ဓာတ်ငွေ့ပြတ်လပ်မည်ကို စိုးရိမ်သည့် ဂျာမန်ပြည်သူတို့ ထင်းများကို သိုလှောင်စုဆောင်းနေ
780
Htay Oung (NP News) - ဇူလိုင် ၂၈
ဓာတ်ငွေ့နဲ့အပူဓါတ်ပေးဖို့အတွက် အခြားရွေးချယ်စရာများကို ရှာဖွေနေကြတဲ့ ဂျာမန်လူမျိုးတွေဟာ ထင်းများကို ပြောင်းလဲသုံးစွဲနေကြပါတယ်။ သစ်သားမီးဖိုများကို အစိုးရက ထောက်ပံ့ပေးထားပြီး အဲ့ဒီမီးဖိုတွေကြောင့် ကျန်းမာရေးအတွက် ဆိုးရွားစွာ ဂယက် ရိုက်ခတ်နိုင်တယ်လို့ ကျွမ်းကျင်သူများက သတိပေးထားကြောင်း ဂျာမန်အစိုးရပိုင်သတင်းစာ Deutsche Welle က ဇူလိုင်လ ၂၆ ရက်တွသ် ရေးသားပါတယ်။
ရုရှား စွမ်းအင်မဟာကုမ္ပဏီကြီးဖြစ်တဲ့ “ဂတ်ဇ်ပရွန်" က ဒုတိယမြောက် “ဆီးမင်း" တာဘိုင် လည်ပတ်မှုကို ရပ်တန့်တော့မှာ ဖြစ်ကြောင်း တနင်္လာနေ့မှာ ကြေညာခဲ့ပါတယ်။ အဲ့ဒီအတွက် Nord Stream 1 “နော့ဒ်စတင်းမ်း အမှတ်-၁” ပိုက်လိုင်းမှတစ်ဆင့် ဓါတ်ငွေ့ပို့လွှတ်မှုဟာ ဇူလိုင် ၂၇ ရက်မှစပြီး တစ်ရက်လျှင် ကုဗမီတာ ၃၃ သန်း ထက် ပိုလာနိုင်စရာ မရှိဘူးလို့ “ကွန်းမားဆက်” ကို ကိုးကားပြီး ရုရှားသတင်းစာ RT က ဇူလိုင် လ ၂၅ ရက်မှာ ဖော်ပြခဲ့ပါတယ်။ အဲ့ဒီဓါတ်ငွေ့ပမာဏဟာ ပိုက်လိုင်းစွမ်းဆောင်ရည်ရဲ့ ၂ဝ ရာခိုင်နှုန်း ရှိနေတယ်လို့ ဆိုပါတယ်။
နည်းပညာဆိုင်ရာ အခြေအနေနဲ့ ပြုပြင်မွမ်းမံရန် လိုအပ်မှုအရ တာဘိုင်စက်ကို ပိတ်ပစ်ရန် ဆုံးဖြတ်ခဲ့ရတယ်လို့ ဂတ်ဇ်ပရွန်က ပြောပါတယ်။ ဒါပေမဲ့ ဓာတ်ငွေ့ပို့လွှတ်မှုကို လျော့ချလောက်တဲ့အထိ “ဆီးမင်း"တာဘိုင်တွေမှာ နည်းပညာဆိုင်ရာ အကြောင်းပြချက်များ မရှိဘူးလို့ ဂျာမန်စီးပွားရေးရေးရာ ဝန်ကြီးဌာန ပြောရေး ဆိုခွင့်ရှိသူက တုန့်ပြန် ချေပခဲ့ပါတယ်။
စောစောပိုင်း သတင်းများအရ ရုရှား “ပေါ်တိုဗာယာ ကွန်ပရက်ဆာ စတေရှင်” မှာရှိတဲ့ တာဘိုင် ၉ လုံးအနက် အတော်များများဟာ ပြုပြင်ရန် လိုအပ်နေပြီး ပြင်ဆင်ဖို့ လော လောဆယ် မစတင်နိုင်သေးကြောင်း၊ တာဘိုင်တစ်လုံးကို ပြန်လည်ပြုပြင်ရန် သုံးလခန့် အချိန်ယူရမှာဖြစ်ကြောင်း “ကွန်းမားဆက်” နေ့စဉ်က ဖော်ပြပါတယ်။ လက်ရှိ လိုင်စင်သဘောတူညီချက်အရ ဂျာမန် “ဆီးမင်း စွမ်းအင်ကုမ္ပဏီ “က ၂ဝ၂၄ ခုနှစ်မကုန်မီ ပြုပြင်ပေးဖို့ နောက်ထပ် တာဘိုင် ၅ လုံး ရှိနေပါတယ်။
ရုရှားကို ဂျာမနီလုပ် တာဘိုင်များ ရောင်းချခဲ့တဲ့ “ မွန်ထရီရယ်”ထံ ပြင်ဆင်ရန်ပေးပို့ထားတဲ့ တာဘိုင်အင်ဂျင်တွေဟာ မော်စကိုအပေါ် ကနေဒါအစိုးရရဲ့ ဒဏ်ခတ်ပိတ်ဆို့မှုများကြောင့် ပြန်လည်ပေးပို့နိုင်ခြင်း မရှိပါဘူး။ အဲ့ဒီအတွက် ရုရှား၊ ကနေဒါနှင့် ဂျာမနီတို့ကြား အငြင်းပွားမှုနောက်ဆက်တွဲဖြစ်လာရပါတယ်။ ရုရှားကတော့ ပြီးခဲ့တဲ့လတုန်းက ဂျာမနီထံ ဓာတ်ငွေ့ပို့လွှတ်မှု ၆ဝ ရာခိုင်နှုန်း လျှော့ချလိုက်ရတဲ့ အကြောင်းရင်းဟာ အဲ့ဒီနှောင့် နှေးမှုတွေကြောင့် ဖြစ်ကြောင်း ဆင်ခြေပေးခဲ့ပါတယ်။ နောက်ဆုံးမှာတော့ ကနေဒါဟာ တာဘိုင်စက်အစိတ်အပိုင်း တွေကို ဂျာမနီထံ ပို့ပေးခဲ့ပြီး ဘာလင်အင်ဂျင်နီယာများ ပြင်ဆင်ပြီးနောက် ရုရှားထံ ဆက်လက်ပေးပို့ဖို့ စောင့်ဆိုင်းနေပါတယ်။ ဒါပေမဲ့ ကနေဒါနဲ့ ဆီးမင်းကုမ္ပဏီတို့ထံမှ ရရှိထားတဲ့ စာရွက်စာတမ်းတွေဟာ ကနေဒါအပေါ် မော်စကိုက တန်ပြန်အရေးယူထားတဲ့ ဒဏ်ခတ်ပိတ်ဆို့မှုများနဲ့ ပတ်သက်နေတယ်လို့ ရုရှား“ဂတ်ဇ်ပရွန် “ က တနင်္လာနေ့(ဇူလိုင်လ ၂၅ ရက်) စောစောပိုင်းမှာ ပြောပါတယ်။
ဂျာမနီဟာ နိုင်ငံ့သဘာဝဓါတ်ငွေ့လိုအပ်ချက်ရဲ့ ၅ဝ ရာခိုင်နှုန်းကျော်၊ အပူဓါတ်ပေးလောင်စာရည် ၃ ပုံ ၊ ၁ ပုံကျော်တို့ကို ရုရှားထံမှ တင်သွင်းနေရပါတယ်။ နော့သ်စတင်းမ်းဓါတ်ငွေ့ပိုက်လိုင်း အပြည့်အဝလည်ပတ်ဖို့အတွက် ဆီးမင်း တာဘိုင်စက်နဲ့ပတ်သက်ပြီး မော်စကိုရဲ့ သတင်းထုတ်ပြန်ချက်တွေအပေါ် မယုံကြည်ကြောင်း ဂျာမနီအနေနဲ့ စွမ်းအင်အထောက်အပံ့အတွက် ရုရှားအပေါ် အားကိုးဖို့ မဖြစ်နိုင်တော့ဘူးလို့ ပြီးခဲ့တဲ့ ရက်သတ္တပတ်တုန်းက ဂျာမန်အဓိပတိ အော့ဖ်ရှို့လ်ဇ်က ပြောဆိုပါတယ်။
ဥရောပသမဂ္ဂအဖွဲ့ဝင်နိုင်ငံတို့အနေနဲ့ ရုရှားထံမှ အထောက်အပံ့ရယူများကို အပြီးအ ပြတ် ရပ်တန့်နိုင်ရေး အငြင်းပွားဖွယ်အစီအစဉ်မှာ ကြိုတင်ပြင်ဆင်တဲ့အနေနဲ့ ဓာတ်ငွေ့အသုံးပြုမှု လျှော့ချရေးအတွက် ဘုံအခြေခံမူတစ်ရပ်ကို ချမှတ်နိုင်ခဲ့တယ်လို့ သံတမန်များကို ကိုးကားပြီး ဂျာမန်နိုင်ငံပိုင် DPA သတင်းဋ္ဌာနက ဇူလိုင်လ ၂၆ ရက်မှာ ဖော်ပြပါတယ်။
