အာဖဂန် ကလေး(၇)ဦး၊ အရပ်သား(၁ဝ)ဦးသေဆုံးခဲ့သော အမေရိကန်တို့၏ ပစ်ခတ်သတ်ဖြတ်မှုနှင့် လွဲချော်နေသောထုတ်ပြန်ချက်များ
1120
Htay Oung (NP News) - ဖေဖော်ဝါရီ ၇
လွန်ခဲ့သည့် ဩဂုတ်လတွင် အာဖဂန်နစ္စတန်နိုင်ငံ ကဘူးလ်အပြည်ပြည်ဆိုင်ရာလေဆိပ်၌ အမေရိကန်တပ်ဖွဲ့ဝင် ၁၃ ဦးနှင့် အရပ်သား ၁၇ဝ ထက်မနည်း သေဆုံးခဲ့ရသည့် တိုက်ခိုက်မှုမှာ အိုင်အက်စ်အစွန်းရောက် အသေခံဗုံးခွဲသမား တစ်ဦးတည်းက လုပ်ဆောင်ခဲ့ခြင်းဖြစ်ပြီး အခင်းဖြစ်ပွားစဉ် ရှိနေသူတို့က လူစုလူဝေးအတွင်းသို့ ပစ်ခတ်မှုများ ပါဝင်ခြင်းမရှိခဲ့ကြောင်း ပင်တာဂွန်စစ်ဌာနချုပ်က သောကြာနေ့တွင် အစီရင်ခံသည်ဟု New York Times က ရေးသားသည်။
အာဖဂန်မြို့တော်ကို စွန့်ခွာထွက်ပြေးရန် ကြိုးပမ်းနေသည့် ကဘူးလ်လေဆိပ်ရောက် လူအုပ်ကြီးအတွင်းသို့ စစ်သွေးကြွတို့က သေနတ်ဖြင့် ပစ်ခတ်ခဲ့သဖြင့် သေဆုံးဒဏ်ရာရရှိအချို့ ဖြစ်ပေါ်စေခဲ့ကြောင်း အမေရိကန်တပ်မတော် ဦးဆောင်စုံစမ်းစစ်ဆေးရေးအဖွဲ၏ ကနဦးတွေ့ရှိချက်များနှင့် ယခုအစီရင်ခံစာမှာ ဆန့်ကျင်ကွဲလွဲလျှက်ရှိသည်။ ထို့ပြင် အက်ဘေးဂိတ် လေဆိပ်ရှော့ပင်းစင်တာ ဝင်ပေါက်အနီး လူအုပ်အတွင်းသို့ မရိန်းတပ်သားများက သေ စေလောက်သော လက်နက်ဖြင့် ပစ်ခတ်ခဲ့ရာတွင် တပ်ဖွဲ့ဝင်အချို့အား သံသယရှိသည်ဆိုခြင်းကိုလည်း ပင်တဂွန်အစီရင်ခံစာ၌ ပယ်ချထားသည်။ မရိန်းတပ်သားများ ပစ်ခတ်ခဲ့သည့် သေနတ်ကျည်အမြောက်အများမှာ သြဂုတ်လ ၂၆ ရက် အဆိုပါတိုက်ခိုက်မှုအပြီး၌ တွေ့ရှိရခြင်းသာဖြစ်ကြောင်း၊ အမေရိကန် သို့မဟုတ် အာဖဂန်လူမျိုး တစ်ဦးဦး၏ သေနတ်ဖြင့်ပစ်ခတ်မှုကြောင့် ထိမှန် သို့မဟုတ် သေဆုံးကြောင်း တပ်အပ်သေချာပြောဆိုနိုင်သည့် သက်သေအထောက်အထား မတွေ့ရကြောင်း စစ်ဌာနချုပ်အကြီးအကဲ ဗိုလ်ချုပ်ကြီး ကဲနက် မက္ကင်ဇီ ဂျူနီယာက ဖလော်ရီဒါရှိ ၎င်း၏ရုံးခန်းမှ ဗွီဒီယိုကွန်ဖရင့်စံနစ်ဖြင့် သတင်းထောက်များအား ပြောဆိုသည်။ သို့သော် အမေရိကန်စစ်တပ်၏ အကဲဖြတ်ချက်မှာ ထိုနေ့ ဖြစ်ပျက်ခဲ့သည့် အဖြစ်အပျက်၏ တစ်စိတ်တစ်ပိုင်းကိုသာ ပေါ်လွင်စေသည်။ စုံစမ်းစစ်ဆေးသူများသည် မည်သည့် အာဖဂန်မျက်မြင် သက်သေများနှင့်မျှ စကားပြောဆိုမှုမရှိခဲ့ခြင်း၊ ထိုစဉ်က တာဝန်ကျတပ်ဖွဲ့ဝင်များ နှုတ်ထွက်ကုန်ခြင်းကြောင့် စနစ်တကျမရှိဘဲ ၎င်းတို့၏ ကောက်ချက်ချရာတွင် ဒရုန်းမှ ရိုက်ကူးသော ရုပ်သံကို မှီခိုနေရခြင်းကြောင့်ဖြစ်သည်။ ဗုံးခွဲတိုက်ခိုက်မှုသည် အာဖဂန်နစ္စတန်တွင် နှစ်ပေါင်း (၂ဝ)ကြာ စစ်ပွဲကို အဆုံးသတ်ရာတွင် တစ်ပူပေါ် နှစ်ပူဆင့်ခဲ့သည်။ အများစု အသက် ၂၅ နှစ်အောက်စစ်မှုထမ်းလူငယ်တို့၏ အမေရိကန်အလံလွှမ်းအုပ်ထားသော ခေါင်းတလား ၁၃ လုံးကို ဒဲလာဝဲရှိ ဒိုဗာ လေတပ်အခြေ စိုက်စခန်းသို့ ပို့ဆောင်ခဲ့ပြီး အမေရိကန်နိုင်ငံတဝန်း၌ ဈာပနအခမ်းအနားများ ဆက်တိုက်ကျင်းပခဲ့ကြသည်။
တိုက်ခိုက်မှုအပြီး ချက်ချင်းဆိုသလို ထွက်ပေါ်လာခဲ့သည့် ပင်တာဂွန်စစ်ဌာနချုပ်နှင့် မြေပြင်သတင်းထုတ်ပြန်ချက် မှတ်တမ်းများမှာ အကြိမ်ပေါင်းများစွာ ပြောင်းလဲခဲ့သည်။ အာဖဂန်ဒေသန္တရအိုင်အက်စ်အဖွဲ့အစည်းဖြစ်သည့် ခိုရမ်ဆမ်အိုင်အက်စ်အဖွဲ့၏ လေဆိပ်အနီးရှိ တိုက်ခိုက်ရေးသမားတို့က လက်နက်များဖြင့် စတင်ပစ်ခတ်ကြောင်း အမေရိကန် ကာကွယ်ရေးဝန်ကြီးဌာနတာဝန်ရှိသူများက ကနဦးတွင် ပြောကြားခဲ့သည်။ သို့သော် နောက်ပိုင်းတွင် ထိုသို့ မဟုတ်ကြောင်း ရှင်းလင်းပြန်သည်။ အခင်းဖြစ်ပွားရာနေရာအနီးရှိ လူအချို့က မရိန်းတပ်သားများအနေဖြင့် လူအုပ်အတွင်းသို့ မဲမဲမြင်ရာ သေနတ်ဖြင့် ရမ်းသမ်းပစ်ခတ်သည်ဟု ယုံကြည်နေပုံရပြီး မရိန်းတပ်သားများက ပစ်သတ်ခဲ့ခြင်းဖြစ်သည်ဟု ပြောဆိုကြသည်။ လေဆိပ်အနီးရှိ ဗြိတိန်နှင့် အမေရိကန်တပ်ဖွဲ့တို့က သတိပေးသည့်အနေဖြင့် လေထဲသို့ သေနတ်ပစ် ဖောက်ခဲ့ကြောင်း ကနဦးစုံစမ်းစစ်ဆေးသူများက ပြောကြားခဲ့သော်လည်း သောကြာနေ့ အမေရိကန်စစ်ဌာနချုပ်၏ ထုတ်ပြန်ချက်၌ ထိုသို့ပစ်ခတ်ခဲ့ခြင်းမရှိကြောင်း ဖော်ပြထားသည်။
သို့သော် အက်ဘေးဂိတ်ဗုံးခွဲခံရပြီး ၃ ရက်အကြာ၌ အမေရိကန်စစ်တပ်၏ အကြီးမားဆုံး အမှားအယွင်းတစ်ခု ထွက်ပေါ်လာပြန်သည်။ ဟာမစ်ကာဇိုင်း အပြည်ပြည်ဆိုင်ရာလေဆိပ်အား နောက်ထပ်တိုက်ခိုက်မည်ကို စိုးရွံလျက်ရှိသည့် အမေရိကန်အရာရှိတို့၏ သြဂုတ်လ ၂၉ ရက်နေ့ ဒရုန်းယာဉ်ဖြင့် တိုက်ခိုက်မှုမှာ ဖောက်ခွဲရေးပစ္စည်းများ မဟုတ်ဘဲ ရေသန့်ဘူးများ တင်ဆောင်လာသော အဖြူရောင်တိုယိုတာကို ထိမှန်ခဲ့သည်။ တိုက်ခိုက်မှုကို ကြီးကြပ်သည့် တာဝန်ရှိသူများသည် ပစ်ခတ်ခြင်းမတိုင်မီ နှစ်မိနစ်ခန့်အလိုတွင် ကားပေါ်တွင် ကလေး တစ်ဦးရှိနေကြောင်း ပြသသည့် ဗီဒီယိုမှတ်တမ်းကို သတိမပြုမိခဲ့ပေ။ နောက်ဆုံးတွင် ကလေး ၇ ဦးအပါအဝင် အရပ်သား ၁ဝ ဦး သေဆုံးခဲ့သည်။ ပင်တာဂွန်၏ အက်ဘေးဂိတ်စုံစမ်းစစ်ဆေးမှု ယခုအစီရင်ခံစာသည် တပ်မှူးများ၏ ကနဦးအကဲဖြတ်ချက်များကို ပြောင်းပြန်ဖြစ်နေကြောင်း မက္ကင်ဇီက အသိအမှတ်ပြုခဲ့ပြီး စစ်မြေပြင်သည် ရှုပ်ထွေး၍ ကွဲလွဲခြားနားလျှက်ရှိသော နေရာဖြစ်၍ အမှန်တကယ်ဆုံးဖြတ်ရန် နီးကပ်လာသည်နှင့်အမျှ ပိုမိုရှုပ်ထွေးသွားကြောင်း သောကြာနေ့တွင် ဝန်ခံခဲ့သည်။
ဥပမာအားဖြင့် အသေခံဗုံးပေါက်ကွဲမှုတွင် လွင့်စင်လာသော စတီးလ်ဘောစေ့များမှာ သေနတ်ကျည်ဆန်ကဲ့သို့ ဒဏ်ရာများ ဖြစ်ပေါ်စေတတ်ကြောင်း၊ လပေါင်းအတန်ကြာ စုံစမ်းစစ်ဆေးမှုတွင် ပါဝင်သူများသည် မျက်မြင်သက်သေများ၏ ထွက်ဆိုချက်၊ ဆေးဘက်ဆိုင်ရာ စစ်ဆေးသူများ၏ တွေ့ရှိချက်များ ပေါက်ကွဲပြီးနောက် မိနစ်ပိုင်းအတွင်း ပျံတက်သွားခဲ့သည့် MQ-9 ဒရုန်းမှ ဗီဒီယိုမှတ်တမ်းများကို အထောက်အထားပြုခဲ့ကြောင်း၊ အက်ဘေးဂိတ် စစ်ဆင်ရေးတစ်လျှောက်တွင် စစ်ဖက်ဆိုင်ရာခေါင်းဆောင်များသည် ၎င်းတို့၏တပ်ဖွဲ့များကို ကာကွယ်ရန် သင့်လျော်သောအစီအမံများကို လုပ်ဆောင်ခဲ့ကြောင်း၊ သြဂုတ်လ ၁၆ ရက်နေ့တွင် အာဖဂန်အစိုးရမှာ တာလီဘန်တို့လက်တွင်း ကျရောက်သွားပြီးနောက် ပြည်ပမဟာမိတ်တို့မှာ မိမိတို့၏ နိုင်ငံသားများကို ဘေးလွတ်ရာသို့ ရွှေ့ပြောင်းရန်အလျင်စလို လုပ်ဆောင်နေခဲ့ကြောင်း၊ လေယာဉ်ကွင်းအပြည့် လွှမ်းမိုးနေသည့် အာဖဂန်လူအုပ်ကြီးကို တားဆီးရန် အာဏာပိုင်များက ဆန္ဒရှိသော်လည်း မတတ်နိုင်ခဲ့ကြောင်း စုံစမ်းစစ်ဆေးသူများက ပြောဆိုသည်။ ဗုံးခွဲသူကိုယ်တိုင်က လေဆိပ်အနီး တာလီဘန်စစ်ဆေးရေးဂိတ်များကို ရှောင်တိမ်းသည့် အခြားလမ်းကြောင်းကို အသုံးပြုကာ လေယာဉ်ကွင်းရှိ အက်ဘေးဂတ်သို့ ရောက်ရှိလာရန် အဖြစ်နိုင်ဆုံးဟု ယူဆကြောင်း၊ ၎င်းကို စောင့်ကြပ်နေသူများက သတိပြုမိခြင်းမှလွဲ၍ အာရုံစူးစိုက်ခြင်းမရှိခဲ့ကြောင်း၊ တာလီဘန်များသည် တိုက်ခိုက်မှုတွင် ပါဝင်ပတ်သက် သို့မဟုတ် ပေါ့ဆသည်ဟု သက်သေမတွေ့ရှိရကြောင်း၊ ဗုံးခွဲသူသည် ၅ မီလီမီတာအရွယ် စတီးလ်ဘောစေ့ငယ်များပါဝင်သည့် ပေါင် ၂ဝ အလေးချိန်ရှိ ဖောက်ခွဲရေးပစ္စည်းများကို ကျောပိုးအိတ် (သို့မဟုတ်) ကိုယ်ကြပ်ဝတ်စုံဖြင့် သယ်ဆောင်လာကာ ဖောက်ခွဲခဲ့ခြင်းဖြစ်ကြောင်း၊ အမေရိကန်နှင့် နိုင်ငံခြားထောက်လှမ်းရေး အရာရှိများသည် တိုက်ခိုက်သူ၏ ကိုယ်ရေးအကျဉ်းကို စုစည်းထားပြီး FBI က သီးခြား စုံစမ်းစစ်ဆေးမှုများ ပြုလုပ်ခဲ့ကြောင်း၊ အသေခံ ဗုံးခွဲသူသည် အဗ္ဗဒူ ရာမန် အယ်လ်လိုဂါရီအမည်ရှိ အင်ဂျင်နီယာကျောင်းသားဟောင်းတစ်ဦးဖြစ်ကြောင်း၊ ခိုရန်ဆမ်အိုင်အက်စ်မှ တိုက်ခိုက်ရေးသမားဖြစ်ပြီး သြဂုတ်လ ၁၅ ရက်နေ့တွင် တာလီဘန်တို့က ကဘူးလ်မြို့ကို သိမ်းပိုက်ပြီးနောက် လုံခြုံရေးမြင့်မားသော အကျဉ်းထောင်နှစ်ခုမှ လွတ်မြောက်လာသည့် စစ်သွေးကြွ ထောင်ပေါင်းများစွာအနက် တစ်ဦးဖြစ်ကြောင်း စုံစမ်းစစ်ဆေးသူများက ရှင်းပြသည်။
၂ဝ၁၇ ခုနှစ်တွင် နယူးဒေလီ၌ အသေခံဗုံးခွဲရန် ကြံစည်နေသည်ဟု အိန္ဒိယထောက်လှမ်းရေး အေးဂျင့်များအား CIA က သတင်းပေးခဲ့သော စာရင်းတွင် လော့ဂါရီပါဝင်သည်။ အိန္ဒိယ အာဏာပိုင်များသည် တိုက်ခိုက်မှုကို တားဆီးနိုင်ခဲ့ပြီး လော့ဂါရီအား CIA လက်သို့ လွှဲပြောင်းပေးခဲ့ရာ အာဖဂန် ဘက်ဂရမ်လေတပ်စခန်းရှိ ပါဝမ်အကျဉ်းထောင်၌ ချုပ်နှောင်ထားခဲ့ကြောင်း၊ ကာဘူးလ်အစိုးရ ပြုတ်ကျပြီး မငြိမ်မသက်ဖြစ်မှုများ ဖြစ်ပွား၍ လွတ်မြောက်အချိန်အထိ ၎င်းအကျဉ်းထောင်တွင် ရှိနေခဲ့ကြောင်း၊ လော့ဂါရီသည် စီးပွားရေးကိစ္စအတွက် အိန္ဒိယနှင့် ပါကစ္စတန်သို့ မကြာခဏ လာရောက်လည်ပတ်သည့် အာဖဂန်ကုန်သည်တစ်ဦး၏သားဖြစ်ကြောင်း၊ အမေရိကန်နှင့် အိန္ဒိယအာဏာပိုင်များ၏ ပြောကြားချက်အရ အင်ဂျင်နီယာဘာသာရပ်ကို သင်ယူရန် ၂ဝ၁၇ ခုနှစ်တွင် အိန္ဒိယနိုင်ငံသို့ ပြောင်းရွှေ့သွားခဲ့ကြောင်း သိရှိရသည်။ သို့သော် အာဖဂန်တွင် အကျဉ်းထောင်နှစ်ခု၌ အချိန်ကုန်ခဲ့ရသည့် လော့ဂါရီသည် လွတ်မြောက်ပြီး ရက်ပိုင်းအတွင်း ကဘူးလ် ခိုရမ်ဆမ်အိုင်အက်စ်တို့နှင့် မည်ကဲ့သို့ချိတ်ဆက်ခဲ့သည်ကို ရှင်းလင်းစွာ မသိရချေ။
