို လေးစားဖို့နဲ့ ကာကွယ်ဖို့ပဲ။
သတင်းထောက် - အမေရိကန်ပြည်ထောင်စုအစိုးရဟာ စစ်တပ်ကို ထောက်ခံမှုမပေးခဲ့ဘူးဆိုတာ မှန်ကန်ပါသလား။
မန်းဝင်းခိုင်သန်း / NUG ၀ န်ကြီးချုပ် - အမေရိကန်အစိုးရဟာ ဒီအခြေအနေကို ဘယ်လိုမြင်လဲဆိုတာ ကျွန်တော်မသိပါဘူး။ ဒါပေမယ့် အမေရိကန်သမ္မတ ဂျိုးဘိုင်ဒန်နဲ့ အမေရိကန်ပြည်ထောင်စုအတွင်းရေးမှူးချုပ်တို့က ဒီမိုကရေစီဆုတ်ယုတ်မှုကို ပြင်းပြင်းထန်ထန် ပြစ်တင်ရှုတ်ချ ကြောင်းပြောကြားခဲ့ပါတယ်။ အဲဒီစကားလုံးက ကျွန်တော်တို့ ပြည်သူတွေကိုခွန်အားပေးခဲ့တယ်။ သို့သော်ဘာမှမဖြစ်လာခဲ့ပါဘူး။ ဒါ့ကြောင့် ပြည်သူတွေက မိမိကိုယ်ကို အားကိုးခြင်းကသာ မျှော်လင့်ချက်တစ်ခု အဖြစ် ခံစားနေကြရပါတယ်။ သူတို့ဆီက ဒီမိုကရေစီပျက်စီးခြင်းကို လက်မခံနိုင်ဘူး၊ အင်အားသုံးပြီး တိုက်ခိုက်မှာမဟုတ်ဘူးဆိုတဲ့ စကားတွေပဲ ကြားနေရတယ်။ ကျွန်ုပ်တို့ရဲ့ နိုင်ငံခြားရေး ၀ န်ကြီးကလည်း ဒီကိစ္စနှင့် ပတ်သတ်၍ နိုင်ငံခြားရေး ၀ န်ကြီးဌာနမှာ အတွင်းရေးမှူးနဲ့ တွေ့ဆုံခဲ့တယ်။ ကျွန်တော်တို့ ၀ န်ကြီးဌာနသည်လည် းဆက်လက်ကြိုးပမ်းနေပါတယ်။ အင်တာနက်လိုင်းမကောင်းလို့ အစည်းအဝေး မတက်ရတာကြောင့် ဝန်ကြီးနဲ့ မတွေ့ဖြစ်ခဲ့ဘူး။ ဒါအခုကြုံနေရတဲ့ အခြေအနေပါပဲ။
သတင်းထောက် - နောက်တစ်ခေါက်ပြန်မေးချင်ပါတယ် ဘာကြောင့်နိုင်ငံတကာအသိုင်းအဝိုင်းက NUG ကိုတရားဝင်အစိုးရအဖြစ်အသိအမှတ်ပြုသင့်သလဲ။
မန်းဝင်းခိုင်သန်း / NUG ၀ န်ကြီးချုပ် - ဒါကနိုင်ငံခြားရေး ၀ န်ကြီးဌာနရဲ့တာဝန်ပဲ။ ကျွန်တော်ပြောခဲ့သလိုပဲ ၀ န်ကြီးက အင်တာနက် အခြေအနေမကောင်းရင်ဘယ်တော့မှ ဆွေးနွေးမှာမဟုတ်ဘူး။ အစည်းအဝေးမှာ သူ့ကို မတွေ့ခဲ့တာ သုံးရက်၊ လေးရက်ရှိပြီ။ သူတို့စီစဉ်လိမ့်မယ်ဆိုတာ ကျွန်တော်သိပါတယ်။ ကျွန်တော်တို့ တွေ့ဆုံမှု မရှိသေးလို့ သူတို့ဘယ်လိုစီစဉ်မယ်ဆိုတာကျွန်တော်မသိဘူး။ လက်ရှိအစိုးရဟာ ပြည်သူ့မဲအများစုနဲ့ ရွေးကောက်တင်မြှောက်ထားတဲ့ ပါလီမန်အမတ်တွေနဲ့ ဖွဲ့စည်းထားတဲ့ CRRH ဖြစ်တယ်။ အစိုးရဟာ ပြည်သူလူထုက တရားဝင်ခွင့်ပြုထားတဲ့ ပါလီမန်မှ ဖွဲ့စည်းလို့ရတယ်။ ဒါကြောင့်ကျွန်တော်တို့က တရားဝင်တ ယ်။ ပြီးတော့စစ်တပ်က အများထောက်ခံမှုမရှိဘဲနဲ့ လက်နက်ကိုင် အာဏာယူခဲ့တယ်။ ပြည်သူတွေက စစ်တပ်ကိုအာဏာမပေးလိုကြဘူး၊ အဓိပ္ပာယ်ကတော့ စစ်အစိုးရဟာ တရား ၀ င်မဟုတ်တာကြောင့်ဖြစ်တယ်။ ပြီးတော့ ကျွန်တော်တို့ဟာ ပြည်သူ့ကိုယ်စားပြုလွှတ်တော်ကိုယ်စားလှယ်များနဲ့ ဖွဲ့စည်းထားတဲ့ ကိုယ်စား လှယ်များကော်မတီ (CRPH) မှ ဖွဲ့စည်းတဲ့ အစိုးရတစ်ခုဖြစ်တယ်။ ဒါကြောင့်ပြည်သူတွေရဲ့ ဆန္ဒနဲ့ဖွဲ့စည်း ထားတဲ့ တရားဝင်အစိုးရတစ်ခုဖြစ်တယ်။ သူတို့ဟာ အာဏာကိုအင်အားသုံးပြီးယူလာခဲ့ကြတဲ့အတွက် တရားဝင်မဖြစ်နိုင်ဘူး။ ဒါကြောင့်ကျွန်တော်တို့ အစိုးရကသာ တစ်ခုတည်းသော တရားဝင်အစိုးရဖြစ်ပါတယ်။
သတင်းထောက် - နောက်ဆဲုံးအနေနဲ့ ဘာမှတ်ချက် ပေးချင်ပါသလဲ။
မန်းဝင်းခိုင်သန်း / NUG ၀ န်ကြီးချုပ်- ကိုရီးယားပြည်သူတွေ ကျွန်တော်တို့ကို ထာဝရထောက်ပံ့ပေးတာကို တွေ့ရလို့ အရမ်းဝမ်းသာပါတယ်။ အဲဒါအတွက် ကျေးဇူးတင်ပါတယ်။ နောက်တစ်ခုကတောာ့ ကျွန်တော်တို့ရဲ့ အစိုးဟာ တရားဝင်ပြည်သူတွေနဲ့ ဖွဲ့စည်းထားပြီး ပါလီမန်အမတ်များမှ တည်ထောင်ထားခြင်းဖြစ်တယ်။ ပြည်သူလူထုက ဒီမိုကရေစီနည်းလမ်းနဲ့ ရွေးကောက်တင်မြှောက်ခံခဲ့ရတာ ဖြစ်တယ်လို့ ပြောလိုပါတယ်။
သတင်းထောက် - SBS နဲ့ တွေ့ဆုံမေးမြန်း ဖြေကြားပေးတဲ့အတွက် ကျေးဇူးတင်ပါတယ်။ ကျွန်မဟာ မြန်မာနိုင်ငံ ဒီမိုကရေစီကို ထောက်ခံအားပေးသူတွေထဲက တစ် ဦး ဖြစ်ပြီး မကြာမီနွေ ဦးတော်လှန်ရေး အောင်မြင်မယ်လို့ မျှာ်လင့်ပါတယ်။ ဝန်ကြီးလည်း ဂရုစိုက်ပါ။
မန်းဝင်းခိုင်သန်း / NUG ၀ န်ကြီးချုပ် - ကျေးဇူးအများကြီးတင်ပါတယ်။ ကျွန်တော်တို့ အစိုးရရဲ့လက်ရှိအခြေအနေကို ကမ္ဘာကြီးသိအောင်လုပ်ဖို့ အင်တာဗျူးလုပ်တဲ့အတွက် ကျေးဇူးတင်ပါတယ်။ တောင်ကိုရီးယား ပြည်ထောင်စုကြီးလည်း ဒီထက်မက ဖွဲံ့ဖြိုးတိုးတက်ပါစေ။
#NPNews