Telegram မှတဆင့် ချစ်ကြိုက်ခဲ့သူ အမျိုးသမီးကို တရုတ်နိုင်ငံသို့ ရောင်စားရန်စီစဥ်သော အမျိုးသားနှင့် လူမှောင်ခိုပွဲစားကိုဖမ်းမိ

1248

NP News- ဧပြီ ၃
Telegram မှတဆင့် ချစ်ကြိုက်ခဲ့သည့် အမျိုးသမီးကို တရုတ်နိုင်ငံသို့ရောင်စားမည့် အမျိုးသားနှင့် လူမှောင်ခိုပွဲစားတို့ကို ဖမ်းဆီးရမိခဲ့ကြောင်း နိုင်ငံတော်စီမံအုပ်ချုပ်ရေးကောင်စီက ဧပြီ(၂)ရက် ညပိုင်းတွင် သတင်းထုတ်ပြန်ထားသည်။
ပြီးခဲ့သည့် မတ်လ(၂၇)ရက်တွင် လုံခြုံရေးအဖွဲ့ဝင်များမှ ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ အောင်မင်္ဂလာကားကြီးဝင်းအတွင်းရှိ မြတ်မင်္ဂလာမော်တော်ယာဥ်ဂိတ်၌ အမျိုးသမီးငယ်များအား သွေးဆောင်ဖြားယောင်း၍ တရုတ်နိုင်ငံသို့ လိမ်လည်ပို့ဆောင်နေသူ မြတ်သူအား အမျိုးသမီးငယ်တစ်ဦးနှင့်အတူ ဖမ်းဆီးရမိခဲ့ကြောင်း သိရသည်။
ထို့နောက် မြတ်သူအား စစ်ဆေးချက်အရ အမျိုးသမီးများကို တရုတ်နိုင်ငံသို့ ချိတ်ဆက်ပို့ဆောင်ပေးနေသည့် လူမှောင်ခိုပွဲစားဖြစ်သူ သန်းဌေးဝင်း(ခ)သန်းဌေးအား မတ်လ ၂၈ ရက်တွင် မြောက်ဥက္ကလာပမြို့နယ်၊ (ဈ)ရပ်ကွက်၊ ခေမာသီလမ်းရှိ Relex မိုတယ်၌ ထပ်မံဖမ်းဆီးရမိခဲ့ကြောင်း ထုတ်ပြန်ချက်အရ ဖော်ပြထားသည်။
ဖမ်းဆီးရမိသူများအား စိစစ်ဖော်ထုတ်ချက်အရ မြတ်သူသည် Telegram မှတစ်ဆင့် ချစ်ကြိုက်ခဲ့သည့် အမျိုးသမီးငယ်နှင့်အတူ မတ်လ ၂၃ ရက်တွင် မြောက်ဥက္ကလာပမြို့နယ်ရှိ ရွှေပြည်စံတည်းခိုခန်း၌ တည်းခိုနေထိုင်ခဲ့ပြီး ထိုသို့နေထိုင်စဉ် ငွေကြေးလိုအပ်ချက်ကြောင့် ၎င်းအမျိုးသမီးငယ်၏ နားကပ်အား ငွေကျပ် ၂၀၀,၀၀၀ ဖြင့်လည်းကောင်း၊ လက်ကိုင်ဖုန်းအား ငွေကျပ် ၁၃၀,၀၀၀ ဖြင့်လည်းကောင်း ရောင်းချသုံးစွဲခဲ့ကြောင်း သိရသည်။