အဖွဲ့ဝင်နိုင်ငံများအကြား ရုရှားဓာတ်ငွေ့အပေါ် မှီခိုမှုအဆင့် အမျိုးမျိုး ကွဲပြားနေတဲ့အတွက် ဥရောပကော်မရှင်ရဲ့ အဆိုပြုချက်ဟာ အီးယူအစိုးရအတော်များများတို့ရဲ့ ဝေဖန်မှုများနှင့် ရင်ဆိုင်ခဲ့ရပါတယ်။ ဟန်ဂေရီနဲ့ ဂရိတို့ ဦးဆောင်တဲ့ အဖွဲ့ဝင်နိုင်ငံအချို့ဆိုလျှင် အဆိုပြုချက်ကို ပြင်းထန်စွာကန့်ကွက်ခဲ့ကြပါတယ်။
အရေးပေါ်အစီအစဉ်အရ အဖွဲ့ဝင်နိုင်ငံတွေဟာ သူတို့ရဲ့ သဘာဝဓာတ်ငွေ့သုံးစွဲမှုကို ၂ဝ၂၂ ခုနှစ် သြဂုတ်လမှ ၂ဝ၂၃ ခုနှစ် မတ်လကုန်အကြား ၁၅ ရာခိုင်နှုန်း လျှော့ချဖို့ သဘောတူညီခဲ့ကြတယ်လို့ သတင်းရင်းမြစ်များက ဆိုပါတယ်။
အဲဒီ အတိုင်းအတာဟာ ရုရှားဓာတ်ငွေ့အပေါ် အဓိက ရပ်တန့်ရာမှာ ဖြစ်နိုင်ချေရှိတဲ့ သက်ရောက်မှုတွေကို ပျော့ပျောင်းစေဖို့ ကူညီပေးလိမ့်မယ်လို့ မျှော်လင့်ရပြီး အင်္ဂါနေ့နှောင်းပိုင်း ဘယ်လ်ဂျီယန်နိုင်ငံ ဘရပ်ဆဲလ်မြို့မှာ အီးယူစွမ်းအင်ဝန်ကြီးများ ထိပ်သီးအစည်းအဝေးကျင်းပတဲ့အခါ အဲ့ဒီအစီအစဉ်ကို အတည်ပြုနိုင်ဖွယ်ရှိတယ်လို့ သံတမန်တွေက ပြောပါတယ်။
ဒုတိယမြောက် “ ဆီးမင်း “ တာဘိုင်ကို ပြုပြင်ရန် လိုအပ်တယ်လို့ “ဂတ်ဇ်ပရွန် “ က ပြောဆိုခြင်းဟာ နော့သ်စတင်းမ်းပိုက်လိုင်းမှတဆင့် အီးယူနိုင်ငံတွေကို ဓါတ်ငွေ့ပို့လွှတ်မှု လျှော့ချလိုခြင်းကြောင့်ဖြစ်ကြောင်း၊ နိုင်ငံရေးအရ လှုံ့ဆော်မှုဖြစ်ပြီး နည်းပညာဆိုင်ရာ အကြောင်းပြချက် မရှိကြောင်း၊ အီးယူနိုင်ငံတွေရဲ့ ဓာတ်ငွေ့ဝယ်လိုအားကို ကြိုတင်ကာကွယ်ဖို့ ဓါတ်ငွေ့ပို့လွှတ်မှု လျှော့ချလိုက်တာဟာ ရုရှားရဲ့ ပညာရှိ နည်းဗျူဟာတစ်ခုဖြစ်ကြောင်း ဥရောပကော်မရှင်ဥက္ကဋ္ဌ အာဆူလာဗွန်ဒါလင်းက စောဒကတက်ခဲ့ပါတယ်။
"လုံခြုံသော ဆောင်းရာသီအတွက် သဘာဝဓာတ်ငွေ့ ခြိုးခြံပါ" ဟူသော အဆိုပြုချက်ကို ဥရောပကော်မရှင်က လွန်ခဲ့သော တစ်ပတ်က အဆိုပြုခဲ့ပါတယ်။ ပြန်လည်ပြည့်ဖြိုးမြဲစွမ်းအင် သို့မဟုတ် ကျောက်မီးသွေး၊ ရေနံနဲ့ နျူကလီးယားစွမ်းအင်တို့ကို ပြောင်းလဲအသုံးပြုခြင်းအားဖြင့် အဖွဲ့ဝင်တို့ရဲ့ ဓာတ်ငွေ့သုံးစွဲမှုကို ၁၅% လျှော့ချရန် တိုက်တွန်းထားပါတယ်။ ဒါ့အပြင် အဖွဲ့ဝင်တို့ရဲ့ နိုင်ငံသားများအနေနဲ့ စွမ်းအင်အသုံးပြုမှုရာမှာ ခွဲတမ်းနဲ့ ဖြန့်ဖြူး ပေးဖို့ ညွှန်ကြားထားပါတယ်။
