ယူကရိန်းစစ်ပွဲကို မနှစ်သက်သည့် ရုရှားနိုင်ငံသားတို့အကြား အမေရိကန်က သူလျှိုမွေးရန် အားထုတ်နေ
560
Htay Oung (NP News) - နိုဝင်ဘာ ၂၃
အလားအလာရှိတဲ့ အေးဂျင့်များကို တိုးမြှင့်မွေးမြူသွားမှာဖြစ်ကြောင်း CIA ထောက် လှမ်းရေးအေဂျင်စီရဲ့ အကြီး အကဲကိုယ်တိုင် လူသိရှင်ကြား ထုတ်ဖော်ပြောဆိုခြင်းဟာ ပြီးခဲ့တဲ့နှစ် အဲ့ဒီရာထူးမှာ တာဝန်ယူပြီးနောက်ပိုင်း သူ့ရဲ့ ပထမဆုံးအကြိမ် လူလုံးထွက်ပြခြင်းနဲ့ တစ်ချိန်တည်းဖြစ်နေတယ်လို့ Wall Street Journal က နိုဝင်ဘာလ ၂၂ ရက်ကရေးသားပါတယ်။
ယူကရိန်းကို ကျူးကျော်ဝင်ရောက်ခြင်းဟာ ရုရှားသမ္မတ ဗလာဒီမာပူတင်အတွက် အကြီးအကျယ် ကျရှုံးမှုဖြစ်ပြီး စစ်ပွဲကို မနှစ်သက်သူ ရုရှားတို့အကြား အနောက် နိုင်ငံထောက်လှမ်းရေးအေဂျင်စီများအတွက် အခွင့်အလမ်းတွေ ဖွင့်ပေးလိုက်သလို ဖြစ်လာရတယ်လို့ ဗဟိုထောက်လှမ်းရေးအေဂျင်စီ CIA ရဲ့ စစ်ဆင်ရေးလက် ထောက်ညွှန်ကြားရေးမှူး ဒေးဗစ်မာလိုက တက္ကသိုလ်ဟောပြောပွဲတက်ရောက်သူ ပရိသတ်များကို ရှင်းပြပါတယ်။
“မကျူးကျော်ခင် တစ်ရက်အလိုဟာ ပူတင့်အတွက် အကောင်းဆုံးအချိန်ပါပဲ။ ယူကရိန်းကို အတင်းအကြပ် ဖိအားပေးတာ၊ နေတိုးအပေါ် သြဇာညောင်းပြီး ရုရှားဟာ အင်အားကြီးတဲ့ နိုင်ငံဖြစ်ကြောင်း သရုပ်ပြနိုင်တုန်းပဲ။ ဗလာဒီမာပူတင်ဟာ အဲ့ဒါတွေအားလုံးကို ဖြုန်းတီးသလို လုပ်ပစ်လိုက်တယ်” လို့ ဂျော့ဂျ်မေဆင် တက္ကသိုလ် ဟေဒင်စင်တာမှာ ဒေးဗစ်မာလိုက ပြောပါတယ်။
“ကျွန်တော်တို့လိုပဲ ရွံရှာမုန်းတီးနေတဲ့ ရုရှားသားတွေကို ကမ္ဘာအနှံ့ ကျွန်တော်တို့ လိုက်ရှာနေပါတယ်။ ဘာဖြစ်လို့လဲဆိုတော့ ကျွန်တော်တို့ အလုပ်လုပ်ဖို့ လမ်းပွင့်နေတာကြောင့် ဖြစ်ပါတယ်"လို့ အမေရိကန်ထောက်လှမ်းရေး အကြီးအကဲက ဆိုပါတယ်။