ထို့နောက် မတ်လ ၂၇ ရက်တွင် မူဆယ်မြို့နေ လူမှောင်ခိုပွဲစားဖြစ်သူ မီးမီးထံဆက်သွယ်၍ အမျိုးသမီးငယ်အား တရုတ်ဇနီးမယား အဖြစ်လုပ်ကိုင်ရန် တရုတ်နိုင်ငံသို့ ပို့ဆောင်လိုကြောင်း ပြောဆိုခဲ့ရာ မီးမီးမှ ပွဲစားခအဖြစ် တရုတ်ငွေ ယွမ် ၂,၀၀၀ နှင့် အမျိုးသမီးငယ်အတွက် တရုတ်ငွေ ယွမ် ၂၀,၀၀၀ ရရှိမည်ဟု ပြန်လည်ပြောဆိုခဲ့ရာ မြတ်သူမှ အဆိုပါအမျိုးသမီးငယ်အား မန္တလေးမြို့သို့ လိမ်လည်ခေါ်ဆောင်၍ ၎င်းမှတစ်ဆင့် မူဆယ်မြို့သို့ ဆက်လက်ပို့ဆောင်ရန် စီစဉ်ခဲ့ကြောင်း သိရသည်။
အလားတူ မြတ်သူသည် ဖေဖော်ဝါရီလ ၁၃ ရက်တွင် ၎င်းနှင့်ချစ်ကြိုက်နေသည့် မန္တလေးတိုင်းဒေသကြီး၊ ချမ်းမြသာစည်မြို့ နယ်တွင်နေထိုင်သူ အမျိုးသမီးတစ်ဦးအား ပြင်ဦးလွင်မြို့ရှိ အမေ့အိမ်တည်းခိုခန်းသို့ ခေါ်ယူပေါင်းသင်းခဲ့ပြီးနောက် ပွဲစားဖြစ်သူ သန်းဌေးဝင်း(ခ)သန်းဌေးနှင့်ဆက်သွယ်၍ ၎င်းအမျိုးသမီးအား တရုတ်နိုင်ငံသို့ပို့ဆောင်ပေးရန် ပြောဆိုခဲ့ကြောင်း သိရသည်။
ထို့နောက် ဖေဖော်ဝါရီလ ၂၀ ရက်တွင် ၎င်းအမျိုးသမီးနှင့်အတူ ပြင်ဦးလွင်မြို့မှ မန္တလေးမြို့သို့ ပြန်လာခဲ့ပြီး ကျွဲဆည်ကန်ကားကြီးဝင်းအနီးရှိ Power Land တည်းခိုခန်း၌ တည်းခိုနေထိုင်ခဲ့ပြီးနောက် မတ်လ ၁၁ ရက်တွင် သန်းဌေးဝင်း(ခ)သန်းဌေးမှ ၎င်းအမျိုးသမီးအား တရုတ်ဇနီးမယားအဖြစ်လုပ်ကိုင်ရန် ငွေကျပ် သိန်း ၁၂၀ ဖြင့် ညှိနှိုင်းကာ မန္တလေးမြို့မှ မော်တော်ယာဉ်ဖြင့် မူဆယ်မြို့သို့ ပို့ဆောင်ခဲ့ပြီး တရုတ်နိုင်ငံ၊ ရွှေလီမြို့သို့ ဆက်လက်ပို့ဆောင်ခဲ့ကြောင်း သိရသည်။