အဲ့ဒီအစီအစဉ်ဟာ အီးယူအဖွဲ့ဝင်နိုင်ငံများအတွင်း အထူးသဖြင့် ဥရောပတောင်ပိုင်းမှာ ဆန္ဒပြမှုများ ကျယ်ကျယ် ပြန့်ပြန့် ဖြစ်ပွားခဲ့တာ တွေ့ရပါတယ်။ ပြင်သစ်၊ ဂရိ၊ အီတလီ၊ ဟန်ဂေရီ၊ ဒိန်းမတ်၊ အိုင်ယာလန်၊ မော်လ်တာ၊ နယ်သာလန်နဲ့ ပိုလန်တို့ဟာ ဖြတ်တောက်မှုကို ဆန့်ကျင်တဲ့ နိုင်ငံများထဲတွင် ပါဝင်ပါတယ်။
ယူကရိန်းစစ်ပွဲကြောင့် စွမ်းအင်အကျပ်အတည်းဖြစ်လာမှာကို ကြောက်ရွံ့တဲ့ ဂျာမန်တွေဟာ ထင်းများကို စုဆောင်းထားကြတဲ့ ဇာတ်လမ်းများလည်း ကြားနေရပါတယ်၊ လွှစာမှုန့်များမှ ဖိအားပုံသွင်း လောင်စာစေ့ ထုတ်လုပ်တဲ့ လုပ်ငန်း ဖောက်သည်တစ်ဦးဟာ လောလောဆယ် ပူပြင်းနေတဲ့ ဥရောပရာသီဥတုကို အံ့တုရင်း ထရပ်ကားများပေါ်ကို လောင်စာစေ့များကို စုတ်တင်နေပါတယ်။ စက်ရုံအနေနဲ့ ထုတ်လုပ်မှုကို အလျဉ်မီအောင် မနည်းကြိုးစားနေကြပြီး လောင်စာစေ့သုံး ဓာတ်ငွေ့အပူပေးစက်တွေဟာ ရောင်းချဖို့ လက်ကျန် မရှိတော့ပါဘူး။
ယခုနှစ်အတွက် နိုင်ငံရဲ့ပျမ်းမျှ စံအပူချိန်ဟာ ၄ဝ ဒီဂရီဆဲလ်စီးယပ်စ်လို့ ဂျာမန်မိုးလေဝသဌာနက ခန့်မှန်းထားပါတယ်။ ဒါပေမဲ့ အဲ့ဒီလောက် ပူပြင်းမှာဖြစ်ကြောင်း မိုးလေဝဌာနက သတင်းထုတ်ပြန်သည့်တိုင် လူအများအပြားတို့ကတော့ အရိုးကွဲမတတ် အေးခဲလေ့ရှိတဲ့ ဂျာမန်ဆောင်းရာသီအတွက် နောက်တစ်ရက်မှာဘဲ ကြိုတင် ပြင်ဆင်နေကြပါတယ်။
"ဆောင်းရာသီမှာ အတောင့်သား ဖြစ်အောင် အေးခဲ မနေချင်ဘူး။ ကျုပ်အရင်က ဒီလို ဖြတ်သန်းခဲ့ဖူးတယ်။" လို့ ဖောက်သည် ဂျာမန်တစ်ဦးက DW ကို ပြောပြပါတယ်။
(Deutsche Welle., 26 July 2022, “ Germany: Stockpiling wood in fear of gas shortage ” နှင့် July 25-26-27., Russia Today သတင်းများကို ဆီလျော်အောင် ကောက်နှုတ်ဘာသာပြန်ဆိုသည်။)
https://www.dw.com/en/germany-stockpiling-wood-in-fear-of-gas-shortage/a-62601419
https://www.rt.com/business/559637-eu-gas-prices-surge/
https://www.rt.com/news/559636-eu-gas-cuts-gazprom/
https://www.rt.com/business/559618-gazprom-nord-stream-turbine/
https://www.rt.com/business/559691-eu-gas-prices-soar/
https://www.rt.com/business/559689-russia-reduces-gas-flow-eu/
https://www.rt.com/business/559669-western-energy-firms-exit-russian-oil/
https://www.rt.com/business/559618-gazprom-nord-stream-turbine/
