နိုင်ငံအတွင်း ဖြစ်ပွားနေသော တိုက်ပွဲများနှင့်ပတ်သက်၍ ကာလုံအစည်းအဝေးခေါ်၊ တပ်မတော်အနေဖြင့် စွမ်းစွမ်းတမံမဆောင်ရွက်ပါက တိုင်းပြည်အစိတ်စိတ်ကွဲသွားနိုင်ဟု ယာယီသမ္မတပြော
5029
မျိုးကြီး (NP News) - နိုဝင်ဘာ ၈
နိုင်ငံအတွင်း ဖြစ်ပွားနေသော တိုက်ပွဲများနှင့်ပတ်သက်၍ ကာလုံအစည်းအဝေးခေါ်ယူခဲ့ပြီး တပ်မတော်အနေဖြင့် စွမ်းစွမ်းတမံမဆောင်ရွက်ပါက တိုင်းပြည်အစိတ်စိတ်ကွဲ သွားနိုင်ကြောင်း ယာယီသမ္မတဦးမြင့်ဆွေက ပြောသည်။
အမျိုးသားကာကွယ်ရေးနှင့် လုံခြုံရေးကောင်စီအစည်းအဝေးကို ယနေ့ (နိုဝင်ဘာလ ၈ ရက်)နေ့လည်ပိုင်းတွင် နေပြည်တော်ရှိ နစကဥက္ကဋ္ဌရုံး၌ ပြုလုပ်ခဲ့သည်။
အဆိုပါကာလုံအစည်းအဝေးသို့ ယာယီသမ္မတဦးမြင့်ဆွေ၊ ဒုသမ္မတဦးဟင်နရီဗန်ထီးယူ၊ ပြည်သူ့လွှတ်တော်ဥက္ကဋ္ဌဦးတီခွန်မြတ်၊ ဗိုလ်ချုပ်မှူးကြီးမင်းအောင်လှိုင်၊ ဒုတိယဗိုလ်ချုပ်မှူးကြီးစိုးဝင်း၊ ကာကွယ်ရေးဝန်ကြီးဗိုလ်ချုပ်ကြီးတင်အောင်စန်း၊ ပြည်ထဲရေးဝန်ကြီးဒုတိယဗိုလ်ချုပ်ကြီးရာပြည့်၊ နိုင်ငံခြားရေးဝန်ကြီးဦးသန်းဆွေ၊ နယ်စပ်ရေးရာဝန်ကြီးဒုတိယဗိုလ်ချုပ် ကြီးထွန်းထွန်းနောင်နှင့် အထူးဖိတ်ကြားထားသူများ တက်ရောက်ခဲ့သည်ဟု နစကမှ သတင်းထုတ်ပြန်ထားသည်။
လက်ရှိဖြစ်ပွားနေသည့် နယ်စပ်ဒေသသောင်းကျန်းသူများအရေးကိစ္စနှင့်ပတ်သက်၍ တပ်မတော်အနေဖြင့် ယခုကဲ့သို့ စွမ်းစွမ်းတမံမဆောင်ရွက်ပါက တိုင်းပြည်အစိတ်စိတ်အမွှာမွှာ ကွဲသွားနိုင်သည်ဟု ကာလုံအစည်းအဝေး၌ ယာယီသမ္မတဦးမြင့်ဆွေက ပြောသည်။
ထို့ပြင် ၎င်းက ယခုကိစ္စသည် သေသေချာချာစနစ်တကျ ကိုင်တွယ်သွားရန်လိုအပ်ပြီး ယခုကဲ့သို့ တိုင်းပြည်အတွက် အရေးကြီးသည့်ကာလ၌ တစ်နိုင်ငံလုံးက တပ်မတော်ကို ထောက်ခံအကူအညီပေးရန်လိုအပ်ကြောင်းလည်း ထည့်သွင်းပြောကြားခဲ့သည်။
ယနေ့တွင် နေပြည်တော်၌ ကျင်းပသည့် အမျိုးသားကာကွယ်ရေးနှင့်လုံခြုံရေးကောင်စီအစည်းအဝေးတွင် ရှမ်းပြည်နယ်မြောက်ပိုင်းအတွင်း ဖြစ်ပွားနေသည့် တိုက်ပွဲများနှင့်ပတ်သက်၍ တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်က ရှင်းလင်းတင်ပြခဲ့သည်ဟု နစကမှ သတင်းထုတ်ပြန်ထားသည်။