Zawgyi Version;
အာဖဂန္ ကေလး(၇)ဦး၊ အရပ္သား(၁ဝ)ဦးေသဆုံးခဲ့ေသာ အေမရိကန္တို႔၏ ပစ္ခတ္သတ္ျဖတ္မႈႏွင့္ လြဲေခ်ာ္ေနေသာထုတ္ျပန္ခ်က္မ်ား
Htay Oung (NP News) - ေဖေဖာ္ဝါရီ ၇
လြန္ခဲ့သည့္ ဩဂုတ္လတြင္ အာဖဂန္နစၥတန္ႏိုင္ငံ ကဘူးလ္အျပည္ျပည္ဆိုင္ရာေလဆိပ္၌ အေမရိကန္တပ္ဖြဲ႕ဝင္ ၁၃ ဦးႏွင့္ အရပ္သား ၁၇ဝ ထက္မနည္း ေသဆုံးခဲ့ရသည့္ တိုက္ခိုက္မႈမွာ အိုင္အက္စ္အစြန္းေရာက္ အေသခံဗုံးခြဲသမား တစ္ဦးတည္းက လုပ္ေဆာင္ခဲ့ျခင္းျဖစ္ၿပီး အခင္းျဖစ္ပြားစဥ္ ရွိေနသူတို႔က လူစုလူေဝးအတြင္းသို႔ ပစ္ခတ္မႈမ်ား ပါဝင္ျခင္းမရွိခဲ့ေၾကာင္း ပင္တာဂြန္စစ္ဌာနခ်ဳပ္က ေသာၾကာေန႔တြင္ အစီရင္ခံသည္ဟု New York Times က ေရးသားသည္။
အာဖဂန္ၿမိဳ႕ေတာ္ကို စြန႔္ခြာထြက္ေျပးရန္ ႀကိဳးပမ္းေနသည့္ ကဘူးလ္ေလဆိပ္ေရာက္ လူအုပ္ႀကီးအတြင္းသို႔ စစ္ေသြးႂကြတို႔က ေသနတ္ျဖင့္ ပစ္ခတ္ခဲ့သျဖင့္ ေသဆုံးဒဏ္ရာရရွိအခ်ိဳ႕ ျဖစ္ေပၚေစခဲ့ေၾကာင္း အေမရိကန္တပ္မေတာ္ ဦးေဆာင္စုံစမ္းစစ္ေဆးေရးအဖြဲ၏ ကနဦးေတြ႕ရွိခ်က္မ်ားႏွင့္ ယခုအစီရင္ခံစာမွာ ဆန႔္က်င္ကြဲလြဲလွ်က္ရွိသည္။ ထို႔ျပင္ အက္ေဘးဂိတ္ ေလဆိပ္ေရွာ့ပင္းစင္တာ ဝင္ေပါက္အနီး လူအုပ္အတြင္းသို႔ မရိန္းတပ္သားမ်ားက ေသ ေစေလာက္ေသာ လက္နက္ျဖင့္ ပစ္ခတ္ခဲ့ရာတြင္ တပ္ဖြဲ႕ဝင္အခ်ိဳ႕အား သံသယရွိသည္ဆိုျခင္းကိုလည္း ပင္တဂြန္အစီရင္ခံစာ၌ ပယ္ခ်ထားသည္။ မရိန္းတပ္သားမ်ား ပစ္ခတ္ခဲ့သည့္ ေသနတ္က်ည္အေျမာက္အမ်ားမွာ ၾသဂုတ္လ ၂၆ ရက္ အဆိုပါတိုက္ခိုက္မႈအၿပီး၌ ေတြ႕ရွိရျခင္းသာျဖစ္ေၾကာင္း၊ အေမရိကန္ သို႔မဟုတ္ အာဖဂန္လူမ်ိဳး တစ္ဦးဦး၏ ေသနတ္ျဖင့္ပစ္ခတ္မႈေၾကာင့္ ထိမွန္ သို႔မဟုတ္ ေသဆုံးေၾကာင္း တပ္အပ္ေသခ်ာေျပာဆိုႏိုင္သည့္ သက္ေသအေထာက္အထား မေတြ႕ရေၾကာင္း စစ္ဌာနခ်ဳပ္အႀကီးအကဲ ဗိုလ္ခ်ဳပ္ႀကီး ကဲနက္ မကၠင္ဇီ ဂ်ဴနီယာက ဖေလာ္ရီဒါရွိ ၎၏႐ုံးခန္းမွ ဗြီဒီယိုကြန္ဖရင့္စံနစ္ျဖင့္ သတင္းေထာက္မ်ားအား ေျပာဆိုသည္။ သို႔ေသာ္ အေမရိကန္စစ္တပ္၏ အကဲျဖတ္ခ်က္မွာ ထိုေန႔ ျဖစ္ပ်က္ခဲ့သည့္ အျဖစ္အပ်က္၏ တစ္စိတ္တစ္ပိုင္းကိုသာ ေပၚလြင္ေစသည္။ စုံစမ္းစစ္ေဆးသူမ်ားသည္ မည္သည့္ အာဖဂန္မ်က္ျမင္ သက္ေသမ်ားႏွင့္မွ် စကားေျပာဆိုမႈမရွိခဲ့ျခင္း၊ ထိုစဥ္က တာဝန္က်တပ္ဖြဲ႕ဝင္မ်ား ႏႈတ္ထြက္ကုန္ျခင္းေၾကာင့္ စနစ္တက်မရွိဘဲ ၎တို႔၏ ေကာက္ခ်က္ခ်ရာတြင္ ဒ႐ုန္းမွ ႐ိုက္ကူးေသာ ႐ုပ္သံကို မွီခိုေနရျခင္းေၾကာင့္ျဖစ္သည္။ ဗုံးခြဲတိုက္ခိုက္မႈသည္ အာဖဂန္နစၥတန္တြင္ ႏွစ္ေပါင္း (၂ဝ)ၾကာ စစ္ပြဲကို အဆုံးသတ္ရာတြင္ တစ္ပူေပၚ ႏွစ္ပူဆင့္ခဲ့သည္။ အမ်ားစု အသက္ ၂၅ ႏွစ္ေအာက္စစ္မႈထမ္းလူငယ္တို႔၏ အေမရိကန္အလံလႊမ္းအုပ္ထားေသာ ေခါင္းတလား ၁၃ လုံးကို ဒဲလာဝဲရွိ ဒိုဗာ ေလတပ္အေျခ စိုက္စခန္းသို႔ ပို႔ေဆာင္ခဲ့ၿပီး အေမရိကန္ႏိုင္ငံတဝန္း၌ ဈာပနအခမ္းအနားမ်ား ဆက္တိုက္က်င္းပခဲ့ၾကသည္။
တိုက္ခိုက္မႈအၿပီး ခ်က္ခ်င္းဆိုသလို ထြက္ေပၚလာခဲ့သည့္ ပင္တာဂြန္စစ္ဌာနခ်ဳပ္ႏွင့္ ေျမျပင္သတင္းထုတ္ျပန္ခ်က္ မွတ္တမ္းမ်ားမွာ အႀကိမ္ေပါင္းမ်ားစြာ ေျပာင္းလဲခဲ့သည္။ အာဖဂန္ေဒသႏၲရအိုင္အက္စ္အဖြဲ႕အစည္းျဖစ္သည့္ ခိုရမ္ဆမ္အိုင္အက္စ္အဖြဲ႕၏ ေလဆိပ္အနီးရွိ တိုက္ခိုက္ေရးသမားတို႔က လက္နက္မ်ားျဖင့္ စတင္ပစ္ခတ္ေၾကာင္း အေမရိကန္ ကာကြယ္ေရးဝန္ႀကီးဌာနတာဝန္ရွိသူမ်ားက ကနဦးတြင္ ေျပာၾကားခဲ့သည္။ သို႔ေသာ္ ေနာက္ပိုင္းတြင္ ထိုသို႔ မဟုတ္ေၾကာင္း ရွင္းလင္းျပန္သည္။ အခင္းျဖစ္ပြားရာေနရာအနီးရွိ လူအခ်ိဳ႕က မရိန္းတပ္သားမ်ားအေနျဖင့္ လူအုပ္အတြင္းသို႔ မဲမဲျမင္ရာ ေသနတ္ျဖင့္ ရမ္းသမ္းပစ္ခတ္သည္ဟု ယုံၾကည္ေနပုံရၿပီး မရိန္းတပ္သားမ်ားက ပစ္သတ္ခဲ့ျခင္းျဖစ္သည္ဟု ေျပာဆိုၾကသည္။ ေလဆိပ္အနီးရွိ ၿဗိတိန္ႏွင့္ အေမရိကန္တပ္ဖြဲ႕တို႔က သတိေပးသည့္အေနျဖင့္ ေလထဲသို႔ ေသနတ္ပစ္ ေဖာက္ခဲ့ေၾကာင္း ကနဦးစုံစမ္းစစ္ေဆးသူမ်ားက ေျပာၾကားခဲ့ေသာ္လည္း ေသာၾကာေန႔ အေမရိကန္စစ္ဌာနခ်ဳပ္၏ ထုတ္ျပန္ခ်က္၌ ထိုသို႔ပစ္ခတ္ခဲ့ျခင္းမရွိေၾကာင္း ေဖာ္ျပထားသည္။
သို႔ေသာ္ အက္ေဘးဂိတ္ဗုံးခြဲခံရၿပီး ၃ ရက္အၾကာ၌ အေမရိကန္စစ္တပ္၏ အႀကီးမားဆုံး အမွားအယြင္းတစ္ခု ထြက္ေပၚလာျပန္သည္။ ဟာမစ္ကာဇိုင္း အျပည္ျပည္ဆိုင္ရာေလဆိပ္အား ေနာက္ထပ္တိုက္ခိုက္မည္ကို စိုး႐ြံလ်က္ရွိသည့္ အေမရိကန္အရာရွိတို႔၏ ၾသဂုတ္လ ၂၉ ရက္ေန႔ ဒ႐ုန္းယာဥ္ျဖင့္ တိုက္ခိုက္မႈမွာ ေဖာက္ခြဲေရးပစၥည္းမ်ား မဟုတ္ဘဲ ေရသန႔္ဘူးမ်ား တင္ေဆာင္လာေသာ အျဖဴေရာင္တိုယိုတာကို ထိမွန္ခဲ့သည္။ တိုက္ခိုက္မႈကို ႀကီးၾကပ္သည့္ တာဝန္ရွိသူမ်ားသည္ ပစ္ခတ္ျခင္းမတိုင္မီ ႏွစ္မိနစ္ခန႔္အလိုတြင္ ကားေပၚတြင္ ကေလး တစ္ဦးရွိေနေၾကာင္း ျပသသည့္ ဗီဒီယိုမွတ္တမ္းကို သတိမျပဳမိခဲ့ေပ။ ေနာက္ဆုံးတြင္ ကေလး ၇ ဦးအပါအဝင္ အရပ္သား ၁ဝ ဦး ေသဆုံးခဲ့သည္။ ပင္တာဂြန္၏ အက္ေဘးဂိတ္စုံစမ္းစစ္ေဆးမႈ ယခုအစီရင္ခံစာသည္ တပ္မႉးမ်ား၏ ကနဦးအကဲျဖတ္ခ်က္မ်ားကို ေျပာင္းျပန္ျဖစ္ေနေၾကာင္း မကၠင္ဇီက အသိအမွတ္ျပဳခဲ့ၿပီး စစ္ေျမျပင္သည္ ရႈပ္ေထြး၍ ကြဲလြဲျခားနားလွ်က္ရွိေသာ ေနရာျဖစ္၍ အမွန္တကယ္ဆုံးျဖတ္ရန္ နီးကပ္လာသည္ႏွင့္အမွ် ပိုမိုရႈပ္ေထြးသြားေၾကာင္း ေသာၾကာေန႔တြင္ ဝန္ခံခဲ့သည္။
ဥပမာအားျဖင့္ အေသခံဗုံးေပါက္ကြဲမႈတြင္ လြင့္စင္လာေသာ စတီးလ္ေဘာေစ့မ်ားမွာ ေသနတ္က်ည္ဆန္ကဲ့သို႔ ဒဏ္ရာမ်ား ျဖစ္ေပၚေစတတ္ေၾကာင္း၊ လေပါင္းအတန္ၾကာ စုံစမ္းစစ္ေဆးမႈတြင္ ပါဝင္သူမ်ားသည္ မ်က္ျမင္သက္ေသမ်ား၏ ထြက္ဆိုခ်က္၊ ေဆးဘက္ဆိုင္ရာ စစ္ေဆးသူမ်ား၏ ေတြ႕ရွိခ်က္မ်ား ေပါက္ကြဲၿပီးေနာက္ မိနစ္ပိုင္းအတြင္း ပ်ံတက္သြားခဲ့သည့္ MQ-9 ဒ႐ုန္းမွ ဗီဒီယိုမွတ္တမ္းမ်ားကို အေထာက္အထားျပဳခဲ့ေၾကာင္း၊ အက္ေဘးဂိတ္ စစ္ဆင္ေရးတစ္ေလွ်ာက္တြင္ စစ္ဖက္ဆိုင္ရာေခါင္းေဆာင္မ်ားသည္ ၎တို႔၏တပ္ဖြဲ႕မ်ားကို ကာကြယ္ရန္ သင့္ေလ်ာ္ေသာအစီအမံမ်ားကို လုပ္ေဆာင္ခဲ့ေၾကာင္း၊ ၾသဂုတ္လ ၁၆ ရက္ေန႔တြင္ အာဖဂန္အစိုးရမွာ တာလီဘန္တို႔လက္တြင္း က်ေရာက္သြားၿပီးေနာက္ ျပည္ပမဟာမိတ္တို႔မွာ မိမိတို႔၏ ႏိုင္ငံသားမ်ားကို ေဘးလြတ္ရာသို႔ ေ႐ႊ႕ေျပာင္းရန္အလ်င္စလို လုပ္ေဆာင္ေနခဲ့ေၾကာင္း၊ ေလယာဥ္ကြင္းအျပည့္ လႊမ္းမိုးေနသည့္ အာဖဂန္လူအုပ္ႀကီးကို တားဆီးရန္ အာဏာပိုင္မ်ားက ဆႏၵရွိေသာ္လည္း မတတ္ႏိုင္ခဲ့ေၾကာင္း စုံစမ္းစစ္ေဆးသူမ်ားက ေျပာဆိုသည္။ ဗုံးခြဲသူကိုယ္တိုင္က ေလဆိပ္အနီး တာလီဘန္စစ္ေဆးေရးဂိတ္မ်ားကို ေရွာင္တိမ္းသည့္ အျခားလမ္းေၾကာင္းကို အသုံးျပဳကာ ေလယာဥ္ကြင္းရွိ အက္ေဘးဂတ္သို႔ ေရာက္ရွိလာရန္ အျဖစ္ႏိုင္ဆုံးဟု ယူဆေၾကာင္း၊ ၎ကို ေစာင့္ၾကပ္ေနသူမ်ားက သတိျပဳမိျခင္းမွလြဲ၍ အာ႐ုံစူးစိုက္ျခင္းမရွိခဲ့ေၾကာင္း၊ တာလီဘန္မ်ားသည္ တိုက္ခိုက္မႈတြင္ ပါဝင္ပတ္သက္ သို႔မဟုတ္ ေပါ့ဆသည္ဟု သက္ေသမေတြ႕ရွိရေၾကာင္း၊ ဗုံးခြဲသူသည္ ၅ မီလီမီတာအ႐ြယ္ စတီးလ္ေဘာေစ့ငယ္မ်ားပါဝင္သည့္ ေပါင္ ၂ဝ အေလးခ်ိန္ရွိ ေဖာက္ခြဲေရးပစၥည္းမ်ားကို ေက်ာပိုးအိတ္ (သို႔မဟုတ္) ကိုယ္ၾကပ္ဝတ္စုံျဖင့္ သယ္ေဆာင္လာကာ ေဖာက္ခြဲခဲ့ျခင္းျဖစ္ေၾကာင္း၊ အေမရိကန္ႏွင့္ ႏိုင္ငံျခားေထာက္လွမ္းေရး အရာရွိမ်ားသည္ တိုက္ခိုက္သူ၏ ကိုယ္ေရးအက်ဥ္းကို စုစည္းထားၿပီး FBI က သီးျခား စုံစမ္းစစ္ေဆးမႈမ်ား ျပဳလုပ္ခဲ့ေၾကာင္း၊ အေသခံ ဗုံးခြဲသူသည္ အဗၺဒူ ရာမန္ အယ္လ္လိုဂါရီအမည္ရွိ အင္ဂ်င္နီယာေက်ာင္းသားေဟာင္းတစ္ဦးျဖစ္ေၾကာင္း၊ ခိုရန္ဆမ္အိုင္အက္စ္မွ တိုက္ခိုက္ေရးသမားျဖစ္ၿပီး ၾသဂုတ္လ ၁၅ ရက္ေန႔တြင္ တာလီဘန္တို႔က ကဘူးလ္ၿမိဳ႕ကို သိမ္းပိုက္ၿပီးေနာက္ လုံၿခဳံေရးျမင့္မားေသာ အက်ဥ္းေထာင္ႏွစ္ခုမွ လြတ္ေျမာက္လာသည့္ စစ္ေသြးႂကြ ေထာင္ေပါင္းမ်ားစြာအနက္ တစ္ဦးျဖစ္ေၾကာင္း စုံစမ္းစစ္ေဆးသူမ်ားက ရွင္းျပသည္။
၂ဝ၁၇ ခုႏွစ္တြင္ နယူးေဒလီ၌ အေသခံဗုံးခြဲရန္ ႀကံစည္ေနသည္ဟု အိႏၵိယေထာက္လွမ္းေရး ေအးဂ်င့္မ်ားအား CIA က သတင္းေပးခဲ့ေသာ စာရင္းတြင္ ေလာ့ဂါရီပါဝင္သည္။ အိႏၵိယ အာဏာပိုင္မ်ားသည္ တိုက္ခိုက္မႈကို တားဆီးႏိုင္ခဲ့ၿပီး ေလာ့ဂါရီအား CIA လက္သို႔ လႊဲေျပာင္းေပးခဲ့ရာ အာဖဂန္ ဘက္ဂရမ္ေလတပ္စခန္းရွိ ပါဝမ္အက်ဥ္းေထာင္၌ ခ်ဳပ္ေႏွာင္ထားခဲ့ေၾကာင္း၊ ကာဘူးလ္အစိုးရ ျပဳတ္က်ၿပီး မၿငိမ္မသက္ျဖစ္မႈမ်ား ျဖစ္ပြား၍ လြတ္ေျမာက္အခ်ိန္အထိ ၎အက်ဥ္းေထာင္တြင္ ရွိေနခဲ့ေၾကာင္း၊ ေလာ့ဂါရီသည္ စီးပြားေရးကိစၥအတြက္ အိႏၵိယႏွင့္ ပါကစၥတန္သို႔ မၾကာခဏ လာေရာက္လည္ပတ္သည့္ အာဖဂန္ကုန္သည္တစ္ဦး၏သားျဖစ္ေၾကာင္း၊ အေမရိကန္ႏွင့္ အိႏၵိယအာဏာပိုင္မ်ား၏ ေျပာၾကားခ်က္အရ အင္ဂ်င္နီယာဘာသာရပ္ကို သင္ယူရန္ ၂ဝ၁၇ ခုႏွစ္တြင္ အိႏၵိယႏိုင္ငံသို႔ ေျပာင္းေ႐ႊ႕သြားခဲ့ေၾကာင္း သိရွိရသည္။ သို႔ေသာ္ အာဖဂန္တြင္ အက်ဥ္းေထာင္ႏွစ္ခု၌ အခ်ိန္ကုန္ခဲ့ရသည့္ ေလာ့ဂါရီသည္ လြတ္ေျမာက္ၿပီး ရက္ပိုင္းအတြင္း ကဘူးလ္ ခိုရမ္ဆမ္အိုင္အက္စ္တို႔ႏွင့္ မည္ကဲ့သို႔ခ်ိတ္ဆက္ခဲ့သည္ကို ရွင္းလင္းစြာ မသိရေခ်။