zawgyi version
ဓာတ္ေငြ႕ျပတ္လပ္မည္ကို စိုးရိမ္သည့္ ဂ်ာမန္ျပည္သူတို႔ ထင္းမ်ားကို သိုေလွာင္စုေဆာင္းေန
Htay Oung (NP News) - ဇူလိုင္ ၂၈
ဓာတ္ေငြ႕နဲ႔အပူဓါတ္ေပးဖို႔အတြက္ အျခားေ႐ြးခ်ယ္စရာမ်ားကို ရွာေဖြေနၾကတဲ့ ဂ်ာမန္လူမ်ိဳးေတြဟာ ထင္းမ်ားကို ေျပာင္းလဲသုံးစြဲေနၾကပါတယ္။ သစ္သားမီးဖိုမ်ားကို အစိုးရက ေထာက္ပံ့ေပးထားၿပီး အဲ့ဒီမီးဖိုေတြေၾကာင့္ က်န္းမာေရးအတြက္ ဆိုး႐ြားစြာ ဂယက္ ႐ိုက္ခတ္ႏိုင္တယ္လို႔ ကြၽမ္းက်င္သူမ်ားက သတိေပးထားေၾကာင္း ဂ်ာမန္အစိုးရပိုင္သတင္းစာ Deutsche Welle က ဇူလိုင္လ ၂၆ ရက္တြသ္ ေရးသားပါတယ္။
႐ုရွား စြမ္းအင္မဟာကုမၸဏီႀကီးျဖစ္တဲ့ “ဂတ္ဇ္ပ႐ြန္" က ဒုတိယေျမာက္ “ဆီးမင္း" တာဘိုင္ လည္ပတ္မႈကို ရပ္တန႔္ေတာ့မွာ ျဖစ္ေၾကာင္း တနလၤာေန႔မွာ ေၾကညာခဲ့ပါတယ္။ အဲ့ဒီအတြက္ Nord Stream 1 “ေနာ့ဒ္စတင္းမ္း အမွတ္-၁” ပိုက္လိုင္းမွတစ္ဆင့္ ဓါတ္ေငြ႕ပို႔လႊတ္မႈဟာ ဇူလိုင္ ၂၇ ရက္မွစၿပီး တစ္ရက္လွ်င္ ကုဗမီတာ ၃၃ သန္း ထက္ ပိုလာႏိုင္စရာ မရွိဘူးလို႔ “ကြန္းမားဆက္” ကို ကိုးကားၿပီး ႐ုရွားသတင္းစာ RT က ဇူလိုင္ လ ၂၅ ရက္မွာ ေဖာ္ျပခဲ့ပါတယ္။ အဲ့ဒီဓါတ္ေငြ႕ပမာဏဟာ ပိုက္လိုင္းစြမ္းေဆာင္ရည္ရဲ႕ ၂ဝ ရာခိုင္ႏႈန္း ရွိေနတယ္လို႔ ဆိုပါတယ္။
နည္းပညာဆိုင္ရာ အေျခအေနနဲ႔ ျပဳျပင္မြမ္းမံရန္ လိုအပ္မႈအရ တာဘိုင္စက္ကို ပိတ္ပစ္ရန္ ဆုံးျဖတ္ခဲ့ရတယ္လို႔ ဂတ္ဇ္ပ႐ြန္က ေျပာပါတယ္။ ဒါေပမဲ့ ဓာတ္ေငြ႕ပို႔လႊတ္မႈကို ေလ်ာ့ခ်ေလာက္တဲ့အထိ “ဆီးမင္း"တာဘိုင္ေတြမွာ နည္းပညာဆိုင္ရာ အေၾကာင္းျပခ်က္မ်ား မရွိဘူးလို႔ ဂ်ာမန္စီးပြားေရးေရးရာ ဝန္ႀကီးဌာန ေျပာေရး ဆိုခြင့္ရွိသူက တုန႔္ျပန္ ေခ်ပခဲ့ပါတယ္။
ေစာေစာပိုင္း သတင္းမ်ားအရ ႐ုရွား “ေပၚတိုဗာယာ ကြန္ပရက္ဆာ စေတရွင္” မွာရွိတဲ့ တာဘိုင္ ၉ လုံးအနက္ အေတာ္မ်ားမ်ားဟာ ျပဳျပင္ရန္ လိုအပ္ေနၿပီး ျပင္ဆင္ဖို႔ ေလာ ေလာဆယ္ မစတင္ႏိုင္ေသးေၾကာင္း၊ တာဘိုင္တစ္လုံးကို ျပန္လည္ျပဳျပင္ရန္ သုံးလခန႔္ အခ်ိန္ယူရမွာျဖစ္ေၾကာင္း “ကြန္းမားဆက္” ေန႔စဥ္က ေဖာ္ျပပါတယ္။ လက္ရွိ လိုင္စင္သေဘာတူညီခ်က္အရ ဂ်ာမန္ “ဆီးမင္း စြမ္းအင္ကုမၸဏီ “က ၂ဝ၂၄ ခုႏွစ္မကုန္မီ ျပဳျပင္ေပးဖို႔ ေနာက္ထပ္ တာဘိုင္ ၅ လုံး ရွိေနပါတယ္။
