“Myanmar Star မှာ ဝါသနာရှင်လူငယ်တွေ ယှဉ်ပြိုင်ဖို့ သင့်/မသင့်’’
2917
အိဖြူ (NP News) - အောက်တိုဘာ ၅
The Statesman Journal ရဲ့အနုပညာအနှစ်ချုပ်ကဏ္ဍကနေ ဒီတစ်ပတ်အတွက် “ခင်ရတနာစိုး Myanmar Star က နုတ်ထွက်လိုက်ရတဲ့အကြောင်းရင်းမှန်၊ ထွန်းအိန္ဒြာဗိုလ်အပေါ် လူအများရဲ့ချီးကျူးမှုတစ်ခု” စတဲ့ အနုပညာဆက်စပ်သတင်းတွေကို ဖော်ပြပေးသွားပါမယ်။
ပြိုင်ပွဲဝင်တွေနဲ့ အကဲဖြတ်ဒိုင်ကို အချင်းများစေချင်တဲ့ Myanmar Star
အဆိုတော် အလှမယ် ခင်ရတနာစိုးက Myanmar Star ပြိုင်ပွဲမှာ အကဲဖြတ်ဒိုင်အဖြစ် ပါဝင်ရာမှ နုတ်ထွက် လိုက်ပြီဖြစ်ကြောင်း Khin Yadanar Soe Facebook အကောင့်မှာ Live လွှင့် အသိပေးပြောပြခဲ့ပါတယ်။ ခင်ရတနာစိုး အနေနဲ့ နုတ်ထွက်ရခြင်းအကြောင်းမှာ ပြိုင်ပွဲဝင်နဲ့အကဲဖြတ်ဒိုင်အကြား အပြန်အလှန်အချင်းများခဲ့ပုံကို တည်းဖြတ်ပြီးမှ ထုတ်လွှင့်ဖို့ ပွဲစီစဉ်သူထံတောင်းဆိုခဲ့ပေမယ့် Myanmar Star က မစောင့်ထိန်းခဲ့တဲ့အတွက် အကဲဖြတ်ဒိုင်အဖြစ် ဆက်လက်တာဝန်ယူလိုစိတ်မရှိတော့ခြင်းဖြစ်ကြောင်း ဖွင့်ဟထားပါတယ်။
ဖြစ်ပုံမှာ ကချင်ပြည်နယ် မြစ်ကြီးနားမြို့က လာရောက်ယှဉ်ပြိုင်သူ ကချင်တိုင်းရင်းသား ပြိုင်ပွဲဝင်အမျိုးသား MIassel ရဲ့သီဆိုမှုအပေါ် အကဲဖြတ်ဒိုင်တွေဖြစ်တဲ့ အောင်ကိုကိုနဲ့ ခင်ရတနာစိုးတို့က Wating List ထဲ ထားဖို့ဆုံးဖြတ်ခဲ့ ပေမယ့် ပြိုင်ပွဲဝင်က လက်မခံနိုင်ခဲ့ဘဲ အပြန်အလှန်စကားပြောဆိုရင်း အချင်းများခဲ့ကြတာပါ။ မြန်မာစတားဘက်ကက ထုတ်လွှင့်ပြသခဲ့ပုံမှာ ‘အကဲဖြတ်ဒိုင် အဆိုတော်ခင်ရတနာစိုးက ပြိုင်ပွဲဝင်ရဲ့ပြောပြမှု စကားသံမပြီးဆုံးခင် စကားဖြတ် ပြောပုံ၊ လှောင်ပြောင်ပြုံးရယ်ပုံ၊ ပြိုင်ပွဲဝင်ရဲ့အကျိုးအကြောင်း ပြောပြမှုကိုအလေးမထားတဲ့ စကားလုပြောတဲ့ပုံစံ’ကိုသာ ထုတ်လွှင့်ပြသခဲ့ပါတယ်။ အဲဒီယှဉ်ပြိုင်မှုရုပ်ကဒ်တွေ ထုတ်လွှင့်လိုက်တာနဲ့တစ်ပြိုင်နက် ခင်ရတနာစိုးကို ယဉ်ကျေးမှု မရှိသူ၊ လူမျိုးရေးခွဲခြားသူအဖြစ် အပြင်းအထန် ဝေဖန်ခံနေရပါတယ်။
ခင်ရတနာစိုး Live လွှင့်ချိန်အတွင်း ‘‘ကချင်ပြိုင်ပွဲဝင်မောင်လေးကို မြန်မာသီချင်းတစ်ပုဒ်၊ အင်္ဂလိပ် သီချင်းတစ်ပုဒ် (၂)ပုဒ်ပေးဆိုခဲ့တာပါ။ အဲဒီနေ့က တူရိယာပစ္စည်းပေးမသုံးပါဘူး။ ပြိုင်ပွဲဝင်က စဝင်လာကတည်းက ပီယာနိုတီးဆိုဖို့ တောင်းဆိုခဲ့ပါတယ်။ ကျွန်မတို့က တခြားပြိုင်ပွဲဝင်နည်းတူ အသံအရင်စစ်ပေးဖို့ ပြောခဲ့ရတာပါ။ မြန်မာသီချင်းဆိုချိန် အသံပိုင်းအကွန့်အညွန့်တွေလည်း မလှလို့ အကြံပေးခဲ့ပေမယ့် ပြိုင်ပွဲဝင်ဘက်က လက်မခံခဲ့ပါ။ အင်္ဂလိပ်သီချင်းမှာလည်း ထိုနည်းတူပါပဲ။ ပြိုင်ပွဲဝင်မောင်လေးကို အပြစ်မဆိုပါဘူး။ သူ့မှာ အပြစ်လုံးဝမရှိပါဘူး။ ပြောချင်တာက ဒိုင်နဲ့ပြိုင်ပွဲဝင်ကြား ပရိသတ်တွေ အထင်အမြင်လွဲမှား စေမယ့်ပုံစံဖြစ်အောင်မလုပ်ဖို့ တည်းဖြတ်ပေးဖို့ မြန်မာစတားစီစဉ်သူကို တောင်းဆိုထားပါလျက်နဲ့ ပရိသတ်တွေ ထပ်ပြီးအထင်လွဲအောင်၊ အဆဲခံရအောင် ထုတ်လွှင့် တာက အရမ်းကိုရုပ်ပေါက်လွန်းပါတယ်။ မြန်မာစတားက စေတနာနဲ့မတန်ပါဘူး။ ကျွန်မ စိတ်အရမ်းဆိုးပါတယ်” လို့ ဖြေရှင်းထားပါတယ်။
အကဲဖြတ်ဒိုင်အဖြစ်က နုတ်ထွက်ရခြင်းအကြောင်းမှာ နံပါတ်တစ် အချိန်ဇယားအတိအကျမရှိခြင်း၊ နံပါတ်နှစ် ပြိုင်ပွဲဝင်နဲ့အကဲဖြတ်ဒိုင်အကြား အခုထက်ပို၍ အချင်းများစေလိုကြောင်း ပြောဆိုခြင်း၊ ရွေးချယ်ရမယ့် လူစာရင်းကို ကန့်သတ်ချယ်လှယ်ထားခြင်း၊ လွတ်လပ်စွာဆုံးဖြတ်ခွင့်မရှိခြင်း အစရှိတဲ့ အချက်တွေကြောင့် ဆက်လက်မလုပ်တော့ တာဖြစ်တယ်လို့ သိရပါတယ်။ ခင်ရတနာစိုးရဲ့ထုတ်ဖော်ပြောပြမှုအရ မြန်မာစတားပြိုင်ပွဲက ပြိုင်ပွဲဝင်တွေ မြန်မာ သီချင်းနဲ့ယှဉ်ပြိုင်မှုကို ပြသလေ့မရှိတဲ့အကြောင်းရင်းမှာ မြန်မာသီချင်းထုတ်လွှင့်ပါက တေးရေးထံ အနုပညာကြေးပေး ချေရမှာကို စိုးရိမ်ပုံရကြောင်း လူအများရဲ့သိချင်မှု မေးခွန်းတချို့ကို ဖြေဆိုပေးခဲ့ပါသေးတယ်။ မြန်မာစတားပြိုင်ပွဲ စီစဉ်သူတွေအနေနဲ့ ပြိုင်ပွဲအဆင့်အတန်းကို မြှင့်တင်ချင်ပါက ပြိုင်ပွဲဝင်တွေအတွက် ပိုမိုကောင်းမွန်တဲ့အခွင့် အရေး တွေကိုသာ လုပ်ဆောင်ပေးကြရမှာဖြစ်ကြောင်း၊ (၂၀၂၆) ခုနှစ်မှာ လာရောက်ယှဉ်ပြိုင်မယ့် ဝါသနာရှင်တွေအနေနဲ့ လည်း မြန်မာစတားပြိုင်ပွဲမှာ ယှဉ်ပြိုင်ဖို့ သင့်/မသင့် သေချာစဉ်းစားကြဖို့ လိုအပ်ကြောင်း အကြံပြုထားပါတယ်။
ထွန်းအိန္ဒြာဗိုလ်အပေါ် လူအများရဲ့ချီးကျူးမှု
ထပ်ဆင့်အကယ်ဒမီ ထွန်းအိန္ဒြာဗိုလ်ရဲ့သားဖြစ်သူ အောင်ဗိုလ်ကောင်းသန့်ရဲ့ Cyrus Thant အမည်ရှိ Tik Tok အကောင့်မှာ ဖော်ပြခဲ့တဲ့ဗီဒီယိုရုပ်သံနှစ်ပုဒ်ကို ကြည့်ရှုမိသူ မိဘတိုင်းက လေးစားအတုယူအပ်ကြောင်း ချီးမွမ်းခဲ့ကြပါ တယ်။ အောင်ဗိုလ်ကောင်းသန့်က သူ့ရဲ့ Tik Tok အကောင့်မှာ မိဘနှစ်ပါးနဲ့ နေ့စဉ်စကားပြောဆိုမှု၊ သူရဲ့နေ့စဉ်လှုပ်ရှားမှု လေးတွေကို ရိုက်ကူးတင်ပြလေ့ရှိတာပါ။