မာလိုရဲ့ ရှားရှားပါးပါး လူသိရှင်ကြား မှတ်ချက်စကားဟာ တက္ကသိုလ် ပါမောက္ခများ၊ ဝန်ထမ်းများနဲ့ ဖိတ်ကြား ခြင်းခံရသူ ပရိသတ်ရှေ့မှောက် ပြီးခဲ့တဲ့ သီတင်းပတ်မှာ ထွက်ပေါ်လာခြင်း ဖြစ်ပါတယ်။ တနင်္လာနေ့ ဟေဒင်စင်တာမှာ ဒေးဗစ်မာလိုနဲ့ CIA ခွဲခြမ်းစိတ်ဖြာမှုဆိုင်ရာ လက်ထောက်ညွှန်ကြားရေးမှူး လင်ဒါဝိုက်စ်ဂိုးလ်တို့က ပူးတွဲဟောပြောခဲ့ကြပါတယ်။ သူတို့ဟာ သမ္မတဂျိုးဘိုင်ဒန်နဲ့ အခြားအမေရိကန်ထိပ်တန်းအရာရှိများအတွက် ထောက်လှမ်းရေးဆိုင်ရာ အစီရင်ခံစာများကို အချောသပ်ရေးသားပေးရခြင်းများနဲ့ ရှင်းလင်းတင်ပြမှုများကို တာဝန်ယူရသူများ ဖြစ်ပါတယ်။
၂ဝ၂၁ ခုနှစ် ဇွန်လမှာ CIA ညွှန်ကြားရေးမှူး ဝီလျံဘန်းစ်က ရာထူးခန့်အပ်ပေးခဲ့တဲ့ ဒေးဗစ်မာလိုဟာ အာရပ် ဘာသာစကားကို ကျွမ်းကျင်ပိုင်နိုင်စွာ ပြောဆိုတတ်သူတစ်ဦးဖြစ်ပါတယ်။ နိုင်ငံရပ်ခြားရှိ စီအိုင်အေဌာနခွဲ အကြီးအကဲအဖြစ် တာဝန်ထမ်းဆောင်ခဲ့ဖူးပြီး၊ ဗာဂျီးနီးယား၊ လန်ဂလေ စီအိုင်အေရုံးချုပ် အကြီးအကဲ အဖြစ် လည်း အရှေ့အလယ်ပိုင်း ဒေသအပါအဝင် ဥရောပအရှေ့တောင်ပိုင်း ဘော်လကန်ဒေသနိုင်ငံများဆိုင်ရာ မစ်ရှင်အတော်များများတို့မှာ အတွေ့အကြုံရှိသူတစ်ဦးဖြစ်ပါတယ်။
သူပြောဆိုချက် အများစုကတော့ ဖေဖော်ဝါရီလ ယူကရိန်းကျူးကျော်မှုနဲ့ပတ်သက်ပြီး ရုရှားနိုင်ငံသားတို့အကြား မကျေမနပ်မှုများအကြောင်း၊ စိတ်အချဉ်ပေါက်နေတဲ့ စစ်ဘက်ဆိုင်ရာအရာရှိတွေ၊ ဒဏ်ခတ်ပိတ်ဆို့မှုများ လျော့ ပါးလာစေလိုတဲ့ နိုင်ငံရေးသြဇာကြီး ရုရှားသူဋ္ဌေးကြီးတွေ ကြားမှာ စီအိုင်အေ အေးဂျင့်တွေ စုဆောင်းဖို့ ရေခံမြေ ခံ ကောင်းတွေ ဖြစ်လာနေကြောင်း သူ့ရဲ့ စီအိုင်အေ အကြီးတန်းအရာရှိဟောင်းများရဲ့ မကြာသေးမီက ပြောဆိုချက်တွေနဲ့ တစ်ထပ်တည်း ဖြစ်နေပါတယ်။
အဲ့ဒီအထဲမှာ စီအိုင်အေ သင်္ကြန်အမြောက်ပစ်သူတွေ ဘယ်လောက်ပါနေမလဲဆိုတာကိုတော့ မပြောတတ်ပါဘူး။
ဒါပေမယ့် ယူကရိန်းမှာ စစ်ရေးလှုပ်ရှားမှုတွေနဲ့အပြိုင် ဥရောပတစ်ခွင်မှာလည်း လနဲ့ချီ ပြင်းထန်လာနေတဲ့ သူလျှိုစစ်ပွဲဟာ အတိုင်းသား ပေါ်လွင်နေပါတယ်။