႐ုရွားကို ဂ်ာမနီလုပ္ တာဘိုင္မ်ား ေရာင္းခ်ခဲ့တဲ့ “ မြန္ထရီရယ္”ထံ ျပင္ဆင္ရန္ေပးပို႔ထားတဲ့ တာဘိုင္အင္ဂ်င္ေတြဟာ ေမာ္စကိုအေပၚ ကေနဒါအစိုးရရဲ႕ ဒဏ္ခတ္ပိတ္ဆို႔မႈမ်ားေၾကာင့္ ျပန္လည္ေပးပို႔ႏိုင္ျခင္း မရွိပါဘူး။ အဲ့ဒီအတြက္ ႐ုရွား၊ ကေနဒါႏွင့္ ဂ်ာမနီတို႔ၾကား အျငင္းပြားမႈေနာက္ဆက္တြဲျဖစ္လာရပါတယ္။ ႐ုရွားကေတာ့ ၿပီးခဲ့တဲ့လတုန္းက ဂ်ာမနီထံ ဓာတ္ေငြ႕ပို႔လႊတ္မႈ ၆ဝ ရာခိုင္ႏႈန္း ေလွ်ာ့ခ်လိုက္ရတဲ့ အေၾကာင္းရင္းဟာ အဲ့ဒီေႏွာင့္ ေႏွးမႈေတြေၾကာင့္ ျဖစ္ေၾကာင္း ဆင္ေျခေပးခဲ့ပါတယ္။ ေနာက္ဆုံးမွာေတာ့ ကေနဒါဟာ တာဘိုင္စက္အစိတ္အပိုင္း ေတြကို ဂ်ာမနီထံ ပို႔ေပးခဲ့ၿပီး ဘာလင္အင္ဂ်င္နီယာမ်ား ျပင္ဆင္ၿပီးေနာက္ ႐ုရွားထံ ဆက္လက္ေပးပို႔ဖို႔ ေစာင့္ဆိုင္းေနပါတယ္။ ဒါေပမဲ့ ကေနဒါနဲ႔ ဆီးမင္းကုမၸဏီတို႔ထံမွ ရရွိထားတဲ့ စာ႐ြက္စာတမ္းေတြဟာ ကေနဒါအေပၚ ေမာ္စကိုက တန္ျပန္အေရးယူထားတဲ့ ဒဏ္ခတ္ပိတ္ဆို႔မႈမ်ားနဲ႔ ပတ္သက္ေနတယ္လို႔ ႐ုရွား“ဂတ္ဇ္ပ႐ြန္ “ က တနလၤာေန႔(ဇူလိုင္လ ၂၅ ရက္) ေစာေစာပိုင္းမွာ ေျပာပါတယ္။
ဂ်ာမနီဟာ ႏိုင္ငံ့သဘာဝဓါတ္ေငြ႕လိုအပ္ခ်က္ရဲ႕ ၅ဝ ရာခိုင္ႏႈန္းေက်ာ္၊ အပူဓါတ္ေပးေလာင္စာရည္ ၃ ပုံ ၊ ၁ ပုံေက်ာ္တို႔ကို ႐ုရွားထံမွ တင္သြင္းေနရပါတယ္။ ေနာ့သ္စတင္းမ္းဓါတ္ေငြ႕ပိုက္လိုင္း အျပည့္အဝလည္ပတ္ဖို႔အတြက္ ဆီးမင္း တာဘိုင္စက္နဲ႔ပတ္သက္ၿပီး ေမာ္စကိုရဲ႕ သတင္းထုတ္ျပန္ခ်က္ေတြအေပၚ မယုံၾကည္ေၾကာင္း ဂ်ာမနီအေနနဲ႔ စြမ္းအင္အေထာက္အပံ့အတြက္ ႐ုရွားအေပၚ အားကိုးဖို႔ မျဖစ္ႏိုင္ေတာ့ဘူးလို႔ ၿပီးခဲ့တဲ့ ရက္သတၱပတ္တုန္းက ဂ်ာမန္အဓိပတိ ေအာ့ဖ္ရႈိ႕လ္ဇ္က ေျပာဆိုပါတယ္။
ဥေရာပသမဂၢအဖြဲ႕ဝင္ႏိုင္ငံတို႔အေနနဲ႔ ႐ုရွားထံမွ အေထာက္အပံ့ရယူမ်ားကို အၿပီးအ ျပတ္ ရပ္တန႔္ႏိုင္ေရး အျငင္းပြားဖြယ္အစီအစဥ္မွာ ႀကိဳတင္ျပင္ဆင္တဲ့အေနနဲ႔ ဓာတ္ေငြ႕အသုံးျပဳမႈ ေလွ်ာ့ခ်ေရးအတြက္ ဘုံအေျခခံမူတစ္ရပ္ကို ခ်မွတ္ႏိုင္ခဲ့တယ္လို႔ သံတမန္မ်ားကို ကိုးကားၿပီး ဂ်ာမန္ႏိုင္ငံပိုင္ DPA သတင္း႒ာနက ဇူလိုင္လ ၂၆ ရက္မွာ ေဖာ္ျပပါတယ္။