လူမှောင်ခိုပွဲစားဖြစ်သူ သန်းဌေးဝင်း(ခ)သန်းဌေးသည် ၂၀၂၄ ခုနှစ်၊ အောက်တိုဘာလ ၁၄ ရက်မှ ၂၀၂၅ ခုနှစ်၊ ဖေဖော်ဝါရီလ ၂ ရက်အထိ ဖမ်းဆီးရန်ကျန် လူမှောင်ခိုပွဲစားများဖြစ်သည့် ဇော်ထက်၊ သားကြီး၊ အခွန်၊ သူရဇော်တို့နှင့်ချိတ်ဆက်၍ အမျိုးသမီးငယ် ၂ ဦးအား အလားတူ တရုတ်နိုင်ငံသို့ ပို့ဆောင်ခဲ့ပြီး တစ်ဦးလျှင် ငွေကျပ် သိန်း ၁၃၀ မှ ၁၄၀ အထိ ရရှိခဲ့ကြောင်း ထုတ်ပြန်ချက်အရ သိရသည်။
ဖြစ်စဉ်ဖော်ထုတ်သိရှိချက်အရ အမျိုးသမီးငယ်များအား Telegram မှတစ်ဆင့်ဆက်သွယ်၍ ချစ်ကြိုက်ကြောင်းလိမ်လည်လှည့်ဖြားစည်းရုံးပြီး ငွေးကြေးရယူလိုမှုဖြင့် သွေးဆောင်ဖြားယောင်းကာ တရုတ်နိုင်ငံသို့ လိမ်လည်ပို့ဆောင်နေသည့် မြတ်သူနှင့် လူမှောင်ခိုပွဲစား သန်းဌေးဝင်း(ခ) သန်းဌေးတို့အား လူကုန်ကူးမှုတားဆီးနှိမ်နင်းရေးဥပဒေများနှင့်အညီ ထိထိရောက်ရောက်အရေးယူနိုင်ရေး ဆောင်ရွက်လျက်ရှိပြီး ဖမ်းဆီးရန်ကျန် တရားခံများဖြစ်သော မီးမီး၊ ဇော်ထက်၊ သားကြီး၊ အခွန်နှင့် သူရဇော်တို့အား ဖမ်းဆီးရမိရေး ဆက်လက်ဆောင်ရွက်လျက်ရှိကြောင်း သိရသည်။

Zawgyi Version:
Telegram မွတဆင့္ ခ်စ္ႀကိဳက္ခဲ့သူ အမ်ိဳးသမီးကို တ႐ုတ္ႏိုင္ငံသို႔ ေရာင္စားရန္စီစဥ္ေသာ အမ်ိဳးသားႏွင့္ လူေမွာင္ခိုပြဲစားကိုဖမ္းမိ
NP News- ဧၿပီ ၃
Telegram မွတဆင့္ ခ်စ္ႀကိဳက္ခဲ့သည့္ အမ်ိဳးသမီးကို တ႐ုတ္ႏိုင္ငံသို႔ေရာင္စားမည့္ အမ်ိဳးသားႏွင့္ လူေမွာင္ခိုပြဲစားတို႔ကို ဖမ္းဆီးရမိခဲ့ေၾကာင္း ႏိုင္ငံေတာ္စီမံအုပ္ခ်ဳပ္ေရးေကာင္စီက ဧၿပီ(၂)ရက္ ညပိုင္းတြင္ သတင္းထုတ္ျပန္ထားသည္။
ၿပီးခဲ့သည့္ မတ္လ(၂၇)ရက္တြင္ လုံၿခဳံေရးအဖြဲ႕ဝင္မ်ားမွ ရန္ကုန္တိုင္းေဒသႀကီး၊ မဂၤလာဒုံၿမိဳ႕နယ္၊ ေအာင္မဂၤလာကားႀကီးဝင္းအတြင္းရွိ ျမတ္မဂၤလာေမာ္ေတာ္ယာဥ္ဂိတ္၌ အမ်ိဳးသမီးငယ္မ်ားအား ေသြးေဆာင္ျဖားေယာင္း၍ တ႐ုတ္ႏိုင္ငံသို႔ လိမ္လည္ပို႔ေဆာင္ေနသူ ျမတ္သူအား အမ်ိဳးသမီးငယ္တစ္ဦးႏွင့္အတူ ဖမ္းဆီးရမိခဲ့ေၾကာင္း သိရသည္။
ထို႔ေနာက္ ျမတ္သူအား စစ္ေဆးခ်က္အရ အမ်ိဳးသမီးမ်ားကို တ႐ုတ္ႏိုင္ငံသို႔ ခ်ိတ္ဆက္ပို႔ေဆာင္ေပးေနသည့္ လူေမွာင္ခိုပြဲစားျဖစ္သူ သန္းေဌးဝင္း(ခ)သန္းေဌးအား မတ္လ ၂၈ ရက္တြင္ ေျမာက္ဥကၠလာပၿမိဳ႕နယ္၊ (ဈ)ရပ္ကြက္၊ ေခမာသီလမ္းရွိ Relex မိုတယ္၌ ထပ္မံဖမ္းဆီးရမိခဲ့ေၾကာင္း ထုတ္ျပန္ခ်က္အရ ေဖာ္ျပထားသည္။
ဖမ္းဆီးရမိသူမ်ားအား စိစစ္ေဖာ္ထုတ္ခ်က္အရ ျမတ္သူသည္ Telegram မွတစ္ဆင့္ ခ်စ္ႀကိဳက္ခဲ့သည့္ အမ်ိဳးသမီးငယ္ႏွင့္အတူ မတ္လ ၂၃ ရက္တြင္ ေျမာက္ဥကၠလာပၿမိဳ႕နယ္ရွိ ေ႐ႊျပည္စံတည္းခိုခန္း၌ တည္းခိုေနထိုင္ခဲ့ၿပီး ထိုသို႔ေနထိုင္စဥ္ ေငြေၾကးလိုအပ္ခ်က္ေၾကာင့္ ၎အမ်ိဳးသမီးငယ္၏ နားကပ္အား ေငြက်ပ္ ၂၀၀,၀၀၀ ျဖင့္လည္းေကာင္း၊ လက္ကိုင္ဖုန္းအား ေငြက်ပ္ ၁၃၀,၀၀၀ ျဖင့္လည္းေကာင္း ေရာင္းခ်သုံးစြဲခဲ့ေၾကာင္း သိရသည္။
ထို႔ေနာက္ မတ္လ ၂၇ ရက္တြင္ မူဆယ္ၿမိဳ႕ေန လူေမွာင္ခိုပြဲစားျဖစ္သူ မီးမီးထံဆက္သြယ္၍ အမ်ိဳးသမီးငယ္အား တ႐ုတ္ဇနီးမယား အျဖစ္လုပ္ကိုင္ရန္ တ႐ုတ္ႏိုင္ငံသို႔ ပို႔ေဆာင္လိုေၾကာင္း ေျပာဆိုခဲ့ရာ မီးမီးမွ ပြဲစားခအျဖစ္ တ႐ုတ္ေငြ ယြမ္ ၂,၀၀၀ ႏွင့္ အမ်ိဳးသမီးငယ္အတြက္ တ႐ုတ္ေငြ ယြမ္ ၂၀,၀၀၀ ရရွိမည္ဟု ျပန္လည္ေျပာဆိုခဲ့ရာ ျမတ္သူမွ အဆိုပါအမ်ိဳးသမီးငယ္အား မႏၲေလးၿမိဳ႕သို႔ လိမ္လည္ေခၚေဆာင္၍ ၎မွတစ္ဆင့္ မူဆယ္ၿမိဳ႕သို႔ ဆက္လက္ပို႔ေဆာင္ရန္ စီစဥ္ခဲ့ေၾကာင္း သိရသည္။
အလားတူ ျမတ္သူသည္ ေဖေဖာ္ဝါရီလ ၁၃ ရက္တြင္ ၎ႏွင့္ခ်စ္ႀကိဳက္ေနသည့္ မႏၲေလးတိုင္းေဒသႀကီး၊ ခ်မ္းျမသာစည္ၿမိဳ႕ နယ္တြင္ေနထိုင္သူ အမ်ိဳးသမီးတစ္ဦးအား ျပင္ဦးလြင္ၿမိဳ႕ရွိ အေမ့အိမ္တည္းခိုခန္းသို႔ ေခၚယူေပါင္းသင္းခဲ့ၿပီးေနာက္ ပြဲစားျဖစ္သူ သန္းေဌးဝင္း(ခ)သန္းေဌးႏွင့္ဆက္သြယ္၍ ၎အမ်ိဳးသမီးအား တ႐ုတ္ႏိုင္ငံသို႔ပို႔ေဆာင္ေပးရန္ ေျပာဆိုခဲ့ေၾကာင္း သိရသည္။