သူလျှိုလုပ်တယ်လို့ သံသယရှိတဲ့ ရုရှားသံတမန်တွေကို ဥရောပအစိုးရများက အရေအတွက် ရာချီ နှင်ထုတ်ခဲ့ပြီး မော်စကိုအစိုးရနှင့် ဆက်စပ်မှုမရှိဘဲ အခြားနိုင်ငံရဲ့ သူလျှိုအဖြစ် တရားမဝင်သူ ၂ ဦးထက်မနည်းကို ဖမ်းဆီးခဲ့ပါတယ်။ ကရင်မလင်ကလည်း မော်စကိုနဲ့ အခြားရုရှားမြို့များရှိ အမေရိကန်သံတမန်အရေအတွက်ကို ဖြတ်တောက်ရန် အမိန့်ပေးထားပြီး သူလျှိုလုပ်ဖို့ အခွင့်အလမ်းများကို သိသိသာသာ ကန့်သတ်နေပါတယ်။
ရုရှားသူလျှိုများအဖြစ် သံသယရှိသူ ရာဂဏန်းအရေအတွက်ကို အနောက်ဥရောပအစိုးရတို့က နှင်ထုတ် ပစ်လိုက်ခြင်းဟာ ကရင်မလင်ရဲ့ ထောက်လှမ်းရေးယန္တယားကို အပြင်းအထန် ရိုက်ချိုးလိုက်ခြင်းဖြစ်ကြောင်း ဗြိတိန်နိုင်ငံခြား ထောက်လှမ်းရေးဌာန MI6 အကြီးအကဲက ယခုနှစ်နွေရာသီတုန်းက့ ပြောခဲ့ဖူးပါတယ်။
“နောက်ဆုံးတော့ သံတမန်ရေးအရ လုပ်ဆောင်နေတဲ့ ရုရှားမြောက်ပိုင်းထောက်လှမ်းရေး အရာရှိ ၄၀၀ ကို နှင်ထုတ်လိုက်ပါပြီ" “ယူကေမှာ သူတို့ရဲ့ အလုပ်လုပ်နိုင်စွမ်း၊ ရုရှားအတွက် သူလျှိုလုပ်နိုင်စွမ်း ထက်ဝက် လောက် လျော့ကျသွားတယ်လို့ ကျနော်တို့ ယူဆပါတယ်" လို့ MI6 အကြီးအကဲ ရစ်ချက်မိုးရ်က အမေရိ ကန်မှာ ကျင်းပတဲ့ ASF အက်စ်ပန် လုံခြုံရေးဖိုရမ်မှာ ပြောပါတယ်။
အမေရိကန် CIA နဲ့ ဗြိတိန် MI6 ဝန်ထမ်းတွေဟာ ကိက်ဗ်မှာ အမှန်တကယ်ရှိနေပြီး လေ့ကျင့်ရေးနဲ့ အခြားလှုပ် ရှားမှုများမှာ လုပ်ဆောင်နေကြောင်း အနောက်နိုင်ငံ လက်ရှိတာဝန်ထမ်းဆောင်နေသူများနဲ့ အရာရှိဟောင်း များက ပြောကြပါတယ်။ ဒါပေမဲ့ ယူကရိန်းနိုင်ငံအတွင်း သူတို့ရဲ့ ထောက်လှမ်းရေး စစ်ဆင်မှုများနှင့် ပတ်သက် ပြီး တာဝန်ရှိသူများကိုယ်တိုင် ပြောပြတာမျိုးက မရှိသလောက်ဖြစ်ပါတယ်။ အသေးစိတ်အချက်အလက်များကို လူသိရှင်ကြား ပြောဆိုခြင်း မရှိယုံမက သူတို့ရဲ့ နိုင်ငံရပ်ခြား လုပ်ငန်းဆောင်ရွက်မှုများအကြောင်း ဆွေးနွေးဖို့ လည်း မဖြစ်နိုင်ပါဘူး။