အဖြဲ႕ဝင္ႏိုင္ငံမ်ားအၾကား ႐ုရွားဓာတ္ေငြ႕အေပၚ မွီခိုမႈအဆင့္ အမ်ိဳးမ်ိဳး ကြဲျပားေနတဲ့အတြက္ ဥေရာပေကာ္မရွင္ရဲ႕ အဆိုျပဳခ်က္ဟာ အီးယူအစိုးရအေတာ္မ်ားမ်ားတို႔ရဲ႕ ေဝဖန္မႈမ်ားႏွင့္ ရင္ဆိုင္ခဲ့ရပါတယ္။ ဟန္ေဂရီနဲ႔ ဂရိတို႔ ဦးေဆာင္တဲ့ အဖြဲ႕ဝင္ႏိုင္ငံအခ်ိဳ႕ဆိုလွ်င္ အဆိုျပဳခ်က္ကို ျပင္းထန္စြာကန႔္ကြက္ခဲ့ၾကပါတယ္။
အေရးေပၚအစီအစဥ္အရ အဖြဲ႕ဝင္ႏိုင္ငံေတြဟာ သူတို႔ရဲ႕ သဘာဝဓာတ္ေငြ႕သုံးစြဲမႈကို ၂ဝ၂၂ ခုႏွစ္ ၾသဂုတ္လမွ ၂ဝ၂၃ ခုႏွစ္ မတ္လကုန္အၾကား ၁၅ ရာခိုင္ႏႈန္း ေလွ်ာ့ခ်ဖို႔ သေဘာတူညီခဲ့ၾကတယ္လို႔ သတင္းရင္းျမစ္မ်ားက ဆိုပါတယ္။
အဲဒီ အတိုင္းအတာဟာ ႐ုရွားဓာတ္ေငြ႕အေပၚ အဓိက ရပ္တန႔္ရာမွာ ျဖစ္ႏိုင္ေခ်ရွိတဲ့ သက္ေရာက္မႈေတြကို ေပ်ာ့ေပ်ာင္းေစဖို႔ ကူညီေပးလိမ့္မယ္လို႔ ေမွ်ာ္လင့္ရၿပီး အဂၤါေန႔ေႏွာင္းပိုင္း ဘယ္လ္ဂ်ီယန္ႏိုင္ငံ ဘရပ္ဆဲလ္ၿမိဳ႕မွာ အီးယူစြမ္းအင္ဝန္ႀကီးမ်ား ထိပ္သီးအစည္းအေဝးက်င္းပတဲ့အခါ အဲ့ဒီအစီအစဥ္ကို အတည္ျပဳႏိုင္ဖြယ္ရွိတယ္လို႔ သံတမန္ေတြက ေျပာပါတယ္။
ဒုတိယေျမာက္ “ ဆီးမင္း “ တာဘိုင္ကို ျပဳျပင္ရန္ လိုအပ္တယ္လို႔ “ဂတ္ဇ္ပ႐ြန္ “ က ေျပာဆိုျခင္းဟာ ေနာ့သ္စတင္းမ္းပိုက္လိုင္းမွတဆင့္ အီးယူႏိုင္ငံေတြကို ဓါတ္ေငြ႕ပို႔လႊတ္မႈ ေလွ်ာ့ခ်လိုျခင္းေၾကာင့္ျဖစ္ေၾကာင္း၊ ႏိုင္ငံေရးအရ လႈံ႕ေဆာ္မႈျဖစ္ၿပီး နည္းပညာဆိုင္ရာ အေၾကာင္းျပခ်က္ မရွိေၾကာင္း၊ အီးယူႏိုင္ငံေတြရဲ႕ ဓာတ္ေငြ႕ဝယ္လိုအားကို ႀကိဳတင္ကာကြယ္ဖို႔ ဓါတ္ေငြ႕ပို႔လႊတ္မႈ ေလွ်ာ့ခ်လိုက္တာဟာ ႐ုရွားရဲ႕ ပညာရွိ နည္းဗ်ဴဟာတစ္ခုျဖစ္ေၾကာင္း ဥေရာပေကာ္မရွင္ဥကၠ႒ အာဆူလာဗြန္ဒါလင္းက ေစာဒကတက္ခဲ့ပါတယ္။
"လုံၿခဳံေသာ ေဆာင္းရာသီအတြက္ သဘာဝဓာတ္ေငြ႕ ၿခိဳးၿခံပါ" ဟူေသာ အဆိုျပဳခ်က္ကို ဥေရာပေကာ္မရွင္က လြန္ခဲ့ေသာ တစ္ပတ္က အဆိုျပဳခဲ့ပါတယ္။ ျပန္လည္ျပည့္ၿဖိဳးၿမဲစြမ္းအင္ သို႔မဟုတ္ ေက်ာက္မီးေသြး၊ ေရနံနဲ႔ န်ဴကလီးယားစြမ္းအင္တို႔ကို ေျပာင္းလဲအသုံးျပဳျခင္းအားျဖင့္ အဖြဲ႕ဝင္တို႔ရဲ႕ ဓာတ္ေငြ႕သုံးစြဲမႈကို ၁၅% ေလွ်ာ့ခ်ရန္ တိုက္တြန္းထားပါတယ္။ ဒါ့အျပင္ အဖြဲ႕ဝင္တို႔ရဲ႕ ႏိုင္ငံသားမ်ားအေနနဲ႔ စြမ္းအင္အသုံးျပဳမႈရာမွာ ခြဲတမ္းနဲ႔ ျဖန႔္ျဖဴး ေပးဖို႔ ၫႊန္ၾကားထားပါတယ္။