သူရဲ့နေ့စဉ်ရုပ်သံတွေအနက် ပြည်ပမှာ ကျောင်းတက်ရင်း ၎င်းနဲ့ဆရာဖြစ်သူတို့ကြား နားလည်မှုလွဲမှားခဲ့ ရတဲ့အကြောင်းနဲ့ ဆရာဖြစ်သူရဲ့ ဦးစားပေးရွေးချယ်ခံရမှုစာရင်းမှာ မပါဝင်ခဲ့တဲ့အကြောင်း မိဘနှစ်ပါးထံ ရင်ဖွင့်ခဲ့ချိန် ထွန်းအိန္ဒြာဗိုလ်ရဲ့ဆုံးမစကားက လေးစားအတုယူဖွယ် ကောင်းခဲ့တာပါ။
သားဖြစ်သူ အောင်ဗိုလ်ကောင်းသန့်က “ဆရာနဲ့ Student ကြားမှာ နည်းနည်းတော့ အကန်အားတော့ရှိတယ်။ အဆုံးမှာ ပြန်စဉ်းစားကြည့်တော့ ဒီဆရာတွေက ကိုယ့်ကိုချစ်ပြီး၊ ကိုယ့်ကို ပံ့ပိုးပေးမယ့်ဆရာတွေပဲ။ တခြားသူတွေ ပြောတာက သူတို့အတွေ့အကြုံနဲ့ကိုယ်နဲ့မတူနိုင်ဘူးလို့တွေးလိုက်ပြီး သူတို့ဆရာကိုမုန်းတိုင်း လိုက်မုန်းနေတာတော့ လည်း မဟုတ်ပါဘူး” လို့ မိဘနှစ်ပါးရှေ့မှာ ရင်ဖွင့်ပြောပြခဲ့တာပါ။
ထွန်းအိန္ဒြာဗိုလ်က ‘သားအပေါ် ဆရာတွေက ငြိုငြင်နေသလားတွေးနေမိရင် သားမေတ္တာပို့ပေးရမယ်။ ကိုယ့်ဆရာတွေ၊ မိဘတွေဆိုတာ ယှဉ်ပြီးဖိုက်လို့ရတဲ့လူတန်းစားတစ်ရပ်မျိုးမဟုတ်ဘူး။ ကိုယ်က ရိုသေပြီး ကျေးဇူးရှင် အဖြစ်နဲ့ထားရမယ့်နေရာမျိုးကလူတွေ။ သားစိတ်ထဲ ဘယ်တော့မှ ဆရာတွေကို စိတ်မကွက်နဲ့။ စိတ်ကွက် စရာဖြစ် ရင်တောင် သားမေတ္တာပို့ကြည့်၊ သားလုပ်ကြည့်ပါ၊ မေမေ့သားလေး စိတ်မကောင်းမဖြစ်ပါနဲ့။ ကြိုးစားပါ။ အခွင့် အရေးတူရင်တောင် ကိုယ့်ဘက်က မေတ္တာပို့တယ်ဆိုရင် အခွင့်အရေးပိုရသွားတယ်။ အနေအထားချင်းအားလုံး အတူတူ ဆိုရင်တောင် ကိုယ်က မေတ္တာပို့လိုက်ပါ။ အဓိက သားစိတ်ကိုပဲ သားပြုပြင်ရမှာ။ ဘယ်သူ့ကိုမှ သားစိတ်မဆိုးနဲ့ ချစ်လေး။ ကိုယ်ကြိုးစားစရာရှိတာ ကြိုးစားပါ။ ဘယ်သူ့အပေါ်ကိုမှ စိတ်မကွက်နဲ့။ ဒီဆရာတွေပဲ သားတို့ကို သင်ကြား ပေး တွန်းတင်ပေးရမှာလေ။ ဒီဆရာကိုမှ မချစ်ရင် သားဘယ်သူ့ကို ချစ်ရမှာလဲ။ သားအတွေ့အကြုံရပါတယ် ချစ်လေး။ ငါမှန်ရင် ပြီးရော ဆိုတာမျိုးက မရဘူးသားလေး။ လူဆိုတာ ကိုယ့်ကိုလာပြီး အရေးတယူလုပ်တာကို ကြိုက်တာပဲ။ အဲဒါ ဆက်ဆံရေး တည်ဆောက်တယ်လို့ခေါ်တယ်။ ဆရာကို သူများတွေက ဖားတယ်လို့ မခံစားရဘူး။ ဆရာဆိုတာ တပည့်က ပြုစုလုပ်ကျွေးရမှာပဲ။ သားတို့မှာ တာဝန်ရှိတယ်” လို့ ဆုံးမစကားပြောရင်း သားဖြစ်သူရဲ့ စိတ်မကောင်း ဖြစ်နေမှုကို နှစ်သိမ့်အားပေးခဲ့တာပါ။ ထပ်ဆင့်အကယ်ဒမီ ထွန်းအိန္ဒြာဗိုလ်ရဲ့တစ်ဦးတည်းသောသား အောင်ဗိုလ်ကောင်း သန့်ဟာ (၂၀၂၄) ခုနှစ် မေလ (၂၈)ရက်မှာ The International School Yangon မှ High School ပြီးမြောက်ခဲ့ ခြင်းဖြစ်ပြီးနောက် အမေရိကန်နိုင်ငံရှိ American Management University မှာ Professional Golf Course ကို တက်ရောက်သင်ယူနေခြင်းဖြစ်ပါတယ်။ ထပ်ဆင့်အကယ်ဒမီ ထွန်းအိန္ဒြာဗိုလ်တို့ မိသားစုစကားဝိုင်း ရုပ်သံဖိုင်မှတစ်ဆင့် မိဘတိုင်း မိမိတို့ရဲ့သားသမီးတွေအပေါ် သင်ပြဆုံးမရာမှာ လေးစားအတုယူဖွယ်အဖြစ် NP News က ထည့်သွင်း ဖော်ပြလိုက်ခြင်း ဖြစ်ပါတယ်။
ညိုမင်းလွင်ပြောတဲ့ စူပါလေဒီ
စူပါလေဒီ ရုပ်ရှင်ဇာတ်ကားမှာ အကယ်ဒမီမြင့်မြတ်၊ ထူးအောင်၊ အကယ်ဒမီစိုးမြတ်သူဇာ၊ ရတနာဗိုလ်၊ ဆူး၊ ဖာစီ စတဲ့ အနုပညာရှင်တွေ ပါဝင်ထားပါတယ်။
ဒါရိုက်တာ ညိုမင်းလွင်က သူရဲ့ ယောက္ခမတစ္ဆေဇာတ်ကို သူကိုယ်တိုင်ရိုက်ကူးဖို့ ရေးသားခဲ့တဲ့ဇာတ်တစ်ပုဒ်ဖြစ် ပေမယ့် အကယ်ဒမီ စိုးမြတ်သူဇာက ဝယ်ယူခဲ့ခြင်းဖြစ်ပြီး စူပါလေဒီအဖြစ် ပြောင်းလဲသွားပုံကို သူ့အနေနဲ့ သိရှိရုံ သာဖြစ်ကြောင်း အဆိုပါဇာတ်ကားအတွက် တစ်စုံတစ်ရာ ဝင်ရောက်ပြင်ဆင်ခြင်းလည်းမရှိခဲ့ကြောင်း အသိပေးခဲ့ပါ တယ်။ စူပါလေဒီ ရုပ်ရှင်ဇာတ်ကားရုံတင်ချိန် ဇာတ်လမ်း ဒါရိုက်တာညိုမင်းလွင် အမည်စာတန်းထိုးထားတာကြောင့် သူရဲ့ပရိသတ်တွေရဲ့မေးမြန်းမှုတွေကို အခုလိုပြန်လည်ရှင်းပြခဲ့တာဖြစ်ပါတယ်။
“ကျွန်တော့်မူရင်းဇာတ်လမ်းက အဲဒီနာမည် မဟုတ်ဘူး၊ ယောက္ခမတစ္ဆေ ဆိုတဲ့နာမည်နဲ့ ကျွန်တော်ကို ယ်တိုင်ရိုက်ဖို့ရေးခဲ့တာ။ ဒီဇာတ်လမ်းအပေါ် တာဝန်ခံမှုကိုမေးရင်တော့ ကျွန်တော်လည်း ဇာတ်ကားမကြည့်ရသေးတော့ ဘာတွေ ဘယ်လိုပြင်လိုက်လဲမသိသေးဘဲ ပြောရခက်ပါတယ်။ ပိုစတာမြင်မြင်ချင်း ငါ့ဇာတ်လမ်းမှာ ဒါတွေ မပါပါဘူးလို့ ခဏလေးတွေးမိရုံလေးပါပဲ။ ဒါလည်းကိစ္စမရှိဘူး၊ ဘယ်သူမဆို ပိုကောင်းချင်လို့လုပ်ကြတာပဲ ပိုပြီး ရယ်ရသွားရင် တော့လည်း ကောင်းပါတယ်ပေါ့”လို့ အသိပေးထားပါတယ်။
“ဧရာဝတီ” ရုပ်ရှင်ထုတ်လုပ်ရေးမှထုတ်လုပ်ပြီး ဇာတ်လမ်း အကယ်ဒမီညိုမင်းလွင်၊ ဇာတ်ညွှန်း မင်းကိုစိုး (နတ်သံကွင်း)၊ လူညိုချော၊ ဒါရိုက်တာ အကယ်ဒမီ ကိုဇော် (အရုဏ်ဦး) ရိုက်ကူးပုံဖော်ထားခြင်းဖြစ်ပြီး မြန်မာပေါ ကားများအတိုင်း သားမက်နဲ့ယောက္ခမ၊ ယောက်ဖတွေကြားက အလွဲတွေကို ရိုက်ကူးထားတယ်လို့ဆိုထားကြပါတယ်။
စူပါလေဒီရုပ်ရှင်ဇာတ်ကားကို စက်တင်ဘာလ (၃၀)ရက်ညပိုင်းက သမ္မတရုပ်ရှင်ရုံမှာ ပရီမီယံရှိုးပြသခဲ့ခြင်း ဖြစ်ပြီး အောက်တိုဘာလ (၃)ရက်ကစတင်ပြီး မြန်မာတစ်နိုင်ငံလုံးရှိ ရုပ်ရှင်ရုံတွေမှာ ရုံတင်ပြသလျက်ရှိပါတယ်။