သမ္မတ ဂျော့ခ်ျဒဗလျူဘုရှ် ( ၂ဝဝ၂- ၂ဝဝ၉ ခုနှစ်) အတွက် ထောက်လှမ်းရေးအစီရင်ခံစာ အကျဉ်းချုပ်များကို နှစ်နှစ်ကြာ ရေးသားပေးခဲ့ရသူ မစ္စ ဝိုက်စ်ဂိုးလ်ကတော့ ယူကရိန်းစစ်ပွဲဟာ နိဂုံးချုပ်ဖို့ နီးကပ်လာနေပြီလို့ ဟော ကိန်း ထုတ်နေပါတယ်။ ဗလာဒီမာပူတင်ဟာ သူ့ရဲ့ ယူကရိန်း မူလရည်မှန်းချက်တွေကို မစွန့်လွှတ်ခဲ့ပေမဲ့ ဆုတ်ခွာပေးမှုများ အကြိမ်ကြိမ် ရှိနေတယ်လို့ ဆိုပါတယ်။
"ဒါဟာ မကြာခင်မှာ ပြီးဆုံးမှာတော့ မဟုတ်ပါဘူး။ အဓိကကျတဲ့အချက်က တစ်ဖက်နဲ့တစ်ဖက် ဘာ့ကြောင့် တိုက်ခိုက်နေကြရသလဲဆိုတာ နားလည်မှုပါပဲ။ ယူကရိန်းစစ်သားတွေက ဒါကို သိကြပါတယ်။ ရုရှစစ်သား တွေထဲမှာတော့ နားလည်သူ သိပ်မများပါဘူး”လို့ CIA ခွဲခြမ်းစိတ်ဖြာမှုဆိုင်ရာ လက်ထောက်ညွှန်ကြားရေးမှူး လင်ဒါဝိုက်စ်ဂိုးလ်က ပြောပါတယ်။
(Wall Street Journal., 22 November 2022, “ CIA Aims to Recruit Spies Among Russians Displeased With Ukraine War“ ကို ဆီလျော်အောင် ကောက်နှုတ်ဘာသာပြန်ဆိုသည်။
zawgyi version
ယူကရိန္းစစ္ပြဲကို မႏွစ္သက္သည့္ ႐ုရွားႏိုင္ငံသားတို႔အၾကား အေမရိကန္က သူလွ်ိဳေမြးရန္ အားထုတ္ေန
Htay Oung (NP News) - ႏိုဝင္ဘာ ၂၃
အလားအလာရွိတဲ့ ေအးဂ်င့္မ်ားကို တိုးျမႇင့္ေမြးျမဴသြားမွာျဖစ္ေၾကာင္း CIA ေထာက္ လွမ္းေရးေအဂ်င္စီရဲ႕ အႀကီး အကဲကိုယ္တိုင္ လူသိရွင္ၾကား ထုတ္ေဖာ္ေျပာဆိုျခင္းဟာ ၿပီးခဲ့တဲ့ႏွစ္ အဲ့ဒီရာထူးမွာ တာဝန္ယူၿပီးေနာက္ပိုင္း သူ႔ရဲ႕ ပထမဆုံးအႀကိမ္ လူလုံးထြက္ျပျခင္းနဲ႔ တစ္ခ်ိန္တည္းျဖစ္ေနတယ္လို႔ Wall Street Journal က ႏိုဝင္ဘာလ ၂၂ ရက္ကေရးသားပါတယ္။
ယူကရိန္းကို က်ဴးေက်ာ္ဝင္ေရာက္ျခင္းဟာ ႐ုရွားသမၼတ ဗလာဒီမာပူတင္အတြက္ အႀကီးအက်ယ္ က်ရႈံးမႈျဖစ္ၿပီး စစ္ပြဲကို မႏွစ္သက္သူ ႐ုရွားတို႔အၾကား အေနာက္ ႏိုင္ငံေထာက္လွမ္းေရးေအဂ်င္စီမ်ားအတြက္ အခြင့္အလမ္းေတြ ဖြင့္ေပးလိုက္သလို ျဖစ္လာရတယ္လို႔ ဗဟိုေထာက္လွမ္းေရးေအဂ်င္စီ CIA ရဲ႕ စစ္ဆင္ေရးလက္ ေထာက္ၫႊန္ၾကားေရးမႉး ေဒးဗစ္မာလိုက တကၠသိုလ္ေဟာေျပာပြဲတက္ေရာက္သူ ပရိသတ္မ်ားကို ရွင္းျပပါတယ္။