အဲ့ဒီအစီအစဥ္ဟာ အီးယူအဖြဲ႕ဝင္ႏိုင္ငံမ်ားအတြင္း အထူးသျဖင့္ ဥေရာပေတာင္ပိုင္းမွာ ဆႏၵျပမႈမ်ား က်ယ္က်ယ္ ျပန႔္ျပန႔္ ျဖစ္ပြားခဲ့တာ ေတြ႕ရပါတယ္။ ျပင္သစ္၊ ဂရိ၊ အီတလီ၊ ဟန္ေဂရီ၊ ဒိန္းမတ္၊ အိုင္ယာလန္၊ ေမာ္လ္တာ၊ နယ္သာလန္နဲ႔ ပိုလန္တို႔ဟာ ျဖတ္ေတာက္မႈကို ဆန႔္က်င္တဲ့ ႏိုင္ငံမ်ားထဲတြင္ ပါဝင္ပါတယ္။
ယူကရိန္းစစ္ပြဲေၾကာင့္ စြမ္းအင္အက်ပ္အတည္းျဖစ္လာမွာကို ေၾကာက္႐ြံ႕တဲ့ ဂ်ာမန္ေတြဟာ ထင္းမ်ားကို စုေဆာင္းထားၾကတဲ့ ဇာတ္လမ္းမ်ားလည္း ၾကားေနရပါတယ္၊ လႊစာမႈန႔္မ်ားမွ ဖိအားပုံသြင္း ေလာင္စာေစ့ ထုတ္လုပ္တဲ့ လုပ္ငန္း ေဖာက္သည္တစ္ဦးဟာ ေလာေလာဆယ္ ပူျပင္းေနတဲ့ ဥေရာပရာသီဥတုကို အံ့တုရင္း ထရပ္ကားမ်ားေပၚကို ေလာင္စာေစ့မ်ားကို စုတ္တင္ေနပါတယ္။ စက္႐ုံအေနနဲ႔ ထုတ္လုပ္မႈကို အလ်ဥ္မီေအာင္ မနည္းႀကိဳးစားေနၾကၿပီး ေလာင္စာေစ့သုံး ဓာတ္ေငြ႕အပူေပးစက္ေတြဟာ ေရာင္းခ်ဖို႔ လက္က်န္ မရွိေတာ့ပါဘူး။
ယခုႏွစ္အတြက္ ႏိုင္ငံရဲ႕ပ်မ္းမွ် စံအပူခ်ိန္ဟာ ၄ဝ ဒီဂရီဆဲလ္စီးယပ္စ္လို႔ ဂ်ာမန္မိုးေလဝသဌာနက ခန႔္မွန္းထားပါတယ္။ ဒါေပမဲ့ အဲ့ဒီေလာက္ ပူျပင္းမွာျဖစ္ေၾကာင္း မိုးေလဝဌာနက သတင္းထုတ္ျပန္သည့္တိုင္ လူအမ်ားအျပားတို႔ကေတာ့ အ႐ိုးကြဲမတတ္ ေအးခဲေလ့ရွိတဲ့ ဂ်ာမန္ေဆာင္းရာသီအတြက္ ေနာက္တစ္ရက္မွာဘဲ ႀကိဳတင္ ျပင္ဆင္ေနၾကပါတယ္။
"ေဆာင္းရာသီမွာ အေတာင့္သား ျဖစ္ေအာင္ ေအးခဲ မေနခ်င္ဘူး။ က်ဳပ္အရင္က ဒီလို ျဖတ္သန္းခဲ့ဖူးတယ္။" လို႔ ေဖာက္သည္ ဂ်ာမန္တစ္ဦးက DW ကို ေျပာျပပါတယ္။
(Deutsche Welle., 26 July 2022, “ Germany: Stockpiling wood in fear of gas shortage ” ႏွင့္ July 25-26-27., Russia Today သတင္းမ်ားကို ဆီေလ်ာ္ေအာင္ ေကာက္ႏႈတ္ဘာသာျပန္ဆိုသည္။)
https://www.dw.com/en/germany-stockpiling-wood-in-fear-of-gas-shortage/a-62601419
https://www.rt.com/business/559637-eu-gas-prices-surge/
https://www.rt.com/news/559636-eu-gas-cuts-gazprom/
https://www.rt.com/business/559618-gazprom-nord-stream-turbine/
https://www.rt.com/business/559691-eu-gas-prices-soar/
https://www.rt.com/business/559689-russia-reduces-gas-flow-eu/
https://www.rt.com/business/559669-western-energy-firms-exit-russian-oil/
https://www.rt.com/business/559618-gazprom-nord-stream-turbine/