ထို႔ေနာက္ ေဖေဖာ္ဝါရီလ ၂၀ ရက္တြင္ ၎အမ်ိဳးသမီးႏွင့္အတူ ျပင္ဦးလြင္ၿမိဳ႕မွ မႏၲေလးၿမိဳ႕သို႔ ျပန္လာခဲ့ၿပီး ကြၽဲဆည္ကန္ကားႀကီးဝင္းအနီးရွိ Power Land တည္းခိုခန္း၌ တည္းခိုေနထိုင္ခဲ့ၿပီးေနာက္ မတ္လ ၁၁ ရက္တြင္ သန္းေဌးဝင္း(ခ)သန္းေဌးမွ ၎အမ်ိဳးသမီးအား တ႐ုတ္ဇနီးမယားအျဖစ္လုပ္ကိုင္ရန္ ေငြက်ပ္ သိန္း ၁၂၀ ျဖင့္ ညႇိႏႈိင္းကာ မႏၲေလးၿမိဳ႕မွ ေမာ္ေတာ္ယာဥ္ျဖင့္ မူဆယ္ၿမိဳ႕သို႔ ပို႔ေဆာင္ခဲ့ၿပီး တ႐ုတ္ႏိုင္ငံ၊ ေ႐ႊလီၿမိဳ႕သို႔ ဆက္လက္ပို႔ေဆာင္ခဲ့ေၾကာင္း သိရသည္။
လူေမွာင္ခိုပြဲစားျဖစ္သူ သန္းေဌးဝင္း(ခ)သန္းေဌးသည္ ၂၀၂၄ ခုႏွစ္၊ ေအာက္တိုဘာလ ၁၄ ရက္မွ ၂၀၂၅ ခုႏွစ္၊ ေဖေဖာ္ဝါရီလ ၂ ရက္အထိ ဖမ္းဆီးရန္က်န္ လူေမွာင္ခိုပြဲစားမ်ားျဖစ္သည့္ ေဇာ္ထက္၊ သားႀကီး၊ အခြန္၊ သူရေဇာ္တို႔ႏွင့္ခ်ိတ္ဆက္၍ အမ်ိဳးသမီးငယ္ ၂ ဦးအား အလားတူ တ႐ုတ္ႏိုင္ငံသို႔ ပို႔ေဆာင္ခဲ့ၿပီး တစ္ဦးလွ်င္ ေငြက်ပ္ သိန္း ၁၃၀ မွ ၁၄၀ အထိ ရရွိခဲ့ေၾကာင္း ထုတ္ျပန္ခ်က္အရ သိရသည္။
ျဖစ္စဥ္ေဖာ္ထုတ္သိရွိခ်က္အရ အမ်ိဳးသမီးငယ္မ်ားအား Telegram မွတစ္ဆင့္ဆက္သြယ္၍ ခ်စ္ႀကိဳက္ေၾကာင္းလိမ္လည္လွည့္ျဖားစည္း႐ုံးၿပီး ေငြးေၾကးရယူလိုမႈျဖင့္ ေသြးေဆာင္ျဖားေယာင္းကာ တ႐ုတ္ႏိုင္ငံသို႔ လိမ္လည္ပို႔ေဆာင္ေနသည့္ ျမတ္သူႏွင့္ လူေမွာင္ခိုပြဲစား သန္းေဌးဝင္း(ခ) သန္းေဌးတို႔အား လူကုန္ကူးမႈတားဆီးႏွိမ္နင္းေရးဥပေဒမ်ားႏွင့္အညီ ထိထိေရာက္ေရာက္အေရးယူႏိုင္ေရး ေဆာင္႐ြက္လ်က္ရွိၿပီး ဖမ္းဆီးရန္က်န္ တရားခံမ်ားျဖစ္ေသာ မီးမီး၊ ေဇာ္ထက္၊ သားႀကီး၊ အခြန္ႏွင့္ သူရေဇာ္တို႔အား ဖမ္းဆီးရမိေရး ဆက္လက္ေဆာင္႐ြက္လ်က္ရွိေၾကာင္း သိရသည္။