“မက်ဴးေက်ာ္ခင္ တစ္ရက္အလိုဟာ ပူတင့္အတြက္ အေကာင္းဆုံးအခ်ိန္ပါပဲ။ ယူကရိန္းကို အတင္းအၾကပ္ ဖိအားေပးတာ၊ ေနတိုးအေပၚ ၾသဇာေညာင္းၿပီး ႐ုရွားဟာ အင္အားႀကီးတဲ့ ႏိုင္ငံျဖစ္ေၾကာင္း သ႐ုပ္ျပႏိုင္တုန္းပဲ။ ဗလာဒီမာပူတင္ဟာ အဲ့ဒါေတြအားလုံးကို ျဖဳန္းတီးသလို လုပ္ပစ္လိုက္တယ္” လို႔ ေဂ်ာ့ဂ်္ေမဆင္ တကၠသိုလ္ ေဟဒင္စင္တာမွာ ေဒးဗစ္မာလိုက ေျပာပါတယ္။
“ကြၽန္ေတာ္တို႔လိုပဲ ႐ြံရွာမုန္းတီးေနတဲ့ ႐ုရွားသားေတြကို ကမာၻအႏွံ႔ ကြၽန္ေတာ္တို႔ လိုက္ရွာေနပါတယ္။ ဘာျဖစ္လို႔လဲဆိုေတာ့ ကြၽန္ေတာ္တို႔ အလုပ္လုပ္ဖို႔ လမ္းပြင့္ေနတာေၾကာင့္ ျဖစ္ပါတယ္"လို႔ အေမရိကန္ေထာက္လွမ္းေရး အႀကီးအကဲက ဆိုပါတယ္။
မာလိုရဲ႕ ရွားရွားပါးပါး လူသိရွင္ၾကား မွတ္ခ်က္စကားဟာ တကၠသိုလ္ ပါေမာကၡမ်ား၊ ဝန္ထမ္းမ်ားနဲ႔ ဖိတ္ၾကား ျခင္းခံရသူ ပရိသတ္ေရွ႕ေမွာက္ ၿပီးခဲ့တဲ့ သီတင္းပတ္မွာ ထြက္ေပၚလာျခင္း ျဖစ္ပါတယ္။ တနလၤာေန႔ ေဟဒင္စင္တာမွာ ေဒးဗစ္မာလိုနဲ႔ CIA ခြဲျခမ္းစိတ္ျဖာမႈဆိုင္ရာ လက္ေထာက္ၫႊန္ၾကားေရးမႉး လင္ဒါဝိုက္စ္ဂိုးလ္တို႔က ပူးတြဲေဟာေျပာခဲ့ၾကပါတယ္။ သူတို႔ဟာ သမၼတဂ်ိဳးဘိုင္ဒန္နဲ႔ အျခားအေမရိကန္ထိပ္တန္းအရာရွိမ်ားအတြက္ ေထာက္လွမ္းေရးဆိုင္ရာ အစီရင္ခံစာမ်ားကို အေခ်ာသပ္ေရးသားေပးရျခင္းမ်ားနဲ႔ ရွင္းလင္းတင္ျပမႈမ်ားကို တာဝန္ယူရသူမ်ား ျဖစ္ပါတယ္။
၂ဝ၂၁ ခုႏွစ္ ဇြန္လမွာ CIA ၫႊန္ၾကားေရးမႉး ဝီလ်ံဘန္းစ္က ရာထူးခန႔္အပ္ေပးခဲ့တဲ့ ေဒးဗစ္မာလိုဟာ အာရပ္ ဘာသာစကားကို ကြၽမ္းက်င္ပိုင္ႏိုင္စြာ ေျပာဆိုတတ္သူတစ္ဦးျဖစ္ပါတယ္။ ႏိုင္ငံရပ္ျခားရွိ စီအိုင္ေအဌာနခြဲ အႀကီးအကဲအျဖစ္ တာဝန္ထမ္းေဆာင္ခဲ့ဖူးၿပီး၊ ဗာဂ်ီးနီးယား၊ လန္ဂေလ စီအိုင္ေအ႐ုံးခ်ဳပ္ အႀကီးအကဲ အျဖစ္ လည္း အေရွ႕အလယ္ပိုင္း ေဒသအပါအဝင္ ဥေရာပအေရွ႕ေတာင္ပိုင္း ေဘာ္လကန္ေဒသႏိုင္ငံမ်ားဆိုင္ရာ မစ္ရွင္အေတာ္မ်ားမ်ားတို႔မွာ အေတြ႕အႀကဳံရွိသူတစ္ဦးျဖစ္ပါတယ္။