ဒီတစ်ပတ်အတွက် အနုပညာကဏ္ဍကို ဒီလောက်နဲ့ရပ်နားခွင့်ပြုပါ။
Zawgyi Version:
“Myanmar Star မွာ ဝါသနာရွင္လူငယ္ေတြ ယွဥ္ၿပိဳင္ဖို႔ သင့္/မသင့္’’
အိျဖဴ (NP News) - ေအာက္တိုဘာ ၅
The Statesman Journal ရဲ႕အႏုပညာအႏွစ္ခ်ဳပ္က႑ကေန ဒီတစ္ပတ္အတြက္ “ခင္ရတနာစိုး Myanmar Star က ႏုတ္ထြက္လိုက္ရတဲ့အေၾကာင္းရင္းမွန္၊ ထြန္းအိျႏၵာဗိုလ္အေပၚ လူအမ်ားရဲ႕ခ်ီးက်ဴးမႈတစ္ခု” စတဲ့ အႏုပညာဆက္စပ္သတင္းေတြကို ေဖာ္ျပေပးသြားပါမယ္။
ၿပိဳင္ပြဲဝင္ေတြနဲ႔ အကဲျဖတ္ဒိုင္ကို အခ်င္းမ်ားေစခ်င္တဲ့ Myanmar Star
အဆိုေတာ္ အလွမယ္ ခင္ရတနာစိုးက Myanmar Star ၿပိဳင္ပြဲမွာ အကဲျဖတ္ဒိုင္အျဖစ္ ပါဝင္ရာမွ ႏုတ္ထြက္ လိုက္ၿပီျဖစ္ေၾကာင္း Khin Yadanar Soe Facebook အေကာင့္မွာ Live လႊင့္ အသိေပးေျပာျပခဲ့ပါတယ္။ ခင္ရတနာစိုး အေနနဲ႔ ႏုတ္ထြက္ရျခင္းအေၾကာင္းမွာ ၿပိဳင္ပြဲဝင္နဲ႔အကဲျဖတ္ဒိုင္အၾကား အျပန္အလွန္အခ်င္းမ်ားခဲ့ပုံကို တည္းျဖတ္ၿပီးမွ ထုတ္လႊင့္ဖို႔ ပြဲစီစဥ္သူထံေတာင္းဆိုခဲ့ေပမယ့္ Myanmar Star က မေစာင့္ထိန္းခဲ့တဲ့အတြက္ အကဲျဖတ္ဒိုင္အျဖစ္ ဆက္လက္တာဝန္ယူလိုစိတ္မရွိေတာ့ျခင္းျဖစ္ေၾကာင္း ဖြင့္ဟထားပါတယ္။
ျဖစ္ပုံမွာ ကခ်င္ျပည္နယ္ ျမစ္ႀကီးနားၿမိဳ႕က လာေရာက္ယွဥ္ၿပိဳင္သူ ကခ်င္တိုင္းရင္းသား ၿပိဳင္ပြဲဝင္အမ်ိဳးသား MIassel ရဲ႕သီဆိုမႈအေပၚ အကဲျဖတ္ဒိုင္ေတြျဖစ္တဲ့ ေအာင္ကိုကိုနဲ႔ ခင္ရတနာစိုးတို႔က Wating List ထဲ ထားဖို႔ဆုံးျဖတ္ခဲ့ ေပမယ့္ ၿပိဳင္ပြဲဝင္က လက္မခံႏိုင္ခဲ့ဘဲ အျပန္အလွန္စကားေျပာဆိုရင္း အခ်င္းမ်ားခဲ့ၾကတာပါ။ ျမန္မာစတားဘက္ကက ထုတ္လႊင့္ျပသခဲ့ပုံမွာ ‘အကဲျဖတ္ဒိုင္ အဆိုေတာ္ခင္ရတနာစိုးက ၿပိဳင္ပြဲဝင္ရဲ႕ေျပာျပမႈ စကားသံမၿပီးဆုံးခင္ စကားျဖတ္ ေျပာပုံ၊ ေလွာင္ေျပာင္ၿပဳံးရယ္ပုံ၊ ၿပိဳင္ပြဲဝင္ရဲ႕အက်ိဳးအေၾကာင္း ေျပာျပမႈကိုအေလးမထားတဲ့ စကားလုေျပာတဲ့ပုံစံ’ကိုသာ ထုတ္လႊင့္ျပသခဲ့ပါတယ္။ အဲဒီယွဥ္ၿပိဳင္မႈ႐ုပ္ကဒ္ေတြ ထုတ္လႊင့္လိုက္တာနဲ႔တစ္ၿပိဳင္နက္ ခင္ရတနာစိုးကို ယဥ္ေက်းမႈ မရွိသူ၊ လူမ်ိဳးေရးခြဲျခားသူအျဖစ္ အျပင္းအထန္ ေဝဖန္ခံေနရပါတယ္။
ခင္ရတနာစိုး Live လႊင့္ခ်ိန္အတြင္း ‘‘ကခ်င္ၿပိဳင္ပြဲဝင္ေမာင္ေလးကို ျမန္မာသီခ်င္းတစ္ပုဒ္၊ အဂၤလိပ္ သီခ်င္းတစ္ပုဒ္ (၂)ပုဒ္ေပးဆိုခဲ့တာပါ။ အဲဒီေန႔က တူရိယာပစၥည္းေပးမသုံးပါဘူး။ ၿပိဳင္ပြဲဝင္က စဝင္လာကတည္းက ပီယာႏိုတီးဆိုဖို႔ ေတာင္းဆိုခဲ့ပါတယ္။ ကြၽန္မတို႔က တျခားၿပိဳင္ပြဲဝင္နည္းတူ အသံအရင္စစ္ေပးဖို႔ ေျပာခဲ့ရတာပါ။ ျမန္မာသီခ်င္းဆိုခ်ိန္ အသံပိုင္းအကြန႔္အၫြန႔္ေတြလည္း မလွလို႔ အႀကံေပးခဲ့ေပမယ့္ ၿပိဳင္ပြဲဝင္ဘက္က လက္မခံခဲ့ပါ။ အဂၤလိပ္သီခ်င္းမွာလည္း ထိုနည္းတူပါပဲ။ ၿပိဳင္ပြဲဝင္ေမာင္ေလးကို အျပစ္မဆိုပါဘူး။ သူ႔မွာ အျပစ္လုံးဝမရွိပါဘူး။ ေျပာခ်င္တာက ဒိုင္နဲ႔ၿပိဳင္ပြဲဝင္ၾကား ပရိသတ္ေတြ အထင္အျမင္လြဲမွား ေစမယ့္ပုံစံျဖစ္ေအာင္မလုပ္ဖို႔ တည္းျဖတ္ေပးဖို႔ ျမန္မာစတားစီစဥ္သူကို ေတာင္းဆိုထားပါလ်က္နဲ႔ ပရိသတ္ေတြ ထပ္ၿပီးအထင္လြဲေအာင္၊ အဆဲခံရေအာင္ ထုတ္လႊင့္ တာက အရမ္းကို႐ုပ္ေပါက္လြန္းပါတယ္။ ျမန္မာစတားက ေစတနာနဲ႔မတန္ပါဘူး။ ကြၽန္မ စိတ္အရမ္းဆိုးပါတယ္” လို႔ ေျဖရွင္းထားပါတယ္။
အကဲျဖတ္ဒိုင္အျဖစ္က ႏုတ္ထြက္ရျခင္းအေၾကာင္းမွာ နံပါတ္တစ္ အခ်ိန္ဇယားအတိအက်မရွိျခင္း၊ နံပါတ္ႏွစ္ ၿပိဳင္ပြဲဝင္နဲ႔အကဲျဖတ္ဒိုင္အၾကား အခုထက္ပို၍ အခ်င္းမ်ားေစလိုေၾကာင္း ေျပာဆိုျခင္း၊ ေ႐ြးခ်ယ္ရမယ့္ လူစာရင္းကို ကန႔္သတ္ခ်ယ္လွယ္ထားျခင္း၊ လြတ္လပ္စြာဆုံးျဖတ္ခြင့္မရွိျခင္း အစရွိတဲ့ အခ်က္ေတြေၾကာင့္ ဆက္လက္မလုပ္ေတာ့ တာျဖစ္တယ္လို႔ သိရပါတယ္။ ခင္ရတနာစိုးရဲ႕ထုတ္ေဖာ္ေျပာျပမႈအရ ျမန္မာစတားၿပိဳင္ပြဲက ၿပိဳင္ပြဲဝင္ေတြ ျမန္မာ သီခ်င္းနဲ႔ယွဥ္ၿပိဳင္မႈကို ျပသေလ့မရွိတဲ့အေၾကာင္းရင္းမွာ ျမန္မာသီခ်င္းထုတ္လႊင့္ပါက ေတးေရးထံ အႏုပညာေၾကးေပး ေခ်ရမွာကို စိုးရိမ္ပုံရေၾကာင္း လူအမ်ားရဲ႕သိခ်င္မႈ ေမးခြန္းတခ်ိဳ႕ကို ေျဖဆိုေပးခဲ့ပါေသးတယ္။ ျမန္မာစတားၿပိဳင္ပြဲ စီစဥ္သူေတြအေနနဲ႔ ၿပိဳင္ပြဲအဆင့္အတန္းကို ျမႇင့္တင္ခ်င္ပါက ၿပိဳင္ပြဲဝင္ေတြအတြက္ ပိုမိုေကာင္းမြန္တဲ့အခြင့္ အေရး ေတြကိုသာ လုပ္ေဆာင္ေပးၾကရမွာျဖစ္ေၾကာင္း၊ (၂၀၂၆) ခုႏွစ္မွာ လာေရာက္ယွဥ္ၿပိဳင္မယ့္ ဝါသနာရွင္ေတြအေနနဲ႔ လည္း ျမန္မာစတားၿပိဳင္ပြဲမွာ ယွဥ္ၿပိဳင္ဖို႔ သင့္/မသင့္ ေသခ်ာစဥ္းစားၾကဖို႔ လိုအပ္ေၾကာင္း အႀကံျပဳထားပါတယ္။
ထြန္းအိျႏၵာဗိုလ္အေပၚ လူအမ်ားရဲ႕ခ်ီးက်ဴးမႈ
ထပ္ဆင့္အကယ္ဒမီ ထြန္းအိျႏၵာဗိုလ္ရဲ႕သားျဖစ္သူ ေအာင္ဗိုလ္ေကာင္းသန႔္ရဲ႕ Cyrus Thant အမည္ရွိ Tik Tok အေကာင့္မွာ ေဖာ္ျပခဲ့တဲ့ဗီဒီယို႐ုပ္သံႏွစ္ပုဒ္ကို ၾကည့္ရႈမိသူ မိဘတိုင္းက ေလးစားအတုယူအပ္ေၾကာင္း ခ်ီးမြမ္းခဲ့ၾကပါ တယ္။ ေအာင္ဗိုလ္ေကာင္းသန႔္က သူ႔ရဲ႕ Tik Tok အေကာင့္မွာ မိဘႏွစ္ပါးနဲ႔ ေန႔စဥ္စကားေျပာဆိုမႈ၊ သူရဲ႕ေန႔စဥ္လႈပ္ရွားမႈ ေလးေတြကို ႐ိုက္ကူးတင္ျပေလ့ရွိတာပါ။