အဆိုပါတိုက်ပွဲများ ဖြစ်ပွားနေမှုနှင့်အတူ စစ်ကိုင်းတိုင်းအတွင်းရှိ နေရာအချို့တွင်လည်း PDF၊ KIA၊ AA အဖွဲ့ဝင်များက ဝင်ရောက်တိုက်ခိုက်မှုများနှင့်ပတ်သက်၍လည်း ဗိုလ်ချုပ်မှူးကြီးမင်းအောင်လှိုင်က ကာလုံအစည်းအဝေး၌ တင်ပြပြောဆိုမှုများရှိခဲ့ကြောင်း နစက၏ ထုတ်ပြန်ချက် အရ သိရသည်။
တပ်မတော်အနေဖြင့် အချုပ်အခြာအာဏာတည်တံ့ခိုင်မြဲရေး၊ တရားဥပဒေစိုးမိုးရေး၊ နယ်မြေတည်ငြိမ်အေးချမ်းရေးနှင့် ပြည်သူများ၏ အသက်အိုးအိမ်စည်းစိမ်များ မထိခိုက်စေရေးအတွက် လိုအပ်သည့်တုံ့ပြန်မှုများကို ဆောင်ရွက်သွားမည်ဟု ဗိုလ်ချုပ်မှူးကြီးမင်းအောင်လှိုင်က အသိပေးပြောကြားခဲ့သည်။
လက်ရှိတွင် ရှမ်းပြည်နယ်အတွင်းရှိ လုံခြုံရေးစခန်းပေါင်း (၁၂၀)ကျော်ကို MNDAA ဦးဆောင်သော မဟာမိတ်လက်နက်ကိုင် (၃)ဖွဲ့က တိုက်ခိုက်သိမ်းပိုက်မှုများ ပြုလုပ်ခဲ့သည်ဟု ၎င်းတို့ဘက်က ထုတ်ပြန်ထားသည်ကို တွေ့ရှိရသည်။
zawgyi version
ႏိုင္ငံအတြင္း ျဖစ္ပြားေနေသာ တိုက္ပြဲမ်ားႏွင့္ပတ္သက္၍ ကာလုံအစည္းအေဝးေခၚ၊ တပ္မေတာ္အေနျဖင့္ စြမ္းစြမ္းတမံမေဆာင္႐ြက္ပါက တိုင္းျပည္အစိတ္စိတ္ကြဲသြားႏိုင္ဟု ယာယီသမၼတေျပာ
မ်ိဳးႀကီး (NP News) - ႏိုဝင္ဘာ ၈
ႏိုင္ငံအတြင္း ျဖစ္ပြားေနေသာ တိုက္ပြဲမ်ားႏွင့္ပတ္သက္၍ ကာလုံအစည္းအေဝးေခၚယူခဲ့ၿပီး တပ္မေတာ္အေနျဖင့္ စြမ္းစြမ္းတမံမေဆာင္႐ြက္ပါက တိုင္းျပည္အစိတ္စိတ္ကြဲ သြားႏိုင္ေၾကာင္း ယာယီသမၼတဦးျမင့္ေဆြက ေျပာသည္။
အမ်ိဳးသားကာကြယ္ေရးႏွင့္ လုံၿခဳံေရးေကာင္စီအစည္းအေဝးကို ယေန႔ (ႏိုဝင္ဘာလ ၈ ရက္)ေန႔လည္ပိုင္းတြင္ ေနျပည္ေတာ္ရွိ နစကဥကၠဋ္ဌ႐ုံး၌ ျပဳလုပ္ခဲ့သည္။
အဆိုပါကာလုံအစည္းအေဝးသို႔ ယာယီသမၼတဦးျမင့္ေဆြ၊ ဒုသမၼတဦးဟင္နရီဗန္ထီးယူ၊ ျပည္သူ႔လႊတ္ေတာ္ဥကၠ႒ဦးတီခြန္ျမတ္၊ ဗိုလ္ခ်ဳပ္မႉးႀကီးမင္းေအာင္လႈိင္၊ ဒုတိယဗိုလ္ခ်ဳပ္မႉးႀကီးစိုးဝင္း၊ ကာကြယ္ေရးဝန္ႀကီးဗိုလ္ခ်ဳပ္ႀကီးတင္ေအာင္စန္း၊ ျပည္ထဲေရးဝန္ႀကီးဒုတိယဗိုလ္ခ်ဳပ္ႀကီးရာျပည့္၊ ႏိုင္ငံျခားေရးဝန္ႀကီးဦးသန္းေဆြ၊ နယ္စပ္ေရးရာဝန္ႀကီးဒုတိယဗိုလ္ခ်ဳပ္ ႀကီးထြန္းထြန္းေနာင္ႏွင့္ အထူးဖိတ္ၾကားထားသူမ်ား တက္ေရာက္ခဲ့သည္ဟု နစကမွ သတင္းထုတ္ျပန္ထားသည္။