သူေျပာဆိုခ်က္ အမ်ားစုကေတာ့ ေဖေဖာ္ဝါရီလ ယူကရိန္းက်ဴးေက်ာ္မႈနဲ႔ပတ္သက္ၿပီး ႐ုရွားႏိုင္ငံသားတို႔အၾကား မေက်မနပ္မႈမ်ားအေၾကာင္း၊ စိတ္အခ်ဥ္ေပါက္ေနတဲ့ စစ္ဘက္ဆိုင္ရာအရာရွိေတြ၊ ဒဏ္ခတ္ပိတ္ဆို႔မႈမ်ား ေလ်ာ့ ပါးလာေစလိုတဲ့ ႏိုင္ငံေရးၾသဇာႀကီး ႐ုရွားသူေ႒းႀကီးေတြ ၾကားမွာ စီအိုင္ေအ ေအးဂ်င့္ေတြ စုေဆာင္းဖို႔ ေရခံေျမ ခံ ေကာင္းေတြ ျဖစ္လာေနေၾကာင္း သူ႔ရဲ႕ စီအိုင္ေအ အႀကီးတန္းအရာရွိေဟာင္းမ်ားရဲ႕ မၾကာေသးမီက ေျပာဆိုခ်က္ေတြနဲ႔ တစ္ထပ္တည္း ျဖစ္ေနပါတယ္။
အဲ့ဒီအထဲမွာ စီအိုင္ေအ သၾကၤန္အေျမာက္ပစ္သူေတြ ဘယ္ေလာက္ပါေနမလဲဆိုတာကိုေတာ့ မေျပာတတ္ပါဘူး။
ဒါေပမယ့္ ယူကရိန္းမွာ စစ္ေရးလႈပ္ရွားမႈေတြနဲ႔အၿပိဳင္ ဥေရာပတစ္ခြင္မွာလည္း လနဲ႔ခ်ီ ျပင္းထန္လာေနတဲ့ သူလွ်ိဳစစ္ပြဲဟာ အတိုင္းသား ေပၚလြင္ေနပါတယ္။
သူလွ်ိဳလုပ္တယ္လို႔ သံသယရွိတဲ့ ႐ုရွားသံတမန္ေတြကို ဥေရာပအစိုးရမ်ားက အေရအတြက္ ရာခ်ီ ႏွင္ထုတ္ခဲ့ၿပီး ေမာ္စကိုအစိုးရႏွင့္ ဆက္စပ္မႈမရွိဘဲ အျခားႏိုင္ငံရဲ႕ သူလွ်ိဳအျဖစ္ တရားမဝင္သူ ၂ ဦးထက္မနည္းကို ဖမ္းဆီးခဲ့ပါတယ္။ ကရင္မလင္ကလည္း ေမာ္စကိုနဲ႔ အျခား႐ုရွားၿမိဳ႕မ်ားရွိ အေမရိကန္သံတမန္အေရအတြက္ကို ျဖတ္ေတာက္ရန္ အမိန႔္ေပးထားၿပီး သူလွ်ိဳလုပ္ဖို႔ အခြင့္အလမ္းမ်ားကို သိသိသာသာ ကန႔္သတ္ေနပါတယ္။
႐ုရွားသူလွ်ိဳမ်ားအျဖစ္ သံသယရွိသူ ရာဂဏန္းအေရအတြက္ကို အေနာက္ဥေရာပအစိုးရတို႔က ႏွင္ထုတ္ ပစ္လိုက္ျခင္းဟာ ကရင္မလင္ရဲ႕ ေထာက္လွမ္းေရးယႏၲယားကို အျပင္းအထန္ ႐ိုက္ခ်ိဳးလိုက္ျခင္းျဖစ္ေၾကာင္း ၿဗိတိန္ႏိုင္ငံျခား ေထာက္လွမ္းေရးဌာန MI6 အႀကီးအကဲက ယခုႏွစ္ေႏြရာသီတုန္းက့ ေျပာခဲ့ဖူးပါတယ္။