သူရဲ႕ေန႔စဥ္႐ုပ္သံေတြအနက္ ျပည္ပမွာ ေက်ာင္းတက္ရင္း ၎နဲ႔ဆရာျဖစ္သူတို႔ၾကား နားလည္မႈလြဲမွားခဲ့ ရတဲ့အေၾကာင္းနဲ႔ ဆရာျဖစ္သူရဲ႕ ဦးစားေပးေ႐ြးခ်ယ္ခံရမႈစာရင္းမွာ မပါဝင္ခဲ့တဲ့အေၾကာင္း မိဘႏွစ္ပါးထံ ရင္ဖြင့္ခဲ့ခ်ိန္ ထြန္းအိျႏၵာဗိုလ္ရဲ႕ဆုံးမစကားက ေလးစားအတုယူဖြယ္ ေကာင္းခဲ့တာပါ။
သားျဖစ္သူ ေအာင္ဗိုလ္ေကာင္းသန႔္က “ဆရာနဲ႔ Student ၾကားမွာ နည္းနည္းေတာ့ အကန္အားေတာ့ရွိတယ္။ အဆုံးမွာ ျပန္စဥ္းစားၾကည့္ေတာ့ ဒီဆရာေတြက ကိုယ့္ကိုခ်စ္ၿပီး၊ ကိုယ့္ကို ပံ့ပိုးေပးမယ့္ဆရာေတြပဲ။ တျခားသူေတြ ေျပာတာက သူတို႔အေတြ႕အႀကဳံနဲ႔ကိုယ္နဲ႔မတူႏိုင္ဘူးလို႔ေတြးလိုက္ၿပီး သူတို႔ဆရာကိုမုန္းတိုင္း လိုက္မုန္းေနတာေတာ့ လည္း မဟုတ္ပါဘူး” လို႔ မိဘႏွစ္ပါးေရွ႕မွာ ရင္ဖြင့္ေျပာျပခဲ့တာပါ။
ထြန္းအိျႏၵာဗိုလ္က ‘သားအေပၚ ဆရာေတြက ၿငိဳျငင္ေနသလားေတြးေနမိရင္ သားေမတၱာပို႔ေပးရမယ္။ ကိုယ့္ဆရာေတြ၊ မိဘေတြဆိုတာ ယွဥ္ၿပီးဖိုက္လို႔ရတဲ့လူတန္းစားတစ္ရပ္မ်ိဳးမဟုတ္ဘူး။ ကိုယ္က ႐ိုေသၿပီး ေက်းဇူးရွင္ အျဖစ္နဲ႔ထားရမယ့္ေနရာမ်ိဳးကလူေတြ။ သားစိတ္ထဲ ဘယ္ေတာ့မွ ဆရာေတြကို စိတ္မကြက္နဲ႔။ စိတ္ကြက္ စရာျဖစ္ ရင္ေတာင္ သားေမတၱာပို႔ၾကည့္၊ သားလုပ္ၾကည့္ပါ၊ ေမေမ့သားေလး စိတ္မေကာင္းမျဖစ္ပါနဲ႔။ ႀကိဳးစားပါ။ အခြင့္ အေရးတူရင္ေတာင္ ကိုယ့္ဘက္က ေမတၱာပို႔တယ္ဆိုရင္ အခြင့္အေရးပိုရသြားတယ္။ အေနအထားခ်င္းအားလုံး အတူတူ ဆိုရင္ေတာင္ ကိုယ္က ေမတၱာပို႔လိုက္ပါ။ အဓိက သားစိတ္ကိုပဲ သားျပဳျပင္ရမွာ။ ဘယ္သူ႔ကိုမွ သားစိတ္မဆိုးနဲ႔ ခ်စ္ေလး။ ကိုယ္ႀကိဳးစားစရာရွိတာ ႀကိဳးစားပါ။ ဘယ္သူ႔အေပၚကိုမွ စိတ္မကြက္နဲ႔။ ဒီဆရာေတြပဲ သားတို႔ကို သင္ၾကား ေပး တြန္းတင္ေပးရမွာေလ။ ဒီဆရာကိုမွ မခ်စ္ရင္ သားဘယ္သူ႔ကို ခ်စ္ရမွာလဲ။ သားအေတြ႕အႀကဳံရပါတယ္ ခ်စ္ေလး။ ငါမွန္ရင္ ၿပီးေရာ ဆိုတာမ်ိဳးက မရဘူးသားေလး။ လူဆိုတာ ကိုယ့္ကိုလာၿပီး အေရးတယူလုပ္တာကို ႀကိဳက္တာပဲ။ အဲဒါ ဆက္ဆံေရး တည္ေဆာက္တယ္လို႔ေခၚတယ္။ ဆရာကို သူမ်ားေတြက ဖားတယ္လို႔ မခံစားရဘူး။ ဆရာဆိုတာ တပည့္က ျပဳစုလုပ္ေကြၽးရမွာပဲ။ သားတို႔မွာ တာဝန္ရွိတယ္” လို႔ ဆုံးမစကားေျပာရင္း သားျဖစ္သူရဲ႕ စိတ္မေကာင္း ျဖစ္ေနမႈကို ႏွစ္သိမ့္အားေပးခဲ့တာပါ။ ထပ္ဆင့္အကယ္ဒမီ ထြန္းအိျႏၵာဗိုလ္ရဲ႕တစ္ဦးတည္းေသာသား ေအာင္ဗိုလ္ေကာင္း သန႔္ဟာ (၂၀၂၄) ခုႏွစ္ ေမလ (၂၈)ရက္မွာ The International School Yangon မွ High School ၿပီးေျမာက္ခဲ့ ျခင္းျဖစ္ၿပီးေနာက္ အေမရိကန္ႏိုင္ငံရွိ American Management University မွာ Professional Golf Course ကို တက္ေရာက္သင္ယူေနျခင္းျဖစ္ပါတယ္။ ထပ္ဆင့္အကယ္ဒမီ ထြန္းအိျႏၵာဗိုလ္တို႔ မိသားစုစကားဝိုင္း ႐ုပ္သံဖိုင္မွတစ္ဆင့္ မိဘတိုင္း မိမိတို႔ရဲ႕သားသမီးေတြအေပၚ သင္ျပဆုံးမရာမွာ ေလးစားအတုယူဖြယ္အျဖစ္ NP News က ထည့္သြင္း ေဖာ္ျပလိုက္ျခင္း ျဖစ္ပါတယ္။
ညိဳမင္းလြင္ေျပာတဲ့ စူပါေလဒီ
စူပါေလဒီ ႐ုပ္ရွင္ဇာတ္ကားမွာ အကယ္ဒမီျမင့္ျမတ္၊ ထူးေအာင္၊ အကယ္ဒမီစိုးျမတ္သူဇာ၊ ရတနာဗိုလ္၊ ဆူး၊ ဖာစီ စတဲ့ အႏုပညာရွင္ေတြ ပါဝင္ထားပါတယ္။
ဒါ႐ိုက္တာ ညိဳမင္းလြင္က သူရဲ႕ ေယာကၡမတေစၦဇာတ္ကို သူကိုယ္တိုင္႐ိုက္ကူးဖို႔ ေရးသားခဲ့တဲ့ဇာတ္တစ္ပုဒ္ျဖစ္ ေပမယ့္ အကယ္ဒမီ စိုးျမတ္သူဇာက ဝယ္ယူခဲ့ျခင္းျဖစ္ၿပီး စူပါေလဒီအျဖစ္ ေျပာင္းလဲသြားပုံကို သူ႔အေနနဲ႔ သိရွိ႐ုံ သာျဖစ္ေၾကာင္း အဆိုပါဇာတ္ကားအတြက္ တစ္စုံတစ္ရာ ဝင္ေရာက္ျပင္ဆင္ျခင္းလည္းမရွိခဲ့ေၾကာင္း အသိေပးခဲ့ပါ တယ္။ စူပါေလဒီ ႐ုပ္ရွင္ဇာတ္ကား႐ုံတင္ခ်ိန္ ဇာတ္လမ္း ဒါ႐ိုက္တာညိဳမင္းလြင္ အမည္စာတန္းထိုးထားတာေၾကာင့္ သူရဲ႕ပရိသတ္ေတြရဲ႕ေမးျမန္းမႈေတြကို အခုလိုျပန္လည္ရွင္းျပခဲ့တာျဖစ္ပါတယ္။
“ကြၽန္ေတာ့္မူရင္းဇာတ္လမ္းက အဲဒီနာမည္ မဟုတ္ဘူး၊ ေယာကၡမတေစၦ ဆိုတဲ့နာမည္နဲ႔ ကြၽန္ေတာ္ကို ယ္တိုင္႐ိုက္ဖို႔ေရးခဲ့တာ။ ဒီဇာတ္လမ္းအေပၚ တာဝန္ခံမႈကိုေမးရင္ေတာ့ ကြၽန္ေတာ္လည္း ဇာတ္ကားမၾကည့္ရေသးေတာ့ ဘာေတြ ဘယ္လိုျပင္လိုက္လဲမသိေသးဘဲ ေျပာရခက္ပါတယ္။ ပိုစတာျမင္ျမင္ခ်င္း ငါ့ဇာတ္လမ္းမွာ ဒါေတြ မပါပါဘူးလို႔ ခဏေလးေတြးမိ႐ုံေလးပါပဲ။ ဒါလည္းကိစၥမရွိဘူး၊ ဘယ္သူမဆို ပိုေကာင္းခ်င္လို႔လုပ္ၾကတာပဲ ပိုၿပီး ရယ္ရသြားရင္ ေတာ့လည္း ေကာင္းပါတယ္ေပါ့”လို႔ အသိေပးထားပါတယ္။
“ဧရာဝတီ” ႐ုပ္ရွင္ထုတ္လုပ္ေရးမွထုတ္လုပ္ၿပီး ဇာတ္လမ္း အကယ္ဒမီညိဳမင္းလြင္၊ ဇာတ္ၫႊန္း မင္းကိုစိုး (နတ္သံကြင္း)၊ လူညိဳေခ်ာ၊ ဒါ႐ိုက္တာ အကယ္ဒမီ ကိုေဇာ္ (အ႐ုဏ္ဦး) ႐ိုက္ကူးပုံေဖာ္ထားျခင္းျဖစ္ၿပီး ျမန္မာေပါ ကားမ်ားအတိုင္း သားမက္နဲ႔ေယာကၡမ၊ ေယာက္ဖေတြၾကားက အလြဲေတြကို ႐ိုက္ကူးထားတယ္လို႔ဆိုထားၾကပါတယ္။
စူပါေလဒီ႐ုပ္ရွင္ဇာတ္ကားကို စက္တင္ဘာလ (၃၀)ရက္ညပိုင္းက သမၼတ႐ုပ္ရွင္႐ုံမွာ ပရီမီယံရႈိးျပသခဲ့ျခင္း ျဖစ္ၿပီး ေအာက္တိုဘာလ (၃)ရက္ကစတင္ၿပီး ျမန္မာတစ္ႏိုင္ငံလုံးရွိ ႐ုပ္ရွင္႐ုံေတြမွာ ႐ုံတင္ျပသလ်က္ရွိပါတယ္။
ဒီတစ္ပတ္အတြက္ အႏုပညာက႑ကို ဒီေလာက္နဲ႔ရပ္နားခြင့္ျပဳပါ။