လက္ရွိျဖစ္ပြားေနသည့္ နယ္စပ္ေဒသေသာင္းက်န္းသူမ်ားအေရးကိစၥႏွင့္ပတ္သက္၍ တပ္မေတာ္အေနျဖင့္ ယခုကဲ့သို႔ စြမ္းစြမ္းတမံမေဆာင္႐ြက္ပါက တိုင္းျပည္အစိတ္စိတ္အမႊာမႊာ ကြဲသြားႏိုင္သည္ဟု ကာလုံအစည္းအေဝး၌ ယာယီသမၼတဦးျမင့္ေဆြက ေျပာသည္။
ထို႔ျပင္ ၎က ယခုကိစၥသည္ ေသေသခ်ာခ်ာစနစ္တက် ကိုင္တြယ္သြားရန္လိုအပ္ၿပီး ယခုကဲ့သို႔ တိုင္းျပည္အတြက္ အေရးႀကီးသည့္ကာလ၌ တစ္ႏိုင္ငံလုံးက တပ္မေတာ္ကို ေထာက္ခံအကူအညီေပးရန္လိုအပ္ေၾကာင္းလည္း ထည့္သြင္းေျပာၾကားခဲ့သည္။
ယေန႔တြင္ ေနျပည္ေတာ္၌ က်င္းပသည့္ အမ်ိဳးသားကာကြယ္ေရးႏွင့္လုံၿခဳံေရးေကာင္စီအစည္းအေဝးတြင္ ရွမ္းျပည္နယ္ေျမာက္ပိုင္းအတြင္း ျဖစ္ပြားေနသည့္ တိုက္ပြဲမ်ားႏွင့္ပတ္သက္၍ တပ္မေတာ္ကာကြယ္ေရးဦးစီးခ်ဳပ္ဗိုလ္ခ်ဳပ္မႉးႀကီးမင္းေအာင္လႈိင္က ရွင္းလင္းတင္ျပခဲ့သည္ဟု နစကမွ သတင္းထုတ္ျပန္ထားသည္။
အဆိုပါတိုက္ပြဲမ်ား ျဖစ္ပြားေနမႈႏွင့္အတူ စစ္ကိုင္းတိုင္းအတြင္းရွိ ေနရာအခ်ိဳ႕တြင္လည္း PDF၊ KIA၊ AA အဖြဲ႕ဝင္မ်ားက ဝင္ေရာက္တိုက္ခိုက္မႈမ်ားႏွင့္ပတ္သက္၍လည္း ဗိုလ္ခ်ဳပ္မႉးႀကီးမင္းေအာင္လႈိင္က ကာလုံအစည္းအေဝး၌ တင္ျပေျပာဆိုမႈမ်ားရွိခဲ့ေၾကာင္း နစက၏ ထုတ္ျပန္ခ်က္ အရ သိရသည္။
တပ္မေတာ္အေနျဖင့္ အခ်ဳပ္အျခာအာဏာတည္တံ့ခိုင္ၿမဲေရး၊ တရားဥပေဒစိုးမိုးေရး၊ နယ္ေျမတည္ၿငိမ္ေအးခ်မ္းေရးႏွင့္ ျပည္သူမ်ား၏ အသက္အိုးအိမ္စည္းစိမ္မ်ား မထိခိုက္ေစေရးအတြက္ လိုအပ္သည့္တုံ႔ျပန္မႈမ်ားကို ေဆာင္႐ြက္သြားမည္ဟု ဗိုလ္ခ်ဳပ္မႉးႀကီးမင္းေအာင္လႈိင္က အသိေပးေျပာၾကားခဲ့သည္။
လက္ရွိတြင္ ရွမ္းျပည္နယ္အတြင္းရွိ လုံၿခဳံေရးစခန္းေပါင္း (၁၂၀)ေက်ာ္ကို MNDAA ဦးေဆာင္ေသာ မဟာမိတ္လက္နက္ကိုင္ (၃)ဖြဲ႕က တိုက္ခိုက္သိမ္းပိုက္မႈမ်ား ျပဳလုပ္ခဲ့သည္ဟု ၎တို႔ဘက္က ထုတ္ျပန္ထားသည္ကို ေတြ႕ရွိရသည္။