“ေနာက္ဆုံးေတာ့ သံတမန္ေရးအရ လုပ္ေဆာင္ေနတဲ့ ႐ုရွားေျမာက္ပိုင္းေထာက္လွမ္းေရး အရာရွိ ၄၀၀ ကို ႏွင္ထုတ္လိုက္ပါၿပီ" “ယူေကမွာ သူတို႔ရဲ႕ အလုပ္လုပ္ႏိုင္စြမ္း၊ ႐ုရွားအတြက္ သူလွ်ိဳလုပ္ႏိုင္စြမ္း ထက္ဝက္ ေလာက္ ေလ်ာ့က်သြားတယ္လို႔ က်ေနာ္တို႔ ယူဆပါတယ္" လို႔ MI6 အႀကီးအကဲ ရစ္ခ်က္မိုးရ္က အေမရိ ကန္မွာ က်င္းပတဲ့ ASF အက္စ္ပန္ လုံၿခဳံေရးဖိုရမ္မွာ ေျပာပါတယ္။
အေမရိကန္ CIA နဲ႔ ၿဗိတိန္ MI6 ဝန္ထမ္းေတြဟာ ကိက္ဗ္မွာ အမွန္တကယ္ရွိေနၿပီး ေလ့က်င့္ေရးနဲ႔ အျခားလႈပ္ ရွားမႈမ်ားမွာ လုပ္ေဆာင္ေနေၾကာင္း အေနာက္ႏိုင္ငံ လက္ရွိတာဝန္ထမ္းေဆာင္ေနသူမ်ားနဲ႔ အရာရွိေဟာင္း မ်ားက ေျပာၾကပါတယ္။ ဒါေပမဲ့ ယူကရိန္းႏိုင္ငံအတြင္း သူတို႔ရဲ႕ ေထာက္လွမ္းေရး စစ္ဆင္မႈမ်ားႏွင့္ ပတ္သက္ ၿပီး တာဝန္ရွိသူမ်ားကိုယ္တိုင္ ေျပာျပတာမ်ိဳးက မရွိသေလာက္ျဖစ္ပါတယ္။ အေသးစိတ္အခ်က္အလက္မ်ားကို လူသိရွင္ၾကား ေျပာဆိုျခင္း မရွိယုံမက သူတို႔ရဲ႕ ႏိုင္ငံရပ္ျခား လုပ္ငန္းေဆာင္႐ြက္မႈမ်ားအေၾကာင္း ေဆြးေႏြးဖို႔ လည္း မျဖစ္ႏိုင္ပါဘူး။
သမၼတ ေဂ်ာ့ခ္်ဒဗလ်ဴဘုရွ္ ( ၂ဝဝ၂- ၂ဝဝ၉ ခုႏွစ္) အတြက္ ေထာက္လွမ္းေရးအစီရင္ခံစာ အက်ဥ္းခ်ဳပ္မ်ားကို ႏွစ္ႏွစ္ၾကာ ေရးသားေပးခဲ့ရသူ မစၥ ဝိုက္စ္ဂိုးလ္ကေတာ့ ယူကရိန္းစစ္ပြဲဟာ နိဂုံးခ်ဳပ္ဖို႔ နီးကပ္လာေနၿပီလို႔ ေဟာ ကိန္း ထုတ္ေနပါတယ္။ ဗလာဒီမာပူတင္ဟာ သူ႔ရဲ႕ ယူကရိန္း မူလရည္မွန္းခ်က္ေတြကို မစြန႔္လႊတ္ခဲ့ေပမဲ့ ဆုတ္ခြာေပးမႈမ်ား အႀကိမ္ႀကိမ္ ရွိေနတယ္လို႔ ဆိုပါတယ္။
"ဒါဟာ မၾကာခင္မွာ ၿပီးဆုံးမွာေတာ့ မဟုတ္ပါဘူး။ အဓိကက်တဲ့အခ်က္က တစ္ဖက္နဲ႔တစ္ဖက္ ဘာ့ေၾကာင့္ တိုက္ခိုက္ေနၾကရသလဲဆိုတာ နားလည္မႈပါပဲ။ ယူကရိန္းစစ္သားေတြက ဒါကို သိၾကပါတယ္။ ႐ုရွစစ္သား ေတြထဲမွာေတာ့ နားလည္သူ သိပ္မမ်ားပါဘူး”လို႔ CIA ခြဲျခမ္းစိတ္ျဖာမႈဆိုင္ရာ လက္ေထာက္ၫႊန္ၾကားေရးမႉး လင္ဒါဝိုက္စ္ဂိုးလ္က ေျပာပါတယ္။
(Wall Street Journal., 22 November 2022, “ CIA Aims to Recruit Spies Among Russians Displeased With Ukraine War“ ကို ဆီေလ်ာ္ေအာင္ ေကာက္ႏႈတ္ဘာသာျပန္ဆိုသည္။